KT TV
Inkoni y’Umwamikazi mu Rwanda: Ku munsi wa kabiri yatambagijwe muri Pariki ya Nyandungu
Inkoni y’Umwamikazi w’u Bwongereza Elizabeth II iri mu Rwanda muri gahunda yo kuyitambagiza ibice bitandukanye by’umujyi wa Kigali. Iyi nkoni y’Umwamikazi w’u Bwongereza yageze mu Rwanda ku wa Kabiri tariki ya 9 Ugushyingo 2021.
Nk’uko bisanzwe, mbere y’imikino ya Commonwealth ihuza ibihugu bikoresha ururimi rw’Icyongereza, Umwamikazi w’u Bwongereza agenera ubutumwa ibihugu bizayitabira aho abucisha mu nkoni izenguruka ibyo bihugu byose ariko ubwo butumwa bugasohozwa mbere ho umunsi umwe ngo irushanwa ribe.
U Rwanda ni igihugu cya cumi iyi nkoni iri gutambagizwamo mu bihugu bikoresha ururimi rw’Icyongereza mu gihe izazenguruka ibihugu 72 mbere y’uko imikino ya Commonwealth izakinirwa i Birmingham mu mwaka utaha wa 2022 mu kwezi kwa karindwi.
Ku gicamunsi cyo kuri uyu wa Gatatu tariki 10 Ugushyingo 2021, iyi nkoni yatambagijwe muri Pariki y’ubukerarugendo ya Nyandungu iherereye mu Mujyi wa Kigali. Uyu muhango witabiriwe na Minisitiri wa Siporo madamu Munyangaju Aurore Mimosa,Uumuyobozi w’Umujyi wa Kigali Pudence Rubingisa n’abandi bayobozi batandukanye.
Ku mugoroba w’uyu munsi, iyi nkoni yakomereje mu ishuri rya Lyceé de Kigali riherereye mu Karere ka Nyarugenge mu Murenge wa Nyarugenge mu Kagari ka Kiyovu ahabereye umukino wa Basketball wo mu bwoko bwa Three on Three 3x3 (Abahungu) mu rwego rwo guhuza Siporo n’uburezi.
Iyi mikino ya Commonwealth ihuza ibihugu bikoresha ururimi rw’Icyongereza u Rwanda rumaze kuyitabira inshuro 3 rwikurikiranya, ni ukuvug muri 2010, 2014 na 2018. Imikino itaha ya 2022 izabera mu gihugu cy’u Bwongereza mu mujyi wa Birmingham aho biteganyijwe ko n’u Rwanda ruzahagararirwa mu mikino itandukanye.
Great to see #QBR2022 arrive in Rwanda. The baton represents the unity and shared values of the diverse Commonwealth family. Pleased that #Rwanda is part of this celebration as we look forward to #CHOGM in Kigali and the Commonwealth Games in Birmingham #OnTheWayToBirmingham2022 pic.twitter.com/VSZMMTvzRC
— Lord (Tariq)Ahmad of Wimbledon (@tariqahmadbt) November 10, 2021
Hosting the Queen’s Baton Relay at Nyandungu Eco- Tourism Park, is the sign of environmental protection initiatives between Rwanda and UK and also athletes are encouraged to be environmental activists in the community, #QBR2022InRwanda (3/3) pic.twitter.com/2ZHBEFBwgH
— City of Kigali (@CityofKigali) November 10, 2021
Was a pleasure to officiate together with HE @omardaair at today’s #QBR2022 function at #NyandunguUrbanEcoTourismPark! We look forward to more joint programs promoting sports and healthy environment. @UKinRwanda@RwandaMFA@REMA_Rwanda https://t.co/jA2Ho4WmEH pic.twitter.com/TPM1aerJjv
— Aurore Mimosa Munyangaju (@AuroreMimosa) November 10, 2021
Ibitekerezo ( 3 )
Ohereza igitekerezo
|
|
Muvandimwe uramenye ntukagaye ibibera hano ku isi kuko byose nibyo Imana iba yarateguye kuko nuwo Mwami niyo imugena
Ibindi byo kwishima no kwishimisha bibera hano ku isi gusa ntahandi uzabibona,ubwo rero Uwo Imana izashoboza akabasha kubikora ntibizagucike kuko ntahandi uzajya ngo ubikore
Ibintu bibera muli iyi si birasekeje.Wagirango “inkoni y’umwamikazi” ivuye ahandi hatari ku isi.Queen Elisabeth,ni umuntu nk’abandi.Asigaje imyaka mike cyane yo kubaho,agapfa akajya mu gitaka,akibagirana.Abantu aho gushaka imana nkuko ibidusaba,usanga bibera mu by’isi gusa.Tujye dushaka Imana tukiriho,kugirango izatuzure ku munsi wa nyuma nkuko Yezu yavuze.
Ibintu bibera muli iyi si birasekeje.Wagirango “inkoni y’umwamikazi” ivuye ahandi hatari ku isi.Queen Elisabeth,ni umuntu nk’abandi.Asigaje imyaka mike cyane yo kubaho,agapfa akajya mu gitaka,akibagirana.Abantu aho gushaka imana nkuko ibidusaba,usanga bibera mu by’isi gusa.Tujye dushaka Imana tukiriho,kugirango izatuzure ku munsi wa nyuma nkuko Yezu yavuze.