Ubusanzwe uyu muhungu wa Angelina Jolie na Brad Pitt yitwa Maddox Jolie-Pitt, mbese yari afite amazina y’ababyeyi be bombi, bikaba bivugwa ko yafashe icyemezo cyo guca burundu umubano n’uwo mubyeyi we w’icyamamare muri Hollywood.

Ibi bigiye ahagaragara nyuma y’uko Maddox yari asanzwe yarahinduye izina akoresha mu kazi, akuramo irya se. Mu mazina agaragara y’abakinnyi n’abagize uruhare muri filime nshya ya Angelina Jolie yitwa Couture, Maddox yanditsemo yitwa ‘Maddox Jolie’ gusa, kuko irya Pitt yarikuyeho.

Angelina Jolie na Brad Pitt baratandukanye, ariko bakaba bari babyaranye abana batatu ariko bakaba barera n’abandi babatu, bose bakaba batandatu ari bo Maddox w’imyaka 24, Pax w’imyaka 22, Zahara w’imyaka 20, Shiloh w’imyaka 19 ndetse n’impanga ari zo Knox na Vivienne bafite imyaka 17.

Maddox aje rero akurikira abavandimwe be mu kwikuraho izina rya se, kuko uwitwa Shiloh na we yamaze guhindura izina mu buryo bwemewe n’amategeko. Zahara na we yaretse gukoresha izina rya Pitt ariko mu buryo butanditse byemewe n’amategeko, bivize ko risigaranywe na babiri gusa.

Mu mwaka wa 2021, Maddox yatanze ubuhamya bushinja se mu rubanza rukomeye rw’ubutane hagati ya Brad Pitt na Angelina Jolie, ibintu bitashimishije Pitt.”

Angelina Jolie yashakanye na Brad Pitt mu 2014 nyuma y’imyaka irenga icumi bakundana kuva bakinana muri filime Mr and Mrs Smith, ariko baza gutandukana mu 2019.

Umusanzu w’ibihugu icumi bya mbere mu butumwa bw’amahoro bwa LONI mu ntangiriro za 2025

Ibi bigaragaza uruhare rukomeye rw’u Rwanda mu kubungabunga amahoro n’umutekano ku rwego mpuzamahanga, aho rufatwa nk’umwe mu bafatanyabikorwa bakomeye muri Afurika no ku Isi hose.

Uyu mwanya u Rwanda rufite ushingiye ku mateka yarwo, by’umwihariko nyuma ya Jenoside yakorewe Abatutsi mu 1994.

Nyuma y’ayo mateka ashaririye, u Rwanda rwahisemo inzira y’ubumwe, amahoro n’iterambere, rushyira imbere umusanzu waryo mu bikorwa byo kugarura no kubungabunga amahoro hirya no hino ku Isi, binyuze mu bufatanye n’Umuryango w’Abibumbye.

U Rwanda rushimirwa ku rwego mpuzamahanga kubera ubunyamwuga n’imyitozo ikomeye y’ingabo n’abapolisi barwo, bituma bashobora gukora neza mu butumwa bugoye, cyane cyane mu kurinda abasivili no kugarura ituze mu bice byibasirwa n’intambara.

Icyizere mpuzamahanga gikomeje kwiyongera uko imyaka ishira, bitewe n’imyitwarire myiza n’ubushobozi bwo gukorana n’abaturage mu kubaka amahoro arambye.

Uko u Rwanda rushimirwa mu butumwa bw’amahoro

Mu mvugo ye yagiye ishingirwaho kenshi n’inyigo za United Nations, umwe mu bayobozi bayo mu butumwa bw’amahoro yavuze ko ingabo n’abapolisi b’u Rwanda “bagaragaza ubunyamwuga bukomeye, disipuline n’ubushobozi bwo kurinda abasivili mu bihe bigoye.” Ibi bikunze kugaragara muri raporo za UN zishimangira uruhare rw’u Rwanda mu kubungabunga amahoro.

Ku ruhande rw’Umuryamgo w’Ubumwe bwa Afurika, abayobozi bagiye bagaragaza ko u Rwanda ari “umufatanyabikorwa w’ingenzi mu bikorwa byo kubaka amahoro muri Afurika,” cyane cyane kubera uburyo rugaragaza ubwitange, imyitozo ihambaye n’ubushobozi bwo gukorana n’abaturage bo mu bice byugarijwe n’umutekano muke.

Imirimo y’ingabo n’abapolisi b’u Rwanda mu butumwa bw’amahoro

Mu butumwa bw’amahoro, abasirikare n’abapolisi b’u Rwanda bakora imirimo itandukanye igamije kurinda ubuzima n’umutekano w’abaturage. Harimo kurinda abasivili mu duce turimo umutekano muke, gukora irondo no kurinda umutekano w’imijyi n’inkambi z’impunzi, ndetse no kurinda ibikorwa remezo by’ingenzi nk’imihanda, ibiraro n’ibigo bya leta cyangwa ibya Loni.

Bakora kandi ibikorwa by’ubufasha bw’ibanze n’ubutabazi, bagafasha abaturage kubona ubuvuzi n’inkunga yihutirwa igihe bikenewe. Uretse ibyo, bagira uruhare mu kubaka icyizere hagati y’impande zishyamiranye binyuze mu gukorana n’abaturage no gufasha mu ishyirwa mu bikorwa ry’amasezerano y’amahoro.

Mu bihugu byakiriwemo ingabo z’u Rwanda, harimo nka Repubulika ya Santarafurika, aho abaturage bagiye bagaragaza ko hari aho umutekano wagarutse kubera ibikorwa by’ingabo z’u Rwanda, cyane cyane mu kurinda abaturage no gufasha kugarura ibikorwa by’ubuzima bwa buri munsi.

Uruhare rw’u Rwanda rushimangira ko amahoro atari inshingano z’igihugu kimwe gusa, ahubwo ari intego rusange y’Isi yose. U Rwanda rukomeje kugaragaza ko ubwitange, imyitozo ihambaye n’ubufatanye mpuzamahanga ari ingenzi mu kubaka isi itekanye kurushaho.

Tariki 29 Gicurasi buri mwaka, Isi yizihiza Umunsi Mpuzamahanga w’Umuryango w’Abibumbye (UN) wahariwe ababungabunga amahoro, igikorwa kiba kigamije guha agaciro abitangira kubungabunga amahoro, harimo n’ababurira ubuzima muri izo nshingano.

Ibirori byo kwizihiza isabukuru y’abakora mu butumwa bw’amahoro, Repubulika ya Santarafurika

Abasirikare b’u Rwanda bari mu butumwa bwo kubungabunga amahoro i Bria, muri Repubulika ya Santarafurika (RWABG VIII na Rwanda Level 2+ Hospital), ejo nabo bifatanyije n’abandi basirikare baturuka mu bihugu bitandukanye bakorera muri MINUSCA mu kwizihiza uyu munsi.

Iki gikorwa cyari kigamije guha icyubahiro ubwitange n’umuhati by’abasirikare bitangira kurinda abasivile, ndetse no kunamira bagenzi babo babuze ubuzima mu bikorwa byo kubungabunga amahoro.

Mu bikorwa byari biteganyijwe kuri gahunda y’uwo munsi, harimo akarasisi ka gisirikare ndetse n’itangwa ry’ibihembo ku makipe y’abagabo n’abagore yitabiriye amarushanwa ya siporo, yari yateguwe mu rwego rwo kwizihiza uyu munsi.

Ikipe y’abagabo ya Volleyball y’Ingabo z’u Rwanda (Battle Group), ni yo yegukanye igikombe nyuma yo gutsinda iya Cambodia Engineering amaseti 3 ku busa, nk’uko byatangajwe ku rubuga rwa X rwa Minisiteri y’Ingabo z’u Rwanda.

Kuri uyu munsi kandi, igikorwa nk’iki cyabereye muri Sudani y’Epfo mu murwa mukuru, Juba.

Ibi biravugwa mu gihe Umujyi wa Kigali watangaje ko u Rwanda ruzizihiza Umunsi Mpuzamahanga wahariwe Amagare, nyuma yo guhabwa igihembo cya ‘UCI Bike City Label’, igikorwa kizabera muri Nyandungu Eco Park, kuri uyu wa Gatanu tariki ya 29 Gicurasi.

