Abayobozi n’abakozi ba ISOKO SACCO Gasabo basura urwibutso rwa Ntarama

Ubu urwibutso rwa Ntarama, rwashyizwemo inzu y’amateka asobanura iby’itotezwe Abatutsi banyuzemo kuva cyera.

Muri iyi nzu y’amaeka, bagaragaza ko Umututsi wa mbere yageze mu Bugesera mu 1959 avanwe i Nemba mu yahoze ari Perefegitura Ruhengeri, abandi baza bimuwe i Byumba, Gikongoro na Butare babanza kubatuza mu nkambi.

Amateka agaragaza ko n’ubwo Ubugesera bwari butuwe no ku gihe cy’ubwami, hari abaturage bacye, kubera isazi ya Tsetse yari ihafite amatwara, kubera imiterere y’ikirere cyaho, cyarangwaga n’ubushyuhe yishimira.

Kuruma abantu n’amatungo yabo byasaga nko kwitabara kw’iyo sazi, cyangwa gushaka ibyo kurya, icyo kibazo kiracyariho mu Ntara y’Ibirasirazuba, aho aborozi bahora bahanganye na Tsetse, kuko iyo irumye inka ihaka, ihita iramburura.

Mu myaka ya 1960 Guverinoma yaje gufata abari mu nkambi, ibashyira mu miturire yateguwe, (Paysannats) hafi y’Ikiyaga cya Rweru n’Umugezi w’Akanyaru.

Iyo gahunda yatumye Abatutsi benshi bakomeza koherezwa mu Bugesera, kugera mu myaka ya 1960 nk’uko ibimenyetso biri ku Rwibutso rwa Jenoside rwa Kigali, na Ntarama bibigaragaza.

Kugeza 1969, Imidugudu yateguwe yari imaze guturwa ku kigero cya 77%. Abimuwe bavuye cyane cyane mu yahoze ari Perefegitura Gikongoro bari bageze kuri 37%, Butare 44%, aha haje no kwiyongeraho impunzi z’Abarundi zari zihunze imidugararo y’iwabo, bo bageraga kuri 19%.

Impunzi z’Abarundi akandi kaga ku Batutsi mu Bugesera

Nyuma yo kubona ko Abatutsi bihagazeho imbere y’isazi ya Tsetse, Leta y’u Rwanda yakiriye impunzi z’Abahutu b’Abarundi, maze izituza hamwe n’Abatutsi mu Midugudu yari yarashyizweho.

Prof Dusingizemungu Jean Pièrre, Umu senateri mu Nteko Ishinga Amategeko avuga ko abo Bahutu b’Abarundi, yari indi ntwaro izafasha Leta kurimbura Abatutsi, kandi koko bakoze Jenoside aho mu Bugesera.

Agaragaza ko ari nako byagenze ku bari baratujwe mu nkambi ya Nyagahama ku Mayaga ahahoze ari Komini Ntongwe, aho abo Barundi batatiyinyaga no kwica Umututsi bakamukuramo umutima bakawurya babanje kuwotsa.

Ba Perezida Sylvetre Ntibantunganya na Cyprien Ntaryamira bari muri izo mpunzi

Leta y’icyo gihe yari yarimye Abatutsi amahirwe yose abaho, uretse gusa kubategeza Tsetse.

Nta mashuri, nta mavuriro, nta mazi nta mashanyarazi, nta n’aho gusengera bagiraga.

Ariko impunzi z’Abarundi zikihagera, zahise zubakirwa ikigo cy’amashuri cya Collège RILIMA.

Ubu cyitwa GS Saint-Aloys RILIMA, ni naho hize abo baje kuba ba Perezida b’Uburundi Sylvestre Ntibantunganya na Cyprien Ntaryamira.

Cyprien Ntaryamira

Umukozi w’urwibutso rwa Jenoside yakorewe Abatutsi rwa Ntarama, avuga ko kuba Abatutsi bari barimwe amashuri, impunzi z’Abarundi zaza zigahita zubakirwa ishuri rya RILIMA, ari kimwe mu bikorwa bigaragaza ko nta neza namba Leta yashakiraga abaturage bayo.

Mbere ya 1973 aho hashyizwe ishuri hari hasanzwe hatuwe, ariko nta kigo gikomeye cy’amashuri yisumbuye cyari gihari.

Mu myaka ya 1970, nyuma y’ubuhunzi bwa 1972 ku Barundi, Rilima yakiriye abana b’impunzi z’Abahutu b’Abarundi benshi, irera abayobozi nka Cyprien Ntaryamira na Sylvestre Ntibanyunganya.

Agira ati, "Buriya kiriya kigo cya Rilima cyubatswe ari uko impunzi z’Abarundi zije aha, ibaze kubona aho umunyamahanga arusha agaciro umunyagihugu, Abarundi bize neza ku buryo bamwe muri izo mpunzi, baje no kuvamo ba Perezida b’Uburundi"

Sylvestre Ntibantunganya

Aya ni amwe mu mateka abakozi ba ISOKO SACCO Gasabo bashoboye kwimenyera ubwo basuraga uru rwibutso rwa Ntarama kuwa 13 Kamena.

Umuyobozi w’Inama y’Ubutegetsi ya ISOKO SACCO Gasabo Ndizihiwe Boniface, yashimiye Leta y’Ubumwe bw’Abanyarwanda, iyobowe na Nyakubahwa Prezida Paul Kagame, itekerereza abaturage bose nta vangura.

Agira ati, "Turifuza ko ibyabaye bitakongera ukundi, niyo mpamvu tuza gusura urwibutso, twize ko Umunyarwanda wese afite agaciro. Leta nziza ni ifasha abaturage kwiteza imbere. Nk’ubu hashyizweho service nziza z’imari za District SACCO. Ibintu byiza tubona Leta ikora biduha icyizere ko nta Leta izongera gutegura Jenoside".

Urwibutso rwa Ntarama ruruhukiyemo imibiri y’Abatutsi bishwe muri Jenoside isaga 5.000, benshi biciwe muri Kiliziya ya Ntarama bari bahungiyemo.

Kubera politiki ya Leta y’ubuyobozi bwa Juvenal Habyarimana yiswe iringaniza, abana benshi b’Abatutsi bangiwe kwiga, maze ababyeyi babo bagerageza kwishyira hamwe, bashinga amashuri yigenga.

Politiki y’iringaniza yari ishyize imbere guheza abana b’Abatutsi mu mashuri, kuko yakoreshaga uburyo bwitwa kwemererwa, bivuze ko umwana w’Umututsi watsindaga ibizamini bya Leta yemererwaga kwiga cyangwa bakamwangira.

Ababyeyi b’abo bana bakomeje kwinubira uburyo abana babo babuzwa amahirwe yo kwiga, ari naho havutse igitekerezo cyo gushinga amashuri yigenga mu Rwanda.

Aho niho bashinze ibigo nka APACOPE mu mujyi wa Kigali, ndetse na COLLEGE ACEJ Karama i Muhanga, na Collège APPEC Remera-Rukoma, maze abo bana batangira kwiga, ariko n’ubundi bahohoterwa kugeza bishwe muri Jenoside yakorewe Abatutsi mu 1994.

Kuri ACEJ Karama ubwayo hishwe abanyeshuri 46 b’Abatutsi, Umuyobozi w’ishuri n’abarimu bane, amazina yabo akaba yanditse ku rukuta rw’amateka muri icyo kigo ari naho bibukirwa buri mwaka.

Ibyabereye muri Collège ACEJ Karama birenze Kamere

Mu gikorwa cyo kwibuka ku nshuro ya 32 Jenoside yakorewe Abatutsi, ku kigo cya ACEJ Karama, umuyobozi w’Akarere ka Muhanga Kayitare Jacqueline, yavuze ko ibyabereye muri iryo shuri, birenze indangagaciro z’uburezi.

Kayitare avuga ko ACEJ Karama yabereyemo ihohoterwa n’itotezwa ku Batutsi, kugeza ubwo abanyeshuri, abarimu n’uwayoboraga icyo kigo, bapakirwaga mu modoka za Gisirikare, bakajya gukorerwa iyicarubozo.

Agira ati, "Uyu ni umwanya wo kuzirikana inkomoko y’ayo mateka mabi, yageze no mu mashuri, aho Umututsi yatotejwe birenze kamere muntu, abakobwa bafatwa ku ngufu, abarimu n’Umuyobozi w’iri shuri bagatotezwa mu bugome bukabije kugeza bishwe".

Agaragaza ko Kwibuka mu bakiri bato ari ukubaha ukuri ku mateka, kugira ngo abakigerageza kuyagoreka, bajye basanga abana bateguye neza.

Agira ati, "Mujye muha agaciro uyu mwanya, kandi turabizeza ko tuzakomeza kugendana muri uri rugendo rw’ubumwe n’ubudaheranwa, kuko ni mwe cyizere cy’Igihugu cy’ejo hazaza."

Umuyobozi wa ACEJ Karama Yousuf Bisangabagabo avuga ko kwibuka abari abanyeshuri n’abarimu, ari uburyo bwo kwigisha abana amateka ya Jenoside, no kubaha ubutumwa bubafasha guhangana n’ingengabitekerezo ya Jenoside, hagamijwe kubaka ejo hazaza heza.

Agira ati, "Abarimu abanyeshuri n’Umuyobozi w’iri shuri bishwe bazira uko bavutse, niyo mpamvu tugira umwihariko wo kwibuka mu ishuri ryacu, nko gushimangira uburere buzira ivangura n’amacakubiri, kugira ngo ibyabaye aha bitazongera ukundi".

Komiseri ushinzwe ibikorwa byo Kwibuka, mu muryango uharanira inyungu z’Abarokotse Jenoside yakorewe Abatutsi IBUKA mu Karere ka Muhanga Shyaka Gaspard, asaba abanyeshuri kurushaho kubaka ubumwe bwabo, binyuze muri za Club z’Ubumwe n’Ubudaheranwa, zasimbuye imiryango ya AERG mu mashuri.

Abanyeshuri ba ACEJ Karama bagaragaje ibihangano by’indirimbo, n’imikono igaragaza ko Jenoside n’ingengabitekerezo yayo, bidakwiye mu bato, kandi ko biteguye guhangana n’abapfobya bakanahakana Jenoside yakorewe Abatutsi.

Kayizari Jean Damascene

Yabitanzemo ubuhamya ubwo hibukwaga imiryango y’Abatutsi yazimye muri Jenoside yakorewe Abatutsi mu Karere ka Muhanga, ahagaragajwe ko muri rusange imiryango yazimye isaga ibihumbi 15, igizwe n’Abatutsi ibihumbi bisaga 69 mu Gihugu hose, barimo imiryango 96 yo mu Karere ka Muhanga.

Avuga ko yagombaga gukora ubukwe muri Kamena 1994, yaramaze no kohereza inka y’inkwano kwa Sebukwe i Kayenzi mu Ruyobe, ariko iyo nyana yakoye iza kurwara biba ngombwa ko bayibaga ku wa 05 Mata 1994, ariko akabimenyeshwa kugira ngo azabone uko ashumbusha afite amakuru y’impamo kuri iyo nkwano ye.

Kayizari avuga ko indege ya Habyarimana yahanuwe ari i Kayenzi aho yari yagiye gukurikirana iby’iyo nkwano ye, ariko nyuma aza kugaruka iwabo i Butare aho yaje kuva agahungira kwa muramu we witwaga Sebasaza.

Uwo Sebasaza yakoraga akazi ko kurinda Perefegitura y’Umujyi wa Kigali, akaba yari afite imbunda y’akazi yavanye i Kigali akaza kuyirindisha umuryango we urimo na Kayizari wari warahahungiye.

Interahamwe zaje guhuruza Abajandarume b’i Gitarama bavuga ko Sebasaza arimo kurasa Abahutu, kuko ngo yajyaga arasa hejuru ibitero bikiruka, bityo umuryango we akomeza kuwurinda, ari nako abashakaga kubica bakomeza kuhagendagenda.

Bibutse imiryango y’Abatutsi yazimye

Kayizari avuga ko abajandarume bamaze kuza gusaka Abatutsi bihishe kwa muramu we, bijeje Sebasaza ko impamvu ibazanye ari ukumujyana kumushinga umutekano wa Segiteri Rutongo, ariko we abona ko ari wo munsi wa nyuma, kuko akimara kubaha iyo mbunda yakoreshaga, bahise bicira aho umwe mu bo yari ahishe.

Agira ati, “Yumvise baje yambara imyenda y’akazi afata imbunda ye ahagarara mu muryango, abaha iyo mbunda yari afite, maze binjira mu nzu baransohora na mubyara wanjye n’uwitwa Celestin wari umwarimu bari barashakishije i Kabagayi bahita bamwicira aho, bamutemaguye bamucagaguramo inyama nyinshi”.

Kayizari avuga ko yahise ava kwa Sebasaza, ajya kwihisha kwa Sebukwe, aragaruka ariko ibitero bikomeza kuza gusaka ndetse biza no kwica Sebasaza n’umugore we n’abana babiri, ubu uwo muryango warazimye.

Umuhungu twari kuzarongorera rimwe yampishe mu mwobo w’umusarane wa metero enye

Kayizari avuga ko yihishe mu muringoti wari mu rutoki, maze abaje gusahura batema ibitoki amakoma amugwaho ntibaba bakimubonye, ku buryo yahabaye agasa nk’uwahapfiriye kuko, yabonaga abasahura bamuca hejuru batema ibitoki.

Agira ati, “Ubu nzi gupfa kuko nyuma yo kwica Cyprien na mushiki wanjye, abaje gusahura basanze hari ahantu naraye, maze barahuruza ngo bashakishe mbona amahiri n’imipanga, ariko nicwa n’ubwoba ndahwera, nza gukanguka nsanga ntwikiriwe n’amakoma, mbona ndacyari muzima”.

Avuga ko muri urwo rutoki yahamaze iminsi itatu, ahirirwa anaharara, maze uwitwa Innocent bari mu kigero kimwe na we wari hafi yo kurongora, aza kuhamusanga amujyana mu nzu ze amuhisha mu mwobo w’umusarane wa metero enye z’ubujyakuzimu.

Agira ati, “Innocent yazamutse areba urutoki rwe kuko aho nari nihishe kwa Sebasaza hari kwa Sewabo, maze anyuzeho isazi ziratumuka, yitegereje asanga ni njyewe waboreyemo, aranjyana afata umwobo w’umusarane afata indobo adahamo umwanda wari waragezemo, maze asasamo ibintu aramanura ampishamo arongera atinda wa musarane, nkajya mpumekera ku kenge gasanzwe gacamo umwanda”.

Avuga ko kugira ngo arye byasabaga ko uwo Innocent acunga mu rugo batetse byajya gushya akahava, kugira ngo baze kumusigira ibyo kurya, maze yatahuka akabigabanyamo kabiri akajya kubishyira Kayizari hashira ibyumweru bitatu.

Agira ati, “Innocent Imana ijye imuha umugisha yaranjyanye anshyira muro uwo musarane, akajya afata ibyo kurya bye akagabanyamo kabiri, akanzanira mo aho hasi akanyuza muri kakenge, nkumva agapfunyika kanyikubiseho, ni uko nabayeho kugera inkotanyi zije, zinsanga mu nzu za Innocent kuko iwabo bagiye guhunga yari yabanje kunkura muri uwo musarane”.

Umukobwa nasabaga ni we nahise ndongora, abana banjye bari kurangiza Kaminuza

Kayizari avuga ko nyuma y’uko Inkotanyi zibohoye Igihugu, yakomeje gahunda ye yo gushinga umuryango, maze mu kwezi kwa Nzeri 1994, arongora inshuti ye yari yarakoye, barabana barabyara ubu bafite umuryango umeze neza.

Agira ati, “Wa mukobwa nahise murongora, mu kwezi kwa Nzeri, maze turabyara umuryango uraguka, mbanye neza n’abaturanyi, twarabyaye umuryango uraguka abana bamwe barangije kaminuza, ndashima Inkotanyi zaduhaye ubuzima, mu gihe imwe mu miryango yacu yazimye burundu”.

Mu Murenge wa Kabacuzi habarurwa imiryango 16 y’Abatutsi yazimye, yari igizwe n’abasaga 70, harimo n’uwa muramu wa Kayizari aho yihishaga, Sebasaza wicanwe n’umugore we n’abana babiri.

Babisabwe mu gikorwa cyo kwibuka ku nshuro ya 32 abikorera bazize Jenoside yakorewe Abatutsi, aho ubuyobozi bw’Akarere bwabagaragarije uko bamwe mu banyamafaranga, bayakoreshejeje mu gutera inkunga no gukora Jenoside.

Perezida w’Inama Njyanama y’Akarere ka Muhanga, Nshimiyimana Gilbert, atanga ingero z’abanyamafaranga bateguye, bakanashyira mu bikorwa Jenoside yakorewe Abatutsi, ku isonga haza Kabuga Félicien uherutse gupfa agikurikiranwa n’ubutabera ku byaha bya Jenoside.

Agaragaza kandi abacuruzi bakomeye nka Kamali Isaac n’uwitwa Ngarambe, batanze imodoka zabo n’amafaranga ngo bifashe Interahamwe kwica Abatutsi.

Umuyobozi w’Inama Njyanama y’Akarere ka Muhanga, Nshimiyimana Gilbert, asaba abikorera kwitandukanya n’abanyemari bakoze Jenoside

Agaragaza ko na n’uyu munsi ingengabitekerezo ya Jenoside igihari, kandi ko n’abikorera bafite inshingano yo kuyikumira no kuyirwanya, kuko abayifite cyane bari ku mipaka ihana imbibi n’u Rwanda.

Agira ati, "Turasaba ko abikorera n’uyu munsi batandukana n’imigirire nk’iy’abashoye ubutunzi bwabo muri Jenoside. Kugira amafaranga ariko ukanagira ingengabitekerezo ya Jenoside ni icyorezo, ni akaga ntimukwiye kuzamera nka bariya batangaga imodoka zo kwikorera Interahamwe, zijya kwica no gutanga imihori yo gutema Abatutsi".

Umuyobozi w’Akarere ka Muhanga Kayitare Jacqueline avuga ko Abatutsi benshi baganaga iy’ubucuruzi, kuko babaga barimwe amahirwe yo kwiga ngo bazakore indi mirimo, ariko bishwe na bagenzi babo muri Jenoside banabasahura ibyabo.

Agira ati, "Kwibuka abikorera ni umwanya wo kuzirikana uko bishwe bazira uko bavutse, tunagaya abacuruzi bashoye imari yabo muri Jenoside aho gufasha abahigwaga, tunashimira uruhare abikorera uyu munsi bagira mu kubaka Igihugu".

Umuyobozi w’urugaga rw’abikorera PSF mu Karere ka Muhanga, Nyirishema Félix avuga ko abanyamafaranga ari abantu bakomeye, bakwiye kuba bagira uruhare mu iterambere ry’Igihugu aho kugisenya, bityo ko abikorera b’uyu munsi bahisemo guharanira iterambere ryabo n’Igihugu muri rusange.

Avuga ko mu rwego rwo gusaba Igihugu no kongerera imbaraga abarokotse Jenoside yakorewe Abatutsi, PSF ya Muhanga igenera buri mwaka inkunga ku miryango itishoboye y’Abarokotse Jenoside.

Uyu mwaka bakaba baragennye inkunga yo kongerera igishoro cya Miliyoni enye ku bacuruzi baciriritse, bikazakirwa ku bufatanye n’Umuryango uharanira inyungu z’Abarokotse Jenoside yakorewe Abatutsi IBUKA mu Karere ka Muhanga.

Umuyobozi w’Akarere ka Muhanga Kayitare Jacqueline, yagaragaje ko umubano hagati y’umubyeyi n’umwana, ari inkingi ya mwamba mu buzima bw’ejo hazaza, bityo ko kurera abana bisaba no kububakamo icyizere gishingiye ku kuri kw’ibyabaye muri Jenoside yakorewe Abatutsi.

Urubyiruko kandi rwasabwe kuba maso, rukagira umuco wo gusesengura, no kwirinda kwakira ibyo rubonye byose cyane cyane ingengabitekerezo ya Jenoside, usanga ikwirakwizwa n’abakoresha cyane imbuga nkoranyambaga, ubundi ababyeyi nabo bakibuka ko bafite inshingano zo kwigisha abakiri bato amateka ya Jenoside mu mvugo bumva, birinda kuyagoreka.

Kwibuka Abana n’abagore bazize Jenoside yakorewe Abatutsi mu 1994 mu karere ka Muhanga, ni igikorwa cyabanjirijwe no gushyira indabyo ku rwibutso rwa Kabgayi rushyinguyemo inzirakarengane zazize Jenoside yakorewe Abatutsi mu 1994.

Mukarunyana Eveline warokotse Jenoside yakorewe Abatutsi, akaba atuye mu Murenge wa Shyogwe, mu buhamya yagaragaje ko n’ubwo Jenoside yamusize iheruheru, ikamutwara n’abagize umuryango we, nyuma ya Jenoside yongeye kwiyubaka kubera ubuyobozi bwiza.

Agira ati, "Nyuma ya Jenoside nongeye kujya mu ishuri niga mfite ibikomere byinshi, ariko niga ubuganga kugira ngo njye nita ku bababaye, ubu noneho murabona ko mfite akamwenyu ku munwa, kuko nagize abana ndetse maze no kugira umwuzukuru, Inkotanyi ni ubuzima zadusubije ubuzima".

Perezida w’Inama Njyanama y’Akarere ka Muhanga Nshimiyimana Gilbert muri icyo gikorwa cyo kwibuka, abana n’abagore bazize Jenoside yakorewe Abatutsi, yasabye urubyiruko kwirinda kwakira ibibonetse byose kuko ariho ruhurira n’ingengabitekerezo igaragara ku mbuga nkoranyambaga.

Perezida w’Inama Njyanama y’Akarere ka Muhanga, Nshimiyima Gilbert

Agira ati, "Rubyiruko nimwe mizero y’Igihugu, ntimukamire ibibonetse byose by’umwihariko ibinyura ku mbuga nkoranyambaga, mushishoze, musesengure, mwitondere bene abo bashaka kugoreka amateka".

Nshimiyimana anasaba kandi ababyeyi kwibuka ko bafite inshingano zo kwigisha abakiri bato amateka batayagoreka, kuko abana bakurikiza amakuru baba bahawe n’abo babana umunsi ku wundi.

Agira ati, "Nitwige kubwira abana bacu amateka ya Jenoside yakorewe Abatutsi tutayagoreka, tuyababwire mu buryo bumva bitewe n’ibyiciro by’imyaka yabo, nibyo bizatuma ntawe ubashuka bityo bakure bazi ukuri".

Usibye kwibuka Abana n’abagore, ibigo by’amashuri byo mu karere ka Muhanga by’umwihariko mu Murenge wa Nyamabuye, abanyeshuri, abarezi n’abayobozi babo, nabo bakoze igikorwa cyo kwibuka Jenoside yakorewe abatutsi, bashyira indabo ku kwibutso rwa Kabgayi, banunamira inzirakarengane zisaga ibihumbi 12 ziharuhukiye.

Mbere yo gusura urwibutso baganirijwe ku mateka yaranze u Rwanda mbere na nyuma y’ubukoroni, ahagaragajwe ko Abanyarwanda bari babanye neza bakaza gucibwamo ibice n’ubutegetsi bubi.

Mu kiganiro bahawe ku gihe cya Repubulika ya mbere y’iya kabiri, basobanuriwe ko Akarere ka Bugesera koherezwagamo Abatutsi, bakuwe mu bice bitandukanye by’Igihugu, ngo bahature ariko bazicwe n’ isazi ya Tsetse.

Umuyobozi ushinzwe imibereho myiza y’abakozi muri RMI Rutabagisha Herman, avuga ko mu Bugesera, hari hazwiho gushyuha cyane, bigatuma ako gace kaba indiri y’iyo sazi.

Kuruma umuntu kwayo yahitaga ahondobera kubera ibitotsi, agapfa ntawe umukozeho ikindi kintu, nka bumwe mu buryo abajenosideri bari bahisemo kwifashisha mu gutangira Jenoside.

Agira ati, "Ubundi icyo gice ntabwo cyari gituwe, Ubuyobozi bw’icyo gihe bukajya bucirayo Abatutsi baturutse hirya no hino, mu Majyepfo, Amajyaruguru n’ahandi, kugira ngo bajye kwicwa na Tsetse, bwari uburyo bwo kugira ngo Abatutsi bazajye bapfa, ntihagire ubibazwa kuko ntawabakozeho bishwe n’iyo sazi".

Umuyobozi wavuze mu izina ry’uhagarariye, umuyobozi mukuru wa RMI, Gatari Eugene, avuga ko kujya kwibukira i Ntarama, ari n’umwanya wo kuhigira amasomo, no gufata ingamba z’Igihe kizaza, mu kurwanya Jenoside n’ingengabitekerezo yayo.

Agira ati, "Amateka ya Ntarama ni amasomo kuri twe kuko tuhasanga uburyo Jenoside yateguwe, Abatutsi bakegeranyirizwa mu Bugesera ngo bazahicirwe, bikwiye kudusigira amasomo ko ibyo bitazongera kubaho, bityo tugaharanira nk’abakozi ba RMI, kwirinda amacakubiri yo ntandaro ya Jenoside".

Uhagarariye Umuryango w’abarokotse Jenoside yakorewe Abatutsi mu Murenge wa Ntarama, Matilde Umwana kabandi, avuga ko kuba Ikigo nka RMI cyaje kwifatanya nabo kwibuka, ari iby’agaciro kanini kandi ko bigaragaza uruhare ibigo bya Leta bigira mu gukumira amacakubiri, mu bakozi n’abayobozi hagamijwe kuba intangarugero.

Agira ati, "Iyi ni gahunda nziza igaragaza ko Leta yafashe ingamba zo gukumira Jenoside n’ingengabitekerezo yayo, bihereye mu bakozi b’ibigo byayo, ntabwo buri kigo cyari kwiyemeza gushyiraho gahunda zo kwibuka ngo bikunde, ariko kuba muza hano bitugaragariza ko mufite intego yo gukomeza kubaka Igihugu mukorera".

Ibyimanishaka Françoise waremewe, avuga ko yari afite uburwayi bukomeye yatewe na Jenoside, kandi agomba kwivuza, akaba ashimira RMI yamuremeye, kuko bigiye kumufsha kugera kwa muganga.

Agira ati, "Nari umukobwa uzi gutega amaboko nkabyina nk’abandi, ariko ntibigikunda kubera Jenoside, nivuriza i Kanombe n’ubu mfite rendezvous yo kubagwa, ubu mumfashije kubona itike n’agafanta cyangwa amazi yo kunywa ngiye kwa muganga".

Urwibutso rwa Jenoside yakorewe Abatutsi rwa Ntarama, ruruhukiyemo imibiri y’Abatutsi basaga 5000, barimo abasaga 3000 biciwe kuri Kiliziya ya Ntarama, mu Murenge wa Ntarama, baje kihashakira ubuhungiro.

Minisitiri Bizimana yabitangarije mu gikorwa cyo kwibuka abazize Jenoside yakorewe Abatutsi mu Karere ka Kamonyi, ahashyinguwe imibiri 30 irimo itanu yabonetse na 25 yimuwe mu mva zitayiheshaga icyubahiro, ku rwibutso rw’Akarere rwa Kamonyi, ahazwi nko mu Cyibuza.

Ahereye ku ngero z’inyandiko zakozwe n’abazungu bageze bwa mbere mu Rwanda, agaragaza ko ubwoko bw’Abahutu n’Abatutsi, byari ibyiciro by’imibereho y’Abanyarwanda, ariko abazungu b’Ababiligi ari bo bigishije Jenoside, bafatanyije n’Abahutu b’Abahezanguni.

Agaragaza ko abazungu bigishije Jenoside, ubwabo baza basanze u Rwanda ari rwiza, kandi ubwabo bakanabyivugira, nk’uko bigaragara mu nyandiko eshatu z’abapadiri b’abazungu, biyandikiye ubwabo nyuma yo kwitegereza neza imiterere y’u Rwanda n’Abanyarwanda.

Atanga urugero kuri Padiri Albert Pages wageze mu Rwanda mu mwaka wa 1908, wanditse igitabo mu 1933 ku mibereho y’Abanyarwanda, aho agaragaza ko icyiswe amako cyaje gukoreshwa kikarimbura Abanyarwanda, yari icyiciro cy’imibereho y’Abanyarwanda.

Padiri Pages agira ati, “Inyito y’Umututsi n’Umuhutu ni amagambo adahuye n’inyito zisobanura ubwoko nyirizina, ni inyito zerekana imibereho y’abantu, ni amazina bahabwa ashingiye ku bukire n’imirimo ku bategeka n’abategekwa. Umuyobozi w’Ikirenga iyo abishatse atoranya ibyegera bye mu baturage b’abahinzi bityo bagahinduka Abatutsi kandi bigahora bityo utunze bicye akazamuka mu cyiciro”.

Minisitiri Bizimana ahamya ko kugira ngo Jenoside ishoboke byakomotse ku Ishyaka rya PARMEHUTU, ryavukiye muri Perefegitura ya Gitarama, ubu ni mu Turere twa Kamonyi, Muhanga na Ruhango.

Ubwo ryashingwaga tariki 25 Nzeri 1959, Kayibanda yagiye i Butare guhura na Gitera na Habyarimana wari washinze APROSOMA, bahurira muri Hotel Faucon i Butare, aho Kayibanda yavuye amaze gutangaza ko ishyaka ryabo rireba inyungu z’Abahutu, ko ari na bo bene Igihugu, aho akaba ari ho ingengabitekerezo ya Jenoside yakorewe Abatutsi yari imaze kuvukira.

Dr. Bizimana agira ati, “Kayibanda amaze guhura na Gitera nibwo yavuze intego yaryo ati, ishyaka ryacu rirareba inyungu z’Abahutu, tugomba kuba urumuri rwa rubanda nyamwinshi, tugomba gusubiza Igihugu bene cyo, Igihugu ni icy’Abahutu”.

Yongeraho ati, "Iyo mvuga ni yo nkomoko ya Jenoside yakorewe Abatutsi, ni yo mvano, ni yo soko ya Jenoside nyirizina, kuko mu binyejana by’imyaka, Abanyarwanda batari barigeze bapfa amoko".

Atanga ingero ziri mu cyerekezo cy’ishyaka, nk’aho Manifesto ya PARMEHUTU yari ishyize imbere kurenganura Gahutu, ishyaka rirengera Abahutu kandi rigendera ku matwara yabo nk’ishyaka ry’Amajyambere y’Abahutu, bivuze ko uwaharaniraga ko u Rwanda ari urwa bose aba akoze icyaha, kandi uwabirengagaho yari ateganyirijwe ibihano ku cyaha cyo kononera bikomeye ishyaka ry’iterambere ry’Abahutu".

Minisitiri Bizimana avuga ko Akarere ka Kamonyi kagize umujenosideri wa mbere ku Isi aho uwari Burugumesitiri Akayezu, wateguye anashishikariza Abahutu gukora Jenoside, akaba ari we mujenosideri wa mbere ku Isi, umunyafurika wa mbere ku Isi akaba arimo kwigwa hirya no hino nk’umujenosideri w’Umunyarwanda.

Uwari uhagarariye imiryango y’abashyigura ababo, ashimira izahoze ari ingabo za RPA Inkotanyi, kuko nyuma y’imyaka 32 barokotse, nibura bakomeje kubona imibiri y’ababo igashyingurwa mu cyubahiro, no kwimura imibiri yari ishyinguwe ahadahesheje agaciro abishwe.

Agira ati, "Ni umwanzuro utoroshye kuko byongera kudukomeretsa. Abo duherekeje barangwaga n’ubwiza ari ababyeyi b’imbabazi n’ineza. Kubaha agaciro ni ukugaragaza ko bafite ishema".

Umuyobozi wungirije w’Umuryango uharanira inyungu z’Abarokotse Jenoside yakorewe Abatutsi, IBUKA, Mpongayire Christine, avuga ko Jenoside yakorewe Abatutsi yari umwihariko kuko mu minsi 100 hishwe Miliyoni y’Abatutsi, ikanaba imyaka myinshi ku bahigwaga babuze aho bihisha.

Yongeraho ko Jenoside yakorewe Abatutsi ifite undi mwihariko wo kuba yaramamajwe, mu bitangazamakuru, no mu ndirimbo z’abahanzi, ariko Isi yose irebera bicwa ntawe bafite ubatabara, kugeza igihe Inkotanyi zihanganye n’abicanyi zikarokora abahigwaga.

Hashyinguwe mu cyubahiro imibiri 30 irimo itanu yabonetse na 25 yimuwe ivanywe aho yari ishyinguye

Agira ati, "u Rwanda ntabwo rwatewe ngo nibura abantu birwaneho. Twari abaturage nk’abandi ntawe twari kubaza kuko twari dufite ubuyobozi ni bwo bwari bwarayiteguye ntibwari kudukiza, ntawatabaye uretse Inkotanyi zatubereye ibitangaza, kuko uko byari bimeze ntacyari gukura urupfu ku Batutsi. Twarazitegereje tubona ziraje, turazishimira ko zaturokoye".

Abarokotse Jenoside yakorewe Abatutsi mu Karere ka Kamonyi bavuga ko bishimira aho bageze mu iterambere nyuma y’uko u Rwanda rubohowe, bagakomeza gusaba abafite amakuru y’ahajugunywe imibiri y’Abatutsi itaraboneka, kuyatanga kugira ngo hakomeze kwimakazwa Ubumwe n’Ubudaheranwa bw’Abanyarwanda.

Byatangarijwe mu gikorwa cyo kwimura imibiri 108 yari ishyinguye mu buryo budahesha agaciro abazize Jenoside, yimuriwe mu Rwibutso rw’Akarere ka Ruhango mu Murenge wa Ruhango.

Abimuwe barimo abo mu miryango y’Abahenda, Abakinga, n’Abahondogo bavanywe mu mva z’i Gitisi, ahahuriye Imirenge ya Ruhango, Byimana na Mwendo.

Komiseri muri IBUKA, Ndatsikira Evode, asaba buri wese gukomeza kunamira abishwe, no gushyingura imibiri yabo mu cyubahiro, kuko bituma ababishe barushaho gukorwa n’ikimwaro.

Avuga ko kubashyingura mu cyubahiro ari wo munsi wonyine wo kubasubiza agaciro n’icyubahiro, no kuboneraho gushimira Inkotanyi zagize uruhare mu guhagarika Jenoside, nibura bacye bariho bakaboneka bakaba basigaye batanga ubuhamya bw’uko byagenze.

Agira ati, "Abarokotse tubereyeho twe ubwacu n’abacu bishwe, turibuka rero tunazirikana kubika amateka kuko kuva mu 1959 abantu bicwa, byatumye aka Karere ari aka gatatu mu kugira imiryango myinshi yazimye isaga 1,100 igizwe n’abasaga 5,200".

Komiseri wa IBUKA ku rwego rw’Igihugu, Ndatsikira Evode

Avuga ko kwandika amateka ya Jenoside mu Karere ka Ruhango, bijyana no kubungabunga ibimenyetso by’aho bimuwe mu mva zitabaheshaga icyubahiro.

Agira ati, "Kwimura imibiri y’abacu birajyana n’ubushobozi twagiye tugira, kandi bitume tubasubiza icyo cyubahiro, kwandika amazina y’abicanyi mu nzu y’amateka, no kugira umwanya wo gukira ibikomere kuko ubu dufite Leta nziza. Abarokotse n’Akarere dukomeze twitabire gahunda yo kwimura imibiri y’abacu, tubibukira aho ari ho hose turi".

Yizeza ko kuba Jenoside ari icyaha kidasaza, abiciwe bazakomeza guhabwa ubutabera ku bicanyi batarafatwa cyangwa abatorotse ibihano bahawe muri Gacaca.

Agira ati, "Abatwiciye abacu bakomeje kwihishahisha, ariko Jenoside ni icyaha kidasaza, turizera ko ubutabera buzakomeza kuboneka, kuko usanga na n’ubu hari amakuru ajya ahagaragara".

Guverineri w’Intara y’Amajyepfo, Kayitesi Alice, avuga ko Jenoside yakorewe Abatutsi ari icyaha ndengakamere, kandi kwibuka abishwe ari ukubasubiza agaciro.

Guverineri w’Intara y’Amajyepfo, Kayitesi Alice

Agira ati, "Kwibuka abazize Jenoside ntabwo bikwiye guhagaratira aho, ahubwo ni umwanya wo gukomeza gusigasira Ubumwe bw’Abanyarwanda no kwamagana icyabuhungabanya, kuko mu Ntara y’Amajyepfo turi hejuru ya 95% ku gipimo cy’ubwiyunge, ariko ni ngombwa ko n’ako gacye hasigaye dukwiye kukavaho".

Atanga urugero rw’ahakigaragara ingengabitekerezo ya Jenoside, bikaba akaga mu rubyiruko, kuko mu bo yagaragayeho harimo nk’abakiri bato, kandi ko kuyirandura ari ukwirinda ko amateka yakwisubiramo.

Uhagarariye imiryango y’abashyinguye ababo mu cyubahiro, Bizimana Celestin, avuga ko Leta y’Ubumwe bw’Abanyarwanda yatumye abanyagihugu bongera kumva ko ubumwe bwabo ari bwo bareberaho bagira icyizere cy’ejo hazaza cyo kubaho.

Urugero atanga ni uburezi budaheza, umutekano n’amahoro ku buryo bituma Umunyarwanda yicunga akanibeshaho, kubera amahirwe n’inama Igihugu gitanga.

Agira ati, "Buri wese yemerewe gukora icyo ashaka mu Gihugu, uretse kubangamira umutekano no kubuza abandi umudendezo, akiga, agacuruza, akanagira ibikorwa by’iterambere rye".

Abarokotse Jenoside yakorewe Abatutsi mu Karere ka Ruhango, bagaragaza ko Ubumwe bw’Abanyarwanda ari ipfundo ry’icyizere cyo kubaho, kuko politiki y’Igihugu ishyize imbere kubanisha neza Abanyarwanda.

Hari mu birori byo kwizihiza umunsi w’Umurimo, byabereye muri Hotel Saint-Andre Kabgayi, kimwe mu bigo bya Diyosezi gitanga serivisi zo kwakira abantu, n’ubukerarugendo mu Karere ka Muhanga.

Muri ibi birori, Diyosezi ya Kabgayi yari yatumiye abakozi b’ibigo byayo byose ngo bishimire unusaruro w’umurimo w’amaboko yabo.

Abakozi barenga igihumbi, buri gitondo bava mu bice bitandukaye by’Umujyi wa Muhanga, bajya ku kazi gaturuka kuri serivisi zitangwa na Diyosezi ya Kabgayi mu mujyi wa Muhanga.

Izi servisi zirimo ibitaro byo ku rwego rwa kabili bya Kabgayi , n’ishami ryabyo rivura amaso, ibigo by’ubucuruzi nka Hotel Saint-andre Kabgayi, Icapiro rya Kabgayi, ibigo by’amashuri, Kaminuza ya ICK, Hotel Lucerna, Lumina I&II, Iseminari nto ya Kabgayi, Iseminari nkuru Philosophicum Kabgayi n’ibindi bitanga akazi muri uwo mujyi wa Muhanga.

Yagize ati, “Si icyivugo nivuga ariko sinshidikanya ko Diyosezi ya Kabgayi ihanga imirimo mishya, kandi tuzakomeza gufatanya na Leta mu guhanga imirimo mishya, kuko nibwo za serivisi zigenda zizamura ubushobozi, ku musaruro dusangira warushijeho kwiyongera."

Umuyobozi w’Akarere ka Muhanga Kayitare Jacqueline na we wari mu batumiwe, avuga ko kwizihiza umunsi w’Umurimo ari umwanya wo kunoza serivisi zisanzwe, guhanga udushya no guharanira kwiteza imbere, hatangwa serisi zinoze, no kubyaza umusaruro akazi kakozwe.

Agira ati, “Kuba tungana gutya ku munsi w’umurimo turazirikana uruhare rukomeye Igihugu cyacu, kiba cyarubatse kugira ngo umusanzu wa buri wese wubake Igihugu. Umusanzu wa buri wese urakenewe ngo Igihugu cyacu gitere imbere."

Umuyobozi wa Hotel Saint-Andre Kabgayi Padiri Prosper Niyonagira, avuga ko mu mirimo ihangwa muri Diyosezi ya Kabgayi, harimo n’itangwa n’iyo Hotel, kandi ko bakomeje gushyiraho gahunda zituma abakozi ba Hotel bagira ubuzima bwiza.

Agira ati, ‘Ibi bikorwa ni ibyo kwita ku bakiriya, ariko tunateza imbere umurimo, twakira abantu bose kandi abaza baba bakoreye amafaranga, natwe bakayatuzanira tukabaha serivisi nziza, abantu bakaruhuka, bagategura imishinga yabo, bakamererwa neza, n’abakozi bacu bakabona uko biteza imbere”.

Padiri Eugene Dushimimana umuyobozi mukuru ushinzwe umutungo wa Diyosezi, avuga ko nk’abapadiri bigisha abakirisitu bagomba kwigira kuri Yozefu Mutagatifu, kuko umurimo uhesha ishema uwukora, cyane ko abicwa no kutagira umurimo ari bo benshi, kurusha abicwa n’akazi.

Agira ati, “Ufite akazi agira icyubahiro kurusha utagafite, ni ngombwa ko abahanga imirimo bashimirwa kuko na Yozefu Mutagatifu, ari urugero n’umurinzi w’abakozi. Avuga ko ukora umurimo n’iyo waba uciriritse, kugira akazi bitandukanye no kuba inkorabusa, kandi biri mu mugani w’ikinyarwanda aho bavuga ngo umurunga w’iminsi ni umurimo”.

Prof. Dusingizemungu avuga ko Abarundi bakoze Jenoside bica Abatutsi mu bice bitandukanye by’u Rwanda muri za Bugesera, no ku Mayaga kandi ko abarokotse Jenoside yakorewe Abatutsi, bakomeje gusaba ko Leta y’u Rwanda yakorana n’iy’Uburundi, abakoze ibyaha bagahanwa, ariko ntacyo byatanze.

Kuba ibyakozwe ntacyo byatanze kandi inzira byakozwemo ikaba ariyo ukomeje kunyurwa ngo bikemuke, nibyo Prof. Dusingizemungu aheraho avuga ko bikwiye guhindura isura, agereranyije n’imyitwarire y’abayobozi bakuru b’Igihugu cy’Uburundi muri iyi minsi.

Agira ati, "Abarundi bakoze Jenoside mu Rwanda bica Abatutsi aho bakambitse hose, ku Mayaga ho bigishije n’Abahutu ubugome bwo kwica Abatutsi bakabakuramo imitima bakayotsa bakayirya, none ngo dukomeze dutegereze ibya Diporomasi, ngo Abarundi bazahanwe, nibyo Diporomasi turayemera, ariko nikorwe mu buryo bushingiye ku kuri, ubutabera buboneke, ariko bikwiye guhinduka".

Dusingizemu avuga ko mumboni ze Abayobozi b’Uburundi badateze kwemezwa na Diporomasi, kuko na n’ubu bakomeje gushyigikira abajenosideri basize bahekuye u Rwanda, ku buryo bigaragara ko nta cyizere cy’uko bazemera gutanga Abarundi bakoze Jenoside mu Rwanda bakica Abatutsi mu buryo bw’ubugome.

Agira ati, "Iyo ndebye ukuntu Abayobozi bakuru b’Uburundi bakomeje gufasha Interahamwe na FDLR, nsanga ibya Diporomasi ntacyo biri gutanga, kuko bakomeje umugambi basize bakoze hano ku Mayaga, ahubwo uroye neza wasanga muri bariya bayobozi bakuru b’Uburundi, harimo n’abakoze Jenoside hano ubwo bari muri izo nkambi".

Igitabo cy’amateka ku ruhare rw’Abarundi muri Jenoside yakorewe Abatutsi ku Mayaga kihutishwe
Senateri Prof. Dusingizemungu Jean Pierre, arasaba ko Igitabo kivuga ku ruhare rw’abarundi bakoze Jenoside mu Rwanda cyihutishwa kigasobanurwa, kugira ngo Igihugu cy’Uburundi kimenye ukuri kirekere gukomeza gukerensa u Rwanda, gishyigikira ingengabitekerezo ya Jenoside.

Mu kiganiro yagejeje ku bitabiriye igikorwa cyo kwibuka ku nshuro ya 32 Jenoside yakorewe Abatutsi, ku Mayaga mu Murenge wa Kinazi mu Karere ka Ruhango, ahahoze inkambi y’abarundi ya Nyagahama, bagize uruhare mu kwica Abatutsi bari barahungiye kuri Komini Ntongwe, yavuze ko nta kabuza amakuru y’Abarundi ari kwandikwa akwiye kwihutishwa agasobanurwa.

Ubuhamya butangwa n’abarokotse Jenoside yakorewe Abatutsi ku Mayaga, bugaruka cyane ku ruhare rw’Abarundi, bari bakambitse mu Nkambi ya Nyagahama, hafi ya Komini Ntongwe.

Ikibashengura umutima cyane ni ukuba nta Murundi n’umwe urafatwa ngo ashyikirizwe ubutabera, kubera Jenoside, inzira y’ibiganiro hagati y’uburundi n’u Rwanda ngo hashakishwe abakekwaho gukora Jenoside yizezwaga abarokotseaha ku Mayaga nayo ikaba ntacyizere itanga, nyuma y’uko Igihugu cy’Uburundi gukimeje gushyigikira abasize bakoze Jenosde mu Rwanda n’ingengabitekerezo yabo.

Senateri Disingizemungu asobanura ko kugira ngo ukuri kuge ahagaragara, igitabo gifite amakuru ku ruhare rw’Abarundi muri Jenoside yakorewe Abatutsi, cyihutishwa, maze ibyo uburundi bwigira bikajya hanze.

Agira ati, "Icyo gitabo cyanditswe n’uwitwa Mugabo ubu kiri gusobanurirwa muri Minisiteri y’Ubumwe bw’Abanyarwanda n’inshingani mboneragihugu, abarokotse ba hano ku Mayaga, nimusabe ko namwe baza kukibasobanurira, murebe niba ntabyo mwakongeramo, kugira ngo Uburundi bwirirwa butujondora, bumwenye uruhare bufite, kandi ntawe ugomba gutuma tubyihorera".

Senateri Prof Dusingizemungu avuga ko icyo gitabo gisohotse, cyashyira ukuri ahagaragara, bityo kikigisha amateka abakiri bato, kuko cyashyirwa munzu y’Amateka imaze kuzura ku Mayaga ahubatse urwibutso rwa Jenoside rwa Kinazi.

Umuyobozi w’Ihuriro ry’Abanyamayaga barokotse Jenoside yakorewe Abatutsi, AGSF, Evode Munyurangabo, we avuga ko Abarundi n’abandi bajenosideri ba ruharwa barimo n’abatararyozwa ibyo bakoze ngo hatanwgwe ubutabera, bizashyirwa mu nzu y’amateka imaze kuzura ku rwibutso rw’Akarere rwa Kinazi, ahateganyijwe icyumba cy’umukara chambre noir izaba ifungiyemo bene abo.

Agira ati, "Icyo cyumba cy’Umukara kiri ahagana hasi munzu y’Amateka kizaba kirimo amafoto y’abo ba Ruharwa, Abe ariho tubafungira nk’ikimenyetso cya Jenoside ndengakamere bakoze hano".

Baba ubuyobozi bw’Akarere ka Ruhango, Minisiteri zitandukanye, n’umuryango uharanira inyungu z’Abarokotse Jneosde yakorewe Abatutsi, bishimira kuba iyi nzu y’amateka imaze kuzura, bityo ko izafasha mu gukomeza kubumbatiza amateka ya Jenoside ku Mayaga.

Urwibutso rwa Jenoside yakorewe Abatutsi rwa Kinazi ruruhukiyemo imibiri isaba ibihumbi 63, ubwo hibukwaga ku nshyuiro ya 32 jenoside yakorewe Abatutsi aha ku Mayaga, hakaba hashyinguwe mu cyubahiro imibiri 32 yimuwe mu mva zitari zihesheje icyubahiro.

Minisitiri w’Ubuzima, Dr Sabin Nsanzimana, avuga ko umuganga wifuzwa uyu munsi ari ufite ubuntu, ubunyamwuga bukaza nyuma

Yabitangarije mu gikorwa cyo Kwibuka ku nshuro ya 32 abahoze ari abakozi ba Diyosezi ya Kabgayi, barimo n’abaganga, bazize Jenoside yakorewe Abatutsi, aho abakozi ba MINISANTE bari baje kwifatanya n’ibitaro bya Kabgayi.

Minisitiri Dr. Sabin Nsanzimana agaragaza ko hari abaganga mu Gihugu hose bijanditse muri Jenoside, kugera ubwo bishe n’abarwayi, bari babagannye ngo babavure.

Dr. Sabin Nsanzimana avuga ko ku isonga abaganga bakoze Jenoside barimo n’uwari Perezida wa Leta yiyise iy’Abatabazi, Dr. Sindikubwabo Théodore na we wari umuganga, akananirwa kurinda abarwayi.

Minisitiri w’Ubuzima agaragaza ko ubundi umuganga aba ashinzwe gutabara amagara y’abantu, ariko ku bitaro bya Kabgayi na ho hagaragaye abakoze Jenoside bakica abarwayi, bakanagambanira abari babahungiyeho barimo n’abakozi b’ibitaro bakicwa.

Minisitiri w’Ubuzima Dr. Sabin Nsanzimana, atanga ingero z’abaganga bakoraga mu bitaro bya Kabgayi, bakoze Jenoside nka Dr. Niyitegeka Theoneste wahamwe n’icyaha cya Jenoside, akatirwa imyaka 15.

Hari kandi Dr. Misago Antoine wavukaga i Shyogwe, akaba yarabaye umwe mu bashinze ishyaka ry’abahezanguni b’Abahutu, CDR.

Hakaba na Anne Marie Nyirahakizimana wari umujandarume wabaga mu bitaro bya Kabgayi, wicishaga abarwayi n’abakozi b’ibitaro bya Kabgayi, uwo na we akaba n’ubundi yarize ubuganga.

Abishe bakwiye kugawa, abakoze neza bakabishimirwa

Avuga ko nk’abaganga bagaya benshi bavukije ubuzima abo bari bashinzwe kuvura, ariko hari n’abeza bakomeje kurwana mu Batutsi, harimo nka Dorothea Mukandanga wayoboraga ishuri ry’abaforomo rya Kabgayi wasize ubuzima mu gikorwa cyo gushaka kurokora abari bamuhunguyeho.

Agira ati, "Kugaya abakoze icyaha kiremereye usanga bitajyanye n’icyaha bakoze, ku isonga umuganga wa mbere yayoboye Abanyarwanda bose mu kibi kandi yari umuganga, anashishikariza abantu kwica abandi kandi ari umuganga, akaba n’Umuyobozi, Dr Sindikubwabo Théodore".

Kubera ko abaganga bazwiho ubuhanga batabashije gufasha ababashakagaho ubufasha ahubwo bakicwa, Dr. Sabin Nsanzimana niho ahera avuga ko umuganga wifuzwa uvura abarwayi, ari ufite Ubuntu, upfura n’ubutwari.

Avuga ko iyo ibyo umuganga atabyujuje, ubunyamwuga bwe ntacyo buba bumaze, akifuza ko abantu bigira kuri ayo mateka kugira ngo abaganga Bazima bamenye uko bagomba kwitwara.

Agira ati, "Niyo mpamvu iyo tugaya tunashima, tugaragaza uwo twifuza ko muganga yaba ari we, yaba ubaga, yababa utera urushinge, yaba utera ikinya, akwiye kuba yujuje ibyo bintu bitatu, Ubuntu, ubupfura n’ubutwari".

Yongeraho ati, "Nk’abaganga iyo umuntu aje akugana arembye, umubonamo ugukeneye ngo umurengere kurusha amasaha yawe yo kurangiza akazi, nyuma y’akazi nibwo ubutwari bugaragara umuntu agatanga ikiruta icyo abandi bakora, kuko nibwo uzaba utanze umusanzu wo kubaka Igihugu cyawe".

Umushumba wa Diyosezi ya Kabgayi Musenyeri Ntivuguruzwa Balthazar avuga ko kuba hari abitanze ngo barerere Igihugu, bakicwa bazize Jenoside, kubibuka ari umwanya wo kwisuzuma ku basigaye.

Bagaharanira kuba abubatsi b’ibiraro bihuza abantu aho kubatanya, dore ko ingaruka zo kwigisha urwango ntawe zitagezeho, ariko ubu ubumwe n’Ubwiyunge bikaba bishoboka.

Agira ati, "Umutima ushobora no kuba isoko y’ibyiza, urukundo, imbabazi, impuhwe, ubwiyunge n’Uhudaheranwa, twihatire rero kugira umutima ugira urukundo w’ineza, uzi kubabarira aho kwikorera, uzi no kubaka aho gusenya".

Umuyobozi w’Akarere ka Muhanga Kayitare Jacqueline akomeza guhumuriza abarokotse Jenoside yakorewe Abatutsi ku muri Diyosezi ya Kabgayi, kabone n’ubwo bakomeje guhinga bakabicira hirya no hino ku musozi wa Kabgayi.

Ubuyobozi bw’Akarere ka Muhanga bugaragaza ko nibura mu Batutsi basaga ibihumbi 50 bari bahungiye i Kabgayi, abasaga ibihumbi 35 bishwe bapakiwe amabisi bakajyanwa kujugunywa muri Nyabarongo, abandi bicirwa hirya no hino ku buryo umusozi wa Kabgayi ntagushidikanya ko waba ugifite imibiri itazwi aho iherereye ngo ishyingurwe mu Cyubahiro.

Byatangarijwe mu gikorwa cyo kwibuka ku nshuro ya 32 Jenoside yakorewe Abatutsi, mu Murenge wa Karama, mu Karere ka Huye, aho Minisitiri Nsengimana yagaragaje ko nta rwitwazo ruhari ku rubyiruko rwo kubatwa n’amacakubiri.

Minisitiri Nsengimana yavuze ko mbere ya Jenoside yakorewe Abatutsi, Ubuyobozi bubi bwacengeje ingengabitekerezo ya Jenoside, ndetse abari barize amashuri menshi babigiramo uruhare, banabyigisha mu mashuri.

Avuga ko abo bize bari bakwiye kumenya gusobanura ibyiza n’ibibi, no kubitandukanya aho kubyigisha abato, ariko nyuma ya Jenoside hashyizweho uburezi bushya bwigishwa ubumwe bw’Abanyarwanda.

Agira ati, "Abize bakoresheje ubwenge bwabo bahekura u Rwanda, uyu munsi rero ni igihe cyo gukoresha uburezi bushya mu kwigisha urukundo, ubumwe n’indangagaciro Nyarwanda, kugira ngo twirinde ko hazongera kubaho amakuba twahuye nayo mu 1994".

Yangeraho ati, "Rubyiruko rwacu, Kwibuka ni umwanya wo kumenya aho twavuye, tunategura aho tuganisha Igihugu cyacu, nta mpamvu n’imwe mufite yo kurangwa n’ingengabitekerezo ya Jenoside, kuko birababaje kuba ubwo twatangiraga kwibuka ku nshuro ya 32, twarangije icyumweru cy’Icyunamo, hagaragayemo n’urubyiruko rwinshi ruri munsi y’imyaka 30, rufite ingengabitekerezo, kubera ko hari ababyeyi n’abarezi batuzuza inshingano mu burezi buboneye Abanyarwanda bose".

Hanashyinguwe imibiri 13 yabonetse

Agaruka ku mibiri yashyinguwe irimo itatu yabonetse i Karama na 10 yabonetse mu Karere ka Nyaruguru, Minisitiri Nsengimana avuga ko bigayitse kuba hari abagihishahisha amakuru, ku hajugunywe imibiri y’abazize Jenoside bigatuma idashyingurwa mu cyubahiro.

Yihanganishije abashyinguye ababo mu rwibutso rwa Karama, abasaba gukomeza gutwaza no gukora abakiteza imbere, kuko aribwo buryo butuma barushaho kwiyubakira icyizere cyo kubaho.

Umuyobozi w’Akarere ka Huye wungirije ushinzwe iterambere ry’Ubukungu Kamana André, avuga ko gushyingura mu Cyubahiro imibiri yabonetse, bigarurira icyizere abarokotse, ariko binakomeza kubatera kwibaza impamvu hari abafite amakuru adatangwa.

Avuga ko imiterere y’ibisi bya Huye yateje amakuba ku Batutsi bari bavuye muri perefegitura ya Gikingoro, bari bahungiye i Karama kuko Perefe wa Butare yari yaranze gutangiza Jenoside, ariko amaze kwicwa uwari Burugumesitiri Hategekimana Deogratias arabagambanira bica abo Batutsi.

Urwibutso rwa Karama rushyinguyemo imibiri y’Abatutsi isaga ibihumbi 75, agasaba urubyiruko kurebera ku zari ingabo za RPA, zahagaritse Jenoside akarusaba kugera ikirenge mu cy’izo ngabo, zitangira Igihugu.

Ikigamijwe ni ugutangiza gahunda nshya ya KT Radio, yo guha umwanya abaturage bakaganira n’abayobozi babo ku iterambere, imibereho myiza, ubukungu, ishoramari, ubukerarugendo n’ibyateza imbere abaturage.

Iyo gahunda yiswe KT Iwacu kandi igamije kuganira no kungurana ibitekerezo kuri gahunda za Leta nka Mituweli, Ejo Heza, Umuganda, imiturire, uburezi n’izindi ziteza imbere umuturage.

Guhera kuri uyu wa 21 Mata 2026, KT Radio n’ibitangazamakuru bya KT biraba biri kumwe n’abatuye Umurenge wa Nyamabuye, mu gitondo cy’isuku nyuma yaho hakomeze ibiganiro.

Ku gicamunsi KT Radio iraba iri kumwe n’abaturage b’Umurenge wa Nyarusange, mu Nteko baganire ku iterambere ry’Akarere n’ibyakorwa ngo, umuturage akomeze kuza ku isonga.

Uyu Murenge wa Nyarusange wahize iyindi mu Karere ku dushya tw’imibereho myiza n’imiyoborere, aho abaturage biyubakiye ibiro by’Umurenge bakusanyije miliyoni zisaga 15frw, maze RGB iwuhemba igikombe na Sheki y’amafaranga.

Muri iyi gahunda kandi, abanyamakuru bakunzwe kuri KT baraba bahari, bashirane urukumbuzi n’abakunzi babo.

Uyu ni umwanya wo kwamamaza no kumenyekanisha ibikorwa by’abikorera n’Abafatanyabikorwa b’Akarere ka Muhanga, mwese mwese muhawe karibu. Tuzakorera mu isoko rya kijyambere rya Muhanga, (Muhanga Modern Market).

Muri iki gikorwa Hotel Saint-Andre Kabgayi, niyo iraba icumbikiye Ikipe ngari ya KT Radio, bafata amafunguro, ibyo kunywa, imyidagaduro, no kuruhuka neza.

Bakunzi ba KT RADIO ubu noneho turabegereye kurushaho!

Kuva kuri uyu wa Kabiri tariki 21 kugeza ku ya 22 Mata 2026, tuzaba turi mu Karere ka Muhanga binyuze muri bya biganiro mukunda muri benshi n'abashyitsi badasanzwe.

Ntimuzacikwe!!! 📻✨ pic.twitter.com/pNSeVqQZK1

— Kigali Today (@kigalitoday) April 20, 2026

Nsengiyumva avuga ko yahisemo gukoresha ifoto ya Sonariyeri, mu rwego rwo gushimira abantu bose banze kwijandika muri Jenoside ahubwo bagatabara abahigwaga

Nsengiyumva ubu amaze gukoresha ifoto y’urwibutso y’umugabo wari uciriritse, witwa Nkiranije bakundaga kwita Sonariyeri, wanze kwica Abatutsi ahubwo akajya abereka aho banyura ngo bahunge.

Nsengiyumva avuga ko impamvu yakoresheje iyo foto nini ishushanyije (Tableau), ari uko icyo gihe Sonariyeri yafatwaga mbere nk’udafite akamaro, yakoze iby’abari ingirakamaro bananiwe, kugeza ubwo yanze kwifatanya na bo mu gukora Jenoside.

Agira ati, "Amasura aratubeshya ubuntu ni mu mutima. Abicanyi bahamagaye Sonariyeri ngo aze ajye kubafasha kwica Abatutsi, maze abasubiza abannyega ngo uwamfashije kwica imbwa nabe ari we unsaba kujya kumufasha kwica Abatutsi".

Sonariyeri yaranenwaga kuko yica imbwa, ariko agaragaza ko yubaha umuntu

Nsengiyumva avuga ko imibereho ya Sonariyeri mbere ya Jenoside, yari ishingiye ku kazi ko guhamagarwa n’abaturanyi, ngo ajye kubicira imbwa zasaze, cyangwa kumanika (guhamba) izapfuye.

Iyo mibereho ngo yari inashingiye ku kubona ko Sonariyeri ntacyo atinya, bakamunena, bakamukoresha ibyo babonaga ari ikizira ku bantu basanzwe.

Ikirombe cya Cyatenga cyajugunywemo Abatutsi basaga ijana bari batuye hafi aho, ariko Sonariyeri we yanga kwica

Aho ngo ni ho abicanyi bahereye bamusaba ko yaza kubafasha kwica Abatutsi, bagatungurwa no kubangira ababwira ko atakwica imbwa n’abantu, ko ntacyo apfa na bo, kandi nta kazi abibonamo nk’ako yari asanzwe akora.

Ati, "Muransaba kuza kubafasha kwica Abatutsi? Njyewe ni nde nigeze mpamagara ngo aze kumfasha kwica imbwa?”

Nsengiyumva avuga ko ifoto ya Sonariyeri ubu witabye Imana, ikwiye kuba ikimenyetso cyo kugaya abijanditse muri Jenoside, no gushimira abitanze bakabatabara, kandi bazi neza ko guhisha Umututsi icyo gihe, byari icyaha gihanishwa n’ubundi igihano cy’urupfu.

Abicanyi bantegetse kwica abo twari twahunganye

Nsengiyumva warokokeye ku Kirombe cya Cyatenga, avuga ko ubwo Interahamwe zahabasanze n’abo bari kumwe, zamuhereje umupanga n’ubuhiri ngo yice abo bari bahunganye.

Avuga ko aho kubica yahisemo kwiroha mu kirombe, mu cyobo cya metero 70, z’ubujyakuzimu maze abasigaye hejuru, bagatemagurwa barohwamo.

Avuga ko yaje kuva muri icyo cyobo cyarimo imirambo isaga 100, maze akomeza kwihishahisha ahunga, kuko yari afite indangamuntu y’Abahutu, yatumye abasha guca kuri za bariyeri atishwe.

Komini Taba yayoborwaga na Burugumesitiri Akayezu, aho Abatutsi benshi bishwe bakajugunywa mu birombe by’amabuye y’agaciro bya Cyatenga, ku wa 19 Mata 2026, ari na yo tariki bibukwa.

Hibukwa kandi n’abiciwe ahahoze ari Komini Taba, bishwe bagashyingurwa ahitwa mu kiryamo cy’Inzovu, baje gushyingurwa mu Cyubahiro nyuma, mu rwibutso rwa Kamonyi, hakaba n’abajugunywe muri Nyabarongo.

Yabivugiye mu Murenge wa Rongi mu Karere ka Muhanga, ahibutswe ku nshuro ya 32 Jenoside yakorewe Abatutsi, ahari umwihariko wo kuba abishwe bararoshywe muri Nyabarongo, bakuwe kuri Paruwasi ya Ntarabana aho bari bahungiye.

Mujawase avuga ko ku myaka umunani yari afite muri Jenoside yakorewe Abatutsi, yabonye abo mu muryango we bicwa, abandi bajyanwa kurohwa muri Nyabarongo hafi y’iwabo aho bari batuye.

Mujawase iyo atanga ubuhamya, asaba urubyiruko kwitandukanya n’abagoreka amateka ya Jenoside, kuko abayavuga bayazi kandi bayabayemo.

Avuga ko iyo yibutse ukuntu abe babarohaga muri Nyabarongo, baboroga batagira ubatabara, bigoye kugira ngo bive mu mutwe w’umuntu, ari nabyo benshi bibuka bakarira, cyangwa bagahungabama mu bundi buryo.

Agira ati, "Kubona abantu bawe babatema, babaca ibitsi, babaroha muri Nyabarongo, ubwo icyo kintu cyakuva mu mutwe? Kubona umukobwa w’isugi asambanywa n’abagabo barindwi ku manywa y’ihangu, bamusimburanaho, barangiza bakamujombamo igisuti, ubwo ibyo byakuva mu mutwe, mwarangiza ngo tuba dukabya, ahubwo mwebwe mwishe mwarakabije".

Avuga ko inzira yose iva kuri Paruwasi ijya kuri Nyabarongo, yari amarira y’abajyanwaga kurohwa, babakubita, babatema, babambura ubumuntu, babatesha agaciro, ari naho ahera anenga abavuga ko kuririra abishwe ari ugukabya.

Agira ati, "Ku wa 11 Mata 1994 nibwo twaje hano ku Kiliziya maze, ibitero bihita bihadusanga, bashisha amashoka inzugi za Kiliziya, amapata yagiye gucika abantu benshi basa n’abapfuye, niko nari meze nararize amarira anshiramo".

Perezida wa IBUKA mu Karere ka Muhanga, avuga ko kuba uwari ufite imyaka umunani ahigwa ngo yicwe, ari cyo gisobanuro cy’ukuri kuri Jenoside, kuko bicaga badasize n’abana batari bafite icyo bazi.

Agaragaza ko Kwibuka Jenoside yakorewe Abatutsi, gukora cyane no guharanira kubaho kw’abarokotse Jenoside, aribwo buryo bwo guhesha icyubahiro abishwe.

Agira ati, "Kwibuka bituma abenegihugu bakura amasomo mu byabaye, bakarushaho guhangana n’ingaruka za Jenoside yakorewe Abatutsi".

Ashimira Leta yashyizeho uburyo bwo gufasha abarokotse Jenoside yakorewe Abatutsi, guha ubutabera abiciwe, kubavuza no kubitaho mu buzima butandukanye.

Depite Karinijabo Bartheremie avuga ko Jenoside yakorewe Abatutsi muri Ndiza, yenyegejwe n’abari abayobozi kuva mu 1959, kugeza ku gihe cya za Repubulika.

Avuga ko ingengabitekerezo ya Jenoside yigishijwe mu buryo bwose, kugeza ubwo abantu bibona mu moko kurusha kwibonamo Ubunyarwanda.

Avuga ko kwibuka Jenoside yakorewe Abatutsi, kandi mu bihuhugu bituranyi bagihembera ingengabitekerezo ya Jenoside, ari umwanya wo kubyamagana.

Agira ati, "Tugomba kudadira tugakumira ikibi cyasubiza Abanyarwanda aho bavuye, ahubwo buri wese agakumira icyaha, no gushyigikira kurwanya ingengabitekerezo ya Jenoside, kuko ari wo musingi abantu bagira uruhare mu kubaka iterambere ry’Igihugu".

Yongeraho ati, "Tugomba guhora Twibuka ko tutagomba kwirara, ahubwo tugomba gukora tugahuza imbaraga mu gusigasira ubumwe bwacu, kuko twamaze kubona ko arizo mbaraga zacu".

Ababyeyi basabwa kubwiza abana ukuri

Avuga ko nk’Abanyarwanda bahisemo kuba umwe, ari ngombwa gukomeza kubungabunga ubumwe, hagamijwe kuraga abato u Rwanda ruzira amacakubiri.

Agira ati, "Kugira ngo ubu bumwe tubugereho bigomba guhera iwacu munzu, kugira ngo rero abana bazaburinde, banabubungabunge, ari ngombwa kubabwiza ukuri.

Abakuru ntidukwiye kuganzwa n’amarangamutima, ahubwo ni ngombwa guha abana impamba ikwiye tubabwiza ukuri, tukabarinda ibibatandukanya n’abandi, ukaba umukoro wacu".

Avuga ko bashima kuba hariho amategeko akoma mu nkokora abashaka gutobera amateka y’Abanyarwanda, kuko ari bwo buryo bushimangira ko Ubumwe bw’Abanyarwanda arizo mbaraga zabo.

Ifumbire y’imborera iva muri izi mashini imazemo amezi atatu izakoreshwa imaze gupimwa ngo harebwe ibiyigize n’uko yakoreshwa mbere yo guhabwa abahinzi

Umuyobozi w’Akarere ka Ruhango, Habarurema Valens, avuga ko uwo mushinga ubaye uwa mbere mu Rwanda, ukaba uzafasha mu gutunganya imyanda yo mu Karere ka Ruhango.

Ni umushinga uje usanga gahunda Akarere katangiye ya ‘Ruhango icyeye’, aho imyanda izajya ikusanyirizwa hamwe ikabyazwa umusaruro, urimo no gutanga ifumbire ikoreshwa mu buhinzi.

Habarurema avuga ko ubwo buryo bushya bwo gukusanya imyanda no kuyitunganyiriza ku rwego rw’Akarere, mu Karere ka Ruhango, buje bwungamira ubwari busanzwe, kuko kari gafite ikimoteri cyakira imyanda.

N’ubwo cyari gihari ariko imibare igaragaza ko cyuzuraga vuba, kuko batabashaga kuyitunganya, ubu bikaba bigiye guhinduka.

Agira ati, "Uyu mushinga wo uzatuma nibura dutunganya imyanda hafi ya yose. Ni twe mu Gihugu dufite ubwo bushobozi dutangiye kugerageza, ku buryo imyanda yatabwaga iva kuri 40% ikagera gusa ku 10% kuko indi yose izatunganywa hakavamo ibikoresho bitandukanye n’ifumbire".

Iyo myanda itunganywa ite?

Uwo mushinga Akarere ka Ruhango gafatanyijemo n’ikigo cyo mu Bufaransa na cyo kizobereye mu gucunga imyanda, uzamara amezi atatu.

Nugera ku ntego zo gutunganya imyanda yose, hazarebwa niba byakorerwa no mu tundi Turere, ari na yo mpamvu abo mu Turere twa Muhanga, Kamonyi na Nyanza na bo bari bitabiriye kuwutangiza.

Bimwe mu bikoresho byifashishwa ni imifuka itandukanyirizwamo imyanda mu ngo, pubeli zashyizwe ku nzira no ku maduka abantu bacururizamo, cyangwa ku masoko.

Aha ni ku mashini ivangura imyanda ikurikije ubwoko bwayo

Iyo myanda ikurwa aho hifashishijwe amagare akoresha ingufu z’amashanyarazi, mu rwego rwo kugabanya ikiguzi cyo gukoresha imodoka, ikahava yerekezwa ku kimoteri (ikusanyirizo).

Kuri iryo kusanyirizo, hari ahavangurirwa imyanda ibora n’itabora, amacupa y’ibyuma n’aya pulasitike, amapine, ibimene by’ibirahure, n’imyanda yo kwa muganga cyangwa Laboratwari.

Bumwe mu buryo bwo kuyitunganya, harimo gusya ayo macupa akavamo ifu ivangwa n’imicanga na sima hakavamo amapave, no gukuramo ifumbire y’imborera.

Imyanda idashobora gutunganyirizwa ku ikusanyirizo kandi, yerekezwa ku rwego rwisumbuye, ariko na yo ikaba yagurishwa kuko ivamo nk’amacupa, n’andi makarito yo gupfunyikamo.

Kompanyi ya COPED icunga iyo myanda mu Karere ka Ruhango, igaragaza ko gukusanya imyanda no kuyitunganya, birimo inyungu kuri Kompanyi ubwayo, kuko ibonamo amafaranga.

Imyanda yamaze kuvangurwa hakurikijwe ibyo ikozemo

Hari kandi inyungu ku baturage babona aho bashyira imyanda, n’ifumbire ku bayikeneye, no kubungabunga ibidukikije, kurwanya indwara no kubaho abantu bisanzuye.

U Bufaransa bwatanze Amayero asaga ibihumbi 400, ni ikuvuga asaga gato miliyoni 650ftw, yaguzwe imashini zitunganya imyanda hakavamo ibikoresho bitandukanye.

Akarere kazifuza gukora umushinga nk’uwo, kakazahabwa Amayero Miliyoni imwe, ni ukuvuga asaga gato miliyari n’igice y’amafaranga y’u Rwanda.

Hashyizweho uburyo bwo gukusanya imyanda no kuyitwara

Amapave n’ifumbire ni bimwe mu byatangiye kuva muri iyo myanda

Ahatabwaga imyanda hari hamaze kuzura, kuko harimo n’iyakagombye gutunganywa

Abitangaje mu gihe ibitangazamakuru bya Kiliziya Gatolika, bikomeje kugaba amashami hirya no hino, nk’aho tereviziyo yayo PACIS TV, imaze kugira amashami ane ikoresha mu iyogezabutumwa, mu myaka itandatu imaze ivutse.

Kiliziya Gatolika ikoresha itangazamakuri ryandika, iry’ajwi n’amashusho mu ivugabutumwa.

Mu Rwanda Kiliziya Gatolika niyo yatangije bwa mbere itangazamakuru ryandika, uhereye ku cyitwa Kinyamateka. Nyuma yafunguye ishami rya Radio Maria Rwanda, byose bivukira muri Diyosezi ya Kabgayi.

Nyuma yaje gufungura PACIS TV.

Ni Nako izindi terevisiyo zavutse nazo zikorerwaho ibiganiro by’ivugaburunwa ariko bikaza kugenda bifunga imiryango, nyuma y’ubujura bwabaga mu byitwa ibitangazamakuru abyita abashumba baka amaturo ku ngufu mu buryarya bwinshi.

Umushumba wa Diyosezi ya Kabgayi Ntivuguruzwa, avuga ko bidakwiye ko ibitangazamakuru by’amadini, byitwaza amarangamutima n’inyota by’abayoboke bayo mu gushaka Imana, bikabatekera imitwe.

Agira ati, "Ahenshi usanga abakora ibyo baba bagamije inyungu zabo bwite, bakitwaza uko abayoboke banyotewe n’Ijambo ry’Imana, bakabatuburira kubera inyungu z’uwashinze igitangazamakuru."

Yongeraho ati, "Iyo bamaze gukora ibyo bibye abaturage, ntumenya n’irengero ryabo, PACIS TV rero yo ifite intego zo kwita ku iterambere ry’umuturage mu nkingi ze zose. Ni ibyo izaharanira".

Mu butumwa bufungura iri Shami rya PACIS i Kabgayi, umushumba wa Arikediyosezi ya Kigali Nyiricyubahiro Cardinal Kambanda Antoine, yasabye ko Tereviziyo PACIS TV, igira uruhare mu kubanisha Abanyarwanda, ikaba n’ijwi ribahumuriza.

Umuyobozi wa PSF mu Karere ka Muhanga Nyirishema Félix asaba ko PACIS TV izagira uruhare mu kumenyekanisha ibikorwa mu Karere ka Muhanga, kandi ikanagira uruhare mu guhindura imyumvire y’abaturage muri gahunda za Leta.

