Dr. Rutagwenda Theogene yereka abo bashoramari ahazashyirwa urwuri mu ishamba rya Gako.

Aba bashoramari bahagarariye abanyenganda bo mu Mujyi wa Manisa bafite inganda mu gice cya Manisa Organised Industrial Zone bifuje kureba ibijyanye n’ubuhinzi n’ubworozi ndetse n’ubucuruzi bw’inyama maze bajyanwa mu ishyamba rya Gako ahateganywa gushyirwa urwuri hangana na hegitari ibihumbi 3001.

Dr. Rutagwenda Theonege yeretse abo bashoramari umushinga w’ibagiro ry’inyama urimo kubakwa mu ishyamba rya Gako n’inkeragutabara, babwirwa uko uteye ndetse n’uburyo bashaka ko uzaba umeze.

Bamwe mu bashoramari baje kureba aho bashora imari.

Mu magambo make uyoboye iryo tsinda ryabo bashoramari Sait C. Turek akaba anakuriye inama y’ubutegetsi y’abashoramari bo muri Manisa Organised Industrial Zone yavuze ko bakomeje ibiganiro na bagenzi babo ku buryo bashobora kuzana byinshi mu byo bakorera iwabo, bikanakorerwa mu Rwanda.

Umuyobozi w’intara y’iburasirazuba yereka abo bashoramari aho bayishora.

Urugendo rw’aba bashoramari bakaba barukomereje mu Karere ka Ngoma n’aka Rwamagana aho na ho bareba bimwe mu bikorwa bashoramo imari.

Andi mafoto abashoramari ba Turukiya bari mu Bugesera kureba aho bashora imari

Aha bari bamaze gusura ibagiro rya kijyambere ririmo kubakwa n’inkeragutabara.

Bari bafite igishushanyo mbonera cy’ahazashyirwa urwuri rw’amatungo.

Egide Kayiranga