Ruhumuriza Abraham, umwe mu bakanyujijeho mu gutwara igare ndetse wanitabiriye ‘Tour du Rwanda’, akaba ubu ari mu bafasha abakiri bato bari muri uyu mwuga, avuga ko kwizihiza umunsi w’amagare bifite agaciro ku Rwanda.

Agira ati “Kuri njyewe kwizihiza uyu munsi w’igare bisobanuye aho ryavuye n’aho rigeze mu Rwanda, kandi harashimishije kuko habaye hadashimishije nta n’uwabyibuka. Ibi biri mu bituma n’abana babyiruka bakura biyumvamo igare, bumva bazaritwara nk’abanyamwuga, ni ukuvuga ngo iyo ikintu kirimo kuvugwa ni bwo kinamenyekana. Ni iby’agaciro rero kwizihiza uyu munsi”.

Ati “Ngira ngo murabizi ko iyo umuntu yumvise izina Ruhumuriza yumva igare. Iyo igare rero rikomeje kuvugwa biranshimisha cyane, kuko mba numva ko ibyo nabayemo, tunasabwa guteza imbere umukino w’amagare bigenda bigera ku ntego. Kuba noneho mu Rwanda harabereye Shampiyona y’Isi y’Amagare, muri Afurika yose bikabera iwacu, bigaragaza agaciro duha uyu mukino, ahubwo uyu munsi tutawizihije sinumva icyo twaba turimo gukora. Ibi rero biranshimisha cyane nk’umuntu wabaye mu magare”.

Ruhumuriza ubu ni umutoza wungirije w’ikipe y’Igihugu y’amagare, akaba akorera i Musanze, aho akurikirana buri munsi iby’uyu mukino ukundwa na benshi mu Rwanda.

Ngendahayo Jérémie uri mu batwara amagare uyu munsi unitabira amarushanwa atandukanye, na we avuga ko ari ingenzi kwizihiza uyu munsi.

Ati “Kuba batekereje kwizihiza umunsi mpuzamahanga w’amagare, bigaragaza ko u Rwanda rubiha agaciro, kandi iyo wateguriye ikintu umunsi mukuru uba wacyubashye. Ni byiza rero, ariko byari kuba byiza kurushaho iyo batubwira nk’abakinnyi natwe tukazaba duhari, bakadutegurira nk’irushanwa rito rijyanye no kwizihiza uwo munsi, ibirori bigakomerezaho”.

Ngendahayo umaze imyaka irindwi mu mwuga wo gutwara amagare, yitabiriye Tour du Rwanda inshuro eshatu, ndetse n’andi marushanwa atandukanye yo hanze y’u Rwanda.

Igikorwa cyo kwizihiza umunsi mpuzamahanga w’igare kizahuza abakozi bo mu nzego zitandukanye za Leta, hamwe n’ab’Ishyirahamwe ry’umukino w’amagare mu Rwanda (FERWACY), muri gahunda isanzwe ya siporo, ikorwa ku wa Gatanu nyuma ya saa sita.

Ikizaba kigamijwe ni ukwizihiza umukino wo gusiganwa ku magare, ubwikorezi burambye, imibereho ishingiye ku buzima bwiza, ndetse n’icyubahiro Kigali igenda ihabwa ku rwego mpuzamahanga, nk’umujyi worohereza kandi ushyigikira ikoreshwa ry’amagare.

U Rwanda rwakiriye Shampiyona y’Isi y’Amagare 2025 (UCI Road World Championships) muri Nzeri 2025, i Kigali.

Ni amateka u Rwanda rwanditse kuko ari cyo gihugu cya mbere ku mugabane wa Afurika cyakiriye iri siganwa rikomeye mu mateka y’umukino w’amagare ku Isi, ibyumvikanisha ko ari bwo bwa mbere ryari rigeze kuri uyu mugabane.

IGP Namuhoranye avuga ko ibishobora guhungabanya umutekano bigenda bihindura isura, cyane cyane hifashishwa ikoranabuhanga, gusa ngo Polisi na yo iri maso.

Agira ati “Polisi y’Igihugu na yo yashyize imbere uburyo bwo gucunga umutekano yifashishije ikoranabuhanga, cyane cyane hifashishijwe ubwenge buhangano (AI), ndetse n’urusobe rwa serivisi zihurijwe hamwe zitangwa mu buryo bw’ikoranabuhanga. Muri iki gihe, abajura bashaka kwiba banki ntibagikeneye kumena inzugi zayo, yemwe ntibakinakeneye kugera aho iyo banki yubatse. Gushyira rero abapolisi gusa ku miryango ya banki ngo tuyirinze ibisambo, ntibyabuza ko yibwa kuko ntibikiri ngombwa ko ibyaha bigendana n’ababikora”.

Ati “Gutegerereza umunyabyaha ku mupaka ntibihagije, kuko yohereza ibyaha we akisigarira iyo. Polisi y’u Rwanda izakomeza gushyira imbaraga mu kwiyubaka kugira ngo ihangane n’iryo hindagurika”.

Yungamo ko Polisi y’u Rwanda izakomeza gushyira imabaraga mu mahugurwa no kurushaho kunoza imikorere, na byo biganisha ku kurinda umutekano w’Abanyarwanda.

Ati “Twongeye gushimangira ko dukomeye ku ntego yo kurinda umutekano w’abaturarwanda n’ibyabo, kubaha serivisi inoze no kurangwa n’ubunyamwuga n’ubunyangamugayo”.

IGP Namuhoranye ibi yabigarutseho kuri uyu wa Gatatu tariki 27 Gicurasi 2026, ubwo yagezaga ijambo ku bitabiriye umuhango wo kwizihiza imyaka 25 Polisi y’u Rwanda imaze ivutse, ndetse no kwakira ba Ofisiye bashya 436 ba Polisi barangije amasomo, igikorwa cyabereye i Gishari mu Karere ka Rwamagana, cyitabiriwe na Perezida Paul Kagame, abayobozi batandukanye, inshuti n’imiryango y’abo bapolisi.

Mu isabukuru y’imyaka 25 ya Polisi, Namuhoranye yagize ati “Twihaye intego yo kubakira ibikorwa byacu byo gucunga umutekano ku musingi utajegajega witwa umuturage. Uyu munsi, uruhare rw’umuturage mu kwicungira umutekano mu Rwanda, ni ihame ridasubirwaho. Ibi byatumye hari abashakashatsi bafashe icyemezo cyo kwandika igitabo bise ‘The Police and The Community in Rwanda’ (Polisi n’abaturage mu Rwanda). Bacyanditse bagamije kugaragaza no gusobanura uburyo u Rwanda rwiyemeje kandi rushyira mu bikorwa intego yo gufasha abaturage kugira uruhare mu mutekano wabo”.

Ati “Icyo gitabo kigaragaza neza ko umutekano n’ituze birangwa mu Rwanda, ari umusaruro w’ubufatanye n’imikoranire hagati y’inzego z’umutekano n’abatuge, hirya no hino mu gihugu. Kigaragaza kandi ko ibikorwa byo gucunga umutekano bitagarukira gusa ku gukurikirana iyubahirizwa ry’amategeko cyangwa ku kurwanya ibyaha, ko ahubwo ibyo bikorwa binasaba ko habaho gutega amatwi abaturage, kandi ko iyo mikoranire irangwa no kwizerana”.

Akomeza avuga ko ibikubiye muri icyo gitabo, bigaragaza ko u Rwanda rwashoboye kwiyubaka nyuma y’ibihe bikomeye rwanyuzemo, aho ubuyobozi bw’Igihugu bwiyemeje gushyira umuturage ku isonga, igishyirwa imbere kikaba kumva ibyifuzo bye mu ifatwa ry’ibyemezo.

Ati “Abanditse icyo gitabo, bafashe urugero rw’urubyiruko rw’abakorerabushake mu gukumira no kurwanya ibyaha, bashimangira ko ingamba zishingiye ku muco wo kwishakamo ibisubizo byifashishwa mu miyoborere, zabaye umusingi washingiweho. Bavuga ko Polisi y’u Rwanda yifashishije uburyo busanzwe hirya no hino ku Isi buzwi nka ‘Community Policing’, irabuhindura ibuhuza n’umuco w’Igihugu, indangagaciro z’Abanyarwanda n’icyerekezo cy’imiyoborere y’Igihugu, maze ibubyaza umusaruro tubona uyu munsi”.