Agira ati, "Turifuza ko iyi terevisiyo yagira uruhare mu kumvisha abaturage gahunda za Leta, by’umwihariko iz’ubuzima nko kwishyura ubwisungane mu kwivuza, no kurushaho kwiteza imbere".

Umuyobozi w’Akarere ka Kamonyi wungirije ushinzwe imibereho myiza y’abaturage Marie Josée Uwiringira, avuga ko gufungura ishami rya Pacis TV mu Turere tw’Intara y’Amajyepfo bizafasha abayikurikira kubona amakuru yizewe.

Agira ati, "Ubu twizeye ko igitekerezo n’inyigisho bizajya bigera ku baturage mu buryo bworoshye, abaturage bacu bakagera ku iterambere, tuzakomeza gukorana na PACIS TV kugira ngo ibyo bitekerezo byubaka umuntu bigerweho".

Asaba kandi ko PACIS TV yafasha abaturage mu kwimakaza umuco, urimo no gukoresha neza ururimi rw’Ikinyarwanda.

Mu mpera za Werurwe 2020 hari kuri Mashami, umunsi Abakirisitu Gatolika batangiraga icyumweru Gitagatifu, gisoza igisibo bitegura kwinjira muri Pasika, nibwo Television ya Kiliziya Gatolika PACIS TV yafunguwe ku mugaragaro, iberaho iyo misa ya Mashami.

Yakomerejeho mu gihe cya COVID-19, ifasha Abakirisitu Gatolika gusenga igihe amakoraniro yari abujijwe.

Pacis TV yatangiye imirimo mu 2020, imaze gutangiza amashami atanu, uhereye i Kigali aho yatangiriye. Hanze ya Kigali hari muri Diyosezi ya Cyangugu, i Kibeho muri Diyosezi ya Gikongoro, i Huye muri Diyosezi ya Butare, n’i Muhanga muri Diyosezi ya Kabgayi.

Abagize Inama Njyanama y’Akarere ka Ruhango basuye imirimo yo kubaka Inzu y’Amateka ya Jenoside yakorewe Abatutsi ku Mayaga

Inzu y’Amateka ya Jenoside yakorewe Abatutsi imaze kuzura, igizwe n’ibice bitatu birimo inzu ubwayo, ahazashyirwa ibikoresho by’ikoranabuhanga n’ibindi bibitse amakuru, n’ahazandikwa amazina y’abazize Jenoside ku Mayaga.

Umuyobozi wa AGSF Evode Munyurangabo, ashimira Ubuyobozi bw’Igihugu bwumvise ubusabe bwabo bukabaha iyo nzu, kuko izabika ibimenyetso bizigisha amateka abakiri bato, no gukomeza kubungabunga ibimenyetso byihariye by’uko Jenoside yakozwe ku Mayaga.

Agira ati, "Turashimira ko tugiye kwibuka ku nshuro ya 32 Jenoside yakorewe Abatutsi, dufite inzu y’Amateka, turashimira ubuyobozi bw’Igihuhu cyacu, n’Akarere ka Ruhango, bwatwubakiye iriya nzu igiye kutubera ishuri ry’abazadukomokaho bakamenya amateka ndengakamere ya Jenoside iwacu ku Mayaga".

Umuyobozi w’Inama Njyanama y’Akarere ka Ruhango Gasasira Jerome, avuga ko iyo nzu y’Amateka yuzuye nyuma yo gukora ubuvugizi busanzwe, kandi bishimira kuba Inama Njyanama y’Akarere ka Ruhango isoje Manda y’imyaka itanu iyo nzu yuzuye.

Gasasira avuga ko izafasha mu kubungabunga amateka ya Jenoside ku Mayaga, kandi abarokotse bo mu Karere ka Ruhango, bakumva ko ibyifuzo byabo bishyirwa mu bikorwa uko ubushobozi bubonetse.

Ibice bigize inzu y’Amateka ya Jenoside ku Mayaga biteye bite?

Ubwo basuraga iyo nzu y’amateka mu cyumweru cy’Umujyanama mu Karere ka Ruhango, abajyanama b’ako Karere bashimye aho imirimo igeze, ku cyiciro cya mbere cyo kuyubaka kuko iri hejuru ya 95%.

Perezida w’Inama Njyanama y’Akarere ka Ruhango Gasasira Jerome, avuga ko
Ifite ibice bitandatu by’ingenzi bigaragaza uko Amayaga yari ameze mbere y’umwaduko w’abazungu, igihe cya za Repubulika ya mbere n’iya kabiri, gukomeza kugeza Jenoside ihagaritswe.

Agira ati, "Ni inzu y’icyitegererezo twayihawe nyuma y’ubuvugizi, izaba isobanura ku buryo bukwiye amateka ya Jenoside yakorewe Abatutsi ku Mayaga no mu Karere ka Ruhango n’inkengero zako".

Naho Munyurangabo asobanura ko agashya kadasanzwe kuri iyo nzu, y’Amateka ari icyumba kiswe chambre noir (Icyumba cy’umukara), kizaba kirimo amafoto ya ba Ruharwa muri Jenoside barimo n’abo ku Mayaga.

Agira ati, "Icyumba cya chambre noir kizaba kirimo amazina n’amafoto ya bariya ba Ruharwa bataracibwa imanza, barimo n’uwahoze ari Burugumesitiri wa Komini hano, Abarundi bishe hano, n’abandi barimo na ba Bagosora n’abandi bacurabwenge ba Jenoside".

Abarokotse bo ku Mayaga bavuga ko Kwibuka ku nshuro ya 32 Jenoside yakorewe bujuje iyo nzu, ari iby’agaciro baha abazize Jenoside n’abarokotse muri rusange.

Ibice bitandukanye bigize iyo nzu

Bakoze umuganda wo gusukura ku Rwibutso rw’Akarere rwa Jenoside yakorewe Abatutsi ruri i Kabgayi

Yabigarutseho ashingiye ku kuba iyo gahunda zo kwibuka zigeze, ari bwo hakunze kugaragara ibikorwa byibasira abarokotse Jenoside, nyamara aribwo baba bakeneye ababafata mu mugongo.

Agira ati, "Hari abantu bavuga amagambo mu gihe cyo kwibuka, ukibaza niba ari ayo mu kanwa cyangwa ku mutima. Ntabwo bikwiye ko abantu bitandukanya n’igihe cyo kwibuka amateka yacu".

Umuyobozi w’Akarere ka Muhanga Kayitare Jacqueline avuga ko kwibuka Jenoside yakorewe Abatutsi, ari igihe gihuza Abanyarwanda n’amateka asharira banyuzemo.

Senateri Mukabalisa yasabye abaturage kwirinda amagambo mabi akomeretsa abarokotse Jenoside yakorewe Abatutsi

Ni na yo mpamvu asaba Abanyarwanda bose by’umwihariko abatuye aka Karere kubigiramo uruhare, bakitabira ibikorwa byo kwibuka, bitabujije ko n’indi mirimo ikomeza gukorwa.

Agira ati, "Hari abantu usanga bari mu bikorwa by’amarangamutima, bitajyanye no guha agaciro ibikorwa byo kwibuka. Ndasaba abantu gukomeza imirimo, ariko bakanibuka gushyira mu gaciro, ntibarenze n’ubwo nta mabwiriza ahari cyangwa amategeko mashya, abantu bakwiye kuzirikana ibikorwa byo kwibuka"

Asaba kandi abikorera gufasha muri ibyo bikorwa byo kugira uruhare mu migendekere myiza yo kwibuka, bafasha abatishoboye barokotse Jenoside kubaremera ku rugerero rw’ubushobozi bafite kuko nta gipimo runaka giteganyijwe.

Agira ati, "Nta gipimo runaka cyo kugena uburyo umuntu aremera undi, turasaba ko PSF mwazabidufashamo, abantu batishoboye barokotse Jenoside yakorewe Abatutsi, bakegerwa ku kigero cy’ibishoboka bihari".

Senateri Mukabalisa Donatille wari waje kwifatanya n’Abanyamuhanga muri uwo muganda, yagarutse ku ihame remezo ryo gukumira no kurwanya Jenoside nka rimwe mu yo Igihugu kigenderaho.

Avuga ku muganda wo kwitegura Kwibuka ku nshuro ya 32 Jenoside yakorewe Abatutsi, Senateri Mukabalisa yasabye ko abaturage binjira mu gihe cy’iminsi 100 yo kwibuka, hazirikanwa no gufata mu mugongo abarokotse Jenoside.

Agira ati, "Turifuza ko igihe cyo kwibuka kiba icyo gufata mu mugongo abarokotse Jenoside, bakabwirwa amagambo meza abagarura imitima, kuko baba basubiye inyuma, kandi ugasanga muri icyo gihe ahubwo ari ho haduka amagambo mabi, aho bizagaragara na ho ni ukuzabakurikirana mu mategeko"

Umuyobozi w’Akarere ka Muhanga, Kayitare Jacqueline

Umuyobozi w’Akarere ka Muhanga, Kayitare Jacqueline, avuga ko Kwibuka ku nshuro ya 32 Jenoside yakorewe Abatutsi, bibaye hakiri ikibazo cy’urwibutso rwa Kabgayi rufite umwanya muto wo gushyinguramo imibiri igenda iboneka, ariko ko hari ingamba zafashwe ngo bitazateza ikibazo.

Avuga ko babaye bafashe umwanzuro wo guhindura amasanduku asanzwe ashyiguyemo imibiri y’abaruhukiye mu rwibutso rw’Akarere.

Ayo masanduku ngo atwara umwanya munini, kuko akoze ari magari mu butambike, ugereranyije n’imiterere y’urwibutso, ubu bakaba bagiye gukoresha agabanya uwo mwanya ahubwo akongererwa ubuhagarike, kuko hejuru habaga hakiri umwanya, mu rwego rwo gushaka igisubizo cyihuse.

Abayobozi 400 baturutse mu Turere twose tw’Intara y’Amajyepfo bari baje kwigira kuri Ruhango

Minisitiri Uwimana yabitangaje mu rugendo shuri n’abakozi b’Ikigo cy’Igihugu gishinzwe kubahiriza ihame ry’Uburinganire (GMO), n’aba Minisiteri y’Ubutegetsi bw’Igihugu (MINALOC), hamwe n’abakozi basaga 400 b’inzego z’ibanze baturutse mu Turere twose tw’Intara y’Amajyepfo.

Ishuri ry’Abayobozi rimaze kumenyerwa mu Karere ka Ruhango, ni uburyo bwatekerejwe n’Intara y’Amajyepfo, aho byagaragaye ko inama zitegurirwa ku rwego rwayo, zishobora kuba zifatirwamo imyanzuro itajyanye n’ibibazo byagaragajwe, n’ibibera ku rwego rwo hasi uhereye mu isibo kugeza ku Kagari.

Minisitiri w’Uburinganire n’Iterambere ry’Umuryango, Uwimana Consolée, avuga ko gutegura urwo rugendo shuri, biri mu byateganyijwe mu cyumweru cy’umuryango.

Avuga ko ishuri ry’abayobozi ryaba imwe mu mfashanyigisho yatuma abayobozi barushaho guhangana n’ibibazo by’imibereho y’abaturage, by’umwihariko kurwanya ihohoterwa rikorerwa mu miryango.

Agira ati, "Nk’uko intero yacu ari imwe ‘Umuturage ku Isonga’, dukwiye kumva ko ibyo twakora byose nk’abayobozi bidafitiye umuturage akamaro, ntacyo twaba dukora. Turifuza ko iri shuri rituma koko tuba abayobozi nyabo, kuko mfite impungenge ko umuturage atari ku isonga nk’uko tubivuga".

Umugenzuzi mukuru w’Uburinganire muri GMO, Umutoni Nadine, na we asanga ishuri ry’abayobozi hari uruhare rizagira mu gukemura ibibazo by’imiryango, kuko rikora rigendeye ku gusuzuma ibintu by’ibanze umuturage akwiye kuba yujuje.

Agira ati, "Iri shuri ry’abayobozi rizadufasha kurwanya ibibazo byugarije Umuryango kuko umuyobozi ubwe yiheraho, kugira ngo abe bandebereho kuko ntawe utanga icyo adafite. Twishimiye ko rigendera ku bipimo 50, bishingirwaho ngo tube dufite koko umuryango utekanye".

Umuyobozi w’Akarere ka Ruhango, Habarurema Valens, avuga ko ishuri ry’abayobozi ryatumye babasha gukemura ibibazo, birimo kurwanya ibyaha.

Agaragaza ko mu mwaka wabanje Imidugudu ine gusa ari yo yafatwaga nk’iyujuje ibisabwa, ariko bamaze umwaka umwe gusa baritangije, Imidugudu isaga 120 kuri 533 igize Akarere yahise izamuka imera neza, ku buryo ari ingenzi gukomeza kwigiramo.

Agira ati, "Kuba twarazamutse mu mwaka umwe Imidugudu irenga 120, ni ikigaragaza ko bino bintu bikora. Twigeze no kumanuka mu bipimo bya Ejo Heza, maze twifashishije iri shuri mu minsi ine gusa, twari tumaze kuzamura ibipimo kugera hejuru ya 90%".

Umunyamabanga Nshingwabikorwa w’Umurenge wa Nyanza mu Karere ka Gisagara, Tumusifu Jérome, avuga ko ibyo bigiye muri urwo rugendo shuri byabafashije kwikebuka, gukorera hamwe, gutangira amakuru ku gihe no kutishishanya.

Agira ati, "Aha tuhakuye ubumenyi bwinshi kuko twize gukorera hamwe, kutishishanya, gutangira amakuru ku gihe, kandi iri shuri rizadufasha kwinegura ubwacu nk’abayobozi, bitari muri za nama zisanzwe".

Ku kijyanye no kuba icyemezo cy’ishuri ry’abayobozi cyaraturutse ku Ntara y’Amajyepfo, ariko Akarere ka Ruhango kakaba ari ko kagishyira mu bikorwa utundi turebera, Tumusifu avuga ko n’aho ayobora hariyo udushya bakoraga, ariko buri wese abikora ukwe, ubu bikaba bigiye guhinduka.

Akarere ka Ruhango kagaragaza ko ishuri ry’abayobozi rifite imfashanyigisho yanditse kasangije abaje kugasura, kandi amasomo bigiramo akaba atarangira kuko n’iyo nta bibazo bisuzumirwamo, bigiramo indi mishinga y’iterambere, no gusigasira ibyagezweho, no guhanga udushya.

Babisabwe mu Nteko rusange y’ihuriro ry’abafatanyabikorwa mu iterambere ry’Akarere, JADF Muhanga, aho basabwe gufasha guhindura imyumvire mbere yo gutanga ubwo bufasha.

Ahereye ku mateka yo gufasha mu Rwanda, Umuyobozi w’Akarere ka Muhanga Kayitare Jacqueline, yagaragaje ko gukomeza guha abaturage ibyo bakeneye bifatika byangije Umuryango Nyarwanda.

Umuyobozi w’Akarere ka Muhanga, Kayitare Jacqueline, asaba abafatanyabikorwa guhindura uburyo batangagamo ubufasha

Avuga ko uko guha Abanyarwanda ibintu bifatika, byafashije gukemura ikibazo cy’ako kanya, ariko byanabahinduye imitekerereze, kugera n’ubwo imyumvire imanuka, ku gipimo cy’uko umuturage atagishaka no kwiyubakira ubwiherero.

Anagaragaza ko gufasha abaturage mu bintu bidahindura imyumvire, byatumye hari tumwe mu Turere twagaragayemo, abakobwa babyarira iwabo ngo bakunde bahabwe inkunga.

Avuga ko hari n’abakomeje gufashwa bishyurirwa Mituweli n’ubundi bufasha, hashira igihe ariko abantu bagumya gukena cyane, kugeza n’ubwo umuturage adashaka gukubura mu rugo rwe.

’Mufashe abaturage guhindura imyumvire mbere yo kugira ibyo mubaha’

Umuyobozi w’Akarere ka Muhanga Kayitare Jacqueline, asaba ko abafatanyabikorwa bagira uruhare mu guhindura imyumvire, kuko ni nayo ituma ibyo bafashishijwe bibagirira akamaro.

Agira ati, "Ntabushobozi twabona duha buri muntu ngo abeho neza, uretse kumufasha guhindura imyumvire nawe akikorera, akiteza imbere".

Kayitare atanga urugero ku muryango witwa Potocaz, ufasha ibigo by’amashuri kugaburira abana ku ishuri mu bigo bisaga 10, ko bakwiye gutekereza uko bizagenda ubwo umushinga wahagarara ababyeyi batariteganyirije, cyangwa batiteguye, agasaba ko hashyirwaho ibyo umuntu aba yujuje ngo ashyirwe muri iyo Porogaramu.

Agira ati, "Umubyeyi w’unwana mufasha akwiye kugira ibyo abanyujuje, nko Kuba afite isuku iwe, afite ibiti by’imbuto, kuba ababyeyi barasezeranye, kuba mufite Mituweli, nta mwana ufite imirire mibi, kugira ingarani ishyirwamo imyanda, ibyo bikaba nk’ibyo umubyeyi yujuje mbere yo kumushyira muri iyo Porogaramu, ibyo bizafasha igihe utanga ubwunganizi kuzaziba icyuho igihe inkunga izaba ihagaze".

Umuyobozi wa JADF mu Karere ka Muhanga Telimbere Innocent, avuga ko kugera kubyo biyemeje bisaba gushyiramo ingufu, kandi ko bishoboka kugera ku ntego.

Umuyobozi w’Inama Njyanama y’Akarere ka Muhanga Nshimiyimana Gilbert, avuga ko uruhare rwa JADF Muhanga ari ingirakamaro mu iterambere ry’Akarere, ariko bakwiye gukomeza kwicarana bagashakira hamwe ibisubizo.

Agira ati, "Ndabasaba guhindura imyumvire y’abaturage kugira ngo tubarememo umuco wo kwigira, mudufashe kandi gushyigikira gahunda y’Igihugu yo gukura abaturage mu bukene, hashingiwe ku bikorwa bifatika".

Umuyobozi w’Inama Njyanama y’Akarere ka Muhanga, Nshimiyimana Gilbert, avuga ko hari amafaranga ahabwa abatishoboye bitakurikiranwa ntihagire igikemuka

Avuga ko gutanga amafaranga nk’inkunga ntakibazo kirimo, ariko ibyiza ari ugukurikirana kugira ngo hamenyekane uko iyo nkunga yagize akamaro.

Agira ati, "Hari abafatanyabikorwa bigeze guha inkunga y’amafaranga, bamwe bitwa abazunguzayi kugira ngo bahindure ubuzima bave mu muhanda, ariko nyuma y’igihe gito bahise bawugarukamo urumva ko iyo nkunga ntacyo yabamariye".

Asaba kandi gukomeza kugira uruhare, mu gukemura ibibazo bibangamiye imibereho myiza y’abaturage, no kurwanya no guca burundu igwingira ry’abana.

Hari ibyo abafatanyabikorwa bemeye guhindura

Ubuziranenge Odille ushinzwe guhuza ibikorwa by’Umushinga Brac wita ku iterambere, avuga ko nyuma yo kuganira b’inzego z’Ubuyobozi bw’Akarere ka Muhanga, yavuze ko hari ibyo bagiye kurusha kwitaho.

Avuga ko abagore n’abakobwa ndetse n’urubyiruko, basanzwe bakorana ariko noneho bagiye gukurikirana uko inguzanyo bahabwa zikoreshwa, uko zunguka n’ibibazo abazifashe bahuye nabyo.

Agira ati, "Twebwe tugiye kurushaho gukurikirana uko abakoresha inguzanyo dutanga bazibyaza umusaruro, kuko hari igihe tutabashaga kumenya uko abaturage bitabira gukoresha neza inguzanyo zacu.

Abitabiriye Inteko rusange ya JADF Muhanga, basabwe kugira uruhare muri gahunda ya Leta yo gukura abaturage mu bukene, na bo biyemeza kugira ibyo bahindura

Izo nguzanyo batanga ziri kuva ku bihumbi 150frw kugera kuri miliyoni ebyiri, ikishyurwa kugeza ku mezi atandatu, ku nyungu ya 0.6%, ku bagitangira, hakaba n’inguzanyo y’abasanganwe imishinga igera kuri miliyoni 20frw nayo yunguka macye.

Alphonse Munyakayanza wo muri CARITAS Diyosezi ya Kabgayi, nawe yemera ko Hakwiye impinduka mu gufasha abaturage batishobiye, ariko hari n’abagoranye guhinduka bakifuza guhabwa ibintu bifatika.

Agira ati, "Ubu hari abo dusanga mu kwigisha bakinubira ko Caritas itagitanga ibintu, twarabitangiye rero kandi tuzakomeza kubasobanurira ko kwigira bisaba kugira ibyo bigomwa, haba mu byo binjiza no mu byo basohora".

Abafatanyabikorwa b’Akarere ka Muhanga mu iterambere JADF Muhanga kandi, basabwe gufasha guhindura imyumvire mu baturage bafasha, bakitabira kwishyura ubwisungane mu kwivuza, kuko inkunga idaherekejwe n’amagara mazima ntacyo imaze.

Umuyobozi Mukuru ushinzwe iterambere ry’ubukungu no kurengera umwana muri MIGEPROF asaba abana b’abakobwa kwirinda inshuti mbi zibakururira mu busambanyi

Bimwe mu byo abakobwa bafite uburere bubi banduza bagenzi babo, harimo kwiyambura ubusugi byitwa ko butakigezweho.

Hari kandi kwishora mu buraya bagamije gushaka amafaranga, gushimisha imibiri, no kwitwaza iterambere, rituma abangavu batacyumvira ababyeyi babo.

Ni muri urwo rwego Minisiteri y’Uburinganire n’Iterambere ry’Umuryango (MIGEPROF) irimo kuzenguruka mu Gihugu hose, itanga ibiganiro ku babyeyi, abakobwa babyariye iwabo, inzego z’ubuyobozi bw’ibanze n’iz’umutekano, hagamijwe kurwanya inda ziterwa abangavu.

Hatanzwe ibiganiro ku nzego zitandukanye bigamije gukomeza kurwanya ihohoterwa rishingiye ku gitsina

Kimwe mu bibazo MIGEPROF igaragaza bituma abangavu bishora mu ngeso mbi z’ubusambanyi, harimo amatsinda y’inshuti mbi agusha abangavu, no kuba ababyeyi bataganiriza abana ku gihe.

Ibiganiro ku bana bakiri bato ni ingenzi

Umuyobozi Mukuru muri MIGEPROF ushinzwe iterambere ry’Umuryango, no kurengera umwana, Umutoni Aline, asaba ababyeyi kuganiriza abana bakiri bato.

Avuga ko iyo abana bamaze kwigira hejuru, baba baramaze guta umurongo wo kugirwa inama, kuko baba badasobanukiwe n’ingaruka z’imyitwarire mibi no kwifatira imyanzuro.

Agira ati "Ababyeyi bakwiye gutangira kuganiriza umwana akiri muto, abana na bo bakwiye guhitamo inshuti nziza, kuko usanga bene abo babi, ari bo banduza bagenzi babo, babaha amakuru atari yo, nyamara bagakurikije inama bagirwa n’ababyeyi, n’abandi babarera, abana bakwiriye kwirinda igitutu cy’urungano gituma bitwara nabi".

Ni muri urwo rwego, abangavu basaga 120 bo mu Karere ka Ruhango, basoje igikorwa cy’ukwezi cyo kubafasha gusubira mu buzima buzira ihohoterwa n’ubwigunge, nyuma yo guterwa inda z’imburagihe.

Minisiteri y’Iterambere ry’Umuryango igaragaza ko ikigamijwe, ari ugushishikariza ababyeyi kwita ku buzima bw’imyororokere bw’abana babo, no kubabonera umwanya wo kubaganiriza ndetse no guhanura abakiri bazima no guhana abari mu nzira yo kwiyangiza.

Agaruka ku bufasha buhabwa abangavu, n’abandi babyaye batishoboye bahabwa nk’inkunga, asobanura ko Umunyarwanda mwiza ari uwigize, kuko ubufasha butangwa buhabwa uri mu kaga, bityo ko ntawakwishimira kubyara ngo afashwe kuko bumara igihe gito.

Agira ati "Ubufasha ntabwo ari ubwo gushora abana mu busambanyi, ni ubwo gutabara abamaze kwiyangiza, ntabwo rero bikwiye ko kwangirika ugafashwa byatuma wumva ko uzakomeza utyo kuko ubufasha bumara igihe gito. Ni ngombwa kumva ko gukora ukigirira akamaro ari byo bizagutunga igihe cyose".

Mukahabyarimana Chantal avuga ko nk’umubyeyi, asanga hari uruhare rw’ababyeyi mu gutuma abana bishora mu busambanyi bakiri bato, n’ubwo n’abana babo baba bitwaye nabi.

Avuga ko we, umwana we n’umugabo we bahuye n’ikibazo cy’ihungabana, nyuma y’uko umukobwa wabo atwaye inda akiri muto.

Agira ati, "Twebwe ababyeyi tubifitemo uruhare, ntabwo twajyaga tuganiriza abana, kuko yaba njyewe n’umukobwa wanjye twahuye n’ihungabana, amaze gusama inda yarabimpishe kugeza ifite amezi atanu, nahise nkubitwa n’inkuba, nshaka no kwiyahura, na we yahoraga arira yarahungabanye".

Uwo mubyeyi na bagenzi be bafashe umwanzuro wo kwita ku bana babo babyaye n’abuzukuru babo, kuko n’ubwo batabihisemo, bagize uburangare mu burere bukwiye umwana.

Musenyeri Ntivuguruzwa yabitangaje ubwo hizihizwaga umunsi w’abarwayi ku bitaro bya Kabgayi, aho yavuze ko mu mubabaro w’umubiri, n’imibanire n’abandi, kuvugisha neza umurwayi ari ukumufasha kumva ko afite abamwitaho.

Hari abarwayi cyangwa abagana kwa muganga muri rusange, bavuga ko babwirwa nabi n’ababakira, barembye cyangwa baka serivisi.

Abarimo ababyeyi batwite bitegura kuruhuka, kubera ububabare ngo bari mu babwirwa nabi n’abaganga babitaho, babacyurira ko bemeye gutwita bakwiye no kwemera gushinyiriza bakabyara badasakuje.

Ibyo hari aho byamenyerewe ku buryo iyo umubyeyi cyangwa urwaye asanze umuganga runaka muri serivisi, ahitano gusubira inyuma atinya ya magambo mabi.

Umwe mu babyeyi agira ati, "Usanga ku iseta (aho babyariza) baba badutuka ngo ntitubashije kwihangana, njyewe sinzibagirwa umuganga wandodaga akanansukura ibisebe, yankuragaho igipfuko ambabaza, agashikuza nk’uwomora igishishwa ku giti, anambwira nabi, ibyo bituma umubyeyi yumva amerewe nabi".

Abandi babwirwa nabi ni abipfukisha ibisebe kuko na bo bahura n’ububabare bwinshi, ahanini umuganga ntabashe kubyihanganira.

Ababyeyi bafite abana banga kwivuza na bo baranenwa, kubera imyitwarire y’abo babana, hari kandi abaje kwivuza batarembye cyane, na bo ngo babwirwa nabi iyo bategereje guhabwa serivisi bigatinda, bajya kubaza bakabwirwa ko atari bo barwaye kurusha abandi.

Hakenewe ijambo ryubaka umurwayi

Musenyeri Ntivuguruzwa avuga ko kubwira nabi umurwayi bikwiye gucika, kuko aba akeneye ijambo rimuhumuriza, kuko na ryo ari umuti ukomeye mu kuvura no kuremamo umuntu icyizere.

Agira ati, "Hari abarwayi baba baratereranwe n’inshuti n’abavandimwe, ariko ku bitaro bakabakira bakabafasha, ni zo nshingano z’umuganga n’undi wita ku barwaye".

Musenyeri Ntivuguruzwa avuga ko imiti n’ibikoresho bidahagije ngo umurwayi akire

"Abarwayi bakeneye kwegerwa, guhumurizwa bagatuza n’iyo baba bari mu bubabare, ku muganga ni ngombwa kwitwaza amagambo y’ihumure, kuko kwitwaza ibyuma bipima umuriro, ibipima amaso, amaraso n’ubundi burwayi ntibihagije kurusha ijambo ryiza rihumuriza umurwayi kuko rimukomeza".

Ku kijyanye no kuba imvugo mbi z’abakira abantu kwa muganga, zishobora guterwa n’uko abaganga baba barushye kubera ubwinshi bw’abarwayi, ibikoresho bidahagije no gukora amasaha menshi, ku bitaro bya Kabgayi hari ibisubizo.

Musenyeri Ntivuguruzwa avuga ko ari byo koko abaganga bakiri bacye, ariko hashyizweho amashuri menshi ategura abaganga n’abita ku barwayi, kandi Kaminuza ya ICK yafunguye ishami ry’ubuforomo n’ububyaza kugira ngo bafashe Leta kongera uwo mubare ukenewe.

Ati "Mu myaka itarenze itatu iri imbere hazaba hamaze kuboneka abaganga bahagije, ni ugukomeza kugira ukwihangana kuko abarwaye mushonje muhishiwe".

Asaba ko kwita ku barwayi bidakwiye gutekereza gusa ku munsi bahariwe, ahubwo bakwiye kwitabwaho umunsi ku wundi, kugira ngo bagaragarizwe impuhwe n’urukundo bibafasha mu buzima butaboroheye.

Abakozi bo ku bitaro bya Kabgayi babyiniye abarwayi kugira ngo babereke urukundo, baranabasura babaha impano

Umuyobozi w’Akarere ka Muhanga wungirije ushinzwe imibereho myiza, Mugabo Gilbert, yashimiye ubwitange bw’abaganga n’abandi bita ku barwayi.

Asezeranya ko ubuyobozi buzakomeza kubaba hafi, ngo bufashe gusubiza ibibazo bigihari, uko ubushobozi buzagenda buboneka.

Agira ati, "Leta icyo ikora ni ukubegereza ibikoresho, na serivisi zafasha abarwayi gukira vuba n’ubwo tutakuraho uburwayi ariko dukomeza gukora ibishoboka ngo abari kwa muganga bahabwe serivisi nziza".

Umuyobozi Mukuru w’ibitaro bya Kabgayi, Muvunyi Jean, avuga ko bamaze kugera ku bikoresho byinshi kandi serivisi zizakomeza kunozwa.

Bimwe mu bikoresho byoroheje ubuvuzi harimo Scanner, imashini zipima uburwayi bw’amabere, n’ibyuma bipima inzira y’urwungano ngogozi, byose bikaba ari ibikoresho bishya bizafasha mu gukomeza kwita ku barwayi.

Senateri Niyomugabo yemereye abikorera ubuvugizi kugira ngo babone amasoko y’ibyo bakora, naho abikorera bamwemerera ko bagiye kongera mu bwinshi no mu bwiza ibyo bakora, kandi ko kubavuganira bakabona amasoko, bizatuma bongera ingano y’ibyo bakora.

Komiseri Niyomugabo asura ibikorwa by’abikorera mu imurikabikorwa, mu Nteko rusange y’Umuryango RPF Inkotanyi mu Karere ka Muhanga, yagaragarijwe ibikorwa bitandukanye abanyamuryango bagezeho, mu buzima, imibereho myiza n’ubukungu.

Bimwe mu bikorwa bimaze gutera imbere birimo ibikorerwa mu cyanya cy’Inganda cya Muhanga mu nganda zikora imyenda, izitunganya amabuye y’agaciro, izikora ibikoresho by’isuku n’ibyo mu rugo, ibikomoka ku buhinzi n’ubworozi, ndetse n’urwego rw’ubuzima rurimo amavuriro yigenga.

Agira ati “Ibi mukora hari ababa batabizi, kubigaragaza gutya tukabimenya bizatuma natwe tubakorera ubuvugizi mubone amasoko, bimenyekane bigabanye ibitumizwa mu mahanga, ndetse binagirire akamaro u Rwanda n’Abanyarwanda”.

Senateri Niyomugabo yasabye abikorera kwizigamira, abizeza ubuvugizi ku masoko

Yongeraho ati, “Ibyo mukora byose bikinjiza amafaranga murasabwa kujya mwizigamira, kuko amafaranga agira igihe cyo kuboneka, ni na cyo gihe cyo kuyabikira ibihe bikomeye”.

Chairperson w’Umuryango FPR Inkotanyi mu Karere ka Muhanga, Kayitare Jacqueline, avuga ko Umuyobozi mu nzego z’umuryango, afite uruhare runini mu ishyirwa mu bikorwa rya Manifesito y’Umuryango, ari na ho bihurira n’uruhare rw’abikorera mu gukungahaza Igihugu no kugiteza imbere.

Mu kugaragaza ibyagezweho muri uyu mwaka, Kayitare yavuze ko hari ibyagezweho mu nkingi zose, ariko hari n’ibikomeje gukorwa, kandi Umuryango ushyira imbaraga mu birimo gukwirakwiza amazi meza, n’amashanyarazi, kubaka imihanda ya kaburimbo ikagera no mu cyanya cy’inganda n’amashanyarazi ajyanye na cyo.

Agira ati, “Ntabwo twaba turi aha nk’Inkotanyi, tuzi neza ibyishimo twagize dutora umukandida wacu, tuniyemeza ibikorwa bya Manifesto, ngo ejo tuvuge ko byatunaniye, ni ngombwa rero gushyiramo imbaraga, kandi turabishoboye”.

Umuyobozi w’Ivuriro ryigenga Polyclinic La Providence, Muhire Claude, avuga ko kugira ngo umunyamuryango wa RPF abashe kujyanamo na Manifesto y’Umuryango, agomba kuba afite ubuzima buzira umuze, ibyo akabigeraho yipimisha akamenya uko ahagaze cyane cyane ku bageze mu myaka iri hejuru ya 45.

Muhire Claude avuga ko nta munyamuryango wa FPR ukwiye kubaho atazi uko ubuzima bwe buhagaze

Avuga ko gukora cyane bisaba kuba ufite imbaraga, n’imbaduko bikaba bidashoboka igihe udafite ubuzima bwiza, ari na yo mpamvu ivuriro ryabo rishyira imbere mu gufasha Abanyamuryango ba RPF Inkotanyi n’Abanyarwanda muri rusange, kubapima indwara zitandura ku buntu, cyane cyane mu bikorwa by’ubukangurambaga n’ahahurira abantu benshi.

Agira ati, “Nta munyamuryango wa RPF ukwiye kubaho atazi uko ahagaze, kwipimisha ni bwo buryo bwonyine buguha icyizere cy’ubuzima, maze ugakora na ya manifesto igashyirwa koko mu bikorwa”.

Muri iyi nteko rusange yitabiriwe n’ababarirwa mu 1000, hafashwe imyanzuro yo gukora cyane, gutanga serivisi inoze, gukunda umurimo no kuwunoza, no gukomeza umuco wo gukorera hamwe kuko ari byo bituma abantu bagera kuri byinshi icyarimwe.

Hamuritswe ibikorwa by’ubuhinzi, inganda, ubucukuzi bw’amabuye y’agaciro, n’ubuzima

Mu mikino y’umunsi wa 24 wa Rwanda premier league yakomezaga kuri iki cyumweru, amakipe ya As Muhanga na Kiyovu Sports yabonye intsinzi, As Muhanga ishimangira umukino wa kane yikurikiranya idatsindwa.

Ni umukino wabereye kuri Stade ya Muhanga ho mu ntara y’amajyepfo aho ibifashijwemo na Mugiraneza Jean Claude, Twizerana Onesime, ikipe ya Muhanga yatsinze Mukura VS ibitego 2-1 ibona intsinzi ya kabiri mu rugo.

Ni umukino waranzwe n’imbaraga nyinshi ku ikipe ya As Muhanga yashakaga intsinzi ya kabiri murugo no gukomeza kudatsindwa, igice cya mbere cyarangiye Ikipe ya AS Muhanga ifite igitego 1-0 cyatsinzwe na Twizerimana Onesme. Mu gice cya kabiri, AS Muhanga yagarukanye ubushake bwo gutsinda biza no kuyihira maze ku munota wa 83 ibona igitego cya kabiri cyatsinzwe na Jean Claude Mugiraneza mu gihe Mukura VS yishyuye igitego kimwe cyatsinzwe na Boateng Mensah ku munota wa 73 umukino urangira ari 2-1, byatumye AS Muhanga igira amanota 21 ku mwanya wa 16.

As Muhanga yujuje umukino wa kane idatsindwa

Perezida wa AS Muhanga Désire Nzayisenga avuga ko iyi ntsinzi, ari ikimenyetso cy’uko Ikipe iri gukorana neza haba mu buyobozi bwayo no mu bakinnyi.

Agira ati "Iyi ntsinzi tuyikesha ubwumvikane mu ikipe, yaba abayobozi n’abakinnyi, kandi turakomeza ku buryo tutazongera kujya mu myanya mibi".

Yongeraho ati "Kuva imikino yo kwishyura yatangira, tumaze gutsinda ibiri, twanganyije indi ibiri, dutsindwamo umwe, turacyari mu bihe byiza byo gutsinda, kandi tuzabigeraho".

Perezida wa AS Muhanga Désire Nzayisenga avuga ko iyi ntsinzi, ari ikimenyetso cy’uko Ikipe iri gukorana neza

Perezida wa AS Muhanga avuga ko n’ubwo bafite umukino n’ikipe y’igihanganye ya Al MerrikhSC, ariko nta bwoba bayifitiye kuko Ikipe yose ari nk’indi bisaba gusa gukina wifitiye icyizere asaba n’Abanyamuhanga gukomeza kwitabira imikino ibera kuri Stade yabo, kuko ari inkunga ikomeye yo gushyigikira ikipe yabo kuko n’agahimbazamusyi ku bakinnyi niho gaturuka ku mafaranga aba yinjiye.

Abafana bari benshi kuri stade ya Muhanga

Mu yindi mikino yakinwe kuri iki cyumweru, ikipe ya Kiyovu Sports kuri Kigali Pele Stadium yahatsindiye As Kigali ibitego 3-1 naho ikipe ya Gorilla ihanganyiriza na Marine FC igitego 1-1.

Kiyovu Sports yatsinze As Kigali ibitego 3-1

Umuyobozi w’Akarere ka Muhanga, Kayitare Jacqueline, yasabye abikorera gushora imari ahaboneka amahirwe hose muri ako Karere

Kayitare avuga ko abikorera usanga bahugiye cyane mu bucuruzi bw’ibintu bikenerwa ku isoko ryo mu Karere, kandi hari n’ibindi bashoramo nk’ubucukuzi bw’amabuye y’agaciro.

Agira ati, "Usanga amabuye y’agaciro ya Muhanga acukurwa n’abakomoka mu tundi Turere. Ese abikorera ba hano bo babuze iki? Turabasaba kureba kure bakitabira ubucukuzi kuko na bwo butanga amafaranga, kandi bukadufasha guhanga imirimo".

Kayitare kandi asaba abikorera gutekereza ibice by’icyaro, kugira ngo na byo bitere imbere, ndetse akanabasaba gushora imari mu cyanya cy’inganda cya Muhanga, kuko na ho usanga hakorera abakomoka ahandi.

Agira ati, "Kiriya cyanya cy’inganda na cyo ntawikorera wa Muhanga urimo, ni ugutekereza kujya gushorayo, na yo ni amahirwe kuri bo, turanabasaba gushora mu bwikorezi bugana mu misozi ya Ndiza, kuko haratuwe kandi abahatuye bakeneye uburyo bwo guhahirana".

Perezida mushya wa PSF, Nyirishema Félix, avuga ko abikorera bagira uruhare mu guteza imbere abaturage, kuko gushora imari bituma serivisi abaturage bakenera bazibona hafi.

Avuga ko bagiye kureba uko bashora imari muri ibyo bice, akurikije inama z’ubuyobozi, bagatangira no gutekereza gushora mu bucukuzi, ubwikorezi no mu cyanya cy’inganda.

Agira ati, "Ibyo twasabwe tuzabikurikiza kuko ibyo dukora tubikorera abaturage, kandi ahari inyungu ni ho dukwiye gutekereza muri izo nganda n’ubucukuzi bigezweho".

Umuyobozi w’ivuriro ryigenga Sanus Polyclinic i Muhanga, Adelphine Uwimana, avuga ko kugeza serivisi z’ubuvuzi bugezweho, na byo bizakomeza kwegerezwa mu bice by’icyaro kandi ngo barabitangiye.

Agira ati, "Ishoramari mu buvuzi na ryo turi kurishyiramo imbaraga, n’ubwo twigenga ariko tugerageza kwegera abaturage, mu bihe by’ubukangurambaga, gupima no gusuzuma indwara, ndetse no kwigisha abaturage, tuzakomeza kwagura n’izindi serivisi".

Abagize Komite nshya ya PSF ku rwego rw’Akarere ni abantu 10, barimo batatu bagize Biro na barindwi bagize akanama nkemurampaka, amatora akaba akomereza ku rwego rw’Intara y’Amajyepfo kuri uyu wa Gatatu tariki 11 Werurwe 2026.

Abagize Biro ya Komite ya PSF mu Karere ka Muhanga

Imwe muri iyo mirimo mu bagore batuye mu mujyi wa Muhanga batinyutse gukora, harimo iyo gutwara ibinyabiziga, kwigisha kubitwara no kubikanika, ndetse harimo n’abashinze ibigo byigisha iyo mirimo bikaba bibinjiriza amafaranga.

Muri abo bagore harimo abatwara abagenzi kuri moto, abatwara amagare n’imodoka, kandi byari byaragizwe nk’umuco ko nta mugore wakwitabira iyo mirimo.

Umwe muri abo bagore agira ati, "Uyu munsi turishimye, ibaze ko kera nta mugore watwaraga imodoka, iyo wamubonaga atwaye, abantu barahururaga, bagashungera, ariko batabyishimiye, none ubu ni ibisanzwe, imodoka barazitwara, kandi hari benshi bifasha mu kazi bakiteza imbere".

Umugore utwara moto agira ati, "Njyewe nigisha abantu amategeko y’umuhanda, kuri moto yanjye, ntawe utinya kumpa akazi ngo ni uko ndi umugore, ni iby’agaciro kuba twarahawe ijambo, twese tugahabwa amahirwe ku Gihugu cyacu tugakora tukiteza imbere".

Naho utwara igare agira ati, "Uretse no gukorera amafaranga, igare ni igikoresho cya Siporo, abagore bakeneye gukora Siporo y’igare bakagira ubuzima bwiza, byose tubikesha imiyoborere myiza, idaheza abagore ku mirimo n’amahirwe runaka".

Gukora cyane bituma bafasha ingo zabo n’abatishoboye

Ubwo bizihizaga umunsi mpuzamahanga w’umugore, mu Murenge wa Shyogwe mu Karere ka Muhanga, abagore biteje imbere bagabiye inka bagenzi babo, banabafasha kubona ibikoresho by’isuku yo mu rugo n’ibiryamirwa.

Umuyobozi w’Akarere ka Muhanga, Kayitare Jacqueline, avuga ko ibyo abagore bagezeho, byaturutse ku mahirwe Igihugu cyabahaye, kandi ko ntawe ukwiye kongera kuyabavutsa, kuko byatanze umusaruro.

Yagaragaje kandi ko kuri uwo munsi ari umwanya mwiza wo kurebera hamwe imbogamizi zikibangamira umugore mu iterambere ry’umuryango nyarwanda muri rusange, n’ingamba zo gukuraho izo mbogamizi.

Agira ati, "Turasaba gukomeza kwirinda amakimbirane yo mu muryango, kuko umuryango ari wo rufatiro rw’Igihugu, iyo urimo amakimbirane nta terambere wageraho, bikagira ingaruka no ku Gihugu muri rusange".

Ubuyobozi bugaragaza ko uko umugore agira uruhare mu gukora imirimo imuteza imbere mu muryango, ari nako abana bavuka bahabwa uburere bwiza, kwimakaza umuco w’ubufatanye mu muryango, no guha abana umuco mwiza, bigatanga icyizere cyo kugira umuryango mwiza w’ejo hazaza.

Babisabwe ubwo hizihizwaga umunsi mpuzamahanga w’umugore, mu Murenge wa Bweramana, ahagaragajwe ibikorwa abagore bagezeho binyuze mu buhinzi n’ubworozi, imyuga n’ubukorikori n’ubucuruzi.

Umuyobozi w’Akarere ka Ruhango, Habarurema Valens, avuga ko tariki ya 08 Werurwe, ari umunsi wo kuzirikana uruhare rw’umugore mu kubaka umuryango, kandi nta gushidikanya ko umugore ari ingenzi mu kugira umuryango mwiza uteye imbere, kubera umurongo w’imiyoborere myiza y’Igihugu.

Agira ati "Turagaya abagifite imyumvire mibi yo guheza abana b’abakobwa ku mahirwe ahari, n’abakirangwa n’amakimbirane mu miryango, kuko baha urwaho ubukene n’imibereho mibi ku miryango yabo".

Atanga urugero rw’imiryango hafi 500 byagaragaye ko irangwa n’amakimbirane, ariko muri yo bagerageje kuyiganiriza, isaga 300 iyasohokamo, agasaba ko ikomeza kugira amahoro n’ituze.

Mu kiganiro ku ruhare rw’umugore mu guteza imbere Umuryango, hagaragajwe ko mu Karere ka Ruhango hari abagore baboha ibiseke, bifite amasoko mpuzamahanga kandi bituma biteza imbere n’imiryango yabo.

Hagaragajwe kandi ko ubushakashatsi bwakozwe, bwasanze aho umugore ari, harangwa ruswa nkeya cyane, mu gihe mu ngo ntawakwirengagiza ko umugore ari ingenzi, nubwo hari imiryango ishobora kubamo ibibazo.

Benenyirigira Diane watanze icyo kiganiro, asaba bene abo kwirinda amakimbirane, kandi umugore abigizemo uruhare, byose bigakorwa abantu bishyira hamwe mu matsinda, bakigiranaho uko bamwe bageze ku muryango mwiza.

Agira ati "Umugore akwiye kuba umusemburo w’impinduka, nibwo muzabasha kugaragaza neza uruhare rwanyu mu iterambere ryawo".

Nirere Marie Léoncie witeje imbere, avuga ko kubera imyumvire ishingiye ku muco wo gupfobya umugore, yakuze azi ko umugore ari uw’umugabo gusa, ariko amaze guhugurwa ko umugore ashoboye, yatinyutse agapiganira imirimo itandukanye.

Avuga ko amaze kwisobanukirwa agakora akiteza imbere, yafashije abandi bagore basaga 120, na bo bakaba baratinyutse, bagakora.

Avuga ko hakiri imbogamizi zibangamiye iterambere rw’umugore, harimo inda ziterwa abangavu no kuva mu mashuri imburagihe, agasaba ko bikomeza gukumirwa.

Harimo kandi ihohoterwa rigikorerwa abagore, kutagera ku mahirwe, ku bukungu n’inguzanyo, bakifuza ko ubumenyi ku buzima bw’imyororokere bwigishwa, kandi umugore agakomeza gufashwa kugera ku bukungu.

Agira ati, "Hakwiye no gukorwa ubushakashatsi ku buringanire, kugira ngo hagaragazwe ibyagezweho n’aho bigipfira, ngo bugerweho neza".

Depite Tumukunde Hope avuga ko mu 1972, ari bwo u Rwanda rwemeye amasezerano yo kwizihiza umunsi mpuzamahanga w’umugore, ubu ukaba wizihijwe ku nshuro ya 51 kuko u Rwanda rwayashyizeho umukono mu 1975.

Avuga ko ku rwego rw’Isi bazirikana ubutabera ku mugore, naho mu Rwanda hakaba hashimangirwa agaciro ke, dore ko u Rwanda rwashyizeho politiki y’uburinganire n’ubwuzuzanye.

Avuga ko bigaragarira cyane mu nzego za Leta nko mu Nteko Ishinga Amategeko imitwe yombi, aho abagore babarirwa muri 60%.

Avuga ko kwizihiza umunsi mpuzamahanga w’umugore, ari umwanya wo kwishimira ibyagezweho no kureba imbogamizi agihura na zo mu iterambere.

Agira ati, "Aho twageze twahasanze amakimbirane ashingiye ku mitungo, ingeso z’ubusinzi, gucana inyuma, no kutaganira ku bagize umuryango, bigatera ubukene mu miryango no gutandukana kw’abashakanye, tugomba gukomeza kubirwanya".

Hagaragara kandi guhohotera abana b’abakobwa, abatwara inda imburagihe, n’indi migirire itandukanye n’umuco Nyarwanda.

Avuga ko kubera ko Umuryango ari wo shingiro kamere w’imbaga Nyarwanda, ibibi bigira ingaruka ku iterambere ry’Igihugu, hakaba hakwiye gufatwa ingamba nyazo ngo izo mbogamizi zikemuke.

Asaba abagabo gushyigikira abagore, kuko guteza imbere umugore, ari uguteza imbere Igihugu bivuye mu muryango.

Ni imbuto yitwa RW 2245, ariko abaturage bakaba barayihimbye ’Gura igare’ kubera umusaruro itanga. Akandi kabyiniriro bayihaye ni Rwanda Rushya.

Ni mu gikorwa cyo gutangiza igihembwe cy’Ihinga B 2026, aho mu Karere hose bazatera ibishyimbo bikazunganirwa n’imyumbati ndetse n’imboga.

Ubusanzwe iyo mbuto y’ibishyimbo izwi ku izina ry’Ubushakashatsi rya Rw 2245, naho Gura igare ni izina bayihaye, kubera musaruro itanga mwinshi, ku buryo uwayihinze asarura byinshi, bikamugora kubyikorera abikura mu murima, kuko ngo bimusaba izindi mba…

Ubusanzwe iyo mbuto y’ibishyimbo izwi ku izina ry’ubuvumbuzi rya Rw 2245, naho Gura igare ni izina bayohsye, kubera musaruro itanga mwinshi, ku buryo uwayihinze asarura byinshi, bikamugora kubyikorera abikura mu murima, kuko ngo bimusaba izindi mbaraga zirimo no gukoresha ibinyabiziga.

Iryo zina kandi rishingiye ku kuba uwasaruye ibyo bishyimbo, abona amafaranga menshi, akagura igare rimufasha gukomeza kwikorera imizigo, gusarura, gutunda amafumbire no kugenderana.

Mushimiyimana Rebeca wo muri Koperative Kungahara Muhinzi mu Murenge wa Ntongwe, avuga ko iyo hatabayeho ikibazo cy’Ikirere, ibishyimbo byabo bya Gura igare byera neza, cyane cyane iyo wayihinze kijyambere ku murongo, kandi ugateresha ifumbire.

Agira ati, "Birera rwose iyo ikirere cyabaye cyiza, impamvu tutakoreshaga amafumbire mvaruganda, ni uko twateguraga imborera ihagije. Ibi bishyimbo ni byiza, ikilo kimwe tukigurisha 1500frw, tunabijyana mu mamurikagusisha, byatumye tuzamuka ubu mfite ihene ebyiri mu rugo, n’inkoko zitera n’izikiri nto kubera ibi bishyimbo".

Undi Muhinzi agira ati, "Iri gare nariguze kubera umusaruro mwiza wa Gura igare, narejeje ngurisha imifuka itatu y’ibishyimbo, ngurisha ibiri ngura iri gare ku 55.000frw undi ndawusigaza".

Muri iki gihembwe cy’ihinga, Ubuyobozi bw’Akarere ka Ruhango busaba abaturage guhinga ubuso bwose, kugira ngo bazabone umusaruro mwiza bihaze kandi basagurure amasoko.

Umuyobozi w’Akarere ka Ruhango Habarurema Valens asaba kandi abaturage, kwitabira gukoresha amafumbire mvaruganda, kuko aho Isi igeze hakenewe ibyo kurya byinshi, kandi bitaboneka bakomeje guhinga mu buryo bwa gakondo.

Agira ati, " Ijwi ryanjye ndashaka ko rigera ku bahinzi bo mu Ruhango gutinyuka gukoresha ifumbire mvaruganda, kuko ntabwo yonona ubutaka nk’uko benshi babitekereza, dukeneye ibintu byinshi cyane kandi amafaranga yo kubugira arahari, abaturage bakanguke duhinge ku buso bwose bushoboka twiteze imbere".

Mu bihingwa bizitabwaho muri iki gihembwe cy’ihinga B 2026 harimo ibishyimbo, imyumbati n’imboga, aho abahinzi basabwa kwitabira guhingira igihe kuko ikirere kimeze neza.

Abagejeje ikibzo kuri Meya, baviga ko badashobora gukora akarimo kabaha amafanraga, kandi bakaba nta bundi bwizigame bafite.

Umusaza Nyagasaza Francois yicumbye akabando, avuga ko atagifite imbaraga zo gukora, kandi yashyizwe mu cyiciro cy’abazishyura 10.000frw.

Asaba ko yahindurirwa icyiciro akajya mu giciye munsi, nko kwishyura 4.000frw kuko nta n’abana afite bamurwanaho ngo abone ayo mafaranga.

Agira ati, "Nk’ubu ko ntacyo nkora kinjiza, ayo mafaranga 10.000frw nayakura he, ko n’abana banjye bamwe bapfuye, abandi bakaba barashatse batunze ingo zabo"?

Hari kandi umusaza uvuga ko bamushyize mu cyiciro cy’abazishyura 20.000frw, kandi atuye mu cyaro cya Ntongwe, hakaba n’umukecuru uri mu birukanwe muri Tanzaniya, nawe uvuga ko atabasha kwibonera ubwishyu bwa Mituweli.

Umuyobozi w’Akarere ka Ruhango Habarurema Valens, avuga ko amakuru agenderwaho, atareba niba umuntu ashaje ahubwo areba ubushobozi afite.

Agira ati, "Umuntu ashobora kuba ari i Ntongwe ariko afite ibibanza, inzu zikodeshwa, n’indi mitungo ahandi hantu, cyangwa afite abamukomokaho bifite bikaba byaherwaho ashyirwa muri icyo kiciro".

Leta yunganira umuturage agera kuri miliyoni enye

Habarurema avuga ko ubusanzwe Nkunganire ya Leta ku mwaka, igera kuri miliyoni enye, ku munyamuryango wa Mituweli, ku buryo uwarwaye yemerewe kuvuzwa kugeza ayo mafaranga ashizemo.

Bitandukanye n’abakeka ko imisanzu ya Mituweli ariyo ibavuza gusa, mu gihe Leta ishoramo amafaranga menshi.

Agira ati, "Nagira ngo mbamenyeshe ko n’utanga ibihumbi 20frw ntahagije, kuko iyo yarwaye Leta imwishyurira kugera kuri miliyoni enye, ubwo murumva kwishyura 4000frw, Leta ikagutangira mliyonie enye hari uko iba itagize koko"?

Asaba abaturage kwemera impinduka zabaye mu gushyirwa mu byiciro, hagira uwumva amakuru ye atajyanye n’amikoro ye, akagana ubuyobozi bw’Akagari, bugasuzuma ayo makuru bigakosorwa.

Agira ati, "Ndahamya ko amakuru ya sisitemu imibereho yizewe kuri benshi, ariko birashoboka ko hari aho atajyanye n’imibereho yawe, icyo gihe waza tukakurebera, nta kibazo gihari, ariko abantu bose ntibakwiye guhurura ngo baje kwikosoza kuko hari amakuru asanzwe ahari".

Abashyizwe mu bazishyura 20.000frw batabikwiye bazakosorerwa

Ubuyobozi bw’Akarere ka Ruhango buvuga ko ko abaturage badafite ubushobozi, kandi barashyizwe mu cyiciro cy’abazishyura ibihumbi 20frw kuri Mituweli, bazakosorerwa bagashyirwa mu cyiciro gikwiranye n’ubushobozi bwabo.

Ubuyobozi nabwo bwemera ko hari aho bwasuzumye, busanga hari bamwe mu baturage, bo mu byaro bashyizwe mu cyiciro cya gatatu, cyishyura 20.000 frw kandi bagaragaza ko ntamikoro bafite.

Ubusanzwe hari amakuru agena ibyiciro bitanu, muri Porogaramu y’Imibereho ibitse amakuru, yifashishijwe mu guhyira mu byiciro abaturage, n’umusanzu usabwa kuri buri cyiciro, uzatangirana n’umwaka w’ingengo y’Imari 2026-2027.

Ayo makuru agaragaza ko uwishyura ibihumbi 20frw, ari umuturage wishoboye, utunze ibirimo amasambu, inzu zikodeshwa, abacuruzi, abahembwa imishahara itubutse, n’ubundi bushobozi bugendanye n’icyo kiciro.

Umuyobozi w’Akarere ka Muhanga Kayitare Jacqueline mu kiganiro n’abaturage

Byatangarijwe mu gikorwa cy’umuganda rusange gisoza ukwezi kwa Gashyantare 2026 mu Karere ka Muhanga, ahakozwe ibikorwa byo kurwanya isuri no gusobanurira abaturage bose gahunda nshya yo kwishyura umusanzu w’ubwisungane mu kwivuza (Mutuelle de Santé), izatangira gukurikizwa mu mwaka wa 2026-2027.

Gahunda nshya yo kwishyura umusanzu wa Mituweli igitangazwa, benshi bisanze mu cyiciro cy’abagomba kwishyura 5.000frw, 8.000frw, hakaba n’abisanga mu cyiciro kizishyura 20.000frw ku muntu umwe, bivuye ku 3.000frw yari amenyerewe.

Mu Karere ka Muhanga hari abaturage bavuga ko imiterere y’ibyiciro byashyizwemo, muri gahunda y’Imibereho, bituma bisanga mu bagomba kwishyura amafaranga y’ubwisungane mu kwivuza atajyanye n’ubushobozi bafite.

Abo baturage iyo bagaragaza imibereho n’ubushobozi bafite, hari abavuga ko bahangayikishijwe no kwishyura Mituweli mu mwaka utaha, kuko bashyizwe mu byiciro bihenze, kandi amikoro yabo ari macye cyane, bakifuza ko hari ibyakosorwa.

Umwe agira ati, "Njyewe nk’ubu mba mu nzu nubakiwe na Leta, nta tungo ngira nkuraho amafaranga, ubushobozi mbasha kubona nishyurira abana ishuri, no kubabonera ibyo kurya, banshyize mu bazishyura 8.000frw, ariko nibura nabasha kwishyura 4.000frw".

Undi agira ati, "Njyewe rwose nibatagumishaho ariya twishyuraga 3.000frw, ntabwo nzabasha kubona ayo yandi banshyize mu bazishyura 5.000 kandi ino kubona n’ibyo kurya no kwishyurira abana ishuri ni ikibazo".

Undi nawe agira ati, "Nk’ubu no kubona 12.000frw ku bantu bane nishyuriraga byangoraga, none banshyize mu bazishyura 8.000frw kandi ntacyo mfite nyakuraho, rwose ni ukureba uko babihindura".

Kuvugurura Mituweli ni ngombwa kandi abantu bakwiye kubyumva

Muri rusange abaturage ntibavuga ko Mituweli nshya ihenze, ahubwo bagaragaza ko ibyiciro byashyizwemo by’ayo bazishyura bitajyanye n’ubushobozi bwabo, ari naho bahera basaba ko byakosorwa bikajyanishwa koko n’ubushobozi bw’ibyo binjiza.

Meya Kayitare avuga ko kwishyura Mituweli ivuguruye ari ku neza y’umuturage kugira ngo agire ubuzima bwiza

Umuyobozi w’Akarere ka Muhanga Kayitare Jacqueline, avuga ko ubuzima ntagihenze kuburusha, kandi ko ari bwo gishoro cy’iterambere rya buri wese, kandi Leta ihora ishaka umuturage ufite ubuzima bwiza ikanamubungabunga.

Asaba abaturage kwemera kwishyura Mutuweli ivuguruye, kuko ari bwo bazagira ubuzima bwiza, gusa aho byagaragara ko umuturage adafite ubushobozi koko, bikigwaho ariko bitagumye uko byahoze, kuko 3.000frw umuturage yishyuraga atakijyanye n’ikiguzi cy’ubuvuzi.

Agira ati, " Hari indwara zajyanwaga kuvurirwa hanze ubu zivurirwa mu Rwanda, hari serivisi n’abazitanga kwa muganga byose bifite ikiguzi kijyanye n’aho iterambere rigeze kuneza y’Umunyarwanda".

Yongeraho ati, "Ntabwo bigoye ko umuturage yishyura Mituweli ku byiciro bishya, icyangombwa ni uko azishyura hakurikijwe amakuru ajyanye n’ubushobozi afite, inzego z’ibanze dufite izo nshingano zo gukosora amakuru ajyanye n’ubushobozi bw’umuturage, ariko ku kijyanye n’impinduka, ntakibazo mbibonamo".

Kayitare avuga ko ibikorwa byo kwegereza serivisi z’ubuzima abaturage, ari ikindi gutuma abantu bakwiye kwemera impinduka mu kwishyura Mutuweli, kandi ko hazakomeza gusobanurwa izo mpinduka nshya, kandi n’abantu berekwa aho bakura ubushobozi bwo kwishyura.

Hari abaturage bavuga ko ibyiciro by’imibereho biramutse bidakosowe bazagorwa no kwishyura Mituweli ivuguruye

Ku rwego rw’Akarere, uwo muganda wabereye mu Mudugudu wa Karambo, Akagari ka Ngarama, mu Murenge wa Kabacuzi, aho abaturage bifatanyije na Depite De Bonheur Jeanne d’Arc na Depite NZAMWITA Deogratias, Komite Nyobozi y’Akarere, Abafatanyabikorwa b’Akarere, inzego z’umutekano, n’abandi batandukanye.

Ni umukino w’umunsi wa 22 wa shampiyona ya Rwanda premier league aho ikipe ya As Muhanga yari yakiriye ikipe ya Police FC ariko kubera imvura nyinshi yaguye muri aka karere gaherereyemo na stade nyirizina yaberagaho umukino, byataumye usubikwe kuko ikibuga cyo cyari cyamaze kurengerwa n’amazi kandi ntiyabashaka guhita.

Ubwo iminota yari igeze kuri 30 y’igice cya mbere, abasifuzi bafashe umwanzuro wo gusubika umukino ukaza gusubukurwa kuri iki cyumweru taliki ya mbere Werurwe ndetse umukino ugakomereza aho wari ugeze. Nubwo ariko uyu mukino wasubitswe ndetse ukaba uza gusubukurwa kuri iki cyumweru, ikipe ya As Muhanga yo yari yamaze kwibikahao igitego cyayo cya mbere.

Bagerageje gu koropa ngo barebe ko hari icya gabanyuna ariko bitanga

Dore uko byari byifashe mbere y’uko imvura ihagarika umukino

Ni umukino watangiye ikipe yakiriye ikina neza, maze ku munota wa 15 umukinnyi witwa Telesphore ( Fodden) , atera umupira maze ukozwaho agatsinsino na Onesime Twizerimana, usanga Martin Fabrice Twizeyimana atsinda igitego cyiza cyane.

Muri rusange mu minota 30 yarimaze gukinwa, ikipe ya As Muhanga yagaragaza inyota yo gushaka intsinzi kuri sitade ya Muhanga, nyuma yo kuhatsindira ikipe ya Rutsiro ku mukino w’umunsi wa 21, ibitego 2-1.

Umuyobozi wa AS Muhanga Désire Nzayisenga avuga ko abantu bari baguze amatike, bazayagarura kuri iki cyumweru kuri Sitade bakayinjiriraho batongeye kwishyuzwa, kandi abatarishyura bagomba gukomeza gukurikiza amabwiriza, bakishyura bakikurikirira umukino w’ikipe yabo.

Asaba abakunzi ba AS Muhanga gukomeza kugira ishyaka ryo kuyishyigikira, nkuko yatangiye itsinda, kandi turashaka guha abafana bacu Intsinzi dutsinda Ikipe ya Polisi fc tugamije kuyereka ko AS Muhanga yubatse uburyo bwo guha ibyishimo abafana bayo baba muri aka Karere ndetse n’ababa mu bindi bice bitandukanye mu Rwanda.

Barakomereza aho bari bageze

Nk’uko bisanzwe abana bari munsi y’imyaka 15, barinjirira ubuntu ku kibuga, n’abakuru biga mu mashuri yisumbuye banjirire Ubuntu, ariko nambaye impuzankano z’ibigo bigamo barinjirira ubuntu, ku irike y’Akarere ka Muhanga.

Urubyiruko rwagaragaje ibyo rukora, rwishimira ko rwahawe amahirwe angana ku bakobwa n’abahungu

Babitangarije mu Nteko rusange yagaragarijwemo imihigo urwo rubyiruko rwari rwahize umwaka ushize, aho rwayesheje ku gipimo cya 100%, mu bikorwa bitandukanye.

Bimwe mu bikorwa urugaga rw’urubyiruko rushamikiye ku Muryango FPR Inkotanyi mu Karere ka Muhanga rwagezeho, harimo gushinga nibura Koperative imwe ikora neza muri buri Murenge.

Hari kandi ibikorwa by’imyuga iciriritse, birimo nko gukora inkweto, gukanika ibinyabiziga, no guhanga udushya mu ikoranabuhanga, aho rugaragaza ko hari abakoze ibikoresho byifashishwa mu buhinzi n’ubworozi, no gukumira no gutanga amakuru ku biza.

Umwe muri bo agira ati, “Twebwe twakoze igipimo cy’ubushyuhe gipima abantu cyitwa (TermoRwanda), kizajya gikoreshwa cyizewe kuko kijyanye n’imiterere yo mu Rwanda, mu gihe ibindi bipimo biva hanze, hari igihe bitanga imibare itizewe kuko biba byarakozwe hagendewe ku miterere y’aho bikomoka”.

Uru rubyiruko rw’abahungu n’abakobwa rugaragaza ko ibyo rwagezeho, rubikesha ku kuba ruhabwa amahirwe angana ku ntebe y’ishuri, no mu mirimo itandukanye ubundi yari izwi nk’iy’igitsina gabo gusa.

Umwe mu bakobwa agira ati, “Turashimira RPF Inkotanyi yazanye uburezi budaheza, n’abakobwa tugahabwa amahirwe yo kwiga nk’abahungu, nk’ubu nzi gukanika imodoka zitandukanye kandi bavugaga ko nta mukobwa wabikora”.

Umuyobozi w’urugaga rw’urubyiruko rushamikiye ku muryango FPR Inkotanyi mu Karere ka Muhanga, Didier Cedric Tugirimana, avuga ko bagiye gukomeza gukora ibikorwa bibyara akazi, binyuze mu guhindura amatsinda yarwo akagera ku rwego rwa za Koperative zitanga akazi ku bazigize n’abandi bazegereye.

Agira ati, “Turifuza noneho gusanga amashyirahamwe n’amatsinda y’urubyiruko tukayakoramo za Koperative, zitanga umusaruro kuko twabikoze mu igerageza birakunda, kuri buri Murenge dufiteyo Koperative ikora kandi ifite ubuzima gatozi”.

Umuyobozi wungirije w’urugaga rw’Urubyiruko rushamikiye ku muryango FPR Inkotanyi ku rwego rw’Igihugu, Muhire Alexis, asaba urubyiruko muri rusange gukomeza kuyoborwa n’amahame y’Umuryango muri ibyo bikorwa, kugira ngo barusheho gukora ibizana impinduka.

Agira ati, “Kugira ngo mugere ku byo mwifuza ni ngombwa gukorana neza mu nzego z’ubuyobozi zubatse, kuko mwebwe ubwanyu ntabwo mwateza imbere Akarere kose, ni ngombwa rero gukurikiza amahame y’Umuryango FPR Inkotanyi, mugafatanya mugakora ibikorwa bizana impinduka”.

Mu gihe ubushakashatsi bwa karindwi ku mibereho y’ingo bugaragaza ko mu Karere ka Muhanga, urubyiruko rudafite akazi rubarirwa muri 17. 4 % , Chairpeson w’Umuryango RPF Inkotanyi mu Karere ka Muhanga Kayitare Jacqueline avuga ko hakomeza gushakishwa amahirwe aboneka mu Karere urubyiruko rwabyaza umusaruro, haba mu buhinzi n’ubworozi, ubucukuzi bw’amabuye y’agaciro, no kwihangira imirimo binyuze mu myuga.

Abahinzi bamurikiwe imbuto, imiti n’izindi nyongeramusaruro

Byatangajwe ku wa 24 Gashyantare 2026 mu Karere ka Muhanga, ubwo abahinzi baturutse mu makoperative atandukanye, bemererwaga guhinga iyo mbuto ya ETG kuko yageragejwe, ikanemezwa na RICA ko yujuje ubuziranenge.

RICA yemeza ko imbuto ya M-601 ifite ubushobozi bwo guhangana n’imihindagurikire y’ibihe, guhangana n’indwara no gutanga umusaruro mwinshi.

Kugira ngo imbuto yemerwe mu Rwanda, hakorwa ubushakashatsi n’amagerageza menshi, ikabona guhabwa abahinzi bayitubura, ari na bo bazayigurisha kuri ba Rwiyemezamirimo bayigeza ku bahinzi.

Nyamara ariko hari abahinzi batunga agatoki ibigo by’abatubuzi b’imbuto na ba rwiyemezamirimo babagurisha imbuto, ko hari igihe iyo mbuto iba mbi, umusaruro ukaba mucye, bikabangamira gahunda yo kongera umusaruro no kwiteza imbere ku bahinzi.

Umuyobozi w’ishami rishinzwe kugenzura iyubahirizwa ry’amabwiriza y’ubuziranenge, ku bikomoka ku buhinzi n’ubworozi, inyongeramusaruro, n’uburyo bitunganywamo RICA, Savio Hakirumurame, avuga ko izo mbogamizi ziri gushakirwa umuti urambye.

Hakirumurame Savio avuga ko RICA iri guteganya uburyo bushya bwo kugenzura niba imbuto yahawe icyemezo cy’ubuziranenge koko ari yo yahawe abahinzi

Agira ati, “Ni byo koko hari igihe imbuto ishobora kwitwara nabi ntitange umusaruro kuko yabaye mbi, icyo gihe abahinzi basabwa kuza kuri RICA, tugasuzuma ikibazo, twasanga cyaratewe na Rwiyemezamirimo wabahaye imbuto mbi, akaba yabiryozwa mu buryo bw’amategeko, umuhinzi akishyurwa ibyo yahombye”.

Avuga ko hari n’igihe umuhinzi bashobora kumugurisha imbuto idahuye n’iyo yahisemo, ibyo bikaba bikwiye gukurikiranwa, umuhinzi agenzura neza ariko akanagirana amasezerano na ba rwiyemezamirimo bizewe, ariko ko hari n’uburyo bugiye gushyirwaho bwo kugaragaza umwimerere w’imbuto.

Agira ati, “Hari uburyo turimo gutegura bwo gufunga imbuto, ku buryo hajyaho akantu gafunga umufuka wagafungura imbuto ntiyongere kujyamo, tukanashyiraho ibirango byayo ku buryo ntawabyigana, kuko hari aho twabonye bikorwa abacuruza imbuto bakabikoramo ubujura”.

Hamuritswe imbuto nshya y’ibigori

Hakirumurame ashimira ikigo cy’ubutubuzi bw’imbuto, cya ETG cyamuritse imbuto nshya y’ibigori M-601, agasaba abahinzi kuyitabira kuko iri mu zagenzuwe n’ikigo RICA, kandi ko abahinzi bagize umwanya wo kuyisobanurirwa.

Bishimiye kugezwaho imbuto nshya

Umuyobozi w’Umuryango uharanira terambere ry’umuhinzi, rigamije isoko AGRIFOP Safari Jean Bosco, ashimira ETG ibagezaho imbuto n’imiti, n’ibindi bikoresho bifasha abahinzi kugera ku musaruro mwiza.

Avuga ko kugira ngo umuhinzi agere ku musaruro uhagije, ari ngombwa gutekereza ku mbuto nziza azakoresha, ariko nawe agakurikirana.

Agira ati, “Intangiriro nziza ni ugutoranya imbuto nziza, gukurikizaho gufumbira, no gukurikirana kurwanya ibyonnyi, imihindagurikire y’ibihe, kubagara ku gihe, gutera ifumbire mvaruganda n’imborera, kuko nko ku bigori biba bikeneye intungagihingwa 16, kandi zose ziboneka mu ifumbire y’imborera, ikunganirwa n’indi itanu ya NPK na DAP”.

Umuyobozi wa AGRIFOP, Safari Jean Bosco

Bamwe mu bahinzi bagerageje imbuto ya M-601, bagaragaza ko yiteze kuzabona umusaruro mwiza kuko bagereranyije n’imbuto bakoresheje igihembwe gishize, biteze kuzabona umusaruro wikubye hafi kabiri.

Agira ati, “Ubushize nahinze imbuto nsaruraho toni esheshatu kuri hegitari, ariko iyi nagerageje ndabona izo toni nzazibona ku gice cya hegitari, ubwo urumva ko iyi ari yo ifite umusaruro mwinshi”.

Imbuto nshya y’ibigori ya M-601, igira intete nini z’umweru, kandi ikagira uruti rukomeye rutuma ibigori bidahungabanywa n’umuyaga mwinshi, kandi kigaheka ihundo rinini kandi riremereye nk’uko abashakashatsi babyerekana, ikaba yerera amezi atatu n’igice.

Ikilo cy’iyo mbuto ni 2500frw ku wishyira ikiguzi cyose 100%, mu gihe abakeneye iyo mbuto kuri nkunganire ya Leta, bazajya bayibona bishyuye hagati ya 700frw na 800frw ku kilo.

Iyo mbuto yeretswe abahinzi mu murima

Ni igihingwa gishya batangije muri icyo gishanga kuko ubusanzwe bahingagamo ibigori mu nkengero zacyo, n’umuceri hagati ahari amazi menshi. Icyakora kubera ko amazi yakomeje kugabanuka, bahisemo gutangizamo igihingwa cya Soya.

Umuyobozi w’Akarere ka Muhanga, Kayitare Jacqueline, atangiza icyo gikorwa muri iki gihembwe cy’ihinga cya B 2026, yagaragaje ko imbuto yatewe ari iyakorewe ubushakashatsi, kandi ikanageragerezwa muri icyo gishanga, ku buryo hizewe umusaruro mwiza.

Yagize ati “Imbuto nziza irahari, nkunganire ku ifumbire no ku mbuto turimo kubitanga, ntihagire umuhinzi utera adakoresheje ifumbire mvaruganda, bitabire kwiyandikisha kuko inyongeramusaruro ziri kwegerezwa abahinzi kugeza ku rwego rw’Akagari”.

Kayitare avuga ko ku bifuza kuhira imusozi n’ubundi bazafashwa kubona ibikoresho, birimo n’imashini zo kuhira, kugira ngo hatazagira umuhinzi ubura umusaruro.

Umuyobozi w’Akarere ka Muhanga, Kayitare Jacqueline, asaba abahinzi kwihutira kwiyandikisha muri Nkunganire ngo bahabwe inyongeramusaruro

Umukozi ushinzwe ubuhinzi muri Koperative COKAR, Nzabahimana Naftal, avuga ko bizeye kuzabona umusaruro uhagije, kuko igerageza bakoze basanze Soya ishobora gutanga hejuru ya toni eshatu kuri hegitari, bityo ko guhinga ku buso bunini bazasarura soya nyinshi.

