KT TV
Ntabwo ari ubwa mbere umutambagiro mutagatifu usubitswe – Mufti w’u Rwanda
Umuyobozi w’Idini ya Islamu mu Rwanda(Mufti), Sheikh Salim Hitimana aravuga ko umutambagiro mutagatifu Abayisilamu bakorera i Macca atari ubwa mbere usubitswe, kuko umaze gusubikwa inshuro zisaga 40 mu bihe bitandukanye.
- Sheikh Hitimana Salim
Sheikh Hitimana abitangaje mu gihe ubwami bwa Arabia Saoudite bwafashe icyemezo cy’uko umutambagiro mutagatifu muri uyu mwaka wa 2020 uzitabirwa n’abantu bake kuri ubu bari muri Arabia Saoudite, Abayisilamu bazaba baturutse mu mahanga bakaba batazemererwa kujya mu mutambagiro.
Mufti w’u Rwanda ati “Ntabwo ari ubwa mbere gusubika ibikorwa by’umutambagiro bibayeho, amateka atugaragariza ko bimaze gusubikwa inshuro zirenga 40 kuva isi yaremwa bitewe n’impamvu zitandukanye nk’indwara z’ibyorezo zagiye zigaragara mu bihe byashize, intambara zaranze kariya karere aho wasangaga ziteza ibibazo by’imyiryane y’imiryango, hagati y’amoko, hagati y’ibihugu, hari igihe umuntu ugiye i Macca yabaga adatekanye kubera kugaragaramo abambuzi n’ibisambo, hari ibibazo by’umutekano mukeya icyo gihe ntabwo higeze hakorwa umutambagiro mutagatifu.”
Abanyamahanga babujijwe kujya mu mutambagiro mutagatifu mu gihe mu Rwanda hari Abayisilamu bagera kuri 20 bari bamaze kugaragaza ko bafite ubushake bwo kuzajya mu mutambagiro muri iyi mpeshyi.
Umutambagiro mutagatifu ni igikorwa cyatangijwe na Abraham afatanyije n’umuhungu we Ismail. Mufti w’u Rwanda avuga ko Intumwa y’Imana Muhamad ari we waje gutangiza ku mugaragaro icyo gikorwa mu mwaka wa 9 wa Hijiri (ugendeye ku ndangaminsi y’Abayisilamu) umutambagiro mutagatifu ukaba ukorerwa i Macca mu ngoro yubatswe na Abraham n’umuhungu we Ismail.
Mufti w’u Rwanda yasabye Abayisilamu bo mu Rwanda kudacika intege cyangwa ngo bagire agahinda kuko igikorwa cy’umwemeramana iyo agitekereje hakavuka izindi mbogamizi Imana itabura kumushima. Yabasabye kandi gukomeza kwirinda icyorezo cya COVID-19 kugira ngo kirangire vuba ibikorwa by’Abayisilamu birimo n’umutambagiro mutagatifu bizasubukurwe vuba ku Bayisilamu bose.
Inkuru zijyanye na: Coronavirus
- Imirenge imwe n’imwe yashyizwe muri Guma mu Rugo
- Hari uburyo bubiri (2) bwo kwipima Covid-19 burimo kugeragezwa – Dr Nsanzimana
- #COVID19: Abantu 15 bitabye Imana, abakingiwe ni 1,171
- Umubare w’abapfa ku munsi ntiwawushingiraho ngo uvuge ko icyorezo cyagabanutse - Dr. Nsanzimana
- RBC yongeye gupima Covid-19 mu buryo bwa rusange muri Kigali
- RBC yemeje ko Pfizer na AstraZeneca zihashya cyane Covid-19 izwi nka Delta (Ubushakashatsi)
- #COVID19: Abanduye bashya 1,309 babonetse mu bipimo 22,818
- RBC yagaragaje ibyavuye mu gupima COVID-19 mu buryo bwagutse muri Kigali
- Kujenjeka kuri COVID-19 ni uguha icyuho urupfu - Meya wa Nyagatare
- #COVID19: Mu Rwanda abantu 1,104 bakize, abapfuye ni 16
- Muhanga: Udusoko twa ‘Ndaburaye’ turafunze kubera ko twakwirakwiza Covid-19
- Mu Rwanda abandi bantu 11 bishwe na #COVID19
- Video: Uko abanyeshuri barwaye COVID-19 barimo gufashwa gukora ikizamini cya Leta
- #COVID19: Mu Rwanda abakize ni 1005, abapfuye ni 17
- Biteguye gukora ibizamini bubahiriza amabwiriza yo kwirinda Covid-19
- Burera: Abasaga 70 basanzwe mu birori ku Muyobozi w’Umudugudu
- #COVID19: Abarwayi bashya 2,773 babonetse mu bipimo 73,608
- Abagorozi 38 bafatiwe ku musozi basenga barenze ku mabwiriza yo kwirinda Covid-19
- Abantu 10 mu basaga 230 basengeraga ku musozi wa Kanyarira babasanzemo COVD-19
- Barishimira ko gupimwa Covid-19 byabegerejwe
Ibitekerezo ( 2 )
Ohereza igitekerezo
|
|
ijambo Mufti w’u Rwanda bisobanuye ko ariwe wa nyuma ukemura ibibazo by’ubutabera mu Rwanda.
bagombaga kuvuga Mufti w’Abayisilamu
Ariko igitangaje nuko usanga AMADINI apingana.Nta Muslamu wajya gusengera I Kibeho.Cyangwa Umukristu wajya gusengera I Maka.Aha hakavuka ikibazo:Ese koko Imana yemera amadini yose?YESU aza ku isi,yahasanze AMADINI menshi cyane.Muli ISRAEL honyine,yahasanze amadini arenga 4:Abafarisayo,Abasadukayo,Abasamaritani,Essenians,etc...Ntabwo yababwiye ngo "byose ni ugusenga" nkuko abantu b’iki gihe bavuga.Yababwiye ko ushaka ko imana imwemera,amukurikira.Ati nijye NZIRA y’ukuri jyenyine.Nubwo Abafarisayo basengaga cyane,yarababwiye ati:"Mukomoka kuli SATANI" (Yohana 8:44).Niyo mpamvu abantu bavuye mu madini yabo,bakajya mu idini ya YESU yitwaga "Abakristu". Balimo ba Pawulo,Petero,Yohana,Barnabas,etc...babaga mu idini y’Abafarisayo.Niyo mpamvu no muli iki gihe,Imana idusaba "gushishoza",aho gupfa kujya mu idini yose.Bisaba kubanza kwiga neza bible,kugirango umenye neza ibyo Imana idusaba n’ibyo yigisha.Urugero,nta hantu na hamwe bible havuga ko Imana ari Ubutatu.