Yakomeje avuga ko nubwo ariko bimeze uko, uburyo ibyaha bikorwamo bwakomeje kandi burakomeza guhinduka, ndetse ko n’ibishobora guhungabanya umutekano bigenda bihindura isura, cyane cyane hifashishwa ikoranabuhanga, ariko Polisi na yo ikaba yarashyize imbaraga mu buryo bwo gucunga umutekano bushingiye ku ikoranabuhanga.

Uyu muhango wanitabiriwe na Perezida wa Repubulika, Paul Kagame, ari na we wahaye iryo peti abo bapolisi basoje amasomo yabo.

Ibi ni ibyagarutsweho mu kiganiro EdTech Monday gikorwa ku bufatanye na Mastercard Foundation, cyatambutse kuri KT Radio ku wa Mbere tariki 25 Gicurasi 2026, kikaba gifite insanganyamatsiko igira iti “Uruhare rw’Ubwenge Buhangano (AI) n’Ikoranabuhanga Rigezweho mu Guteza Imbere Uburezi Bushingiye ku Makuru n’Ibyegeranyo”.

Muri iki gihe hari abantu babona uburyo ikoranabuhanga rikoreshwa mu bintu byinshi, byagera ku bwenge buhangano bikaba ibindi, hakaba rero abavuga ko rishobora no gusimbura abarimu mu mashuri, gusa ibi ngo ntibyashoboka nk’uko ababizobereyemo babivuga.

Dr. Christine Niyizamwiyitira, umushakashatsi ku ikoranabuhanga mu burezi akaba n’umwarimu, avuga ko ubwenge buhangano bufite akamaro, ariko ko ntacyo bwageraho budafite ubukoresha.

Agira ati “Umwarimu ashobora kuba yahaye abanyeshuri imikoro itandukanye myinshi kandi agomba kumenya uko bahagaze, ibyo rero byamutwara igihe kirekire cyane. AI icyo imufasha ni ugukurikirana uko buri munyeshuri yakoze ya mikoro, niba hari umwana ugomba gukurikiranwa byihariye igahita imwereka mwarimu mu kanya gato akamukurukirana, bivuze ko ubwenge buhangano bwamufashije akazi, ariko ntibwamusimbura. Umunyeshuri na we bumufasha kumenya byinshi mu gihe gito”.

Ati “Hari ikiganiro twari turimo, maze umuntu avuga ko afite AI ishobora gusimbura abarimu, mbese ko bashatse bahita basezera. Si byo rero kuko bwa bwenge bw’umuntu buhanga ubundi, ntibwasimburwa. Mwarimu rero ntagire ubwoba, ahubwo aracyafite akazi kenshi kandi gakomeye, kuko agomba gukomeza gufasha umunyeshuri mu itekereza risesengura, ku buryo ibyo akuye kuri AI bimugirira akamaro”.

Dieudonné Uwimana, umuyobozi wa Mastery Hub of Rwanda, ikigo gitanga ikoranabuhanga mu burezi, na we yemeza ko porogaramu bakora ari izunganira mwarimu.

Ati “Niba mwarimu afite abanyeshuri 70 mu ishuri, biramugora kubaha amasuzumabumenyi ya buri gitondo, kuko niba wenda yatanze irifite impapuro esheshatu, kubikosora byamutwara umunsi wose. Twe rero tumuha AI imufasha gukosora za mpampuro mu kanya gato noneho we agakurikirana yuko uwo mufasha yabikoze neza. Biruta rero guha akazi abantu batandatu bamufasha ako kazi”.

Akomeza avuga ko ubwenge bukorano ari ingenzi mu burezi, kuko bubika amakuru yose uko yakabaye, kandi ko butajya bwibagirwa, ikindi kandi bworohereza umunyeshuri na mwarimu kumva amasomo kuko babuha ururimi rw’Ikinyarwanda.

Vedaste Uwishema, Umuyobozi w’ishami rishinzwe ikoranabuhanga rishya mu Kigo cy’Igihugu gishinzwe guteza imbere Uburezi bw’Ibanze (REB), na we avuga ko ntawe uzatakaza akazi.

Ati “Ubwenge buhangano buzadufasha gukusanya amakuru, ariko kuyashyira ku murongo bizakorwa na wa muntu ufite ubwenge karemano. Nitwumva rero ko iri koranabuhanga rije kudusimbura mu byo twakoraga, ni ho hazazamo ubunebwe. Turimo gushaka uko dukora ubukangurambaga, abarimu bagahugurwa, bakumva ko iri koranabuhanga ritaje kubakorera akazi ahubwo rije kuborohereza akazi”.

Uyu muyobozi avuga ko kubera akamaro iri koranabuhanga baribonamo mu guteza uburezi imbere, hari abarimu barihuguwemo kandi n’abandi bizabageraho.

Ati “Mu mwaka ushize wa 2025, twabonye umufatanyabikorwa witwa MIT (Massachusetts Institute of Technology), badufashije guhugura abarimu 150, ni ukuvuga batanu (5) kuri buri karere. Aba rero bahuguwe, nyumwa yaho badufashije guhugura bagenzi babo ku buryo hahuguwe 4,800. Urumva ko turi hafi kugira 5,000 bahuguwe ku bijyanye n’ikoranabuhanga mu burezi, ariko icyifuzo kikaba ko aya mahugurwa yagera kuri bose”.

Abari muri iki kiganiro bagaragaje ko mu Rwanda hakiri ikibazo gikomeye kibangamira iterambere ry’ikoranabuhanga, cyo kuba nta bubiko bw’amakuru buhagije (Data Centre) buhari, kuko ari ho hajya amakuru menshi cyane, ari na yo afasha AI gutanga amakuru akwiye.

Icyakora nubwo hakiri izo mbogamizi, u Rwanda rumaze gutera intambwe ishimishije mu kwagura ibikorwa remezo by’ikoranabuhanga, no koroshya uburyo bwo kubigeraho.

Uwishema agira inama abanyeshuri yo kwihugura bakagira ubumenyi bwimbitse mu ikoreshwa rya mudasobwa, ndetse bakanahora bashaka amakuru agezweho arebana n’ibyo biga.

Ni ikiganiro gitegurwa ku bufatanye na Mastercard Foundation kiba buri wa Mbere wa nyuma w’ukwezi, kigatambuka kuri KT Radio. Icy’uku kwezi kwa Gicurasi gifite insanganyamatsiko igira iti “Uruhare rw’Ubwenge Buhangano (AI) n’Ikoranabuhanga Rigezweho mu Guteza Imbere Uburezi Bushingiye ku Makuru n’Ibyegeranyo”.

U Rwanda rumaze gutera intambwe ishimishije mu kwagura ibikorwa remezo by’ikoranabuhanga no koroshya uburyo bwo kubigeraho, ubu rukaba rurimo kwimura icyerekezo kikava ku guhuza abantu n’ikoranabuhanga gusa, kikagana ku gukoresha ubwenge buhangano, ndetse n’ikoranabuhanga rigezweho mu burezi, bikarushaho gutanga umusaruro.

Muri iki kiganiro, muraza kumva uko ubwenge buhangano burimo guhindura byihuse uburyo imyigire n’imyigishirize mu Rwanda byubatswe, aho ibikoresho byifashisha AI birimo gutuma habaho uburyo bushya bw’uburezi bwihariye kuri buri munyeshuri, bukora neza kandi bwihuta mu gutanga ibisubizo.

Ikoranabuhanga rigezweho ririmo ‘machine learning’, ‘learning analytics and automation’, ni igice cy’ingenzi mu gutanga integanyanyigisho, gufasha abarimu no gutegura gahunda z’uburezi bugera kurio bose.

Muri rusange, iki kiganiro kigaragaza intego nini Igihugu gifite, harimo ko gukoresha amakuru n’ikoranabuhanga bitareba gusa kuzamura ireme ry’uburezi, ahubwo no kubaka sisiteme y’uburezi y’ahazaza kandi ihuye n’intego z’u Rwanda, zo guteza imbere ubushobozi bw’abaturage, no kubaka ubukungu bushingiye ku bumenyi.

