Nk’uko byasobanuwe na Therese Musabe, umunyamabanga mukuru wungirije ushinzwe igenamigambi mu kigo Greater Virunga Transbondery collaboration, ngo buri mezi atandatu barahura, bagasangira ibitekerezo, maze buri wese akigira ku wundi.

Ati: “Buri wese yerekana aho iwabo bageze mu kubungabunga ama parike, maze abandi bakaba babagira inama, nyuma hakaza gufatwa imyanzuro yagendewe kubyagaragajwe”.

Kimwe mu bibazo bikomereye ibihugu bitatu bikora kuri parike y’ibirunga, ngo ni icy’inyamaswa zisohoka muri parike zikajya konera abaturage. Gusa ngo ingamba zirimo kubaka urukuta no gucukura umuferege kugirango inyamaswa zidasohoka zigenda zifatwa kugirango hatagira urengana.

Frederick Kizza uyobora urwego rushinzwe kurinda parike ya Rwenzori muri Uganda, avuga ko igihugu cyabo kiri mu nzira nziza mu gukemura ikibazo cy’inyamaswa zangiriza abaturage, aho babasha gutera ibihingwa bitonwa n’inyamaswa.

Kuri ubu hari inyigo yakozwe, kugirango hagaragazwe ingaruka z’ingamba zifatwa kugirango inyamaswa zitabasha konera abaturage. Iyi nayo ngo bazayisuzumira muri iyi nama.

Jean Noel Mugabo