Agira ati “Ubu tugiye guhinga imbuto ya RWASO 20-3, ni yo mbuto nziza twagerageje kuko twasanze ku buso bungana na Are imwe dukuraho ibiro 30, ubwo tuzasarura soya isaga toni eshatu kuri hegitari, turasaba abahinzi kuzitaho tukazabona umusaruro mwiza”.

Nyirasafari Hilarie avuga ko guhabwa Soya yo guhinga, ari indi ntambwe ubuyobozi bubagejejeho, kugira ngo bakomeze bahinge kijyambere bazabone umusaruro mwiza, by’umwihariko ku binyamisogwe.

Agira ati “Gahunda ya FOBASI ituzaniye igihingwa gishya ngo tuzamure umusaruro, natwe ni ugukoresha imbaraga zacu, tugafumbiza imborera, noneho Leta ikadufasha kubona imvaruganda. Turizera ko tuzabona umusaruro mwiza”.

Abahinzi bizeye kuzabona umusaruro mwiza kuko bahawe imbuto yabanje kugeragezwa mu butaka bwabo

Ubuyobozi bw’Akarere ka Muhanga butangaza ko Igihembwe kirangiye cya A 2026, cyibanze ku buhinzi bw’ibigori n’ibishyimbo, ahatangijwe ibyanya by’ubuhinzi 66, kandi hakurikijwe ubujyanama bwatanzwe na Minisiteri y’Ubuhinzi n’Ubworozi (MINAGRI), byatanze umusaruro mwiza.

Imibare igaragaza ko nubwo ishwagara yakoreshejwe yabonetse bitinze kandi izuba rikava igihe kirekire, umusaruro w’ibigori wabonetse ubarirwa hejuru ya toni 6.5 kuri hegitari, uvuye kuri toni 5.5 umwaka wabanje.

Babyibukijwe mu gikorwa cy’ubukangurambaga bw’isuku n’isukura, kiri kugana mu minsi ya nyuma muri uku kwezi kwa Gashyantare 2026.

Ubwo bukangurambaga budasanzwe bw’ibanze ku kugenzura isuku, mu mujyi wa Muhanga ahahurira abantu benshi, by’umwihariko mu bakora ubucuruzi bwa Resitora, amaduka, aho batunganyirizwa imisatsi n’ubwiza, n’aho bategera imodoka.

Bamwe mu bakorera mu mujyi wa Muhanga bagaragaza ko hari ibyo bagenda bakosora, ariko inzira ikiri ndende, n’ubwo bafite amabwiriza agenga isuku n’isukura atangwa n’Ubuyobozi.

Bimwe mu bigaragara abacuruzi bataranoza, by’umwihariko aho bategurira amafunguro (Restaurant) mu mujyi wa Muhanga, harimo gusukura mu gikoni, nk’aho usanga ibyo batetse bidapfundikiye, n’ibyasigaye bidahita bishyirwa ahabugenewe.

Hari kandi umwanda mu bikoni uterwa no gukoresha amakara, bikagorana ku gusukura ibyo batekamo n’aho batekera, no kwita ku isuku y’abakozi muri rusange.

Nyuma yo gusura izo Resitora hatanzwe ubujyanama bwo gukosora bimwe na bimwe, kandi ba nyirazo bemera gushyiramo imbaraga.

Umwe agira ati “RPF ni umubyeyi wacu iyo mudusuye tubigiraho byinshi, mbere twumvaga kudukebura ari ukuduhohotera, ariko ubu niyemeje ko niba nari ngeze kuri 50%, ibyo ubuyobozi bwangiriyeho inama, ndakomeza kubinoza".

Undi agira ati, "Bangiriye inama yo kureka gukoresha amakara kuko ateza umwanda, nanjye ndabibona kandi turi gutegura uburyo bwo kongera inzira za Gaz n’amashyiga kugira ngo turusheho kunoza isuku".

Umuyobozi (Chairperson) w’Umuryango FPR Inkotanyi mu Karere ka Muhanga, Kayitare Jacqueline, avuga ko bakoze igensura bagamije gutanga inama, ariko ko hari n’ibiteganywa n’amategeko iyo ntacyo bahinduye.

Hanakozwe kandi umuganda udasanzwe mu Mirenge yose igize Akareka ka Muhanga, ahasibuwe inzira z’amazi, gusiba ibidendezi no gutema ibihuru, no gusukura imihanda y’imigenderano.

Bashimye ko abakora ubucuruzi bw’amafunguro bapimishije abakozi indwara zitandura

Mu Mirenge yose y’Akarere ka Muhanga habereye umuganda udasanzwe w’ubukangurambaga bw’isuku

Umuhanzi Jules Sentore asusurutsa abana bafite Autisem mu kigo Oroshya Autisme i Muhanga

Yabitangaje ubwo yifatanyaga n’abagize Umuryango Dusabane, gushyikiriza ibikoresho byo kwifashisha mu burezi bw’abana bafite ubumuga bwa Autisme muri icyo kigo, maze avuga ko we n’abo bafatanyije bagiye kurushaho gushakisha ubushobozi ngo bite kuri abo bana.

Mu ijwi rye rimenyerewe mu ndirimbo Nyarwanda zikunzwe n’abatari bacye, Jules Sentore yasusurukije abana bafite Autisme n’imiryango yabo bari baje kwakira ibyo bikoresho, mu kigo cya Oroshya Autisme kiri mu Karere ka Muhanga.

Muri abo bana harimo n’abakunda indirimbo ze, ariko benshi ntibazi kuvuga, ariko bashobora kumva bakanamenya umuhanze uwo ari we, ku buryo yateraga bakirikiza babyina abandi bumvikana mu majwi utasobanura, ariko wumva ko ari ay’ibyishimo.

Jules Sentore udahwema kuvuga ko umwana wese ari nk’undi iyo akiriho, avuga ko kubera amateka y’ubuzima bwe, agiye kurushaho gukorera ubugizi abo bana, kugira ngo bakomeze bahabwe uburezi n’uburere bijyanye n’ubumuga bwabo.

Jules Sentore avuga ko amateka ye asharaira kuva akivuka, yasanze ubuzima kugira ngo bubeho, ari amahirwe atangaje kuko we ubwe yavutse ku mubyeyi (nyina) wari uri muri koma, kubera impanuka, akura abwirwa ko iyo mpanuka yanahitanye se.

Agira ati, “Nagize amahirwe mvuka ndi muzima kandi nagombaga kuvuka mfite ibibazo by’ubumuga kuko mama yari antwite ari muri koma, niyo mpamvu nkwiye kugira icyo nkora kubera aya mahirwe nagize, kugira ngo nkorere ubuvugizi aba bana bafite autisme nk’umuhanzi nzafatanya na begenzi banjye”.

Agira ati, “Aba bana baracyabura intebe, ibyumba by’amashuri aho kuryama kugira ngo bige neza, ndatekereza ko niba naragize amahirwe yo kubaho neza, nkwiriye kugira icyo nkora ngo abavutse kuriya nabo mbafashe. Hari n’inshuti zanjye zifite abana bafite autisme kandi twavuganye nabo biteguye gufasha abo bana, turabishoboye kandi twitanze bicye byagirira benshi akamaro”.

Sentore Jules avuga ko ubufasha ku bana bafite Autisme ashobora kubukora binyuze mu bihangano ariko cyane cyane kwegera abantu b’inshuti ze, kandi ko nk’umubyeyi wese akwiye gufata umwana wese uko yavutse.

Umuyobozi wa Asosiyasiyo Dusabane nayo ifasha abana bafite ubumuga Kabarera Valens wazanye n’umugore we batuye mu Bufaransa, avuga ko batekereje gufasha abana bafite Autisme bamaze kubona ko abo muri Oroshya Autisme bafite ibibazo bijyanye n’imyigire.

Bahawe imyambaro ituma abana boroherwa no gushira ibibazo by’imihangayiko

Agira ati, “Njyewe n’umugore wanjye nta bushobozi twari dufite, ariko nagerageje gushaka umuryango usanzwe wita ku bana bafite Autisme, nibwo nabonye uwitwa Prêt à Partir ensemble wiyemeza ko bazantuma nkabarebera ibyo abo muri Oroshya Autisme bakeneye, ari nabyo twazanye kandi ni intangiro kuko aba bana bakeneye ibintu byinshi, tuzakomeza kubakorera ubuvugizi”.

Bimwe muri ibyo bikoresho bazanye harimo ibizajya bifasha abana bakeneye ubakorakora mu maso, ibibafasha kugabanya urusaku cyangwa kongera amajwi, mudasobwa nto n’inini, imashini isohora impapuro n’izindi mfashanyigisho.

Umuyobozi wa Oroshya Autisme Mushambakazi Alphonsine, avuga ko kubona umufatanyabikorwa ubaha ibikoresho, ari ingenzi kuko hari ibyo ikigo kitabashaga kwigurira, kandi n’ababyeyi batabyigondera, dore ko hari n’ibitaboneka mu Rwanda.

Agira ati, “Ibikoresho baduhaye byavuye i Burayi, nta bushobozi bwo kubigura twari dufite, nta n’ubwo ino wabihabona, turasanga bizadufasha mu kongerera abana ubumenyi, no kubitaho muri rusange kandi bakagaragaza impinduka mu miryango yabo”.

Ababyeyi bafite abana muri Oroshya Autisme na bo bavuga ko bishimiye kubona ibyo bikoresho, kuko nta bushobozi bari bafite bwo kubyigurira, kandi n’ishuri n’ikigo kitabufite.

Ababyeyi bavuga ko guhabwa ibikoresho by’abana bizatuma bazamura ubushobozi bwo kwiga

Umwe agira ati, “Turashima kuba habonetse ibikoresho, biratuma umusanzu twatangaga urushaho kugira akamaro, kuko n’ikigo kibonye ibikoresho natwe abana bacu babeho neza n’abandi, aho gukomeza kwitwa ibimuga cyangwa ababaswe n’amashitani”.

Umuyobozi w’ishami ry’ubuzima mu Karere ka Muhanga Umutoniwase Kamana Sostene avuga ko mu bindi bibazo bikwiye gukorerwa ubuvugizi, harimo ubukangurambaga ku bumuga bwa Autisme, kuko hakiri abana bari mu miryango badashyirwa ahagaragara, kubera ipfunwe ry’ababyeyi.

Kabarera atuye mu Bufaransa ariko nk’Umunyarwanda, aterwa ishema no kugira icyo amarira abanyantege nke

Ibikoresho by’abana bavukanye Autisme birahenda kandi ntibiboneka mu Rwanda

Kabarera (ibumoso) n’umugore we uteruye umwana (iburyo) bagaragaza ibikoresho bazaniye abo bana

Umuyobozi wa Oroshya Autisme mu Karere ka Muhanga avuga ko ibikoresho bahawe bizatuma bazamura ubumenyi bw’abana

Ni impamba ikubiyemo amasomo y’imyuga n’ubumenyi ngiro bigiye ku Rugerero Inkomezabigwi icyiciro cya 13, aho bakoraga ibikorwa by’imirimo y’amaboko.

Banahawe ibiganiro ku mateka yaranze Igihugu badasize inyuma amasomo arimo, ubwubatsi, aho basoje bubatse ibyumba bine by’amashuri mu Murenge wa Runda.

Banize kandi imyuga irimo guteka, gutunganya imitobe mu mbuto, amategeko y’umuhanda, kudoda no gusokoza imisatsi, aho bafashijwe n’abikorera basanzwe bafite ibyo bikorwa, bakifuza ko bazakomeza kugera babonye ibyangombwa bya RTB.

Umwe mu ntore agira ati, "Turifuza ko ubu bumenyi bw’ibanze twahawe bwazatugirira akamaro, kuko n’ubwo tuziga andi masomo muri Kaminuza, tuzajya dukomeza dukore n’indi mirimo, ariko turifuza ko bazakomeza kudufasha tukanahabwa impamyabumenyi zemewe na RTB".

Abazakenera gukomeza bazafashwa kubona impamyabushobozi

Ubuyobozi bw’Akarere ka Kamonyi n’Abafatanyabikorwa bako, bizeza abize imyuga ku Rugerero ko bazafashwa kugira ubunararibonye, haba abize ubutetsi, gukora imitobe, amategeko y’umuhanda, kubaka no kudoda bakabona ibyangombwa byose.

Umuyobozi w’Akarere ka Kamonyi Dr. Nahayo Sylvère atangaza ko bazakorana b’ibigo byabafashije kwiga, bagakomeza imikoranire, ku buryo bazabifatanya n’amasomo ya Kaminuza.

Agira ati, "Abashaka gukomeza kubona ubumenyi bubageza ku byangombwa byemewe na RTB, n’impushya zo gutwara ibinyabiziga tuzakomeza kubafasha, kuko aka niko gashya twasanze twahaho impano, Intore zacu kandi kuba mwese mwaritabiriye, ni byiza cyane".

Naho ku bakeneye ubushobozi bwo gushyira mu bikorwa ibyo bigiye ku Rugerero, Mayor Nahayo avuga ko bazakorana n’ababishaka bagashinga amatsinda cyangwa amakoperative, yabafasha kubona inkunga zitandukanye, zatuma bashyira mu ngiro imishinga yabo.

Kuva ku wa 13 Mutarama 2026, abasore n’inkumi hafi 1.000 nibo batangiye Urugerero mu Karere ka Kamonyi, abo mu Murenge wa Rugarika bakaba barubatse ishuri ry’ibyumba bine, bubakira abatishoboye.

Bitabiriye kandi ibikorwa byo gusana no gusibura imihanda, hamwe n’ibikorwa by’ubukangurambaga bw’abaturage kuri gahunda za Leta.

Batashye ubwanikiro, ubuhumbikiro n’ubuhunikiro byatwaye Miliyoni 150frw

Babitangaje mu gikorwa cyo kwishimira ibyagezweho ku bufatanye n’Akarere ka Muhanga n’abandi bafatanyabikorwa, aho bagaragaza ko bagerageza gukora cyane ngo biteze imbere, ariko bakanifuza ko bakongererwa imbaraga mu bikorwa byo gutunganya igishanga, kubakirwa imihanda no gusanirwa amateme, ndetse bakanafashwa kubona ubwanikiro.

Umuyobozi wa Koperative IABM, Mukarukundo Yukunda, avuga ko kuba nta mihanda igera ku mirima bafite, bituma umuhinzi ashobora gukora ibirometero bibiri yikoreye umusaruro awujyana ku bwanikiro, intege zamubana nkeya agakodesha abamutwaza, bigatuma agwa mu gihombo.

Agira ati “Uwaduha imihanda igera ku mirima byatworohera koherezayo imodoka igafata umusaruro, ya mafaranga n’umwanya umuhinzi yatakazaga bigakoreshwa mu bindi".

Naho ku kijyanye n’ubwanikiro, agaragaza ko bukiri bucye kuko hari aho bagikoresha amashitingi, kuko kubaka ubwujuje ibisabwa bitwara nibura miliyoni 13frw buri bumwe, kandi Koperative IABM ikaba ikeneye uburenga 10 kugira ngo nibura bizere ko umusaruro wabo wanitse neza.

Agira ati “Ubwanikiro butuma umusaruro umera neza kuko imvura iyo iguye biba bimeze neza ntibinyagirwe, bidahiririkana, ariko hari abacyanika ku musozi bakoresheje amashitingi n’ibiti, hari n’abagorwa kubona shitingi ku gihe, tubonye uwaduha nibura ubwanikiro nka 10 byaba bihagije, twabashije kwiyubakira bumwe kandi burahenda bitwara asaga miliyoni 12frw".

Anasaba kandi ko batunganyirizwa igishanga kuko amazi ava imusozi abononera ibihingwa, akanatwara amateme, umusaruro ukaba mucye.

Hari ibyo IABM yakoze bishimwa

Umukozi w’Akarere ka Muhanga ushinzwe amakoperative, Nkurunziza François, avuga ko imikorere ya IABM yatumye ihabwa igihembo cya mbere mu Ntara y’Amajyepfo, kubera ibikorwa byayo birimo no kuba itunganya ifu y’ibigori yihingira n’ibyo igura ahandi, bigatuma umusaruro wabo bawugurisha ku giciro cyiza.

Koperative IABM hari ibyo yagezeho nko kubaka uruganda rwa Kaunga, iranabishimirwa

Iyo Koperative kandi ikaba yarabashije kwiyubakira ubwanikiro bwa Miliyoni 13frw, inubaka n’ubuhunikiro bwa miliyoni 150frw, naho asaga miliyoni 200frw ikaba iyakoresha mu gukusanya umusaruro, aho ibasha kwishyura abahinzi ku nguzanyo bahawe na Banki y’abaturage, binyuze mu mushinga w’iterambere ry’abaturage (CDAT) wabishingiye ngo bazishyura ku nyungu ntoya ya 8%.

Ubuyobozi bwa IABM bugaragaza ko iyo nguzanyo yatumye umuturage yishyurwa kare mu musaruro yabonye, noneho Koperative ikazagurisha ikunguka haba ku mbuto y’ibigori itubura, no gukora akawunga kandi inyungu yose ikagera ku bahinzi.

Umuyobozi w’Akarere ka Muhanga wungirije ushinzwe iterambere ry’ubukungu, Bizimana Eric, avuga ko kuba Koperative IABM ihinga ku buso busaga hegitari 100 yatijwe na Leta, ikaba igeze mu rwego rw’ubutubuzi bw’imbuto ya Hybrid ku bigori igurisha, ikaba inafite uruganda rw’akawunga, byayifasha kugira ibyo yikorera, ikunganirwa ku bikomeye.

Bimwe mu byo bahinga

Avuga ko nko gukora imihanda n’amateme byakorwa ku miganda y’abaturage, naho gutunganya igishanga bigakorwa na Leta kuko byo bisaba ubuhanga n’ubushobozi bwisumbuyeho, kandi ko hari gushakwa ubushobozi ngo babafashe.

Hari kandi kugira indangagaciro zose zigaragara mu muco Nyarwanda, zituma uzujuje anezerwa (akaryoha), kandi agatanga (imiterere ye igatuma n’abandi bamererwa neza).

Dr. Niyonzima avuga ko gutakaza ubumuntu ari ukubaho ibyo byose bitarangwa muri runaka, byaramukayutsemo bitewe n’ibibazo yanyuzemo mu buzima, bikamutera ibikomere akabanira nabi abandi, kugeza ubwo nawe ubwe yiyanga ku buryo aba asigaye yumva yanakwiyambura ubuzima.

Agira ati, "Ubundi umuntu kugira ngo abeho yishimiye bisaba ibintu bibiri, kubaho witaweho no kubaho mu mwimerere wawe, ariko mu Rwanda hari imiryango myinshi ibayeho ikomeretse kubera amateka, kandi ibyo bikomere bikaba bihererekanywa mu miryango".

Yongeraho ati, "Icya kabiri ni uko mu mikurire usanga abana barerwa bakundwa ku kiguzi runaka, urahabwa iki ari uko ukoze iki, kandi nyamara umwana akwiye gukundwa ntakindi bishingiyeho, bitaba ibyo ugakurana icyo gikomere cyo kubaho wararanzwe n’ingurane y’ikintu runaka washinga urugo ubwo haduka amakimbirane kuko uba utazi icyo gukundwa no gukunda ari cyo".

Dr. Niyonzima avuga ko ibyo bikomere wabayemo ntubikire bikomeza kwiyongera uko ubayeho mu kazi, abaguhemukira n’ibindi bigukomeretsa, bikagira ingaruka mu mibanire y’abashakanye

Agaragaza ko kuba imiryango myinshi y’Abanyarwanda ibayeho ikomeretse, bituma n’ingo nshya zivuka, zisanga zibana n’ibyo bikomere, ku buryo bigoye ngo abagiranye ibibazo mu miryango babashe kubona ujya kubunga.

Agaragaza ko mu Rwanda, bimwe mu bituma umuntu agira ibikomere kugeza ubwo atakaza Ubuntu, (kuba yumva atariki umuntu cyangwa akora ibikorwa bitari ibya muntu), harimo Jenoside yakorewe Abatutsi, ibikomere abantu bakuranye bakabishingana ingo, ubukene n’indi mibereho igoye n’ibindi bibangamiye imibereho myiza y’abaturage.

Imiryango myinshi y’Abanyarwanda irakomeretse

Dr. Niyonzima washinze Umuryango Ubuntu Centre for Peace (UCP) wita ku komora ibikomere, avuga ko barangije gahunda yitwa ’Imenye Wigire’ igamije gusobanurira abafite ibikomere, uko bisobanukirwa banamenya uko bitwara kugira ngo ubuzima bukomeze aho mu Karere ka Kamonyi gusa bamaze gufasha abantu 10.900.

Naho mu Turere twa Gasabo na Kirehe ndetse na Kamonyi bamaze gufasha abasaga 27.000, iyo ikaba imibare igaragaza ubukana bw’abafite ibikomere mu Banyarwanda, ugereranyije n’utundi Turere dusigaye mu Gihugu.

Bimwe mu bikomere byiganje biterwa n’ingaruka za Jenoside yakorewe Abatutsi, aho usanga hari abiciwe ababo basigaye bigunze, n’abafunzwe kubera icyaha cya Jenoside bafite ipfunwe baterwa n’ibyaha bakoze.

Urugero ni urw’umubyeyi Kamukama Agnes warokotse Jenoside yakorewe Abatutsi, washatse mu muryango w’abitwaga Abatutsi, akaza kwicirwa umugabo n’abana, ariko we ararokoka, ariko waba Umuryango yashatsemo n’uwo yavutsemo baramwanga, maze atangira atyo ubuzima bwo kwiheba.

Agira ati, " Numvaga ntakiri umuntu, sinigeze ngira uwo numva nkunze, nanjye numvaga ntawe unkunda, nangaga no kujya muri gahunda zo kwibuka abazize Jenoside yakorewe Abatutsi, sinigeze nshaka undi mugabo, mu myaka 31 ishize nibwo ngikira ibyo bikomere, kuko umuryango nashatsemo wanzizaga ko bene wacu bawiciye abantu njyewe ngasigara, naho bene wacu abo, bakanziza ko nekera aho nashatse nkaba mbagambanira bagafungwa".

Kabanyana Hasina wakomerekejwe no kubura urubyaro imyaka 14, avuga ko yageze aho n’umuturanyi yabyaraga ntajye kumusura kuko ngo bavugaga ko, umugore utarabyaye aba ari umugome yanakwicira umwana, akanenwa akangwa kandi akabura n’umwe umwitaho.

Agira ati, "Numvise ntakiri umuntu kuko nabonaga utambutse anezerewe nkumva mfite umujinya, nta bumuntu uba ufite, ntacyo wafasha mugenzi wawe kuko nta tuze uba ufite nta cyizere uba ufite, kubona umubyeyi ahetse wowe ubereye aho birushaho kugukomeretsa, n’umuturanyi yabyara ngakeka ko ninjya no kureba uwo mwana baza kunyita umugome".

Ibikomere bishobora gukira?

Dr. Niyonzima agaragaza ko ibikomere bikira n’ubwo ari urugendo, kabone n’ubwo waba warahawe ibiganiro ku isanamitima, ari nayo mpamvu abavuga ko bakize ibikomere, iyo bahuye n’uwabibateye bashobora kongera kugaragaza ingaruka zabyo zirimo guhahamuka, kubabara cyangwa kurira, ariko bakamenya uko bongera kugaruka ku murongo.

Avuga ko gukira ibikomere bitandukanye, ari urwego umuntu aheraho rwo kugarura ubumuntu muri we, nyuma yo gukometswa n’ibintu bitandukanye, kandi ko iyo umaze kwimenya utangira no kugira ibikorwa ukora by’iterambere, ugasubirana ubuzima busanzwe.

Uko ni nako byagenze kuri Kamukama na Kabanyana bavuga ko bakize ibikomere binyuze mu myitozo mvurabuzima baherewe muri UCP, ibiganiro by’isanamitima na mvura nkuvure, aho abafite ibikomere basangira ubuhamya butuma ufite ikibazo atihugiraho ko ari we ubabaye wenyine, ubundi bagatangira gukora bakiteza imbere.

Babigarutseho mu Nama y’Inteko Rusange y’urugaga rw’abagore rushamikiye ku Muryango FPR Inkotanyi, yateranye kuri uyu wa 8 Gashyantare 2026, aho abayitabiriye bavuze ko bagiye gufasha bagenzi babo kwimakaza umuco w’isuku aho batuye.

Bagaragaje ko ibikibangamiye iterambere ry’umugore, harimo kuba hari abatarasobanukirwa ihame ryo kwimakaza isuku mu ngo zabo, kandi Ruhango ari Akarere kahisemo kuyishyira ku isonga, dore ko no mu ntego zako gashyira imbere imvugo igira iti, "Ruhango icyeye".

Bavuga ko biteye isoni gusura zimwe mu ngo, ugasanga hari abagore barara ahantu hadahesha umunyarwandakazi agaciro, kutagira ubwiherero bujyanye n’igihe, ndetse abandi bakarara mu buriri busa nabi kandi ari bo ba mutima w’urugo.

Uwamariya Alvera witabiriye iyo Nteko rusange akaba ahagarariye umuryango FPR Inkotanyi mu Murenge wa Byimana, avuga ko ibiganiro bagiranye ari uburyo bwo kubafasha no kubacyebura nk’abagore, ndetse no kurebera hamwe ibyagezweho kugira ngo n’ahakiri imbaraga nke bafatanye kuhazamurana.

Avuga ko mu mihigo bahize harimo ko mu gihe kitarenze ibyumweru bibiri, baba bamaze kumenya buri rugo rurangwamo isuku nke, ndetse bakanabafasha kubihindura.

Ati "Ni byo hano tuba twaje kuganira ariko no kungurana ibitekerezo buri wese aho afite imbaraga nke akahazamura. Mu byo twabonye tukigendamo biguruntege harimo isuku, aha rero ni ho twiyemeje ko tugiye gushyiramo imbaraga, mu gihe kitarenze ibyumweru bibiri turaba twamaze kumenya abafite ibyo bibazo, kuko ntabwo wavuga ngo ngiye kubicyemura utazi aho biri".

Benenyirigira Diane, umuyobozi w’urugaga rw’abagore rushamikiye ku Muryango FPR Inkotanyi mu Karere ka Ruhango, avuga ko buri wese akwiye kujyana umukoro w’icyo agiye gukora, n’icyo agiye gufasha abagifite intege nke mu kugira isuku, ariko kandi ntibibe kubasura gusa ahubwo bikajyana n’ibikorwa babakorera.

Agira ati "Mbere na mbere ntibibe kwiyerurutsa ngo dukunde twuzuze imihigo, ahubwo ibyo duhiga bijyane n’ibikorwa. Biroroshye ko wasura umuryango ukawufasha kubaka ubwiherero, mwakora isuku mu rugo aho bari, hari n’abo twabonye barara ahantu hatari heza".

Yongeraho ati, "Tugiye guhindura imyumvire kuko kugira isuku ntibisaba ubushobozi burenze, ni ahacu kugira ngo tubagereho, tubaganirize ariko kandi tunabigishe, bamwe bari mu cyaro abo ni bo tugomba kubanza kumenya, hanyuma tukabona kubafasha, ntabwo bigoye bisaba kwiyemeza gusa".

Umuyobozi w’urugaga rw’abagore rushamikiye ku Muryango FPR Inkotanyi mu Ntara y’Amajyepfo, Uwizeyimana Christine, avuga ko ba mutima w’urugo bagomba kwiyoroshya, ndetse bakagira ubwenge n’ubushishozi mu byo bakora bafatanyije n’abo bashakanye, kugera ku iterambere rirambye.

Agira ati, "Ni byiza ko duhiga, tugakora ariko byose tukabikorana ubwenge. Mu nyabutatu ntabwo ari ba mutima w’urugo gusa, ahubwo tubijyanamo na ba Rudasumbwa. Ku bijyanye n’isuku rero burya nta mugabo wishimira kuba mu mwanda, kandi ni uruhare rwacu nk’abagore mu kwirinda umwanda unirinze amakimbirane, iterambere ryiza rijyana n’isuku, abagore rero turasabwa gufatanya kugira ngo tube bandebereho".

Abo bagore banarebeye hamwe ibyo ba mutima w’urugo bo mu rugaga rushamikiye ku Muryango FPR Inkotanyi bagezeho mu mwaka wa 2025-2026, ndetse no gushyira imbaraga ahakigaragara intege nke kugira ngo umuryango n’Igihugu bitere imbere ariko kandi banahiga iby’umwaka wa 2026-2027.

Ni ibikombe batwaye mu mikino ya nyuma yabaye kuri uyu wa 08 Gashyantare 2026, aho mu bakobwa G.S.St Aloys y’i Rwamagana yatinze amaseti 3 - 1 ESB Kamonyi.

Mu bahungu kandi College Christ Roi Nyanza ahaberaga ayo marushanwa, yatsinze amaseti 3-1 G.S. OFFICIEL de Butare.

Umuyobozi wa Porogaramu ya Isonga Dr. Clairon Niyonsenga yibukije ko gahunda ya Isonga igamije gukuza impano z’abana b’abakobwa n’abahungu, kuzamura icyizere mu bakiri bato mu mikino, gushyira imbere gahunda ya Siporo idaheza mu mashuri yisumbuye, no gushyira ubushobozi bw’abakinnyi bakizamuka ku rwego rukomeye.

Gahunda y’isonga kandi igamije kuzamura urwego rw’abasifuzi bakiri bato, dore ko muri ayo marushanwa, ari bo basifuye imikino yose yaba iy’amajonjora, imikino ya 1/2 n’imikino ya nyuma.

Abanyeshuri ba College Christ Roi Nyanza bishimiye Intsinzi banashimira gahunda ya Isonga, kuko ituma byazamura impano zabo bakiri bato, bikabafasha kuzavamo abakinnyi b’indashyikirwa mu Gihugu no mu mahanga.

Umwe yagize ati, "Twishimira kuba badufasha kuzamura impano zacu, gahunda ya Isonga idutegurira ejo hazaza heza, tugakura dufite intego kandi twishimiye amahirwe duhabwa ngo dutegure imbere hacu".

Umwe mu bakobwa wiga muri Saint Aloys i Rwamagana, avuga ko bashimira kuba abana b’abakobwa barazirikanwe mu mikino, kuko mbere bahezwaga cyangwa bakabura amahirwe yo gukuza impano zabo.

Agira ati, "Abakobwa barahezwaga, ariko mu Isonga twese dufite amahirwe angana n’aya basaza bacu, turashimira Minisiteri ya Siporo yashyizeho iyi gahunda idufasha guteza imbere impano zacu, natwe tukazavamo abakinnyi bakomeye".

Amakipe yatsinze yahawe ibikombe n’imyambaro yo gukinana, kuko muri ayo marushanwa nta bindi bihembo biba biteganyijwe.

Ni amarushanwa ahuza amakipe yatoranyijwe mu bigo byigamo abanyeshuri batsinda neza, kandi bafite amakipe meza muri gahunda ya Minisiteri ya Siporo yitwa Isonga.

Kuri uyu wa 08 Gashyantare 2026, hakinwe amarushwa mu majonjora, hanakinwa imikino ya 1/2, hashakwa amakipe azakina imikino ya nyuma iba kuri iki Cyumweru tariki ya 08 Gashyantare 2026.

College Christ Roi Nyanza yatsinze amaseti 3-0 G.S St Joseph y’i Muhanga, igera ku mukino wa nyuma mu marushanwa ya Isonga, naho GS OFFICIEL de Butare itsinda amaseti 3-1 PETIT SEMINAIRE VIRGO FIDELIS, mu gihe mu bakobwa, ECOLE STE BERNADETTE yo ku Kamonyi yatsinze amaseti 3-2 ESSF SHANGI, naho GS ST ALOYS y’i Rwamagana itsinda amaseti 3-0 G.S St Joseph y’i Muhanga.

Amakipe ya Saint-Joseph mu bakobwa n’abahungu azahatanira umwanya wa gatatu, kuri iki Cyumweru tariki ya 08 Gashyantare 2026 muri aya marushanwa agamije guteza imbere impano z’abana mu mukino wa Volleyball.

ESB Kamonyi mu bakobwa, na GS St Aloys Rwamagana ni zo zageze ku mukino wa nyuma, mu marushanwa y’Isonga 2026 muri Volleyball arimo kubera mu Karere ka Nyanza mu Ntara y’Amajyepfo

Umutoza w’ikipe y’abakobwa ya Sanit-Aloys i Rwamagana avuga ko yishimiye kuba ikipe ye igeze ku mukino wa nyuma ihigitse Saint Joseph yo mu Majyepfo, kandi avuga ko kubona igikombe byatuma abana bakomeza kwigirira icyizere, bakiga neza kandi bagatsinda neza, anasobanura ko ababyeyi badakwiye kugira impungenge z’abana babo bitabira imikino.

Agira ati “Turishimye kubera aya marushanwa, abana barakomeza kuzamura impano, kandi zizabagirira akamaro, dufite abo twatoje bari mu makipe akomeye mu Gihugu kandi bahembwa neza. Aya ni amarushanwa azadufasha gukomeza gukuza impano, abana biga banakina kuko nta mwana ufite munsi y’amanota 65 twemerera kuza gukina, urumva ko abana bakina ni abahanga mu ishuri no mu kibuga".

Naho umutoza wa Christ Roi i Nyanza mu bahungu, avuga ko bishimiye kugera ku mukino wa nyuma, dore ko ari na bo bakiriye ayo marushanwa, akemeza ko bizatuma koko impano z’abana zikura kugeza ubwo bizababera umwuga ubatunze mu buzima bwabo.

Aya marushanwa yitabiriwe n’amakipe atandatu mu bahungu n’atandatu mu bakobwa, yose hamwe akaba 12.

Mu bahungu amakipe ya College Christ Roi de Nyanza na GSO Butare ni yo ageze ku mukino wa nyuma mu marushanwa ya Isonga mu mukino wa Volleyball

Ni umuganda wahuriwemo n’abaturage, abikorera ndetse n’ibigo n’imiryango itari iya Leta ikorera mu Murenge wa Shyogwe, inzego z’umutekano n’Ubuyobozi bw’Akarere ka Muhanga n’ubw’Intara y’Amajyepfo.

Ubuyobozi bw’Akarere ka Muhanga butangaza ko bakusanyije izo mbaraga, kugira ngo uwo muhanda usanwe, hongerwamo itaka rya Laterite, amabuye mu binogo, no gusibura imiyoboro y’amazi n’amateme yari yarazibye, kugira ngo imigenderanire yongere kuba myiza.

Guverineri w’Intara y’Amajyepfo Kayitesi Alice wari Uhagarariye Minisiteri w’Ubutegetsi bw’Igihuhu muri uwo muganda, yasabye abaturage kuzirikana ko imbaraga batijwe ngo umuhanda wabo ugendeke neza, badakwiye kuzipfusha ubusa ngo bategereze ko bazajya bafashwa na Leta gusa.

Agira ati, "Abaturage turabashimira ubwitabire bagaragaje, kuko byerekana uruhare rwabo mu kwishakamo ibisubizo, ariko tukanabasaba kwita kuri uyu muhanda kuko nibo bwa mbere ufatiye runini, ni byiza ko bakomeza gukurikirana ntiwongere kwangirika, cyangwa nga bategereze ko ubuyobozi buzaza kuwubasanira n’ubwo natwe abayobozi bitadukuraho inshingano zo gufatanya nabo".

Abaturage b’Umurenge wa Shyogwe bavuga ko bari bamaze igihe mu bwigunge bw’uko, kunyura uwo muhanda na moto cyangwa imodoka bitari byoroshye bigatuma bazenguruka mu muhanda wa kure, birinda kuba ibinyabiziga byabo byakwangirika cyangwa bagahera mu biroba by’ibiziba.

Umwe agira ati, "Iki ni igikorwa kije gikenewe kuko twari dusigays tujya kuzenguruka moto ikaguca menshi. Abafite imodoka ngufiya nk’ivatiri bo ntawari ukinyura muri uyu muhanda, ariko turashima ko abafatanyabikorwa bitanze bakaza kuduha umuganda".

Undi agira ati, "Turishimye kuri iki gikorwa cyiza, Umuhanda wongeye kuba nyabagendwa, natwe tuzajya dukurikirana utazongera kwangirika, kuko twakoraga umuganda imbaraga zikaba nkeya ntibigire icyo bitanga kuko hari harangiritse cyane".

Umuhanda wa Vunga-Misizi wasanwe ahareshya na Kilomitero zisaga ebyiri, aho werecyeza ku mashuri ya Vunga n’ikigonnderabuzima cyo mu Murenge wa Shyogwe, hakaba hifashishijwe amaboko y’abaturage n’imashini zisanzwe ziri mu bikorwa byo kubaka imihanda ya Kaburimbo mu mujyi wa Muhanga.

Ni amarushanwa yari amaze iminsi akinwa mu mupira w’amaguru, aho Ikipe y’Umurenge wa Shyogwe mu bakobwa n’iy’Umurenge wa Nyamabuye ari zo zageze ku mukino wa nyuma, naho amakipe y’Imirenge ya Cyeza na Nyabinoni mu bahungu aba ari yo agera ku mukino wa nyuma.

Mu mikino yo guhatanira igikombe, Shyogwe yatsinze Nyamabuye igitego 1-0, ari nako byaje kugenda ku bahungu aho Cyeza yatsinze Nyabinoni igitego 1-0, amakipe yatsinze akaba ari yo azahagararira Akarere ka Muhanga mu marushanwa agiye gukomereza mu Ntara y’Amajyepfo, aho amakipe azatwara ibikombe kuri buri Karere nayo azahatana hashakwa azahagararira Intara mu marushanwa azaba ageze ku rwego rw’Igihugu.

Aya marushanwa yashyizwemo imbaraga kugira ngo koko habeho guhatana nta buriganya, kuko insanganyamatsiko izirikanwa igaragaramo gukora cyane no kugira umuco wo kurushanwa nka bumwe mu buryo butuma abantu bagira intego kandi bagaharanira gutsinda.

Umuyobozi w’Akarere ka Muhanga ageza ubutumwa ku baje gushyigikira amakipe yabo, yabashimiye uko bitabiriye amarushanwa Umurenge Kagame Cup 2026, abifuriza umunsi mwiza w’Intwali, kandi anabibutsa ko umuntu aba intwali akiriho, kandi kuba Intwali ugomba kubiharanira.

Avuga ko amarushanwa Umurenge Kagame Cup hari aho ahurira n’ubutwari kuko abarushanwa babikora bagamije kugera ku ntsinzi, kandi gutsinda bisaba Ubutwali, kugira ishyaka, kwihangana no kugira intego, bityo ko biba byiza iyo ibyo uharanira biba bigamije inyungu rusange nk’uko bimeze ku Ntwali zitangiye Igihugu, zikakimenera amaraso, ariko ubu Ubutwali bukaba buharanirwa umuntu akiriho.

Agira ati, "Ibikorwa by’ubutwali bikwiye kuba bizana inyungu rusange, abato n’abakuru hari icyo bakora bikagirira umumaro n’abandi, bikagira umusaruro no ku bandi, mu muco wacu, Indangagaciro zacu, nibyo bikwiriye kuturera kandi tukabiganisha mu gukunda Igihugu no ugukunda abenegihugu".

Yabibukije insanganyamatsiko ko Ubutwali n’ubumwe bw’Abanyarwanda ari yo nkingi y’iterambere, imbaraga b’Abanyarwanda zikaba ari zo zizamura Igihugu.

Abaturage b’Umurenge wa Cyeza batwaye igikombe mu bahungu, bashimira Perezida wa Repubulika Paul Kagame wazanye Amarushanwa Umurenge Kagame Cup, kuko atuma basabana, bahabwa ubutumwa bushimangira imiyoborere myiza, kandi bakaganira n’abayobozi babo.

Bagaragaje ko bazitwara neza mu marushanwa ku urwego rw’Intara, bakazahatwara igikombe kizatuma banayiserukira ku rwego rw’Igihugu, kuko umuco wo kurushanwa bawiyemeje.

Umwe muri bo agira ati, "Turashimira Perezida wa Repubulika Paul Kagame waduhaye ibyishimo, kurushanwa si uguhangana ni ugukuza umuco w’ishyaka no guhatanira kujya imbere no kugera mu byiza, n’abatabonye igikombe hari ibyo bagezeho kandi banagiye kuvugurura bagereranyije na bagenzi babo, twese dushaka gutsinda bitwubakamo guhatanira iterambere".

Amarushanwa Umurenge Kagame Cup 2026 mu Karere ka Muhanga, asojwe nta bibazo by’imyitwarire mubi bigaragaye, kuko nta kipe yahaniwe uburiganya, yose yarahatanye agera mu ntera runaka, kubera ko hashyizwemo ikoranabuhanga rituma umukinnyi runaka atakwimuka ngo age gukinira ahandi.

Abo baturage bavuga ko bahereye cyera basaba guhabwa ivuriro ariko bigatinda, aho bakomezaga kujya kwivuriza mu Karere ka Ngororero bambutse umugezi wa Nyabarongo, bagiye ku bitaro bya Muhororo, aho bakoraga urugendo rurerure ku buryo ngo hari n’abacumbikaga mu mayira.

Abo baturage bavuga ko kujya mu Karere ka Ngororero byasabaga gukora urugendo rw’ibirometero bisaga 20 n’amaguru, bahetse mu ngobyi ya Kinyarwanda cyangwa bamwe baherekeje abandi, bitaba ibyo bakajya ku kigo nderabuzima cya Mushishiro nacyo kiri kure.

Mukagasana Jeanvière avuga ko kujya kwivuriza i Mushishiro mu kigo nderabuzima, bakoraga nk’ibirometero 20, bagaheka mu ngobyi ya Kinyarwanda ku buryo kugezayo umurwayi byatindaga nk’umubyeyi akaba yabyarira mu nzira, cyangwa umurwayi akagwa mu nzira.

Agira ati, "Yaba umurwayi yaba umurwaza bose bageraga i Mushishiro bananiwe, iyo wabaga ufite umurwayi urembye, aho kumujyana i Mushishiro wahitagamo kumujyana ku bitaro bya Muhororo wambutse Nyabarongo, ibaze imvura yaguye muri uwo mugezi wuzuye n’umurwayi mu bwato ukuntu kari akaga gakomeye".

Yongeraho ati, "Twasabye ivuriro kuva na cyera ariko turihawe kubwa Kagame Paul turamushimira ko adukuye mu bwigunge, kuko twari twaragowe no kubona serivisi zo kwa muganga hafi yacu kuko dutuye kure y’amavuriro asanzwe, natwe abageze mu zabukuru tuzajya twivuriza hafi kuko n’intege zigenda zidushirana".

Umuyobozi w’Akarere ka Muhanga Kayitare Jacqueline, avuga ko iryo vuriro rizahita rihabwa abaganga bahoraho kugira ngo bazibe icyuho gikunze kugaragara mu mavuriro y’ibabanze, iyo agitegereje kubona ba rwiyemezamirimo bayakoreramo.

Avuga ko muri ako gace hanagaragara indwara z’amenyo n’amaso, ku buryo bukomeye, kandi ko iryo vuriro ry’ibanze ryashyizwemo ibikoresho bigezweho mu gusuzuma no kuvura izo ndwara, kuko byagoraga abaturage kujya kuzivuza kure.

Agira ati, "Mu gihe hataraboneka rwiyemezamirimo wo kurikoresha, hano haraba hari abaganga bahoraho kugira ngo batange serivisi zikenewe, iri vuriro kandi rirashyirwamo serivisi zo kuvura amenyo, no kuvura amaso, ubundi zisanzwe zitangirwa mu bigo nderabuzima, kugira ngo umuturage wa hano atazongera gusiragira ajya kuzishakira kure".

Abatuye Umurenge wa Mushishiro mu Tugari twa Rwigerero na Musange babariwa mu 12.000 nibo bazajya bakirwa kuri iryo vuriro, abo bose bakazanagabanya umubare munini w’abajyaga gushakira serivisi z’ubuzima kure y’aho batuye.

Ubwo bizihizaga umunsi Mukuru w’Intwali z’Igihugu, abaturage bakanashyikirizwa iryo vuriro, bagaruye icyizere cyo kubona ubuvuzi bwiza ku gihe kandi neza, maze basezeranya ko icyo gikorwa remezo bazakibungabunga, kandi bakivuriza ku gihe birinda kurembera mungo bityo bagakora cyane bakiteza imbere.

Yabisabye urubyiruko rw’Abanyeshuri ruri ku Rugerero rw’Inkomezabigwi, icyiciro cya 13 mu Murenge wa Nyamabuye mu Karere ka Muhanga mu Ntara y’Amajyepfo, ubwo yabagezagaho ikiganiro kigaruka ku ndangagaciro Nyarwanda, akitsa cyane ku gukunda umurimo no kuwunoza.

Guverineri Kayitesi avuga ko urubyiruko ruri ku Rugerero rukwiye gukunda ibikorwa by’amaboko rusabwa kugiramo uruhare nko gusukura ubusitani, kubaka uturima tw’igikoni, gusukura imihanda, no kubakira abatishoboye, kuko biri mu ndangagaciro yo kwitanga no gufasha abandi kwiteza imbere, ariko nako rwigiramo gukunda umurimo uwo ari wo wose ugamije iterambere.

Guverineri Kayitesi avuga ko gukunda umurimo no kuwunoza, bisaba kubaha buri murimo wose, aho kuwusuzugura kandi ukozwe neza warushaho gutanga inyungu.

Avuga ko we ubwo yigeze kuba umwarimu mu mashuri abanza kandi akabikora abikunze, kuko ubundi atari aziko azakorera izindi nzego kugeza abaye Guverineri w’Intara y’Amajyepfo, akazi yahawe nyuma yo gukorera izindi nzego zirimo no kuba Mayor w’Akarere ka Kamonyi.

Agira ati, "Mujye mukora mutagamije kwikiza (gukorera ku ijisho) nta murimo n’umwe mubi ubaho, mujye mukurikirana hari bagenzi banyu bakoze akazi bazamuka neza bidasabye ko bajya gukora mu biro, hari abana basuzugura gucuruza Mobile Money, ukumva umwana ngo sinaba umusirikare kereka ntangiriye kuri Jenerari kandi ibyo sibyo kuko iyo ni imyumvire idakwiye umwana w’Umunyarwanda".

Yongeraho ati, "Mu gihe cyanjye nigishije mu mashuri abanza, bagenzi banjye bakajya banseka ngo sinkwiriye kwigisha muri primary nyamara nta kazi ukwiriye gusuzugura, kuko buriya kwicara ukajya wirirwa usaba amafaranga abahembewe akazi bakoze, ese ntiwanajya guhinga ko uwahinze agasarura ari we wirukira umusaba, mumenye ko nimudakora bizatuma mujya mu bujura, mu busambanyi, kandi nyamara mwese mufite amahirwe angana ku kazi".

Agira ati, "Umurimo wose ni mwiza iyo uwukora uwukunze bikaba byiza kwemera guhera kuri bike, hari igihe urubyiruko rusuzugura akazi ngo karaciriritse, kandi ari we ukwiye kugakora akanakanoza kuruta uko kakorwaga, kakamugirira akamaro, tubaha bene ibyo biganiro, kandi usibye nanjye hari ingero nyinshi z’abatangiriye kuri bicye ubu bageze kuri byinshi".

Abanyeshuri bari ku Rugerero rw’Inkomezabigwi icyiciro cya 13, bavuga ko urubyiruko rw’ubu rurimo urusabiriza koko kandi rufite imbaraga zo gukora, cyangwa abakobwa bakishora mu busambanyi ngo babone amafaranga, nyamara rutinyutse rugakora reakwiteza imbere koko.

Uwase Rusi Pascaline avuga ko abanyeshuri barangiza kwiga bashaka akazi koko, ariko ko nabo biyemeje ko byaba byiza babyaje amahirwe ari muri sosiyete umusaruro, bakareka kwitinya ahubwo bakarushajo guhera ku bitoya.

Agira ati, "Ubuhamya bw’abayobozi bacu koko bugaragaza ko bahereye kuri bicye, Igihugu dufite cyavuye ku busa, natwe dukwiye guhera kuri bicye, tugahera mu byo tubona iwacu tukabinoza tikarushaho gukomeza kuzamuka".

Ninziza Alain Gentil uri ku Rugerero avuga ko impanuro za Guverineri w’Intara y’Amajyepfo Kayitesi Alice, zatumye yumva ko gukunda umurimo bisaba kwemera kubyaza amahirwe ikintu cyose, cyatuma ugera ku nyungu runaka, niyo wahera ku bitoya.

Agira ati, "Hari urubyiruko rw’uyu munsi rutegereza kungukira ku byakozwe n’abandi, aho kwiga gukora ibijyanye n’aho uherereye, ukiga gukora buri cyose kuko Igihugu koko cyaduhaye amahirwe atuma twakora, tukiteza imbere kuko twavukiye mu Gihugu gifite amahoro, ubu amashuri makuru yariyongereye, kwiga neza dufatira urugero ku byagezweho, ari ingenzi ku guteza imbere aho dutuye".

Urugerero rw’Inkomezabigwi icyiciro cya 13 ruzasozwa mu kwezi kwa Gashyantare hagati, aho ruri gukora ibikorwa bitandukanye by’imirimi y’amaboko, irimo kubakira abatishoboye hagamijwe gufasha muri gahunda yo gukemura ibibaz

Gahunda yo gushimira abayobozi bakoze neza ku rwego rw’Umudugudu kugeza ku Murenge, yashyizweho n’Intara y’Amajyepfo hagamijwe gufasha cyane Utugari n’Imidugudu, kwegera abaturage no kunoza serivisi babaha, kuko ari zo nzego zishingiyeho Ubuyobozi bwisumbuyeho.

Mu birori byo kubashyikiriza ibihembo birimo ibyemezo by’amashimwe, amagare n’amabahasha y’amafaranga, Ubuyobozi bw’Akarere ka Ruhango bwagaragaje ko abahawe ibihembo, batoranyijwe hakoreshejwe ibipimo byinshi birimo kwishyura ubwisungane mu kwivuza, kugira isuku, kurwanya ibyaha n’ibindi byinshi bigamije kuzamura imibereho myiza y’abaturage.

Hashimwe ku isonga buri Imidugudu itatu mu Kagari, Utugari dutatu mu Murenge, n’Imirenge itatu mu Karere.

Abakuru b’Imidugudu 38, n’Abanyamabanga nshingwabikorwa b’Utugari dutandatu, n’ab’Imirenge itandatu, barushije abandi gufasha abaturage kugira iterambere imibereho myiza kuva mu kwezi kwa 7-12/2025, nibo bahawe amashimwe.

Dore uko ibihembo bya mbere byari bihagaze

Mu gihembwe cya mbere cy’Umwaka w’ingengo y’Imari 2025-2026, Umurenge wa Kinihira ni wo wabaye uwa mbere, Kabagari iba iya kabiri naho Mwendo iza ku mwanya wa gatatu.

Mu gihembwe cya kabiri Mbuye yabaye iya mbere, Mwendo igaruka ari iya kabiri, naho Kinihira iza ari iya gatatu.

Utugari Twahise utundi mu gihembwe cya mbere ni Nyakogo, mu Murenge wa Kinihira, Nako yo muri Kinihira iza ku mwanya wa kabiri, mu gihe Gitinda yo muri Kabagari yabaye iya gatatu.

Mu gihembwe cya kabiri byarahindutse, Maze Rukira yo muri Kinihira iza ku mwanya wa mbere, ikurikirwa na Cyanza yo muri Mbuye, naho ku mwanya wa gatatu haza Akagari ka Gafunzo yo muri Mbuye.

Imidugudu ya mbere yahembwe harimo uwa Kagarama muri Gafunzo ya Mwendo n’uwa Kabungo muri Cyanzu ya Mbuye, bahembwe igare na 50.000frw buri umwe, naho ababaye aba kabiri bahembwa gusa amabahasha y’amafaranga 50.000frw, mu gihe ababaye aba gatatu bahembwe 40.000frw.

Umuyobozi w’Ingabo wa Diviziyo ya Kane mu Ntara y’Amajyepfo Mag. Gen. Vincent Gatama asaba abayobozi b’Imidugudu kurushaho gukorana no gufashanya, kuko umusaruro wa benshi uruta uw’umuntu umwe, kandi ko barushijeho gukorana byazamura n’abatarabashije gukora cyane, kandi hakitabwa ku gusuzuma neza ibipimo ngenderwaho mu kwemeza uwakoze cyane niba bidashingira ku bintu bito, kandi bikwiye kuba byagutse.

Guverineri w’Intara y’Amajyepfo Kayitesi Alice ashimira uburyo Akarere ka Ruhango gategura aya marushanwa buri gihembwe, kandi nawe akemeranya n’izindi nzego ko ubwo buryo bwagezwa no mu tundi Turere, ariko akanasaba ababaye aba mbere kudatakaza iyo myanya kuko byaba bigaragaza ko badahamije imikorere.

Inyabutatu y’umugore mu muryango (Triple role) isobanurwa nko kuba umugore afite inshingano eshatu agomba kubahiriza mu muryango, zirimo kwita ku muryango we n’abawugize, kurera abana no gukorera cyangwa kwinjiriza Umuryango umutungo, ndetse no kwitabira ibikorwa by’ubuyobozi mu nzego za Leta cyangwa z’abikorera.

Umuyobozi w’Inama y’Igihugu y’abagore mu Karere ka Muhanga Marceline Mukasekuru,agaragaza ko inyabutatu y’umugore mu muryango, no mu buyobozi bisaba kwigirira icyizere, kandi agafatanya n’abagore bagenzi be gukemura ibibazo biri mu muryango Nyarwanda, kuko nawe awutuyemo akanamenya ibibazo biwubamo bityo bikamuhesha ubushobozi, bwo kubasha kubikemura.

Ku kijyanye na kirazira zo mu muryango hagaragazwa ko umugore agendera ku ndangagaciro zisanzwe, ariko ko aba akwiye kugira icyo arenzaho nko kwihangana no kwigomwa, kumenya gufata umwanzuro ariko utabangamiye abandi, no gufata ibyemezo mu nyungu rusange.

Assoumpta Yakaragiye avuga ko Umugore mu rugo nka mutimawurugo iyo atakaje inshingano, urugo ruba rurangiye, kuko ibibazo byugarije umuturage atari bimwe by’ubukene gusa, kuko n’urugo rwinjiza amafaranga rushobora guhura n’ibyo bibazo, ari nayo mpamvu agomba kumenya gucunga neza umutungo winjiye mu rugo.

Agira ati, "Bimwe mu bibazo bireba umugore agomba kugira uruhare mu kubikemura, habaho kuba abantu badafite aho gutura, kuba mu nzu zidahesha Umunyarwanda agaciro, abadafite ubwiherero cyangwa ubutameze neza, n’ibindi bibazo bigenda bivuka, birimo guta amashuri kw’abana, guterwa inda zitateganyijwe, inzererezi, n’ikibazo cy’isuku nkeya mu miryango".

Umuyobozi w’urugaga rw’abagore rushakikiye kuri FPR Inkotanyi mu Ntara y’Amajyepfo, avuga ko inzego zose z’abagore zikwiye kuganira ku buryo bwo guhuza inshingano z’inyabutatu ku mugore, kugira ngo amenye uruhare rwe mu gukemura ibibazo byugarije Umuryango kandi agakora n’Inshingano ze neza.

Agira ati, "Turabasaba guhora twisuzuma buri munsi tukabihuza n’aho dutuye, tukitwara neza kugira ngo tubere urubyiruko icyitegererezo, kandi nibwo abana bazatureberaho muryango n’Inshingano zacu, kuko aribwo intero tuzatera izikirizwa na bose".

Abagize urugaga rw’abagore rushamikiye kuri FPR Inkotanyi kandi baganiriye ku mikorere n’imikoranire y’inzego z’Urugaga rw’Abagore n’Imyitwarire ikwiye kuranga Umunyamuryango, n’inshingano Nyabutatu z’Umugore w’Umuyobozi n’uruhare rwe mu ishyirwa mu bikorwa rya Manifesto y’Umuryango FPR-Inkotanyi 2024-2029.

Byatangarijwe mu gikorwa cyo gutangiza ayo marushanwa ngarukamwaka, agendeye mu nsangamatsiko igira iti ’Twitabire amarushanwa twimakaza umuco w’Imiyoborere n’uwo kurushanwa’.

Umunyamabanga Nshingwabikorwa w’Umurenge wa Ruhango, Kayitare Wellars avuga ko igihe amaze akinwa yagiye aba umwanya wo gusabana ku baturage b’Umurenge wa Ruhango, abaturanyi babo n’abo mu tundi Turere kuko ubutumwa butangirwamo buba bugamije Kwimakaza imiyiborere myiza.

Agira ati, "Muri iyi mikino dutangamo ubutumwa busaba abaturage kwakira serivisi nta kiguzi, nta kimenyane, nta kurenganya umuturage, kandi aho bibaye barasabwa gutanga amakuru ku nzego zo hejuru, kugira ngo hatagira uca ku ruhande."

Ku kijyanye no kuba hari ahagitangwa serivisi zitanoze, cyangwa umuturage agasiragizwa, kubera kudakemurirwa ibibazo ku gihe, Kayitare avuga ko uko hagenda hagaragara imbogamizi hanafatwa ingamba.

Nk’urugero hashyizweho ishuri ry’abayobozi ku rwego rw’Umudugudu, aho rihuriramo abaturage n’abayobozi bakaganira ku bitagenda kandi bikabonerwa ibisubizo.

Agira ati, "Mu Midugudu hasi haracyarimo imbogamizi, ariko hafashwe ingamba zo guhanga agashya n’Ubuyobozi bw’Akarere kacu, gashyiraho ishuri ry’ubuyobozi ku Mudugudu aho Abayobozi ku nzego zisumbuye bahuza abo ku rwego rwo hasi bakaganira uko ibibazo bikemurwa, nta na bimwe bishyizwe ku ruhande, umuturage afite uburenganzira ku bimukorerwa".

Abaturage bakiriye neza irushanwa Umurenge Kagame Cup

Bamwe mu baturage baherekeje amakipe y’umupira w’amaguru mu Mirenge ya Kinazi na Ruhango, bishimiye kongera guhurira mu marushanwa, kandi bose bagaragaza ko bafite ishyaka ryo gutsinda, kandi banatsindwa bakagira umuhate wo gukosora ibitagenze neza.

Umwe muri bo waturutse i Kinazi agira ati, "Ikipe yacu y’abakobwa yatsinzwe, ariko ntabwo byaduciye intege tugiye kongera gutegura neza, kumenya ko watsinzwe n’icyabiteye, biduha ubundi buryo bwo gutekereza uko ubutaha tuzagera ku ntsinzi, no mu byo dukora byose ni uguharanira kugera ku byiza birenze".

Imirenge ya Kinazi na Ruhango niyo yabimburiye indi mu gutangiza Amarushanwa Umurenge Kagame Cup, ahakinwe umupira w’amaguru, Ruhango ikiharira intsinzi iwayo mu bakobwa n’abahungu, ahatinzwe 1-0 mu bakobwa na 2-0 mu bahungu.

MINUBUMWE igaragaza ko Urugerero ari impamba y’abubatsi b’Igihugu cy’ahazaza heza, kandi ko bidahereye mu bato, byazagora abakuze guha ubutumwa igisekuru gishya kiri imbere.

Mu kiganiro yahaye abitabiriye Urugerero rw’ Inkomezabigwi icyiciro cya 13 mu Murenge wa Nyamabuye mu Karere ka Muhanga, Umuyobozi Mukuru ushinzwe ubushakashatsi muri MINUBUMWE Dr. Rutayisire Theoneste yagaragarije urubyiruko ko Umuco w’Ubutore ugira uruhare mu Kwimakaza Ubumwe n’Ubudaheranwa.

Yavuze ko kugeza ubu igipimo kigaragaza ko Ubumwe n’Ubwiyunge bw’Abanyarwanda bugeze kuri 95,3% kandi ko hari ibyagaragaje ko bigira uruhare mu gusigasira ubwo bumwe, harimo ibishingiye ku burere Mboneragihugu, nk’ Itorero, Urugerero, na Ndi Umunyarwanda.

Agira ati, "Abitabiriye ubushakashatsi bagaragaje ko izo gahunda zubaka Ubumwe ku kigero cya 99%, naho kwigisha amateka bikubaka Ubumwe bw’Abanyarwanda ku kigero cya 99%, mu gihe Ubudahenwa bw’Abanyarwanda buri hejuru gato ya 99%".

Agaragaza ko ibyo bipimo byose bigaragaza ko Abanyarwanda bahagaze neza nyuma ya Jenoside yakorewe Abatutsi, aho Indangagaciro na kirazira bifite uruhare mu kubaka Ubumwe n’Ubudaheranwa ku kigero cya 97% kandi ko bitavuye ahandi usibye mu byakomeje gukorwa.

Agira ati, "Niyo mpamvu rero turi umwe kwitabira gahunda nk’iyi ni ugutegura ishingiro ryo kuba umwe, kugira Ubudahenwa no gutera imbere mu Gihugu cyacu, kuganira ku buzima bw’u Rwanda bw’ahazaza. Ibyo muzabona si ibyo gusiga aha, ni impamba mugomba guheka ku mugongo ntabwo ari mpana vuba nigendere".

MINUBUMWE igaragaza ko nta bumwe mu rubyiruko bitashoboka mu Banyarwanda b’ejo hazaza, kandi ko u Rwanda rwifuzwa rukwiye kubakwa uyu munsi, bityo ko ubumenyi, uburere n’uburezi bahawe ku mashuri no mu miryango, bikwiye kubashoboza kubaka Igihugu koko.

Umuyobozi w’Akarere ka Muhanga Kayitare Jacqueline avuga ko abitabiriye Urugerero bazakora ibikorwa bitandukanye birimo, kubakira abatishoboye, kwita ku bikorwa by’isuku n’isukura, n’ibindi bizaba bikenewe byagirira Abanyamuhanga akamaro, hagamijwe gukemura ibibazo byugarije imibereho myiza y’abaturage.

Mu rwego rwo gushishikariza Intore kugira umwete wo gukora cyane, Kayitare yavuze ko Urugerero rw’umwaka ushize, rwakoze ibikorwa bifite agaciro k’asaga miliyoni 150frw, bityo ko abo ku rwa 13 bakwiye kurushaho.

Mu karere ka Muhanga, gahunda yo gushishikariza abanyeshuri isuku, #FrecherikuIsuri izamara amezi atatu yari irangajwe imbere n’Umuyobozi w’Akarere Kayitare Jacqueline.

Ari ku kigo cy’amashuri GS Vunga mu murenge wa Shyogwe, Kayitare yakanguriye abarimu gufata iya mbere kugira ngo bafashe abana kugira isuku umuco wabo.

Kayitare avuga ko ubusanzwe abarimu, abayobozi b’ibigo by’amashuri n’ababyeyi, bafite inshingano ku munyeshuri zihariye kuri buri wese, ariko zuzunya kugira ngo uburere bw’umwana bube nabwo bwuzuye by’Umwihariko kugira isuku.

Agira ati, "Ababyeyi barebwa no gutegura umwana akagira isuku mbere yo kumwohereza ku ishuri, umwarimu nawe afite inshingano zo kugenzura niba umwana afite isuku koko, yogeje amanyo, yaciye inzara, yambaye imyenda imeshe, niba yogoshe, n’ibikapu by’amakayi bisa neza. Ubuyobozi bw’ishuri nabwo bugomba kugenzura isuku mu kigo, niba ubusitani busa neza, ubukarabiro bufite amazi n’isabune, no kugenzura ahategurirwa amafunguro y’abanyeshuri ko hasukuye."

Mu Mirenge yose y’Akarere ka Muhanga abayobozi b’ibigo by’amshuri basabwe kwita ku isuku y’ikigo muri rusange, gushyiraho ibyapa mu busitani bw’ikigo biriho ubutumwa bukangurira abana kwita ku isuku, no kujya inama n’ababyeyi mu gihe hagaragara imbogamizi ku mwana.

Ku kijyanye no kuba abanyeshuri basabwa kugira isuku kandi hari aho bakirira mu byumba by’amashuri bigiramo, Kayitare avuga ko n’ubwo bimeze gutyo bidakwiye kuba urwitwazo rwo kugira umwanda, kuko n’ubundi ari ibisanzwe ko abantu bashobora gufatira amafunguro aho bari hagasukurwa hagakoreshwa ibindi, mu gihe hataraboneka ubushobozi bwo kubaka aho abanyeshuri barira habugenewe.

Ubuyobozi bw’Urwunge rw’amashuri rwa Vunga mu Murenge wa Shyogwe bugaragaza ko hari ibishya bagiriwemo inama bagiye gushyira mu bikorwa, birimo gushyiraho ibyapa bitanga ubutumwa bw’isuku, kwita ku bukarabiro n’ahashyirwa imyanda irimo ibipapuro n’amacupa.

Umuyobozi agira ati, "Nibyo twakoraga isuku bisanzwe ariko tugiye kujya dusuzuma umunsi ku wundi isuku y’abana. Tuzakomeza gushishikariza abana gukaraba neza kurira ahantu hasukuye, no gukomeza ingamba zose twabwiwe n’Ubuyobozi ubwiherero bukaba busukuye neza kandi abana bavuyemo bagakaraba amazi meza n’isabune".

Abanyeshuri ba GS Vunga bagaragaza ko kugira isuku ku mubiri no ku myambaro, bizatuma babasha koko guhangana n’ingaruka ziterwa n’umwanda, dore ko ku ishuri hahurira abana benshi, bityo ko uwagira ikibazo ashobora kwanduza abandi.

Umwe mu banyeshuri agira ati, "Nk’ubu uvuye mu bwiherero ntubone amazi yo gukaraba n’isabune, ufite uburwayi wagenda ubukwirakwiza muri bagenzi bawe, ariko ubu twahawe amazi n’isabune, turakaraba kandi dufite amazi meza yo kunywa bizaturinda izo ndwara ziterwa n’umwanda."

Gahunda ya #FresherikuIshuri yatangijwe mu Gihugu hose, aho ku bufatanye na Minisiteri y’Uburezi, hitezwe ko isuku iba umuco mu bakiri bato, bakayikurana kandi ko n’Abafatanyabikorwa mu burezi bakwiye kubigira ibyabo.

Minisiteri y’Ubuzima itangaza ko buri munsi u Rwanda rutakaza amafaranga umunani ku muntu, kubera kuvura ingaruka ziterwa n’umwanda, mu gihe 90% by’indwara zigera kwa muganga zifite aho zihuriye n’umwanda, bityo ko kugira isuku ari ukurinda ubuzima bw’abaturage, no kuzamura ubukungu bw’Igihuhu.

Umuyobozi w’Akarere ka Ruhango Habarurema Valens avuga ko ubu bafatanyije n’abashoramari, bakabashyigikira, bagatangira kubaka amahoteli, kugira ngo bereke abagenderera akarere ko biteguye kubakirana urugwiro.

Urugero ni Hotel Ishema ifite ibyumba bisaga makumyabiri, ikagira n’icyumba cy’inama, aho kurara, akabari, ubusitani bwisanzuye, ndetse na piscine itegerejwe vuba aha.

Umuyobozi w’Akarere avuga ko mu rwego rwo gushyigikira uwo mushoramari, bagiye gutunganya imihanda igana kuri iyo hoteli iyihuza n’umuhanda munini wa Kaburmbo wa Kigali-Huye.

Agira ati, "Ni Hoteli ifite ubushobozi bwo kwakira ingeri zose z’abahagana kugera ku rwego rwa Minisiteri. Ifite ibyumba bigezweho bibereye abantu b’abanyacyubahiro."

Hotel Ishema ifite ibyumba byishyurwa kuva ku 20.000frw kugera ku 150.000frw. Ifite interneti y’ubuntu, ibyumba bifite aho kwakira Umuryango w’abahatembereye, n’abashaka kuhaguma by’igihe gito.

Muri izi hoteli nshya, harimo na Azizi ifite ubushobozi bwo gucumbikira abantu basaga 20 icyarimwe. Ifite ibikenerwa byose ngo uwasuye Ruhango cyangwa ushaka kuhiyakirira agubwe neza, ku guciro cyo kurara kiri hagati ya 40.000fre-100.000frw ku cyumba.

Ni Hoteli kandi yubatse mu bikoresho by’umuco Nyarwanda, ku buryo abaje kuhiyakirira basura cyangwa bakanatahana ibyo bikoresho.

Hagati aho, ubu hari kuvugururwa na Hoteli Umuco, ndetse n’ahategurira ikawa hafi y’umuhanda munini wa Kigali-Huye.

Ibyo byose bigamije kunoza serivisi zo kwakira abantu neza, no kwirinda ko abasuraga Ruhango bakomeza kugorwa no gutumiza cyangwa gushakira izo serivisi ahandi.

Umuyobozi w’Akarere, avuga ko ubusanzwe abashaka gutanga serivise z’Ubukerarugendo, cyane cyane amahoteli, bataba bagomba gutegereza ko abakiriya baza, ahubwo bitegura mbere.

Agira ati, "Amahoteli arakenewe kandi ntabwo dufite ahagije kuko abantu bumva ko ntawayakenera, ariko sibyo kuko abantu bategura serivisi abakiriya bakaza. Ntabwo baza serivisi zitarategurwa. Dufite ingero z’abubatse inzu nziza hano zigahita zitabirwa. Hari inzu yari isanzwe ikodeshwa ibihumbi 300frw, none abagiye kuyikoreramo bagiye kwishyura arenze inshuro eshanu ayo nyirayo yakuragamo, kuko yashyizwe ku rwego rwo hejuru."

Avuga ko hari benshi bari kwiga uburyo bwo kuvugurura Umujyi wa Ruhango, kandi Akarere gafite inshingano zo kubafasha guhabwa ibyangombwa bikenewe ngo izo nyubako zuzure.

Agira abashoramari inama, umuyobozi w’Akarere yagize ati "Ntimukajye mutekereza ibya hafi, mutekereze byagutse. Buri wese akeneye kubona Akarere ka Ruhango kagaragara neza."

Umuyobozi w’Akarere ka Ruhango, Habarurema Valens

Umuyobozi w’Akarere ka Ruhango, Habarurema Valens, avuga ko ashingiye ku bipimo by’umwaka ushize, byakozwe ku rwego rw’Igihugu, Akarere ka Ruhango kaje ku mwanya wa karindwi mu Turere dufite ubukungu bwifashe neza kurusha utundi mu Gihugu, naho ibipimo bya DHS na byo bigashyira ako Karere mu Turere turindwi twa mbere.

Ku bindi bipimo ni ukuba mu kurwanya igwingira ry’abana, Akarere ka Ruhango karavuye ku bana 38% bakagera kuri 22%, kandi ko byagizwemo uruhare n’Abafatanyabikorwa, kandi bikwiye gushyigikirwa.

Agira ati "Ikindi gishimishije cyane ni uko ingo 8.000 zari mu bukene bigatuma ubu turi aba mbere mu Gihugu mu Turere 30, kandi abaturage bari bababaye basigaye baseka, abaturage bacu ubu bafite amazi meza hejuru ya 90% kandi hari indi miyoboro izasozanya n’uyu mwaka yuzuye bityo abaturage bose bagire amazi meza".

Ku kijyanye no kunoza gahunda z’ubuvuzi, Akarere ka Ruhango kubatse ibigo nderabuzima bibiri, ari byo Kinazi na Mukoma hubakwa kandi mu Murenge wa Mwendo ikigo nderabuzima cya Gishwero.

Naho ku kijyanye n’ibikorwa remezo mu guteza imbere Umujyi wa Ruhango, uri kuvugururwa hubakwa inyubako muri Gare, kandi hari imishinga y’inzu zubakwa zijya hejuru, aho nibura inzu zirindwi zizatangira kubakwa mu mwaka wa 2026, bikazatuma Umujyi wa Ruhango uba mwiza kurushaho, bigatuma amaresitora n’ahandi bakirira abantu hisanzura.

Ibyo bikorwa byose ni byo Umuyobozi w’Akarere ka Ruhango, Habarurema Valens aheraho avuga ko umwaka wa 2026 uzaba uw’ibikorwa byinshi kandi byiza, kuko imbaraga zakoreshejwe mu mwaka ushize, zisize hamaze gukorwa byinshi cyane.

Agira ati, "Uyu mwaka wa 2026 uzaba uw’ibikorwa byinshi kuko Ibyakozwe umwaka ushize ni umusingi mwiza uzadufasha kuzuza iby’uyu mwaka".

Yongeraho ati, "Guhuza Ibikorwa by’abafatanyabikorwa n’abaturage, byatumye umwaka urangiye ugenda neza, kandi ibyavuye mu mwaka ushize bizaba ingenzi mu myaka izaza".

Mu rwego rwo kwishimira ibyagezweho hanafatwa ingamba z’ibizakorwa, Akarere ka Ruhango gategura ibirori ngarukamwaka, bihuza abakozi b’Akarere bose, bishimira ibyagezweho, hakanategurwa ibirori by’ibitaramo bihuza ubuyobozi n’abaturage kugira ngo bazarusheho kujyanamo mu mwaka ukurikiyeho.

Nyamara, abapolisi ntibari bazanywe no gushaka abanyabyaha, ahuwbo Abapolisi babahumurije, barabaririmbira, ndetse baha abana impano zitandukanye, harimo ibyo kurya bakunda, nka bumwe mu buryo bwo kubereka ko bifatanyije mu byishimo by’iminsi mikuru.

Mu gihe batangaga izi mpano, ababyeyi bahabwaga ubutumwa muri gahunda ya ’Turindane Tugereye Amahoro’ aho buri wese agira uruhare mu kubungabunga umutekano mu muhanda.

Ubwo butumwa bugamije kwibutsa abakoresha Umuhanda by’umwihariko abatwawe mu modoka, ko badakwiye kwiyicarira gusa ngo bumve ko byose bikwiye guharirwa umushoferi, cyangwa ngo umuyobozi w’ikinyaniziga yumve ko adakwiye gutega amatwi abo atwaye.

Polisi igira iti, "Turasaba abana kurangwa n’ikinyabupfura, kwiga neza bagatsinda, kubaha ababarera, kuko abana aribo bazavamo abapolisi b’ejo hazaza. Ababyeyi bo barasabwa kwirinda kunywa bagasinda kuko bibangamira gahunda ya Turindane Tugereyo Amahoro, kuko uretse kunywa bagatwara basinze, birenze kuba amakosa ahubwo ari icyaha gihanwa n’amategeko".

Ababyeyi b’abana bashimiye Polisi y’Igihugu yaje kubaha impano za Noheli, kandi banashimira ubutumwa bagenewe kuko bugaragaza impungenge iba ifitiye Abanyarwanda ku mutekano wabo by’umwihariko abakoresha Umuhanda.

Umubyeyi umwe agira ati, "Abana bacu bishimiye izi mpano, Polisi ntishinzwe gusa gufata no gukurikirana abanyabyaha, ahubwo nk’ubu iba yatwigishije uko twita ku bana, n’uko twiyitaho muri iyi minsi mikuri, kwirinda gusesagura kuko n’ejobundi ni ugusubiza abana ku ishuri kandi baba bakeneye ibyangombwa".

Undi mubyeyi agira ati, "Batubwiye ko dukwiye kugira uruhare mu gucunga umutekano wacu mu modoka, umushoferi yaba agenda nabi tukamuhwitura, tugahamagara polisi tukayiha amakuru, kugira ngo Tugereye yo Amahoro koko".