Abatumirwa baza kubafasha gusobanukirwa byinshi muri iki kiganiro ni Dr. Christine Niyizamwiyitira, umushakashatsi muri Kigali Collaboration Research Center, Dieudonné Uwimana, umuyobozi wa Mastery Hub of Rwanda na Vedaste Uwishema, ukuriye ishami ry’ikoranabuhanga mu Kigo cy’Igihugu gishinzwe guteza imbere Uburezi bw’Ibanze (REB).

Iki kiganiro kiratambuka kuri KT Radio no ku muyoboro wa YouTube wa Kigali Today kuri uyu wa mbere, guhera saa kumi n’ebyiri z’umugoroba (18:00) kugera saa moya (19:00).

Abarezi, ababyeyi, abanyeshuri n’abandi bashishikajwe no guteza imbere ireme ry’uburezi mu Rwanda murararitswe, ngo muze gukurikira iki kiganiro mwungukiramo byinshi.

Abazitabira iyi mikino, hari abahanzi bakomeye bazajya babarimbira bakarushaho kuryoherwa n’iyi mikino igomba kubera muri BK Arena.

Mu bahanzi biteguye gususurutsa abakunzi ba Basketball, harimo uwitwa Bien-Aimé Baraza wo muri Kenya umenyerewe cyane mu Rwanda, ufite indirimbo igezweho muri iki gihe yiswe ‘Ayayaah’, uyu akaba aririmba kuri uyu wa Gatanu mu gufungura iyi mikino.

Bien Aimee Baraza

Hari kandi umuhanzi ukomeye wo mu gihugu cya Uganda, Joshua Baraka ndetse na Abigail Chams ukomoka muri Tanzania, bose bakaba bari i Kigali aho biteguye gushimisha abakunzi babo n’abazitabira iyi mikino muri rusange.

Abigail Chams

Uretse abo bahanzi b’abanyamahanga, hari n’abo mu Rwanda na bo bari ku rutonde rw’abazaririmba muri BAL 2026, barimo Ariel Wayz, Kivumbi King, Juno Kizigenza, Ish Kevin n’abandi, ndetse n’aba DJ batandukanye nka DJ Ira na DJ June.

Joshua Baraka

Biteganyijwe ko aba bahanzi baririmba mu birori byo gutangiza iri rushanwa kuri uyu wa Gatanu, bakazajya banaririmba hagati mu mikino mu gihe cy’akaruhuko, ndetse bazaririmba no mu gusoza irushanwa.

Ariel Wayz

Iri rushanwa rya BAL 2026 ryitabiriwe n’amakipe umunani yaturutse mu bihugu umunani ari yo RSSB Tigers (Rwanda), Petro de Luanda (Angola), Al Ahly (Misiri), Club Africain (Tunisia), Al Ahly Ly (Libya), FUS Rabat (Maroc), Ville de Dakar (Senegal) na Dar City (Tanzania).

Kivumbi King

BAL ni shampiyona igamije guteza imbere Basketball ku mugabane wa Afurika, kongerera abanyempano amahirwe yo kwigaragaza no kugera ku rwego mpuzamahanga.

Juno Kizigenza

Ish Kevin

Perezida Bassirou Diomaye Faye (wambaye ibisa n’umukara) yahoze ari inshuti ikomeye y’uwari Minisitiri w’Intebe, Ousmane Sonko (wambaye umweru)

Mu itangazo ryasomwe kuri televiziyo y’igihugu n’Umunyamabanga Mukuru w’Ibiro bya Perezida, Oumar Samba Ba, yavuze ko Perezida yakuye Ousmane Sonko ku mwanya wa Minisitiri w’Intebe, bityo n’Abaminisitiri n’abanyamabanga ba Leta bagize Guverinoma bakaba bahise bahagarikwa.

Iryo tangazo rikomeza rivuga ko abagize Guverinoma icyuye igihe bahawe inshingano zo gukomeza gucunga ibikorwa bya buri munsi kugeza hashyizweho indi.

Ousmane Sonko yagiye ku mwanya wa Minisitiri w’Intebe ku itariki 2 Mata 2024 avuye muri gereza, akaba yahagaritswe kuri iyo mirimo tariki 22 Gicurasi 2026.

Ousmane Sonko wahoze ari umwe mu batavuga rumwe bakomeye n’uwari Perezida Macky Sall wayoboye Sénégal hagati ya 2012 na 2024, ntiyemerewe kwiyamamaza mu matora ya Perezida yo muri Gashyantare 2024, nyuma yo guhamwa n’icyaha cyo gusebanya, icyemezo cyatumye atakaza uburenganzira bwe bwa politiki.

Icyo gihe kandi igihugu cyari cyarazahajwe n’imyigaragambyo yamaganaga Perezida Macky Sall, ndetse n’igitekerezo cy’uko yashoboraga kwiyamamariza manda ya gatatu.

Nyuma yo kubuzwa kwiyamamaza, Sonko yahisemo Bassirou Diomaye Faye ngo amusimbure mu matora, ariko kuva Faye yajya ku butegetsi, umubano hagati yabo wakomeje kuzamo agatotsi, nubwo Sonko yari afite uruhare runini mu gutuma bombi bagera ku butegetsi.

Kubera amagambo ye ashyigikira ubumwe bwa Afurika n’ubwigenge bw’ibihugu bya Afurika, Ousmane Sonko yari yarakunzwe cyane n’urubyiruko rwo muri Sénégal, rwari rwaracitse intege mbere y’amatora ya Perezida yo mu 2024, ndetse no mu gihe yari mu makimbirane akomeye n’ubutegetsi bwa Macky Sall.

Nyuma y’itangazwa ry’iyirukanwa rya Sonko, yahise yandika kuri Facebook agira ati “Alhamdoulillah. Iri joro ndaryama umutima utuje i Keur Gorgui,” aha ni agace k’umurwa mukuru wa Sénégal, Dakar, atuyemo.

Ku mbuga nkoranyambaga, amashusho yagaragaje bamwe mu bamushyigikiye berekeza iwe mu rugo, baririmba izina rye nyuma gato y’itangazwa ry’iyirukanwa rye muri Guverinoma.

Mu mezi ashize, ubushyamirane hagati ya Perezida wa Repubulika na Minisitiri w’Intebe bwagiye bujya ku mugaragaro, bituma benshi batangira gushidikanya ku hazaza h’imikoranire yabo.

Nubwo Sonko yirukanywe muri Guverinoma, ishyaka rye, PASTEF, riracyafite ubwiganze bukomeye mu Nteko Ishinga Amategeko ya Sénégal, nyuma yo gutsinda amatora y’Abadepite yo mu kwezi k’Ugushyingo 2024 ku majwi menshi cyane.

Umusesenguzi mu by’Ubukungu, Ruziga Emmanuel Masantura, aganira na Kigali Today, yavuze ko kuba BNR yazamuye iyo nyungu fatizo itangiraho inguzanyo, ari uburyo bwo kuburira amabanki ngo yitwararike mu gutanga inguzanyo ku baturage, mbese atange inguzanyo za ngombwa.

Agira ati “BNR ishingira ku bipimo by’ubukungu bya buri munsi, bikayiha ishusho y’uko ubukungu burimo kwitwara, kuko ni bo bashinzwe urwego rw’imari n’agaciro k’ifaranga. Uyu munsi hari ibibazo byo mu Burasirazuba bwo hagati byateje izamuka ry’ibiciro ku isoko, izamuka ry’igiciro cy’ubwikorezi bituma Igihugu gihendwa ku byo gitumiza hanze n’ibindi. BNR rero ireba ishusho y’ubukungu uko imeze, ikanabasha kumenya uko izaba imeze mu minsi iri imbere, igafata ingamba”.

Akomeza avuga ko iyo BNR yazamuye igipimo cyo kugurizanyaho hagati yayo n’andi mabanki, biba ari igipimo ngenderwaho gishobora gutuma amabanki yoroherwa cyangwa ahendwa no kubona amafaranga muri BNR, ahubwo yo akaba yabona inyungu nini mu gihe ajyanye amafaranga muri BNR.

Ni ukuvuga ko ubu banki runaka y’ubucuruzi yatse inguzanyo muri BNR yayihabwa ku nyungu ya 8.25%, ariko kandi inabikije amafaranga muri BNR iyigenera inyungu ya 8.25% yajya gucuruza ikunguka menshi. Iyo nyungu ituruka ku kuba iyo umuntu ashyize amafaranga ye muri banki, igipimo cy’inyungu imuha kiri hagati ya 5 na 6.5%, byaba byakabije akaba 8%, none BNR ikaba irimo gutanga inyungu iri hejuru y’iyo amabanki atanga, bivuze ko BNR ishaka ko amabanki ayizanira amafaranga, bukaba ari uburyo bwo kurwanya izamuka rikabije ry’ibiciro ku isoko (inflation).

