Uwo muhanda ni umwe mu mihanda Umujyi wa Kigali watangiriyeho gahunda yo kwagura imihanda ingana n’ibirometero 52 muri 2017.

Uwo muhanda utegerejweho koroshya ubuhahirane n’ubucuruzi, kuko ukoreshwa na benshi. Ubushize twari twabagejejejo uko umuhanda uturuka i Remera - Prince House kugera Rwandex uri gukorwa.

Kigali Today yarahanyarukiye kugira ngo irebe uko abagenzi bitabira kuwukoresha mu gihe imirimo yo kuwagura igeze ku musozo. Yabateguriye iyi nkuru mu mafoto:

Uyu muhanda urakoreshwa cyane ariko kuri uyu munsi iyi foto ifatwa byagaragaraga ko nta rujya n’uruza rwagaragaraga

Hariho inzira yagenewe abanyamaguru bitewe n’uko umuhanda w’imodoka zimanuka uri munsi y’uw’izizamuka

Ngiyo inzira y’abanyamaguru bava mu muhanda umwe bambukira mu wundi

Iyubakwa ry’uyu muhanda ryatumye n’inzu ziwegereye zivugururwa

Imodoka zashyiriweho umurongo ntarengwa wo guparikaho, utabangamira inzira y’abanyamaguru

Hagati y’imihanda yombi hazaterwa ubusitani

Aho hari ibitaka bizakurwaho, haterwe ubusitani

Buri gice cy’umuhanda kizajya kinyuramo imodoka ebyiri mu gihe mbere cyanyurwagamo n’imodoka imwe gusa

Ahatazaterwa ubusitani hagati y’umuhanda hazashyirwamo inzira z’abanyamaguru

Aha ni ku cyicaro gihuza ibikorwa bya Polisi yo mu muhanda

Ku nkengero z’imihanda ahari imikingo yatengukaga, hashyizwe ubusitani

Ahazwi nka Yamaha hatangiye kuza urujya n’uruza rw’imodoka nk’uko byari bisanzwe mbere

Amahururo y’imihanda ya Yamaha

Aha ni Nyabugogo werekeza mu Mujyi

Aha ni ku kiraro cyo ku muhanda werekeza mu Gatsata, naho imirimo yo kwagura umuhnda ugana i Karuruma igeze kure

Uyu muhanda nawo uzagurwa nk’iyo muri Kigali

Andi mafoto menshi ajyanye n’uyu muhanda kanda AHA

Amafoto: Plaisir Muzogeye