Umuyobozi wa Hotel Saint-Andre Kabgayi Padiri Niyonagira Prosper yashimiye Polisi y’Igihugu ku bufatanye igaragariza abikorera, kuko kubona baza kwishimana n’abana ubundi bitari bisanzwe.

Agira ati, "Nk’ubu Hotel ntiyatanga ubutumwa nk’ubwa Polisi , ariko natwe duhita tubona ko abakiriya bacu bacungiwe umutekano, abahawe ubutumwa bari mu byishimo by’iminsi mikuru, batunguwe babona ko inzego z’umutekano zibifuriza amahoro n’umutekano usesuye".

Polisi irakomereza hirya no hino mu Ntara zose n’Umujyi wa Kigali, igatungura abari mu binyabiziga n’ahahurira abantu benshi, harimo n’ahari abana.

Bimwe mu byo abaturage bishimiye bagezeho harimo umutekano, gukora bakiteza imbere no guhabwa serivisi inoze mu nzego zibakemurira ibibazo, ku buryo bumva kubyishimira ku munsi mukuru, ari umwanya wo gutegura umwaka utaha uzarangwa n’ubundi n’ibyo bikorwa.

Umwe mu baturage agira ati, "Turashimira Akarere ka Ruhango kaduteguriye iki gitaramo, ni ibigaragaza umwanya baha umuturage nawe akisanzura, akumva ko ari kumwe b’abayobozi kandi bamwifuriza ibyiza, nkanjye iyo habaye igitaramo nk’iki mbona abakiriya benshi ngacuruza nkunguka".

Undi nawe agira ati, "Iki gitaramo ni icyo gushimira Ubuyobozi bwiza, turashimira nyakubahwa Perezida Kagame waduhaye umutekano, tukarya, tukabyina, tugakora ntawe uduhagaze hejuru, ubuyobozi bw’Akarere ka Ruhango nabwo bwakoze ku bwo kuduha ibyishimo".

Umunyamabanga Nshingwabikorwa w’Umurenge wa Ruhango Wellars Kayitare avuga ko gutegura igitaramo cyo Kwizihiza Noheli mu Karere ka Ruhango bisanzweho, kandi ko ari umwanya wo gushimira uruhare rw’umuturage mu iterambere ry’Akarere, no kumuha ubutumwa bw’umwaka ukurikiraho.

Agira ati, "Uyu ni umwanya wo kwishimira ibyagezweho no guha ubutumwa abaturage ko kwishimira ibyagezweho ari igihe cyo kwiga kwizigamira iby’igihe kizaza, turatarama tunazirikana ko ejo n’ejobundi ari igihe cyo gukora cyane".

Igitaramo cyo kwishimira ibyagezweho mu Karere ka Ruhango kiramara iminsi ibiri, guhera ku wa 24 kugeza mu rekerera rwo ku wa 25 Ukuboza 2025, kikazasubukurwa mu ijoro ry’ubunani, ahaba hateganyijwe abacuranzi, abahanzi n’abavanga imiziki.

Basezeranye biyemeza gusezerera ihohoterwa

Abasezeranye bavuga ko bimwe mu bituma ayo makimbirane abaho, ari uko abagore baba badafite uburenganzira ku mitungo, bagahorana urwikekwe rw’uko abagabo bazagurisha ibyo bashakanye, bityo abagore ntibakore cyane kuko baba bakeka ko bazabisiga, bigakurura amakimbirane n’ihohoterwa rishingiye ku mitungo.

Hari kandi ngo abagabo bitwaza ko imitungo bayifiteho ijambo ryose, bigatuma bayikoresha uko bashatse kuko nta wabahagarika, bakayipfusha ubusa bagahinduka abasinzi cyangwa bagashaka n’abandi bagore, ibyo bigakurura amakimbirane mu ngo abagore n’abana bagahohoterwa.

Iyo miryango niho ihera itangaza ko gusezerana mu mategeko, ari imwe mu nzira yo gusezerera ihohoterwa rishingiye ku gitsina, haba ku mugabo cyangwa umugore, kuko bose baba bangana imbere y’amategeko.

Uwiringiyimana Albert avuga ko hashize imyaka 15 abana n’umugore batasezeranye, akaba yishimiye kuba noneho bateye intambwe yo kubana mu buryo bwemewe n’amategeko, kandi bigiye gutuma umugore we arushaho kurindwa ihohoterwa.

Agira ati "Umugore wanjye ntabwo yari afite uburenganzira ku mutungo, ubu nta rwikekwe rwo kuba umugore wanjye wahoraga akeka ko ejo cyangwa ejo bundi yakwirukanwa. Biramwongerera imbaraga zo gukora cyane twiteze imbere, kuko noneho yizeye ko ibyo avunikira abifiteho uruhare".

Undi na we agira ati "Ibintu byagenze neza, ndasaba na bagenzi banjye gutera intambwe bagakora ibyo amategeko asaba. Ni byiza kubana mwarasezeranye kuko nta wongera gukeka ko undi azamuta, abagabo babana n’abagore batasezeranye, bahorana amakimbirane kuko umwe aba atizeye undi".

Naho umugore wasezeranye agira ati "Ubu nabonye aho mbarizwa, nabanaga n’umugabo dukimbirana kubera gukeka ko ibyo akora byose agamije kunyirukana, none ubu umutima wanjye uratuje, ngiye kurushaho gukora cyane kuko noneho nemewe mu mategeko".

Mu birori byo gusoza iminsi 16 yahariwe kurwanya ihohoterwa rishingiye ku gitsina mu Karere ka Ruhango, Umuyobozi w’ako Karere Habarurema Valens, yashimiye imiryango yateye intambwe ikemera gusezerana, kuko igiye kurushaho kubakira ku kwizerana kuko isezerano ririnda guhorana urwikekwe.

Umunyamabanga Nshingwabikorwa w’Umurenge wa Mwendo Nemeyimana Jean Bosco, akaba n’Umwanditsi w’irangamimerere muri uwo Murenge, avuga ko umugore n’umugabo baba bafitanye igihango gituma babana neza kandi ko guta umugore ari uguta umutima.

Agira ati "Hari ibigaragaza ko abagabo n’abagore batatiye igihango umwe agata undi, ari bwo umugabo ata umutima naho umugore agata umutwe, gushyingirwa ni itegeko ariko si agahato, ni ukwiyemeza ko muzabana neza, kubana kwanyu ntikubangamire amategeko ya Repubulika y’u Rwanda, kuko iyo umuryango udatekanye uba utangiye kwica amategeko".

Muri rusange imiryango isaga 100 ni yo yaganirijwe mu minsi 16 yo kurwanya ihohoterwa rishingiye ku gitsina mu Murenge wa Mwendo, 40 yiyemeza gusezerana, n’indi ikaba ukomeje kwitegura kugera kuri iyi ntego.

Mu bindi byakozwe muri iyo minsi harimo kuganiriza abanyeshuri mu bigo by’amashuri abanza n’ayisumbuye, amatsinda y’abaturage, abamotari no mu nsengero, kandi hakorwa amahugurwa ku burenganzira bwa muntu, gutanga ubufasha, ubuvuzi n’ubujyanama mu mitekerereze ku bahohotewe.

Meya Kayitare

Umuyobozi w’Akarere ka Muhanga, Kayitare Jacqueline, yabivugiye mu birori byo kwizihiza umunsi mpuzamahanga w’abafite ubumuga mu Karere ka Muhanga, aho yagaragaje ko kubaha uburenganzira bw’abafite ubumuga ari kimwe mu bituma bagira agaciro nk’abandi, bityo kuba hari abagihisha abana bavukanye ubumuga, ari ukubavutsa ubwo burenganzira, kandi nabo ari abantu bakwiye kwitabwaho by’umwihariko ahubwo, kuko ari abanyantege nke.

Asaba ubuyobozi mu nzego z’ibanze gushyiraho uburyo bwo kwita ku bafite ubumuga, kuko amahirwe bimwe bakivuka yatumye batajya mu mashuri ngo bijye, ariko Umuryango Nyarwanda wabasigaranye ukwiye kwiyumvisha ko hakwiye uburyo butabaheza butuma gahunda Leta ibashyiriraho zibagirira akamaro.

Agira ati "Guhezwa bakigumira mu gikari byabambuye uburenganzira bwo kwiga bituma benshi badafite ubumenyi bwabafasha gukora no kwiteza imbere, ni yo mpamvu abafite ubumuga bakwiye kuzirikanwa ku buryo butuma ibihari batagorwa no kubigeraho, bakitabwaho uko bishoboka natwe abayobozi tuzakurikirana ko bikorwa mu buryo bwabyo".

Abita ku bafite ubumuga bashimiwe

Ku kijyanye n’abanga kwandikisha abafite ubumuga mu irangamimerere, yibukije ko kutandikisha uwo mwana ari ukumukura ku rutonde rw’abenegihugu, bigatuma n’igihe cyo kumwunganira atagaragara kuko atigeze yandikishwa.

Agira ati "Birababaje kuba umwana amara imyaka 16 atazwi mu Gihugu kandi duhorana aho tuba turi mu gikari cyangwa ahandi bamuhisha, ni ugukurikirana tukareba niba nta burenganzira bwabo bwatsikamiwe, ni ngombwa kwandikisha uwo mwana kugira ngo igenamigambi ry’Igihugu ritamusiga inyuma".

Leta yashyizeho ingamba zo kwita ku mibereho y’abantu bafite ubumuga

Meya Kayitare avuga ko Leta yiyemeje gushyira imbere politiki yo kudaheza abantu bafite ubumuga, kandi ko uko byatekerejwe n’uko bishyirwa mu bikorwa hamaze guterwa intambwe ishimishije.

Ashimira abafite ubumuga biyemeje gukora bakiteza imbere, bagashyigikirwa bakagira uruhare mu buzima nk’abandi, kugera no mu nzego z’imiyoborere kandi ko batanga umusanzu w’icyizere, kandi ko gukomeza kubashyigikira ari ukubereka urukundo rutuma bibona neza mu muryango Nyarwanda.

Agira ati "Nk’Akarere nibura buri mwaka Koperative enye zirashyigikirwa zigaterwa inkunga, kandi ubwunganizi bahabwa burabafasha, dufite Koperative zisaga 30 z’abafite ubumuga mu Karere, zimaze guhabwa asaga Miliyoni 60frw kandi tuzakomeza kubafasha".

Ashimira abita ku bantu bafite ubumuga kandi nyamara bo ntabwo bafite, ko bikwiye no kwaguka bikagera kure kuko biba bigaragara ko buri wese yagira icyo akora, kugira ngo ufite ubumuga abeho neza kandi bikwiye kuba inshingano za buri wese mu bushobozi bwe.

Agira ati “Mu bushobozi ufite wafasha umuntu ufite ubumuga kuko wamwuhagira, wamumesera imyambaro, wamushyigikira muri bicye ufite kuko nibyo bibaremamo icyizere kandi ni abantu nkatwe, ntidukwiye kwiyambura inshingano mu kubaha uburenganzira bw’ikiremwa muntu".

Hari abahawe ibiryamirwa

Bamwe mu bafatabyabikorwa mu kwita ku bafite ubumuga, bashimiwe bahabwa ibyemezo by’ishimwe, kandi nabo biyemeza gukomeza gushyiramo imbaraga ngo bite kuri abo banyantege nke.

Mushambokazi Alphonsine washimiwe ku bwitange bwe ku kwita ku bana bafite ubumuga bwa ‘Autisme’, avuga ko kumushimira mu ruhame byamuteye umuhate wo gusaba n’abandi bafite umutima wa kimuntu, kumva ko bidasaba ubushobozi buhenze ngo ufashe ufite ubumuga.

Agira ati "Abumva bafite uwo mutima batwegera, dukorera i Muhanga ariko turashaka no kwagura kuko ikigo cyacu ari kimwe mu Ntara yose y’Amajyepfo kandi abana bafite Autisme bari henshi. Nibaze dufatanye kugira ngo twite kuri abo bana kuko iyo bakurikiranwe kare bavamo abantu b’ibihangange kandi bashoboye".

Ndayisaba Papias ufite ubumuga bw’ingingo, avuga ko yahisemo gukora akazi k’ingufu ku ngingo yasigaranye, aho kujya gusabiriza kuko yahoranye imbaraga ariko zikaza kigabanuka ariko ntacike intege.

Agira ati "Buriya nkora akazi ko kumena amabuye kugira ngo abajya kubaka biborohere, nahoranye amaguru yombi, nza kugira ubumuga nsigarana amaboko, ni yo nkoresha mena ayo mabuye kuko nahawe insimburangingo, nkorana n’abandi bigatuma numva ko ntahejwe nkumva mfite imbaraga. Nita ku muryango wanjye w’abana bane n’umugore, mfite amatungo kandi abana banjye babona Mituweli, ndi n’umuyobozi kuko ndi Mutwarasibo".

Mu rwego rwo gukomeza gufasha abafite ubumuga batishoboye, Akarere ka Muhanga n’abafatanyabikorwa baremeye imiryango ihabwa ibiryamirwa, igishoro ku mishinga y’abafite ubumuga, hari n’abahwe Inka.

Abafite ubumuga iyo bashyigikiwe barakora bakiteza imbere

Abafite ubumuga barasaba ko Mituweli inoza serivisi bakeneye

Umuyobozi w’Inama y’Igihugu y’abafite ubumuga mu Ntara y’Amajyepfo Nyiribambe Felicien, avuga ko nyuma yo kwemererwa kuvurizwa kuri Mituweli, no kubona insimbirangingo n’inyunganirangingo, bari bizeye ko bazajya bahabwa ubwo buvuzi uko babukeneye, ariko atariko byagenze, kuko babuhabwa inshuro imwe gusa mu mwaka.

Nyiribambe avuga ko ubundi ibyemezo by’Inama y’Abaminisitiri bibemerera guhabwa ubuvuzi, insimbirangingo n’inyunganirangingo byishyurwa na Mituweli bari babyakiriye nk’ibisubizo, ariko bitaranoga neza kuko ubwo buvuzi burimo nk’ubugororangingo, Mituweli ibyishyura inshuro imwe mu mwaka bityo ko nta gisubizo babonamo.

Agira ati "Nk’ubugororangingo (Kinesitherapie) umuntu ufite ubumuga abukenera kenshi gashoboka, ashobora kubukenera nka rimwe mu cyumweru, none bwishyura rimwe gusa mu mwaka, kandi kubukoresha wishyura 100%, bishobora kugera mu 300.000frw, turifuza ko hakomeza gukorwa ubuvugizi ababishinzwe bakaduha serivisi inoze".

Hamwe n’ibindi bibazo birimo amagare y’abafite ubumuga atajyanye n’ubumuga bafite kandi ahenze, uburezi butaragera kuri bose, amatsinda y’abafite ubumuga adakora neza, kwita ku bafite uburwayi bwo mu mutwe, Nyiribambe asaba ko bikorerwa ubuvugizi.

Ubuyobozi wa NCPD mu Ntara y’Amajyepfo, Nyiribambe Felicien

N’ubwo dukeneye kwitabwaho turashoboye, natwe twagira abo dufasha

Mu birori byo kwizihiza umunsi mpuzamahanga w’abantu bafite ubumuga mu Ntara y’Amajyepfo, ku wa 03 Ukuboza 2025 mu Murenge wa Byimana mu Karere ka Ruhango, abafite ubumuga bagaragaje ko bifuza kujya banahabwa umwanya mu bibakorerwa, kandi bakagirirwa icyizere, kuko nabo hari ibyo bakora bigira uruhare mu iterambere ry’Igihugu.

Batanga urugero rwo kuba nibura muri buri Murenge w’Akarere ka Ruhango, abafite ubumuga bafitemo amakoperative abiri kandi akora neza, aho bakora ibikorwa by’ubuhunzi n’ubworozi, abavumvu, ububoshyi, ubukorikori no gukora inkweto n’ibikorwa by’ububaji bituma nabo bagira uruhare mu iterambere ry’Akarere n’Igihugu muri rusange.

Umwe agira ati "Abafite ubumuga turashoboye kuko ibyo dukora bifite akamaro ku miryango yacu, noneho n’Igihugu kigatera imbere, byose tukaba twakomeza kubigeraho igihe twahabwa umwanya mu bidukorerwa kuko hakigaragara abagihisha abantu bafite ubumuga, nyamara Leta yaradushyiriyeho gahunda yo kurwanya iryo hezwa, ahubwo tugahabwa agaciro".

Abafite ubumuga bwo mu mutwe bafite umushinga w’ubworozi bw’inkoko zitanga amagi, bavuga ko iyo bitaweho uburwayi bwabo bugabanuka bagakora bakiteza imbere, bityo ko kubaha umwanya no kubizera mu bikorwa bitandukanye byatuma bakomeza kugira uruhare mu iterambere ry’Igihugu.

Bitaweho bakwiteza imbere

Umwe muri bo ati "N’ubwo turi abarwayi bo mu mutwe, iyo twafashe imiti neza turakora tukiteza imbere, ubu tumaze kugira inkoko 100 zitera amagi, gahunda ni ugukomeza ibi bikorwa bikagera no kuri bagenzi bacu".

Gusa bifuje ko bafashwa kugera mu bice bitandukanye by’Akarere ka Ruhango, gusura abarwayi bagenzi babo, kuko usanga hari abafata imiti nabi bikarushaho kubatera ubwurwayi, ari naho bava biruka ku gasozi abantu bakabafata nk’abasazi kandi baba babuze ababitaho.

Haracyari ikibazo cy’abafite ubumuga batiga neza, guteza imbere kwigishwa k’ururimi rw’amarenga, no kongera ingengo y’imari y’Inama y’Igihugu y’abafite ubumuga, kuvugurura inyubako zubatswe cyera bitubahirije uburenganzira bw’abafite ubumuga, bakifuza gukomeza kwitabwaho ngo bagire uruhare mu rugamba rw’iterambere.

Umuyobozi w’Akarere ka Ruhango Habarurema Valens, ashimira abafite ubumuga batinyutse bagakora amaboko mu mifuka bagakora, kandi ko ibibazo bikeneye ubuvugizi bizakomeza gukurikiranwa kugira ngo bagire ubuzima bwiza.

Agira ati "Ibibazo mwabajije birimo ingengo y’imari idahagije ku bafite ubumuga, abakeneye ubufasha bwo kugera kuri bagenzi babo, serivisi zo kwa muganga n’ibindi bikeneye ubuvugizi turakomeza tubikurikirane, kuko ni byo inzego z’ubuyobozi zishinzwe”.

Abafite ubumuga bw’ingingo bazi kuboha bimwe mu bikoresho byo mu biro

Meya Habarurema yashimiye abafite ubumuga bakora bakiteza imbere

Abayobozi b’Umuryango FPR-Inkotanyi barasabwa kuba intangarugero

Chair Person w’Umuryango FPR-Inkotanyi mu Karere ka Muhanga, Kayitare Jacqueline, yabibasabye mu mahugurwa y’abahagarariye inzego z’ubuyobozi, z’Umuryango kuva ku Karere kugeza ku rwego rw’Imirenge, bazajya guhugura abo ku nzego z’Utugari n’Imidugudu.

Ni amahugurwa yari agenewe za Komisiyo ku rwego rw’Akarere, hagamijwe kujyanisha Manifesto y’Umuryango n’icyerecyezo cy’Igihugu, NST2, hagasuzumwa ibyakozwe, kureba ahakiri ibibazo no kwiha intego ziri imbere.

Agaragaza ko FPR Inkotanyi nka Moteri ya Guverinoma, igomba gufasha Abanyarwanda kugera ku iterambere ryihuse, bijyanishwa n’icyerecye NST2 na Manifesto y’Umuryango, kandi ko ubushakashatsi bugaragaza ko abaturage bashima uko inzego z’ubuyobozi bw’Igihuhu zubatse hejuru ya 95%, ariko byagera ku buryo bashima serivisi bahabwa n’izo nzego zubatse neza bikagabanuka cyane.

Agira ati, "Hari ikibazo cy’uko hatarimo guhuzwa ibyo byose ngo bijyanishwe n’icyerecyezo, kandi turi abanyamuryango b’abayobozi, ese abantu bagize Komisiyo runaka baganira iki muri buri rwego? Intege nke dufite ni uko tutaramenya ko turi umuntu umwe, turi icyubakwa kimwe kandi gikenewe ko duhuza imbaraga, nyamara ahubwo ugasanga dufite intege nkeya".

Gahunda za Leta zikoreshejwe neza zakubaka Ubumwe bwacu

Kayitare agaragaza ko icyitwa gahunda za Leta gikoreshejwe neza byarushaho kubanisha Abanyarwanda, kuko n’ubwo igamije gukura abaturage mu bukene, uko abaturage bagira uruhare mu kwemeza abakene kurusha abandi, bibubakamo ubumuntu no guha agaciro bamwe ku bandi, nyamara ariko usanga hari aho bikoreshwa nabi bigatuma abaturage banenga ababayobora.

Chair Person w’Umuryango FPR-Inkotanyi mu Karere ka Muhanga, Kayitare Jacqueline

Atanga urugero kuri gahunda ya ’Gira Inka Munyarwanda’, aho usanga hakiri aho abahabwa inka bakwa ruswa, cyangwa uwahawe inka akaba atayikeneye kugeza ubwo umuntu ayihabwa akajya kuyiragiza.

Agira ati, "Hari Akagari kamwe twasanze Inka zahawe abantu 16 batari bazigenewe, hari n’aho umuturage yahawe Inka ajya kuyiragiza, murumva ukuntu umuturage wimwe inka yari ayikeneye igahabwa undi, ukuntu yatakarije icyizere abayobozi aribo mwebwe, murumva azumva ate gahunda za Leta mu gihe abona ko ibyo dukora bihabanye n’ibyo abona".

Arongera ati, "Kuki ibintu bikomeje kuzamba kandi ntimubyange, ubwo se tuzemera gutenguha abaduhaye inshingano? Kuko tuba tunatenguha abaturage, kwigira ntibindeba nabyo ni ukurenga ku nshingano zawe, ngo siniteranya nyamara bishobora kukugusha mu mutego w’amarangamutima bitari ngombwa".

Agaragaza ko kuba umuyobozi yitoza kubeshya, bigamije kwangiza Manifesto ya RPF Inkotanyi kandi ari ukwanga Umuryango no kuwangisha abanyamuryango.

Ati "Turi ku cyubakwa kimwe aricyo Gihugu cyacu, tugomba guhuza imbaraga ariko hari ahakigaragara imbaraga nke, ni yo mpamvu turi hano ngo dufate ingamba zikosora ibitameze neza".

Hafashwe imyanzuro isubiza ibibazo bihari

Nyuma yo kungurana ibitekerezo ku bibazo bihari, hafashwe imyanzuro irimo ko abayobozi barushaho shishikariza abanyamuryango isuku, kuko ari kimwe mu ndangagaciro Nyarwanda, kandi ko umuturage atagira isuku adafite aho ayirebera.

Mu bukungu hagaragajwe uruhare rw’abanyamuryango mu gukumira ibyaha bihombya Igihugu birimo nka magendu, ubucukuzi bw’abuye y’agaciro butemewe, no gufata ingamba zo gukomeza gukora cyane ngo harwanywe ubukene.

Mu butabera haganiriwe ku butabera bwunga aho gushwana no kujya gukizwa n’inkiko, kuko bihembera amakimbirane mu baturage kandi ari bo Banyamuryango bakwiye kuba bandebereho.

Abayobozi batandukanye ndetse n’abaturage batunganya umuhanda unyura imbere ya gare ya Muhanga

Ubuyobozi bugaragaza ko indwara ziterwa n’umwanda zirimo iz’amenyo kubera umwanda wo mu kanwa, bikagorana kuzivura kuko bihenda Igihugu rimwe na rimwe n’ubushobozi busabwa umurwayi, bukabura bigatuma zirushaho gukomera.

Aho ni ho Umuyobozi w’Akarere ka Muhanga, Kayitare Jacqueline, aheraho asaba abaturage bose kugira isuku bidasabye ko bahabwa ibihano cyangwa babibwirizwa, kabone n’ubwo n’ubundi ibihano biteganyijwe.

Agira ati "Isuku ikwiye kuba umuco ku mubiri, imyambaro n’aho dukorera, aho iterambere ry’Igihugu cyacu rigeze ntabwo tukiri abo kwibutswa gukaraba, kumesa no gukubura iwacu dutuye, ari na yo mpamvu ubu hutumwa bureba buri wese kandi akabigiramo uruhare".

Yongeraho ati "Dusoze umwaka wa 2025 iwacu hakeye, uko tubisaba mu ngo, aho dutangira serivisi n’aho dukorera, bibe ikirango cy’iwacu i Muhanga".

Agaruka ku butumwa bugamije ubukangurambaga bwa Minisiteri y’Ubuzima, MINISANTE, ku isuku, Umuyobozi w’Akarere ka Muhanga wungirije ushinzwe imibereho myiza, Mugabo Golbert, agaragaza ko mu ndarwa 100 zigera kwa muganga 90 muri zo zituruka ku mwanda, bigatuma amafaranga Leta itanga yunganira abaturage mu kwivuza nibura agera ku munani ku muntu buri munsi.

Agira ati "Nibura buri rugo rugomba kugira icyobo cyo gufata amazi yakoreshejwe, ni itegeko kandi gukorana na Kampani ishinzwe gutwara imyanda, hanyuma amazi yakoreshejwe agume mu ngo, ntidushaka amazi asohoka ajya mu muhanda. Aho dukorera naho tuhagirire isuku y’umwihariko, abatazabikurikiza ni ibihano".

Abadepite bamaze iminsi barura Akarere ka Muhanga na bo birabiriye uyu muganda

Asaba ko mu ngo zo mu giturage ho bagira ingarani, naho mu ngo zo mu mujyi bakirinda kumena imyanda muri ruhurura no mu dushyamba, kuko bihenda kubikumira aho Akarere kanashyiragaho igihembo cy’amafaranga ku wafata abamena imyanda hanze.

Depite Speciose Mukandanga yavuze ko mu rugendo bamazemo iminsi itandatu mu Karere ka Muhanga, basanze hari aho imyanda ishobora kubangamira abaturage, asaba Kompanyi ya AGRUNI ko ahakusanyirizwa imyanda ikurwa mu ngo, naho hitabwaho kugira ngo idahungabanya ubuziranenge bw’abahaturiye.

Yibukije kwita ku burere bw’abana mu muryango, kwirinda ihohoterwa rikorerwa abana, no kwirinda gukoresha abana imirimo ivunanye kandi bigizwemo uruhare n’ababarera cyangwa abakomisiyoneri babacuruza.

Agira ati "Ntibikwiye ko umubyeyi yohereza umwana utarageza imyaka y’ubukure mu kazi, kuko usanga ayo mafaranga umwana akorera asa n’ikiguzi kuri uwo mubyeyi, ubwo aba acurije umwana we kuko amuzanira ayo mafaranga".

Ibigo n’abikorera bakwiye gutanga umuganda ushingiye kuri serivisi

Meya Kayitare avuga ko akurikije uko ibigo by’abikorera byitabiriye umuganda w’isuku, bikwiye ko hashyirwa imbaraga mu gukora n’umuganda ushingiye kuri serivisi, nk’aho Kompanyi itwara imyanda mu mujyi wa Muhanga yatanze imodoka 10 zo gufasha abaturage gukura imyanda mu ngo.

Aho imyanda yakusanyirijwe

Hari kandi ivuriro rya Polyclinique la Providence ryakoze umuganda wo gusana iteme rigana ku ivuriro bakoreramo, no gupima ku buntu indwara zitandura, ubundi zishyurirwaga amafaranga.

Umuyobozi Nshingwabikorwa wa Policlinic la Providence Muhire Claude, avuga ko nk’ivuriro bafite inshingano zo kwita ku baturage barituriye, barimo n’abakeneye gusuzumwa indwara batishoboye, ari yo mpamvu bahisemo kwifatanya n’Akarere ka Muhanga mu muganda batanga serivisi zo gusuzuma ku buntu.

Agira ati "Ni ngombwa ko nk’abatanga serivisi z’ubuvuzi, twita no kwigisha uko isuku ikorwa hirindwa indwara, twakoze isuku ahadukikije kugira ngo tunafashe abaturage duturanye, tunubahiriza gahunda y’Akarere yo gupima indwara zitandura. Ni yo mpamvu twapimye izi ndwara ku buntu, kandi umuturage abyisuzumishije yishyuye 100%, yatanga ari hejuru ya 10,000Frw.

Ubuyobozi bw’Akarere ka Muhanga bukomeje gusaba abaturage kwirinda kujugunya imyanda ku gasozi, no kwirinda gusohora amazi ajya hanze y’ibipangu, kugira ngo birinde ibihano bishamikiyeho.

Abaturage bapimwe indwara zitandura ku buntu

Abanyeshuri berekana ibyo bakora

Bimwe mu bihingwa bakamuramo ayo mavuta ni Soya, Ubunyobwa, ibihwagari n’ibigori, hakaba hari n’ibiti bize gukamuramo amavuta nk’inturusu na sipure, byose bishobora gutanga amavuta yo guteka, ayo kwisiga n’ayo gukoresha mu binyabiziga.

Umuyobozi w’ishuri rya Collège Gitwe Nshimiyimana Gilbert, avuga ko ubwo bumenyi babuhawe ku bufatanye n’ikigo cyita ku buhinzi cyo mu Gihugu cya Isiraheri, bakaba bizeye ko bizafasha abaharangije kwihangira imirimo, cyangwa gukora mu nganda zifite ikoranabuhanga rigezweho.

Agira ati "Mu gihe Igihugu cyacu cyinjiye mu ikoranabuhanga n’iterambere ry’inganda, ni ngombwa kwigisha abana uko banjyana n’igihe bakoresheje ubwenge buhangano, AI, kuko nibwo burimo gufasha mu ikoranabuhanga rigezweho. Hano rero abanyeshuri barabyize ku buryo hari icyizere cyo gutanga abahanga ku isoko ry’umurimo, duhereye ku biboneka hano iwacu".

Avuga ko ikoranabuhanga mu gukamura amavuta mu bihingwa, rizafasha abahinzi kurinda kwangirika k’umusaruro wabo, ahubwo bakawongerera agaciro havanwamo ayo mavuta, kandi n’igiciro cy’umuhinzi ku musaruro kikiyongera.

Agira ati "Niba ikilo kimwe cy’ibigori cyagurishwaga gutyo gusa bizahendukira umuhinzi nyamara gutera intambwe yo kubibyazamo amavuta, litiro imwe y’ay’ubunyobwa ihenze cyane kurusha kugurisha ubunyobwa bwumye gusa, iri koranabuhanga rero rizafasha abahinzi kubona igiciro cyiza".

Uko bakamura amavuta mu bihingwa bitandukanye

Babigararije mu muhango wo gutanga impamyabumenyi ku banyeshuri 168 basoje amasomo yabo m’umwaka w’amashuri 2024-2025 mu mashami y’imibare, Ubutabire n’Ubuzima (MCB), Ubugenge, Ubutabire n’Ubuzima (PCB), Imibare, Ubugenge n’Ubumenyibwisi (MPG), Imibare, Ubugange n’Ikoranabuhanga (MPC), Amateka, Ubumenyi bw’Isi n’Indimi (HGL), Imibare, Ubukungu n’Ubumenyibwisi (MEG), Imibare, Ikoranabuhanga n’Ubukungu (MCE) ndetse n’ishami ry’ubuvuzi (ANP).

Uwimana Phoibe, umubyeyi urerera kuri Collège Adventist de Gitwe, n’abandi babyeyi bafite abana baharangije bashimye cyane ubuyobozi bw’ishuri intambwe nziza imaze guterwa, mu kuzamura ireme ry’uburezi ndetse n’imyitwarire, anasaba ababyeyi gukomeza gushyigikira ishuri.

Nyuma yo gushyikiriza abana 24 bahize abandi ibyemezo (certificates) n’ibihembo byatanzwe n’abize muri Collège Abadiventisiti ya Gitwe, Umuyobozi w’abize muri iri shuri (Alumni) Dr Hategekimana Fidèle, yijeje ubuyobozi bw’ishuri ubufatanye n’abaryizemo, anasaba ko uyu muhango wazajya uba buri mwaka.

Umuyobozi ushinzwe uburezi mu itorero ry’Abadivantisiti mu Rwanda Dr Ndagijimana Amon, yashimye abanyeshuri ndetse n’abarimu imbaraga bakoresheje ngo babone umusaruro mwiza, abasaba ko intambwe yatewe itazasubira inyuma kandi abizeza ubufatanye.

Agira ati, "Collège Abadiventisiti ya Gitwe ikomeza guharanira kugera ku ntego yashyiriweho ariyo gutanga uburere bwuzuye, kandi bijyanye n’igihe, natwe n’ababyeyi dukomeze kuyishyigikira".

Collège Abadiventisiti ya Gitwe yashinzwe n’itorero ry’Abadiventisiti mu mwaka wa 1931, rikaba ribarizwa mu Murenge wa Bweramana mu Karere ka Ruhango.

N’abagabo barasabwa kudahishira ihohoterwa

Byasabwe mu gikorwa cyo gutangiza ubukangurambaga bw’iminsi 16 bugamije kurwanya ihohoterwa rishingiye ku gitsina, aho ubuyobozi bw’Intara y’Amajyepfo n’Akarere ka Muhanga, hamwe n’abaturage bakoze urugendo rwo kwamagana ihohoterwa rishingiye ku gitsina.

Umuyobozi w’Akarere ka Muhanga Kayitare Jacqueline, yavuze ko muri iyi minsi 16 hazasobanurwa ubwoko bw’ihohoterwa, nk’irishingiye ku mutungo kugira ngo bikumirwe, habeho n’ibiganiro ku kurwanya ihohotera rishingiye ku gitsina, no gusobanura gahunda za serivisi za Isange One Stop Centre, zifasha abahohotewe kutagerwaho n’ingaruka zikomeye.

Agira ati "Tuzakora ibikorwa byinshi bigamije kurwanya ihohoterwa rishingiye ku gitsina, dusobanura byinshi kandi tuzanasezeranya imiryango ibanye mu buryo butemewe n’amategeko, kuko nabyo bibyara ihohoterwa rishingiye ku gitsina".

Umuyobozi w’Inama y’Igihugu y’abagore, CNF, mu Karere ka Muhanga Marceline Mukasekuru, avuga ko muri iyo minsi 16, izirikanwa kubera icyemezo cyafashwe n’Abakuru b’Ibihugu mu myaka ya 1991, ahabaye umunsi wo kuzirikana abagore batatu muri Repubulika Dominikani baharaniraga uburenganzira bw’abagore bagenzi babo, bakicwa ku ya 25 Ugushyingo mu 1991, bityo basaba ko iyo tariki yajya izirikanwa mu kwamagana ihohoterwa rikorerwa abagore n’abakobwa.

Agira ati "Ubundi iyi minsi 16 ivuze kongera ikibatsi mu gukumira ihohoterwa rishingiye ku gitsina, kuko nibwo tuba twubaka Umuryango utekanye, kandi abahohotewe bagafashwa kubona ubutabera, kuvuzwa no kubafasha kongera kwiyubaka".

Avuga ko abagabo n’abagore bahohoterwa, ariko abagabo bo babika amarangamutima, kubera kutavuga bikazarangira bishe abo bashakanye, kubera gutinya kuvuga ibyababayeho, akaba abasaba kwiyemeza kuganira ibyababayeho, nabo bakaganirizwa.

Agira ati "Abagabo nabo turabasaba kugaragaza ihohoterwa bakorerwa, kuko usanga bo bahitamo kwicecekera, nyamara nibyo bibi kuko iyo bikomeje bigera aho bigaturika, abagize umuryango bose ugasanga bahagiriye ibibazo, abana bagata amashuri, ababyeyi bakicana n’ibindi bikorwa bibi byangiza Umuryango".

Iyo imiryango yabanaga mu ihohotera iganirijwe irakira

Bamwe mu baturage b’Umurenge wa Rugendabari babanaga mu makimbirane umugabo akubita umugore, bavuga ko nyuma yo kuganirizwa bemeye gutuza, barakora bakiteza imbere bitandukanye na mbere ubwo birirwaga bakanarara barwana.

Urugero ni urw’umuryango wa Bisangwa Fabrice waganirijwe ugasubira ku murongo, aho yari abanye nabi n’umugore, amukubita anamubwira amagambo mabi kugeza ubwo yabaswe n’ubusinzi bukabije, intandaro ari ugutinda kubona urubyaro.

Agira ati "Mbere amafaranga nakoreraga nayashyiraga ku mufuka wanjye nkajya gusinda, twari tubayeho nabi cyane, ariko intandaro yari uko tutabyaraga, hashize imyaka itatu tubayeho nabi. Ndasaba abagabo bagenzi banjye kwirinda guhotera abagore, ahubwo ni byiza gukora cyane bagafatanya kuko ibyambayeho byadindije iterambere ryanjye".

Yongeraho ati, "Abagabo bahohoterwa bagaceceka nibavuge kuko nanjye iyo ntabivuga ntabwo tuba tukibana, twari gukomeza kwihugiraho kugeza ubwo umwe ataye mugenzi we, none dore twarabivuze turaganirizwa none twongeye kwiteza imbere naguze imirima yo guhinga, inzu twarayubatse, dufite n’umwana, dusigaye twumvikana uko dukoresha amafaranga".

Umunyamabanga Nshingwabikorwa w’Intara y’Amajyepfo Nshimiyimana Vedaste, wifatanyije n’abaturage b’Umurenge wa Rugendabari, mu rugendo rwo kwamagana ihohoterwa rishingiye ku gitsina asaba kandi abaturage kurwanya icuruzwa ry’abantu, n’ibituma bashorwa mu icuruzwa ry’abantu.

Kwirinda impamvu zitera ihohotera rishingiye ku gitsina, zirimo kwirinda ubusinzi, gucana inyuma ku bashakanye, kuganira ku ikoreshwa ry’umutungo w’abashakanye, no gutanga amakuru ku miryango ibanye nabi ikaganirizwa.

Meya Kayitare aganiriza abitabiriye iki gikorwa

Depite Musa Fazil Harerimana aganiriza abaturage

Ku munsi wa mbere, iri tsinda riyobowe na Depite Musa Fazil Harerimana, akaba na Visi Perezida w’Inteko Ishinga Amategeko Umutwe w’Abadepite, basuye ibikorwa bitandukanye, birimo icyanya cy’inganda cya Muhanga, Uruganda rw’amazi rwa Gihuma, ibikorwa byo kubaka imihanda, maze banaganiriza abaturage b’Umurenge wa Nyamabuye.

Ku bibazo bijyanye n’imihanda yo mu cyanya cy’inganda, Depite Musa Fazil Harerimana, yavuze ko bamaze kwakira icyo kibazo kikaba kizashyikirizwa Minisiteri ibishinzwe, kimwe n’ikibazo cy’imihanda yangiritse mu mujyi wa Muhanga.

Yagize ati "Nk’umuhanda w’imbere ya gare ya Muhanga buri wese awita izina ashaka, ibiroba, imikuku, ibisimu, n’andi agaragaza ko wangiritse, hari irimo kubakwa ariko n’indi ikeneye gusanwa tuzayikorera ubuvugizi nta kuzuyaza, irimo n’iyo mu cyanya cy’inganda cya Muhanga".

Yavuze ko kuba Umujyi wa Muhanga udafite amazi ahagije ugereranyije n’umubare w’abaza kuhatura, abaturage bakomeza kwihangana kuko hakomeje gahunda yo gushakisha amasoko y’amazi ngo bakomeze gusaranganya ahari, mu gihe hagitegerejwe umushinga urambye wo kubagezaho amazi.

Avuga ko hamwe n’ibindi bibazo abandi Badepite barimo gusura utundi Turere tw’Igihugu bazabona, bazabihuriza hamwe bikaganirizwa inzego zibishinzwe, ngo bishakirwe ibisubizo birambye.

Agira ati "Ibyo mwatubwiye tugiye kubikorera ubuvugizi nta kuzuyaza, namwe rero ibyo mushoboye mubikemure, amakimbirane ashire mu miryango, kuko nibwo tuzaba dushyigikira ubuyobozi budufasha kubaka ubumwe n’ubudaheranwa bwacu".

Depite Speciose Mukandanga

Depite Speciose Mukandanga ubarizwa muri Komisiyo ya PAC, asaba abatuye mu mujyi wa Muhanga kubahiriza igishushanyo mbonera mu myubakire n’imiturire, no kubungabunga ibikorwa remezo byubakwa mu mujyi, kugira ngo bakomeze gutera imbere.

Ibyo kandi binareba abatuye mu bice bishobora gushyira ubuzima bwabo mu kaga, bagashishikarizwa kwimukira ahameze neza, abanyantege nkeya bagafashwa kubona aho batura neza.

Naho mu bibazo by’imibereho myiza abaturage bibukijwe ko kubyara no kugaburira umwana bidahabije ngo arerwe neza, bityo ko bakwiye no gukomeza kurwanya ubuzererezi, no guta amashuri kw’abana, ubwomanzi n’uburaya.

Agira ati "Ababyeyi murasabwa kuba maso kuko n’iyo waba udakoresha ibiyobyabwenge, uriya ubikoresha ni we uzagusambanyiriza umwana, cyangwa agutegere mu nzira utaha. Ni ngombwa rero kubirwanya twivuye inyuma, ibyo ntibisaba ko Leta ihaguruka kuko natwe abagize Umuryango biratureba".

Depite Mukamana Alphonsine wo muri Komisiyo y’Ubumwe bw’Abanyarwanda we, yasabye abaturage gukomeza kugira amakenga ku ikoreshwa ry’ikoranabuhanga mu gupfobya no guhakana Jenoside yakorewe Abatutsi, bakihatira kurwanya abakomeza guhembera amacakubiri kuko ari byo bisenya Ubumwe bw’Abanyarwanda.

Depite Mukamana Alphonsine

Abaturage batanze ibibazo birimo gukora Umuhanda Cyakabiri-Nyabikenke-Ndusu, na wo ukaba washyizwe mu bibazo bigomba gukorerwa ubuvugizi kuko utakiri nyabagendwa, bigahungabanya ubuhahirane n’imigenderanire y’abatuye Akarere ka Muhanga.

Uruzinduko rw’Akazi rw’Abadepite ruramara iminsi itandatu mu Turere dutandukanye tw’Igihugu, rukazasozwa ibibazo byagaragaye bigezwa imbere y’abashinzwe kubikemura.

Meya wa Muhanga, Kayitare Jacqueline

Abayobozi batandukanye bitabiriye icyo gikorwa

DIGP Ujeneza atera igiti n’izindi nzego z’umutekano

Umuyobozi Mukuru wungirije wa Polisi y’Igihugu, DIGP Ujeneza Jeanne Chantal, avuga ko gutera ibiti bihuzwa n’umutekano kuko bizana ubuzima bwiza, ariko ko ari n’umwanya wo kuganira n’abaturage uko barushaho kwicungira umutekano.

Avuga ko abantu badakora usanga bavukamo abajura kandi nyamara bidakwiye, kuko usanga abo biba baba bafite imbaraga zo gukora, bityo ko ari ngombwa gukomeza gukumira ibyaha birimo n’ubujura.

Agira ati “Gutera ibiti hano bifitanye isano n’umutekano kuko tuba dushaka kubungabunga umutekano w’umuntu uriho, umwana uzavuka n’ugeze mu zabukuru, kugira umwuka mwiza bahumeka kuko ni wo utuma abantu bahumeka kandi guhumeka neza ni kimwe mu bituma umuntu agira umutekano”.

Umunyamabanga wa Leta muri Minisiteri y’Umutekano, Sesonga Benjamin, avuga ko kuza kwifatanya n’abaturage b’Akarere ka Ruhango gutera ibyo biti, biri muri gahunda y’inzego zishamikiye kuri iyo Minisiteri, zirimo Polisi y’Igihugu, Urwego rw’Igihugu rushinzwe Igorora n’abakozi ba Minisiteri, hagamijwe gukorera hamwe mu kubungabunga umutekano w’imbere mu Gihugu.

Ahatewe ibiti hari hambaye ubusa

Avuga ko aho icyo gikorwa gihuriye n’Umutekano, ari ukurwanya isuri, uhinga akeza, guhumeka umwuka mwiza, kugira ngo umuturage koko ahore ku isonga abigizemo uruhare, kandi ko ibiti bateye bakwiye kubirinda, kugira ngo bizabagirire akamaro.

Agira ati "Umutekano ntabwo ureberwa gusa ku kurinda abantu intambara, ahubwo dukwiye gufasha umuturage kugera ku mutekano, tumufasha guhinga neza, guhumeka neza, gukora cyane bakiteza imbere. Turifuza ko twazagaruka dusanga barabifashe neza, ibyangijwe n’amatungo cyangwa ibyagize ikibazo byarasimbujwe, mbese igiti ntibagifate nk’icya Minisiteri yaje uyu munsi ahubwo ko ari icyabo, bakomereze aho batere ibiti byinshi".

Abaturage b’Akarere ka Ruhango bateye ibiti bishimiye kuba ubuyobozi bw’izengo z’umutekano bwaje kwifatanya nabo, kuko ubundi bari basanzwe babageraho baganira ku by’umutekano gusa, banasabye ko bakwegerezwa ibiti byera imbuto ziribwa, kuko usanga ari bikeya.

Umuyobozi w’Akarere ka Ruhango Habarurema Valens, yemereye abo baturage ko ibiti byera imbuto ziribwa bigiye gushakwa, bakabibaha, ariko byo bitazasaba umuganda usibye ku bantu bafite intege nkeya.

Agira ati “Turabizeza ko ibyo biti byera imbuto ziribwa tugiye kubishaka tukabibagezaho, abana banyu bakarya neza, abakuze nabo bakabona imbuto kuko ari ingenzi ku buzima bwabo, abanyantege nkeya nk’abakuze bo twazanabafasha kubaterera”.

Umunyamabanga uhoiraho muri MININTER Sesonga Benjamin, Mayor Habarurema na DIGP Ujeneza batera ibiti

Ibiti byatewe mu Murenge wa Kinazi bisaga 9,000, gahunda ikaba ari ugukomeza gutera muri iki gihe cy’imvura y’Umuhindo, hirya no hino mu Karere ka Ruhango, bikigaragara ko amashayamba ari macye.

Ingabo, Polisi na RCS batera ibiti

Mayor habarurema na we n’izindi nzego batera ibiti

Umwe mu myanzuro yawufatiwemo harimo kurebera hamwe uko ubucukuzi bw’umucanga na kariyeri, byinjiza menshi ku bashoramari babukorera mu Karere ka Ruhango, bwanateza imbere abakozi ba nyakabyizi batunzwe no kwinura umucanga no kuwupakira amakamyo, ndetse n’abirirwa bacukura amabuye yo kubakisha mu bice bitandukanye.

Muri uwo mwiherero, Perezida w’Inama Njyanama y’Akarere ka Ruhango Rutagengwa Gasasira Jérôme, yavuze ko abakozi ba nyakabyizi usanga nta buryo buhamye bakoreramo, bigatuma amafaranga babona abapfira ubusa kandi baramutse bahurijwe hamwe bagafashwa, byatuma ibyo bakora bibateza imbere.

Agira ati "Mu matsinda y’ibiganiro twarebeye hamwe uko hategurwa umushinga wo gufasha abaturage kwivana mu bukene, hakorwa amakoperative ahuza abakora mu bucukuzi bw’umucanga na Kariyeri, agamije kubyaza umusaruro za kariyeri ziboneka aho batuye".

Agaragaza ko abo bakora mu bucukuzi bitaweho, bakwaguka kugeza na bo bageze ku rwego rwo gupiganira ibirombe by’iyo micanga na za kariyeri kuko basanzwe bazi uko bikorwa, ariko nta micungire yabyo bafiteho ubumenyi.

Abajyanama n’abafatanyabikorwa b’Akarere bari gusuzumira hamwe kandi, aho urugendo rw’imyaka 4 ishize abajyanama bamaze muri manda rugeze, ibyakozwe, imbogamizi zihari zagaragaye ndetse n’ingamba zafatwa, mu kuzuza inshingano Abajyanama bafite.

Haraganirwa kandi ku bikorwa by’abafatanyabikorwa mu Karere ka Ruhango, n’ingamba bafite ziteza imbere abaturage, mu gukomeza kwihutisha umujyi wa Ruhango, n’ibindi bikorwa by’ishoramari muri uyu mujyi.

Abagize Inama Njyanama y’Akarere baganiriye kandi ku cyakorwa ngo umujyi wa Ruhango uzamuke, kandi abahagenda babone serivisi nziza zirimo kuzamura no kubaka amahoteli atandukanye, amaguriro arimo ibikoresho nkenerwa bifasha abatuye umujyi hagamijwe kubona ibicuruzwa hafi.

Mu bindi bizaganirwaho, harimo gufata ingamba ku kugena uburyo bunoze bwo kubyaza umusaruro ibikomoka ku buhinzi n’ubworozi, hagatekerezwa uko habaho inganda nto n’inini zifata umusaruro wo mu Karere ka Ruhango, kugira amakuru yose y’ubuzima bw’Akarere, kwihutisha no kwesa imihigo y’Akarere y’umwaka wa 2025/2026.

Byitezwe ko uwo mwiherero uzarangira Abajyanama bafite ingamba zihamye, zo gukomeza gushyira mu bikorwa inshingano z’Inama Njyanama, gukemura ibibazo by’abaturage, ndetse no kwihutisha iterambere n’imibereho myiza by’abaturage b’Akarere ka Ruhango.

Guverineri w’Intara y’Amajyepfo, Kayitesi Alice, yagaragarije abitabiriye umwiherero ishusho y’ingamba zimaze gufatwa, zirimo guteza imbere imibereho myiza y’abaturage, imishinga n’ibikorwa bizamura iterambere ry’Akarere bizakorwa.

Guverineri Kayitesi aganiriza abitabiriye icyo gikorwa

Guverineri Kayitesi yabasabye kwita ku bikorwa birimo ubuhinzi n’ubworozi by’umwihariko igihingwa cy’imyumbati, ubworozi bw’inka, gukora igenabikorwa rirambye hagendewe kuri NST2 na DDS y’Akarere 2024-2029, anashimira Abajyanama bose n’Abafatanyabikorwa, bafasha abaturage kwivana mu bukene.

Umuyobozi w’Akarere ka Ruhango, avuga ko kugera kuri uwo mwanya byatewe n’ibikorwa by’intangarugero byakozwe birimo kuganira kuri ’Ndi Umunyarwanda’ mu bakuru n’abato, mu mashuri n’ahahurira abantu benshi yemwe no mu magororero, ubusitani bw’Ubumwe n’ubudaheranwa bwakozwe ku biro by’Akarere buhora bwibutsa abakozi kunga ubumwe.

Hari kandi ibikorwa by’Ihuriro ry’Ubumwe n’Ubudaheranwa bw’Abanyarwanda, rikora neza mu Karere ka Ruhango, kuko ryitabirwa nibura hejuru ya 95% hakimakazwa indangagaciro Nyarwanda zifasha mu bikorwa bya buri munsi abatuye n’abakorera muri ako Karere.

Agira ati "Ubumwe ni rwo rukuta rudufasha guhagarara nk’Akarere gashoboye, gatekanye kandi gafite icyerecyezo kimwe, ni ryo shingiro ridufasha kubaka Ruhango idacikamo ibice, naho Ubudahenwa ni ishusho y’Ubutwari bw’abatuye Akarere ka Ruhango, ntiducike intege imbere y’ibitugora, ahubwo tukabihindura inzira yo gutera imbere".

Hari ibikwiye gucika burundu n’ibigomba kwimakazwa

Meya Habarurema avuga ko abagishaka kwibona mu ndorerwamo z’amoko, ntacyo bizabamarira, kuko bituma badakora ngo biteze imbere, ahubwo bagahugira mu bidafite akamaro, bityo ko bikwiye gucika.

Meya Habarurema Valens (hagati)

Avuga ko kunga ubumwe nk’Abanyarwanda ari umusingi w’iterambere ryose, imibanire myiza, Imiyoborere ifite icyerecyezo, ndetse bituma n’imibanire n’amahanga iba myiza kurushaho, bakayikurano isomo.

Agira ati "Ibaze nk’umusirikare mujyanye ku rugamba, ukagenda ureba ngo uyu ni uyu, aho gushyira hamwe imbaraga ngo muhashye umwanzi, aho kubikora gutyo nakugira inama yo kubivamo kuko ntabwo mwagera ku ntsinzi".

Habarurema avuga ko mu bikwiye kwimakazwa harimo gukora cyane ibifite inyungu, kandi biri mu byatuma amacakubiri agabanuka mu bantu bakarushaho kunga ubumwe, ari na yo mpamvu yashyigikiye umwanzuro wo kwishyira hamwe mu bimina, abantu bagakorera hamwe bagamije inyungu, kuko iyo bahuriye ku bibateza imbere iby’ubwoko biba bigiye ku ruhande.

Izindi Ngamba zafashwe ngo Akarere ka Ruhango gakomeze kwimakaza Ubumwe n’Ubudaheranwa

Abayobozi b’Akarere ka Ruhango n’Abafatanyabikorwa bako kandi bafashe imyanzuro 28, zigamije gusigasira ubumwe n’ubudaheranwa bw’Abanyarwanda, mu rwego rwo gukomeza kubaka u Rwanda ruzira amacakubiri n’ingengabitekerezo ya Jenoside.

Iyi myanzuro yafashwe nyuma yo kugaragaza imbogamizi zitandukanye zibangamiye ubumwe n’Ubudaheranwa bw’Abanyarwanda, aho byagaragaye ko hakiri abagifite ingengabitekerezo ya Jenoside, bishingiye ku bisigisigi byayo, urubyiruko n’abandi bagendera ku mateka ya Jenoside kandi batarayabayemo, no kuba hakigaragara ibikorwa by’urwango, urwikekwe, ikimenyane n’icyenewabo.

Mu bizakomeza kwitabwaho kandi harimo kwita ku bikorwa bitandukanye birimo imikino ihuza abantu, gukora imiganda igamije gufasha abatishoboye, mu bikorwa byatuma barushaho kunga ubumwe, kurwanya ingengabitekerezo ya Jenoside n’andi macakubiri, no gukomeza gahunda ngarukanwaka y’Igikorwa cya ’Turi mu Ruhango’, kuko gihuriza hamwe abahatuye n’abahakomoka batuye ahandi.

Bimwe mu byatumye hafatwa imyanzuro myinshi hagamijwe gusigasira ubumwe n’ubudaheranwa bw’Abanyarwanda, harimo imbuga nkoranyamabaga byitwa ko zigamije gutwika, cyangwa gushimisha abantu no kuzungukiramo, nyamara zibangamiye ubumwe n’Ubudaheranwa bw’Abanyarwanda.

Hari kandi urubyiruko rukoresha ibiyobyabwenge rushakisha ibisubizo bya vuba, bigatuma rugira imyitwarire idakwiriye Umunyarwanda, birimo ubusambanyi ubwicanyi no kwiyahura.

Hari no guherekeza abarangiza ibihano ku cyaha cya Jenoside yakorewe Abatutsi, bataha bagikubita agatoki ku kandi, kuko batigeze bemera ibyaha bakoze, aho ubu hashyizweho igihe cyo kubigisha, no kwigisha abo basanze bagibafata bamwe nk’abanyabyaha kandi baremeye kugororoka.

Hari kandi gukomeza kunoza imikorere n’imitangire ya serivisi, ishobora gutuma uwahawe serivisi nabi atekereza ko hari ikindi kibyihishe inyuma, nyamara ntacyo ahubwo biturutse gusa kuri serivisi yatanzwe nabi.

Guverineri Kayitesi arasaba abishora mu bikorwa bigize ibyaha kubihagarika

Bimwe muri ibyo bikorwa birimo ibyo gusuzugura no kwigomeka ku myanzuro y’ubuyobozi no kwanga kwitaba inzego z’ubutabera, kwangiza ibikoresho by’abandi birimo ibihingwa by’imyaka n’ibiti, kubera kutumvikana n’abo bafitanye ibibazo.

Guverineri Kayitesi avuga ko bene ibyo bikorwa bigize ibyaha bitandukanye, ku buryo bishobora gutuma ababyishoramo bakurikiranwa mu butabera, ndetse bikababyarira igifungo kandi ababikora bari bafite izindi nzira banyuramo bigakemuka.

Ubwo Guverineri Kayitesi yifatanyaga n’abaturage b’Umurenge wa Cyeza mu Karere ka Muhanga mu nteko z’abaturage, hari abagaragayeho kwitwara nabi mu bibazo bafitanye n’abaturanyi babo, bituma abihanangiriza kuko ibyo ari ibyaha bari kwishoramo.

Urugero ni urw’umukecuru uri gukurikiranwa na RIB kubera ko arimo kwangiza ibihingwa by’uwitwa Rugina Protogène, waguze ubutaka bukomoka kuri uwo mukecuru.

Abaturage bagiriwe inama yo kwirinda ibyaha byabakururira ibihano

Ikibazo giteye gute?

Umukecuru bita Febronie ngo yagurishije ubutaka Uwitwa Mutungirehe Valens, na we aza kubugurisha uwitwa Rugina Protogène, ubu uwo mukecuru akaba ashaka gusubirana ubutaka bwe yagurishije, kandi ngo akabikora aho yagurishije ubutaka hose, bigafatwa nk’ihungabana kubera kumara isambu ye yose.

Uwo mukecuru aho kuregera ubuyobozi yahisemo kwishora mu murima wa Rugina, atemagura insina ze kuko ngo atamusubiza ubwo butaka, kandi hashize imyaka 14 Rugina abuguze.

Guverineri Kayitesi ni ho ahera asaba abagize Umuryango w’uwo mukecuru, kumwegera bakamugira inama, kuko ari kwishora mu bigize ibyaha.

Agira ati "Umukecuru yagurishije mu mwaka wa 2011, bamuha ibihumbi 100Frw aragira ngo bamusubize ubutaka kubera iki? Ibyo ni ukwigomeka, muragira ngo tumufate tumufunge ashaje koko, ari kwangiza ibintu by’abandi, RIB idufashe bamushake bamukurikirane".

Agira ati "Ibyo numvise aha ni uko ibibazo byanyu, birimo kubashora mu byaha kandi mutazi ko ari ibyaha bikomeye, mwibuke ko iyo umuntu ahohotewe yirinda kwihanira, kuko mufite Ubuyobozi bubafasha, kandi nyamara babafunze ibyanyu byose byakwangirika, ibyo mwishoramo byababyarira ibihano bikomeye".

Iki gikorwa cyitabiriwe n’abayobozi batandukanye

Umuyobozi w’Akarere ka Muhanga, Kayitare Jacqueline, asaba abagize imiryango y’abageze mu zabukuru, kubaba hafi bakabagira inama kuko nk’uwo mukecuru ashobora kuba yarabuze abamufasha kumva icyo amategeko ateganya kandi afite abana, nyamara n’ubwo ashaje nta cyabuza ko akurikiranwa mu butabera nk’uko byatangiye kumugendekera.

Hari kandi undi muturage ugaragaza ko ahohoterwa na mugenzi we wamwatiye isambu, kugeza n’ubwo uwo watiye undi yigabije imyumbati yari ihinzemo arayisarura ajya kuyinika ku wundi muturanyi, icyo nacyo kikaba igikorwa kiganisha mu byaha byo kwihesha ikintu cy’undi no kucyangiza ndetse n’ubujura.

I Cyeza kandi hagaragaye ikibazo cy’umuturage, wagumuye bagenzi be batujwe ku butaka bimuwe mu manegeka, ariko bakaba barimo gusubira inyuma bagashaka kwisubiza ingurane bahaye ababatuje mu butaka bwabo, babyanga bakabarandurira imyaka, ibyo byose bikaba ibikorwa bubashora mu byaha.

Urwego rw’Igihugu rw’Ubugenzacyaha RIB, rwatangiye gushakisha abo bose bishoye mu bikorwa bigize ibyaha, ari naho ubuyobozi bw’Akarere ka Muhanga n’Intara y’Amajyepfo buburira abafite ibyo batumvikanaho kugana ababishinzwe bakabafasha, aho kwishora mu bikorwa bituma bagwa mu byaha.

Meya Kayitare yifatanyije n’abaturage mu gushyira ifumbire mu bigori

Abo bahinzi bahinga mu byanya 66 mu Karere ka Muhanga, muri gahunda ya FOBASI (Food Basket System) bahinze ibigori kuri Hegitari zisaga 1500, bavuga ko bari basanzwe muri gahunda ya nkunganire muhinzi, aho bahawe n’ubundi ifumbire n’imbuto, ariko bakaba batari bafite uburyo bwo kwigurira indi yo kubagaza.

Bagaragaza ko aho igihe cy’ihinga kigeze, byari bigoye benshi kubona amafaranga yo kugura ifumbire yo kubagaza, ku buryo hari abari baramaze kurekera aho kuko nta bushobozi bari bafite.

Umwe muri bo ati "Muri aya mezi nta muhinzi uba agifite agafaranga kuko usanga abana barayajyanye ku mashuri, kwishyura imbuto n’ifumbire yo guteza ku buryo nta kintu tuba dusigaranye. Njyewe nari nahisemo kwicecekera kuko nta hantu nari kuyakura ngo ngure ifumbire, ndashima Leta yemeye kuduha iyi fumbire kuko izatuma twongera umusaruro".

Undi muhinzi ati "Buriya iyo umuhinzi atabashije kubona ifumbire ihagije kubera kubura ubushobozi, aba ahombye n’abandi bahombye umusaruro kandi ari wo ukenewe, turishimira ko Leta yadutekerejeho tukabona iyi fumbire, natwe tuzakomeza kubyitaho tuzabone umusaruro mwinshi".

Umuyobozi w’Akarere ka Muhanga Kayitare Jacqueline, avuga ko gahunda yo kunganira abahinzi 100%, igamije kongera umusaruro mu bwinshi no mu bwiza, hagamijwe kubona ibiribwa bihagije no kuzamura ubukungu bw’umuturage, akabona amafaranga agurwami n’ibindi akenera aho kubibona bimugoye.

Agira ati "Iyi fumbire irimo guterwa mu Gihugu hose by’Umwihariko mu Karere ka Muhanga, ikigamijwe ni ukuzamura umusaruro, umuhinzi akihaza akabona amafaranga agakora neza izo gahunda zose zimusaba amafaranga, nibazamura umusaruro bazanabasha kwigurira ibyo bakeneye ku gihe bityo imibereho yabo irusheho kuba myiza".

Avuga ko impamvu y’iyo fumbire ari ukubona umusaruro mwinshi kandi mwiza, kuko umwuga w’ubuhinzi utunze Abanyarwanda bose, baba abahinga n’abadahinga kandi ubuhinzi ari umwuga wongera ubukire nk’iyindi.

Yungamo ko iterambere rikwiriye umuturage ari irimufasha kunoza imirire, imiturire myiza kandi bigaragarira buri wese, bityo ku buri muhinzi akwiye guhaguruka agakora, kuko abadakora bateza ibibazo by’umutekano mucye, bishora mu bujura.

Gahunda yo kunganira 100% abahinzi kubona ifumbire ya DAP yo kubagaza ibigori, irimo gukorwa mu Gihugu hose hagamijwe kuzamura umusaruro w’ibigori, abahinzi bakaba basaba ko kuzamura uwo musaruro byahuzwa no kubona isoko ryiza.

Meya Kayitare aganira n’abahinzi

Bariga ku guteza imbere ubuhinzi

Mu byaganiriweho n’ubuyobozi n’abo bafatabyabikorwa, hagaragajwe ko igeragezwa ry’uwo mushinga rizamara amezi atandatu rikorerwa mu Turere twa Muhanga, Gatsibo, Nyaruguru na Nyamagabe, ibizavamo bigafasha kuwagurira ahandi.

Umuyobozi w’Akarere ka Muhanga wungirije ushinzwe Iterambere ry’ubukungu, Bizimana Eric avuga ko iryo gerageza rizakorerwa mu Mirenge itanu muri ako Karere, hagamijwe gutegura igenamigambi rizamura imibereho y’umuturage, akoresha neza ubutaka buhari kandi bugatanga umusaruro.

Agira ati "Ntabwo turagera ku bipimo Igihugu gisaba, kuko haracyarimo icyuho cy’uko umuturage nta ruhare aba yabigizemo, kandi mu cyerecyezo ku musaruro ni uko ku bihingwa nk’ibigori n’ibirayi wikuba kabiri muri gahunda ya FOBASI, igamije kuzamura umusaruro mu bwinshi no mu bwiza, ahamaze gutegurwa site 66 zizakurikiranwa n’abashinzwe ubuhinzi".

Avuga ko hari ikibazo cy’ibura ry’ifumbire y’imborera, ari na yo mpamvu imiryango nka CCOAIB ikwiye gufasha kwigisha gukora ifumbire y’ibirundo, kugira ngo abaturage bahindure imyumvire mu gukora iyo fumbire bityo umusaruro uziyongere.

Umuyobozi w’Akarere ka Muhanga, Kayitare Jacqueline

Agira ati "Muhanga turacyari inyuma mu gukoresha ifumbire mvaruganda, birababaje kubona abahinzi ba Muhanga bakomeje kwifata mu gukoresha inyongeramusaruro kandi Leta yunganira muri iyo gahunda, bityo bikaba byagorana igihe cyose ko umusaruro wiyongera, umuhinzi atabigizemo uruhare".

Umuyobozi w’Akarere ka Muhanga, Kayitare Jacqueline, avuga ko intego Igihugu cyihaye yo gushakira abaturage ibyo kurya, ikwiye gushyirwamo imbaraga abahinzi bagakora kandi ubuyobozi bukababa hafi, kugira ngo ibiribwa biboneke ku baturage.

Agaruka ku kibazo cyo gukoresha ifumbire nkeya byigaragaza mu Karere ka Muhanga, akavuga ko hakwiye gushyirwa imbaraga mu kuzamura ubuhinzi bujyana n’ubworozi, no guhuza imiterere y’ikirere n’igihe cyo guhinga kandi buri wese akabigiramo n’uruhare.

Agira ati "Twateranye twese abafite ijambo ku buhinzi ngo tuganire ku bishoboka byose ubundi tujye mu murima guhinga, tubanze twibaze impamvu umusaruro utaboneka, ikibazo ntabwo turi kukibona ku muhinzi kuko we arahinga, ahubwo kuko atabona umusaruro ni izihe mbogamizi ahura na zo, we arifuza gufashwa iki, uruhare rwe ni uruhe"?

Umunyamabanga Nshingwabikorwa w’Ihuriro ry’Imiryango Nyarwanda ishyigikira ibikorwa by’amajyambere y’ibanze, CCOAIB, Jean Claude Ngendandumwe, agaragaza ko kuzamura ijwi ry’umuhinzi rikagere kure kandi rikitabwaho, ari ingenzi cyane mu gutegura igenamigambi ry’ibikenerwa mu buhinzi.

Avuga ko Umushinga mushya bagiye gukorana n’Akarere ka Muhanga uzakirwa mu buryo bubiri, aho umuhinzi azaganirizwa kenshi ngo agaragaze ibyo akeneye, no gusuzuma niba ibimukorerwa ari byo akeneye kandi bitanga umusaruro, no gusuzuma imihigo y’Akarere n’uko ishyigikira ibitekerezo by’umuturage.

Hazasuzumwa kandi serivisi zo kuhira kuko na zo zikiri hasi, kuganiriza inzego zose z’ibanze n’uko zafasha umuturage, hagamijwe kongera umusaruro mu bwinshi no mu bwiza, gukusanya amakuru y’ubutaka n’ubuhinzi bukorerwa kuri site y’ubuhinzi, no gukora ubuvugizi ku bibazo byabonetse.

Agira ati "Ibikoresho bivomera imyaka ku buso buto ni kimwe mu byatuma umuhinzi abasha guhingira ibihembwe byose by’ihinga, tuzasesengura ibibazo byatuma umuhinzi atabasha guhinga no kuhira, tubiganirize inzego zose zishinzwe kumuba hafi kugira ngo harebwe icyakorwa".

Ngendandumwe kandi agaragaza ko gukorana n’umuhinzi no kumufasha, ari kimwe mu byashingirwaho mu kuzamura umusaruro, kandi ko gusuzuma imbogamizi ahura na zo byamufagasha kuzamura umusaruro, kandi ubuyobozi bukamuba hafi kugira ngo abe umufatanyabikorwa nyawe.

Agira ati "Iterambere dukeneye ni iryo umuturage yagizemo uruhare, kuko nibyo bigena uko atera imbere cyangwa agasigara inyuma, ubukungu umuturage yagizemo uruhare nibwo buramba, ntabwo akwiye kuba umugenerwabikorwa, ahubwo akwiye kuba afasha n’abandi kuzamura ubushobozi".

Mu bindi bibazo bigaragara umuhinzi akeneye gufashwa, harimo inyongeramusaruro zihenze bigatuma akoresha ifumbire nke ugereranyije n’ubuso afite, gukoresha ifumbire nke y’imborera kuko na yo ari nkeya, hakaba hazafatwa ingamba zo gukemura ibyo bibazo birimo no kumwongerera ubushobozi.

Mukamusoni ashyikirizwa radio y’icyemezo cy’ishimwe

Inzoga y’igikwangari ihigwa hirya no hino mu dusantere tw’inkengero z’Umujyi wa Muhanga, harimo na Kinini nka hamwe abaturage bihishahisha bagakusanya ibintu yengwamo, bagatara bagacuruza ku baturage b’amikoro macye.

Aho izo nzoga zibonetse Ubuyobozi bwihutira kuzimena, abazenga bakanahanwa, ariko ntizicike kubera imbaraga nke za bamwe mu bayobozi, barya ruswa ngo bahishire abakora izo nzoga zangiza ubuzima bw’amazinywa.

Aho ni naho Mukamusoni avuga ko kugira ngo arandure burundu kwenga igikwangari, abikesha kuba yarihanganye akanga ruswa n’indonke zo guhishira abazenga, nk’umwe mu babaye igihe muri Komite Nyobozi y’Umudugudu wa Kinyami.

Avuga ko abagabo bose bayoboranaga yewe na Mudugudu ubwe, bahoraga bafungwa abandi bakegura cyangwa bakirukanwa mu nshingano, kubera gukingira ikibaba abenga igikwangari, cyangwa kunanirwa kubarwanya burundu, maze Mukamusoni akajya abasimbura batakiri mu nshingano.

Kuyobora Umudugudu rero ngo yakomeje kubikora asimbura bagenzi be bananijwe n’igikwangari, bigeze aho yigira inama yo kwiyamamaza kuko n’ubundi yari asanzwe ayobora asimbura, birakunda baramutora, ndetse amenya neza guca icyo bagenzi be baziraga, none Umudugudu uratengamaye, ntawe ucyishwe n’igikwangari kubera ubuyobozi bwe.

Agira ati "Abagabo bose twayoboranaga nta wamaragaho imyaka ibiri kuko bamwirukanaga, cyangwa bakamufunga kuko yananiwe guca igikwangari ahubwo bamwe bahishiraga abenga izo nzoga, ngahora nyobora Umudugudu nsimbura, nza gusanga n’ubundi nta mpamvu ntakwiyamamaza, maze barantora mpangana n’Igikwangari ndagica burundu".

Yongeraho ati "Abaturage banjye bari bagiye gushira wasangaga bose cyabasindishije bagwiriranye ntawe ukijya gukora, ariko ubu cyaracitse burundu, COVID-19 yagiye kurangira igikwangari naragiciye burundu, no ku Murenge bampembye radio".

Yabishimiwe no ku rwego rw’Akarere

Ubwo habaga inama Mpuzabikorwa y’Akarere ka Muhanga, ihuriza hamwe inzego zose z’ubuyobozi bw’inzego z’ibanze umwaka wa 2025-2026, Mukamusoni yashimiwe mu ruhame hamwe n’abandi bakuru b’Imidugudu babaye indashyikirwa, ariko we ashimirwa byihariye nk’uwarwanyije igikwangari kigacika, amagara y’abantu akarengerwa atyo kandi n’umutekano ukagaruka abantu bagakora bakiteza imbere.

Yahembwe Radio anahabwa icyemezo cy’ishimwe, abishimira ubuyobozi kandi yiyemeza kudahuga kuko byatuma ibyo yagezeho bisubira inyuma, yiyemeza kandi gukomeza gukorana na ba Mutwarasibo, kuko ngo ari bamwe mu byatumye abona amakuru y’ahengerwaga izo nzoga zitemewe.

Agira ati "Mutwarasibo ni ingenzi cyane, iyo ampaye amakuru nanjye ngahita mpamagara ku Kagari, bagahamagara Umurenge, ubwo tubona uko dukurikirana icyaha ku gihe bityo uwenga igikwangari tukamufata, ni uko cyacitse. Ubu nta guhuga kugira ngo hatagira uduca mu rihumye bakongera kwenga igikwangari, kuko byadusubiza inyuma".

Visi Meya Nshimiyimana Gilbert

Uwo muyobozi kandi yashimiwe kuba Umudugudu ayoboye uza ku isonga mu kwishyura umusanzu w’Ubwisungane mu Kwivuza (Mituweli), dore ko ubu bafite 100% by’abishyuye uyu mwaka, bakaba bagiye gutangira kwishyura umwaka utaha mu gihe yajyaga acibwa intege ko ntacyo yashobora kandi abagabo barananiwe.

"Uhinga mu kwe ntasigana" Inama za Perezida Kagame

Umuyobozi w’Inama Njyanama y’Akarere ka Muhanga Nshimiyimana Gilbert, ashimira Abakuru b’Imidugudu bahize abandi, ku bwo kwitanga mu mirimo ya buri munsi bakora batagamije ibihembo, kuko aribyo byatumye imihigo myinshi yeswa ku kigero gishimishije, kandi ko inzego zo hejuru zizakomeza kubaba hafi bagakora cyane.

Ahereye ku butumwa umukuru w’Igihugu, Paul Kagame akunze kugarukaho, Nshimiyimana yabugarutseho avuga ko bukwiye gukomeza kuranga abayobozi n’inzego z’ibanze, kuko ibyo bakora bibafitiye akamaro ubwabo n’Igihugu muri rusange.

Agira ati "Hari amagambo y’Umukuru w’Igihugu avuga ko uhinga mu kwe adasigana, ibyo bituma dusabwa gukora nk’abikorera, kuko nibyo byatumye Akarere kacu kaza mu myanya ya mbere".

Yongeraho ati "Hari abagaragaje imbogamizi z’ibibazo bahura nabyo mu kazi, birimo kutagira imyenda y’imvura cyangwa amatoroshi, byatumye ntekereza ku ijambo rya Perezida Kagame yavugiye mu mwiherero w’abayobozi, ko igihe cyashize cyatweretse n’ubwo hari ibyo tubura bitigeze bitubuza gutera imbere. Tugomba gushaka uko duhereye ku byo twagezeho twabicunga neza bikaduteza imbere, bityo ko kugera ku nshingano bishoboka nta rwitwazo".

Inama ya Komite Mpuzabikorwa y’Akarere iteganya n’itegeko rigenga Imiyoborere, aho inzego n’Ubuyobozi zihura zikaganira ku ngingo zitandukanye, hagamijwe iterambere, ahakenewe imbaraga zigashakwa ariko ibisubizo bihari bigakomeza kwifashisha, by’umwihariko umuturage ahabwa serivisi inoze.