Masantura ati “Iyo rero BNR yazamuye igipimo itangiraho inguzanyo, iba irimo gutanga ikimenyetso ku mabanki y’ubucuruzi, iyabwira ngo iki ntabwo ari igihe cyiza cyo gutanga inguzanyo mu byiciro byose by’abazishaka. Iti ubu dukeneye ko amafaranga muyatuzanira agabanuke mu maboko y’abantu, ariko kandi n’abantu bamenye gushora mu biri ngombwa, ibitari ngombwa imishinga yabyo ntimuyemere”.

Ingero zitangwa ku bintu bitari ngombwa, ni nk’umushinga wo gutumiza za likeri mu mahanga, ukaba utatambuka mbere y’uwo gutumiza ifumbire. Abatumiza imodoka za Lisansi na Mazout ntibihutirwa nk’abatumiza iz’amashanyarazi, abatumiza imodoka z’amashanyarazi zo kugendamo ku giti cyabo ntibihutirwa nk’abatumiza iz’amashanyarazi zijya muri bizinesi nko gutwara abantu mu buryo bwa rusange, ni ukuvuga ko ari ukurinda abantu gusesagura amafaranga.

Mu gihe cya Covid 19, BNR yigeze kumanura inyungu fatizo itangiraho inguzanyo, iyishyira kuri 4.5%, bivuze ko icyo gihe abikorera bari bakeneye amafaranga yo kuzahura ibikorwa byabo, cyari igihe cyiza cy’uko amabanki y’ubucuruzi atanga inguzanyo ku bikorera, aho kujyana amafaranga yayo muri BNR kuko inyungu yari hasi cyane, bitandukanye n’ubu.

Ibi rero biri mu bigaragaza ko buri gihe uko BNR izamuye inyungu itangiraho inguzanyo, amabanki y’ubucuruzi atagomba guhita na yo azamura inyungu agurizaho abikorera, nk’uko Masantura akomeza abisobanura.

Ati “Ubundi uretse izindi mpamvu zo ku ruhande ni ko byagombye kumera, bivuze ngo niba banki z’ubucuruzi zirimo kubona amafaranga mu buryo buzihenze, zakabaye ziyatanga mu buryo buhenda abayakeneye. Icyakora hari impamvu zihariye zidatuma amabanki ahita azamura inyungu, harimo nk’inguzanyo zimwe zitangwa zifite nkunganire ya Leta, nk’izihabwa urubyiruko, abagore, izijya mu buhinzi… Aha rero amabanki usanga ahitamo kutazamura kugira ngo akomeze kwita ku bakiriya bayo, ariko inyungu zikagabanuka”.

BNR ivuga ko izi mpinduka ziri muri Politiki y’ifaranga, inafasha kugira ngo umuvuduko w’izamuka ry’ibiciro udakomeza kugenda wiyongera, kuko biba biganisha ku kuba ubushobozi bw’umuguzi bugabanuka, kubera ko ibiciro ku isoko biba byiyongereye.

Iyi raporo ivuga ko abangana na 57.4% ari na bo benshi, bafite ubwishingizi bwa Mituweli (Mutuelle de Santé), mu gihe 30% bafite ubwishingizi bwa RSSB/RAMA, akenshi butangwa ku bakozi bafite akazi gahoraho, 7.8% bafite ubwishingizi bwigenga mu gihe 4.9% nta bwishingizi bw’indwara bafite na bumwe.

Kuba abantu 30% gusa ari bo bafite ubwishingizi bwa RSSB/RAMA, ubusanzwe bugaragaza akazi gahoraho gatangirwa imisanzu y’ubwiteganyirize, bihura n’imibare y’imiterere y’akazi igaragaza ko abatageze kuri kimwe cya kabiri, ari bo bafite akazi gahoraho.

Iyi raporo yerekana kandi ko kuba benshi mu banyamakuru bakoresha ubwisungane bwo kwivuza bwa Mituweli (57.3%), gahunda y’ibanze y’ubwishingizi bw’indwara y’abaturage muri rusange, bigaragaza ko abanyamakuru benshi badafite inyungu z’ubwishingizi bw’indwara butangwa n’abakoresha babo.

Ibi bishimangirwa kandi n’imibare yo muri iyi raporo igaragaza ko 75% by’ibigo by’itangazamakuru byigenga, bidatanga ubwishingizi bw’indwara ku bakozi babyo (Financial Sustainability Assessment, 2023).

Imibare y’ubwiteganyirize bwa pansiyo na yo igaragaza ishusho nk’iyi. Abagera kuri 55.5% gusa ni bo batanga imisanzu muri RSSB, mu gihe 40.2% badafite ubwiteganyirize bwa pansiyo na mba, naho 4.3% bari muri gahunda z’ubwiteganyirize bwigenga.
Abo 40.2% badafite ubwiteganyirize na bumwe, bigaragara ko bazahura n’ingaruka zikomeye mu gihe bazaba bageze mu zabukuru.

Ibi bigaragaza ko abenshi mu bari mu mwuga w’itangazamakuru batinjiza ibibafasha kubaho neza, ari yo mpamvu basahaka ibindi bakora babangikanya n’itangazamakuru, gusa ababigezeho ni 26.2% gusa. Bisobanuye ko abarenga 1/3 bo bakora itangazamakuru gusa, bityo ko bagombye na bo kubona ibindi bakora byakynganira umushahara wabo muto.

Ibi ni byagarutsweho na Silas Ngayaboshya, Umuyobozi Mukuru ushinzwe Guteza Imbere Uburinganire no kongerera Ubushobozi Abagore muri Ministeri y’Uburinganire n’Iterambere ry’Umuryango (MIGEPROF), ubwo yagezaga ikiganiro kijyanye no kwita ku buringanire mu igenamigambi ku bagize Inteko Ishinga Amategeko imitwe yombi, kuri uyu wa Kane tariki 21 Gicurasi 2026.

Ngayaboshya yavuze ko ubushakashatsi bwerekanye ko umugabo wita ku bana na we abyungukiramo, bikaba biri muri gahunda nziza yo gusaranganya imirimo yo mu rugo.

Yagize ati “Ubushakashatsi bugaragaza ko umugamo wita ku bana agabanya kunywa ibisindisha (alcohol), ibipimo byayo bikagabanuka bikajya hasi, ko agira ubuzima bwiza bwo mu mutwe. Agabanya kandi gukoresha inkoni kugira ngo ahane abana. Gusaranganya rero imirimo yo mu rugo si umutwaro, ahubwo biba umutwaro iyo idasaranganyijwe”.

Ati “Kugira ngo ubuzima bw’uburyango bugende neza, ni ngombwa ko habaho isaranganywa ry’imirimo yo mu rugo. Aha navuga nko guteka, gukora amasuku, nkagaruka ku kwita ku bana ndetse no kwita ku bageze mu zabukuru. Iyo ni imirimo rwose yagombye gusaranganywa”.

Ngayaboshya akomeza avuga ko imirimo yo mu rugo itishyurwa akenshi iharirwa abagore, abantu bagombye kumenya agaciro kayo, kuko itakozwe uko bikwiye hari n’ibindi byishi byabangamirwa mu iterambere ry’umuryango.

Silas Ngayaboshya

Ati “Iyi mirimo kubera iki ari ingenzi? Mu by’ukuri ni yo ya mbere yubaka umuryango, n’abari muri uwo muryango bakabona imbaraga zijya kubaka Igihugu. Ni yo ituma abagize umuryango bagira ubuzima bwiza, ndetse bakanafasha n’abazabakurikira gukura bafite indangagaciro z’Umunyarwanda”.

Yungamo ko atari byiza mu muryango, kuvuga ngo iki cyakorwa neza n’uyu kurusha uyu.

Ati “Reka dushingire ku gihe abantu bafite, aho gushingira kuri ni nde wakora iki neza kurusha undi. Ndibuka nigeze nkora amahugurwa ahantu, hanyuma umwe mu bo twari kumwe aravuga ati nakuze nkunda guteka, mbyishimira cyane, ariko ndongoye umugore arambwira ati ntuzagere mu gikoni”.

