Icyo gitaramo cyateguwe na RDB cyari kigamije kumenyekanisha ubwoko bw’inguge zitwa Impundu zibarizwa mu ishyamba rya Cyamudongo rigize pariki y’igihugu ya Nyungwe.

Nyuma y’ibiganiro bikangurira abaturage kwita no kubungabunga pariki y’igihugu ya Nyungwe kubera akamaro ifitiye abaturage n’igihugu, abaturage babajijwe ibibazo bijyanye n’ibyo biganiro ababitsinze bahabwa ibihembo bitandukanye birimo ibikoresho byo mu rugo, ibyo mu ishuri ndetse n’amasuka.

Impundu ni ubwoko bw’inguge ziba muri pariki ya Nyungwe.

Nyuma y’ibyo byose habayeho ubusabane hagati y’abakozi ba RDB n’abaturage. Igitaramo cyasusurikijwe na ba Kanyombya bazwiho udukino two gusetsa.

Nsabimana Theogene, umunyamabanga nshyingwabikorwa w’umurenge wa Nkugu yashimiye abaturage byimazeyo abasaba gufata iya mbere mu kubungabunga inyamaswa zibaha amafaranga bityo zikamenyekanisha igihugu cyabo n’umurenge wabo.

Musabwa Euphrem