Ikiyaga cya Ruhondo gikikijwe n’udusozi tubereye ijisho

Ikiyaga cya Burera kirohwamo n’umugezi wa Rugezi, Burera ikavamo umugezi wisuka mu kiyaga cya Ruhondo, Muri Ruhondo hagasohokamo umugezi wa Mukungwa utanga amazi yifashishwa mu gutanga umuriro w’amashanyarazi ku rugomero rwa Mukungwa II.

Ukigera kuri icyo kiyaga, uhasanga amafu n’umuyaga uhehereye umanuka hejuru y’ikirunga cya Muhabura. Hari kandi ishusho nziza cyane y’uruhererekane rw’ibirunga bitanu bitandukanya u Rwanda, Uganda na Congo Kinshasa. Ni agace kadasanzwe k’ubukerarugendo.

Icyo kiyaga gifasha abagituriye kuko kibonekamo amafi ndetse n’amazi yacyo akifashishwa n’abahinzi mu gihe buhira imyaka yabo.

Ikirere cyo muri aka gace kiba gisa neza

Haba umuyaga uhehereye kandi haratuje ku buryo kuharuhukira bitagira uko bisa

Inkengero z’icyo kiyaga ziriho ubwatsi butoshye

Icyo kiyaga gitanga amafi atuma abagituriye barya iryo yuzuye bakanasagurira amasoko

Uru rugomero rutanga amashanyarazi ku buryo abaturage benshi bahatuye bamaze kuyahabwa

hahora imyaka itoshye kuko idahura n’ikibazo cyo kubura amazi

Bakungahaye ku buhinzi bw’amasaka, ahora atoshye kubera amazi aturuka muri Ruhondo

Muri ako gace kandi, hera urutoki rwiza

MENYA UMWANDITSI

KT Editorial

Abanyamakuru ba Kigali Today

@ kigalitoday

Reba inkuru zose nanditse ( 2941 )