Nubwo aya mazi agiye gukemura ikibazo kinini abaturage bo mu mirenge ya Nkunku, Nyakarenzo, Gashonga, Rwimbogo na Nzahaha bari bafite, haracyari abaturage abasaga 36% by’abatuye akarere ka Rusizi bagifite ikibazo cy’amazi meza; nk’uko ubuyobozi bw’akarere bubitangaza.

Iyo mirenge ya Rusizi yari ikomerewe no kutagira amazi meza. Ibi ngo byanagiraga ingaruka ku buzima bw’abayituye bitaretse n’abana bakererwaga amashuri kubera kubanza gushaka amazi nayo yabaga ari ibirohwa kandi mu bice bya kure.

Umuyobozi w’akarere ka Rusizi wungirije ushinzwe ubukungu n’iterambere, Habyarimana Marcel, yasabye aba baturage gufata neza uyu muyoboro kuko hakunze kugaragara ikibazo cy’imicungire y’ibikorwa rusange nk’ibi.

Mu rwego rwo kwirinda iyangirika ry’uyu muyoboro, akarere ka Rusizi karimo gutegura uburyo wazacungwa na rwiyemezamirimo cyangwa se ikigo cya EWSA.

Musabwa Euphrem