Abakozi b’Umurenge wa Nyamabuye basabwe kuba indorerwamo y’indi Mirenge igize Akarere ka Muhanga

Yabisabye abakozi bari mu mwiherero wateguwe n’Ubuyobozi bw’Umurenge wa Nyamabuye n’abafatanyabikorwa bawo barimo abashoramari, abihayimana n’abayobozi kugeza ku nzego z’utugari, abayobozi b’ibigo by’amashuri n’abandi bafatanyabikorwa.

Meya Kayitare avuga ko abafatanyabikorwa b’Akarere bari mu mujyi wa Muhanga, bakoranye neza n’Umurenge wa Nyamabuye, ibikorwa by’iterambete byarushaho kwihuta, kandi buri wese afite umusanzu yatanga kugira ngo ibikorwa remezo n’ishoramari byihute.

Agira ati "Hamwe n’aba bafatanyabikorwa, Umurenge wa Nyamabuye ntukwiye kurangwamo isuku nkeya, ntukwiye kurangwamo urugomo n’ihohoterwa rikorerwa mu ngo, ahubwo ukwiye kuba indorerwamo y’indi Mirenge mu mitangire ya serivisi, no kwiteza imbere, murasabwa kwitanga ngo mukomeze gukorera Igihugu kandi nta mwanya wo gutekereza ku kwitanga".

Yongeraho ati "Nta mpamvu n’imwe ikwiye gutuma abakozi b’Umurenge wa Nyamabuye bagira ibipimo byo gukora, nk’iby’abakozi bo mu Mirenge ya Ndiza kuko nta na kimwe mubura kuko mutuye hafi, mwivuriza hafi, amashuri y’abana hafi, Kompanyi z’isuku zibari hafi, ariko ugasanga isuku yabaye nkeya, nta gikwiye gutuma mutesa imihigo kuko ibikorwa remezo byose murabifite".

Ashingiye ku batanze ibiganiro ku bakozi b’Umurenge wa Nyamabuye, Kayitare avuga ko ibyavuye mu mwiherero bitaba amasigaracyicaro, kandi ko bagihari ngo ahakenewe ubujyanama butangwe.

Mayor Kayitare avuga ko Nyamabuye ifite byose byayifasha kwesa imihigo yose

Bahawe ibiganiro bigafasha kwesa imihigo

Umunyamabanga mukuru w’Inama y’Abepisikopi mu Rwanda, Paridi Kayisabe Vedaste watanze ikiganiro ku guhuza inshingano z’ubuyobozi n’imihigo, yagarutse ku kuba umukozi w’Umurenge akwiye kugirana ubumwe na mugenzi we, aho kurebanaho kuko ari yo ntambwe ya mbere yo kuzana impinduka mu kazi, kandi ko umwiherero wo kubyunguranaho ibitekerezo ari ngombwa.

Agira ati "Kuganira nk’uku ni nko gusukura moteri y’ikinyabiziga ngo cyongere gukora neza. Uyu mwanya rero ni uwo kwisuzuma no kureba icyakorwa mufatanyije ngo mubashe kwesa imihigo".

Abakozi b’Umurenge wa Nyamabuye bashimira ubuyobozi bwatekereje kubahuriza hamwe, ngo baganire ku mbogamizi bahura nazo mu kazi hagamijwe kuzishakira ibisubizo, kuko ubundi wasangaga bishakirwa mu mashami bakoreramo, nyamara yose yunganirana mu kwesereza hamwe imihigo.

Umwe muri bo ati "Ni byiza ko duhurira hamwe tukungurana ibitekerezo, kugira ngo turusheho guhuza imbaraga mu mashami dukoreramo, duhuze n’abandi kuko ntawe ukora wenyine, inshingano za buri wese zifite aho zihurira n’iza mugenzi we".

Umunyamabanga Nshingwabikorwa w’Umurenge wa Nyamabuye, Jean Claude Nshimiyimana, avuga ko ari intego bihaye yo kuba koko indorerwamo ya bagenzi babo, bo mu yindi Mirenge itandukanye na Nyamabuye kandi ko bagerageza kubishyira mu bikorwa, dore ko banafite abafatanyabikorwa batandukanye baba abihaye Imana, abikorera n’imiryango itari iya Leta bafatanya.

Avuga ko Umurenge wa Nyamabuye nanone ukeneye imbaraga zihuriweho, kubera imiterere yawo igizwe n’ubucicike bwinshi, dore ko utuwe n’abasaga ibihumbi 60, baturuka hirya no hino kandi ko ku bufatanye bw’abakozi n’Abafatanyabikorwa bazabigeraho.

Agira ati "Gahunda ni ugushyira umuturage ku isonga kuba indorerwamo biratuganisha ku kwita ku mibereho y’umuturage, biri mu byo twahaweho ibiganiro mu mwiherero kandi twongera kureba amahirwe ahari, ni n’umwanzuro twafashe ko dukoreye hamwe buri wese akazana uruhare rwe twarushaho gutera imbere".

Abakozi b’Umurenge wa Nyamabuye bishimiye kuganirizwa ku guhuza imikorere

Nshimiyimana avuga ko akazi kabo kabasaba ubushake n’ubwitange, kuko inshingano z’ubuyobozi zihora zigendera ku byo umuturage akenera, kandi ko gufatanyiriza hamwe nk’abakozi b’Umurenge bizatuma bakomeza kujya inama no gufata ingamba zo kwesa imihigo ari nabyo byatuma baba bandebereho koko.

Hari kandi ba Mutimawurugo bakoze ibikorwa bitandukanye birimo gukoresha neza inguzanyo bongerewe ubushobozi bahabwa sheki z’amafaranga 250.000frw kugira ngo bakomeze kwiteza imbere.

Umuyobozi w’Akarere ka Muhanga Kayitare Jacqueline avuga ko abagore bagira uruhare mu kubaka Umuryango Nyarwanda, kandi ko kubaka ubushobozi bw’umugore ari ukugira uruhare mu kwagura ubushobozi bw’umuryango we, hirindwa gukomeza kumupfobya kuko ibyo gutesha agaciro umugore biva mu muco ari igihombo ku Gihugu.

Agira ati, "Turi abagore bo mu cyaro, turi abagore b’agaciro, turi abagore bafite uruhare mu iterambere ry’imiryango yacu n’iterambere ry’Igihugu muri rusange. Turishimira ko tutigeze dutesha agaciro ijambo twahawe na Nyakubahwa Perezida wa Repubulika, kandi turamwizeza ko aka gaciro tugakomeyeho kuko turashyigikiwe".

Avuga ko abagore bafite imbaraga zo kuzamura umusaruro mu muryango n’Igihugu muri rusange, kandi ko guhuza imbaraga ari ku mugabo n’umugore ari ingenzi mu kubaka Umuryango utekanye kandi ushobotse, hagamijwe guhangana n’ibikibangamiye umugore mu muryango Nyarwanda, kandi buri wese akagira ishyaka ryo kugira icyo yungura umuryango.

Basanga urubyiruko rukwiye kwitabwaho by’umwihariko

Mu kiganiro ku guhindura imyumvire no gukunda Igihugu, hagamijwe kubaka urubyiruko rw’u Rwanda ngo rubohoke ku bukoloni, hagaragajwe ko umuco w’umwiganano ukwiye gusesengurwa ngo hamenyekane ibyiza bigenderwaho n’ibibi byakurwaho.

Umuyobozi w’Akarere ka Muhanga, Kayitare Jacqueline, yavuze ko hari urubyiruko rwandujwe ingengabitekerezo ya Jenoside, kubera abo rubana nabo nk’ababyeyi n’abarezi, bityo ko hakwiye gushakwa ingamba zirimo kurugaragariza ukuri, rugashunguramo ibyo rukwiye kwigiraho kuko bihari.

Agira ati "Ni abana bacu tuzaraga Igihugu, tuzasigira inshingano zo kubanisha Abanyarwanda, ntabwo rero byashoboka batubakiye ku bumwe ngo bigishwe kureba kure no gushungura ibyiza muri byinshi bahura nabyo".

Naho mu kiganiro cyagaragaje amateka y’u Rwanda n’ubukoloni n’ingaruka zabwo mu gusenya ubumwe bw’Abanyarwanda, Dr. Senateri Havugimana Emmanuel yagaragaje ko Umwani Rudahigwa ari we Munyarwanda wa mbere waharaniye ko u Rwanda rwigenga, agamije guca ubukoloni dore ko no mu Gihugu ya Tanzaniya mu myaka ya 1950 barimo baharanira kwigenga.

Rudahigwa kandi ngo mu 1959 yahisemo kujya mu muryango w’abibumbye, ngo ajye gusaba ko Ababiligi bava mu Rwanda rukigenga, ariko abazungu bamwicira mu Burundi aho yari agiye gusaba Visa kuri Amabasade ya Amerika mu Burundi, bamuteye umuti wo kumwica bamubeshya ko ari ukumuha urukingo.

Senateri Havugimana agaragaza ko Repubulika ya mbere n’iya kabiri zakomeje ingengabitekerezo y’abakoloni b’Ababiligi, ishingiye ku macakubiri, kugeza kuri Jenoside yakorewe Abatutsi mu 1994, yaje guhagarikwa n’izari Ingabo za RPA Inkotanyi.

Agaragaza ko u Rwanda nyuma yo kwiyubaka, byabaye ngombwa ko buri kwezi k’Ukwakira buri mwaka, bazirikana ukwezi k’Ubumwe n’Ubudaheranwa bw’Abanyarwanda, hagamijwe kurwanya ibisigisigi ya Jenoside yakorewe Abatutsi.

Senateri Havugimana avuga ko urubyiruko rutitaweho byagira ingaruka mbi kuko ibihugu bituranyi n’u Rwanda, bikigaragaramo ingengabitekerezo ya Jenoside, hakiyongeraho ko hari ababyeyi bamwe batabwiza ukuri abana babo ku mateka ya Jenoside yakorewe Abatutsi.

Agira ati "Nanjye hari ishuri nasuye, maze gutanga ikiganiro, umwana umwe ambwira ko Jenoside yakozwe n’Abatutsi ari nabo bayiteye, kandi ko ari umubyeyi we wabimubwiye, ndamusobanirira kugeza ubwo abyumvise. Urumva ko tugifite akazi ko kurogora urubyiruko, ariko n’ababyeyi babaroga bakwiye kwisubiraho kuko amacakubiri ashingiye ku moko ntaho yageza Abanyarwanda".

Anagaragaza ko byose biva ku myumvire y’Ubukoloni yakomeje kwigishwa, ariko ko igihe kigeze ngo abantu bumve ko bakwiye kubwiza ukuri urubyiruko, kunoza uburyo bwo kuganiriza abakoze Jenoside yakorewe Abatutsi, n’uko urubyiruko rwarushaho kuganira n’abakuru, no kongera imbaraga mu gutoza urubyiruko guhangana n’ingengabitekerezo ya Jenoside.

Abitabiriye ibiganiro kandi banagaragaje ko urubyiruko rudakwiye kumira bunguri ibyo rukura hanze, ahubwo rukwiye gufashwa guhitamo iby’ingenzi kandi rugakomera ku muco w’Abanyarwanda, uha urubuga kunga ubumwe nk’uko byahoze mbere y’umwaduko w’abazungu mu Rwanda.

Intumwa yihariye ya Unity Club Intwararumuri, Bayisenge Jeannette, yasabye abitabiriye ibiganiro gusubiza amaso inyuma bakareba umusaruro bavanye mu biganiro biheruka, no kugira uruhare mu kubigeza ku rwego rw’Umudugudu.

Yasabye kandi ababyeyi kuba ijisho ry’urubyiruko, kubigisha kunyura mu nzira nziza no kubabera urumuri, kugira ngo babafashe kwirinda amacakubiri n’ingengabitekerezo ya Jenoside.

Meya Kayitare Jacqueline

Ni umukino wabereye muri Saint-Joseph Kabgayi aho ikipe y’icyo kigo yatangiye yihagazeho ndetse biza no gutuma itsinda yegeranye cyane n’iya Marie Mercie iseti ya mbere ku manota 25-23, ariko ku maseti yakurikiyeho, ikipe y’iKibeho kwa Nyina wa Jambo yagarutse yahinduye byose maze yiharira umukino kugeza ku nsinzi y’umunsi wa mbere wa Shampiyona.

Iseti ya kabiri yatsinzwe na GS Marie Mercie ku manota 25-23, yiyongeza iya gatatu yatsindiye ku manota 25-18, ndetse isoza itsinda iseti ya kane ku manota 26-24, iba iraye ityo ku mwanya wa mbere.

Umunsi wa mbere wa Shampiyona y’abato muri Volleyball kandi wanabereye mubi ikipe ya Saint-Joseph y’abakobwa kuko, yatsinzwe amaseti atatu ku busa (3-0) n’ikipen ya Sainte Bernadette yo ku Kamonyi, umukino n’ubundi wabereye muri Saint-Joseph.

Gasasira Janvier Umuyobozi wungirije ushinzwe amarushanwa n’iterambere mu ishyirahamwe ry’umukino w’amaboko Volleyball mu Rwanda, avuga ko gukina Shampiyona bibafasha gutegura abana bazavamo abazakinira amakipe makuru mu Rwanda no mu mahanga.

Avuga ko ibigo by’amashuri ari amarerero meza yo gutorezamo abakinnyi ba Volleyball, kuko abakinnyi benshi Igihugu gifite baba bararerewe muri ibyo bigo by’amashuri.

Agira ati, " Aya mashuri niyo atwubakira amakipe akomeye dufite hirya no hino, aha niho dukura abahungu n’abakobwa dukinisha mu makipe y’ababigize umwuga, turashimira ubuyobozi bw’ibigo by’amashuri aturerera abakinnyi kuko hafi ya bose niho dukura abakinnyi".

Umuyobozi wa Saint-Joseph Kabgayi Frere Innocent Akimana avuga ko n’ubwo batangiye batsindwa, hari icyizere kuko abakinnyi bamwe aribwo bagitangira amarushanwa, ariko akifiza ko hakomeza gutangwa ubufasha burimo ibikoresho kuko nk’imipira yo gukina ihenze.

Agira ati, "Twifuza gukomeza gufashwa duhabwa abatoza babigize umwuga kuko ubu dukoresha abarimu, dukeneye kandi gukomeza gufashwa mu bikoresho birimo imyenda y’abakinnyi, inkweto n’imipira kugira ngo dukomeze kuzamura abakinnyi bitatugoye".

Umutoza w’Ikipe ya GS Marie Mercie i Kibeho muri Nyaruguru yishimiye intsinzi, kuko gutsinda Saint-Joseph Kabgayi, ari intangiro nziza yo gukomeza kwitegura amakipe asanzwe akomeye azwi mu Gihugu.

Agira ati, "Ikipe twayitsinze ariko inakomeye, hari aho twagiye tubona dufite intege nke ariko gutsinda uyu mukino biratuma tugira ibyo dukosora, turashimira ishyirahamwe ry’umukino w’amaboko wa volleyball mu Rwanda kuba ritegura Aya marushanwa, kuko bizanatuma turushaho kubaka amakipe atanga abakinnyi bakenewe ku isoko ry’umurimo, ari nako abakinnyi bibagirira akamaro".

Biteganyijwe ko amakipe 14 ari yo azitabira mu guhatanira igikombe mu cyiciro cy’abato mu bahungu, naho abakobwa hazitabira amakipe arindwi.

Urubyiruko rurafasha utishoboye kobona aho aba

Babisabwe mu gikorwa cyo gutangiza ukwezi kw’ibikorwa by’ubukorerabushake mu Murenge wa Kibangu mu Karere ka Muhanga, ahakozwe umuganda udasanzwe wo kubaka inzu zirindwi z’abaturage basenyewe n’ibiza, zigeze mu gihe cyo gushyiraho ibisenge.

Umuyobozi w’Akarere ka Muhanga, Kayitare Jacqueline, yavuze ko ari ibikorwa bihuriranye n’ukwezi ko kuzirikana Ubumwe n’Ubudaheranwa bw’Abanyarwanda, aho urubyiruko ruzafatanya n’abaturage gukora ibikorwa bibakura mu bwigunge, kandi bagafatanya kurwanya ibibazo byugarije imibereho y’abaturage.

Avuga ko muri uku kwezi, imiryango isabwa kwita cyane ku gutoza abana umuco wo gukora, nk’uko intego y’ubukorerabushake ishingiye ku kwigisha urubyiruko gukora no gushaka ibisubizo by’aho rutuye, ari na yo mpamvu bae bafashije uwasenyewe n’ibiza kumushakira aho kuba.

Agira ati "Ni umwanya wo gufasha urubyiruko guca umuco wo gupfa ubusa, turasaba imiryango gutoza abana gukora, babafashe kugira indangagaciro nzima, kuko gukunda gukora ari byo bituma urubyiruko rukurana indangagaciro zo kurinda ibyagezweho".

Meya Kayitare yifatanyije n’urubyiruko muri iki gikorwa

Yongeraho ati "Muri uku kwezi k’Ubumwe n’Ubudaheranwa ni n’umwanya wo gufasha urubyiruko kubona amakuru nyayo ku mateka y’Igihugu, ariko tunarushishikariza kumenya uko ruyasesengura, rukemera kugirwa inama no kuzisesengura kuko usanga hari abashaka kuruyobya".

Umuhuzabikorwa w’Urubyiruko rw’abakorerabushake mu Karere ka Muhanga Solange Kamanzi, yavuze ko usibye kubaka izo nzu, hazanubakwa uturima tw’igikoni, gukangurira abana kujya ku mashuri, ubukangurambaga bwa ’Gerayo amahoro’ no gushishikariza urubyiruko ibikorwa by’ubukorerabishake, kandi hazanabaho ibikorwa byo kwitanga hakoreshejwe amaboko no kwishakamo ubushobozi bw’amafaranga.

Agira ati "Amateka y’Igihugu cyacu atugaragariza ko urubyiruko rw’u Rwanda rwashowe mu bikorwa bisenya muri Jenoside yakorewe Abatutsi, urundi rubyiruko rugira uruhare mu kuyihagarika. Nta rwitwazo rero dufite rwo kudakora neza, kuko dufite urugero tureberaho rw’ubuyobozi bwiza dufite, dukesha ubwitange bw’indashyikirwa".

Ubuyobozi busaba abari kubakirwa gufatira kuri izo mbaraga bakarushaho gukora bakiteza imbere, kandi ko abaturage bazakomeza kunganirwa mu bikenewe ngo bagire n’imibereho myiza.

Abari kubakirwa nabo bashimira uburyo urubyiruko rwitanga n’imbaraga zarwo, rukitabira ibikorwa byubaka Igihugu bituma ruba koko imbaraga zacyo zubaka kandi vuba, maze biyemeza ko inzu zabo nizimara kuzura bazarushaho kwisanzura bagakora bakiteza imbere.

Meya Kayitare yasabye Urubyiruko kwemera kugirwa inama ariko rugashungura

Ahagana hirya: Inzego z’umutekano ubwo zataga muri yombi Ndagijimana Callixte

Yafashwe n’inzego za Polisi mu Karere ka Muhanga, nyuma y’urubanza yari yaje kuburana, kubera amakuru yari yatanzwe n’abaturage.

Ndagijimana akurikiranweho ibyaha byo kurema umutwe w’abagizi ba nabi no kuwujyamo, kwiba hakoreshejwe intwaro, no gukubita no gukomeretsa ku bushake, ibyaha aburana ahakana.

Uko byagenze ngo afatwe

Mu gitondo cyo ku wa 03 Ukwakira saa tatu za mugitondo, nibwo urukiko rw’ibanze rwa Nyamabuye, rwagombaga kuburanisha urubanza ruregwamo Dushimumuremyi Fulgence bahimba Commando, Bakinahe Claudien bahimba Karani, Ndagijimana Callixte, na Niyombonye Wellars.

Ibyaha bashinjwa ni ibyo kurema umutwe w’abagizi ba nabi no kuwujyamo, kwiba hakoreshejwe intwaro no gukubita no gukomeretsa ku bushake, ibyaha bakoze mu bihe bitandukanye mu Murenge wa Nyarusange mu bice by’imbago zikoreramo Kompanyi ya EMITRA Mining y’ubucukuzi bw’amabuye y’agaciro.

Raporo nyinshi z’inzego z’ibanze zakomeje gukorwa kuri ibyo byaha byatezaga umutekano mucye, zitunga agatoki Ndagijimana kuba ari we wihishe inyuma y’ibyo bitero, ariko akomeza kwihisha ari nako urugomo rukomeza.

Ubwo abo bakekwaho ibyaha bageraga ku rukiko, bamaze kwinjira mu cyumba cy’iburanisha, umwe mu baregwa ari we Dushimumuremyi Fulgence ntiyari yaje ku rukiko kuko afungiye muri gereza ya Rubavu, aho yimuriwe akuwe muri gereza ya Muhanga kubera imyitwarire mibi.

Iburanisha ritangiye hifashishijwe ikoranabuhanga rya WebEx, aho urukiko rwashakaga guhuza na Gereza ya Nyakiriba i Rubavu, ariko amajwi akavuga nabi ku buryo umuburanyi atumvikanaga neza mu rukiko.

Umuburanyi n’umwunganira mu mategeko basabye ko urubanza rusubikwa, akazazanwa i Muhanga nk’uko amategeko abiteganya.

Mu gihe umucamanza yari amaze gusoma imyirondoro yose y’abaregwa bakanemera ko ari iyabo, ariko bose bagahakana ibyaha baregwa, urukiko rwafashe umwanzuro wo gusubika urubanza, rukazasubukurwa ku wa 15 Ukwakira 2025.

Kubera ko Ndagijimana yari asanzwe ashakishwa n’ubutabera ku byaha aregwa ariko akaba yari yaratorotse, inzego z’umutekano zamenye ko yaje kuburana, maze ziryamira amajanja, agisohoka mu rukiko ashatse kurira moto ziba zamucakiye, ahita ajyanwa kuri Sitasiyo ya Polisi ya Nyamabuye.

Yagaragaye kenshi muri za raporo zakozwe n’Ubuyobozi bw’inzego z’ibanze, n’iz’umutekano kubera ibyaha byo kugaba ibitero by’abahebyi bakajya gucukura amabuye y’agaciro mu mbago za EMITRA Mining, ushatse kubakumira bakamukubita, bakamutema ndetse bakanangiza ibikoresho by’iyo Kompanyi.

Abaye uwa kabiri ufashwe n’inzego z’ubutabera, nyuma ya Dushimumuremyi Fulgence baregwa ibyaha bimwe bakoze mu bihe bitandukanye, mu bandi babarirwa muri 20 batarafatwa.

Babisabwe mu muganda wahuje ubuyobozi bw’Akarere aho bwifatanyije n’abacukuzi ba Koperative COMAR ikorera mu Murenge wa Kabacuzi, bagategura imyobo bazateramo ibiti by’ishyamba mu rwego rwo kubungabunga ibidukikije aho bakorera.

Umuyobozi w’Akarere ka Muhanga Kayitare Jacqueline yavuze ko abakora ubucukuzi baba biganjemo abakiri bato, bityo ko bakwiye kureba kure amafaranga binjiza ntibayapfushe ubusa, ahubwo bakizigamira kuko uko bagenda basaza batakaza n’imbaraga.

Avuga ko byaba bibabaje umucukuzi wiboneraga ikintu cyose akeneye akiri muto, ashaje asabiriza bitewe n’uburangare, dore ko usibye kwizigamira kuri Konti bisanzwe mu bigo by’imari, Leta yanabashyiriyeho ubwiteganyirize bwa Ejo Heza, bakwifashisha batanga make make Leta ikanabunganira bakazahabwa pansiyo bageze mu zabukuru.

Agira ati, "Byaba bibabaje umuntu wakoreye amafaranga ashaje ntakintu afite, kubera ko aka kazi kagera aho kagashirana n’imbaraga z’ugakora. None se niba gucukura bikiza ba nyir’ibirombe, wowe ariko imbaraga zawe zihashirira, uzabaho ute nusaza? Ntawe uzaba akureba. Ni yo mpamvu abakora ubucukuzi mukwiye kwizigamira hakiri kare mugifite izo mbaraga, mukazasaza neza mudasabiriza kandi mwarihaye".

Umwe mu bakora ubucukuzi witwa Ndagijimana Emmanuel avuga ko mu kazi ka buri munsi, yabashije kwizigamira kubera ubucukuzi, dore ko nyuma yo gusoza amashuri yisumbuye yahise agana mu birombe, aho yakuye ubushobozi bwo gushinga urugo kandi akaba agenda yiteganyiriza no muri Ejo Heza.

Agira ati, "Mbere tugihemberwa mu ntoki nibwo twasesaguraga amafaranga, ariko ubu duhemberwa ku makonti, twese dushishikajwe no gukora tukiteza imbere tukazabaho neza, mu byo nagezeho mbikesha ubucukuzi harimo kuzana umugore, kubaka no kugira amatungo".

Umwe mu bagore bakorera muri Koperative COMAR avuga ko we yinjiye mu bucukuzi, akirangiza icyiciro cya mbere cy’amashuri yisumbuye, akaba afite intego yo gukora cyane akiteza imbere.

Agira ati, "Twebwe dusigaye duhemberwa ku makonti, ubu maze kugura amatungo magufi, byose mbikesha akazi nkora ko kwandikira abakozi basohora umucanga mu ndani".

Umwe mu banyamuryango ba Koperative COMAR akaba n’umushoramari Patrick Ngendahimana, avuga ko bamaze kugirwa inama n’Ubuyobozi bw’Akarere ka Muhanga, biyemeje gushyira abakozi bose muri Ejo Heza ku buryo abagera kuri 700 banahise batangira imisanzu, bitewe n’uko buri wese abyifuza ku mushahara ahembwa kandi ko bazakomeza guhembera ku makonti kugira ngo babashe no kwizigamira kuyo bahembwa.

Agira ati, "Niba umukozi akorera 4.000frw ku munsi, kumukuraho igiceri cya 100frw, agacyura 3.900frw ni ibintu byoroshye kandi bitamuhombya kuko ni aye aba yiteganyirije. Abakozi bacu tuzakomeza kubafasha kuzamura ubushobozi bw’ibyo bakora n’uburyo bwo kubafasha kujya muri Ejo Heza ku bushake kugira ngo koko bazamure icyizere cyabo cy’ubuzima, bageze mu zabukuru".

Mu bindi abakora ubucukuzi basabwe harimo gukomeza kubungabunga ibidukikije, aho nibura COMAR bagiye gutera ibiti bisaga ibihumbi icumi, mu gihe mu Karere kose abacukuzi bazatera ibisaga ibihumbi 110.

Umuyobozi muri Cooperative COMAR

Yabitangarije mu gikorwa cyo gutangiza igihembwe cy’ihinga 2026A mu Murenge wa Shyogwe mu gishanga cya Takwe, ahatewe imbuto y’ibigori ku buso bwa Hegitari 13, aho yasabye abaturage kuba basoje imirimo y’ihinga ku gihe.

Agira ati, "Buriya mu buhinzi umunsi umwe ugira igisobanuro cyawo, iyo uwutakaje uba usigaye inyuma ku buryo bizagira ingaruka ku musaruro. Ni ngo bwa rero ko abahinzi bose baza tugahinga tugasoza ku gihe, haba ahari ubutaka buhujwe, haba no ku bundi butaka kugira ngo tuzabone umusaruro twifuza".

Kayitare avuga ko imbuto n’ifumbire bihari bityo ko abahinzi bitabura kubifata, kandi ko abafite impungenge z’uko imvura itaragwa batuza kuko amakuru y’iteganyagihe, agaragaza ko n’ubwo itaragwa hose ariko imvura ihari.

Asaba amakoperative y’abahinzi kuri za site zatoranyijwe zisaga 60, kuba bamaze gutera imbuto bitarenze tariki ya 28 Nzeri 2025, kugira ngo hizerwe ko ubutaka buteganyijwe bwose bwahinzwe kandi umusaruro uzaboneka, bigizwemo uruhare na buri wese.

Abahinzi bakoresha igishanga cya Takwe mu Murenge wa Cyeza bavuga ko bamaze kubona amabwiriza yo guhinga, kandi ko n’imbuto bazifite bityo bazubahiriza igihe gisabwa kuko utazabikora azamburwa ubutaka bwe bugahabwa undi.

Umwe mu bahinzi ba Koperative Tuzamurane Cyeza avuga ko abenshi bamaze kwishyura imbuto n’ifumbire, kandi bazi akamaro ko guhingira ku gihe nka Koperative kuko aribwo haboneka umusaruro uhagije.

Agira ati, "Leta iba yatugiriye neza ikaduha ubutaka tudakodesha, imbuto n’ifumbire kuri nkunganire, rwose turishimye kuko baje no kuduterera imbuto, natwe turihutisha igihe baduhaye tuzabe twamaze gutera, muri koperative nta mikino ni ugukurikiza amabwiriza".

Undi muhinzi avuga ko bamaze gutegura ifumbire y’imborera, ibafasha kuzabona umusaruro mwiza kandi biteguye kuba basoje guhinga mu minsi itatu basigaranye.

Ubuyobozi busaba abafite ubutaka buhingwa kubutegura bugahingwa kuko gahunda ari ukugira ibiryo bihagije, kandi ko bitaboneka mu gihe hari ibisambu byaraye.

Muri rusange Hegitari zisaga 1.300 nizo zizaterwaho ibigori mu Karere kose, mu gihe igishanga cya Takwe cyatangirijwemo igihembwe cy’ihinga 2026A, gifite ubuso busaga gato Hegitari 13.

Meya Kayitare aganiriza abaturage

Byatangarijwe mu gikorwa cyo gusoza ukwezi kwa hariwe Imiyoborere myiza mu Ntara y’Amajyepfo, cyabereye mu Murenge wa Rongi mu Karere ka Muhanga, aho byagaragaye ko ibibazo bishingiye ku mutungo w’ubutaka byiganje cyane, kandi biterwa no kuba ababifitanye badashaka kuva ku izima, ngo bemere kumvikana kuko baba badasobanikwe n’amategeko, bakisanga mu manza kandi ibyo bapfa batagishoboye kubisubiza inyuma.

Umuyobozi w’Akarere ka Muhanga Kayitare Jacqueline, avuga ko mu byari bigambiriwe mu kwezi kw’imiyiborere myiza, harimo gukemura ibibazo byugarije Umuryango, birimo imicungire y’umutungo, irangamimerere n’ibindi bibazo bigenda bigaruka, kandi ko gufata umwanya uhagije bigasesengurwa ku rwego rwegereye abaturage, byatuma hafatwa ingamba zo kubikemura ibikeneye izindi nzego bikoherezwayo.

Agira ati "Usanga abafitanye ibibazo bahuriye mu muryango umwe iyo tubegereye bose baba bahari, bigatuma abacikanywe kubera ko yenda aho bakwiye kubariza ari kure yabo, noneho bitegura tukabasanga aho bari. Hari abakomeje kwinangira hagati y’umugabo n’umugore, usaba kuzungura bigatuma inyungu ze zitagerwaho kuko bene abo bakomeza mu nkiko, ariko ubundi biba byakemukira hafi, kuko abagize Umuryango iyo badashyize hamwe ingaruka nyinshi zigera ku byiciro bitandukanye, birimo n’abana babyaye".

Abaturage bahawe umwanya wo kubaza ibibazo byabo

Ni gute Inama y’Umuryango ikiranura abafitanye ibibazo by’izungura?

Umukozi wa Minisiteri y’Ubutabera ushinzwe gukurikirana kurangiza imanza, Jeanne d’Arc Musharankwanzi, mu nzu y’ubufasha mu by’amategeko, MAJ, mu Karere ka Muhanga, agaragaza ko imanza mbonezamubano z’izungura, zihera ku nama y’Umuryango kuko icyo wemeje nta rukiko rugikuraho, usibye iyo biri mu nyungu z’utanyuzwe n’imyanzuro yafatiwe mu nama y’Umuryango.

Avuga ko inama y’Umuryango igizwe n’ababyeyi bawe, baba badahari ikaba igizwe n’abavandimwe, abo mufitanye isano ku babyeyi bombi, n’inshuti z’umuryango zizewe, zidashobora kuboganira ku ruhande rumwe.

Abakora raporo y’Inama y’Umuryango batangira bagira bati "Twebwe abagize Umuryango wa kanaka na kanaka uyu munsi turi mu rugo rw’ababyeyi bacu, turateranye ngo dusuzume ibibazo dufite by’umwe muri twe wihariye umutungo. Noneho bagakomeza bagaragaza urutonde rw’abazungura, n’umutungo uzungurwa, noneho bagafata icyemezo bakabisinyira, hagira uwanze gusinya kandi yitabiriye inama, mugafata umwanzuro ko atitabiriye yaramenyeshejwe, nabyo bigashyirwa mu mwanzuro ukurikizwa".

Muharankwanzi avuga ko gukemura ibibazo mu nama y’Umuryango birinda inzangano mu bavandimwe

Iyo mufashe umwanzuro wo kugabana umutungo ntimwunvikane, icyo gihe harebwa igenagaciro ry’umutungo w’ubutaka na nomero zabwo UPI, uciye munsi ya miliyoni eshatu utanyuzwe akaregera Urukiko rw’abunzi, naho ibirengeje miliyoni eshatu bikaregerwa urukiko rwisumbuye.

Agira ati "Ibyo bigamije kwikemurira ibibazo tutagombye kujya mu nkiko, kuko imanza zikurura inzangano mu miryango, ubukene no guhomba amafaranga agenda ku manza".

Abaturage bo mu Murenge wa Rongi bavuga ko bishimira kuba baregerewe mu kwezi kw’imiyiborere bagahabwa serivisi z’ubutaka, cyane ko bari no kubarurirwa ibyabo bizangizwa n’ikorwa ry’urugomero rwa Nyabarongo ya II, bityo bakaba barabonye serivisi yihuta, mu gihe abafitanye ibibazo by’izungura biri mu nkiko bo bazabarurirwa, bagategereza kwishyura nyuma y’imyanzuro y’urubanza, nyamara ngo iyo bemera bigakemukira mu nama y’Umuryango byari kurushaho kuborohera.

Ukwezi kw’imiyoborere kwatangiye ku wa 12 Kamena 2025, aho mu Karere ka Muhanga, hatanzwe serivisi ku bantu basaga 5,000 barimo abakemuriwe ibibazo by’ingurane z’abangirijwe n’ibikorwa by’amashanyarazi, gusezeranya imiryango yabanaga mu buryo butemewe n’amategeko, kwandika abana no kwandukura abapfuye, gufotora abashaka indangamuntu, gutanga ibyangombwa by’ubutaka no gukemura amakimbirane abushingiyeho.

Bibukijwe ko imanza zitera ubukene n’inzangano

Babitangaje ubwo imiryango 35 yo mu Murenge wa Nyabinoni mu Karere ka Muhanga, yabanaga mu buryo butemewe n’amategeko yasezeranaga, ikiyemeza kubana akaramata, gushyira hamwe no kubahana kugira ngo bazabashe kubakana imiryango ibereye u Rwanda.

Kimwe mu byo abagore basezeranye bishimira ni ukuba noneho bagiye gutuza mu miryango yabo, bagakora bizeye ko bafite umutekano n’inyungu z’ibyo bakora, kuko babagaho bikanga kwirukanwa nk’indaya kubera ko ngo umugore udasezeranye n’umugabo nta gaciro aba afite.

Umwe muri bo agira ati, "Nahoraga nikanga ko umunsi umwe umugabo wanjye azanta akishakira abandi, cyangwa akanyirukana nk’indaya kuko niko dufatwa, none nishimiye ubuyobozi bwatwigishije tukaba diseseranye mu mategeko, ubu ngiye gukora ntuje numva ko nanjye ndi umugore nk’abandi".

Undi nawe agira ati, "Umugabo wanjye tumaranye imyaka 15 tutarasezeranye, nafatwaga nk’indaya kuko nta burenganzira nari mfite kubyo mvunikira, abana banjye ni njyewe bandikwagaho, ariko ubu bagiye kugira uburenganzira kuri se no kubyo twahahanye".

Abasezeranye kandi bishimiye kwinjira mu muryango Nyarwanda wubaha amategeko, kuko hari abari bafite urubwa rwo kwitwa amazina atabaheje agaciro, akunze kwitwa abana batemewe n’amategeko.

Umuyobozi w’Akarere ka Muhanga Kayitare Jacqueline akaba n’umwanditsi w’irangamimerere wakiriye amasezerano n’indahiro z’iyo miryango, yasabye abo bashyingiranwe kwibuka ko bafite inshingano zo kubana bagasangira ubuzima.

Agaruka ku byo amategeko ategaka abashyingiranwe, umuyobozi w’Akarere ka Muhanga yibukije ko iyo abashyingiranwe bamaze amezi atandatu batarabana, umwe muri bo ashobora kwaka ubutane iseserano rigatakaza agaciro, iyo uko kutabana batabanje kubyumvikanaho, abasobanurira n’ibindi bishobora gutuma amasezezerano bagiranye ateshwa agaciro.

Agira ati, "Impamvu tubasobanurira ibi ni ukugira ngo mumenye ko kwiyemeza gusezerana mufashe inshingano zituma mwubaka ingo zigakomera ntawe ubangamiye undi.

Yabasabye kugira uburyo bwumvikanweho mu micungire y’umutungo, kuyobora urugo bikaba bisangiwe ku mugabo n’umugore, kuko bidaharirwa umwe muri bo, bagashakira hamwe ibitunga urugo kandi iyo hari utabikoze bikagira ingaruka kuri urwo rugo.

Muri uku kwezi kw’imiyiborere myiza mu Karere ka Muhanga hamaze gusezerana imiryango 300, ku miryango ibarirwa muri 400 mu Karere kose yabanaga mu buryo butemewe, kandi igikorwa kikaba kigikomeje.

Ubuyobozi bw’Akarere ka Muhanga bugaragaza ko gusezeranya iyo miryango, ari kimwe mu bizatuma abaturage bakomeza kurwanya ihohoterwa rikorerwa mu miryango, ahubwo bakarushaho gukora cyane bakiteza imbere.

Abana bagaragaje impano zabo

Abana kandi batojwe indangagaciro zishingiye ku muco w’imigani migufi, ibitekerezo bigamije guhindura imyumvire ku babyiruka, gutozwa kugira ibanga no gusesengura ibigeragezo, ndetse banatozwa uburere bubereye umwana mu muryango.

Mu mikino bagaragaje kandi harimo amarushanwa y’umupira w’amaguru, hagamijwe kubafasha kugira ishayaka ryo guhangana no gutsinda.

Tuganemaliya Epiphanie watoje abana kubyina no kuvuza ingoma, avuga ko abenshi baje batazi uko Intore zitwara mu kwiyereka no kugira injyana idasobanya, kuko bari bakiri batoya, ariko ko basoje ukwezi hari byinshi bamenye, ku buryo babikomereje ku mashuri byarushaho kububakamo umuco wo gukura bazi gususurutsa imbaga.

Agira ati "Abana baje batazi uko batega amaboko, batazi uko bashingura ikirenge, ntibyari byoroshye kubatoza kugera bageze ku rwego rwo kujyana, wabonyemo n’umutoya w’imyaka ine na we yari amaze kumenya kujyana n’abandi, babyinnye neza".

Abahize abandi barashimiwe

Umubyeyi wafashije abana kumenya gusoma no gufata mu mutwe imyandiko n’ibitekerezo, we avuga ko uko umwana afata igitekerezo, binamuremamo kwagura ubwonko akamenya gusesengura no kuzimiza bya gihanga hakiri kare.

Agira ati "Umwana wakuze azi gusoma neza no kwandika ibyo avuga aba asigaje kubicengera, no kongeramo ibyo abona bikenewe muri sosiyete, guhana sosiyete binyuze mu buhamya bw’abagizweho ingaruka n’ibikorwa bibi, ku buryo mu gitekerezo, umwana akigiraho gutebya, kuganira cyangwa gusesengura ibigamijwe".

Abize gukina amakinamico bo bagaragaza ko bibafasha mu gukusanya ibitekerezo bitandukanye, hagamijwe gutanga ubutumwa nyabwo butanga imirongo ngenderwaho, mu kunenga no gushima no gushimangira ibyagezweho hagamijwe impinduka ku ngingo yakinweho ikinamico.

Naho abarushanyijwe mu bihangano by’imitako ikoreshejwe amarangi mu bugeni, bavuga ko kwagura impano yo gushushanya bihera kare umwana agifite ubwenge bwagutse, butavanzemo ibindi bintu maze ibyo akoze akajya abyongeramo ibishya ashingiye ku kigero cy’ubukure.

Bahawe ibihembo bitandukanye

Umubyeyi Nyirasafari Gaudence wohereje abana mu Ntore mu biruhuko ,avuga ko usibye ubwo bumenyi bushingiye ku muco, abana babo banahakuye umuco wo kwirinda ingeso mbi n’ubuzererezi, kandi bigabanya umuhangayiko w’ababyeyi babaga batizeye aho gusiga abana babo mu biruhuko.

Agira ati "Ubwo ababyeyi twigishwa gutegura indyo yuzuye, biba byiza n’umwana abizi kuko aragukebura, kandi hano barabyize, bize kwigirira isuku, mbese basoje Itorero basobanukiwe n’imyitwarire y’abagize Umuryango, n’uruhare rw’abana mu muryango, barishimye basabana n’abandi".

Umunyamabanga Nshingwabikorwa w’Umurenge wa Shyogwe, hamwe mu hatorejwe abana basaga 500, Oswald Nsengimana, avuga ko impano abana bagaragaje zitazajugunywa kuko bagiye batoranyamo abahanga, bakorerwa za raporo zizajya zituma bakurikiranwa no ku mashuri.

Agira ati "Tuzabakurikirana no ku mashuri kuko biga muri uyu Murenge, ku buryo ahazajya haboneka amahirwe bazajya bahuzwa na yo, haba mu gushakisha impano zihishe mu bana hakaba hazwi aho baherereye".

Mu Karere ka Muhanga hotojwe basaga ibihumbi 25, kuri site zisaga 60 aho abagize imiryango nterankunga barimo nka Hope for the Family yatoreje mu Murenge wa Shyogwe, amadini n’amatorero bagize uruhare mu kwita kuri abo bana bahabwa aho gukorera no gutanga ibiganiro hakurikijwe imyaka yabo.

Ni imihigo ya 2025-2926 yasinyiwe mu nteko rusange yabaye kuri uyu wa kabiri, aho bishimiye ko umwaka ushize bari bahigiye kubakira bagenzi babo batishoboye, kandi bakesa umuhigo.

Umuyobozi w’Inama y’Igihugu y’Abagore mu Karere ka Muhanga Marceline Mukasekuru, yagaragaje ko gahunda yo kubakira abagore, yatumye nibura abagera kuri 12 n’imiryango yabo babona aho kuba habahesheje icyubahiro.

Agira ati, "Muri gahunda twari twihaye ya ’Tumutuze heza’ twubatse inzu 12 nibura imwe ifite agaciro ka Miliyoni esheshatu. Ibyo bigamije kubakira abagore bagenzi bacu ubushobozi butuma babasha kubaho neza, bagatekereza neza kuko kubaho utagira aho urambika umusaya, bitera ibindi bibazo."

Umwe mu bubakiwe inzu agira ati, "Jyewe n’abana bane twabaga mu kazu k’agakoni, tukagacanamo ku buryo nabaga mfite impungenge z’uko, mu gihe ntahari nsanga abana bitwikiyemo. Imana ikomeze ihe umugisha abagore bafite aho bigejeje kuko natwe batwibutse. Ubu ndaryama neza n’abana kandi dufite isuku kuko bampaye n’ibikoresho byo munzu."

Umuyobozi w’Akarere ka Muhanga Kayitare Jacqueline avuga ko usibye ’Tumutuze heza’, ba mutima w’urugo muri ako karere banagize uruhare mu kunoza isuku batanga ibiryamirwa birimo na matora mu miryango, ibyo bishimangira gahunda y’isuku ya ’Gera no mu ntanzi z’urugo’.

Kayitare avuga ko bumwe mu buryo bagiye gukomeza kuzamuramo ubushobozi bw’umugore, hagamijwe kongera ibyo yinjiza mu muryango, harimo gukomeza kubahuza n’ibigo by’imari n’amabanki, guhugura abafite amatsinda yo kubitsa no kugurizanya uko banoza imishinga iciriritse, no gufasha imiryango ibanye nabi kurwanya amakimbirane.

Umuvugizi wa Polisi mu Ntara y’Amajyepfo CIP Kamanazi Hassan, avuga ko abashyikirijwe Ubugenzacyaha, bakekwaho ibikorwa bigayitse bihungabanya umutekano w’abaturage, aho bakekwaho ibyaha by’ubujura bwo kwiba amatungo, imyaka, gutega abantu bakabambura no gutobora inzu.

Avuga ko mu bamaze gufatwa, 735 bafashwe na Polisi bataragera ku mugambi wabo, 541 bafatiwe mucyuho naho 339 bafashwe nyuma yo kugurisha ibyo bari bamaze kwiba.

Police iragira inama by’umwihariko urubyiruko nk’imbaraga z’Igihugu zubaka kandi vuba, gukura amaboko mu mifuka bagakora ibikorwa byiza bibateza imbere, aho kwishora mu bikorwa bihungabanya umutekano.

Polisi kandi iburira n’undi wese ugifite imitekerereze n’imigirire mibi igamije guhungabanya umutekano n’ituze ry’abaturage, kubireka kuko kwiba atari umwuga ahubwo ni icyaha gihanwa n’amategeko bityo uzajya abifatirwamo wese amategeko azajya abimuhanira.

Uturere tugaragaramo ibyaha kurusha utundi ni uturere tw’umujyi nka Huye, Muhanga, Nyanza na Kamonyi.

Umuvugizi wa Polisi mu Ntara y’Amajyepfo CIP Kamanazi Hassan atangaza ko muri rusange umutekano mu Ntara y’Amajyepfo wifashe neza, bikagaragarira mu bufatanye hagati y’abaturage inzego z’ibanze na Polisi, gutangira amakuru ku gihe hagamijwe gukumira ibyaha n’inshingano rusange.

Bimwe mu byafashweho imyanzuro harimo gukorana kw’inzego z’Ubuyobozi n’Abafatanyabikorwa, hanozwa raporo z’imikorere no guhana amakuru ku buryo butabusanya, kugira ngo amakuru agere hose kimwe kandi hakajya hasuzumwa uko yakiriwe.

Yavuze ko iyo hari ibikorwa byinshi bitakorewe raporo, bigira ingaruka mu mihigo, nyamara hari imbaraga zabitakajweho, bityo ko inzego zose zikwiye kunoza raporo n’ubundi buryo zihanamo amakuru.

Agira ati, "Gutanga ubutumwa butabusanya no gukurikirana bizatuma abayobozi barushaho gukorana neza, gukurikirana uko amakuru yatanzwe agenda ashyirwa mu bikorwa, kandi hagasuzumwa uko ubwo butumwa bwatanzwe, nibyo bizatuma kujya mu Ngamba bigerwaho neza".

Muri iki gikorwa kandi hanashimiwe Abafatanyabikorwa b’Akarere, Abayobozi b’Amashami n’Abanyamabanga Nshingabikorwa b’Imirenge ku ruhare rwabo mu kwesa imihigo y’umwaka w’ingengo y’imari 2024-2025.

By’umwihariko hatanzwe ibikombe ku Mirenge n’Amashami yabaye indashyikirwa mu kwesa imihigo y’umwaka ushize, igikorwa cyasojwe no gusinya imihigo y’umwaka wa 25/26 hagati y’Ubuyobozi bw’Akarere, Abanyamabanga Nshingabikorwa b’Imirenge n’Inama y’Igihugu y’urubyiruko.

Abahawe ibihembo biyemeje ko bazakomeza gukora cyane ngo bahore bahiga abandi, kandi n’aho byagaragaye ko bari inyuma biyemeza gukosora ibitaragenze neza ngo bagere ku ntera y’abandi.

Umuyobozi w’Akarere ka Muhanga Kayitare Jacqueline avuga ko muri rusange imihigo yeshejwe ku bufatanye bwa benshi, ariko noneho bongera imbaraga Akarere ka Muhanga kakagera mu myanya ya mbere nk’uko bimeze, aho kaza ku mwanya wa mbere muri serivisi z’irembo mu Gihugu, Imiyoborere n’izindi serivisi.

Abayobozi barimo na Guverineri Kayitesi bitabiriye iki gitaramo

Umuyobozi w’Akarere ka Ruhango Habarurema Valens, avuga ko ako karere gafite byinshi bagiye kurushaho kubyaza umusaruro, birimo ubucukuzi bw’amabuye y’agaciro na kariyeri, ubukerarugendo bushingiye ku muco n’ubushingiye ku Iyobokamana, ndetse n’ubuhinzi bw’imyumbati, kawa, ubworozi n’ishoramari riri ku rwego rwisumbuyeho.

Atanga ingero ku Ngoro ya Yezu Nyirimpuhwe irimo kuvugururwa kugira ngo igere ku rwego rwo kwakira abayigana bakabaho neza, babona aho kuryama no gufatira amafunguro, kandi Abashoramari bakwiye kwerekezayo amaso.

Avuga kandi ko hari Akagari kose ka Rwoga kagiye kwimurwamo abaturage hakubakwa ikibuga cy’indege zirimo n’inini, kandi uwo mushinga ukwiye kubera buri wese by’umwihariko Abanyaruhango gutekereza ishoramari yakora ashingiye kuri icyo kibuga cy’indege.

Hari kandi ikibuga cyo kwigishirizaho imodoka kigezweho, ibyo byose bikajyana no gukomeza kubaka ibikorwa remezo by’amazi n’amashanyarazi, kugira ngo abaturage boroherwe no gushora imari no kugeza umusaruro ku isoko.

Munyakazi Sadate asanga gukorera mu biro bitera ubukene

Muri icyo kiganiro, Mukanyazi Sadate wari watumiwe yihereyeho uko yazamutse, yavuze ko inzira imwe yonyine yo kugera ku bukire, ari ukwihangira akazi kuko iyo ukorera undi adashobora kukureka ukira, kandi ko umushahara uhembwa ukorera abandi ukubera imbata y’ubukene cyangwa kugera ku iterambere bikakugora, kugera n’aho bidashoboka ahubwo.

Munyakazi Sadate (hagati) bamuha amata

Munyakazi avuga ko afite imyaka 21 aribwo yagize amahirwe yo gukora muri Banki i Kinazi, ariko yiha icyerecyezo cy’imyaka itanu yo kuba yagize aho ayigeza heza na we agafata indi nzira, kuko yabonaga umushahara ahembwa ntacyo wazamugezaho, akaba asanga urubyiruko rutegereje guhabwa akazi ngo ruzabone umushahara ruba rureba hafi.

Agira ati "Naravuze ngo niba nkorera Banki igatera imbere, nanjye ngiye kwikorera natera imbere, ibanga riri mu kwikorera ni ukuba inyangamugayo, kuko iyo ubeshye rimwe kabiri, ntubeshya gatatu. Ukagira indangagaciro kandi uzirikana ko hari abakureberaho, na Ruhango rero dukoze gutyo Akarere kacu katera imbere".

Yongeraho ati "Nahoze numva ko nzaba umukire, ndisegura kuko ntabwo waba umukire wicara mu biro kuko umushahara biragoye ngo ukugeze ku cyo ushaka, nahisemo kwikorera ngakoresha n’abandi badashaka kuba abakire. Niba ushaka kugira icyerecyezo hinduka ureke gukorera abandi, n’ubwo twakoresha abandi ariko tuzahora tubahemba agashahara gato. Ndifuza ko Akarere ka Ruhango kagira abantu batekereza muri izo nzozi, zo kugira abikorera benshi kuruta abakorera umushahara".

Umusizi Nsanzabera Jean de Dieu wari witabiriwe icyo gitaramo, we yatanze igitekerezo cy’uko kugira ngo Akarere gatere imbere, bisaba gutegura neza ababyiruka kuko bamwe mu Banyarwanda bakuze bafite ubwandu mu busambo n’ibikorwa bibi, kandi iterambere ridashoboka mu gihe abari ku murimo batera imbere badashyize hamwe mu mibanire myiza.

Agira ati "Mugeze he murema umuntu nyawe wemera kureka ingeso mbi ziganisha ku busambo n’ubukene agakora akiteza imbere, kuko turacyabona abakomeye bakuranye ubusambo bakimunga umutungo w’Igihugu".

Abayobozi b’inzego z’ibanze mu Karere ka Ruhango bari bahari

Perezida w’Inama Njyanama y’Akarere ka Ruhango Gasasira Jérôme, avuga ko abakene bagira ingeso zijyanye n’ubukene bwabo, kandi ko gutera imbere bigomba kujyana no kurwanya ubukene mu baturage bityo bakarema umuntu ureba kure aho guhugira mu maganya y’ubukene.

Agira ati "Kurwanya ubukene no gufasha abatishoboye ni imwe mu nzira yo kurema umuntu ugendana n’iterambere, kuko abakene bagira ingeso za gikene zituma batiteza imbere".

Igitaramo cy’umuco Turi mu Ruhango kandi cyaranzwe no kumurika ibyo abaturage bagezeho, kumurika ibikorwa bishingiye ku muco, kwidagadura no gusangira ibiryo gakondo.

Basangiye Kinyarwanda umwumbati wokeje muri runonko bawusomeza amata

Umusizi Nsanzabera ku gacuma ka Kinyarwanda

Abagize Inama Njyanama basanga urubyiruko rukwiye kwitabwaho ngo rukore cyane

Byatangarijwe mu mwiherero w’iminsi ibiri ihuje izo nzego n’Abanyamabanga Nshingwabikorwa b’Imirenge 12 igize ako Karere, aho basuzumira hamwe uruhare rw’ubufatahye bw’Akarere n’Abafatanyabikorwa bako mu iterambere.

Bimwe mu bibazo byagaragajwe bituma Akarere ka Muhanga kagifite urugendo rurerure mu gukura abaturage mu bukene, hari ukuba abafatanyabikorwa bako bakiri bake mu Mirenge y’icyaro, aho usanga hari nk’Umurenge ufite umufatanyabikorwa umwe gusa.

Hanagaragajwe kandi ko ishoramari rikiri hasi mu bice by’icyaro, ugereranyije no mu Mirenge y’Umujyi, no kuba ibikomoka ku buhinzi bikiri kugurishwa bitongerewe agaciro, n’ikibazo cyo kugera ahari umusaruro no kuwugeza ku isoko.

Hari kandi ikibazo cyo kuba hari urubyiruko rubarirwa muri 30% rutageze mu ishuri, n’urungana na 28.5% rutarangije amashuri abanza, hakaba hakwiye gufatwa ingamba zo gukurikiza gahunda ya Leta y’uko abana bose biga, kuko kugira abana batiga byagaragaye ko bizagira ingaruka ku guterwa inda zitateganyijwe mu bangavu, n’ubwomanzi mu bana b’abahungu.

Umuyobozi w’Inama Njyanama y’Akarere ka Muhanga, Gilbert Nshimiyimana, asaba ko mu minsi ibiri bagiye kumara mu mwiherero hakwiye kuvamo ibisubizo by’ibibazo byagaragaye, bityo hagafatwa ibyemezo bihindura ubuzima bw’abaturage b’Akarere ka Muhanga.

Agira ati "Ni ngombwa ko uyu mwanya tugomba kuwukoresha, tukicara tukinenga tukareba aho tutakoze neza dufate ingamba zo gukosora ibitaragenze neza, duhuze ibitekerezo tujye inama dushingiye ku bipimo byagiye bigaragara, aho Akarere kacu kari mu myanya yo hagati na hagati, ariko n’imyanya ya mbere yatubera".

Perezida w’Inama Njyanama y’Akarere ka Muhanga, Nshimiyimana Gilbert

Umuyobozi w’Akarere ka Muhanga, Kayitare Jacqueline, avuga ko hakiri icyuho ku mwuga w’ubuhinzi utajyana n’ubworozi, kuko abahinzi bose badakora ubworozi ari naho Imirenge y’icyaro, ihurira n’ubukene cyangwa bakabaho mu buzima butari bwiza.

Agira ati "Abari hano bose bakwiye kumva no gusobanukirwa icyakorwa ngo imibereho y’umuturage izamuke, ibice by’icyaro bikazamuka ku buryo n’abajya gukora igenamigambi ry’umwaka habaho kwita ku batuye mu bice by’icyaro".

Avuga ko ikindi cyatuma abaturage batera imbere, hakwiye gushyiraho uburyo bwo guhangana n’ikibazo cy’amakimbirane mu miryango, kuko n’imyumvire y’abagize Umuryango ikwiye guhinduka, abayobozi bakegera abaturage hakubakwa ubushobozi hashingiwe ku mibereho y’abagize Umuryango.

Naho ku kibazo cy’urubyiruko, Kayitare avuga ko hari inzego nyinshi zishaka kuruha akazi, ariko ugasanga ubumenyi bafite buri ku rwego rwo hasi, hakaba hakwiye kwita ku burezi butegura umuntu ushoboye ejo hazaza.

Agira ati "Hakwiye gutekerezwa uko habaho ibikorwa byihariye ku rubyiruko, uburezi bugashyirwamo imbaraga kugira ngo ruzamuke hari ibyo rushoboye gukora ku buryo rwazajya rwishakira ibisubizo by’ibibazo byarwo, hakabaho koperative zarwo mu Mirenge kandi hakajyaho icyatuma dufatanya n’urubyiruko gutegura uko ejo habo hazaba hameze".

Umuyobozi wa JADF mu Karere ka Muhanga, Terimbere Innocent, avuga ko bagiye kwigira hamwe n’Ubuyobozi bw’Akarere icyakorwa ngo abafatanyabikorwa berekeze mu bice by’icyaro, kuko usanga hari abaterekezayo kubera ko hakibura ibibakurura birimo nk’ibikorwa remezo.

Abafatanyabikorwa b’Akarere mu Iterambere biyemeje ko bagiye kwigira hamwe n’Akarere uko bakorera mu Mirenge y’icyaro

Umuyobozi w’Akarere ka Muhanga, Kayitare Jacqueline

Kayitare avuga ko muri iyi minsi y’iterambere ryihuse, abagize umuryango bafite uruhare runini mu gufashanya kuwuzamura.

Agira ati "Abagore dukomeje gutaka tuvuga ko umuryango ufite ibibazo, ariko dukwiye kuba tunibaza ngo byatangiye ryari, habaye iki cyatumye uwari Umuryango mwiza uba mubi, ibirimo kuba uyu munsi bibangamiye umwana w’umukobwa, bibangamiye umugore.Ese ntiwasanga hari ibyirengagijwe abantu bakarangara ntihagire igikorwa none tukaba natwe turimo twisanga mu maganya?”

Kayitare avuga ko aho gushakira ibisubizo ku byateye ikibazo, ahubwo abantu bahisemo kwitana ba mwana ngo aha abagore ni bo badohotse, abandi ngo ni abagabo bananiranye, cyangwa bakavuga ko ari abana bananiranye, kandi iyo bigeze aho ntawe uba akibasha gushinga umwotso ku kibazo ngo agikureho.

Agira ati "Uyu munsi iyo uganira n’abagore ku bibazo byugarije Umuryango muri iki gihe, baravuga bati ese wowe ntubibona ko abagabo bananiranye, maze abagore tukaba tunejejwe no kubona intege nke z’abagabo bacu, no kuzivuga tukitana ba mwana, nyamara abagabo na bo iyo tubahaye umwanya bakubwira ko abagore badohotse, ko rwose ari bo ahubwo ba nyirabayazana ku bibazo byugarije Umuryango, ndetse rwose bakatuvuga bashishikaye kuri ubwo buryo".

Meya Kayitare avuga ko ikibabaje cyane ari ukuba abagize Umuryango bose baba abagore baba abagabo, basigaye bahuriza hamwe ko rwose abana aribo bananiranye, ukuntu bitacyoroshye kurera urubyiruko rw’ubu, ari naho hagaragarira ikibazo gikomeye mu muryango.

Abanyamuryango ba Soroptimist mu Rwanda basabwe kuba umusemburo wo gukemura ibibazo byugarije Umuryango

Igisubizo ni kimwe

Kayitare avuga ko niba umugabo ukwiye kuba afata inshingano, n’umugore ukwiye kuba afata inshingano bahirikiranaho ikibazo, aho gutekereza buri umwe icyo yakora ngo ibibazo byugarije Umuryango bikemuke, bizarushaho gukurura ibibazo ku bana babo, ahubwo ko umugabo n’umugore bakwiye kuba barebera hamwe uruhare rwa buri umwe mu gusubiza ibibazo byugarije umuryango.

Nk’urugero Umuyobozi w’Akarere ka Muhanga Kayitare Jacqueline, avuga ko abagore bakwiye kugira uruhare mu iterambere rya bagenzi babo, basubiza amaso inyuma bakareba aho bava n’aho bagana, abateye imbere bakazamura bagenzi babo bakiri inyuma.

Avuga ko kuba ibarura rigaragaza ko abagore ari bo benshi kurusha abagabo mu Gihugu, bikwiye kuba bijyana no gutera imbere kwabo kurusha abagabo, ariko ko usanga abagore bakiri inyuma bigatuma iterambere ridindira.

Icyakora Kayitare ashimira Umuryango Soroptimist wita ku iterambere ry’umugore mu Rwanda no ku Isi muri rusange, kuba warahisemo gukora ibikorwa bizamura abagore bagenzi babo, dore ko mu Karere ka Muhanga bamaze gufasha abakobwa babyariye iwabo hafi 300, kwiteza imbere basubira mu mashuri, kwihangira imirimo no gukira ihungabana.

Agira ati "Iyaba abagore twese twatekerezaga gutyo, tugashyigikira bagenzi bacu twarushaho kuzamura iterambere ry’Umuryango, ariko ntituzabigeraho tukitana ba mwana ngo aha abagore byarananiranye, abagabo byarananiranye, abana byarananiranye, ibyo byatuma tutamenya uruhare rwa buri wese muri iryo terambere".

Umuyobozi wa Soroptimist mu Rwanda, Mukasekuru Marceline

Umuyobozi w’Umuryango wita ku iterambere ry’abagore n’abakobwa, Soroptimist, mu Rwanda Marceline Mukasekuru, avuga ko nibura binyuze mu bukangurambaga bwakozwe abana bataye amashuri bayasubiyemo, by’umwihariko ku bakobwa babyariye iwabo, binyuze mu matsinda yo kububakira ubushobozi bwo gutunga abo babyaye.

Agira ati "Nibura abakobwa 251 basubiye ku mashuri abandi bari mu myuga ku buryo hari n’abakobwa biyemeje kujya gutwara amagare atwara abagenzi i Musanze, biratuma abagore bahindura imyumvire ko nabo bashoboye kimwe n’abahungu kuko ubwonko bwabo bukora kimwe n’ubw’abahungu. Dufite abo dukwiye kuba tureberaho mu bayobozi dufite mu Ntara y’Amajyepfo, Guverineri ni umugore, Meya wa Muhanga ni umugore, mu bayobozi bakuru b’Igihugu harimo abagore kandi benshi banashoboye, ni ingero zivugira ko dufatanyije twateza Igihugu cyacu n’imiryango yacu imbere".

Abagore bibumbiye muri Soroptimist mu Rwanda kandi bavuga ko bagiye kurushaho gukora ubukangurambaga bwinjiza abagabo mu gushyigikira abagore, n’abagore bagashyigikira abagabo mu gushakira hamwe umuti w’ibibazo byugarije Umuryango.

Abaturage basobanuriwe ko ubukene butagomba kubabuza gusezerana byemewe n’amategeko

Ubusanzwe usanga abagiye gushinga ingo ngo biyemeze kuzabana akaramata, bagira imyiteguro ku mpande z’umukwe n’umugeni, irimo gushaka ibyambarwa bishya, ubushobozi bwo kubaho nyuma yo kubana n’ibyo bazakiriza abantu mu bukwe bwabo.

Mu bukwe bw’abifite bo usanga hari n’abakodesha imodoka zigezweho zo gutwara abageni, ubukwe buzabera ahantu heza harimbishijwe, mbese bikaba ibirori by’agatangaza, benshi bahamya ko biba rimwe gusa mu buzima ntuzongere kubikoresha usibye kujya ubireba mu mashusho yafashwe biri kuba.

Mu bukwe buciriritse abakibasha gukora ibirori nabyo bisaba ubushobozi butari bwinshi, ariko kuko bumva icyo amategeko y’Imana n’abantu abasaba, bahitamo gushaka ibidahenze ariko bakubahiriza amategeko, yemwe bakagenda n’amaguru cyangwa bakambara ibidahenze na mba, ariko bagaseserana bakabana byemewe n’amategeko.

Hari abahitamo kwishyingira kubera kubura ubushobozi

Kubera ikibazo cy’ubukene n’ubushobozi bisabwa abifuza gushinga ingo, hari abahitamo kwishyingira (Kwijyana) atari uko bagiye mu buyobozi bwabasubiza inyuma, ahubwo kubera ko imiryango bakomokamo iba idakozwa kwishyingira, na yo ishaka gukoresha ibirori, bityo abagiye kurushinga bagahitamo gushakana nta wundi ubizi bakabana batyo.

Visi Meya Rusilibana JMV asaba abaturage gukora cyane birinda ubukene

Hari n’abahitamo kwishyingira kubera ibindi bibazo birimo nko gutwara inda zitateganyijwe, gushyirwa ku gitutu cyo gushinga urugo cyangwa no gufatwa ku ngufu uwo bibayeho akaguma ku mugabo (kwihambira).

Bene iyo miryango ibanye mu buryo butemewe n’amategeko, iyo ibonye ubushobozi, hari ubwo yigira inama yo guseserana mu buryo bwemewe, cyangwa ikagenda biguru ntege, nyamara harimo ingaruka nyinshi ku babana barishyingiye.

Zimwe muri izo ngaruka hari ukugira uburenganzira ku mutungo ku bashakanye, uburenganzira bw’umwana buhangirikira, irangamimerere rituzuye ribuza amahirwe abagize Umuryango nko kwivuza, byose bigakurikirwa n’amakimbirane ashobora no kubyara impfu za hato na hato mu miryango.

Hakowa iki ngo hirindwe izo ngaruka?

Mu rwego rwo kurwanya ingaruka zituruka ku gushakana mu buryo butemewe n’amategeko, mu Ntara y’Amajyepfo mu Turere twose, bashyizeho gahunda bise ukwezi kw’imiyoborere myiza, hagamijwe gusanga abaturage ngo basobanurirwe uko barushaho kubana neza, gukemura ibibazo bahura nabyo, no kwirinda inzira binyuramo bibageraho.

Inzego z’umutekano zasobanuriye abaturage ingaruka zo kubana mu buryo budakurikije amategeko

Mu Murenge wa Ntongwe mu Karere ka Ruhango, ho kugira ngo barwanye ingaruka zikomoka ku kubana abantu batarasezeranye, bashyizeho ingamba zo kwifashisha insengero aho abayobozi basanga abaturage bakabaganiriza, bakabereka ko gutinya gusezerana mu buryo bwemewe kubera ubukene, bishobora kubateza ibindi bibazo bityo bamwe bakemera kuva ku izima.

Ni muri urwo rwego uwo Murenge wanashimiwe ku rwego rw’Akarere kubera ako gashya wazanye, imiryango myinshi ikemera gusezerana byemewe mu mategeko, kandi ko ubwo buryo buzakomeza gukoreshwa muri uku kwezi kw’imiyiborere myiza kongeye gutangizwa.

Umunyamabanga Nshingwabikorwa w’Umurenge wa Ntongwe, Nahayo Jean Marie, avuga ko abaturage badakwiye kwanga gushyingirwa byemewe n’amategeko kubera gutinya ubukene, kuko Umurenge ntawe usaba amafaranga ngo abone gushyingirwa.

Agira ati "Bimwe mu byo batubwiye bibaca intege ni uguhinguka imbere ya Gitifu w’Umurenge ngo uje gusezerana kandi ukennye, twahisemo rero kubasanga aho basengera, tukabigisha dufatanyije n’amatorero yabo tukabikorera aho tukazahava basezeranye. Turasaba rero abaturage kutitinya ngo ntibasezerana bakennye kuko baba bigirira nabi mu bundi buryo".

Umurenge wa Ntongwe washimiwe gusanga abaturage mu nsengero bagashyingirirwayo bidasabye ubushobozi bwinshi

Umuyobozi w’Akarere ka Ruhango wungirije ushinzwe ubukungu Rusilibana JMV, avuga ko mu kwezi kw’imiyiborere uyu mwaka, bazamanuka bagasanga abaturage iwabo mu Tugari bakabaha izo serivisi, zirimo no gushyingirwa n’izindi z’irangamimerere kuko batangije icyumweru cy’irangamimerere.

Na we ashimangira ko ntawe ukwiye kwibuza amahirwe yo kubana mu buryo bwemewe n’amategeko kubera ko akennye, kuko ingaruka zivamo zo ntizireba ubwo bukene, ahubwo akanasaba abaturage gukora cyane bagateza imiryango yabo imbere, kuko byongera umudendezo mu muryango utekanye.

Abaturage basabwe kubana mu mahoro

Basangishijwe serivisi mu tugari

Byatangajwe ubwo hizihizwaga umunsi Nyafurika w’Irangamimerere mu Murenge wa Nyabinoni mu Kagari ka Mbuga, aho uwo munsi wanahuriranye na gahunda y’Akarere ka Muhanga yo gutangiza ukwezi kw’imiyiborere myiza, aho abaturage basabwe gukomeza kugira uruhare mu kwiteza imbere, gukemura amakimbirane mu miryango, no kwemera gusezerana ku bushake ku miryango yabanaga mu buryo butemewe n’amategeko.

Umuyobozi w’Akarere ka Muhanga Kayitare Jacqueline, atangaza ko kwegereza serivisi abaturage, ngo bakemure ibibazo by’irangamimerere biri mu bigamije kubafasha kuzibona ku gihe no kwihutisha izikenewe, dore ko nko ku baturage babanaga mu buryo butemewe n’amategeko, baboneyeho umwanya wo kwiyandikisha bakaba bazasezerana muri uku kwezi kw’imiyiborere myiza.

Agira ati "Turabasaba ko muza mukiyandikisha ku bushake mugasezerana kuko biri mu bikemura amakimbirane, nimuzane abana banyu tubandike nabo babone uburenganzira, nimuze kandi mwandukuze abapfuye kuko hari serivisi mudashobora guhabwa igihe bigaragara ko bakiriho, kandi bitagishoboka ko baza kubasinyira cyangwa kubasobanura, byose ubwo twabegereye muzabyitabire bisorezwe aha".

Meya Kayitare aganira n’abaturage

Abaturage banyuzwe no kwegerezwa serivisi

Kubera ko imashini zifotora abifuza gufata indangamuntu ziva mu kigo cy’Igihugu cy’Indangamuntu, NIDA, kandi bidashoboka ko zigumishwa ku Mirenge, mu Murenge wa Nyabinoni bari bamaze amezi atatu iyo serivisi idakora neza, ariko urubyiruko rwaho rukaba rwishimiye kuba noneho barimo gufotorwa.

Umwe muri bo agira ati "Twishimiye iyi serivisi kuko wasangaga hari ibyangombwa tutahabwaga kubera ko nta ndangamuntu dufite kandi tugejeje igihe cyo kuzihabwa, ariko ubu izi serivisi twegerejwe zirabikemuye tutagiye ku Murenge".

Abaturage kandi bari bafite ibibazo bituma batabasha gusezerana mu buryo bwemewe n’amategeko, bihutiye kwiyandikisha ku bushake kandi banasobanurirwa uko bakemura ibyo bibazo birimo nk’abagomba guhabwa gatanya, no kwegeranya ibyangombwa bisabwa ibibura bakazabihabwa mu kwezi kw’imiyiborere.

Umwe mu babyeyi yagize ati, "Nashakanye n’umugabo turabyarana ariko ntitubasha gusezerana kuko umugore wa mbere, bitaramenyekana niba yarapfuye cyangwa akiriho, kandi hashize igihe kirekire kirenga imyaka 30 kuko yahungiye muri Congo, badusobanuriye ibikenewe".

Umuyobozi w’Akarere ka Muhanga Kayitare Jacqueline avuga ko abaturage bazakemurirwa ibibazo, kandi bakagira uruhare mu gukemura ibyo bashoboye banze kureka kugira ngo ubuyobozi bukemure gusa ibikeneye ibindi bimenyetso.

Mu kwezi kw’imiyiborere myiza kandi biteganyijwe ko abaturage bazigishwa uko barushaho kwitabira serivisi z’irembo, kuko nabyo bituma bikemurira ibibazo birebana n’ubutaka ku gihe, kwishyura imisoro n’ubwisungane mu kwivuza, kimwe no kumenya amakuru atandukanye mu ikoranabuhanga

Meya Kayitare yasabye abaturage kwitabira iki gikorwa

Bishimiye kwegerezwa serivisi basabiraga ku murenge

Babitangaje nyuma yo gusura uruganda rutunganya ifu y’imyumbati mu Karere ka Kamonyi rwitwa Nyamiyaga Akanoze, rwatangiye gutunganya n’ibishishwa byayo rugakoramo ibiryo by’amatungo, aho ikilo kimwe kigura agera kuri 250frw.

Ubusanzwe abahinzi b’imyumbati basanzwe ari n’abatubuzi b’imbuto y’imyumbati, bavuga ko bagurishaga ibiti byayo, imyumbati bakayigurisha ku nganda zikora ifu, ariko ibishishwa byayo bakabijugunya kuko batari bazi ko byavamo amafaranga.

Ni nako byagendaga ku nganda zimwe zitunganya imyumbati, kuko zabijugunyaga kuko ntacyo zabimazaga, bikaba umwanda mu nkengero z’uruganda, kimwe no mu ngo z’abaturage, aho bategerezaga ko bizabora bikaba ifumbire nayo idatunganyije.

Mu rwego rwo gufasha abahinzi n’abahuriye ku ruhererekane nyongerahaciro ku myumbati, uko barushaho kuyibyaza umusaruro, ibigo bitandukanye n’abahinzi bahawe amahugurwa ku buryo bwo gukora ibiryo by’amatungo muri ibyo bishishwa by’imyumbati.

Umukozi w’Ikigo Mpuzamahanga cyita ku iterambere ry’Ubuhinzi IITA mu mushinga bita runres Mucyo Justine avuga ko batangiye bakora ubushakashatsi ku ntungamubiri ziri mu bishishwa by’imyumbati ku buzima bw’amatungo, basanga zirimo nyinshi ku buryo kuva mu mwaka wa 2023, batangiye kubisakaza.

Agira ati, "Ku bufatanye n’uruganda rw’Akanoze twakoze ubwo bushakashatsi dusanga bifite intungamubiri nyinshi, twarapimishije ku buryo nta mpungenge abashaka kubigaburira amatungo bakwiye kugira".

Umuyobozi w’Uruganda Nyamiyaga Akanoze rutunganya ifu y’imyumbati rukorera mu Karere ka Kamonyi Nyirasagamba Alice, asobanura ko ikilo kimwe cy’ibishishwa by’imyumbati akigura amafaranga 10, aho ibilo 100 bishobora kuvamo ibilo 25 by’ibiryo by’amatungo, agurisha kuri 250frw ku kilo.

