Banki y’abaturage y’u Rwanda yegukanye igihembo cya rwiyemezamirimo washuye imari kurusha abandi (Investor of the year) ikurukirwa na Nakkumat.
Entreprise URWIBUTSO yagukanye igihembo cya sosiyete nini yakoze neza mu gutunganya umusaruro ukomoka ku buhinzi (Agro processing), COPROVIBA nayo yahawe icyo gihembo ariko mu rwego rw’amasosiyete aciriritse (Best Small & Medium Enterprise).

Mu ikoranabuhanga (ICT) Tigo niyo yabaye iya mbere mu masosiyete manini naho mu masosiyete aciriritse igihembo gihabwa sosiyete yitwa Hoziana.
Mu kwikorera ibigurishwa ku giti cyayo (General Manufacturing) ni BRALIRWA mu bigo binini na SOFTGROUP mu bigo bito.

Mu bucyerarugendo ni SERENA HOTEL mu ibigo binini na RTUC mu ibigo bito.
Gucukura amabuye yagaciro (mining) ni WOLFRAM Mining mu ibigo binini na ALICOMEC mu bigo bito.

Amabanki (Financial) ni Banki ya Kigali (BK) mu ibigo binini na COMICOKA mu ibigo bito.

Mu bwubatsi ni REAL CONTRACTORS mu ibigo binini na UGENGE mu ibigo bito.
Mu gutanga serivisi nziza zihuse ni ikigo gishinzwe ibyinjira n’abasohoka mu Rwanda (IMMIGRATION&EMMIGRATION Office Rwanda).

Rwiyemezamirimo wa mbere w’umutegarugori yabaye MUKARUBEGA Zulfat naho rwiyemezamirimo ukiri muto (young investor) aba Jean de Dieu Kagabo (Softgroup).

Akarere ka Ruhango kegukanye umwanya wa mbere mu turere dufite imikoranire myiza n’abarwiyemeza mirimo.

Umuyobozi wa RDB, John Gara, yavuze ko RDB ishimishwa cyane no kubona ba rwiyemezamirimo bakomeza kuba benshi kandi banazamuka mu bukungu.

Yakomeje avuga muri aya magambo “uyu ni umuhango wo gushishikariza ba rwiyemezamirimo gukorana umurava dore ko RDB izakomeza gushyigikira ba rwiyemezamirimo mu kwiteza imbere banazamura ubukungu bw’igihugu”.

Mu ijambo yavuze, Ministiri w’Intebe, Habumuremyi Pierre Damien, yashyikirije abari bitabiriye uyu muhango ubutumwa Nyakubahwa Perezida Paul Kagame yaboherereje buvuga ko akurikije urwego iterambere mu Rwanda rigenda rigeraho, ashimishwa cyane n’urugaga rw’abikorera ku giti cyabo.

Habumuremyi yagize ati “Leta y’u Rwanda izakomeza gukora ibishoboka byose mu guteza imbere ba rwiyemezamirimo bityo nabo bagakomeza guteza igihugu imbere”.

Uyu muhango wari wanitabiriwe n’umuyobozi wungirije mukuru wa banki y’isi aherekejwe na minisitiri w’ubukungu, John Rwangombwa.

Jovani Ntabgoba