Ngayaboshya akomeza avuga ko imirimo yo mu rugo yagombye gusaranganywa n’abagize umuryango, kuko iyo bitagenze uko bishobora kuwugiraho ingaruka bikanatuma usenyuka ndetse bikaba byanasenya umuryango mugari.

Evariste Rugigana, umuyobozi wa RURA

Yabigarutseho kuri uyu wa Kabiri tariki 19 Gicurasi 2026, ubwo yari mu Nama Mpuzamahanga yiga ku bijyanye n’ingufu za Nikeleyeri, irimo kubera i Kigali kuva ku ya 18 Gicurasi 2026.

Rugigana avuga ko ibihugu byinshi bya Afurika kuri ubu bishyira Nikeleyeri ku mwanya wa mbere mu gihe giciriritse ndetse n’igihe kirekire, muri gahunda irambye y’ingufu bikenera.

Ibi rero kugira ngo bigerweho hagomba kubaho imikorere iri mu mucyo, bigatangirira ku miyoborere iboneye.

Yagize ati “Nkatwe, kugira ngo ibintu bigende neza ni ngombwa gukorera mu mucyo, buri wese akabigira ibye ndetse hakabaho no kubazwa inshingano. Ibi rero bihera ku miyoborere myiza. Nabonye abayobozi muri Afurika ibintu babigize ibyabo, ibi rero biba byiza kuko bihera ku baturage. Ibi rero biradufasha nkatwe abashinzwe kugenzura imikorere gukora mu buryo bwisanzuye, nta rwego na rumwe yewe n’urwa Leta rudushyiraho igitutu”.

Ati “Ni byiza rero ko muri Afurika ibi byakubahirizwa, nko mu Rwanda dufite RURA ndetse tukagira Ikigo cy’Igihugu gishinzwe Ingufu za Nikeleyeri (), uku gutandukanya inzego ni ingirakamaro kuko binoza imikorere. Biradufasha nk’inzego ngenzuramikorere, kuko mu byo dukora hashyirwaho amabwiriza runaka bitworohera guhura n’abagenerwabikorwa tukabanza kumva ibitekerezo byabo. Bivuze rero ko no muri iyi gahunda ijyanye n’ingufu za Nikeleyeri, abaturage bagomba kuba bayirimo kuva ku gitekerezo ndetse no mu ishyirwa mu bikorwa, kugira ngo igere ku ntego”.

Ni ibiri mu byaganiriweho kuri uyu wa Mbere tariki 18 Gicurasi 2026, ubwo ba rwiyemezamirimo b’abagore bo muri Mauritius bari mu ruzinduko mu Rwanda, bahuraga na bagenzi babo bo mu Rwanda, mu rwego rwo kungurana ibitekerezo byatuma impande zombi zungukira muri ubwo bufatanye, cyane ko ari n’uburyo bwo guhanahana ubunararibonye.

Uru ruzinduko ruzamara iminsi itatu, ruje nyuma y’urwo abo mu Rwanda baherukaga kugirira muri Mauritius, bakaba baje kureba amahirwe mashya ari mu Rwanda bashoramo imari yabo, binyuze mu isoko rusange rya Afurika (AfCFTA), kikaba igikorwa cyiswe ‘SheTrades Hub-to-Hub Collaboration Mission’.

SheTrades Hubs ni gahunda igize umushinga mpuzamahanga wa SheTrades, washyizweho n’Ikigo Mpuzamahanga cy’Ubucuruzi (ITC), gikorana n’Umuryango w’Abibumbye ndetse n’Urugaga Mpuzamahanga rw’Ubucuruzi (WTO).

Umwe mu bagore bikorera wo mu Rwanda witabiriye iki gikorwa, Ingabire Oliva, yavuze ko yungukiye byinshi kuri bagenzi be ba Mauritius, harimo uburyo bwo kubona amasoko yo hanze.

Ati “Nabonye ko bishoboka ko umugore na we yagira ibyo ageraho atinyutse agakora. Nk’ubu hari bagenzi bacu ba Mauritius baduhaye ubuhamya bavuga ko batangiye muri 2012, none ubu bakaba abageze aho gukorera mu Bwongereza, muri Australia n’ahandi. Twabonye rero ko natwe dushobora kujyana ibicuruzwa byacu mu bindi bihugu na Mauritius irimo, nk’uko na bo bazanye ibyabo mu Rwanda”.

Yakomeje agira ati “Ikindi nabigiraho ni uburyo bwo kugaragaza ibyo nkora, kuko abagore bo muri Mauritius uburyo bamamaza ku mbuga nkoranyambaga ibyo bakora buri hejuru. Ni ikintu rero natwe tugomba kwiga, kuko uba ukora ikintu runaka ariko ugasanga no mu karere utuyemo ntawe ukizi, ni ikintu nabonye baturusha”.

Nirmala Jeetah, Umuyobozi w’ikigo cya Healthcare and Life Sciences akanayobora SheTrades Mauritius Hub, yavuze ko uru ruzinduko rugamije gufasha abagore ba rwiyemezamirimo kwagura ibikorwa byabo.

Yagize ati “Uru rugendo rugaragaza ubushake bwacu bwo gushyigikira abagore ba rwiyemezamirimo bo muri Mauritius, kugira ngo barenge amasoko basanzwe bakoreramo, banubake ubufatanye burambye mu bucuruzi hirya no hino muri Afurika. U Rwanda rufite amahirwe akomeye mu bijyanye n’udushya, ishoramari n’ubucuruzi.”

Thérèse Sekamana, ukuriye ishami ryo guteza imbere inzego zihariye zirimo n’abagore mu Rugaga rw’Abikorera mu Rwanda (PSF), yavuze ko abagore bikorera bo muri Mauritius, baje gushora imari bagakorana n’abo mu Rwanda.

Thérèse Sekamana, ukuriye ishami ryo guteza imbere inzego zihariye muri PSF

Ati “Igikuru kibazanye ni uko buri kompanyi yabo izakorana n’iyo mu Rwanda, ntabwo baje gufubgura kompanyi zabo banabe mu Rwanda, ni ugukorana n’Abanyarwandakazi bafite kompanyi zabo, ari na byo tugiye kubafashamo. Ikindi ni uko tugiye gusinyana amasezerano na bo (MoU), kugira ngo dushyireho ubwo burambye bw’imikoranire”.

Sekamana akomeza asaba abagore b’Abanyarwandakazi gutinyuka, bakajya mu mishinga ikomeye kuko na bo bashoboye, cyane ko nka we ari umushoramari mu mashanyarazi, akavuga ko hari abari mu bwubatsi, mu mabuye y’agaciro n’ahandi, kandi ko babikora neza.

SheTrades Rwanda Hub yatangijwe mu 2021 ku bufatanye bwa Minisiteri y’Ubucuruzi n’Inganda (MINICOM), ITC na PSF. Ifasha abagore ba rwiyemezamirimo kwitegura kohereza ibicuruzwa hanze ndetse no kubahuza n’amahirwe y’ishoramari.

SheTrades Mauritius Hub yo yatangijwe mu 2023, ikaba ifasha abagore ba rwiyemezamirimo kugera ku masoko mpuzamahanga, kubona ubumenyi mu bucuruzi bw’ikoranabuhanga no kugera ku buryo bwo kubona inguzanyo n’inkunga.

Yabigarutseho kuri KT Radio, ubwo yasesenguraga ibyo Perezida w’u Bufaransa, Emmanuel Macron, yavuze ku bijyanye n’ibibazo biri mu Burasirazuba bwa Congo, ubwo yari mu nama yahuje igihugu cye na Afurika (Africa Forward Summit), yabereye i Nairobi muri Kenya tariki 11 na 12 Gicurasi 2026, inama yitabiriwe n’Abakuru b’ibihugu na za Guverinoma n’abandi.

Me Gasominari avuga ko ibyo Perezida Macron yavuze birimo ukuri, kuko yagaragaje ko intambara yo muri Congo izarangizwa n’ibiganiro bihuriweho.

Yagize ati “Macron yavuze ko nk’u Bufaransa batagomba gukurikira inzira Amerika yafashe kuko atari nziza, itatuma ibitegerejwe ku Rwanda biboneka, ahubwo bizarushaho kutavugana na rwo, no kutabona igisubizo ku kibazo gihari. Amerika yafashe uruhande rwa RDC, yumva ibyifuzo byayo iba ari byo ishyira mu bikorwa. Usanga rero utashobora gukemura ikibazo ukoranye n’uruhande rumwe, wirengagije urundi n’ibyo rusaba”.