Avuga ko gutunganya ibiryo by’amatungo byatumye aha akazi abakozi bagera kuri 50 babitunganya, bakanamufasha mu mirimo yo gutunganya ifu y’Akanoze, kandi byatumye azamura ubushobozi bw’uruganda rwe mu kwinjiza Amafaranga.

Agira ati, "Ngitangira nakoraga Akanoze gusa none hiyongereyeho ibiryo by’amatungo urumva ko inyungu yariyongereye, abantu babona akazi kuko natanze akazi ku bakozi bagera kuri mirongo itanu, kandi n’amatungo abona ibyo kurya".

Umuhinzi utubura igihingwa cy’imyumbati mu Ntara y’i Burasirazuba, uhagarariye Kompanyi yitwa Holly Agriculture Munyaneza Kabayiza Jean Claude avuga ko kuba umuhinzi ashobora gukora ibiryo by’amatungo mu bishishwa by’imyumbati ari indi ntambwe mu kongerera agaciro Umwumbati nawe akaba agiye gukora uruganda ruciriritse rubikora.

Agira ati, "Ni gahunda nari mfite ariko nyuma y’aya mahugurwa binyongereye imbaraga, ngiye gutangirana n’ubushobozi bucye ku ruganda ruto, dusanzwe dukora ubuhinzi bwisubiraho kuko turanorora. Nitumara gukora ibyo biryo nitwe tuzaba abakiriya ba mbere, bizafasha n’abahinzi batugurishaga imyumbati kuko tugiye kujya tunabagurira ibishishwa byayo ntibipfe ubusa".

Umuyobozi w’Ishami ry’ubuhinzi mu Karere ka Kamonyi Mukiza Justin, avuga ko bahinga nibura Hegitari 7.000 z’imyumbati ku mwaka, aho nibura hari umuhinzi ushobora kweza imyumbati kugeza ku kg 100 ku giti kimwe, kandi ko ibiva ku myumbati byose ari amafaranga.

Agira ati, "Umwumbati uribwa wose, kuva ku mababi kugera ku mizi aho nk’isombe ikilo kimwe kigura asaga 15.000frw, ingeri z’ibiti by’imyumbati nazo ziragurwa, none n’ibishishwa bigiye kujya bigurwa".

Avuga ko ibishishwa byasagukaga bigafatwa nk’umwanda, bigiye kongererwa agaciro, bikavamo ibiryo by’amatungo bihenze cyane ku isoko, bikaba bizoroshya kubonera amatungo ibiyatunga, nayo agatunga abantu.

Uburyo bwiza bwo kugabura ibiryo bikomoka ku bishishwa by’imyumbati bukoreshwa harimo, kubishyira mu mazi, gukoramo igikoma cg gukoramo umutsima.

Umukozi mu Kigo cy’Igihugu gishinzwe ubuhinzi n’ubworozi RAB Ishami rikurikirana ibyo kurya by’amatungo magufi Mutabazi Jules, agaragaza ko gutunganya ibiryo by’amatungo mu bishishwa by’imyumbati, bizanatuma habaho kugabanuka kw’ibinyampeke byatumizwaga hanze ngo bivangwe n’ibindi biryo byayo, ahubwo amafaranga ku bahinzi n’aborozi akiyongera dore ko ibitumizwa hanze usibye kuba bihenze bikunze no kubura.

Bagiye kubaka inzu 141 z’abatishoboye

Ni igikorwa cyatangirijwe mu Murenge wa Kiyumba mu Kagari ka Ruhina, aho abaturage bifatanyije n’abagize Komite Nyobozi y’Akarere, inzego z’umutekano n’abandi bayobozi gutanga umuganda mu kubaka izo nzu.

Umuyobozi w’Akarere ka Muhanga, Kayitare Jacqueline, avuga ko mu bazubakirwa harimo abageze mu zabukuru, batagifite imbaraga zo kwifasha kubaka cyangwa kwikorera indi mirimo, kandi barahoze batunze imiryango ariko ikaza kubashiraho cyangwa bagakena.

Agira ati "Imbaraga abageze mu zabukuru bari bafite, zabavuyemo zijya mu babyiruka kuko ari bo bakoreraga, none imbaraga zarashize ni ngombwa kubereka ko ibyo bakoze babidukorera bakwiye kubyiturwa bagasaza neza, bagakorerwa ibikorwa bya kimuntu kandi abakiri bato bakaba ibisubizo ku bafite intege nke".

Mu Murenge wa Kiyumba ahatangirijwe igikorwa cyo kubaka izo nzu, Meya Kayitare yasabye abaturage ko bakwita ku basheshe akanguhe, kugira ngo babereke ko babari hafi kandi babashimira uko bitanze bagifite imbaraga.

Biteganyijwe ko mu kwezi k’Ukwakira izi nzu zizaba zuzuye

Avuga ko umushinga wo kubakira abageze mu zabukuru muri uwo Murenge ugizwe n’inzu 11, mu gihe mu Karere kose hazubakwa 141, hagamijwe kunoza gahunda yo kubonera abaturage amacumbi, dore ko mu mwaka ushize hubatswe asaga 60.

Impamvu yatumye hatekerezwa kubaka inzu zikubye hafi kabiri iz’umwaka ushize, ngo ni uko byagaragaye ko umuntu udafite aho akinga umusaya, bigoye kugira ikindi wamufasha akagishobora, kuko abadadite amacumbi babana n’agahinda gakabije.

Agira ati “Twasanze agahinda ka mbere nk’umuturage ari ukubura aho aba, uyu mwaka tuzubakira imiryango 141, i Kiyumba hakazubakwa inzu 11, cyane cyane ku bagore bayoboye ingo, kuko usanga ari bo bafite ibibazo bikomeye birimo gupfakara, gupfusha no kubura ubushobozi bwo kwita ku muryango".

Avuga ko bitarenze ukwezi k’Ukwakira izo nzu zigomba kuba zuzuye, aho mu kwezi kwa Kanama na Nzeri bizagera nibura inzu zigeze mu isakara, ari na yo mpamvu muri iki gihe cy’impeshyi abaturage bakwiye kwitabira gutanga umuganda mu kuzubaka.

Meya Kayitare avuga ko Umunyarwanda agomba gutura ahamuhesha agaciro

Umwe mu bageze mu zabukuru batangiye kubakirwa, avuga ko yanyagirwaga kubera ko inzu ye itari yubatse neza, ku buryo yaje no kwimurwa akajya gukodesherezwa n’Umurenge.

Agira ati "Ndashimira Perezida wa Repubulika n’abo bafatanya kuyobora, imvura yaragwaga nkitwikira uturingiti n’uturago, Gitifu aza kuyinkuramo ngo itazangwaho ajya kunkodeshereza. Ndashimira Parezida wa Repubulika kuzirikana ababuze kivurira, uzirikana indushyi n’ababuze epfo na ruguru, azahorane izimukamirwa".

Ubuyobozi bw’Akarere ka Muhanga busaba abaturage kwitanga izo nzu zikazuzirira igihe, kuko mu gihe cy’impeshyi nta mirimo myinshi iba ihari, bakitabira ibikorwa byo gutanga imiganda hirya no hino, imvura y’Umuhindo ikazagwa zigeze mu isakara.

Abaturage baratanga umuganda

Bafashwe bakekwaho ubujura n’urugomo

Abafashwe bakekwaho ibikorwa by’ubugizi bwa nabi bihungabanya umutekano n’ituze by’abaturage, aribyo ubujura aho bitwikira ijoro bagatega abaturage bakabambura, gutobora inzu bakiba n’ibindi bikorwa by’ubugizi bwa nabi.

Abagore babiri bafashwe bakekwaho gucumbikira abo bagabo b’ajura no kubika ibintu byibwe, abafashwe bose bakaba bafungiye kuri Sitasiyo ya Polisi ya Nyamabuye, Ubugenzacyaha bukaba bwatangiye iperereza.

Umuvugizi wa Polisi mu Ntara y’Amajyepfo, CIP Kamanazi Hassan, avuga ko kugira ngo abo bantu bafatwe bose byaturutse ku makuru, bamwe mu bagiye bafatwa bagiye baha inzego z’umutekano, kuri ibyo byaha bakekwaho.

Agira ati "Iyo dufashe bamwe ni bo bagenda banatubwira abo bakorana, abo bafatanyije kwiba na bo tukabafata, bakatubwira n’abo bahohoteye. Bariya bagore bo ni abasanzwe bicuruza ni bo babikaga ibyibano, bikazahava bijyanwa kugurishwa, ubu rero iperereza rizatwereka n’abagiye babigura".

Polisi mu Ntara y’Amajyepfo isaba abacumbikira abantu, kwita ku kumenya aho baturuka n’ibyo bakora, kuko usanga ayo makuru yafasha mu kumenya abafite imyitwarire itari myiza.

CIP Kamanazi Hassan

Polisi kandi irashimira abafatanyabikorwa bakomeje kwimakaza umuco mwiza wo gutangira amakuru ku gihe, ikanibutsa abakomeje kugira imyunvire n’imigirire mibi igamije guhungabanya umutekano n’ituze ry’abaturage guhinduka, bakarangwa no gukora ibikorwa byiza byubahirije amategeko, bitabaye ibyo baributswa ko Polisi itazabihanganira.

Kayitare avuga ko iyo abaturage bakoze bakagira ibyo bageraho, bifasha ubuyobozi kwita ku bikomeye bikeneye imbaraga, haba mu buhinzi n’ubworozi, ibikorwa remezo no kwita ku mibereho myiza y’abaturage, kwita ku isuku n’isukura kuko iyo yitaweho hakumirwa zimwe mu ndwara, kandi abaturage bakirinda gusiragira kwa muganga.

Agira ati, "Kwishimira ibyagezweho ni byiza ariko nanone si umwanya wo kubirira kubimara, ni ngombwa kuzirikana ko n’ejo uzaba ubikeneye, ahubwo ukihatira gukora cyane bikiyongera kuko nibwo iterambere rizarushaho kwiyongera"

Yongeraho ati, "Isuku ntakindi isaba usibye kuyitaho ikaba umuco wacu wa buri munsi, tukaba dusaba abayobozi mu nzego zose, kwita kuri izo nshingano, kugira ngo hatabaho ibyago byo gukomwa mu nkokora n’ibibazo biturutse ku isuku nkeya".

Bamwe mu baturage bagaragaje ibyo bagezeho babikesha kuba bafite ubuyobozi bwiza, bavuga ko batazatatira igihango, haba mu kwita ku byagezweho no guhanga udushya, dutuma bakomeza kwihaza mu biribwa no kwita ku mibereho myiza.

Umuyobozi w’Inama Njyanama y’Akarere ka Muhanga Nshimiyimana Gilbert, asaba ko mu byagaragajwe byagezweho, byibanze ku mirimo y’ubuhinzi, bityo ko abahinzi ntangarugero bakwiye kubera abaturanyi babo urugero, kuko ari bwo barushaho gufatanya kwiteza imbere n’Igihugu muri rusange.

Avuga ko uko abaturage bakora neza, bigaragarira mu manota Akarere gahabwa, kandi ko ayo manota ari ay’abaturage, nk’urugero aho Akarere ka Muhanga kahawe igikombe cyo gukura mu bukene abaturage basaga 3000 umwaka ushize, byagizwemo uruhare nabo bafashijwe n’ubuyobozi.

Agaragaza ko umuganura watangiye mu mwaka wa 1580, kandi Abanyarwanda bawufataga nk’umwanya wo kwishimira ibyagezweho, guhiga imihigo no gushyiraho ingamba zo kuyihigura.

Agira ati, "Umuganura ni umwanya wo kwishimira ibyagezweho, atari ibihingwa gusa, ahubwo n’ibindi bikorwa by’ubuvuzi, ibikorwa remezo, n’ibikorwa by’ikoranabuhanga Abanyarwanda bagezeho, no gutekereza mu buryo bwiza bwo kubibyaza umusaruro mu musangiro Nyarwanda, gusaba no kunga Ubumwe bishimira gahunda Leta ibagezaho".

Mu rwego rwo gufasha abo bigoye kubona umusaruro, mu Murenge wa Mushishiro banaremeye abaturage batanu babaha Inka, abandi bahabwa ibyo kurya.

Yabitangaje ubwo yasuraga abaturage b’Umurenge wa Nyarusange mu Karere ka Muhanga, aho yagaye uburyo abatuye mu Kagari ka Ngaru muri uwo Murenge, biganjemo abakora ubucukuzi bw’amabuye y’agaciro butemewe, bazwi nk’abahebyi cyangwa abanyogisi.

Ikibabaje Guverineri Kayitesi yagarutseho, ni ukuntu ubwo bucukuzi butemewe iyo inzego zibwiyamye, bifatwa nko kubahohotera bababuza amahirwe yo kubaho bagashoza urugomo, birengagije ko ubwo bucukuzi bunabatwara ubuzima.

Agira ati, "Iyo umuntu avuze Ngaru uhita wumva ubucukuzi butemewe, nyamara mukumva mwakomeza kubikora, ese mubona ababukora bakuramo izihe nyungu ngo nibura mubarebereho, ahubwo burabatwara ubuzima bwanyu n’ubw’abana banyu, mu mezi macye ashize hano hamaze gupfa abantu batandatu, ubwo se murumva inyungu iri he"?

Agira ati, "Amagara ntaguranwa amagana. Kuba ufite umwana ntumugire inama, bugacya baza kukubwira ko igisimu kimwishe, buriya uba wararuhiye ubusa kabone n’ubwo buri wese azapfa, ariko ntawe ukwiye kwishyira urupfu".

Gushyira umuturage ku isonga ni iki?

Guverineri Kayitesi avuga ko hari abibwira ko gushyira umuturage ku isonga ari ukumuha icyo akeneye cyose, we nta ruhare abigizemo, nyamara kandi bifite ibisobanuro byinshi bikwiye kuba byuzuzanya.

Avuga ko umuturage ku isonga bitavuze gusanga Akagari gafunguye ngo kaguhe serivisi, ahubwo ari ukuba anezerewe, afite umutekano w’imibereho myiza, kandi ko hari ibyo umuturage asabwa ngo ubuyobozi bukomerezeho.

Avuga ko Leta ntacyo yafasha umuturage washyize amaboko mu mifuka ntakore, kuko na Bibiliya ivuga ko Yezu akora ibitangaza yagiye areba ibyo uwo abikoreraho aba afite.

Agira ati, "Umuturage ku isonga bimusaba kugira icyo akora, si ukuzinduka ujya ku Murenge ngo bagufashe, ahubwo ni iyo ukuye amaboko mu mifuka ugakora, nta muntu wavutse azaba umukene cyangwa umukire, ahubwo amahitamo yawe niyo akugira uwo uri we, usabwa rero gukura amaboko mu mifuka ugakora, ugahinga neza ako karima kawe gato ukagafumbira ugateramo imbuto nziza".

Guverineri Kayitesi avuga ko ahubwo usanga hari abaturage babyukira mu dusantere tw’uhucuruzi biyicariye, bareba uko abandi bakora bakirirwa bashaka amakuru y’aho batuye.

Agira ati, "Umugabo akabyuka akajya kwicara ku gasantere ngo ari gushaka amakuru, ayo se uzayamaza iki aho kubyuka ujya ku murimo, kuba umuturage ku isonga biguhereho, natwe tugufashe kubona iyo fumbire, iyo mbuto nziza, kuko hari abo duha amatungo bakayararana rimwe bugacya barya inyama. Ko uririye rimwe se ubwo usigaranye iki"?

Guverineri Kayitare avuga ko abaturage bose bakwiye gukora, aho kwibwira ko kwigurira igitenge no gutanga Mituweli bihagije.

Asaba ko abana bagana amashuri bakarya neza bagahaga, bakivuza neza kandi abagize Umuryango bagakorera hamwe kuko ari bwo utera imbere, aho gukimbirana mu muryango.

Abaturage bo mu Murenge wa Nyarusange biyemeje ko bagiye koko kugira uruhare mu bibakorerwa, bakarwanya ubucukuzi butemewe, kandi bagakorera ku gihe bakarushaho kwiteza imbere.

Abaturiye umugezi wa Kayumbu bavuga ko kubera ko amateme n’ibiraro byari bimaze gutwarwa n’ibiza, birohaga muri uwo mugezi bagerageza kwambuka n’amaguru, amazi yayo akabarusha imbaraga akabatwara, kandi nta bindi bisubizo byari hafi usibye gutakambira Leta ngo ibatabare.

Urugero ni ku gice cy’umuhanda Karama- Kayumbu, ahamaze kuzura ikiraro cya Kinyaruka, ni hamwe mu ho abaturage bavuga ko haguye abantu benshi, barimo n’abaturukaga ahandi hacitse ibiraro n’amateme, ariko ubu inzira zabaye nyabagendwa aho nyuma yo gusana icyo kiraro, ubu noneho hari gukorwa umuhanda.

Umuyobozi w’Umudugudu wa Ryagashaza mu Kagari ka Bunyonga mu Murenge wa Karamae Harerimana Jean Bosco, avuga ko ikiraro kimaze gutwarwa n’ibiza bahise bajya mu bwigunge, imigenderanire n’imihahiranire irabura bituma abaturage batangira kujya bambuka n’amaguru ari naho byabazaniraga imfu za hato na hato.

Agira ati, "Gucika kw’iki kiraro byatuzaniye amakuba akomeye, abana ntibari bakijya ku mashuri, ubukwe burahagarara kuko ntaho wanyura, guhahirana muri Karama na Kayenzi biba ikibazo gikomeye".

Yongeraho ati, "Iyo hagiraga uwibeshya akambuka umugezi n’amaguru ubwo yaruhukiraga i Ruli muri Gakenke, hari abo twajyaga tujya gukurayo, hari umugore watwawe ahetse uruhinja bose barapfa, hari n’umumotari warohamye na moto barajyana, ariko twapfushije tutarabona ikiraro turashima Leta y’Ubumwe yadutabaye ikadukiza icyo cyago ikiraro kikaba cyaramaze kuzura".

Undi muturage avuga ko muri Karama na Kayenzi beza ibitoki byinshi ariko ibiraro n’amateme bimaze gucika, bishwe n’inzara kubera ko batashobora kugeza umusaruro ku isoko, ariko ubu ikibazo cyacyemutse.

Agira ati, "Ingendo ubu zaroroshye aho moto yagutwariraga 1500frw, ubu uhagendera 700frw kuko amateme arakoze kandi n’umuhanda urimo gukorwa, turabona akazi kubera ibi bikorwa, turashimira ubuyobozi bwaciye ubuzererezi mu rubyiruko kuko rwabonye akazi, ubu namaze kwigurira inka kubera gukora imirimo muri iyi mihanda".

Mu kiganiro n’abanyamakuru kuri uyu wa 28 Nyakanga, Umuyobozi w’Akarere ka Kamonyi Dr. Nahayo Sylvere yavuze ko muri rusange umwaka ushize wa 2024, habarurwaga ibiraro n’amateme bisaga mirongo ine byangiritse kubera Ibiza ariko habanje gusanwa ibyihutirwa cyane kuko nk’icya Kinyaruka cyonyine cyatwaye asaga miliyoni 700frw, ku buryo ubushobozi bucye bwatumye kugeza ubu hari ibitarakorwa.

Agira ati, "Ni urugendo kubaka biriya biraro kuko ni byinshi, ariko uko ubushobozi budukundiye tuzajya tubyubaka, kandi turishimira ko nibura hari ibice byongeye kuba nyabagendwa, turizera ko tuzakomeza gukora n’ibisigaye".

Ku kijyanye n’ikiraro cyo mu Murenge wa Ngamba cyatwawe n’ibiza na n’ubu kitarubakwa, Mayor Nahayo avuga ko kiri ku muhanda uzubakwa ku rwego rw’Igihugu kandi inyigo yo kuwubaka yarangiye hasigaye amasoko nacyo kikazubakwa kuko kizatwara ubushobozi buri hejuru.

Meya Kayitare aganiriza abitabiriye iki gikorwa

Bitangajwe mu gihe mu Karere kose ka Muhanga hatangijwe iyo gahunda kuri site 60, zingana n’utugari twose tugize Akarere, wongeyeho site z’inyongera kubera imiterere y’Akarere n’aho abana bashobora gukorera Itorero ryo mu biruhuko.

Umuyobozi w’Akarere ka Muhanga, Kayitare Jacqueline, avuga ko gahunda nyamukuru y’Intore mu biruhuko, ari ukwigisha Uburere Mboneragihugu, amateka nyakuri y’Igihugu, gusigasira umutekano wabo mu biruhuko, no kubasobanurira ibiriho bishobora kubangamira uburenganzira bw’umwana.

Agira ati "Hazaboneka umwanya wo kwisanzurana n’abana, batubwire ihohoterwa bashobora guhura naryo, tubone uko turikumira. Iyo uganirije umwana umenya ibimubangamiye mu mibereho ye, amakuru y’uko abayeho mu muryango n’icyo akeneye ngo ubuzima bwe burengerwe, kuko ibyamuhungabanyiriza umutekano urabimenya".

Bitezweho gutanga amakuru ku ihohoterwa

Kayitare avuga ko aho abana bahurira hari uburyo bwo gukina no kuzamura impano, bityo ko gahunda y’Intore mu biruhuko ari amahirwe yo gukurikirana abana no kuzamura impano zabo kugira ngo na zo zizabagirire akamaro.

Abafungiranwaga mu ngo babonye uko bidagadura mu mutekano

Abana bakunze gusigara mu ngo mu miryango yabo bafungiranye nka bumwe mu buryo bwo kubarindira umutekano, bavuga ko byagoranaga guhabwa impushya zo kujya gusura bagenzi babo, kuko ababyeyi babaga batizeye umutekano w’aho bagiye.

Umwe mu bana agira ati "Mu biruhuko nibwo tuba dushaka guhura n’abana duturanye, ariko usanga mu rugo batabibona neza bakeka ko twakwandurirayo imico mibi, ariko ubu tuzajya duhurira mu biganiro dusuhuzanye, dukine twishimane mu mutekano usesuye".

Undi ati "Mu biruhuko hari ababyeyi baba babonye umwanya wo kudukoresha tutaruhuka, ariko tuzajya tubona umwanya nyuma ya saa sita wo kwigana no guhura n’abandi aho kuba twenyine mu mirimo, cyangwa batubujije gusohoka. Iyi gahunda kandi izanatuma abafite ingeso mbi bigira ku bandi kuko bazajya batwigisha indangagaciro".

Abashinzwe gukurikirana abana muri gahunda y’Intore mu biruhuko, bamaze gutozwa no guhabwa gahunda y’ibiganiro bizatangwa hakurikijwe ikigero cy’ubukure bw’umwana, mu Karere ka Muhanga hakaba hateganyijwe ko abasaga ibihumbi 28 ari bo bazitabira iyi gahunda.

Ni umukino wari witabiriwe n’abafana benshi ku mpande zombi, maze mu ntangiro zawo AS Muhanga igerageza kwirwanaho ngo idatsindwa igitego, ariko bigeze mu minota ya nyuma y’igice cya mbere, Rayon Sports ifungura amazamu yinjiza igitego cya mbere, ku ikosa ryari rikorewe Musore Prince mu rubuga, umusifuzi agatanga Penaliti, yatewe na Adama Bagayogo ariko umunyezamu Hategekimana Bonheur akabanza kuyikuramo mbere y’uko uyu Munya-Mali asubiza umupira mu rucundura.

Hishimirwa igitego cya Adama Bagayogo

Igice cya mbere cyarangiye Rayon Sports iyoboye n’igitego 1-0 ariko mu gice cya kabiri Abanya-Muhanga bari biteze kubona ikipe yabo idatsindwa ibitego binshi, iminota icumbi yacyo ya mbere Rayons Sports ibatsinda igitego cya kabiri cya Abdelaziz Harerimana “Rivaldo” nyuma y’ikosa ryakozwe n’umunyezamu Hategekimana Bonheur wahawe umupira na myugariro maze akananirwa guhita awukura imbere y’izamu kugeza ashyizweho igitutu n’umukinnyi wa Rayon Sports maze yashaka gukuraho umupira, akabikora nabi, ukifatirwa n’uyu musore wavuye muri Gasogi United wahise awutera mu izamu neza cyane.

Harerimana Abdelaziz

Umukino wakomeje Rayon Sports iha isomo rya ruhago ikipe ya AS Muhanga, mu gice cya kabiri hagati, dore ko ku munota wa 81 yatsinze igitego cya gatatu cyatsinzwe na Asana Nah Innocent, kigashyira AS Muhanga ku gitutu, gituma abugarizi bayo bongera gukorera ikosa umukinnyi wa Rayons Sports mu rubuga rw’amahina, hatangwa penaliti yinjijwe neza ku munota wa 85 na Abdul Rahman Rukundo "PaPlay", umukino urangira ari ibitego 4-0.

Asana Nah Innocent

Umutoza wa Rayon Sports, Afahmia Lotfi yishimiye imikinire y’ikipe ye, anashima uko AS Muhanga yitwaye, avuga ko atari ikipe mbi.

Yagize ati "Ikipe ya AS Muhanga ntabwo ari ikipe mbi, ni ikipe ikomeye ariko twayitsinze kuko yaje kunanirwa, hari abavuze ko twabanje gukinisha ikipe yacu ya kabiri, ariyo mpamvu tutabonye ibitego byinshi mu gice cya mbere, ntabwo ari byo kuko umukinnyi wese ni utsinda nta kipe ya mbere cyangwa iya kabiri tugira ahubwo, AS Muhanga yaje kunanirwa mu gice cya kabiri bituma tuyitsinda ibitego bitatu".

Amakipe yombi yatangiye ahura mu mikino ya gicuti itegura Shampiyona y’Icyiciro cya Mbere 2025-2026, byumwihariko Rayon Sports inategura imikino ya CAF Confederation Cup izasohokeramo u Rwanda.

Bayisenge Emery yakina umukino wa mbere muri Rayon Sports

Usibye shampiyona na CAF Confederation Cup kandi, Rayons Sport izakira ikipe yo muri Kenya iri kwitegura umukino uzayihuza na Yanga Africans yo muri Tanzania tariki 15 Kanama 2025 ku Munsi w’Igikundiro "Rayon Sports Day" mu gihe AS Muhanga iteganya undi mukino wa gicuti ushobora kuyihuza n’ikipe yo muri Uganda.

Hifashishijwe inzobere mu gukoresha ikoranabuhanga mu kugaragaza imbibi, BIG Mining yemeye ko itari yaramenye ko yarenze imbago zayo ikajya mu z’abandi, ariko nayo isaba ko hategurwa inzira zo mu butaka zikoreshwa na EMITRA, bakazabasha kugenzura niba nayo yaba itarabarengereye.

Ubusanzwe izo Kompanyi zombi zikorera mu Kagari ka Kanyarira, zikorera ahantu hegeranye, ku buryo umwe ashobora kwinjira mu kw’abandi abizi cyangwa atabizi, ariko ntabwo byari bakamenyekanye kuko byagiye hanze ubwo abakozi ba BIG Mining bari mukazi bagahingukira mu mbago EMITRA ikoreramo ubushakashatsi bw’amabuye y’agaciro

Nyuma yo kuzenguruka imbago za EMITRA n’aho bagonganira na BIG Mining, umuhuza muri ubwo bwumvikane ari we RMA yasabye ko abafitanye ibibazo babikemura kuko ibyabaye bigaragarira amaso, maze asaba BIG Mining kureka gukomeza gucukura bagana mu mbago za EMITRA.

Umuyobozi wa RMA mu Ntara y’Amajyepfo Kanyarwanda Innocent, yavuze ko BIG Mining yakoresha ibikorwa remezo yari yamaze kubaka yinjira mu mbago za EMITRA, isubira inyuma aho gukomeza kuzamuka kandi ko bihita bitangira gukurikizwa.

Agira ati, "EMITRA yatugaragarije ko BIG Mining yayinjiriye mu mbago, ariko kubera ko hari ishoramari BIG Mining yakoze ryo kubaka inzira za kijyambere zinjira mu musozi, (Indani) zitapfushwa ubusa ahubwo yazikoresha itambika inamanuka isubira mu mbago zayo kandi bose babyishimiye".

Umuyobozi wa BIG Mining avuga ko bamaze gufunga aho bahuriraga na EMITRA kandi ko gukoresha abahanga mu kugaragaza imbago basanze koko bararengereyw EMITRA

Umuyobozi wa BIG Mining Thomas Habikimana avuga ko batari bamenye ko binjiye mu mbago za EMITRA, kuko gucukura mu kuzimu bigoye kumenya niba warenze imbibi, ariko ko bemeye guhagarika gucukura bagana mu mbago za EMITRA.

Agira ati, " Ntabwo byari byoroshye kuba waba ucukura mu butaka ngo umenye aho ugeze kuko imbago zitagaragaraga neza, ariko twazanye impuguke nabo bazana indi ngo twerekane izo mbago twembi biratunyuze, kuko mbere ntizagaragaraga neza, turumva nta ruhande ruzongera gukora rusatira urundi ngo tube twagirana ikibazo".

Umuyobozi wa EMITRA Mining Mathieu Musafiri, avuga ko bamaze kugeza ikibazo cyabo muri RMA, bihutiye kohereza abaza kubafasha kugikemura, kandi ko kuba hafashwe umwanzuro w’uko BIG Mining idakomeza gukora yinjira mu mbago za EMITRA babyarikiye neza.

Umuyobozi wa EMITRA avuga ko kuba BIG Mining itazongera gucukura ijya mu mbago za EMITRA bishobora gukemura ikibazo neza

Agira ati, "Basanze ikibazo cyacu gifite ishingiro kuko mu nzira ebyiri zose zinjira bacukura ziberekeza mu mbago zacu, hanzuwe ko BIG Mining itangira gukora isubira inyuma, twabyakiriye neza".

Ni ubwumvikane bugezweho nyuma y’uko abakozi ba EMITRA na BIG Mining bashyamiranye n’ubundi, bishingiye ku kutumvikana aho bakorera, ibyemejwe biramutse bishyizwe mu bikorwa hakaba hakongerwa kugaruka umwuka mwiza.

Umujyi wa Ruhango ugenda ushyirwamo imihanda ya kaburimbo ku buryo byakoroshya abashaka kubaka inzu zo gucururizamo

Meya Habarurema avuga ko mu mujyi wa Ruhango hagenda hazamurwa inyubako nziza z’ubucuruzi zakira abantu, zirimo aho abagana Akarere bafatira amafunguro, aho bafatira ibyo kunywa, ishoramari mu burezi, n’ibindi bikorwa remezo bigirwamo uruhare n’abikorera.

Atanga urugero ku muturage uherutse gutangiza ibikorwa byo kubaka umuhanda wa kaburimbo, uzafasha abaturiye ibikorwa bye by’ishoramari, no kuba abikorera barimo kubaka inzu nini ijya hejuru y’ubucuruzi n’imyidagaduro muri Gare ya Ruhango.

Yungamo ko n’ubwo ibyo bikorwa birimo kubakwa, hari n’ibindi bikenewe ngo umujyi wa Ruhango urusheho kwakira abagana Akarere, by’Umwihariko ku nzu z’ubucuruzi ubu ngo bitoroshye kubona aho wakodesha umuryango, kuko izihari zidahagije ugereranyije n’abashaka kuhacururiza, cyakora ngo icyo ni ikimenyetso cyiza mu ishoramari.

Agira ati "Twebwe iyo tubonye ikimenyetso nk’icyo turishima kuko niba inzu zarabuze, ni igihe cyiza cyo gushishikariza abashoramari kubaka inzu nziza z’ubucuruzi, kandi zijyanye n’ishoramari rigezweho. Ni umwanya mwiza wo gutegereza ibindi bikorwa remezo by’imihanda n’amashanyarazi ndetse n’amazi uko byagezwa ahari kubakwa, maze tukajyanamo n’abaturage".

Hakenewe kongerwa inyubako z’ubucuruzi

Abikorera mu Karere ka Ruhango nabo bavuga ko ubu koko bakira abantu benshi bagana Akarere, ku buryo hakenewe ibikorwa remezo byo kubakiriramo birimo n’inyubako nziza, dore ko hari igice kinini cy’ubukerarugendo, kirimo ubushingiye ku muco n’iyobokamana.

Bavuga ko bagiye gukurikiza inama ubuyobozi bubagira, ariko ko nabwo bukwiye kujya bwihutisha ibijyana n’ibikorwa remezo bikenewe, aharimo kubakwa no kwagurirwa umujyi, kuko biba bidakwiye gusigana.

Umuyobozi w’Akarere ka Ruhango kandi avuga ko hari kwigwa Umushinga w’ikibuga cy’indege nini, kizongera urujya n’uruza mu Karere kandi ko ayo makuru yizewe ndetse abaturage bakwiye kuyamenya.

Anavuga ko hagiye kuzura ikibuga kinini cyo kwigishirizaho, no gukoreraho ibizamini byo gutwara imodoka cyubatse mu buryo bugezweho nk’icyo mu Busanza, hakaba kandi hari n’ibindi bikorwa remezo bizakomeza kubakwa muri uyu mwaka w’ingengo y’imari 2025-2026.

Meya Habarurema asaba abaturage gushora imari mu nyubako z’ubucuruzi

Ibikorwa remezo bigira uruhare mu mikino yo gusiganwa ku maguru

Urugero rutangwa ni urwa Alice Musanabera utuye mu mujyi wa Musanze, aho agaragaza ko asigaye abona umugabo we yinjira mu rugo buri mugoroba, afite n’ibyo yahashye mu mujyi wa Kigali, mu gihe mu myaka mike ishize byari nk’inzozi kumubona ataha buri munsi.

Mu myaka 10 ishize, Musanabera ngo yafatwaga nk’umugore wibana, kubera ko umugabo we ukorera i Kigali, ahantu umuntu akora urugendo rw’amasaha abiri muri bisi, ku buryo hari aho byageraga kubera akazi, umugabo we akarara mu mujyi wa Kigali kubera kwirinda gukora ingendo ndende ataha.

Ibyari ugukora ingendo ndende mu gihe kirekire ariko uyu munsi bigenda bigabanuka, kuko imodoka zitwara abagenzi zikora nibura kugera saa mbiri z’ijoro, hakaba hasigaye hariho n’imodoka umuntu yakodesha zikamwihutishiriza urugendo kubera ko hasigaye hari imihanda ikoze neza, ituma abatwara ibinyabiziga n’abakora ingendo boroherwa.

Agira ati, “Ntabwo bikimeze nko muri iyi myaka itanu cyangwa 10 ishize, uziko hari igihe namaraga n’iminsi irindwi ntaciye iryera umugabo wanjye? Ni njyewe witaga ku bana, gukora isuku mu rugo, kwita ku mirimo y’ubuhinzi njyenyine, ariko ubu buri mugoroba arataha byagize impinduka nini mu buzima bw’umuryango wacu”.

Byagenze bite ngo imibare y’abagabo bataha mu ngo yiyongere

Igisubizo cya mbere cyashakirwa mu bijyanye no kongera ibikorwa remezo by’imihanda n’uburyo imiryango igenda ihitamo aho gutura, ndetse no kuba gutwara abantu muri rusange bigenda birushaho gutera imbere, koroshywa no guhenduka.

Ibyo byigaragaza ku batuye mu Turere twa Musanze, Kamonyi, Bugesera na Rwamagana, aho kubera ko ingendo zorohejwe muri iyo mijyi, abahatuye bahitamo kujya no kuva ku kazi bataha iwabo, nk’uko bisigaye bigenda ku mugabo wa Musanabera utakirara ku ibaraza cyangwa ngo arare abyigana b’abandi bacumbika mu nzu z’i Kigali buri munsi.

Ibyo byanatumye koko imibare y’abagore bayoboye imiryango by’igihe gito igabanuka, nk’uko imibare y’ubushakashatsi ibigaragaza.

Hari abagore bakibana bonyine

Mu gihe imibare y’abagore bayoboye imiryango by’igihe gito igenda igabanuka, iy’abagore bayoboye imiryango by’igihe kirekire bo igenda izamuka, n’uko imibare y’Ikigo cy’Igihugu cy’ibarurishamibare ibigaragaza.

Iyo mibare igaragaza ko abagore bayoboye imiryango buri gihe yo yazamutseho gato cyane, kuko yavuye kuri 25%, 2016/17 ikagera 26% umwaka wa 2023/24.

Igitera iyo mibereho ni nko kuba hari abagore bahisemo kwibana, abatandukanye n’abagabo babo, abagore bapfushije abagabo, cyangwa abagore batakibana n’abagabo babo.

Ni urugero rwa Juliet Hanga wo mu Karere ka Gatsibo, ukora akazi k’ubudozi akaba arera abana be babiri, umwe mu bagore ibihumbi batunze imiryango yabo bonyine n’ubwo imibare yabo itarajya neza ahagaragara.
Agira ati, “Ntabwo nigeze mbana n’umugabo, nta n’ubwo mbyicuza, aha ni iwanjye ni njyewe ushyiraho amatekego, nkorera amafaranga ngatunga umuryango wanjye”

Raporo y’Ikigo cy’Igihugu cy’Ibarurishamibare igaragaza ko abagore bayoboye imiryango yabo by’igihe kirekire, igaragara cyane mu bice by’icyaro kurusha mu mijyi, yiganjemo abagore bakennye cyane, abatagira ubutaka, no kuba ntaho bagira bakura ubushobozi bwo gutunga imiryango hagaragara.

Cyakora usanga hari abagore bamwe bihagazeho aho bashobora gukorera no kubona ibitunga imiryango yabo, bakora imirimo iciriritse itanga amafaranga, abakora ubuhinzi, bakabasha kubona ubushobozi bwo kwishyurira abana amashuri,

Ni iki cyihishe mu mibare?

Imiryango iharanira uburenganzira bw’abagore igaragaza ko zimwe mu mbogamizi zikibangamiye umugore mu kuyobora umuryango, harimo izishingiye ku mibereho rusange, n’imiterere y’Ubukungu.

Umukozi w’Urwego rw’igihugu rw’abagore mu Karere ka Musanze, agaragaza ko niba gutwara abantu byoroshye, kubona akazi hafi bikoroha, no kongera ibikorwa remezo byagize uruhare mu gutuma abagabo bakoraga kure bataha mu miryango yabo koko.

Cyakora akanagaragaza ko hakiri abagore benshi bakiyoboye imiryango, kubera ko abagabo batakibaha agaciro, cyangwa se bamwe mu bagore bakaba barusha ubushobozi abo bashakanye, ibyo bikaba bivuze ko kuba umuyobozi w’urugo, hari ubwo bitavuze ko abagabo baba bari mu kazi kure y’ingo buri gihe, ibyo bikaba byatuma raporo itagaragaza neza koko impamvu hari abagore benshi bayoboye imiryango.”

Hakorwa iki?

Raporo ya EICV7 isaba ko abagore bayoboye imiryango bakwiye kwitabwaho, by’umwihariko abafite ibibazo by’amikoro, urugero abadafite ubutaka, abatabasha kubona ingwate ngo bake inguzanyo mu bigo by’imari, abatabasha kubona inyongeramusaruro mu buhinzi, n’abadafite ababitaho mu muryango.

Dusubiye mu Karere ka Musanze, Musanabera avuga ko ubuzima bwahindutse, kuva ubwo umugabo we atangiriye kujya akora ataha kuko ubu abana basigaye bishimye, Ibiganiro mu rugo byariyongereye, gufatira imyanzuro hamwe n’uwo bashakanye nabyo ngo biri mu biri kuryoshya ubuzima bwe n’ubw’umugabo we.

Agira ati, “Njya nibuka imyaka yose nabayeho nifasha byose njyenyine, Nayoboraga umuryango, n’ubwo mu nyandiko havugwaga ibindi ariko ni njyewe wari umutware w’urugo”.

N’ubwo imibare igaragaza ko abagore bayoboye ingo igenda igabanuka nk’uko inkuru ibigarukaho, ntabwo bivuze ko umugore atari ishingiro ry’umuryango, Ni Nyampinga kandi afite imbaraga ntagereranywa mu kubaka umuryango Nyarwanda.

Inzu zatashywe

Abagize iyo miryango bashimira cyane Politiki ya Leta yo gushyira umuturage ku isonga, kuko ari yo yatumye abatishoboye bubakirwa izo nzu, bagashimira Perezida wa Repubulika Paul Kagame wazanye iyo miyoborere igamije guhesha agaciro Umunyarwanda.

Mu marira y’Umunezero abahawe inzu bagaragaje, bavuze ko ibyago bibaho bya mbere bibangamira umuntu ari ukutagira aho kuba, n’aho ubonye mu bushobozi bucye ukabaho nabi utagira icyizere cy’uko buza gucya bimeze.

Umwe yagize ati, "Maze imyaka 16 n’umugabo wanjye tuzerera, tuba mu nzu ziva kuko nizo zabaga zijyanye n’ubushobozi bwacu, ubu turanezerewe bitavugwa, natwe tugiye gukora cyane turihire abana bacu amashuri kuko tubonye aho kuba uzi kubaho ntaho ugira ukinga umusaya"?

Undi mubyeyi agira ati, "Ese mwari muziko buriya ntaho kwicara twagiraga? None tubonye intebe nziza zo kwicaramo, tubonye aho kurara heza, mu gihe ubuzima bwacu bwari bwuzuye intimba n’agahinda kubera kubura aho tuba, turashimira Perezida Kagame watugejeje kuri ubu buzima tukaba natwe tugiye kubaho nk’abandi, abana bacu bagakaraba bagacya".

Umuyobozi w’Akarere ka Muhanga Kayitare Jacqueline avuga ko kubakira abo baturage, byabatwaye ubushobozi butari bucye, ariko ku bufatanye n’abanyamadini n’amatorero n’abandi bafatanyabikorwa basoje icyiciro cya mbere cy’inzu 20 zuzuye mu Kagari ka Gifumba, hakaba hazakomeza kubakwa n’izindi 30 mu cyiciro gikurikiyeho.

Avuga ko usibye izubatswe muri Gifumba, abagize Inama y’Igihugu y’abagore mu Karere ka Muhanga bubakiye inzu indi miryango 12, hakaba kandi n’abubakiwe inzu 30 hirya no hino mu Karere.

Agira ati, "Izi nzu za Gifumba zatwaye asaga miliyoni 160frw, turashimira abitanze ngo zuzure, kuko batumye tubasha guhesha agaciro aba babyeyi babanaga n’abana babo mu buzima butaboroheye, none twishimirire ko twesheje uyu muhigo".

Depite Kalinijabo Bartheremy avuga ko guhabwa inzu zo guturamo, bikwiye kubera abazihawe umusingi wo kwiteza imbere, no kwaguka mu bitekerezo kugira ngo nabo bagire uruhare mu kubaka Igihugu.

Agaruka ku kamaro ko Kwibohora Depite Kalinijabo yavuze ko ari umwanya wo kwisanzura mu bikorwa by’iterambere, kugira Igihugu buri wese yibonamo nta vangura iryo ari ryo ryose, ahubwo Igihugu kigatanga amahirwe angana kuri bose, kuko ariko kwibohora nyakuri bikagaragarira mu bikorwa bitandukanye birimo no kuzamurwa mu bushobozi ku batishoboye.

Agira ati, "Kwibohora ni ukwibuka igihango dufitanye n’izahoze ari ingabo za RPA Inkotanyi, baba abakiri mu nshingano, abazisoje cyangwa abatakiriho bitanze ngo u Rwanda rwongere kuba Igihugu gihesha agaciro umuturage wacyo".

Inzu 20 zahawe abaturage batishiboye zifite agaciro ka Miliyoni 160frw, imwe ikagira ibyumba bitatu, uruganiriro, igikoni n’ubwiherero bwiza, n’ibigega by’amazi bya meterokibe eshatu, hakaba hanateganyijwe kubakirwa irerero ry’abana.

Abahawe izo nzu kandi bazafashwa kubona aho bakorera mu isoko rya Nyabisindu riri hafi yo kuzura, banafashwe gukomeza kwikura mu bukene kugira ngo nabo babashe kwigirira akamaro no kukagirira Igihugu muri rusange.

Ni ikibazo yabajije ku mugoroba wo kuri uyu wa 04 Nyakanga 2025, ubwo yaganiraga n’abitabiriye igitaramo cyo kwibohora akabagaragariza ko Kwibuhora ari urugendo rutarangira kuko imyaka 31 ishize abagishakira u Rwanda inabi bakiriho.

Perezida wa Repuburika yabajije ati “U Rwanda rwakoze iki? Urwanira kubaho baramwamagana? Ariko niko Isi imeze baramwamagana, intambara yabaye muri Congo ntawe utayumva, ese hari umwaka wigeze ushira na rimwe tudasubiyemo ikibazo cy’Interahamwe na FDLR ziri hakurya hariya, turabeshya se turahimba? Twahwemeye se kugaragaza ko muri aka Karere harimo Ingengabitekerezo isa neza n’ibyabaye hano mu Rwanda abantu bakicwa, byaravuzwe birandikwa ariko bigera aho bikarigita bikazima.”

Perezida Kagame avuga ko yagaragarije kenshi abayobozi mu Karere bafata mikoro bagashishikariza abaturage kwica abantu, cyane cyane abavuga ururimi rw’Ikinyarwanda bicwa muri Congo, kandi ko ibyo ntaho bihuriye n’u Rwanda kuko si rwo rwabiteye.

Perezida wa Repuburika Paul Kagame

Agira ati, “Bishoboka bite kuvuga ngo ibyo tuvuga bijyanye n’umutekano bigenda bigahinduka amabuye y’agaciro? N’uyu munsi babimenye tuzahangana nabo abaturega ko uko twirinda tunarinda Igihugu cyacu bitwaje amabuye y’agaciro, nibo biba amabuye ya Congo, abo muri ibyo bihugu bikize birirwa bivuga ubusa nibo biba”.

Avuga ko abitwaza ko Kagame navuga bazamujyana ahantu ntabyo bateze kuko ntaho bamukura, kandi ko nta n’aho bamujyana, kabone n’abo bitwaza ibihano ku bayobozi bakuru b’u Rwanda ko nabo batazi ibyo bakora.

Ibirori byo kwibohora byitabiriwe n’imbaga y’abanyarwanda ndetse n’abanyamahanga batuye cyangwa bakorera mu Rwanda

Abibeshye ku Rwanda bakubiswe inshuro u Rwanda rubaha inzira yo gusubira iwabo
Perezida Kagame kandi yavuze ko abigize abakire bagatanga amasomo ku Rwanda nta shingiro bafite kuko nta n’umwe ukwiriye kwigisha Abanyarwanda uburyo babaho, kuko ari ubucucu bucuramye ahubwo, kandi ko abatumva ubutumwa atanga bakwiye kwitegura kuzabwumva nabi cyangwa neza.

Agira ati, “Ibyabaye Isi yose irebera abacanshuro bakava mu Burayi, abandi banyafurika b’injiji bagahaguruka bakajya gufasha ubuyobozi bwica abaturage babwo, bagafasha interahamwe zamaze abantu hano, none no ngo nibo bashaka kuduha amasomo, ariko murabizi ibyo baboneye i Goma na Bukava kuko ntabwo bari baje kurwana na M23 ahubwo bari baje gutera u Rwanda ariko muzababaze uko byagenze”.

Yongeraho ati, “Uko byagenze rero ni uko twagombaga kubikora, abantu nk’abo mwabonye nyuma yo kubona ko ntacyo badukoraho, twabahaye inzira banasubira iyo baturutse. Twabahaye inzira tubaha umutekano ku buryo bagera iwabo amahoro, ariko bazaga gushira iyo bagerageza bagahatiriza. Ntabwo ari urwenya, ndababwira ko abadashaka kumva niba bafite ukundi bashaka tuzabireba. Byatubayeho rimwe kandi rimwe ni ryinshi ntibizongera ukundi.”

Kagame avuga ko n’abitwaza ko bafite imbaraga n’ubushobozi bwo gutera u Rwanda ubwoba, u Rwanda rwababwiye ko n’ubwo babikeka gutyo ruzakoresha ubushobozozi buhari kugeza aho bishoboka ariko ntihagire uruhagarara hejuru, kuko Abanyarwanda bashobora kugenda kirometero zisaga 2.000 n’amaguru barwana kandi bagakemura ibibazo byarwo.

Perezida Kagame asaba ko abadashaka gukorana n’u Rwanda barureka, n’ayo mafaranga yabo bakayajyana aho bashaka, n’uko bifuza kuyatanga, n’ubwo narwo ruyakeneye, ariko ko nta mafaranga akenewe yo koshya Abanyarwanda kandi ko ntaho ayo mafaranga yabo bazayajyana ngo akoreshwe neza kurusha uko u Rwanda ruyakoresha.

Urugamba rwo kwibohora, umurage w’abanyarwanda
Perezida Kagame avuga ko n’abatari bakavuka igihe urugendo rw’urugamba rwo kubohora Igihugu rwatangiye, bakuze bakajya muri iyo nzira, kandi ko ari urugendo rwatangiye rudafite aho ruzarangirira.

Agira ati, “Ibyinshi biri imbere uyu munsi impamvu yawo wibukwa ntabwo ari ukuvuga ibishya tutazi, ni ukutwibutsa byinshi tuzi, ibibi n’ibyiza n’impamvu yabyo, kugira ngo buri wese yisange mu ruhare akwiriye kuba afite kugira ngo ibyiza by’uyu munsi abe ari byo bishyirwa imbere”.

Yongeraho ati, “Impamvu mvuga inkomoko ntavuga iherezo ndasubiramo ko n’abatari bakavutse, aho bavukiye bagakura bagomba kujya mu nzira y’igikorwa nk’iki ngiki, ni nabo batuma gukomeza kuko abantu, njye nawe n’abandi twese tugira iherezo ariko ntabwo Igihugu kigira iherezo, kugira ngo rero kitagira iherezo nibyo navugaga ko n’uvutse uyu munsi aho akuriye ajya muri ya nzira bigakomeza”.

Avuga ko mu myaka 31 ishize mu Rwanda hari ubusa n’abariho batakiriho, ababishe nabo bari muri ubwo busa bw’Igihugu kuko ntabwo waba uri muzima wiha agaciro unagafite, ngo ubuze abantu nkawe ubuzima.

Agira ati, “Uyu munsi utwibutsa ngo dufite inshingano ko ibyabaye bitari bikwiriye kubaho bitazasubira kuko rimwe byabaye kuri twe ni kenshi, rimwe ni kenshi katasubira. Hari ubwo umuntu abwira abantu ntibumve kuko bagira amatwi ntibumve bakagira ubwenge ntibatekereze, kandi nta na rimwe ntabibabwira ko ibyatubayeho bitazasubira kandi si ibyo ngomba gutegera ubyumva arabyumva, utabyumva biramureba baba abari mu Rwanda cyangwa abari hanze yarwo cyangwa se batari n’Abanyarwanda”.

Perezida Kagame avuga ko n’abatari bakavuka igihe urugendo rw’urugamba rwo kubohora Igihugu rwatangiye, bakuze bakajya muri iyo nzira, kandi ko ari urugendo rwatangiye rudafite aho ruzarangirira.

Agira ati, “Ibyinshi biri imbere uyu munsi impamvu yawo wibukwa ntabwo ari ukuvuga ibishya tutazi, ni ukutwibutsa byinshi tuzi, ibibi n’ibyiza n’impamvu yabyo, kugira ngo buri wese yisange mu ruhare akwiriye kuba afite kugira ngo ibyiza by’uyu munsi abe ari byo bishyirwa imbere”.

Yongeraho ati, “Impamvu mvuga inkomoko ntavuga iherezo ndasubiramo ko n’abatari bakavutse, aho bavukiye bagakura bagomba kujya mu nzira y’igikorwa nk’iki ngiki, ni nabo batuma gukomeza kuko abantu, njye nawe n’abandi twese tugira iherezo ariko ntabwo Igihugu kigira iherezo, kugira ngo rero kitagira iherezo nibyo navugaga ko n’uvutse uyu munsi aho akuriye ajya muri ya nzira bigakomeza”.

Avuga ko mu myaka 31 ishize mu Rwanda hari ubusa n’abariho batakiriho, ababishe nabo bari muri ubwo busa bw’Igihugu kuko ntabwo waba uri muzima wiha agaciro unagafite, ngo ubuze abantu nkawe ubuzima.

Agira ati, “Uyu munsi utwibutsa ngo dufite inshingano ko ibyabaye bitari bikwiriye kubaho bitazasubira kuko rimwe byabaye kuri twe ni kenshi, rimwe ni kenshi katasubira. Hari ubwo umuntu abwira abantu ntibumve kuko bagira amatwi ntibumve bakagira ubwenge ntibatekereze, kandi nta na rimwe ntabibabwira ko ibyatubayeho bitazasubira kandi si ibyo ngomba gutegera ubyumva arabyumva, utabyumva biramureba baba abari mu Rwanda cyangwa abari hanze yarwo cyangwa se batari n’Abanyarwanda”.

Abitabiriye ibirori banejejwe n’ijambo Perezida Kagame yavuze

Ijambo Perezida Kagame yavuze ryanyuze imbaga y’abari aha, banyuzagamo bakamuha amashyi menshi igihe yabaga avuze ikibakora ku mutima kurushaho, cyangwa ikijyanye n’indangagaciro z’Abanyarwanda, ubudaheranwa n’ishyaka ryo gukomeza ubutwari bwaranze abitangiye igihugu.

Ibirori byaranzwe kandi byaranzwe no kwidagadura ndetse no gusabana.

Kwidagadura mu birori byo kwibohora

Kwidagadura mu birori byo kwibohora

Nyakubahwa First Lady Jeannette Kagame

Kwidagadura mu birori byo kwibohora

Imiryango itishoboye yubakiwe inzu zigezweho

Minisitiri w’Umutekano Dr. Vincent Biruta, avuga ko havuwe kandi abaturage hafi ibihumbi 43, hakaba hanateganyiiwe ko abubakiwe, bazafashwa mu mishinga itandukanye y’iterambere irimo iy’ubworozi bw’inka n’amatungo magufi, n’ubworozi bw’amafi kugira ngo barusheho kwiteza imbere, bityo ibikorwa bya Polisi n’Ingabo z’Igihugu bikomeze kugira impinduka mu mibereho y’Abanyarwanda.

Agira ati "Ibikorwa turabibahaye, bishimangira ishusho y’ubufatanye hagati y’inzego z’ibanze, Police n’Ingabo, namwe mubibungabunge kuko hari ababihabwa bagahita bumva ko inzego z’umutekano zizaza no kubibasanira, namwe mugire uruhare mu kubifata neza kuko aribwo muzaba mugaragaje agaciro mubiha n’uko mwahinduye imyumvire".

Batubohoye ingoyi yo kuraraguza natwe tugiye Kwibohora ubukene: Abahawe inzu ba Ngororero

Abaturage bo mu miryango itishoboye mu Karere ka Ngororero bahawe inzu zo guturamo, bavuga ko babohowe ingoyi yo kuraraguza batagiraga aho bakinga umusaya, na bo bakaba bagiye gukora cyane bakibohora ingoyi y’ubukene.

Ubwo batahaga izo nzu mu Ngororero

Babitangarije muri icyo gikorwa cyo kubashyikiriza inzu zubatswe ku bikorwa bihuriwe n’inzego z’umutekano n’abaturage (Community outreach program), bihuza Ingabo na Polisi hagamijwe kwegera abaturage mu Karere ka Ngororero.

Izo nzu zubakiwe abatishoboye bo mu Murenge wa Gatumba mu Karere ka Ngororero, mu buryo bw’inzu zakira imiryango ibiri mu nzu imwe (Two in one), zashyizwemo ibikoresho byo mu nzu n’ibiryamirwa, ubwiherero bwo hanze, igikoni ubwogero, n’ibigega by’amazi.

Minisitiri Biruta wifatanyije n’Ubuyobozi bw’Intara y’Iburengerazuba n’Akarere ka Ngororero gutanga izo nzu, agaruka ku mpamvu abaturage bubakirwa, yagaragaje ko hagamijwe kubafasha kwiteza imbere, kuko umuturage utuye nabi adakora ngo agere ku iterambere rirambye.

Umuryango wa Nkurunziza Bonaventure na Murekeyisoni Jeanne wo mu Karere ka Ngororero, ugaragaza ko guhabwa inzu yo guturamo n’abana bane babyaye, ari nko kongera kuvugurura umubano w’abashakanye, no guha umutuzo abana bakaryama neza batabyigana.

Barashima Leta y’Ubumwe bw’Abanyarwanda itagira uwo isiga inyuma

Murekeyisoni n’umugabo we bagaragaza ko iyo ufite abana benshi mu kazu katabakwiriye, nta mutuzo kuri bo n’ababyeyi babo, kandi ko kubona inzu ari igishoro gikomeye cyo kwibohora ubukene.

Agira ati "Ubu tubohotse kuraraguza, tugiye noneho natwe kwiteza imbere, inzu ni ukuduha amahoro ntabwo tuzongera gutegereza ko abana baba badahari, agasambu dufite tukakabyaza umusaruro. Ni yo mpamvu dushimira Perezida Kagame watugejeje muri ibi bikorwa, narangiza iyi manda ye muzamubwire ko n’ubundi twiteguye kumutora, azirikana abana n’ababyeyi babayeho nabi nabo bagahindura ubuzima".

Mu rwego rwo kwizihiza isabukuru yo Kwibohora ku nshuro 31 kandi, abagize Komite Nyobozi y’Akarere bari kumwe n’inzego z’umutekano bifatanyije n’abaturage bo mu Murenge wa Rongi mu gikorwa cyo gutaha ku mugaragaro ikiraro cya Magarure, cyubatswe hagamijwe koroshya ubuhahirane hagati y’Akagari ka Gasharu n’aka Nyamirambo, kikaba kimwe muri 13 Minisitiri Biruta avuga ko byubatswe mu mezi atatu ashize.

Minisitiri Biruta arasaba Abanyarwanda gusigasira ibikorwa bagezwaho

Iki kiraro na cyo cyubatswe muri gahunda y’ibikorwa by’Ingabo na Polisi y’Igihugu bigamije gufasha abaturage mu mibereho myiza n’iterambere, byari bifite insanganyamatsiko igira iti "Ubufatanye bw’abaturage n’inzego z’umutekano mu Kwizihiza #Kwibohora31 n’imyaka 25 y’imikoranire na Polisi y’u Rwanda”.

Hari abagejejweho amazi meza

Inzu ziba zirimo n’ibikoresho by’ibanze

Abaturage baravuwe ku buntu

Bubakiwe n’uturima tw’igikoni

Muhanga hatashywe ikiraro

Ingengo y’Imari ya Miliyari 35Frw ni yo yatowe izakoreshwa mu mwaka wa 2025-2026

Bitangajwe mu gihe abatuye umujyi wa Muhanga bahora bataka ikibazo cy’amazi macye, ku buryo hari n’abatuye mu bice bashobora kumara ukwezi atarabageraho muri gahunda y’isaranganya, yashyizweho n’Ikigo gishinzwe gukwirakwiza amazi isuku n’isukura, WASAC, ishami rya Muhanga.

Ubwo hatangazwaga ingengo y’Imari y’umwaka wa 2025-2026 mu Karere ka Muhanga, Perezida w’Inama Njyanama, Nshimiyimana Gilbert, yabwiye Kigali Today ko gushakira abatuye umujyi wa Muhanga amazi meza, bizakorwa ku bufatanye n’Ikigo cy’Igihugu gishinzwe amazi (RWB) na WASAC, ahateganyijwe gutunganya no kongerera ubushobozi icyuzi cya Rugeramigozi mu kubika amazi menshi.

Agira ati "Uyu mwaka uzarangira habonetse amazi ahagije, bizakorwa mu byiciro aho icya mbere kizatwara asaga Miliyoni 300Frw, hagende hakurikiraho n’ibindi byiciro kugira ngo kiriya Cyuzi kibike amazi ahagije. Ni umuhigo w’Akarere kandi ugomba gushyirwa mu bikorwa".

AS Muhanga na yo izatwara Miliyoni 250Frw

Inama Njyanama y’Akarere ka Muhanga kandi yageneye ikipe ya AS Muhanga ingengo y’Imari ya Miliyoni 250Frw, mu rwego rwo kuyifasha gukomeza imikino ya Shampiyona y’icyiciro cya mbere, yazamutsemo mu mwaka w’imikino ushize wa 2025.

Ayo mafaranga yongerewe, ikipe ubundi yari isanzwe ihabwa Miliyoni zirenga gato 79Frw ku mwaka, ikina mu cyiciro cya kabiri yari imazemo igihe, ubu hakaba hari icyizere ko izitwara neza mu cyiciro cya mbere yari imaze igihe ishakisha.

Nshimiyimana avuga ko ayo mafaranga azafasha ikipe kwiyubaka, nk’iyinjiye mu cyiciro cya mbere cya Shampiyona mu Rwanda, guhemba no kwita ku mibereho y’abakinnyi, n’ibindi ikipe ikenera.

Ingengo y’Imari y’Akarere ka Muhanga umwaka wa 2025-2026 ingana na Miliyari 35Frw, akaba azava mu bikorwa by’Akarere, abafatanyabikorwa no ku mafaranga asanzwe atangwa na Guverinoma mu kwita ku bikorwa remezo byubakwa mu Karere, no kwita ku mibereho myiza y’abaturage n’imiyoboborere myiza.

Agira ati "Ingengo y’Imari mu bukungu izibanda ku kubaka imihanda, ibiraro, amasoko. Mu mibereho myiza hazubakwa ibyumba by’amashuri no gusana ibishaje, kugaburira abana ku mashuri no kwita ku mibereho ya mwarimu, hazanashyirwa imbaraga mu bikorwa by’ubuvuzi no kurengera abatishoboye muri gahunda ya VUP".

Perezida w’Inama Njyanama y’Akarere ka Muhanga iburyo) Nshimiyimana Gilbert avuga ko amazi meza mu Mujyi wa muhanga ari umuhigo washyizwe imbere

Avuga ko mu miyoborere myiza imbaraga zizashyirwa mu kurinda abaturage gusiragira, ahubwo hakanozwa imitangire ya serivisi mu buryo bw’ikoranabuhanga.

Asaba abatuye Akarere ka Muhanga gukomeza gahunda bihaye yo kuvugurura umujyi, kugira ngo Leta ikomeze kubunganira na bo bashyiraho akabo, akanasaba abikorera kugira uruhare mu gutanga imisoro neza kugira ngo amafaranga ateganyijwe kuva mu misoro hafi Miliyari ebyiri n’igice aboneke.

Bashyize indabo ku Rwibutso rwa Kibilira

Chairperson wa RPF Inkotanyi muri uwo Murenge Duhozanye Beline avuga ko impamvu nyamukuru biyemeje kujya basura inzibutso za Jenoside yakorewe Abatutsi, ari ukumenya neza amateka nyayo ya Jenoside by’umwihariko ku rubyiruko, no kuyasobanurira abandi hagamijwe guhangana n’ingengabitekerezo yayo.

Agira ati, "Aha hari amateka yivugira imibiri iruhukiye hano ni myinshi isaga ibihumbi 24, n’ahandi mu nzibutso hari imibiri myinshi nka gihamya ko Jenoside yateguwe, ikanashyirwa mu bikorwa n’Ubuyobozi buyihagarikiye, twe rero turi abahamya ko amakuru twamenye ari ingenzi atuma tunigira ku Nkotanyi zitanze zigahagarika Jenoside".

Chairman wungirije w’Umuryango FPR Inkotanyi mu Karere ka Ngororero Rushyana Etienne, avuga ko gusura urwibutso ari umwanya wo kongera gutegereza ku bukana bwa Jenoside yakorewe Abatutsi, no gukumira ko yakongera kubaho ukundi, kuko ibyabaye ari ubugome ndengakamera.

Agira ati, "Aha twongera kwibuka ko Abanyamuryango ba FPR Inkotanyi dufite umukoro ukomeye wo kurwanya Jenoside n’ingengabitekerezo yayo, tukaba aba mbere mu kwigisha ububi bwa Jenoside kuko nitwe moteri ya Guverinoma, kumenya amateka atandukanye rero buzadufasha kugira urubyiruko rusobanukiwe kandi rwiyemeza guharanira ukuri".

Biyemeje kujya basura urwibutso nibura rimwe mu mwaka

Rushyana avuga ko Abanyamuryango ba FPR Inkotanyi bakwiye kugira uruhare mu kubanisha Abanyarwanda, kandi bakagira uruhare mu kwegera abagifite amakuru y’ahajugunywe imibiri y’abishwe muri Jenoside, bagatanga ayo makuru kuko ari kimwe mu bituma Abarokotse Jenoside badaheranwa n’agahinda.

Umuryango uharanira inyungu z’Abarokotse Jenoside yakorewe Abatutsi mu 1994 IBUKA mu Karere ka Ngororero, urasaba kandi Imirenge yose igize ako Karere kwigira ku Murenge wa Muhanda, ku bikorwa byiza wiyemeje byo gusura inzibutso za Jenoside no kuremera abayirokotse batishiboye.

Umuyobozi wa IBUKA mu Karere ka Ngororero Jean Claude Ntagisanimana, avuga ko umwihariko wa Muhanda ari uko Abanyamuryango wa FPR Inkotanyi baho, biyemeje ko buri mwaka bakora igikorwa cyo gusura urwibutso nibura rumwe kandi bakanaremera uwarokotse, ku buryo n’abandi bagiye babikora byarushaho guhashya abahembera ingengabitekerezo ya Jenoside no guhindura imibereho y’abarokotse batishiboye.

Bagabiye inka uwarokotse Jenoside utishoboye

Ntagisanimana asaba ko n’Indi Mirenge yigira ku wa Muhanda

Rushyana avuga ko Abanyamuryango ba FPR-Inkotanyi bakwiye kugira uruhare mu kubanisha Abanyarwanda

Meya Kayitare avuga ko urubyiruko rwipfusha ubusa rwiyicira ejo hazaza n’ah’Igihugu

Umuyobozi w’Akarere yabitangarije mu Nteko rusange y’Urubyiruko, yahuje uruhagarariye abandi mu Mirenge 12 yose igize Akarere, aho yagaragaje ko iyo urubyiruko rwitwaye nabi habura uruyobora urundi mu bikorwa byiza, n’igihe cyo gufata inshingano cyagera ntirutange umusaruro, kuko iyo ukuze witwara nabi bidakunda kugororwa.

Meya Kayitare yavuze ko ubusanzwe abagize Inama y’Igihugu y’Urubyiruko, bakwiye kuba intangarugero ku bo bayobora, kandi kubera ko ruzavamo abayobozi rukwiye gukurana iryo shema ryo kuzayobora neza, ari na yo mpamvu hashyizweho urwo rwego.

Agira ati "Abayobozi turiho turakura duzasaza, ni yo mpamvu mukwiye kwitegura kuzadusimbura, tubashoramo imbaraga kugira ngo muzabashe kugira aho mugeza Igihugu muhereye aho tukigejeje. Niba rero wipfusha ubusa uri kwiyangiza ubwawe n’Igihugu muri rusange, nimureke kwipfusha ubusa kuko hari ingero z’abakora bakaba urugero ku bandi".

Abitabiriye inteko rusange y’urubyiruko

Urubyiruko rukora neza rugera kuri byinshi bitanga icyizere

Mukeshimana Onesphole witeje imbere binyuze mu buhinzi n’ubworozi, avuga ko yatangiye gukunda umurimo, aza kugera ku rwego rwo guhabwa inguzanyo ya Miliyoni eshanu akomeza gushora mu buhinzi, kugeza ubwo ageze ku musaruro ushimishije, kuko amaze kugura ubutaka yaguriraho ibikorwa bye.

Agira ati "Umushinga witwa Shora Neza wamfashije kubona iyo nguzanyo, ndacyari muto ariko maze kugira ingurube zirindwi zigiye kubwagura, naguze ubutaka ngura n’inzu yo guturamo byose mbikesha ubuhinzi n’ubworozi. Ndashishikariza urubyiruko gukura amaboko mu mifuka rugakora, kuko ubu ngeze ku kigero cyo kuba nakoresha abakozi 30 mu buhinzi bwanjye kandi nkabahemba".

Umwe mu bakomoka mu Mudugudu w’Icyitegererezo wa Horezo mu Murenge wa Rongi, avuga ko itsinda ryabo rifite umushinga wo korora inkoko ku buryo basarura amagi 650 buri munsi, kandi banahawe igihembo cy’amafaranga Miliyoni n’igice ku rwego rw’Igihugu kubera gukora cyane.

Urubyiruko rwakoze neza rwashimiwe

Agira ati "Itsinda ryacu riri gufasha kurwanya imirire mibi, kuko buri cyumweru dutanga amagi ku bana bari mu irereo rya Horezo, kandi turagurisha amagi amasoko turayafite. Tumaze no gushyiraho umushinga wo korora ingurube, twatangiye no kubishishikariza abandi, ku buryo duhamya ko urubyiruko rukoze neza rwakunguka".

Umuyobozi w’Inama y’Igihugu y’urubyiruko mu Karere ka Muhanga Ntirenganya Vedaste, avuga ko bagiye gukora ibishoboka bagakurikiza inama bagirwa n’Ubuyobozi, kugira ngo barusheho gukora ibikorwa bibateza imbere, haba mu iterambere ry’Ubukungu n’ibitekerezo.

Muri iyo Nteko rusange, hashimiwe amatsinda y’urubyiruko yiyemeje gukora akiteza imbere bahabwa kuva ku mafaranga ibihumbi 100 kugera ku bihimbi 300, ku buryo hari n’abatangiye gufata ibihembo ku rwego rw’Igihugu, birimo n’amafaranga agamije gukomeza guteza imbere imishinga yarwo.

Bimwe mu bikoresho by’umushinga w’amazi meza

Ni Umushinga watangijwe ku wa 20 Kamena 2025, aho biteganyijwe ko uzaha inguzanyo abikorera mu bikorwa byo gukwirakwiza amazi meza, isuku n’isukura n’ibindi bikorwa by’isuku mu bice bitandukanye by’Igihugu.

Abifuza gushora mu by’amazi meza bazahabwa inguzanyo y’igishoro, bagabanyirijwe inyungu kugera kuri 17.5%, banahabwe ingwate ya 70% by’inguzanyo bifuza, aho bashobora kwigurira ibikoresho, guhemba abakozi, kwishyura ibijyanye n’ubwikorezi n’ibindi bijyanye n’Umushinga.

Abashaka gushora mu isuku n’isukura bazungukira mu gukoresha imodoka zabugenewe, mu gutwara imyanda n’amazi yanduye kandi bazagurizwa amafaranga yo kuzigura, hamwe n’ibindi bikoresho nkenerwa mu kazi ka buri munsi.

Abafite imishinga y’isuku by’Umwihariko abagore, bazahabwa inguzanyo zo kugura ibicuruzwa kugera kuri Miliyoni 15Frw nta ngwate batswe, mu rwego rwo kubabonera igishoro gihagije mu bucuruzi bw’ibikoresho by’isuku, ku bagore bihangiye imirimo.

Uyu mushinga kandi uje gufasha abari bafite imishinga yaheze mu bitekerezo kuyishyira mu bikorwa, bityo bikazanafasha gahunda ya Leta yo kugeza amazi meza ku baturage bose 100%, bitarenze umwaka wa 2029.

Kugeza ubu 93% by’abaturage ni bo bagerwaho n’amazi meza, aho 68% bashobora kujya no kuva kuvoma mu minota 30.

Umuyobozi wa gahunda ya SME muri Banki ya Kigali, Darius Mukunzi, avuga ko batekereje gutanga inguzanyo kuri iyo mishinga, nyuma yo gukora isesengura ku bibazo abasanzwe bakora iby’isuku n’isukura bahura nabyo, haba ku kubona igishoro n’Ibikoresho bigezweho.

Umuyobozi w’umushinga Water For People mu Rwanda, Eugene Dusingizumuremyi, ashimira uburyo BK yahisemo gutera inkunga iyo mishinga, kuko ari uguha amahirwe abashaka gushora muri gahunda ya WASH.

Agira ati "Ndashishikariza abikorera gufata inguzanyo kuko Leta ntiyabasha yonyine gufasha mu bikorwa by’isuku n’isukura, dukeneye udushya no gushaka ubundi buryo byakorwamo, kugira ngo dufashe Leta kugera ku cyerecyezo kirambye".

Umuyobozi wa WASH muri UNICEF Rwanda, Malik Murtaza, agaragaza ko kutagira igishoro mu bifuza kunoza ibikorwa by’isuku mu gukwirakwiza amazi meza, bibangamira ishoramari no guhanga udushya ku bashoramari.

Avuga ko nibura Miliyari 320Frw ariyo ashyirwa mu bikorwa byo gukwirakwiza amazi meza, isuku n’isukura no kunoza isuku, Umushinga wa WASH ukazafasha kurushaho guteza imbere ibyo bikorwa.

Agira ati "Uyu munsi hatewe indi ntambwe ishimishije mu kubonera abikorera uburyo bwo kugera ku mari bifashisha, ndashimira BK n’Umushinga wa Water for People ku bufatanye na UNICEF".

Umuyobozi mukuru w’agateganyo wa WASAC Eng. Dominique Murekezi, avuga ko uwo mishinga uje gufasha abashoramari bato kwihangira imirimo, no kuzamura igipimo cy’ishoramari mu mirimo ibyara inyungu kandi itanga akazi.

Agira ati "Ntabwo twabigeraho twenyine, ni ngombwa ko inzego z’abikorera ziza kudufasha kugera ku ntego zo gukwirakwiza amazi, isuku n’isukura no kunoza ibikorwa by’isuku".

Umuyobozi mukuru w’Ishami rishinzwe isuku n’isukura muri Minisiteri y’Ibikorwa Remezo, avuga ko ugereranyine n’uko ibikorwa byo kugeza amazi meza ku baturage byagenze kuva mu mwaka wa 2014, kugera mu wa 2024, Leta yonyine itakoroherwa no kugera mu ntego yihaye kugeza 2029, ari yo mpamvu asanga kuba inzego z’abikorera zije gushoramo ari iby’ingenzi cyane.

Abayobozi batandukanye bunamiye abari abakozi ba Perefegitura Gitarama bazize Jenoside

Abahawe inka bavuga ko bahoranye amaboko y’ababo babafasha kugira imibereho myiza, ariko nyuma yo kwicwa, bagize ubuzima bubi bw’ubukene kugeza no kutagira itungo mu rugo rwahozemo ubukungu.

Umwe mu bahawe inka, Yankurije Cesarie, avuga ko ubu agiye kongera kugira ubuzima bwiza, kuko n’ubundi yazihoranye zikaza gusahurwa no kuribwa muri Jenoside yakorewe Abatutsi mu 1994.

Agira ati "Turashimira abakozi n’Akarere ka Muhanga bongeye kudutekerezaho, aho twakuraga amaboko barayatwambuye, ubuzima buba bubi inka zacu ziraribwa, na nyuma ya Jenoside ntabwo twabashije kongera gutunga, kuko buriya nta n’ubwo twari dufite icyizere cyo kubaho. Twakomeje gucika intege no gukora nta mbaraga bikatunanira, none baduteye ingabo mu bitugu, izi nka zizadufasha kongera kimererwa neza".

Undi mubyeyi, Muhimpundu Melanie wahawe inka, na we avuga ko kongera gutunga bizatuma n’ubutaka bwe bwera, akabona aho ahinga imboga akeza kandi akongera kunywa amata, dore ko n’igiciro cyayo ku isoko atari akibasha kukigondera.

Agira ati "Ubushobozi bwo kugura amata sinari nkibashije kububona, nta muturanyi wakamaga ngo ampe amata, bose baba bayashakamo amafaranga, ariko njyewe nzakamira abaturanyi pe, kuko Imana n’abayobozi baduhaye amata ngiye guca ukubiri n’ubworo".

Umuyobozi w’Akarere ka Muhanga, Kayitare Jacqueline, avuga ko abari abakozi ba Perefegitura Gitarama, bakoraga bagamije guteza imbere Igihugu n’imiryango yabo, ariko abo bakoranaga bo siko babishakaga ahubwo bahisemo kubambura ubuzima kubera imiyoborere mibi.

Avuga ko abakoreraga Perefegitura Gitarama bari bizeye ko n’ubwo bahabwaga imirimo iciriritse, bari kuzagera aho bagafatwa nk’abandi, ariko nabyo byaranze baricwa, Igihugu kibura abagikorera, ahubwo kigwiza ibigwari byuzuye ubugome, ariko ko ibyo bitazongera ukundi kuko Leta y’Ubumwe bw’Abanyarwanda yagaruye Ubumwe kandi abarokotse Jenoside ntibazongera kwicwa.

Agira ati "Ubundi Leta ifite inshingano zo kurinda abaturage bayo, umukozi mugenzi wawe uba wizeye ko muhujwe n’akazi mukwiye kuba mufashanya mu byiza n’ibibi, ariko Abatutsi baranzwe no mu mirimo barahigwa kandi ababahigaga bari babazi neza ntaho kubahungira, ariko ntibizongera kuko Leta y’Ubumwe yimitse Ubunyarwanda".

Uturere tugize iyahoze ari Perefegitura Gitarama, ni Nyamabuye, Mushubati, Rutobwe, Nyabikenke, Nyakabanda na Buringa, ubu ni Akarere ka Muhanga ahabereye ubwicanyi ndengakamera kubera ko ariho hakomoka abari abayobozi, barimo na Parezida Kayibanda wakwirakwije ingengabitekerezo ya PARMEHUTU yo kwanga no kwica Abatutsi.

Abaremewe Inka bishimiye kongera gutunga no kunywa amata

Abantu 18 bakomerekeye muri iyi mpanuka

Ni impanuka yabereye mu Kagari ka Runyinya mu Mudugudu wa Marembo, aho iyo modoka yarenze umuhanda ikagwa hafi mu mugezi wa Nyahene, abagenzi bose n’umushoferi barakomereka, n’imodoka irangirika cyane.

Amakuru atangazwa n’Umunyamabanga Nshingwabikorwa w’Umurenge wa Hindiro, Musabyimana Japhet, avuga ko iyo mpanuka ari iya kane ihabereye mu mezi atandatu ashize, hagakekwa ko abashoferi bahagera bamaze kwirara kubera ko ikoni riberamo izo mpanuka, riba ritagaragara neza.

Agira ati "Urebye mbere y’uko ugera ahabera izo mpanuka no muri uku kwezi, haguye imodoka yari itwaye abagororwa ibajyanye ku bitaro bya Kabgayi, iyo ugiye kuhagera hateye neza abashoferi bakiruka, bakagera muri iryo koni rikabatungura bakarenga umuhanda. Imiterere y’umuhanda no kwirara kw’abashoferi ni byo nyirabayazana w’izo mpanuka".

Avuga ko muri izo mpanuka zose nta wahise uhasiga ubuzima, ariko impanuka ya Minibisi yo ku mugoroba wo ku wa 22 Kamena 2025, birakekwa ko umuntu umwe yaba yamaze kugwa mu bitaro bya Kabaya, naho abandi barembye bakaba barimo kwitabwaho.

Agira ati "Hari abarimo kwitabwaho ku bitaro bya Kabaya, hari n’abagiye koherezwa mu bitaro i Kigali. Turakeka ko haba hari uwamaze gupfa, hari n’aboherejwe ku bitaro bya Ruhengeri".

Musabyimana asaba abakoresha umuhanda Ngororero-Mukamira kwitwararika mu makorosi yo mu misozi ya Hindiro na Kabaya, kuko ahabereye iyo mpanuka hateye nabi kandi bimaze kumenyerwa ko imodoka nyinshi zihagwa.

Minisitiri w’Uburezi Joseph Nsengimana

Minisitiri w’Uburezi Joseph Nsengimana, yabitangarije mu kiganiro kigamije gusobanura uko uburezi bw’amashuri yisumbuye mu byiciro byombi buhagaze, n’icyakorwa ngo burusheho gutezwa imbere, aho yagaragaje ko ikoranabuhanga rikoresha ubwenge buhangano, rizatangira gushyirwa mu mashuri yisumbuye n’ay’Ubumenyi ngiro mu mwaka utaha w’amashuri wa 2025-2026.

Minisitiri w’Uburezi avuga ko ubwenge buhangano buzafasha abanyeshuri kunguka ubumenyi bujyanye n’igihe, kongerera abarimu ubushobozi no gutuma abarangiza amashuri yisumbuye baba bafite ubumenyi rusange, ku bijyanye n’ikoreshwa ry’ubwenge bukorano.

Minisitiri Nsengimana agaragaza ko kwigisha abakiri mu mashuri yisumbuye, ikoreshwa ry’ubwenge buhangano, bizategura abazakomereza muri Kaminuza kubucengera, kuko usanga amasomo abantu bafatira muri Kaminuza baba batayacukumbuye neza nk’abayahereye hasi.

Agira ati "Ni byiza ko abana bacu bajyana n’ubumenyi bugezweho, ikoranabuhanga rijyanye n’igihe rirakoresha ubwenge buhangano, natwe rero mu Rwanda dukwiye gutangirira hasi twigisha uko bukora n’uko bukoreshwa, kugira ngo tudasigara inyuma".

Ku kijyanye n’abibaza ko ubwenge bukorano buzatesha akazi abasanzwe bakoresha ikoranabuhanga rigiye gusaza n’abatarikoreshaga, Minisitiri w’Uburezi abamara impungenge kuko ngo n’ubwo hari imirimo izatakara, ariko hazahangwa indi myinshi myishya.

Agira ati "Izo mpungenge zikwiye gushira kuko ubwo imashini zisiza n’izicukura zadukaga, abantu bagize impungenge z’uko bizagenda ngo akazi karabuze ariko si ko byagenze. Ubwo Mudasobwa zadukaga abantu baravuze bati turapfuye birarangiye zije gusimbura akazi kacu ariko si ko byagenze, ubwo hadukaga imodoka abikorera ku mutwe nabo baratatse, ariko ibyo byose byaje bije korohereza umuntu, gukora ibigendanye n’igihe no kongera akazi aho kugatakaza".

Minisitiri w’Uburezi yanatangaje ko mu rwego rwo gukomeza kuzamura ireme ry’uburezi ku biga Siyansi, ubu hagiye kuvugururwa ibyiciro by’amasomo akomatanyije, kugira ngo hinjizweho ibikenewe byatuma Siyansi itera imbere koko, nabyo bizatangirana n’umwaka utaha w’amashuri.

Kamuhire anenga ukuntu NIDA itanga indangamuntu nshya ku wayitaye, yirengagije amakuru icyo kigo gisanzwe gifite mu bubiko bwacyo ku usaba gusimburizwa indangamuntu, kuko byagaragaye ko ahabwa indi nshya aho gukorerwa iyo yari asanganywe.

Agaragaza ko ubusanzwe imibare 16 igaragara ku ndangamuntu, ibereyeho guhamya umwirondoro wa nyirayo, aho utandukaniye n’uwa mugenzi we, bityo ko n’uwataye indangamuntu akwiye kujya ahabwa indi iriho nomero yari asanganwe.

Tekereza umuturage witwa Yohani, wifitiye ibikorwa by’ubucuruzi i Huye, muri 2021 yafashe indangamuntu anayiheraho yandikisha ubwo bucuruzi bwe, ayifungurizaho Konti muri Banki, anayibaruza mu basora.

Mu mwaka wa 2023, Yohani yataye indangamuntu ye ntiyabasha kongera kuyibona, agiye gushaka isimbura iyatakaye bamukoreye indangamuntu ifite nomero nshya nk’aho nta yindi yigeze.

Ubu uwo muturage indangamuntu ye nshya ntaho ihuriye na Banki, aho asorera cyangwa ku ikarita ye y’ubwishingizi, kuko ubu Yohani ari gusiragira muri izo nzego zose ahinduza amakuru asanganywe hinjizwamo amashyashya, bitaba ibyo agafatwa nk’umuturage mushya.

Iki kibazo cyagaragajwe n’Umugenzuzi mukuru w’Imari ya Leta, muri raporo yasohotse mu kwezi kwa Gicurasi 2025, igaragaza ko NIDA ifite icyuho kinini mu kurangiza inshingano yahawe na Guverinoma, yo gucunga no kubungabunga neza amakuru ajyanye n’irangamimerere y’Abanyarwanda.

Dore igisobanuro cy’imibare igize nomero y’indangamuntu y’Ubunyarwanda

Indangamuntu y’Umunyarwanda ifite nomero igizwe n’imibare 16, kandi buri nomero ikaba ari imwe yihariye kuri buri Munyarwanda, iyo mibare ikaba igabanyijemo ibice bitandatu, kandi buri gice kikagira igisobanuro cyacyo kihariye.

Umubare wa mbere ugaragaza ubwenegihugu bw’ufite indangamuntu Nyarwanda niba ari Umunyarwanda, impunzi cyangwa umunyamahanga, naho imibare ine ikurikira igaragaza igihe nyirayo yavukiye, umubare ukurikiyeho ugasobanura igitsina cya nyirayo, aho umubare 8 ari umugabo, naho 7 akaba umugore.

Umubare wa karindwi muri 13 ikurukiyeho ugaragaza uko ukurikirana n’abo muvukana, naho uwa 14 ugaragaza inshuro indangamuntu yatanzwe, mu gihe imibare ibiri ya nyuma iba igize amakuru y’umutekano wa nyir’indangamuntu.

Kuki iki ari ikibazo?

Igisubizo cyoroshye kandi kigomba kujya cyitabwaho buri gihe, ni uko NIDA igomba gutandukanya nomero y’indangamuntu y’umuntu, n’ikarita ndangamuntu igezweho bityo nomero y’indangamuntu isanzwe ikongera igashyirwa ku ndangamuntu nshya, igiye gusimburwa ku wayitaye nk’uko yari isanzwe mbere, ni nako bigenda kuri nomero za Pasiporo cyangwa impushya zo gutwara ibinyabiziga mu bihugu byinshi.

Icyakora muri raporo y’Umugenzuzi mukuru w’Imari n’Umutungo wa Leta, ntabwo igaragaza uko NIDA yaba yarasobanuye ikiyitera bene iyo mikorere inengwa, niba izakomeza kubikora gutyo cyangwa yaba iri mu nzira yo kubikosora.

Mu gihe u Rwanda rukomeje inzira y’ikoranabuhanga ryegereye abaturage, aho Indangamuntu ibumbatiye amakuru menshi ku Munyarwanda, amakosa mu irangamimerere yabangamira cyane ubukungu n’imibereho.

Zimwe muri serivisi zakwangirika cyane harimo iz’ubuzima, kwiga mu buryo bw’ikoranabuhanga ku mbuga zitandukanye, kwagukirwa na gahunda za Leta z’ikoranabuhanga, ibyo bikaba bigaragaza ko Indangamuntu ikwiye kuba ari iya nyirayo koko n’amakuru ye nta na kimwe gihindutseho.

Ubwo rero ni aho gutegereza niba NIDA izakurikiza inama igirwa n’Umugenzuzi mukuru w’Imari n’Umutungo ya Leta, bitabaye ibyo uwataye indangamuntu aramutse akomeje guhabwa nomero nshya, bimushyira mu kaga ko kuba umuntu mushya udafite aho ahuriye n’usanzwe mu buryo bw’ikoranabuhanga.

Minisitiri w’Intebe Dr. Edouard Ngirente avuga ku burezi

Yabivugiye mu kiganiro yagejeje ku Nteko Ishinga Amategeko, imitwe yombi, ubwo yasobanuraga ibikorwa bya Guverinoma mu guteza imbere imibereho y’Abanyarwanda, mu nzego zirimo ubuhinzi, ibikorwa remezo, ubuzima n’uburezi.

Minisitiri w’Intebe agaragaza ko abo miliyoni zisaga eshatu, bose barya saa sita gusa ku mashuri, hatabariwemo andi mafunguro yiyongera ku banyeshuri biga bacumbikirwa, ibyo bikaba nibura byose hamwe bisaba Leta Miliyari zisaga 100Frw ngo abanyeshuri bagaburirwe neza.

Agira ati "Kongera amafaranga azajya muri gahunda yo kugaburira abana ku ishuri (School feeding), ubu bisaba Miliyali 100Frw, abize mu gitondo n’abiga nimugoroba bakarya, bigatuma twizera ko nibura buri mwana yariye. Ntabwo ari ibintu biba byoroshye ariko byatanze umusaruro dushaka gukomeza".

Yongeraho ati "Abana basaga Miliyoni eshatu n’ibihumbi 400 bagaburirwa nibura rimwe ku munsi, murumva kubona ayo mafaranga ko bitoroshye, kuko nk’abo mu mashuri yisumbuye ho tubagaburira gatatu ku munsi, murumva ko bituma nibura nta mwana wagira imirire mibi ari ku ishuri".

Minisitiri w’Intebe agaragaza ko muri rusange ibibazo by’uburezi byagiye bishakirwa umuti kubera ibyihutirwaga, harimo gukemura ikibazo cy’ingendo ndende ku barimu n’abanyeshuri, nk’aho ubu ntawe ukigenda kilometero 20 ajya anava ku ishuri, kuko hubatswe amashuri asaga ibihumbi 20, hagamijwe kugabanya izo ngendo n’ubucucike aho umwarimu umwe yashoboraga kubarirwa abana basaga 120 mu cyumba cy’ishuri.

Agira ati "Hari abana bataga amashuri kubera ko biga kure, kuko abana babyiganaga mu ishuri bahitamo kudasubirayo. Ubu kugaburira abana ku ishuri nabyo byagize uruhare mu kuzamura ireme ry’uburezi kandi ahakiri utubazo tuzakemuka".

Minisitiri w’Intebe agaragaza ko impamvu gahunda yo kugaburira abana ku ishuri yagiye izamo utubazo, byatewe n’uko yari gahunda nshya kandi ikwiye kunozwa ari nabyo biri gukorwa ngo natwo dukemuke koko.

Asobanura ko imbaraga zishyirwa mu burezi, zitanga umusaruro, kuko nk’abanyeshuri barangiza imyuga babona akazi kandi bakanabasha kwihangira imirimo.

Ibibazo mu burezi biracyari uruhuri

Abadepite mu Nteko Ishinga Amategeko Imitwe yombi, bagaragarije Minisitiri w’Intebe Dr. Edouard Ngirente, ko n’ubwo ibyagezweho bishimishije, ariko hakiri ibibazo by’abana basibira mu mashuri, abata amashuri n’abatajya ku mashuri ku kigero gihangayikishije.

Ku kibazo cy’amashuri y’incuke asa nk’atabaho, Minisitiri w’Intebe yagaragaje ko urugendo rukiri rurerure kuko ubundi ayo mashuri mbere atanatekerezwaga, ariko ubu yamaze gushyirwa kuri gahunda za Leta kuko na yo yabaye amashuri nk’ayandi.

Naho ku kijyanye n’abana biga ibyo batahisemo, Minisitiri w’Intebe agaragaza ko buri wese ahisemo kwiga ikintu runaka, byagira ingaruka zo kuba hari amashuri yakubita akuzura andi akabera aho, ahubwo ko ibyiza ari ugukoresha gahunda ya MINEDUC yo gufasha abana guhitamo.

Agira ati "Buri wese ugiye kwiga mu ishuri ryisumbuye yihitiyemo, wasanga hari abatabona aho biga cyangwa abahabonye bakahabyiganira, twahisemo kuba dukoresha uburyo bwo guhitiramo abanyeshuri tugendeye ku bushobozi bw’imitsindire, kugira ngo twirinde kongera ibibazo aho kubikemura".

Naho ku bijyanye no gusubiramo imfashanyigisho, Minisitiri w’Intebe avuga ko ibyo biri gukorwa kuva mu mwaka wa mbere w’amashuri abanza, kugera mu wa gatatu, n’icyiciro rusange cy’ayisumbuye.

Ku kibazo cy’abarimu batazi kuvuga neza ururimi rw’Icyongereza, Minisitiri w’Intebe avuga ko icyiciro cya mbere cy’abize icyongereza muri za TTC, bagiye gusohoka bagatangira kuziba icyo cyuho, kuko bazaniwe abarimu b’Abanyamahanga babigisha Icyongereza.

Avuga ko hazanabaho kwigisha Icyongereza ku barimu basanzwe mu burezi mu gihe cy’imyaka ibiri, basoza batarakimenya uko byifuzwa bagakurwa ku rutonde rw’abarimu igihe baba batsinzwe ikizamini bazajya bahabwa.

Abadepite kandi basanga uburere bw’umwana w’umuhungu bukwiye kwitabwaho nk’uko byagenze ku mukobwa, kuko biri kugaragara ko abahungu bari gusibira cyane, guta amashuri, kandi bikomeje gutyo byagira ingaruka ku burezi budaheza.

Naho ku kibazo cy’ibikorwa remezo bidahagije ku mashuri yo mu cyaro, Minisitiri w’Intebe yagaragaje ko ibigo by’amashuri abanza n’ayisumbuye byose byo mu Rwanda, bizaba bifite amazi n’amashanyarazi bitarenze uyu mwaka wa 2025.

Umusaruro w’ubuhinzi mu byatumye imirire mibi mu bana igabanuka

Guverineri Ntibitura avuga ko guha umwanya umuturage wari ukennye cyane, cyangwa wongerewe ubushobozi akagaragaza uburyo bwakoreshejwe ngo ahinduke, byaba ari ukurushaho kugaragaza ko izo mpinduka zabayeho koko kandi zagirira n’abandi akamaro.

Ubwo yifatanyaga n’abaturage b’Akarere ka Ngororero mu gutangiza imurikabikorwa ry’abafatanyabikorwa, JADF ISANGANO, Guverineri Ntibitura yavuze ko hakwiriye kuba hari umwanya wagenewe abafashijwe guhindura ubuzima, bakaba ari nabo baba abatangabuhamya b’ibyagezweho aho kugarazwa gusa n’ababafashije.

Agira ati "Muri ibi bikorwa bigamije kuzamura imibereho myiza y’abaturage, ubutaha dushaka kubona abaturage bagaragaza urugendo bakoze rw’uko bikuye mu bukene, ni byo byarushaho kuduha icyizere cy’uko ubufatanyabikorwa bwakozwe bwatanze umusaruro koko".

Agaragaza ko ubwo bufatanye ari bwo bukwiye kandi kuba bugezwa ku muturage wo hasi ku Mudugudu, kugira ngo rya terambere ryifuzwa abe ariho rishora imizi koko.

N’urubyiruko ruhabwa umwanya wo kugaragaza ibyo rukora rwafashijwemo n’Abafatanyabikorwa

Asaba abaturage kugira uruhare mu kuzamura iterambere ry’Igihugu, bagira ibyo bakora ariko bakabikora neza.

Avuga ko kugira ngo abantu bagire ibyo bageraho, bakwiye kubanza kugira umuco w’ubunyangamugayo, kuko aribwo ibikorwa bitanga umusaruro, guhuza imbaraga, kubyaza amahirwe ibiboneka hirya no hino, kwegera abafatanyabikorwa no kubigiraho ibyo gukora, guhindura imyumvire no gucika ku muco wo gutegereza inkunga, ari izingiro ry’impinduka zirambye.

Agira ati "Buri wese afite inshingano n’uburenganzira mu byo umuturage akeneye n’uruhare agomba gutanga ngo ibyo akeneye bigerweho, abafatanyabikorwa beza ni abamanuka kugera mu Mudugudu aho abaturage bari, gutanga serivisi inoze, kujya inama, guhana amakuru no guhuza ibikorwa by’abafatanyabikorwa mu nzego z’ibanze".

Guverineri Ntibitura avuga ko Abafatanyabikorwa kandi, bakwiye gutegurira hamwe ibikorwa n’inzego z’Ubuyobozi bwite bwa Leta kuko ari bwo bigera neza ku muturage.

Gutunganya impu no kuzikoramo inkweto biri mu byahinduye ubuzima bw’urubyiruko rwize imyuga

Perezida wa JADF Isangano mu Karere ka Ngororero akaba n’Umuyobozi wa CARITAS Diyosezi ya Nyundo Padiri Rutakisha Jean Paul, avuga ko kimwe mu bikorwa bagezeho bishimira ari ugukurikirana abana bari mu ngo mbonezamikurire, byatumye bagabanya igwingira ry’abana aho Akarere ka Ngororero kavuye kuri 55% by’abana bagwingiye mu myaka itatu ishize, kakaba kageze kuri 20%.

Naho ku kijyanye no guha urubuga abaturage bahinduye ubuzima bakagaragaza uko babigezeho bafatanyije n’Abafatanyabikorwa, Padiri Rutakisha avuga ko bahera mu imurikabikorwa rya 2025, bakazanakomeza gukurikiza inama Guverineri yabagiriye.

Agira ati "Turemeranya na Guverineri ko umuturage yaba ishingiro ry’impinduka zabaye, turatangira uyu munsi tubatega amatwi, ni nako twamuha amahirwe yo kwibariza Abafatanyabikorwa ibyo babijeje kubakorera, ubu turatangira kwakira abaturage bashaka kwibariza noneho tunaganire ku byifuzo byabo, byadufasha gutegura igenamigambi rikurikiyeho.

Umuyobozi w’Akarere ka Ngororero Nkusi Christophe, avuga ko Abafatanyabikorwa b’Akarere, bashoye mu baturage asaga Miliyali 10Frw mu bikorwa by’umwaka wa 2024-2025, kandi koko byazanye impinduka mu bukungu, imibereho myiza n’imiyoborere kandi ko bizeye ko n’umwaka utaha hazaba hari ibishya byinshi byageza umuturage ku mpinduka zifuzwa.

Guverineri Ntibitura asaba ko abagenerwabikorwa bahabwa umwanya mu imurikabikorwa

Umuyobozi w’Akarere ka Muhanga, Kayitare Jacqueline

Ni icyiciro cya mbere cy’inzu 50 zigomba kubakwa mu Kagari ka Gifumba, zikazatuzwamo abatishoboye bigaragara ko aho batuye hatabahesheje agaciro.

Ubuyobozi buvuga ko bazanashyirirwaho n’uburyo bwo kwiteza imbere aho bazahabwa ibibanza byo gucururizamo mu isoko rya Nyabisindu, ryatangiye kubakwa no kubakirwa irerero ry’abana.

Bamwe mu baturage batangiye kubakirwa biganjemo abagore bifasha gutunga imiryango, bavuga ko bari basanzwe mu buzima butabahesha agaciro, kuko wasangaga bakodesha aho kuba bakanakora ubucuruzi butemewe, ariko kuba bagiye kubona amacumbi n’aho gukorera bizeye guhindura ubuzima.

Umwe mu babyeyi urera abana batandatu avuga ko yatawe n’umugabo we, ariko agakomeza kubitaho bimugoye ku buryo kubona aho gutura, bizatuma yita ku bindi bikorwa byo kwiteza imbere.

Agira ati "Amafaranga nishyuraga ubukode azamfasha kuzamura igishoro, dore ko n’ubundi nanakoreraga mu kajagari nimbona ikibanza mu isoko nzaba ntangiye ubuzima bushya, inzu n’ubucuruzi".

Umuyobozi w’Itorero Restauration Church mu Rwanda, Bishop Alphonse Ruhamyankiko washyikirije Akarere amabati 400 yo gusakara izo nzu, avuga ko mu bisanzwe ubuzima bw’umukirisitu buba bwiza iyo anafite imibereho myiza, ari na yo mpamvu batekereje kwifatanya n’Akarere ka Muhanga kubona iryo sakaro ryo gufasha abatishoboye.

Umuyobozi w’Akarere ka Muhanga, Kayitare Jacqueline, avuga ko muri gahunda yo gukemura ibibazo byugarije imibereho y’abaturage, batekereje ko inzu zubakwa zanatuzwamo abagore badafite amikoro bakoraga ubucuruzi butemewe, kuko ari bumwe mu buryo bwo kubahindurira ubuzima by’igihe kirambye.

Agira ati "Ni ukubigisha no kubaherekeza mu rugendo rw’ibyo babonye no kubibyaza umusaruro, nk’ubuyobozi turabikora bitume abafite abana bafite ibibazo babona aho biga, n’ababyeyi babo babone aho gukorera heza".

Amabati 400 azafasha nibura gusakara inzu 10 muri 20 z’icyiciro cya mbere

Meya Kayitare avuga ko guteza imbere umuturage ari kimwe mu bituma abasha gutanga umusanzu mu kubaka Igihugu, noneho izindi gahunda zigakorwa n’Ubuyobozi buha umwanya umuturage mu bimukorerwa.

Abaturage basaga 100 basezeranye byemewe n’amategeko

Abasezeranye biyemeje kurwanya amakimbirane mu miryango nka bumwe mu buryo bwo kuba intangarugero ku bandi, kwita ku mikurire y’abana, gutegura indyo yuzuye no kurushaho gukora cyane kugira ngo biteze imbere, kuko ubu noneho bujuje ibisabwa kugira ngo bagane ibigo by’imari babe bahabwa inguzanyo.

Umuryango w’umugabo n’umugore biyemeje kuva mu mibanire bitaga uburaya, bagaragaza ko kubana mu buryo butemewe n’amategeko bikumira amahirwe yo kwiteza imbere, ahubwo bigateza umwiryane n’urwikekwe hagati yabo.

Umugore agira ati "Iyo mubana mutarasezeranye nta cyizere cyo kugira uburenganzira ku mutungo washakanye n’umugabo, abana nabo ntabwo baba banditse mu irangamimerere ryanyu mwese. Umugabo iyo arakaye gato uhita ugira ngo birarangiye arakwirukanye ukabaho udatekanye".

mwe mu miryango yaseseranye yanagabiwe

Naho umugabo avuga ko kwandika abana mu irangamimerere, bageze igihe cyo gukora ibizamini bya Leta byamugoye, kubera ko atari yaraseseranye ngo bandikwe ku babyeyi bombi, ndetse banamuca amande y’ubukererwe, kandi nyamara iyo abikora mbere ngo ntawe bari kubipfa.

Agira ati "Abana banjye bageze igihe cyo gukora ibizamini nta n’umwe wanditse, ngize ngo ndajya mu Murenge bankubita ibihano by’ubukererwe, maze ndahakubitikira koko nicuza impamvu nihishe inyuma y’amategeko, barabanditse bananyereke ububi bwo kudakurikiza amategeko maze mfata umwanzuro ndasezerana, hehe no kumwara mu bandi".

Umunyamabanga Nshingwabikorwa w’Umurenge wa Kibangu, Mukamutari Valerie, avuga ko umunsi w’Umuhizi mu Murenge wa Kibangu, bahigura ibyo biyemeje gukora mu gihe cy’amezi atandatu, aho bakemura ibibazo byugarije imiryango, byaba iby’ubuzima, ubukungu n’imibereho myiza.

Agira ati "Umunsi w’Umuhizi ni ingirakamaro cyane kuko udufasha kwisuzuma no guhigira ibikurikiyeho tuzakora, amezi atandatu twihaye arangiye ibyo twiyemeje byose tubigezeho, nko kwishyura Mituweli umwaka wa 2025-2026 turi ku 100%, kwishyurira umwaka wa 2026-2027 nabwo turi nko kuri 80%, kuko hari ibyiciro byishyurirwa tutarabona amafaranga yabyo".

Bashyikirije igiseke kirimo imbuto ku buyobozi bw’Akarere ka Muhanga

Perezida w’Inama Njyanama y’Akarere ka Muhanga, Gilbert Nshimiyimana, avuga ko kuba abaturage bafatanya n’Ubuyobozi gushaka uko bikemurira ibibazo, ari yo miyoborere ishimangirwa n’umunsi w’Umuhizi, bityo ko n’ahandi bakwiye kwigira kuri Kibangu.

Agira ati "Iyo umuturage yasobanukiwe neza bituma yumva afite inshingano mu bimukorerwa, ni yo mpamvu ubu bagira uruhare mu kuremera ntawe utegereje ko Leta izabikora, bakemera gukurikiza amategeko bagasezerana, bakigira hamwe uko bazamurana mu bimina bya Mituweli byose bajyanyemo n’abayobozi babo".

Avuga kandi ko kwegera umuturage bimurinda kugirana ibibazo n’Ubuyobozi kuko buba butamusiragiza, nk’aho abaseseranye bagira uruhare mu kwigisha indi miryango ibanye nabi, bityo ubuyobozi bugasigara bukemura ibibazo bikeneye imbaraga nyinshi koko.

Guha abana amata ni bumwe mu buryo bwo kunoza imirire

Ibitoki by’imineke ni bumwe mu buryo bahisemo bwo kuvugurura ururoki ngo bagere ku mafaranga

Mukamutari avuga ko gusezeranya imiryango yabanaga mu buryo butemewe n’amategeko ari inzira yo gukemura amakimbirane mu muryango

Bahati Bernard

Umuyobozi mukuru wa NESA Dr Bahati Bernard, avuga ko hari kurebwa uko ayo manota umunyeshuri agira mu masuzuma asanzwe, yaba ayo ku bigo by’amashuri n’ay’ibizamini bya Leta yahuzwa, kugira ngo umwana yitabweho akigera mu mwaka wa kane w’amashuri abanza kugera mu wa gatanu.

Ibyo ngo bizatuma kandi ibigo by’amashuri bisibiza abana kugira ngo bazagere mu mwaka wa gatandatu babashe gutsinda neza, kuko usanga hari ibigo by’amashuri byita ku mwaka wa gatandatu gusa kugira ngo bizatsindishe neza.

Agira ati “Imikorere myiza y’ishuri ntireberwe gusa mu byavuye mu bizamini bya Leta gusa, ahubwo ireberwe uko ishuri ryafashije abana kuva mu wa kane kugera mu wa gatandatu, integanyanyigisho nazo ziri kuvugurwa mu mashuri abanza ngo zigabanuke kuko byagoraga abana n’abarimu. Integanyanyigisho nihuzwa n’umwanya uhari nabyo bizagira akamaro mu kurwanya guta ishuri no gusibira”.

Abahungu ni bo basibira bakanata ishuri kurusha abakobwa

Noella Kabarungi agaragaza ko mu mashuri abanza abahungu bafite 36.3% byo gusibira naho abakobwa ni hejuru gato ya 33%, kandi bitera umwana kubihirwa no gukomeza ishuri, dore ko abana baba bitegura kuva mu mashuri abanza bajya mu yisumbuye, kandi ari nabwo amasomo atangiye gukomera.

Avuga kandi ko abana baturuka mu miryango ikennye cyane ari bo batakaza amashuri cyane, mu gihe abahungu baba batangiye kumva bagira uruhare mu gufasha imiryango yabo itishoboye.

Agira ati “Umwana w’umuhungu akururirwa kuba yava mu ishuri ngo ajye gukora ibyafasha umuryango we, anashyirwaho igitutu na bagenzi be baba baravuye mu ishuri bakajya gukorera amafaranga, ndetse hakaba hari n’ababyeyi bumva ko bashyigikira umwana guta ishuri”.

Ni uwuhe muti wavugutirwa ikibazo cyo guta ishuri no gusibira ku bitegura kujya mu mashiri yisumbuye?

Kabarungi avuga ko hakenewe amahugurwa ku barimu kugira ngo bongererwe ubumenyi, kuzamura gahunda nzamurabushobozi mu buryo bwihariye, kuko usanga iyo umwana atitaweho neza n’ubundi ntacyo bimugezaho, no kuzamura ubukangurambaga ku babyeyi bagahindura imyumvire y’uko umwana wasoje ishuri ribanza aba afite umusingi mwiza wo kwiteza imbere.

Umuyobozi mukuru w’Urwego rw’Igihugu rushinzwe Uburezi bw’Ibanze, REB, Nelson Mbarushimana, agaragaza ko barimo gushyira imbaraga mu guhugura abarimu, kunoza gahunda yo gutanga ibitabo ku bana no kunoza gahunda y’ikoranabuhanga, aho abana biga babona ibyo biga kurusha kubibabwira mu magambo gusa.

Avuga ko umwaka wa kane n’uwa gatanu w’amashuri abanza, harimo kurebwa uko mu gihe runaka umuyobozi w’ishuri yajya aganira n’ababyeyi b’abana, bikanahuzwa n’ibibazo by’imiryango bakomokamo.

Agira ati “Buri gihembwe hazajya hakorwa inama ku bigo by’amashuri ihuza ababyeyi n’abarimu, hasuzumwa impamvu umwana adatsinda n’icyakorwa, kuko hari igihe abana baba bafite ibibazo bikomoka mu miryango yabo, bituma badakurikira neza, na mwarimu akaba akwiye kubaza umubyeyi ikibazo umwana we agira”.

Hervé Mugisha wigisha mu ishuri ribanza rya Kagasunzu, avuga ko mu rwego rwo gukurikirana umwana wiga mu mwaka wa kane n’uwa gatanu, hakwiye gushimangirwa uruhare rw’ababyeyi, kongera ibyumba by’amashuri no kuba abana bahabwa ibikoresho bihagije.

Ashimira ko gukorana n’ababyeyi byabafasha koko gukurikirana uburere bw’umwana, kuko hari ababyeyi badahura n’abana, bitewe n’impamvu zitandukanye.

Hari kandi ibibazo byo kwiga ingunga ebyiri ku munsi mbere na nyuma ya saa sita, bigatuma abanyeshuri biga igihe gito, kandi amashuri menshi arimo abana benshi bigatuma umwarimu atabakurikirana neza.

Hari kandi ikibazo cy’uruhare rw’ababyeyi badakurikirana imyigire y’abana ku buryo uwasibye batamenya impamvu yabiteye, cyangwa umubyeyi ntafashe umwana gusubiramo amasomo, hakaniyongeraho icy’ibikoresho bidahagije mu mashuri y’icyiciro cya mbere cy’amashuri abanza.

Ubucucike mu gutsindwa no gusibira

Minisitiri w’Uburezi Joseph Nsengimana, atangaza ko hagati ya 2017-2024 hubatswe ibyumba by’amashuri 27500, ariko ntabwo byakemuye ikibazo cy’ubucucike mu mashuri, ariko Leta ikaba igaragaza ko izakomeza kubaka ibyo byumba by’amashuri kugera nibura ishuri rifite abana 45 mu myaka itanu iri imbere.

Avuga ko kubera iyo mpamvu abana bose bagiye kujya biga umunsi wose, kandi harangizwe ibiteganya kwiga mu cyiciro cya mbere cy’amashuri abanza, kuko iyo ibyigishwa bidahuye n’igihe cyo kwigisha habaho ingaruka mbi, ariko mu bushobozi buhari abana bakwiye kwiga bakanamenya.

Agira ati “Iyo ibyigwa bidahuye n’ibyigishwa hagakubitiraho n’ubucucike bw’abanyeshuri bituma abana batsindwa cyane bigatera gusibira kw’abanyeshuri mu mwaka wa mbere n’uwa kabiri w’amashiri abanza mu cyiciro cya mbere cy’amashuri abanza. Umwana akwiye gusoma kugira ngo amenye, utumva ururimi wigamo ntabwo wakwiga, bakwiye kuba bumva bazi kandi gusoma no kwandika mu rurimi bigamo”.

Agira ati “Umwarimu iyo yigisha yihuta kubera amasomo menshi nta gihe afite cyo kwita ku mwana ugenda gahoro, nicyo gituma abana basibira mu mwaka wa mbere, ni yo mpamvu hafashwe ingamba zo guhuza ibyigwa n’amasaha yo kubyigisha”.

Mwarimu Marie Jeanne Nkusi wigisha kuri GS Kimironko mu mujyi wa Kigali, avuga ko kuba abana batsindwa ari benshi mu mwaka wa mbere ari ikibazo cy’ubucucike kuko nk’aho yigisha icyumba kimwe kiba kirimo abana 69, agomba gukurikirana abana mu minota 40 ku isomo bamwe ntabagereho, bagasigara inyuma dore ko hari n’ababa bakeneye kwitabwaho by’umwihariko.

Agira ati “Nibura buri munsi wa gatanu abana basigaye inyuma tugira umwanya wo kubegera, ariko ubucucike buteza ibibazo iyo babaga nka 40 wabasha kubakurikirana, Icyakora no kwirirwana n’abana umunsi wose bizatuma dukomeza kwita kuri bamwe b’intege nkeya”.

Ni izihe ngamba kuri MINEDUC

Minisitiri w’Uburezi avuga ko mu cyerecyezo NST II kizagera 2029, Minisiteri y’Uburezi MINEDUC iteganya kuba yubatse ibyumba by’amashuri bihagije, ku buryo buri cyumba cyakira nibura abanyeshuri 45, ariko ko ari urugendo kuko bigendana n’ubushobozi bw’Igihugu.

Agira ati “Turakuraho kwiga mu ngunga ebyiri ku bana bityo bige umunsi wose, kandi twongere ibyumba by’amashuri ku buryo kugeza mu 2029 nta kibazo kizaba kigihari, kandi tuzaba twarahuguye abarimu bashoboye kwigisha abo bana”.

Ku kijyanye n’ireme ry’uburezi aho abanyeshuri mu mashuri abanza icyiciro cya mbere rikiri hasi mu ndimi, zaba icyongereza ikinyarwanda ndetse no mu mibare, avuga ko bagomba kongera ubushobozi bw’abarimu mu bumenyi bw’indimi, no gutanga ibizamini bisuzuma ubumenyi bw’icyongereza ku binjia mu mwuga w’uburezi.

Agira ati “Ubu hari abarimu ibihumbi 38 twatangiye gusuzuma ubumenyi bwabo mu ndimi, kandi umwaka utaha abarezi bose bazaba bari mu buryo bw’ikoranabuhanga ridufasha kumenya uko bahagaze mu ndimi n’uko twabazamurira ubumenyi”.

Hari kandi uburyo bwo gutanga ibizamini by’indimi, ku buryo ugiye kwinjira mu burezi azajya abanza agakoreshwa ikizamini cy’icyongereza.

Akarere ka Ngororero ni ko kaza ku mwanya wa mbere mu kugira abana benshi basibira, cyane mu cyiciro cya mbere cy’amashuri abanza, gahunda z’abafatanyabikorwa mu kubaka ibyumba by’amashuri no gukemura ibindi bibazo zikaba zakenewe ngo haboneke amahugurwa ku barium no gutegura neza porogaramu z’abanyeshuri.

Yabitangarije mu kiganiro cyateguwe na Minisitiri y’uburezi, ku mpinduka mu burezi guhera umwaka utaha w’amashuri 2025-2026, ahagamijwe gusuzuma aho uburezi bw’amashuri y’inshuke n’abanza bigeze, imbogamizi zirimo n’uko zafatirwa ingamba.

Muri icyo kiganiro Dr. Mutezigaju yagaragaje ko gusibiza abana mu mashuri y’inshuke, bituma bagera igihe cyo gutangira amashuri abanza bamaze gukura, bigatuma umwana yagira ibibazo birimo no guta no kurambirwa ishuri.

Avuga kandi ko amabwiriza ya REB ateganya ko niba umwana yarakererewe gutangira mu mashuri y’inshuke, iyo agiye kwiga ahita ahera mu ishuri rijyanye n’imyaka ye, kugira ngo atazakererwa gutangira umwaka wa mbere n’ubwo haba hari ibyo atabonye mu myaka ya mbere y’inshuke.

Agira ati, "Ubundi ntabwo byemewe ko umwana wiga mu ishuri ry’inshuke asibizwa, ikindi niba umwana aje gutangira mu ishuri ry’inshuke afite imyaka ine agomba guhita ajya mu wa kabiri, niba aje gutangira afite itanu ahita ajya mu wa gatatu, ntahera mu wa mbere kugira ngo azarangizanye n’abandi afite imyaka itandatu ahita atangira umwaka wa mbere w’amashuri abanza".

Dr. Mutezigaju avuga ko kubaka ibyumba by’amashuri, gushaka abarimu, ubukangurambaga bwo kuzana abana mu mashuri y’inshuke, no guteza imbere ingo mbonezamikurire y’abana, byatumye nibura abana bagera kuri 45% barabashije kwiga amashuri y’inshuke kuva mu 2017 kugera 2025.

Filmen Dusengumuremyi ukorera Ishami ry’Umuryango w’abibumbye ryita ku bana mu cyiciro cy’amashuri y’inshuke UNICEF, agaragaza ko abana bato baba bafite ubushobozi bwo gufata mu mutwe cyane, kuko igihe cyo gufata ari ukugeza ku myaka itandatu, bityo ko umwana utize amashuri y’inshuke atabasha kuziga neza andi masomo, kubura ubusabane n’abandi bana no kubura umusingi wo kwiga adasibira.

Asaba ko abana bafite imyaka itanu bahabwa amahirwe yo gutangira umwaka wa mbere w’amashuri abanza, kugira ngo bitume uwatangiriye igihe amashuri y’inshuke adakerererwa ategereje abatangiye bakererewe.

Agira ati, "Minisiteri y’Uburezi ikwiye kwita no ku bana bakirwa mu marerero, kandi buri rerero rikagira ikigo cy’ishuri ribanza rishamikiyeho, hakwiye no kurebwa ku bikoresho, byaba ibitabo n’ibikinisho bikenewe, haba ari ku bigo by’amashuri n’amarerero mu ngo kuko nibyo byashyira ku rugero rwiza amashuri y’inshuke".

Umuyobozi w’Urwunge rw’amashuri muri Camp Kanombe Jacqueline Umurerwa, avuga ko bamaze igihe bakorera mu burezi, ariko kuva 2018 ari bwo batangije amashuri y’inshuke.

Avuga ko umwana watangiye ishuri ry’inshuke akuramo ubumenyi butandukanye, burimo no kumenyera ishuri kare, uko yitwara mu bandi, kwigira mu mikino, bigatuma yitegura neza kwiga amashuri abanza.

Agira ati, "Hari abana baza barira badashaka kwiga ariko bagera ku ishuri bakarikunda, bakamenya uko babika ibikoresho byabo, kumenyera kwiga no kwiyigisha, bigatuma umwana atera imbere akazatangira umwaka wa mbere w’amashuri abanza atararambirwa kwiga kandi ntiyumve yata ishuri".

Yifuza ko hakongerwa ibyumba by’amashuri, amahugurwa y’abarimu batize uburezi, no kuba habaho umwihariko w’abarimu bize kwigisha inshuke.

Agira ati, "Abarimu bigisha amashuri y’inshuke bafite ibibazo bikomeye, nibura umwarimu yakabaye yigisha abana 25, ariko usanga bari hejuru ya 50, bigatuma umwarimu umwe atabitaho uko bikwiye".

REB ivuga ko muri buri Kagari bagiye gushyiramo nibura amarerero abiri yujuje ibisabwa, hagamijwe gutanga ireme ry’uburezi ryifuzwa, mu mashuri y’inshuke hanakomeza kunoza gahunda y’amarerero yo mu ngo.

Hazakorwa kandi ubukangurambaga bwo gukomeza kwigisha kubana neza mu miryango, kuko byagaragaye ko imiterere y’umwana ayikura iwabo uko imiryango, ababyeyi babanye, kugira ngo uko ababyeyi bameze neza, abe ari nako abana bamera, no gutangirira igihe ishuri ry’inshuke.

Imibare igaragaza ko nibura abana 45% ari bo bamaze kugera mu rwego rwo kwiga mu mashuri y’inshuke kugera 2025, intego ikaba ari uko mu myaka itanu baba nageze kuri 65%

Imodoka zikoresha amashanyarazi mu byagabanyirijwe imisoro

MINECOFIN yatangarije Inteko Ishinga Amategeko imitwe yombi, ko mu rwego rwo kwihutisha ikoreshwa ry’imodoka zikoresha ingufu z’amashanyarazi n’izikoresha moteri mberabyombi (amashanyarazi n’amavuta), na moto zikoresha amashyanyarazi zizakomeza gusonerwa imisoro yo kuzinjiza mu Gihugu.

Naho mu rwego rwo gukomeza gufasha abinjiza imodoka zihenze zifashishwa mu gutwara abashyitsi bakomeye, kubera ko u Rwanda rushyize imbere ubukerarugendo bushingiye ku kwakira inama mpuzamahanga, imodoka zifite agaciro kari hejuru y’ibihumbi 60 by’Amadolari zizoroherezwa imisoro.

Ni ukuvuga ko imodoka zifite agaciro karengeje ibihumbi 60 by’Amadolari zishyura amahoro ya Gasutamo ahuriweho na Afurika y’Iburasirazuba ya 25%, n’indi misoro yose isabwa kugeza ku gaciro k’Amadoraei 60 ku bicuruzwa byageze muri Gasutamo, naho ibirengeje ako gaciro ntabwo bizishyura umusoro w’inyongera.

Umuceri utumizwa hanze uzishyura umusoro wa 45% aho kuba 70%, naho ingano zitumizwa hanze nta mahoro zizishyura, mu gihe zishyuraga umusoro wa 35%.

Ubwo Minisitiri Murangwa yasobanuraga ingengo y’Imari 2025-2026

Isukari izishyura umusoro wa 25% aho kuba 100%, naho ibitumizwa hanze bigurishirizwa mu maguriro y’inzego z’umutekano, byasonewe umusoro mu gihe byari kuzajya byishyura 25%. Imashini zikora imihanda zasonewe imisoro mu gihe zari kuzishyura 10%.

Imodoka zitwara imizigo ku bushobozi buri hejuru ya toni eshanu, zagabanyirijwe umusoro ushyirwa ku 10% aho kuba 25%, naho izitwara imizigo ku bushobozi burenze Toni 20, na zo zizishyura 10% aho kuba 25%.

Imodoka zitwara abagenzi ku buryo bwa rusange, ku bushobozi buri hejuru y’abantu 25, zizajya zishyura umusoro wa 10% aho kuba 25%, naho abatumiza imodoka zitwara abagenzi bari hejuru ya 50 basonewe umusoro wa 20% wo kuzinjiza mu Gihugu.

Imashini nini zikora imyenda n’ibikoresho by’ubudozi nk’ubudodo n’impu byasonewe umusoro, aho kwishyura 10% na 25% ku nkweto.

Ibicuruzwa biri mu bikoresho by’ibanze bikoreshwa mu nganda nta misoro bizishyura, kuko byari kuzajya byishyura 10%, 25% na 35% bitewe n’ibyo bikoresho ibyo ari byo.

Ibikoresho byifashishwa mu guhererekanya amafaranga mu buryo bw’ikoranabuhanga, nta misoro bizishyura mu gihe byari kwishyura 25%, imyenda ya caguwa izajya yishyura Amadorari 2.5% ku kilo aho kuba 35% ku kilo, naho inkweto za caguwa zizishyure Amadorari 5% ku kilo aho kuba 35%.

Ibicuruzwa bitumizwa hanze bikorwamo amabati nta misoro bizishyura, byari kwishyura 10%, naho mu rwego rwo kurengera inganda z’imbere mu Gihugu, bimwe mu bicuruzwa bitumizwa hanze byazamuriwe imisoro kugera kuri 35% aho kuba 25%.

Amavuta yo guteka na yo yagabanyutseho 10%, aho kwishyura 35% azishyura 25%.

Ubwo buvumbuzi babukoze nyuma y’ubushakashatsi bwo gushyushya ibishishwa biva ku bijumba by’imyumbati, bakabisekura bakabikamuramo amavuta meza afasha gukora isabune zirimo izo koga n’izo koza ibikoresho byo mu rugo.

Bamwe mu banyeshuri bize imyuga n’ubumenyi ngiro, bavuga ko batangiye gukoresha ayo mavuta bakora isabune kandi zageze ku isoko, ku buryo batangiye kwiteza imbere.

Urugero ni urwa Murwanashyaka Ildephonse wize muri Hanika TSS i Nyanza, ubu usigaye akorera mu Igisubizo Company ikora amasabune, amavuta yo kwisiga n’amarangi, aho avuga ko gukoresha isabune mu bishishwa by’imyumbati byagabanyije igiciro ku mavuta bakoreshaga, bituma isabune yabo nayo ihenduka.

Agira ati, "Umuti w’isabune usanzwe ni 1700frw twebwe turawugurisha 1000frw, kuko amavuta asanzwe yahenze aho agura hejuru ya 2000frw/kg, twe ayo twikorera mu bishishwa by’imyumbati aba aduhagaze nka 600frw/kg, isoko riragenda riboneka kuko ubu tumaze kwiyubakira aho uruganda rukorera, kandi dufite intego yo gukomeza kwagura".

Murwanashyaka avuga ko nyuma yo gutunganya ibishishwa by’imyumbati bikavamo amavuta bakoresha isabune, imyanda isigaye bayitunganyamo ifumbire nayo bakayigurisha bakanabasha kubungabunga ibidukikije baniteza imbere.

Umushumba wa EAR Diyosezi ya Shyogwe Musenyeri Kabayiza Louis Pasteur, avuga ko mu rwego rwo guteza imbere uburezi bw’imyuga n’ubumenyi ngiro batangije gahunda bise Iga, Kora Wigire (Tinyuka urashoboye), bakurikiraniramo abarangiza imyuga n’ubumenyi ngiro, nyuma yo kubona ko hari abatabyaza umusaruro ubumenyi bahawe.

Avuga ko nko ku bakora amasabune mu mavuta y’ibishishwa by’imyumbati, bafite gahunda yo kubahuza n’amasoko bwa mbere mu bakiriya n’aho bakorera, ndetse bakanabyigisha mu mashuri kugira ngo ubwo bumenyi busangirwe na benshi, kuko isabune ku isoko igenda ihenda.

Agira ati, "Turashaka ko Pasiteri muri Paruwasi ayobora abona ko umukirisitu ukennye ari ikibazo, duhereye rero mu rubyiruko turabigisha ubumenyi ngiro kugira ngo bazamuke bafite akazi, kuko ibyo kwiga amagambo mu makayi gusa bitakigezweho, nko kuri ariya masabune nanjye iwanjye mu rugo niyo nkoresha, akora neza tunayahaho impano abafatanyabikorwa badusura kandi tuzakomeza guhuza urubyiruko rwacu n’amasoko y’ibyo bakora".

Usibye gukora amarangi, amasabune n’amavuta yo kwisiga, abiga mu mashuri y’imyuga n’ubumenyi ngiro mu bigo bya EAR Shyogwe bazi no gukora ibijyanye n’ubutetsi, ubudozi, ubwubatsi, amashanyarazi n’ikoranabuhanga rijyanye no koroshya igihe no gucunga umutekano.

Bitangajwe mu gihe hari imwe mu miryango y’abafatanyabikorwa yahagaritse ibikorwa, kubera ko yakoreshaga amafaranga yatanzwe ku nkunga z’Ububiligi zahagaritswe, cyangwa iyakoreshaga amafaranga ya USAID nayo yahagaritswe na Leta Zunze Ubumwe za Amerika.

Ubwo abafatanyabikorwa mu iterambere ry’Akarere bitabiraga imurikabikorwa rigamije kugaragariza abaturage ibibakorerwa, umwaka w’ingengo y’imari 2024-2025, hari bamwe mu bafatabyabikorwa batagaragaye bagera kuri batanu, kubera ko amafaranga bakoreshaga yahagaritswe, ariko ku bandi ngo biteguye gukorana n’Akarere hakarebwa icyakorwa ngo umuturage atahahungabanira.

Umuyobozi wa JADF mu Karere ka Ruhango Rinziziki Damien avuga ko bakoze inama n’Akarere, bakareba uko Abafatanyabikorwa bakoraga ibikorwa bisa mu Murenge bakwihuza bakareba ibyaburaga, ngo imishinga yatangijwe isozwe, cyangwa abandi bakoreraga aho imishinga yahagaze bakarushaho kwigisha abaturage kuziba icyuho cy’ibibura.

Agira ati, "Ni ugukaza ingamba zo kwegera umuturage ukamugira inama ubushobozi afite yakongererwa ubundi nawe ibisigaye akabyikorera, abasanzwe bakora ibisa bazishyira hamwe bagire abo basagurira, tunareba uburyo abaturage bahugurwa uko barushaho kwihaza".

Umuyobozi w’Akarere ka Ruhango wungirije ushinzwe iterambere ry’Ubukungu Rusilibana Jean Marie Vianney, avuga ko uruhare ry’abafatanyabikorwa rwatumye ibipimo by’imibereho y’abaturage izamuka, nk’uko bigaragazwa n’imibare y’ibarura ry’abaturage rya buri myaka itanu ku mibereho ACV, aho Akarere ka Ruhango kaza ku mwanya wa karindwi, naho ibipimo bya RGB bikagaragaza ko kazaza ku mwanya wa gatanu mu miyoborere.

Agira ati, "Imibare niyo yivugira abafatanyabikorwa batumye ku bufatanye bwabo tugera ku bipimo byiza, kandi bizakomeza kuko nk’ubu mu baturage 8.000 bari bari munsi y’umurongo w’ubukene bukabije, nibura abagera mu 4.000 bamaze kugera ku bikorwa bibakura mu bukene (graduation).

Asaba abafatanyabikorwa gukomeza kurangwa no guhanga udushya, kandi bakatugeza ku baturage mu rwego rwo gukomeza kubereka inzira yo kwiteza imbere.

Abitabira imurikabikorwa bunguka iki?

Niyomugabo Vedaste avuga ko kwitabira imurikabikorwa bituma uwakoze neza yigaragaza neza, kandi bituma abaturage baza kureba ibyo abandi bakora bakungukiramo ubumenyi, kandi ko n’uwakoze nabi agira umwanya wo kugira ibyo akosora no kwigira ku bandi.

Agira ati, "Nk’ubu twabonye uko abafatanyabikorwa bakoze uburyo bwo gukangura ubwonko bw’umwana akazabasha kwiga agatsinda neza, twanize uburyo abantu bakuhira bakoresheje utumashini ku buso butoya, n’uburyo umuntu yakorora inkoko zitanga umusaruro mwiza mu gihe gito, byose kubera imurikabikorwa".

Abafatanyabikorwa b’Akarere ka Ruhango umwaka w’ingengo y’imari 2024-2025, bakoresheje Ingengo y’Imari y’amafaranga y’u Rwanda ingana na miliyari esheshatu, mu bikorwa byagize uruhare mu guhindura imibereho y’abaturage mu buzima no mu kwiteza imbere, no guhanga udushya.

Nk’uko byagaragajwe mu mbanzirizamushinga yagejejwe ku nteko Ishinga Amategeko mu ntangiriro za Gicurasi uyu mwaka, Ingengo y’Imari ya 2025/26 ni miliyari 7.032,5 Frw, aziyongeraho miliyari 1.216,1Frw ugereranyije na miliyari 5.816,4 Frw yo mu ngengo y’imari ya 2024/25.

Ingengo y’imari y’uyu mwaka izibanda ku kuzamura ishoramari mu buhinzi n’ubworozi, guteza imbere ishoramari ritanga akazi kuri benshi no kuzamura umusaruro woherezwa ku isoko, ndetse no guteza imbere ubuhanzi n’imyidagaduro.

Hari kandi kuzamura ibikorwa Remezo by’amazi n’amashanyarazi, guteza imbere uburezi n’ubuzima, byose bigamije kuzamura igipimo cy’imibereho y’umuturage, aho ashobora guhaha ku isoko atinubira ko ibicuruzwa bihenze ahubwo na we agira uruhare mu gutanga imisoro.

Ikigo cyita ku bugenzuzi bw’imari KPMG kigaragaza ko isesengura ryakozwe ryagaragaje ko Ingengo y’Imari 2024-2025 yazamutseho 8% mu gihe mu kwezi kwa Gashyantare 2025, ubushakashatsi bwagaragaje ko ibiciro ku isoko byagabanutseho 20%.

Ingengo y’Imari nshya irazana n’isubizwaho ry’imisoro yari yarasonewe

Umwaka w’ingengo y’imari 2025-2026, uratangirana no kwishyura imisoro kuri bimwe mu bicuruzwa byari byarasonewe.

Muri iki cyiciro, harimo ibikoresho by’ikoranabuhanga nka terefone na mudasobwa, kuzamura umusoro ku nzoga n’amavuta yo gukesha ubwiza, no gutangira gusoresha imodoka zikoresha amashanyarazi n’izitwarwa n’amavuta n’amashanyarazi.

Umukozi mu kigo gikora ubugenzuzi ku by’imari Joel Namanya, asobanura ko muri rusange gusonera imisoro byari bigamije kwinjiza byinshi no kubigeza ku baturage, ariko Igihugu kidashobora gutera imbere hatabayeho kuzamura imisoro, cyane cyane iyo Igihugu gifite intego yo kuva mu cyiciro cy’ibukungu buciriritse kijya mu cyerecyezo cy’ibukungu buringaniye.

Agira ati, "Nko ku modoka na za mudasobwa zari zarasonewe na za terefone mu myaka itanu ishize byarazamutse ku babitunze, ubu rero igihe kiba kigeze ngo uwahawe ubushobozi bwo kugera ku gikorwa runaka atangire gutanga umusoro ku gikurikiyeho."

Hazasoreshwa kandi abinjiza ibicuruzwa muri purasitiki, kugira ngo u Rwanda rubone uko rukomeza kunoza gahunda yarwo yo kubungabunga ibidukikije, aho gukumira ibicuruzwa biva hanze bifunze muri ibyo bikoresho.

Naho ku kuba imisoro ku byumba by’amahoteri uzazamukaho 3%, Namanya agaragaza ko ngo byatewe n’uburyo Leta yabanje korohereza abashoramari mu by’amahoteri, kugira ngo urwego rw’ubukerarugendo ruzamuke, igihe kikaba kigeze ngo abamaze gushora imari ubukerarugendo bukazamuka batangire kugira icyo binjiriza Leta.

Namanya asaba abaturage kumva ko gutanga umusoro bidahita bizana inyungu y’ako kanya kuko ari nko gushora utegereje urwunguko rw’igihe kirekire, akanibutsa ko abinubira imisoro ku binyobwa bisembuye, bakwiye kumva ko bene ibyo byashyizwe mu bikenerwa bitari ngomba, cyane ko uwabuze inzoga ntakibazo yagira ku mibereho y’ibanze.

Miliyari 1216frw zinganga na 22% nizo ziziyongera ku ngengo y’imari y’umwaka w’ingengo y’imari 2025-2026, aho ikoreshwa ryayo rizibanda ku bikorwa remezo birimo nko kubaka ikibuga cy’indege cya Bugesera, kubaka imihanda, kongera ibikorwa by’inganda no kubaka Ibyanya byazo no guteza imbere ikoranabuhanga.

Minisitiri w’Intebe, Dr. Edouard Ngirente yakira abo bashyitsi

N’ubwo nta makuru aremezwa yo kuba u Rwanda rwasinyana na Portugal, ariko biravugwa cyane ko Lisbone na Kigali ibintu baba babigeze kure.

Visit Rwanda ubu yamaze kugera mu makipe y’ibihangange ku mugabane w’ Burayi, nko mu ikipe ya Arsenal mu Bwongereza, Paris Saint-Germain mu Bufaransa, FC Bayern Munich (mu Budage) na Atlético de Madrid (muri Esipagne).

Bimwe mu bimenyetso bica amarenga ku mikoranire y’u Rwanda na Portugal, ni nko kuba ku wa 10 Kamena 2025, Minisitiri w’Intebe w’u Rwanda Dr. Edouard Ngirente, yarakiriye itsinda ry’abahagarariye ikipe y’igihangange, SL Benfica n’abagize Tony Football Excellence Program (TFEP) i Kigali.

Mu itangazo ryashyizwe ahagaragara ku biganiro bagiranye, rivuga ko bibanze ku gushimangira imikoranire mu bya Siporo, no guteza imbere impano z’abakiri bato muri rusange mu Rwanda.

Rigira riti "Kuri iki gicamunsi Minisitiri w’Intebe Dr. Edouard Ngirente yagiranye ibiganiro n’abagize itsinda rya Benfica, na Tonny Football Excellence Program mu Rwanda, hagamijwe gushimangira imikoranire mu guteza imbere siporo no kuzamura impano z’abakiri bato".

Urwo ruzinduko kandi runarushaho kuzamura imikoranire hagati ya Guverinoma y’u Rwanda n’ibigo bikomeye by’umupira w’amaguru ku mugabane w’u Burayi, dore ko nka Tony Football Excellence Program yageze mu Rwanda kuva mu Ukwakira 2022, ubu yatangiye gukorera mu Ntara y’Amajyaruguru mu Turere twa Burera na Musanze.

Mu byo yatangiye gukora harimo kubaka ibikorwa remezo birimo ikibuga cy’umupira kigezweho, biteganyijwe ko kizaba cyuzuye bitarenze uku kwezi kwa Kamena 2025, ndetse yanatangije ishuri ryigisha umupira w’amaguru ryatangiye gutanga abakinnyi b’ingimbi ku bari munsi y’imyaka 17 na 20.

Impande zombi zagiranye ibiganiro

Urwo ruzinduko kandi ruje nyuma y’urwo Minisitiri wa Siporo mu Rwanda Nelly Mukazayire, yaherukaga kugirira i Lisbone muri Portugal rugamije guteza imbere abakiri bato, ishoramari mu bikorwa remezo no kugaragaza uburyo u Rwanda rwiyemeje kumurikira Abanyafurika, mu guteza imbere ibikorwa bya Siporo yo ku Mugabane w’u Burayi.

Nk’uko u Rwanda rukomeje kwagura ibikorwa bya Siporo nka bumwe mu buryo bwo gutsura umubano, bikomeje kuvugwa ko SL Benfica yo muri Portugal ari yo ikurikiyeho kwambara ikirango cya Visit Rwanda, ikaza isanga izindi kipe zikomeye ziri gukorana n’Ikigo cy’Igihugu gishinzwe Iterambere, RDB.

Igihagararo n’igikundiro ku ikipe nka Benfica ya Portugal yubatse izina, n’uburyo u Rwanda ruhagaze mu Karere ka Afurika y’Iburasirazuba EAC, bizashimangira ubufatanye mu by’ubucuruzi, ubukerarugendo, ndetse binazamure amazina y’abakinnyi bato ku mugabane wa Afurika.

N’ubwo nta masezerano azwi yashyizweho umukono n’impande zombi yatangajwe, ariko ibikorwa biriho biragaragaza neza inzira y’ubufatanye hagati y’u Rwanda na Portugal mu bya Siporo.

Ikipe ya SL Benfica yo muri Portugal yatwaye ibikombe byinshi by’imbere mu Gihugu kurusha izindi, kandi yakunze kwitabira amarushanwa y’amakipe yabaye aya mbere iwayo ku mugabane w’u Burayi muri UEFA.

Guverineri wa Banki Nkuru y’Igihugu avuga ko bagereranyije n’amakuru agaragarizwa Abanyarwanda buri gihembwe, BNR ihagaze neza mu micuringire y’agaciro k’ifaranga, aho basuzuma uko ifaranga rishobora kugwa ugereranyije n’ibihe byashize.

Avuga ko agaciro k’ifaranga ry’u Rwanda kagendana n’uko andi mafaranga n’ubukungu bw’ibihugu ku isoko mpuzamahanga bihagaze, haba ku mutekano n’ingaruka zituruka mu mihindagurikire y’ikirere, ibyorezo n’ishoramari mpuzamahanga.

Atanga urugero aho u Rwanda narwo rwagizweho ingaruka n’icyorezo cya Covid-19, Ibiza bya hato na hato byangije ibihingwa, intambara ya Ukraine n’Uburusiya, n’icyorezo cya Marburg na M-Pox byose bigira ingaruka ku ihungabana ry’ubukungu ariko ifaranga ry’u Rwanda ryakomeje kwihagararaho n’ubwo bitavuze ko naryo rihahungabanira.

BNR ifite uburyo irinda ubujura bw’ikoranabuhanga n’uhutekamutwe

Mu kiganiro Beyond Headlines cya KigaliToday, Guverineri wa BNR yatangaje ko uko ikoranabuhanga mu micungire y’amafaranga rigenda ritera imbere, abashaka kwiba za Banki muri ubwo buryo nabo bagenda biyongera.

Usibye kwiba mu buryo bw’ikoranabuhanga, hari n’abatekamutwe badukana uburyo bwo kuriganya amafaranga haba mu mabanki cyangwa mu baturage, nabyo bikabangamira umutekano w’amafaranga mu Gihugu.

Hari ngo n’abafite amafaranga hanze bashobora gutekerwa imitwe bakibwa, ari nayo mpamvu BNR n’Abafatanyabikorwa bayo mu mutekano w’amafaranga badahuga kuri iyo ngingo.

Agira ati, "Uko Isi itera imbere mu ikoranabuhanga, ni nako abashaka kwiba baryifashishije biyongera n’amayeri mashya, ariko twashyizeho ingamba zituma dukumira ubwo bujura, haba mu mabanki akorera mu Rwanda no hanze n’uburyo amafaranga acungirwa umutekano, bigizwemo uruhare na BNR n’Ikigo gishinzwe iby’umutekano w’amafaranga mu ikoranabuhanga mu Rwanda bituma twitwararika ku mutekano w’amafaranga".

Guverineri wa BNR asaba kandi Abanyarwanda n’abandi batunze amafaranga kuba maso igihe cyose babonye abaza biyitirira ishoramari rikoresha amafaranga, kuko hari abitwaza ibyo bigo byabo bakiba ababagana, babizeza inyungu y’uruhererekane cyangwa kuzunguka mu gihe runaka.

Atanga urugero ku ikoreshwa ry’ifaranga ry’ikoranabuhanga rya Cryptocurrency, ko n’ibisa naryo byakunze guhombya abantu atari uko ibyo bigo yenda bigamije kwiba koko, ahubwo byanagiye bikorana n’abantu batazi neza imikorere yabyo, ku buryo ababishoyemo bahombye kandi ntibasubizwe utwabo.

Agira ati, "Cryptocurrency irakora mu bindi bihugu ariko twe twabaye tuyikumiriye, kuko abantu benshi batazi imikorere yayo, igeze mu bigo bicunga amafaranga bitarayisobanukirwa byabyara ibihombo, ariko niza ikabanza igasobanura neza uko ikora abantu bakabyumva twareka igakorwa kuko noneho ababigiyemo baba babyumva ntawe uzabihomberamo".

Guverineri wa BNR kandi agaragaza ko ibitero by’ikoranabuhanga mu bigo bicunga amafaranga, uburiganya no guhuguza cyangwa kunyereza amafaranga bidakanganye cyane mu Rwanda, kuko bicungirwa hafi umunota ku wundi ku buryo nta Munyarwanda cyangwa umushoramari, ukwiye kwikandagira mu gushora mu Gihugu no gukorana n’ababa hanze yacyo mu gucuruzanya amafaranga.

Agaragaza ko mu rwego rwo kwagura imicungire y’amafaranga mu ishoramari, bagiye kuzamura ubushobozi bw’isoko ry’imari n’imigabane, kuko naryo rigira uruhare mu kwinjiza amafaranga ku isoko ryagutse, kandi mu buryo mpuzamahanga.

Reba ikiganiro kirambuye:

Biyemeje kwigira ku ndangagaciro z’Inkotanyi

Urubyiruko ruhagarariye abandi mu mirenge yose igize Akarere, abahagarariye urubyiruko rw’abakorerabushake, bagiriye uru rugendo mu Ntara y’Amajyaruguru, mu Karere ka Gicumbi, aho basuye Inzu Ndangamurage y’Urugamba rwo Kubohora Igihugu iri ku Murindi w’Intwari.

Abitabiriye uru rugendo baganirijwe ku mateka y’u Rwanda guhera mu gihe cy’ubukoloni, kugera igihe cy’urugamba rwo kubohora Igihugu n’ihagarikwa rya Jenoside yakorewe Abatutsi mu 1994.

Batemberejwe ahantu hatandukanye hagize inzu ndangamurage, basobanurirwa uburyo urugamba rwateguwe, aho rwatangiriye n’uko rwageze ku ntsinzi.

Umuyobozi w’Inama y’Igihugu y’urubyiruko mu Karere ka Ngororero, Byiringiro Amani, avuga ko bahawe inyigisho z’ubutwari bwaranze urubyiruko rwagize uruhare mu kubohora Igihugu, kandi ko biyemeza gukurikiza izo ndangagaciro zirimo, gukunda Igihugu, kwitangira abandi, kwirinda amacakubiri n’ingengabitekerezo ya Jenoside.

Basobanuriwe amateka yo kubohora Igihugu

Agira ati "Urubyiruko ruteguwe neza ni n’imbaraga z’Igihugu kandi zubaka, urugero ni urw’abari bagize Ingabo bahagurutse ngo zibohore Igihugu cyacu none tukaba dufite umutekano. Natwe tuzaharanira kugera ikirenge mu cyabo yenda ntituzajya ku rugamba twese, ariko hari byinshi twakora tugateza imbere Igihugu kandi tukacyubaka kurushaho".

Umwe mu rubyiruko rw’abakobwa basuye Ingoro ndanganurage y’uruganba rwo kubohora Igihugu, avuga ko biyemeje kandi kugeza ayo mateka ku bandi, bakanabigisha kugira ngo urubyiruko rw’u Rwanda rwose rugire ubumenyi n’indangagaciro bizima, bishingiye ku mateka y’Igihugu n’isoko y’ubumenyi n’ubutwari ku rubyiruko.

Agira ati "Ibyo twabonye aha n’amakuru twahawe bitwongerera imbaraga n’ubumenyi bushya tutakwicarana twenyine, tugomba gusangiza abandi inkuru nziza twamenye, aho ishingiye ku ndangagaciro zo gukunda Igihugu no kwitangira abandi nk’uko Inkotanyi zabigenje".

Ingoro ndangamateka y’Urugamba rwo kubohora Igihugu igizwe n’ibice bitandukanye bibitse amateka y’uruganba, birimo nk’inzu uwari Umugaba w’Ingabo Perezida wa Repubulika Paul Kagame yabagamo, indaki yakurikiraniragamo ibikorwa by’urugamba no kwirinda ibitero byo mu kirere, inzu yareberagamo imikino kuri televiziyo, n’aho abari abanyapolitiki ba FPR bacumbikaga.

Ibyo byose biri ahahoze ari uruganda rw’icyayi rwa Mulindi, bibitse amateka yo guharanira ko u Rwanda ruturwamo n’Abanyarwanda bose nta vangura, guca ubuhunzi, kwimakaza ubuyobozi bubereye abaturage no kurwanya akarengane, ahanini Inkotanyi zari zishyize imbere ku buryo zanakwemera kuhasiga ubuzima.

Amwe mu macumbi abanyamuryango ba RPF Inkotanyi bacumbikagamo

Muri iri vugurura, abakozi ba Kaminuza y’u Rwanda n’amashami yayo n’ikigo kigisha imyuga n’ubumenyi ngiro, bazatangira kubona inyungu ijyanye n’ubunyamwuga bigendanye n’ibyo bize n’uko byababyarira inyungu.

Ni muri urwo rwego abakozi bagomba kujya bazamurwa mu ntera ku gihe, haba abarimu, abashakashatsi n’abatanga amahugurwa bazajya bazamurwa, bahabwa amashimwe, aho ku ikubitiro abakozi bamaze igihe bazahabwa iminsi yabo y’ibiruhuko ku buryo bashobora kubona umwanya wo gukora ubushakashatsi, no gukora ibikorwa bindi ariko bakagumana amahirwe yo kuguma ku kazi kandi bahembwa.

Aya mavugurura ashingiye ku iteka rya Minisitiri w’Intebe ryasohotse mu Igazetinya Leta muri iki cyumweru, aho rigena imicungire mishya y’abakozi ba Kaminuza n’uburyo batangira ubuzima bushya bitandukanye n’imyaka ishize.

Iyi micungire mishya kandi iha Kaminuza uburyo bwo kwinjiza amafarang. Izi mpinduka zigamije kandi kuzamura uburyo bw’imyigishirize ya kinyamwuga, kuzamura igipimo cy’imyigishirize ku rwego mpuzamahanga, no gutuma Kaminuza zidatega amaboko gusa kuri Leta.

Nyuma y’imyaka 17 yiyubaka noneho dore impinduka

Izi mpinduka ni kimwe mu bimaze imyaka. byigwa ku murongo mugari wa Kaminuza kuva mu 2008, ahari hagamijwe kureba uko Kaminuza yakongera gukora nyuma ya Jenoside yakorewe Abatutsi mu 1994, yayogoje cyane Igihugu idasize n’uburezi bwacyo, n’ibikorwa remezo.

Aya mavugurura mashya kandi yitezweho kunoza gahunda Leta yihaye yo kugira ubukungu bishingiye ku bumenyi.

Politiki y’uburezi muri Kaminuza y’u Rwanda kuva 2008 yari igamije kandi kujyanisha ubumenyi n’uburyo bwo guteza imbere Igihugu, kurwanya ubukene, kigaragaza mu Karere u Rwanda ruherereyemo, no kwisanga mu ruhando rwa za Kaminuza ku Isi, by’Umwihariko kuzamura porogaramu za Siyansi n’ikoranabuhanga, kubaza inshingano kurwanya ubusimbane no kurwanya ingengabitekerezo ya Jenoside.

Izo mpinduka zatangiye kugaragara mu Mwaka wa 2013, aho Kaminuza zitandukanye z’ubRwanda zahurijwe hamwe zikitwa Kaminuza y’u Rwanda UR, hagamije kurwanya ibyiganano, uburyo bwiza bwo gucunga ibikoresho, no kuzamura ireme ry’uburezi n’ubushakashatsi.

Kuva icyo gihe Kaminuza y’u Rwanda yagabye amashami mu byiswe (Colleges) hagamijwe gucengera ubumenyi runaka, nk’ubuhinzi n’ubworozi, Siyansi n’ikoranabuhanga, Uburezi, ndetse na Siyansi mu buzima, n’ubundi buryo bwo gukomeza gushimangira uburezi bijyanye n’igihe.

Itegeko rishya rizatuma abarimu n’abashakashatsi batengamara

Iteka rya Minisitiri w’Intebe ryasohotse munIgazeti ya Leta ku wa 04 Kamena 2025 rigena uburyo bw’imicungire y’abakozi ba Kaminuza z’u Rwanda n’Ikigo cyigisha imyuga n’ubumenyi ngiro, kandi rugaragaza neza uburyo bw’imitangire y’amasomo, ubushakashatsi, n’uburyo abarimu bigishamo, gukorera mu mucyo no kubazwa inshingano.

Iri Teka kandi rigena uburyo bwo kuzamurwa mu ntera hashingiwe ku mpamyabumenyi, n’amanota umukozi afite mu kazi no ku mashinwe yahawe ku rwego runaka.

Ubwo buryo bwombi bugamije kubakira umukozi ubushobozi n’impano runaka yifitemo.