Me Gasominari abajijwe niba ibi bidashobora guteza umwuka mubi hagati y’u Bufaransa na Amerika, yavuze ko bitabaho.

Ati “Ntabwo byateza umwuka mubi hagati y’ibyo bihugu, kuko u Bufaransa na Amerika bafite inyungu zitandukanye ariko bafite n’izo bahuriyeho, ndetse n’izo buri mugabane wihariye. Ntabwo rero bivuga ko icyo Amerika yemeje, u Bufaransa na EU bagomba guhita bakurikira ngo babikore uko ibyifuza”.

Ati “Macron yagaragaje uko ikibazo cya Congo acyumva, yavuze ko ikibazo kiri muri Congo atari AFC/M23 gusa, ahubwo ko hari n’icya FDLR ku rundi ruhande. Yavuze ko impande zose rero zigomba kwicarana zikumvikana ku bibazo byose bihari bakabona igisubizo. Icy’ingenzi yavuze mu mbwirwaruhame ye ni uko bo badashyigikiye inzira Amerika yahisemo yo gufatira u Rwanda ibihano, kuko atari yo nzira iboneye yo gukemura ibibazo bihari”.

Yakomeje avuga ko icyakwitegwa nyuma y’ijambo rya Perezida Macron, ari uko hagiye gushyirwa imbaraga muri ibyo biganiro, kuko ibiganiro ari byo bijya birangiza intambara zose, si muri Congo gusa n’izindi ngo ni ko bigenda.

Ati “Mwumvise ko hashize iminsi Ingabo za AFC/M23 ziva mu bice byinshi zari zarafashe nyuma y’ariya masezerano ya Washington, bishobora kuba biri mu byo basabwe kugira ngo ibiganiro bikomeze bigire n’icyo bigeraho. Barimo barakora ibibareba, turizera ko Leta ya Congo na yo irimo gukora ibiyireba, hanyuma ikibazo kigakemuka mu mahoro, ni bwo buryo bwonyine bushoboka”.

Avuga ko iyaba intambara yakemuraga ikibazo, urebye uko iya Congo irwanwa n’igihe imaze, amafaranga yashowemo ndetse n’abantu n’ibihugu byayigiyemo, ngo yagombye kuba yararangiye, ariko ntiyarangiye ahubwo yarushijeho gufata indi ntera no gukaza umurego.

Yungamo ko ikibazo cya Congo ari icya politiki, bityo ko kidashobora gukemurwa n’intambara ahubwo kizakemurwa n’ibiganiro bya politiki, kuko ngo bitabaye gutyo buri ruhande rwakomeza guhagarara ku byo rwemera, igisubizo cy’ikibazo ntikiboneke.

Intambara yo mu Burasirazuba bwa Congo ikomeje guhitana ubuzima bw’abantu, aho AFC/M23 ishinja Leta ya Kinshasa kurenga ku masezerano y’agahenge yasinywe, igakomeza kugaba ibitero bya drones ku baturage b’inzirakarengane bo mu bice uyu mutwe wafashe.

Shakira wakanyujijeho mu ndirimbo nyinshi zakunzwe kandi n’ubu agikomeje, imwe mu zamwamamaje cyane ni iyitwa ‘Hips Don’t Lie’, si ubwa mbere ahawe ayo mahirwe yo kurirmba mu Gikombe cy’Isi, kuko yanatoranyijwe kuririmba mu Gikombe cy’Isi cya 2006, 2010, 2014 akaba agiye kuririmba no mu cya 2026 aho azafatanya na Burna Boy wo muri Nigeria, mu ndirimbo izagifungura yiswe ‘Dai Dai’.

Shakira azaririmbana kandi n’umuhanzi w’umunyamerika Madonna, ndetse n’itsinda rya BTS, ariko hazaba hari n’abandi bahanzi benshi bazajya baririmba mu gihe cy’akaruhuko mu mikino, bakazaba bari kuri MetLife Stadium yo muri Leta ya New Jersy muri Leta Zunze Ubumwe za Amerika.

Imwe mu ndirimbo za Shakira yaririmbye mu bikombe by’Isi yamamaye cyane ni iyo gufungura icya 2010 izwi nka ‘Waka Waka’, cyabereye muri Afurika y’Epfo.

Igikombe cy’Isi cya 2026 kizakinirwa mu bihugu bya Leta Zunze Ubumwe za Amerika, Canada na Mexico, kikazaba kuva ku ya 11 Kamena kugera ku ya 19 Nyakanga 2026.

Shakira ni muntu ki?

Shakira yavukiye muri Colombia kuri se w’Umunya-Colombia na nyina ukomoka muri Liban, akaba yaratangiye kuririmba afite imyaka 13, afashwa n’inzu y’umuziki ya Sony Music Colombia, akaba yarasohoye album ye ya mbere yise ‘Magia’ mu 1991.

Iyo album ndetse n’iya kabiri yasohoye ntizamufashije kumenyekana cyane, ariko iya gatatu yise ‘Pies Descalzos’ yasohoye mu 1995, ni yo yatumye yamamara, aba ikimenyabose muri Amerika y’Amajyepfo, ndetse ituma mu 1996 atangira gukora ibitaramo ku rwego mpuzamahanga.

Mu bihembo bikomeye Shakira yegukanye harimo Gammy Awards enye (4), yahembwe nk’uwagurishije indirimbo nyinshi w’ibihe byose (best-selling recording artist), igihembo cy’umuhanzi indirimbo ze zacuranzwe cyane ku maradio kizwi nka Los 40 Music Awards mu 2006, MTV Video Vanguard Award mu 2023 n’ibindi byinshi.

Izindi ndirimbo zamamaye za Shakira ni Whenever, Wherever; La Tortura; Beautiful Liar; Try Everything; Chantaje n’izindi nyinshi.

Shakira ntiyigeze ashaka byemewe n’amategeko, ariko yabanye mu gihe cy’imyaka 11 n’icyamamare muri ruhago, Gerard Piqué, bakaba barabyaranye abahungu babiri, kuri ubu babana na nyina.

Minisitiri wa Siporo, Nelly Mukazayire, ni umwe mu bitabiriye inama ya Africa CEO Forum ndetse atanga n’ikiganiro

Yabigarutseho kuri uyu wa Gatanu tariki 15 Gicurasi 2026, ubwo yari yitabiriye inama ya Africa CEO Forum ibera i Kigali igeze ku munsi wayo wa kabiri ari na wo wa nyuma, akaba yatanze ikiganiro ku hazaza ha Siporo nk’urwego rwashorwamo imari.

Minisitiri Mukazayire yavuze ko hari abantu benshi bavuga ko u Rwanda rwihuta mu iterambere, ko ruri mu bihugu bike bya Afurika bifite Arena, abihuza n’imiyoborere myiza.

Yagize ati “Hari abatubaza uko u Rwanda rurimo gutera imbere, ruri mu bihugu bike byo ku mugabane wa Afurika bifite Arena, kuba twaravuguruye Stade Amahoro ndetse turimo no gupiganirwa kwakira Formula 1, bati ibyo mubikura he? Bigenda gute? Ibi rero bituruka ku miyoborere myiza y’Igihugu cyacu, itareba ku nzego zimwe z’ubukungu, ahubwo ireba no ku zindi zakwinjizwa mu bucuruzi, rumwe muri zo rero ni ubukerarugendo”.

Ati “Hari kandi kuba u Rwanda rwakira ibikorwa byinshi mpuzamahanga birimo inama n’ibindi, abasura ingagi mu rwego rw’ubukerarugendo ndetse n’urwego rwa siporo rukitabwaho. Icyerekezo rero cy’Igihugu cyacu kimaze igihe ni ukureba kure, kigagera kuri ayo mahirwe yose kikayafungura”.

Yakomeje yibutsa ko u Rwanda rwanditse amateka rwakira BAL (Basket Africa League) ku nshuro yayo ya mbere, aho yakiniwe muri BK Arena, bivuze ko iyi nyubako yubatswe hari intego.