Iri Teka riha abakozi bo ku rwego rwa Professor ibiruhuko byabo n’ibijyanye nabyo, naho abakozi bafite uburambe bahabwa za konji zituma bacengera ubushakashatsi, no gukora ibindi mu nzego za Leta, ibyo bikaba bisa neza nk’uko muri za Kaminuza zabaye ubukombe ku Isi nka Harvard University zikora.

Ubu buryo butuma umukozi ku rwego runaka yongera kwivugurura mu bumenyi, guhanga udushya, akagaruka atyaye birushijeho.

Iri Teka kandi riha ubwisanzure bwose Kaminuza bwaba ubwo gushaka no guhemba abakozi, kubazamura ntera no kwishakamo amafaranga nk’uko bigenda muri za Kaminuza zikomeye mu Gihugu cy’Ubufaransa.

Mu buhamya bwa Rugumire Alphonse warokokeye mu mujyi wa Kigali agaragaza ko mu Itorero rye hakirimo abafite ingengabitekerezo ya Jenoside kandi ko ikwiye gukumirwa bigizwemo uruhare n’abayobozi, bagashishoza ku batanga inyigisho n’abahanzi, kuko mu byo bavuga hari ubwo usanga hihishemo imvugo z’urwango n’amacakubiri.

Rugumire avuga ko ibyo abona mu Itorero bimwibutsa ibyo yahuye nabyo Jenoside igihagarikwa, aho yabonye umwe mu bakoze Jenoside agiye kurya ku igaburo ryera, akabibwira umuyobozi mu Itorero, ariko akamusubiza nabi avuga ko mu rusengero atari mu rukiko.

Rugumire Alphonse

Icyo gihe ngo Rugumire we yahisemo kureka igaburo aritahira.

Agira ati, "Nasabye ko uwo muntu wakoze Jenoside atajya ku igaburo maze nsubizwa ko aho turi atari mu rukiko, ariko kubera ubuhamya bw’uwo muntu nari mfite mpitamo kwisohokera ndataha, dore ko n’ubundi mu rusengero bari biriwe bandyanira inzara, kuko nari nambaye agapira kanditseho amagambo yamagana Jenoside n’abayikoze".

Rugumire abwira abayobozi mu matorero ko n’uyu munsi hari ibigaragaza amacakubiri, kandi ko bibangamiye Ubumwe bw’Abanyarwanda. Nyamara, ngo bimwe abayobozi b’Itorero baba babibona ariko ntibagire icyo babikoraho.

Agira ati, "Ndagira ngo mbwire abayobozi ko hari ibiba bikirengagizwa kandi bigaragara. Hano haracyarimo inyigisho zigisha ku moko, Ubuhutu n’Ubututsi kandi ntacyo bikitumariye. Aha ni ho umukristo yahagurutse akavuga ngo banga kwiteranya ngo hatagira ubatambikana. Iryo jambo murikure mu Itorero kuko ntacyo bikitumariye kwibona mu moko".

Mu ngero yatanze, Rugumire yavuzemo indirimbo ya Korari yigeze kumenyekana no kwamamara, irimo amagambo agira ati "Abatashye baratashye, abagiye baragiye abasigaye barahogomba biyanduza."

Aho Rugumire ashaka kugaragaza ko indirimbo nk’iyo igamije gupfobya Jenoside yakorewe Abatutsi, kuko igaragaza ko abapfuye ibyabo byarangiye kandi nta wukwiye kwirirwa abaririra, kuko byaba ari ukwiyanduza kandi batazagaruka.

Agira ati, "Iyo nsuye iwacu aho data avuka nsura umusozi nkareba imbago z’umurima ngataha, ngenda nk’ikinyugunyugu kigurikira ku musozi. N’iyo nsuye iwabo wa mama niko bimeze ni umusozi wambaye ubusa. Ubwo se nzibagirwa ko habaye abanjye bishwe, maze ndeke kurira? Ibyo ni byo bita ukwiyanduza"?

Hari abavuze ko “Ibuka ari Dayimoni”

Gatesi Aimerence, Komiseri wa IBUKA mu Karere ka NYARUGENGE avuga ko nyuma ya Jenoside, abatarashakaga Ubumwe n’Ubwiyunge badukanye ubuhanuzi bw’ibinyoma bakajya bahanura ko babonye Umudayimoni uvuye mu kuzimu witwa IBUKA, bagamije guca intege Abakirisitu ngo batemera uwo muryango.

Agira ati, "Twaje gusanga abashakaga gupfobya Jenoside no kuzimanganya ibimenyetso, ari bo bahanura ko babonye Umudayimoni witwa IBUKA. Nyamara ahubwo, nibo bazanye umudayimoni witwa ceceka, ugamije kubuza abantu gutanga amakuru ku bishwe."

Yongeraho ati, "Hari aho bakora imihanda tugasangamo abacu kandi abakirisitu baranze gutanga amakuru. Hari kandi inzu zikekwaho ko zubakiye ku mibiri y’abacu, kandi zirimo iz’Abakirisitu babibonye bafite amakuru ariko bakicecekera.”

Umunyambanga nshingwabikorwa w’Umurenge wa Nyakabanda avuga ko ubwicanyi muri uwo Murenge bwihutishijwe n’uwari Konseye Nyirimanzi Gregoire ubu ufungiye i Mageragere, ubwo yashyirwagaho ngo amare Abatutsi bari bahatuye n’abahahungiraga.

Minisitiri Mugenzi ashyira indabo ku Rwibutso rwa Mayunzwe

Minisitiri Mugenzi yatangaje ibyo mu gihe hagenda humvikana ibikorwa bibangamira abarokotse Jenoside yakorewe Abatutsi, hakorwa igenzura bagasanga hari n’abarangije ibihano ku byaha bya Jenoside basubiye mu bikorwa byo kwibasira Abarokotse.

Ubwo yifatanyaga n’abatutage bo mu Murenge wa Mbuye kwibuka ku nshuro ya 31 Jenoside yakorewe Abatutsi, ku Rwibutso rwa Mayunzwe mu yahoze ari Komini Tambwe, Minisitiri Mugenzi yavuze ko ibikorwa byo kwibasira Abarokotse Jenoside yakorewe Abatutsi, byongeye gukwirakwira mu Karere k’Ibiyaga bigari, ariko byanageze mu Rwanda no mu Murenge wa Mbuye ntihasigaye.

Hanashyinguwe imibiri yabonetse

Yavuze ko ikibabaje ari uko ibyo bikorwa binagaragaramo abagize uruhare muri Jenoside yakorewe Abatutsi barangije ibihano, akaba abasaba kugira uruhare mu gufatanya n’abandi kubaka Igihugu kuko Jenoside nta nyungu yabagejejeho.

Agira ati "Turagira ngo twamagane twivuye inyuma buri wese ugifite ingengabitekerezo ya Jenoside, kureba uwarokotse Jenoside ukamwubahuka, ukamubwira amagambo amusesereza, amusubiza mu bikomere kugera n’aho murandura imyaka ye no kwica amatungo y’abarokotse. Ni ikimenyetso gikomeye cy’uko bamwe batarahinduka, byaragaragaye hose mu Gihugu kandi cyane cyane ku barangije ibihano basubijwe mu miryango. Nagira ngo nihanangirize abagifite umutima mubi wo kwica abantu kubireka, kuko nta nyungu yo kwica umuntu".

Yongeraho ati "Icyaha cya Jenoside ntigisaza, ndasaba abarangije ibihano bakatiwe kubera ibyaha bya Jenoside, gufatanya n’inzego z’ibanze kumenya no gutanga amakuru y’ahajugunywe imibiri y’Abatutsi bishwe muri Jenoside kugira ngo bashyingurwe mu cyubahiro, nibwo bazaba bagize uruhare mu kubaka Igihugu".

Abayobozi batandukanye bitabiriye iki gikorwa

Avuga ko kuba abayobozi bagize uruhare muri Jenoside yakorewe Abatutsi batarabazwaga inshingano, byatije umurindi ubwicanyi, kandi ko uwo muco bawukomoye ku bazanye n’abigishije ingengabitekerezo ya Jenoside, ariko ko Leta y’Ubumwe ishyize imbere kubaza abayobozi ibyo bakorera abaturage ngo bamererwe neza, bityo ko hakwiye imikoranire ngo bigerweho.

Ashimira izahoze ari Ingabo za RPA-Inkotanyi zitanze zikarokora Abatutsi bahigwaga i Mbuye, kuko bahageze hari inkuru imwe gusa ivuga ko hasigaye Umututsi umwe rukumbi, ariko abicanyi baribeshyaga kuko hari abo Inkotanyi zasanze bagihumeka, ubu bakaba bariyubatsemo ubushobozi

Urugero ni urwa Drocella Nyiratamu warokokeye i Mbuye ari umwana w’imyaka umunani, ariko nyuma akabasha kwiyubaka akaba akorera mu Karere ka Rutsiro, aho yumva atekanye kuko ntawe ukimubonamo ubwoko runaka, kandi akomeje kwiga ku buryo azagera kure.

Agira ati "Inzira ya Jenoside ntabwo yaduheranye twariyubatse kubera Leta nziza, ubu ndi umubyeyi nkorera abana n’umuryango, ndatanga umusanzu wo kubaka Igihugu, narize ndangiza Kaminuza kandi ndakomeje no kwiga icyiciro cya gatatu (masters), ku buryo nzakomeza nkagira uruhare mu kubaka Igihugu cyanjye".

Minisitiri Mugenzi arihanangiriza buri wese uhembera urwango

Ubwo hibukwaga ku nshuro ya 31 Jenoside yakorewe Abatutsi mu Murenge wa Mbuye, hanashyinguwe imibiri itatu yabonetse hakaba hakomeje gusabwa ko abafite amakuru y’ahakiri imibiri, bayatanga bityo bagashyingurwa mu cyubahiro, ababo barokotse bakaruhuka.

Iri cumbi rigezweho rya ba Mukerarugendo basura Pariki y’Akagera Magashi Penensula, rizaba rifite ibyumba umunani byo kuraramo, rwagati muri iyo pariki biteganyijwe ko rizatahwa mu Kwakira 2025.

Ni inzu iri neza ku nkengero z’Ikiyaga cya Rwanyakizinga, n’udusozi twa Mutumba, ikaba igizwe n’inyubako ebyiri imwe y’ibyumba bine byo kuraramo, n’indi biteganye ku ntera ya metero 200.

Iyo nyubako ya kabiri nayo igizwe n’icyumba cyo gukoreramo siporo, ibyumba abana bararamo cyangwa ibiro, kandi hari aho kurara nibura abantu batandatu bakahaba bisanzuye.

Ni icumbi ritatswe mu buryo bwa kizungu na Kinyarwanda, n’imitako gakondo cyangwa ikozwe mu buryo bugezweho bwa kizungu, rikikijwe n’imitako myiza kandi abahasura bakaba bafite uburyo bwo kutabangamirwa, dore ko ibyumba by’abashyitsi byubatse mu buryo bugezweho abanyamafaranga bakemera.

Muri iryo cumbi kandi harimo icyumba cy’uruganiriro, urwogero rugari rw’abantu benshi, aho gukorera imyitozo ngororamubiri n’ibindi bikorwa remezo byo kwishimishirizamo.

Ibyumba byose byubatse ku buryo ababishaka baba bitegeye isanzure, bashobora kureba no kwitegereza inyenyeri n’ibindi biri hirya no hino, kandi byubatse mu buryo aho umushyitsi aruhukiye hose aba ashobora kureba inyamaswa zirimo nk’imvubu, ingona, imbogo n’inzovu.

Iyi nyubako yose kandi ikoresha ingufu z’amashanyarazi y’imirasire y’izuba, mu rwego rwo kugabanya ibyashobora kubangamira urusobe rw’ibinyabuzima, n’inyamaswa zo muri pariki n’ibikorwa by’ubukerarugendo.

Bakomeje gusaba abafite amakuru y’ahajugunywe ababo muri Jenoside kuyatanga

Babitangarije mu gikorwa cyo Kwibuka ku nshuro ya 31 Jenoside yakorewe Abatutsi i Kabgayi mu Karere ka Muhanga, ahanashyinguwe imibiri 11 y’Abatutsi bishwe muri Jenoside babonetse i Kabgayi, n’indi itatu yavanywe mu mva zisanzwe aho yari ishyinguye mu buryo budahesheje icyubahiro.

Ndagijimana Athanase wavuze nk’ugaharariye imiryango yashyinguye ababo, yagaragaje ko umugore we yaherekeje mu cyuhahiro, yiciwe mu Karere ka Ruhango, nyuma y’umunsi umwe gusa umukecuru umwe amusabye ko yamuha umwana w’umukobwa yari ahetse kugira ngo umugore wa Ndagijimana, ajye abona uko ahunga bimworoheye uwo mwana aza kurokoka.

Ndagijimana avuga ko undi mwana we w’umukobwa, yahishwe n’umucuruzi mugenzi we wanamuhunganye akamugerana mu Gihugu cya Kenya.

Agira ati "Nk’umugore wanjye twashyinguye uyu munsi iyo uwo mukecuru atamwambura umwana bari gupfana, ariko ubu uwo mwana yararokotse, undi mukobwa wanjye na we umucuruzi twakoranaga yagiye kumukura mu rugo ajya kumuhisha, baranahungana na we ararokoka, ndabashimira cyane".

Ndagijimana ariko anavuga ko abarokotse muri rusange, bababazwa cyane no kuba amakuru y’ababo bishwe agikomeje guhishwa n’abayazi, kandi nyamara haratanzwe imbabazi ku bakoze Jenoside akibaza amaherezo bikamuyobera.

Agira ati "Niba uyu munsi dushyingura imibiri umunani yabonetse, ni uko amakuru atamenyekanye mbere. Nanjye mfite umuvandimwe numva ko yiciwe mu Byimana ariko abamwishe ntibashaka kugaragaza aho mabujugunye, kandi twaratanze imbabazi, ubwo se abazihawe barazemeye?”

Guverineri w’Intara y’Amajyepfo Kayitesi Alice, avuga ko itariki ya 02 Kamena 1994, ari umwanya wo kugaya abayobozi, abihaye Imana n’inzego z’umutekano bayoboye bakanashora abaturage muri Jenoside yakorewe Abatutsi, by’umwihariko abahungiye i Kabgayi bizeye kuhabonera ubuhungiro kuko hari mu bihaye Imana.

Ashimira izahoze ari ingabo za RPA-Inkotanyi kuko zarengeye ubuzima bw’Abatutsi bari bataricwa n’Interahamwe kuri iyo tariki, kuko ku wa 02 Kamena 1994, ari bwo zabohoye Kabgayi nyuma yo kwirukana interahanwe zari zamaze kugota inkambi ya Kabgayi.

Bibutse ababo baguye i Kabgayi

Guverineri Kayitesi avuga ko kuza kwibuka abazize Jenoside, ari ukongera kubasubiza icyubahiro bambuwe n’ababishe nabi, no kongera gutsura umubano utagaragara n’ababo bishwe.

Agira ati "Kwibuka ni ukugirana umubano utagaragara n’abacu, kubaka Ubumwe n’Ubudaheranwa bw’Abanyarwanda gushishikariza urubyiruko gukunda Igihugu, no kurwanya ingengabitekerezo ya Jenoside no guhangana n’abayihembera baba imbere mu Gihugu cyangwa hanze yacyo".

Urwibutso rwa Kabgayi rushyinguyemo imibiri y’abazize Jenoside yakorewe Abatutsi isaga ibihumbi 10, bikavugwa ko harokokeye abasaga ibihumbi 15, nyamara inkambi yose yarimo abasaga ibihumbi 50, ibyo bikaba bivuze ko kimwe cya kabiri cyabo bajyanwaga kwicirwa ahantu hatandukanye mu modoka za Leta n’iz’abikorera.

Urugero ni abapakiwe za bisi bakajyanwa kwicirwa ahitwa ku Ngoro ya Muvoma mu Akarere ka Ngororero, n’abajyanwaga kurohwa muri Nyabarongo, bikaba bigoye kumenya irengero ryabo.

Ndagijimana n’ubwo bongeye gushakana bashyira indabo ku Rwibutso

Minisitiri w’Iterambere ry’Umuryango, Uwimana Consolée, avuga ko umwana w’u Rwanda ubundi atatabwaga

Babishimiwe Ku wa 30 Gicurasi 2025, ubwo ba Malayika Murinzi baturutse hirya no hino mu Gihugu babarirwa mu 2,000 bahuriye mu Mujyi wa Kigali, kwizihiza isabukuru ya Malayika Murinzi mu Gihugu.’

Abinyujije mu muvugo, Malayika Murinzi Therese Nyinawumuntu wo mu Karere ka Nyaruguru, yagaragaje ko umwana ari umunyagitinyiro, bityo ko buri Munyarwanda akwiye kwita ku mwana wese, atitaye ku kuba bafitanye isano cyangwa batayifitanye, iyo ikaba ari na yo nsanganyamatsiko igarukwaho buri mwaka yo kwita ku mwana wese nk’uwawe.

Umuyobozi Mukuru wa NCDA, Ingabire Assumpta, avuga ko isabukuru ya Malayika Murinzi, ari ukwizihiza ababyeyi bafite ubwitange n’umutima ukunda bakakira abana mu miryango yabo.

Agira ati "Turashimira uburere bwiza babatoza bagakura ari abana beza, bafite umuco, urukundo n’intego bagomba kuba bagezeho kuko barezwe neza".

Minisitiri w’Iterambere ry’Umuryango, Uwimana Consolée, yagaragaje ko mbere ya 1970 nta kigo cy’imfubyi cyabaga mu Rwanda, kuko Abanyarwanda bari bazi kwita ku bana, ku buryo ubuze umubyeyi yafatwaga na bamwe mu bagize Umuryango akomokamo akarerwa.

Ba Malayika Murunzi barashimwa

Avuga ko mu 1972 ari bwo ikigo cya mbere cy’imfubyi cyashingiwe ku Nyundo, bikagaragaza ko Abanyarwanda bari bamaze kudohoka ku burere bw’umwana mu muryango, ariko byaje kuba bibi cyane nyuma ya Jenoside yakorewe Abatutsi, aho ibigo byinshi by’imfubyi byiyongereye kubera abana benshi bari bamaze kubura ababyeyi, nta n’imiryango yabo ihari ngo ibiteho.

Agira ati "Ubundi cyera nta mwana watabwaga, iyo habagaho ikibazo cyo kubura umubyeyi umwana yafatwaga n’abagize umuryango akomokamo bakamurera, agakurana indangagaciro za kibyeyi bityo akazigirira akamaro".

Minisitiri Uwimava avuga ko uko u Rwanda rwakomeje kugenda rwiyubaka, Leta yafashe umwanzuro wo gufunga ibyo bigo by’imfubyi, maze hashyirwaho gahunda yo kubohereza mu miryango,

NCDA igaragaza ko nibura abana hafi 4,000 bahise bajyanwa mu miryango, dore ko abagera kuri 70% byari bimaze kugaragara ko bafite ababyeyi cyangwa abo mu miryango yabo bashobora kubakira, abandi bakirwa n’Inshuti z’umuryango na ba Malayika Murinzi.

Minisitiri Uwimana ashimira Madamu wa Perezida wa Repubulika Jeanette Kagame watangije gahunda ya fata umwana wese nk’uwawe, kuko yatumye kugeza na n’ubu ba Malayika Murinzi bakomeje kwakira abana mu byiciro bitandukanye, ushaka umwana akaba yiyandikisha binyuze ku mukozi w’Akarere uhagarariye NCDA.

Agira ati "Turashimira Madame Jeanette Kagame wabonye ko gusubiza umwana agaciro bikwiye gushingira ku muryango. Turashimira ba Malayika Murinzi biyemeje kwitanga nta gihembo bakakira abana ubu hakaba hari n’abashaka kubakira bamaze kwiyandikisha, umwana w’Umunyarwanda ntakwiye kurererwa mu bigo by’imfubyi".

Ba Malayika Murinzi bari mu byiciro bitatu birimo icyakira abana by’igihe gito, icyakira abana by’igihe kirekire n’abakira abana bafite ibibazo byihariye.

Abamaze kwakira abana bagaragaza ko batewe ishema no gufasha Igihugu kukirerera, dore ko hari n’abana barerewe mu miryango yabakuriye, ubu barangije amashuri na za Kaminuza, bakaba baravuyemo ababyeyi beza kubera ko barezwe neza.

Ba Malayika Murinzi bakanifuza ko hagumaho ubufatanye mu kwita kuri abo bana, kubitaho hakurikijwe ibyiciro by’imyaka yabo n’iterambere ry’Isi y’ikoranabuhanga.

Umuyobozi Mukuru wa NCDA, Ingabire Assumpta

EdTech Monday iragaruka ku guteza imbere amasomero yo mu buryo bw’ikoranabuhanga

Ubushakashatsi bwakozwe n’Ikigo cy’Igihugu gishinzwe Uburezi (REB), bugaragaza ko 40% by’amashuri agifite ikibazo cy’amasomero, bikaba bihangayikishije kuko bigora abanyeshuri mu gusubiramo amasomo no gukora ubushakashatsi, no korohereza abarimu gutanga ubumenyi bufite ireme.

Mu kiganiro EdTech Monday cyo kuri uyu wa 26 Gicurasi 2025, abatumirwa baragaruka ku buryo amasomero yo mu buryo bw’ikoranabuhanga akoresha murandasi, yagira uruhare mu kunoza uburezi kuri bose kandi bufite ireme.

Baragaragaza impinduka mu myumvire ku bijyanye no kwitabira amasomero n’imyigire hifashishijwe murandasi.

Baragaruka ku buryo hasobanurwa Digital Talent Program (DTP), imbogamizi nyamukuru zibangamira ikoreshwa ry’amasomero n’amasomo akurwa kuri murandasi/interineti, n’ibirimo gukorwa ngo bikemurwe.

Muri EdTech Monday kandi haraganirwa ku cyakorwa kugira ngo abarimu bifashishwe mu gukangurira abanyeshuri gukoresha amasomero ari kuri murandasi, n’icyakorwa kugira ngo amasomero n’imyigire yo kuri murandasi byizerwe anitabirwe kurushaho.

Ku kijyanye n’uruhare rw’abarebwa n’uburezi mu miryango no ku mashuri, abatumirwa baragaruka ku cyakorwa mu kongera ubukanguramba mu barimu, abanyeshuri n’ababyeyi ku mikoreshereze y’amasomero yo kuri murandasi, n’icyakorwa kugira ngo ubwitabire bwo kwiga no gusoma kuri murandasi bwiyongere.

Ntimucikwe n’ikiganiro EdTech Monday cya Mastercard Foundation cyo kuri uyu mugoroba saa kumi n’ebyiri (18:00) kuri KT Radio n’imbuga za Kigali Today, aho musobanukirwa uburyo bwose bwafasha abanyeshuri, abarimu n’ababyeyi kuzamura ireme ry’uburezi bw’abana hifashishijwe ikoranabuhanga ry’amasomero akoresha murandasi.

Umuryango IBUKA ugaragaza ko abikorera barimo abacuruzi, bari bafite amafaranga menshi n’imodoka zafashaga Leta kwihutisha umugambi wa Jenoside, ndetse bakanica bamwe muri bagenzi babo bari abacuruzi, aho kubafasha kurokoka bagendeye ku nyungu bari bahuriyeho.

Perezida wa IBUKA mu Karere ka Muhanga, Fidel Dushimimana, agaragaza ko abikorera bagize uruhare muri Jenoside, aho batwaraga interahamwe kwica hirya no hino, no kugura ibikoresho by’ubwicanyi, bituma kubera ubushobozi bari bafite, banagera kure kuko bashoboraga kugeza interahanwe hirya no hino mu modoka zabo.

Avuga ko i Kabgayi ariho hari hasigaye Abatutsi abandi barashize, bituma interahanwe zo hirya no hino ziza kwica Abatutsi, zikabapakira imodoka zikajya kubicira ahantu hatandukanye.

Agira ati "Ubushobozi bw’abacuruzi bwo kugira amafaranga, bwatumye interahanwe zibukoresha zigatwarwa mu modoka zikajya kwica hirya no hino habaga hasigaye Abatutsi. Turagaya abikorera icyo gihe bakoresheje ubushobozi bw’ubutunzi bwabo muri Jenoside, aho kubukoresha barokora ubuzima bw’abahigwaga".

Ashimira uburyo uyu munsi urwego rw’abikorera, rushyira imbaraga mu gusigasira Ubumwe bw’Abanyarwanda aho kwishora mu bwicanyi.

Agira ati "Nyuma ya Jenoside abikorera bagenda bagira uruhare mu gushyigikira Leta n’imiryango yita ku barokotse Jenoside mu iterambere no mu isanamitima, ibyo turabishimira abikorera".

Yongeraho ati "Abikorera bishwe muri Jenoside barakoraga, bakabona inyungu yo guteza imbere Igihugu ariko nticyabibonaga nk’inyungu, kuko aho kubafasha gutera imbere abayobozi bahisemo kubica birengagije agaciro bari bafitiye Umuryango Nyarwanda".

Umuyobozi w’Akarere ka Muhanga, Kayitare Jacqueline, avuga ko kuba abikorera bagira uruhare mu gufasha ibikorwa byo Kwibuka, bikagenda neza ari ukongera guhumiriza abarokotse mu bihe bitoroshye bahuriramo n’ingaruka za Jenoside.

Agira ati "Mwatumye hari ibikorwa bigenda neza muri iki gihe cy’iminsi 100 twibuka abazize Jenoside, ni umusanzu ukomeye kuko ubushobozi mwatanze n’inkunga mwageneye abarokotse, ibafasha gukomeza kurwanya ubwigunge".

Uhagarariye urwego rw’abikorera, PSF, ku rwego rw’Igihugu, Mutagoma Felix, avuga ko nk’uko uhagarariye IBUKA abigarukaho, iyo abikorera badashyira koko imbaraga mu gutanga amafaranga n’imodoka zo kwifashisha, Jenoside itari kugira ubukana nk’ubwo yakoranywe, agashimangira ko kwibuka Jenoside ari ukugaruka ku guhangana n’abagishaka kuyipfobya baba ababa mu Rwanda, mu bihugu bikikije u Rwanda no ku mugabane w’u Burayi.

Agira ati "Kwibuka Jenoside yakorewe Abatutsi ni igikorwa kigamije guhumuriza abarokotse, kwamagana abahakana n’abapfobya Jenoside no kwihesha agaciro kuko nta waremewe kwicwa, ndetse no gufata ingamba nshya zo gukomeza kwiteza imbere, kandi abarokotse Jenoside nabo bateye iyo ntambwe mu ishoramari ritanga akazi kuri benshi bakanateza imbere Igihugu".

Avuga ko kuba abari gukora ishoramari rigezweho uyu munsi barimo abafite imyaka hagati ya 30 na 40, hari icyizere cy’uko hazanabaho abikorera beza batarangwa n’ingengabitekerezo ya Jenoside.

Abikorera mu Karere ka Muhanga banaremeye abarokotse Jenoside babaha inka enye, kandi abazihawe bavuga ko bagiye gukomeza gukora bakiteza imbere kuko izo nka zibakura mu bwigunge, bagakora bakiteza imbere babona amata n’ifumbire.

Meya Kayitare n’abandi bayobozi bashyize indabo muri Nyabarongo yajugunywemo Abatutsi

Ubundi amateka y’u Rwanda agaragaza ko mu muco nta wicaga umugore cyangwa umwana, kuko bari abanyantege nkeya, ariko banubahirwa ko ari bo bashingirwaho kwaguka k’umuryango.

Muri Jenoside yakorewe Abatutsi mu 1994, ibintu byahinduye isura nabo baricwa, ari na ho Meya Kayitare ahera avuga ko uwishe abagore n’abana yari agamije kurimbura Abatutsi burundu.

Ubwo hibukwaga abagore n’abana mu Murenge wa Rugendabari, mu Karere ka Muhanga ahari ikimenyetso cy’amateka ku mugezi wa Nyabarongo, Umuyobozi w’Akarere ka Muhanga Kayitare Jacqueline yagaragaje ko kwica Abatutsi, no kubaroha muri Nyabarongo by’umwihariko abagore n’abana, ari ishyano ryagwiriye Igihugu ridakwiye gusubira ukundi.

Agira ati "Kwibuka abagore n’abana batabashije kurokoka Jenoside ni ubutumwa bukwiye kutwibutsa ko umugore atanga ubuzima, bityo ko kurimbura Umututsikazi ari ikimenyetso cy’uko uwateguye Jenoside atifuzaga ko hari Umututsi uzongera kubaho, kuko nta wari kuzakura cyangwa kongera kuvuka".

Meya Kayitare yunamiye Abatutsi bazize Jenoside

Ubuhamya butangwa n’Abatutsi barokotse Jenoside mu yahoze ari Komini Buringa, ubu ni mu Murenge wa Rugendabari, bugaragaza ko nyuma yo kubona ko kwica abagabo bitwara imbaraga, bigiriye inama yo kwica abagore n’abana babaroshye muri Nyabarongo, n’ubundi bagamije kurimbura burundu Umututsi maze imbaraga zindi bazishyira mu guhiga abagabo.

Abarokokeye i Buringa bavuga ko kuba baraturanye na Komini Kibilila, bahoraga babona imirambo mu mugezi wa Nyabarongo, bishwe bakarohwa kandi n’abambukiranya Perefegitura za Gitarama na Gisenyi babonagamo iyo mirambo.

Ibyo ngo byatumye abayobozi bandi babona ko Kibilila ibarusha gukora (Kwica Abatutsi), maze nabo bakajya babishishikariza abaturage, ndetse n’abaturage bagatangira kubona ko kwica Abatutsi nta kibazo kirimo kuko n’ahandi bikorwa, maze na Buringa batangira kwica Abatutsi banabaroha muri Nyabarongo.

Mushimende Seraphine warokokeye i Buringa, avuga ko mu 1990, abicanyi bo muri Komini Kibilila batangiye kwica bahise banatera iwabo i Buringa, bagahungira kuri Komini Buringa bagahurirayo n’Abatutsi bahunze bava muri Kibilila.

Mushimende warokoye mu Murenge wa Buringa avuga ko no mu 1994, Abatutsi bo muri Kibilila bahungiye i Buringa, kuko ho bari bataratangira kwica kugeza mu matariki ya 14 Mata 1994, kandi ko Nyabarongo yari inzira koko yo kurimbura Abatutsi.

Agira ati "Abanjye bose baroshywe muri Nyabarongo, na mama na barumuna banjye na basaza banjye, nanjye bashatse kenshi kundoha muri Nyabarongo ariko kuko umugabo wanye yari Umuhutu yakomeje kumpisha, akandokora ibitero by’interahamwe ariko nagejejwe kenshi kuri Nyabarongo ngo bandohe, kugeza ubwo Inkotanyi zasangaga batarandoha".

Umuyobozi w’Umuryango uharanira inyungu z’Abakorokotse Jenoside yakorewe Abatutsi, IBUKA, mu Karere ka Muhanga Fidel Dushimimana, ni ho ahera agaragaza ko guturana n’iyahoze ari Komini Kibilila n’umugezi wa Nyabarongo, byatije umurindi Jenoside yakorewe Abatutsi mu yahoze ari Komini Buringa, kuko abicanyi barohaga Abatutsi muri Nyabarongo.

Agira ati "Komini Kibilila yari indorerwamo ku zindi Komini mu kwica Abatutsi, abicwaga bakanyuzwa muri Nyabarongo byitwaga ko bavuye Kibilila bityo n’ahandi bakabona ko ubwicanyi buri gukorwa kandi budakumirwa, nabo bagenda biga kwica gutyo gutyo".

Umuyobozi w’Akarere ka Muhanga avuga ko imiyiborere myiza y’u Rwanda rwa none, ishyira imbere umugore ubyarira Igihugu n’umwana w’Igihugu cy’ejo hazaza, kandi ko umugambi wo kuzimya imiryango utazongera kuba ukundi, kuko Jenoside itazongera kubaho ukundi.

Minisitiri w’Ibidukikije, Dr. Uwamariya Valentine

Yabitangarije mu gikorwa cyo Kwibuka ku nshuro ya 31 Jenoside yakorewe Abatutsi mu 1994 mu Mirenge ya Ruhango, Bweramana, Byimana na Mwendo, igize iyaboze ari Komini Tambwe, ubu ni mu Karere ka Ruhango ahanashyinguwe mu cyubahiro imibiri 45 irimo 44 yimuwe mu mva zo muri iyo Mirenge n’umwe wabonetse.

Minisitiri Uwamariya wari waje kwifatanya n’Abanyaruhango kwibuka Jenoside yakorewe Abatutsi muri iyo Mirenge yahoze ari Komini Tambwe, yavuze ko hiciwe Abatutsi barenga ibihumbi 20, aho Umututsi wa mbere yiciwe imbere y’ibendera hagamijwe kwereka abaturage ko Jenoside itangijwe.

Avuga ko abishwe bari abahungiye kuri Superefegitura ya Ruhango, no kuri Komini aho uwari Burugumesitiri na Perezida w’Urikiko rwa Kanto rwa Ruhango n’abandi bayobozi, batangije ubwicanyi kandi bakanayobora Jenoside mu yahoze ari Komini Tambwe.

Agira ati "Nko kuri Komini Tambwe, Umututsi wa mbere yiciwe imbere y’ibendera kugira ngo abaturage n’interahamwe batangire kwica, mu gihe ubundi dusanzwe tuzi ko inzu z’ubutegetsi ari izo guha serivisi abaturage".

Bashyinguye imibiri y’Abatutsi bazize Jenoside

Avuga ko Politiki y’urwango rwo kwica Abatutsi yabanje kubagaragaza nk’abatari Abanyarwanda, kandi byari bishingiye ku mateka agoretse y’abakolini yigishijwe mu mashuri n’abana bagakura bazi ko bagenzi babo ari Abatutsi, inzoka n’inyenzi kandi ko bubica nta cyaha kiba gikozwe. Ikibabaje akaba ari uko ubwo bugome, n’uyu munsi bugikwirakwizwa hirya no hino ku Isi, aho bakomeje guhakana Jenoside.

Agira ati "Ndasaba buri wese kugira uruhare mu kwamagana abagoreka amateka bagamije kutuyobya ku bumwe Abanyarwanda twahisemo. Ntabwo twakwiyubaka tukifitemo amacakubiri, nimureke tuzirikane ko icyo dupfana kiruta icyo twapfa cyose bityo ko dukwiye gukomeza kwiyubakira Ubumwe bwacu".

Uhagarariye imiryango y’abashyinguye ababo mu Rwibutso rwa Ruhango, avuga ko bishimira kuba Leta y’Ubumwe bw’Abanyarwanda yaragaruye Ubumwe igatanga n’ubutabera, ku barokotse Jenoside.

Avuga ko ubwo butabera bwatumye abarokotse Jenoside batera intambwe bagatanga imbabazi ku babiciye, kandi kubohoka bituma abari barashyinguye ababo mu matongo bahitamo kubazana mu Rwibutso aho bashyinguye neza.

Agira ati "Ni byo tugiye gushyingura abacu kuko twari twabikoze uko twishoboye ku giti cyacu, ariko uyu munsi hari abacu benshi tutarabona ngo tubashyingure mu cyuhahiro. Hari abiciwe mu bice bya Muhanga, tukaba dukomeza gusaba ko uwagira amakuru y’aho bajugunywe yayatanga, na bo tukabashyingura mu cyubahiro".

Umututsi wa mbere yiciwe ku ibendera mu gutangiza Jenoside

Anenga kandi akagaya abakoze Jenoside yakorewe Abatutsi, barimo abayobozi n’abandi bagikomeje guhembera amacakubiri n’ingengabitekerezo ya Jenoside, agashimira ababashije guhisha Abatutsi kuko bafashije kugera ku cyizere kiriho uyu munsi, kandi ko bumva ari icyizere kirambye.

Uhagarariye IBUKA Komiseri Ndatsikira Evode, avuga ko kurokoka Jenoside bivuze gukomeza kwifuriza abandi ubuzima, n’ubwo bafite amateka atari meza dore ko n’ubundi uwakoze Jenoside we nta rukundo afitiye Umunyarwanda.

Avuga ko gahunda yiswe Intango y’Ubudaheranwa yatangirijwe mu Karere ka Nyaruguru, hagamijwe gukomeza no gufasha abarokotse Jenoside yakorewe Abatutsi, aho bashakirwa ubuvuzi n’amacumbi hagamijwe umuco mwiza wo kwigisha Abanyarwanda ko Jenoside idakwiye kuzongera ukundi.

Agira ati "Turishimira ko ubutabera bukomeje gutangwa haba ku bakoze Jenoside, n’abagikomeje umugambi mubisha, kuko bazakomeza kuryozwa ubwo bugome bwabo kandi bibere abandi urugero rwo kurwanya Jenoside".

Minisitiri Uwamariya yaboneyeho gusaba abagize uruhare muri Jenoside, kugira inkomanga ku mutima bagatanga amakuru y’ahajugunywe imibiri y’abishwe, kuko byagira uruhare mu kubaka abarokotse Jenoside, akanasaba ko Abanyarwanda muri rusange bakomeza kwegera Abarokotse Jenoside bakabafata mu mugongo, kandi abaturage bagakomeza kwirinda ingengabitekerezo ya Jenoside.

Bunamiye inzirakarengane z’Abatutsi bishwe bazira uko baremwe

Abakozi bashinzwe iteganyabikorwa (Planners) mu bigo bamaze guhugurwa uko bagira uruhare mu kunoza raporo ku burenganzira bwa muntu

Mu rwego rwo kwitegura inama mpuzamahanga muri Mutarama 2026 hasuzumwa uko Ibihugu byitwaye, Minisiteri y’Ubutabera imaze guhugura abakozi bashinzwe itegurabikorwa mu bigo ku kugira ngo raporo zizatangwa zizabe zikozwe neza, zigaragaza uko u Rwanda rwashyize mu bikorwa amasezerano mpuzamahanga.

Umukozi wa Minisiteri y’Ubutabera ushinzwe ishami mpuzamahanga William Ndengeyinka, avuga ko abo bakozi bashinzwe iteganyabikorwa mu bigo bya Leta ari ingenzi mu gusobanukirwa

Agira ari, "Ni ingenzi cyane ko umukozi ushinzwe iteganyibikorwa (Planner) asobanukirwa uburyo bwo gukora izo raporo, kuko niwe ugira uruhare mu gutegura ibizakorwa ari nayo mpamvu akwiye kumenya uko ibyakozwe bikorerwa raporo".

U Rwanda nyamara rugaragaza ko kuba hari raporo z’imiryango mpuzamahanga zikorwa zigoreka ukuri, ku iyubahirizwa ry’Uburenganzira bwa muntu, bidakuraho gukomeza kubahiriza ibikubiye mu myanzuro mpuzamahanga isaga 160 y’Uburenganzira bwa muntu ruherutse kwemeza burundu n’uko ashyirwa mu bikorwa mu Rwanda.

Agira ati, "Abakora bene izo raporo ntacyo twabikoraho, abashaka kutuvugisha baratwegera, abatabishaka bakabikora uko bashaka ariko natwe tukagira uburyo tubisesengura natwe tukagira ibyo dukora".

Ndengeyinka avuga ko raporo zikorwa n’imiryango mpuzamahanga zidateye ubwoba kuko iyo hari gukorwa isuzuma mpuzamahanga raporo z’u Rwanda ziba zitanga amakuru yari yagoretswe

Agaragaza ko u Rwanda rwemeye gushyira mu bikorwa imyanzuro 160 y’ayo masezerano muri 2011, kandi ko bikwiye ko abashinzwe itegurabikorwa nabo bamenya uko iyo myanzuro ishyirwa mu bikorwa.

Raporo zivuga ibinyoma ku Rwanda zakunze kugaragaza ko ubwirinzi bwarwo ku mupaka na Repubulika Iharanira Demokarasi ya Congo, bubangamiye icyo Gihugu, zirengagije ko u Rwanda rufite uburenganzira bwo kwirwanaho.

Ese ubwirinzi bw’u Rwanda bunyuranyike n’amategeko mpuzamahanga?

Ni kenshi hakunze kumvikana Ibihugu bitandukanye n’Umuryango mpuzamahanga bisaba u Rwanda gukuraho ubwirinzi bwarwo, rwashyizeho mu rwego rwo kurinda ubusugire bwarwo, nyuma yo kubona ko rugabwaho ibitero n’imitwe yitwaje intwaro irimo na FDLR yasize ikoze Jenoside mu Rwanda.

Igihugu cya Repubulika Iharanira Demokarasi ya Congo, aho guhagarika ubwo bugizi bwa nabi, cyareze u Rwanda kubangamira umudendezo wacyo, kirusabira ibihano ndetse hirengagijwe amasezerano mpuzamahanga bimwe mu bihugu by’Iburayi bifata ko ibihano ku Rwanda, nyamara nabyo bayarasinye amasezerano mpuzamahanga ku burenganzira bwa muntu.

Umuyobozi w’agashami kigisha amategeko muri Kaminuza y’u Rwanda Me Laurent Shenge, avuga ko n’ubwo Igihugu cyashyira umukono ku masezerano mpuzamahanga, hari zimwe mu ngingo kifataho cyangwa kigatinda kuzishyira mu bikorwa kubera ibintu bitandukanye birimo nk’ibyabangamira ubusigire bwabyo.

Me Shenge avuga ko n’ubwo u Rwanda rukorwaho raporo zigoreka amakuru bitatuma rudakomeza inzira yo kubahiriza amategeko mpuzamahanga y’Uburenganzira bwa muntu rwasinye

Avuga ko kuba u Rwanda rwaramaramaje ko ruzakomeza inhanba zarwo z’ubwirinzi, ntaho rwishe amasezerano mpuzamahanga kuko rwabikoze ku mugaragaro rukanabwira Isi yose ko ntayandi mahitamo asigaye kuko Congo nananiwe guhagarika ibitero bigabwa ku Rwanda.

Agira ati, "Ikibi ni uko Igihugu cyashyiraho ingamba z’ubwirinzi mu bwihisho, ariko u Rwanda rwabikoze ku mugaragaro kandi ntakundi rwari kubigenza kuko narwo rurabangamiwe".

Me Shenge avuga ko kuba Umuryango w’Abibumbye wirengagiza nkana kuba umutekano w’u Rwanda ubangamiwe, ukanashyigikira kurufatira ibihano bigira ingaruka koko, ariko u Rwanda rutakwikura mu maseserano rwasinye, ahubwo rukomeza gukora cyane ngo rugaragaze akarengane rukorerwa.

Agira ati, "U Rwanda rwakomeje kugaragaza ko ruterwa, rukanahamagara abashinzwe ubugenzuzi mpuzamahanga bakabibona, ibyo ariko ntibihagarate ari nayo mpamvu rwashyizeho ingamba z’ubwirinzi, aho kugira ngo ruhangane na Congo".

Kuki u Rwanda rwafatiwe ibihano, harimo akahe karengane?

Me Shenge avuga ko ubundi amasezerano mpuzamahanga ari mu bwoko bw’amategeko yoroheje, kuko agendera ku bushake bw’Igihugu, kandi Igihugu gishibora kwanga gushyira mu bikorwa ingamba runaka, atari uko kiyobewe ingaruka, hakaba n’ibihugu biri ku ruhande runaka rwaba urugaragaza ko rurenhanywa cyangwa ururengana, ari nabyo biba kuri Congo n’u Rwanda.

Agaragaza n’ubwonu Rwanda ruhohoterwa, mu bushobozi bwarwo rushyira mu Ngoro amasezerano mpuzamahanga rwasinye, kandi ko Ibihugu biyirengagiza nkana bifite ibibazo kuko mu gihe u Rwanda ruba rutegura ibyo ruzagaragaza nk’imbogamizi mu nama isuzumirwamo ishyirwa mu bikorwa ry’amaseserano mpuzamahanga, runaboneraho kugaragaza ukuri ku bibazo bihari n’abandi bakabyumva.

Agira ati, "Mu Kinyarwanda baca umugani ngo ntawe ugira uko undi agize, ibyiza ni ugukora ibisabwa ubundi ukagaragaza ko wabikoze kandi neza, biradufasha mu isuzuma rikorwa i Geneve aho twebwe duhita rugaragaza raporo zikoze neza, n’ubwo hari ibindi bihugu byiyicariye gusa, igihe kujya kugera bigasobanuka.

Urwego rwa Polisi y’u Rwanda narwo rwahawe ubumenyi

Bavuga ko ubundi ahavuka Perezida w’Igihugu, bahafata nk’ahantu hiyubashye, ku buryo n’abaturanyi be bamwigiraho, kubera ishema abahesheje.

Icyakora ku Banyamuhanga si ko byagenze kuko ahubwo, kuba haraturutse Perezida wa mbere wayoboye u Rwanda nyuma ya 1959, ari we Dominique Mbonyumutwa ari intangiriro y’ibyago ku Batutsi baho no hirya no hino mu Gihugu.

Bavuga ko Mbonyumutwa yahise akomeza umugambi wa PARIMEHUTU wo gutsemba Abatutsi, aho kubanisha Abanyarwanda kandi birakomeza, kuko yaje no gushyingira umukobwa we Colonel Theoneste Bagosora na we wazanye urupfu.

Nshimiyimana Gilbert

Mu kiganiro gikomoza ku bubi bw’abategetsi bavukaga i Muhanga n’abahatuye, Nshimiyimana Gilbert uhavuka avuga ko kuba Mbonyumutwa w’i Muhanga ashyingira Bagosora, nabyo byari bikwiye gushimangira iterambere ryabo, ariko byarushijeho kubakururira urupfu.

Agira ati, "Mbonyumutwa yatuzaniye urupfu aho kukuzanira iterambere, bijya kuba bibi cyane ashyingira Bagosora, uwo mukwe wacu nawe azana urupfu. Ubundi abayobozi nk’abo bari bahagije ngo dutangire inzira yo kwiteza imbere, ariko siko byagenze kuko batuzaniye urupfu".

Leta ya Kayibanda nawe wari utuye i Muhanga nayo yakomeje kwica Abatutsi, kugeza ahiritswe ku butegetsi na Habyarimana Juvenal, wazanye ubundi buryo bwo kubica kuva ku mwana muto kugera ku mukuru, ashimangira ihezwa ry’Abatutsi baba abari mu Gihugu n’abari hanze yacyo.

Ibyo ngo bishimangirwa n’imvugo ze mu bihe bitandukanye, aho yagaragazaga ko Abatutsi bahunze badakwiye kugaruka mu Gihugu, kuko ngo u Rwanda rwari ruto rumaze kuzura nk’ikirahuri cyuzuye amazi.

Ibyo ngo byari gutuma hagize n’uwongeraho igitonyanga kimwe, ayo mazi yameneka, aho byashakaga kugarahaza ko Abatutsi bari hanze bibeshye bagataha, byatuma abari mu Gihugu bicwa bagaseseka nk’ayo mazi yuzuye ikirahuri.

N’abandi bayobozi bakomeye bavukaga Muhanga bakomeje inzira y’ubugome

Nshimiyimana avuga ko mu bihe bitandukanye Abatutsi bishwe kuva 1959, kugera 1962 na 1963, kuzamura mu 1973, kugeza mu 1990 no gukomeza kugera mu 1994, bwabaga bushyigikiwe n’abayobozi cyane abavuka muri Muhanga n’inshuti zabo.

Atanga urugero ku wari Minisitiri w’Urubyiruko Nzabonimana Callixte washinze umutwe witwara gisirikare yise Batayo Ndiza, wahawe imbunda na Leta zo kwica Abatutsi nyamara nawe yaravukaga i Muhanga, ibyo bikaba gihamya ko atari kugirira Abatutsi imbabazi, kandi yarakuze abona ari abo kwicwa, ariko we ashyiraho n’agakabyo ko gutanga ibihembo ku bicanyi ruharwa.

Agira ati, "Nzabonimana Callixte we yarishe ariko asanga byonyine bidahagije, abona abicanyi badashyiramo imbaraga yifuza, ashyiraho ibihembo ku babaga bishe Abatutsi benshi, cyangwa ababaroshye muri Nyabarongo bagahembwa".

Ingengabitekerezo ya Jenoside y’abari abayobozi bayiraze abana babo

Nshimiyimana avuga ko uko abari abayobozi bakoze Jenoside yakorewe Abatutsi batakiriho, cyangwa bamaze gusaza, basize baraze urwo rwango abana babo, ubu bakaba birirwa babiba ingengabitekerezo ya Jenoside mu rubyiruko bakoresheje imbuga nkoranyambaga.

Urugero rutangwa ni urw’abagize icyiswe ihuriro ry’amashyaka P5, birirwa bashaka inkunga zo kugura intwaro zo gufasha abashaka gukuraho ubuteketsi bw’u Rwanda.

Abana babo nabo bibumbiye mu cyo bise JAMBO ASBL, barimo nk’aba Mbonyumutwa, aba Habyarimana Juvenal n’aba Bagosora, bahakana bakanapfobya Jenoside bavuga ko ababyeyi babo ari abere.

Urwo rukaba ari urundi rugamba urubyiruko rw’u Rwanda rukwiye kurwana, dore ko rubeshywa rukisanga rwinjijwe mu mitwe irwanya ubuyobozi bw’u Rwanda budashyigikiye amacakubiri.

Hari kandi inshuti z’imiryango y’abakoze Jenoside zigitsimbaraye ku ngengabitekerezo ya Jenoside, ikinjira no ku rubyiruko kugeza ubwo rutangira kwiyumva mu bwoko runaka kandi ko rushobora gukora Jenoside hagize igihinduka.

Urugero rutangwa ni urw’umwana wiga mu mashuri abanza, uherutse kubwira bagenzi be ko azi kureba niba umuntu ari Umututsi cyangwa umuhutu arebeye mu kiganza, kandi ko hagize ikiba yakwica Abatutsi.

Izo nyigisho zinjizwa mu rubyiruko zose bigaragara ko ziva ku bakoze Jenoside, imiryango bakomokamo n’inshuti zabo, cyangwa abigishwa binyuze ku mbuga nkoranyambaga, ibyo bikaba bitacika mu gihe ngo batabaho gukomeza kugarahaza ukuri kw’amateka y’ubuyobozi bubi, bwahembeye amacakubiri kugeza kuri Jenoside yakorewe Abatutsi mu 1994.

Minisitiri Mpambara avuga ko kuba Kamonyi imaze guhuza inzibutso ari uburyo bwo gushyingura no kubika neza ibimenyetso bya Jenoside yakorewe Abatutsi

Umuyobozi w’Akarere ka Kamonyi Dr. Nahayo Sylvère, avuga ko guhuza izo nzibutso byamaze gukorwa, kandi hagenda hahindurwamo ibintu bitandukanye, ahavuguruwe amasanduku yari ashyinguyemo, no gushyingura ahantu hameze neza kuko wasangaga kugera ku mva zitandukanye, mu masambu n’inzibutso zidakoze neza byabangamiraga kwibuka no kwita kuri izo mva.

Meya Nahayo avuga ko imibiri ikomeje kugenda yimurwa nk’aho byamaze gukorwa mu Murenge ya Kayumbu na Musambira, kandi gahunda ikaba ikomeje, hanakorwa ibiganiro n’abafite ababo bashyinguye mu matongo, kwemera kubimurira mu nzibutso.

Agira ati "Iyi gahunda izatuma dukomeza kugira inzibutso zujuje ibyangombwa, kwibukira ahantu hameze neza, kandi n’abarokotse Jenoside babe bizeye umutekano w’ababo bashyinguye muri izo nzibutso, ubundi n’ahandi tuzajya tujya kuhibukira kandi tunahashyire ibimenyetso by’amateka".

Mu izina ry’abafite ababo bashyinguye mu Rwibutso rwa Kamonyi, Munyankumburwa Jean Marie avuga ko abarokotse Jenoside yakorewe Abatutsi, na bo bishimira ko ahimurwa imibiri hagenda hashyirwa ibimenyetso by’amateka, kandi ababo bimurirwa mu nzibutso z’Uturere bakaba bafite umutekano.

Agira ati "Biradufasha haba kuza kubibuka no kubacungira umutekano, binatuma dukomeza kubungabunga amateka. Turishimira ko izi nzibutso hari ibigenda bishyirwamo, bidufasha kwibuka no kubungabunga amateka".

Urwibutso rwa Kamonyi muri eshatu zizakomeza guhurizwamo imibiri y’abazize Jenoside

Ubwo hibukwaga ku nshuro ya 31 Jenoside yakorewe Abatutsi mu 1994 ku Rwibutso rw’Akarere rwa Kamonyi, hakanashyingurwa mu cyubahiro imibiri itanu, Minisitiri mu biro bya Minisitiri w’Intebe Ines Mpambara, yashimiye Akarere ka Kamonyi kamaze guhuza inzibutso zako ku rwego rw’Akarere, no gufasha ubutabera mpuzamahanga mu gukurikirana abakoze Jenoside yakorewe Abatutsi, ahafashwe ku ikubitiro Jean Paul Akayezu wayoboraga Komini Taba.

Avuga kandi ko kubera ko abagore bafashwe ku ngufu mu gihe cya Jenoside yakorewe Abatutsi bo muri Kamonyi, barateye intambwe bwa mbere bakagaragaza uko bafashwe ku ngufu, byatumye Jean Paul Akayezu ahamwa n’ibyo byaha bwa mbere ku Isi, bigatuma gufatwa ku ngufu bishyirwa mu byaha bya Jenoside, kandi ibyo bimenyetso bikazashyirwa mu nzibutso zamaze guhuzwa.

Agira ati "Gutera intambwe yo guhuza inzibutso ni kimwe mu bikomeje gufasha kubungabunga ayo mateka, no kwita ku mibiri y’abacu bishwe muri Jenoside yakorewe Abatutsi. Akarere ka Kamonyi kakoze iby’ingenzi byo gushimirwa".

Minisitiri Mpambara akomeza kwibutsa Abarokotse Jenoside yakorewe Abatutsi, ko bakomeza kwibuka biyubaka, kandi bikajyana no kwishakamo imbaraga zo kurangwa n’ubutwari kandi bikwiye gukomeza kuba umuhigo.

Abarokotse Jenoside bashimirwa uko bagenda bumva agaciro ko kwimurira imibiri y’ababo mu nzibutso zahujwe

Imiryango ifite abayo bashyinguye mu Rwibutso rwa Kamonyi baza kubibuka bishimira kuba bari ahantu heza

Bashyize indabo aharuhukiye ababo mu rwibutso rwa Kamonyi

Urwibutso rwa Bunyonga narwo rwashyizwe ku rwego rw’Akarere rumaze kongerwaho ikindi gice cy’imva

Babisabye ubwo Minisitiri w’Imari n’Igenamigambi Yusuf Murangwa yagezaga ku Nteko Ishinga Amategeko imitwe yombi, imbanzirizamushinga w’ingengo y’Imari 2025-2026.

Abagize Inteko Ishinga Amategeko bashimye ko hari ibikorwa remezo binini bizubakwa, ariko bavuga ko hakwiye no kuzirikanwa umuturage wimurwa aho bizashyirwa.

Depite Mvano Nsabimana Etienne avuga ko guteganya ingurane ikwiye, byatuma ikibazo cy’abaturage bamaraga igihe batarishyurwa cyakemuka kuko bibangamira iterambere ryabo n’ishoramari muri rusange.

Minisitiri w’Imari n’Igenamigambi Yusufu Murangwa avuga ko abatuye mu bice bizakorerwamo imishinga, hamaze igihe babwira abantu ko nta mushinga ukwiye gutangira umuturage atarahabwa ingurane, ariko ko usanga hakiri ibibazo.

Agira ati, "Icyo nabizeza ni uko imishinga yose turimo gutegura izajya itangira umuturage yabanje kwishyurwa. Turitegura neza ku buryo abo bireba bazajya babanza guhabwa ingurane".

Naho ku kijyanye no gutunganya imishinga Leta ifatanyamo n’abaterankunga, kandi ay’inkunga adasoreshwa cyangwa ngo akoreshwe hatangwa ingurane, ubu ngo abo bafatanyabikorwa barimo Banki y’Isi na Banki ya Afurika bemeye ko byajya bikorwa.

Agira ati, "Ubu batwemereye ko noneho amafaranga baduha twajya tuyakuraho ayo twishyura ingurane, ariko ku misoro ntibarabyemera. Twebwe tuzajya imisoro tuyitanga kuko n’ubundi turayigaruza, ibyo bizatuma nta muturage wongera kwimurwa adahawe ingurane".

Abadepite kandi bifuje ko hanarebwa ibirarane by’ingurane z’uyu mwaka ushize n’iyabanje, kugira ngo abaturage bahora basaba kwishyurwa ibyabo babone ibisubizo bibanyuze.

Ni kenshi ahashyirwa ibikorwa remezo humvikana abahora bataka gusenyerwa no kwimurwa badahawe ingurane, mu gihe itegeko rigenga kwimurwa ku nyungu rusange riteganya ko umuturage wimurwa nibura amezi abiri mbere yo gutanga ibye.

Cyakora ngo hari ubwo hagiye humvikana ko abaturage bashobora kugirana amasezerano n’ababimura ku nyungu rusange ku gihe bazaherwa amafaranga ariko bigateza impaka nyinshi kuko amasezerano atagiye ashyirwa mu bikorwa.

Hari n’aho igishushanyo mbonera cyagiye gishyira imitungo y’abaturage irimo n’inzu zabo ahazashyirwa ibikorwa remezo, bigateza ibibazo iyo batinze kwishyurwa ngo bimurwe, kuko baba bategekwa kutagira ibindi babukoreramo hagashira igihe batarimurwa batanemererwa kugira ibyo bakorera mu butaka bwabo.

Kubyigana kw’imodoka mu muhanda Kigali-Muhanga bigerereza abawukoresha

Byatangajwe ubwo Minisitiri Murangwa yagezaga ku Nteko Ishinga Amategeko imitwe yombi, imbanzirizamushinga y’ingengo y’Imari y’umwaka wa 2025-2026, aho Abadepite bari bagaragaje ko batigeze bumva uwo muhanda uvugwa mu mihanda minini izakorwa, mu gihe byari bimaze igihe bitangazwa n’abayobozi batandukanye.

Minisitiri Murangwa yavuze ko uwo muhanda inyigo yawo igikorwa ari na yo mpamvu utagaragajwe nk’ugomba gukorwa, ariko anavuga ko inyigo yawo ikomeje kandi nirangira izatangazwa vuba, na wo ukaba wajya mu igomba gukorwa.

Ni umuhanda byavugwaga ko igice cyawo cya mbere kizakorwa kikava i Kigali kikagera ku Kamonyi ahitwa Bishenyi, hagakurikiraho ikiva Bishenyi kikagera mu mujyi wa Muhanga, hagamijwe kwagura uwo muhanda ubyiganirwamo n’ibinyabiziga byinshi, bigakereza ingendo hatanabuze impanuka za hato na hato zituruka ku rujya n’uruza rw’ibunyabiziga biwukoresha.

Agira ati "Umuhanda Kigali-Muhanga nturimo kuboneka muri iyi ngengo y’imari kuko inyigo yawo itararangira dufatanyije n’abo tuzawukorana, ariko na wo uri mu mihanda minini yo ku rwego rw’Igihugu duteganya gukora kandi vuba. Inyigo nirangira tuzabagezaho uko uzakorwa".

Abumvise ibyo gusubika ikorwa ry’umuhanda Kigali-Muhanga ntibabyakiriye neza, kuko bari bawutegerejeho igisubizo cyo kugabanya ubucucike mu muhanda no kwihutisha akazi, dore ko umujyi wa Muhanga ugaragiye Kigali utuwe n’abantu benshi bakorera i Kigali buri munsi.

Umwe yagize ati "Inyigo zawo zirakorwa kuva mu mwaka wa 2023, ese inyigo itinda itryo iba ikorwa n’ababyigiye koko cyangwa ni abize gutanga imiti (Furumasi) bazikora, iby’abakora inyigo ntimuzajye mubimbwira".

Usibye umuhanda Kigali-Muhanga utari mu izakorwa umwaka utaha w’ingengo y’imari, hari n’Abadepite babajije impamvu Umujyi wa Kigali utagifatanya n’abaturage kubaka imihanda ihuza utugari n’Imidugudu mu Mujyi.

Minisitiri w’Imari n’Iganamigambi yasubije ko bitagikorwa kubera ikibazo cy’ubushobozi bw’Umujyi wa Kigali, kuko abaturage bakusanyaga amafaranga 30% by’akenewe, Umujyi wa Kigali ntubone ku gihe 70% by’asigaye bikadindiza igenamigambi rindi.

Imbanzirizamushinga y’ingengo y’Imari ya Leta y’umwaka wa 2025/2026, hamwe n’ingamba zo mu gihe giciriritse 2025/2026-2027/2028, iteganya ko amafaranga ateganyijwe gukoreshwa mu ngengo y’Imari ya 2025/26 ari Miliyari 7,032.5Frw.

Ku ikubitiro Ikigo gisanzwe gitwara abagenzi mu modoka cya Volcano Express nicyo cyatangiranye n’imodoka 10 zizajya zikora buri munsi, ku muhanda Kigali-Muhanga zigasimbura izisanzwe zikoresha amavuta asanzwe ya mazutu.

Umuyobozi mukuru wa Volcano Express Igabe Egide avuga ko habayeho igihe cyo guhabwa na Leta inkunga ya nkunganire ku mavuta imodoka zikoresha, ariko bahisemo gutangira gukoresha imodoka z’amashanyarazi ngo batangire gufasha Leta, gushyira mu bikorwa gahunda ya Leta yo kurwanya ibyuka bihumanya ikirere.

Avuga ko batangiriye mu mujyi wa Kigali bakoresha izo modoka kandi zatanze umusaruro, ari nayo mpamvu bahisemo kujya mu Ntara, kandi bahereye i Kigali basanze bishoboka.

Agira ati, ’Twahisemo gutangiza mu Ntara ngo tugabanye igiciro twatakazaga ku kugura amavuta y’imodoka, gukora ibigendanye n’igihe, dore ko mu Rwanda ari ho hatangirijwe uburyo bwo gutwara abantu berekeza mu Ntara ku mugabane wa Afrika kuko izo serivisi zisanzwe mu mijyi".

Avuga ko izo modoka zifasha abafite ubumuga kugenda neza, gutwara imizigo, imyanya 44 y’abagenzi bicaye neza n’aho gushariza terefone buri ntebe, kandi ko bazarangiza uyu mwaka bazengurutse Intara yose y’Amajyepfo, mu gukoresha bisi zikoresha amashanyarazi.

Umuyobozi mukuru wa BasiGo mu Rwanda Doreen Orishaba avuga ko gukoresha imodoka z’amashanyarazi zikorera mu bice by’Icyaro bifite akamaro ko guhashya ibyuka bihumanya ikirere, no gufasha Leta gufasha abakora umurimo wo gutwara abantu n’ibintu kugabanyirizwa igiciro cyo kugura amavuta.

Agaragaza ko kuva batangira gukoresha izo modoka mu Rwanda, zimaze gusimbura mazutu Toni 170, mu ngendo z’abaturage basaga miliyoni y’abagenzi bakoze ingendo, kandi 100% nta kibazo ziragira, mu gihe abafatanyabikorwa zimaze kubinjiriza asaga miliyo ni 500frw, agashimira Leta yatangije gahunda yo kurwanya ibyuka bihumanya ikirere.

Ubuyobozi bw’Akarere ka Muhanga n’abaturage barashimira kuzanwa kw’izo modoka, kuko izikoresha mazutu nabo basangaga zibabangamiye.

Umwe mu baturage ati, "Turashimira Leta kuba yaradutekerejeho imodo zikoresha mazutu zaduteraga umwotsi turi kuri za moto ugasanga biratubangamiye. Badushakire imodoka nyinshi kuko mu kugenda kw’abanyeshuri wasangaga hari umubyigano".

Undi muturage ati, "Imodoka za lisanzi zatumaga abantu bagenda baribwa amaso kubera ko iyo zishaje, lisansi igenda inuka ugasanga abantu baragenda baruka. Izi nta rusaku nta no kuzamura impumuro mbi. Twizere ko batazajya badutendeka tujya tubona iz’i Kigali zitendeka".

Kuri izo mpungenge z’abaturage, umuyobozi w’Ishyirahamwe ry’ubwikorezi bwo gutwara abantu mu modoka, Mwunguzi Theoneste avuga ko imodoka batanze zitazajya zitendeka kuko zifite imyanya ihagije 44, kandi myinshi kurusha izisanzwe zikorera Kigali-Muhanga.

Naho ku kijyanye n’ibiciro avuga ko n’ubwo imodoka zikoresha amashanyarazi zigabanya amavuta zikoresha, igiciro cy’urugendo cyo kigenwa n’Ikigo cy’Igihugu gishinzwe imirimo n’inyungu rusange RURA.

Avuga ko abagenzi badakwiye guterwa impumgenge n’uko izo bisi zishobora kujya zibaheza mu nzira, kubera gushirirwa n’amashanyarazi, kuko ngo igeragezwa ryakozwe rigaragaza ko zishobora gukora kilometero 300 zitarashiramo umuriro.

Gahunda ya Leta yo gukoresha imodoka zikoresha amashanyarazi mu Ntara, itangijwe mu gihe yari imaze kumenyerwa mu mujyi wa Kigali, ikaba igamije gukomeza gushyira mu bikorwa gahunda Leta yiyemeje yo kurwanya ibyuka byoherezwa mu ikirere, no guhumeka umwuka mwiza, kuko mu Rwanda ikigereranyo cy’umwuka uhumanye kiri hejuru ya 40%.

Bisi zitwara abagenzi zikoresha amashanyarazi ziratangira gukora ingendo hagati ya Kigali na Muhanga kuri uyu wa Gatanu, muri gahunda yo kubungabunga ibidukikije, no kujyana n'igihe mu bwikorezi. Izi modoka zageragerejwe mu misozi yose y'Igihugu ku buryo nta mpungenge zo kuba… pic.twitter.com/rGlBfzyo41

— Kigali Today (@kigalitoday) May 8, 2025

VIDEO - Imodoka zikoresha amashanyarazi zigiye gutangira gukorera mu Ntara zihereye ku muhanda Kigali-Muhanga-Nyanza-Huye. pic.twitter.com/o2zYennw45

— Kigali Today (@kigalitoday) May 8, 2025

Kuhira i Mahama birakora kuri 40 gusa bigatuma abaturage batabona umusaruro mwiza

Babitangarije mu biganiro bagiranye n’Umugenzuzi Mukuru w’Imari ya Leta, Alexis Kamuhire, aho banenze imishinga yo kuhira ya Mahama na Mpanga itarabasha gukora neza.

Hari Abadepite kandi bagaragaje ko kuba iyo mishinga idakora neza, bigira ingaruka ku igenamigambi ry’Igihugu, kuko niba harashyizwe amafaranga mu ishoramari rigamije gushyira umuturage ku Isonga, kudakora kwayo bibangamira umuturage na Leta ku ishyirwa mu bikorwa ry’igenamigambi ry’Igihugu.

Depite Niyorurema avuga ko umushinga wo kuhira muri Mpanga ahabaye ikibazo cya moteri zizamura (Pumps) amazi eshatu zaguzwe, habura amashanyarazi yo kuzikoresha na n’ubu abaturage bakaba bataratangira kuhira imirima yabo, mu gihe uwo mushinga watwaye akayabo ka Miliyari 20Frw.

Depite Niyorurema kandi yagaragaje ko umushinga wo kuhira wa Mahama ugeze kuri 42% n’ibice, bigaragara ko na wo uri inyuma cyane, akibaza icyabuze ngo uwo mushinga wa Mahama watwaye asaga Miliyari 42Frw utangire kuvomera ku gipimo cyifuzwa.

Amatiyo aca mu mirima atagira amazi

Agira ati “Niba Umushinga wa Mpanga utarakora kandi hashize imyaka itatu waratwaye Miliyari zisaga 20Frw, umushinga wo kuhira wa Mahama na wo ukaba ukora 40%, waratwaye Miliyari zisaga 40Frw, ubwo badindije gahunda yo kugeza abaturage ku musaruro”.

Abakoze nabi bategerejwe kwisobanura imbere ya PAC

Ahereye ku rugero rwa Mpanga na Mahama, Depite Munyangeyo we asanga gukora imishinga hagendewe ku igenamigambi, bikwiye kujya binasuzumirwa mu gushyirwa mu bikorwa kwayo, kuko abakoresha nabi umutungo wa Leta birengagiza gahunda yayo yo gushyira umuturage ku isonga.

Agira ati “Nk’uriya mushinga wakoze utwaye Miliyari 22Frw ugakora kuri 20%, barasubiza umuturage inyuma kuko ntabwo ari ku isongo. Niba atagerwaho n’amazi ngo yuhire yiteze imbere, mbese nk’abo bakoresha nabi umutungio wa Leta umushahara wabo ko bawucunga neza, iby’abaturage bananirwa gute kubicunga kandi ko atari abaswa. Abantu ba PAC bazabyinjiremo barebe kuko ntabwo tuba dufasha umuturage”.

Kuhira i Mpanga ni nk’inzozi kuko imashini zizamura amazi ngo zabuze amashanyarazi yo kuzikoresha hashize imyaka ibiri

Umugenzuzi Mukuru w’Imari ya Leta avuga ko na we atazi impamvu iyo mishinga yadindiye, kandi ko abona ari ikibazo gikomeye kibangamiye imikorere n’imikoreshereze y’imari ya Leta, ariko ko abo bose babishinzwe bazisobanura imbere ya Komsiyo y’Umutwe w’Abadepite ishinzwe kugenzura imikoreshereze y’imari n’umutungo wa Leta, PAC.

Agira ati “Ikibazo cy’imashini za Mpanga kimaze igihe kandi zatwaye amafaranga, kandi kiriya gice cyose kigomba kubona amazi mu buryo bwiza, kuba ziriya mashini zitarakora ubwabyo ni ikibazo”.

Abadepite kandi banenze imikorere ya REG na WASAC ku guha serivisi abaturage, kuko usanga hashobora gushira igihe kirenze umwaka, bataratanga serivisi batswe n’abaturage hakibazwa niba ari ubushobozi bucyeya cyangwa ari ugukora nabi gusa.

Umugenzuzi Mukuru w’Imari ya Leta, Alexis Kamuhire

Abadepite banenze imishinga yo kuhira yatwaye akayabo idakora neza

Bamwe mu bagize imiryango y’abashyinguye ababo mu cyubahiro

Bimwe muri ibyo bibazo ni ibijyanye n’amacumbi kuri bamwe batishoboye amaze kubasaziraho ataravugururwa, ubukene butuma hari abatabasha kwiteza imbere dore ko n’abahabwa amafaranga y’ingoboka bagaragaza ko ari macye ugereranyije n’ibiciro ku isoko.

Komiseri mu muryango uharanira inyungu z’Abarokotse Jenoside yakorewe Abatutsi Me Bayingana Janvier, avuga ko Abarokotse Jenoside bafite ibibazo by’ubuvuzi butajyanye n’igihe, cyangwa abafashwa kuvuzwa bagasiragizwa, ku buryo batavuzwa neza ibyo bikaba biri mu bishengura imitima bigatuma batagera ku budaheranwa nyabwo.

Mu bindi bibazo bikunze kugaragara ni abana bo mu miryango yarokotse Jenoside barangiza amashuri bakabura akazi, kimwe no kubona uburyo bw’igishoro cyatuma batangira kwihangira imirimo, naho abageze mu zabukuru bo bakaba baratakaje imbaraga zo kwiteza imbere, kuko ntabo mu miryango yabo bafite ngo babafashe.

Ubwo hibukwaga ku nshuro ya 31 Jenoside yakorewe Abatutsi mu Mirenge ya Kinihira na Kabagari ku Rwibutso rwa Kabagari mu Karerere ka Ruhango, ahanashyinguwe imibiri 13 yabonetse harimo 11 yari ishyinguye mu matongo, n’indi ibiri yabonetse, abarokotse Jenoside bagaragaje ko ibyo bibazo bibabangamiye kandi bikwiye gushakirwa umuti urambye.

Imibiri 13 ni yo yashyinguwe mu cyubahiro

Me Bayingana yagaragaje kandi ko kubera ingengabitekerezo ya Jenoside, hari abarokotse bacyicwa, urugero rukaba ari urw’umukecuru uherutse kwicwa mu Karere ka Ruhango kandi abamwishe batarafatwa ngo baryozwe icyo cyaha.

Avuga ku bijyanye no kwibuka, Me Bayingana yagaragaje ko bikiri ku rwego rwo hasi hamwe na hamwe kubera kwibukira ahantu hatujuje ibisabwa, birimo inzibutso zitameze neza, n’ibimenyetso by’amateka bitarashyirwa ahantu hatandukanye.

Agira ati “Hakwiye kubaho ingamba zihariye zunganira amikoro y’Igihugu, abantu twese dufatanyije kugira ngo ibibazo bihari bikemuke. Umusanzu wa Guverinoma turawuzirikana ariko ntihakwiye gukomeza umuvuduko w’ingaruka za Jenoside, kuko abayirokotse bagenda bapfa abandi basaza”.

Yongeraho ati “Ubukana bwa Jenoside n’umuvuduko wayo bikwiye kujyana n’uburyo bwo gukemura ibibazo kuko hari ahakiri umuvuduko muto, haba mu buzima, imibereho myiza n’ubutabera, hakwiye gushyirwamo imbaraga bigakemuka maze ubutaha tukajya twibuka tuvuga ibindi, aho gukomeza kugaruka ku ngaruka za Jenoside n’ibibazo bidakemuka”.

Komiseri Bayingana avuga ko ibibazo by’abarokotse Jenoside bidakwiye kujya bigarukwaho aho gukemurwa

Minisitiri w’Ubutegetsi bw’Igihugu, Dr. Mugenzi Patrice wari wifatanyije n’abaturage muri icyo gikorwa, yavuze ko hakorwa iyo bwabaga abakomeje kwibasira Abarokotse Jenoside bagahanwa, n’ubwo hari icyizere cy’uko Jenoside itazongera kubaho ukundi mu Rwanda.

Asezeranya ko Leta izakomeza kuba hafi abarokotse Jenoside kugira ngo ibibazo byabo bikemuke, kandi ko hakwiye koko gukomeza ubufatanye kugira ngo imibereho myiza y’abarokotse Jenoside yakorewe Abatutsi yitabweho.

Agira ati "Abarokotse Jenoside ntabwo ari umutwaro wa MINUBUMWE, abayobozi b’inzego z’ibanze bakwiye kwita ku isonga ku barokotse Jenoside batishoboye, n’izindi nzego zikwiye kubyitaho".

Imirenge ya Kabagari na Kinihira yahoze ari Komini Masango, nyuma y’uko Teritwari ya Nyanza isibanganyijwe igakorwamo amakomi yomekwa kuri za Perefegitura zo mu Majyepfo, ubwicanyi ndengakamere muri Jenoside bwahabereye, bukaba bwaratijwe umurindi n’ubuyobozi bubi bwari burangajwe imbere na ba Burugumesitiri bariho barimo Mpamo Esdras wayobora Komini Masango.

Urwibutso rwa Kabagari ni rumwe mu zisabirwa kwitabwaho kuko rufunganye kandi ntaho wasanga amateka y’abaruruhukiyemo

Minisitiri w’Ubutegetsi bw’Igihugu, Dr Patrice Mugenzi

Abashyinguye ababo mu cyubahiro

Abayobozi batandukanye bari baje kwifatanya n’abo mu Kabagari Kwibuka