Minisitiri Mukazayire yunzemo ko ibikorwa by’imyidagaduro ari ingenzi, kubigeraho kandi hakazamo n’uruhare rw’abikorera bashora imari mu Rwanda, aha akaba yatanze urugero kuri Masai Ujiri.

Ati “Ndashimira abikorera nka Masi Ujiri n’abo bakorana muri Zaria Group kubera ishoramari bazanye hano, bakubaka Zaria Court. Ni inyongera kuri Arena na stade twahoze tuvuga, ni ukuvuga ko iyo ufite ahandi hantu h’imyidagaduro, ni ubuzima, umuryango…, iyo ni yo siporo hanyuma ukayongerera agaciro ari bwo hazamo n’irindi shoramari”.

Yakomeje avuga ko ahazaza ha siporo hashingiye ku bantu, ko ari imyidagaduro, ikabamo uruganda rwo guhanga ibishya, bityo ko ari ahantu ho gushora imari, ari yo mpamvu Igihugu cyashyize imbaraga mu kubaka ibikorwa remezo bya siporo.

Perezida Kagame ibi yabigarutseho kuri uyu wa Kane tariki 14 Gicurasi 2026, mu kiganiro yagejeje ku bitabiriye inama ya ‘Africa CEO Forum’ irimo kubera i Kigali, akaba yari arimo asubiza ku kibazo yari abajijwe cyo kuvuga ku kamaro k’urwego rw’abikorera muri Afurika.

Umukuru w’Igihugu yavuze ko urwego rw’abikorera rukora neza inshingano zarwo mu guteza imbere Afurika.

Yagize ati “Urwego rw’abikorera rukora akazi karwo neza, ariko byaba byiza kurushaho rubonye uburyo rwarushaho gukorana bya hafi n’inzego za Leta, inyungu zikaba zimwe kuko turi umwe, cyane cyane urebye ibyo umugabane wacu ukeneye”.

Ati “Ndashaka gushimira urwego rw’abikorera, hari igihe rwinjira mu bibazo byatewe n’inzego za Leta. Ariko iyo ibyo bibazo bitari kuba bihari, urwego rw’abikorera rwagombye kuba ruri kure y’aho ruri ubu, ndetse n’umugabane wagombye kuba uteye imbere kurusha uko uri ubu”.

Yakomeje avuga ko buri ruhande rwagombye kongera kureba uko rugira icyo ruhindura ku nshingano zarwo, kugira ngo bifashe urwego rw’abikorera gukora neza kurushaho, bitwo inyungu zigere kuri bose.

Perezida Kagame yavuze ko Afurika ifite uruhare rukomeye ishobora kugira mu Isi igenda ihinduka, ariko ko bisaba ko ibihugu bigize uyu mugabane bihindura imyumvire, bikareka gutegereza ibisubizo biva hanze, ahubwo bikubakira ku byo bifite.

Inama ya Africa CEO Forum irimo kubera i Kigali yatangiye kuri uyu wa Kane ikazamara iminsi ibiri, ikaba yitabiriwe na bamwe mu Bakuru b’ibihugu na za Guverinoma, abashoramari batandukanye n’abandi baturutse hirya no hino ku mugabane wa Afurika.

Perezida Kagame yabigarutseho kuri uyu wa Kabiri tariki 12 Gicurasi 2026, ubwo yagezaga ijambo ku bitabiriye inama y’iminsi ibiri ihuza u Bufaransa na Afurika yiswe Africa Forward Summit, yaberaga i Nairobi muri Kenya, akaba yari mu kiganiro cyavugaga ku iterambere ry’inganda zitangiza ikirere ndetse no ku ngufu.

Umukuru w’Igihugu yavuze ko Abanyafurika ari bo mbere na mbere bakwiye kwiyemeza gufata inshingano ku hazaza h’umugabane wabo.

Yagize ati "Twe nk’Abanyafurika, tugomba kubanza gufata inshingano mbere y’uwo ari we wese. Nta muyobozi n’umwe ku Isi, kabone n’iyo yaba ayobora Igihugu gikomeye gute, uzaza gutabara umugabane wacu."

Yakomeje avuga ko uyu mugabane wagiye wemererwa byinshi bitanga icyizere, ariko ngo nta gifatika cyagezweho.

Ibi Perezida Kagame yavuze, yabihuriyeho n’Umukuru w’igihugu cya Kenya, William Ruto, ubwo yari mu kiganiro n’itangazamakuru cyasozaga iyi nama, aho yavuze ko Abanyafurika hari byinshi bakwikorera, bityo ko batagomba gutegereza ubufasha bw’ab’ahandi.

Ati “Kuki tugomba kujya gushaka abandi ngo baduhe amafaranga yo gukora imishinga yacu, dufite amafaranga muri Afurika, dufite amamiliyari y’Amadolari abitse mu bigo by’ubwishingizi, muri za pansiyo, ariko ntidukoresha ayo mafanga ngo twiteze imbere ubwacu. Ntabwo rero tuzemera kongera gukoreshwa kuko tuzi icyo tugomba gukora. Ntitugomba rero gutegereza abatugirira impuhwe, mu gihe twakwikorera ubwacu”.

Yunzemo ati “Abikorera bacu kuri uyu mugabane, bagombye mbere na mbere gushora imari yabo muri Afurika mbere y’uko tujya gushaka abaturuka ahandi ngo bazane imari yabo. Ndibaza nti niba abikorera bacu batishimira gushora imari yabo kuri uyu mugabane, kuki ab’ahandi babyishimira? Abanyafurika ni twe tugomba kwigira, indi nkunga yaza ivuye kwa Macron cyangwa ku bandi, ikaza ari inyongera. Ntabwo tuzongera kwemera kuba abagaragu b’umuntu uwo ari we wese, tugomba kwimenyera ibyacu”.

Aha Ruto yari yateruye avuga ko Afurika ifite amateka y’ibihe bibi by’ubukoloni n’uburetwa, ariko ko ubu ifite ibihugu 54 bifite ubwigenge, byibumbiye muri African Union, akizeza Abanyafurika ko ibyo bitazongera kubaho ukundi.

Ati “Ndabizeza ko bitazongera, twe abayobozi bo kuri uyu mugabane, ni twe tugomba kwimenyera ahazaza hawo. Ni yo mpamvu inama nk’iyi yabereye i Nairobi, kuko ubu tuganira n’abafatanyabikorwa bacu, ubu ni ubufatanye burimo uburinganire, ubufatanye burimo inyungu zihuriweho. Nta mpuhwe dusaba kugirirwa, dufite inshingano zacu nk’uko n’abandi bafite izabo”.

Inama ya Africa Forward Summit yitabiriwe n’abantu barenga 4,000 barimo Abakuru b’ibihugu na za Guverinoma barenga 25, abashoramari batandukanye ndetse n’abahanga ibishya, bakaba baraganiriye ku iterambere ry’umugabane wa Afurika, ubufatanye mu by’ubukungu ndetse n’icyerekezo cy’ahazaza hawo.

Ni igikorwa cyiswe ‘SheTrades Hub-to-Hub Collaboration Mission’ kizaba kuva tariki ya 18 kugeza ku ya 20 Gicurasi 2026, kikazahuza ibigo biyoborwa n’abagore bo mu bihugu byombi, kugira ngo basuzume amahirwe ari mu nzego zirimo inganda, ikoranabuhanga n’itumanaho, ubuvuzi, ubwiza, ubukerarugendo, gutunganya umusaruro w’ubuhinzi n’ibindi.

Iki gikorwa cyateguwe n’Ikigo gishinzwe Iterambere ry’Ubukungu muri Mauritius (EDB Mauritius), ku bufatanye na SheTrades Rwanda Hub ibarizwa mu Rugaga rw’Abikorera mu Rwanda (PSF). Biteganyijwe ko ibigo bigera kuri 18 biyoborwa n’abagore bo muri Mauritius bizitabira iyi gahunda.

Abategura iki gikorwa bavuga ko kigamije gushimangira ubufatanye mu bucuruzi hagati y’abagore ba rwiyemezamirimo, guteza imbere imikoranire hagati ya SheTrades Hubs zo muri Afurika, no gushyigikira urusobe rw’ubucuruzi rworohereza abagore gukora ubucuruzi bwambukiranya imipaka.

Iki gikorwa kandi kigaragaza umubano ukomeje kwaguka hagati y’u Rwanda na Mauritius, ibihugu byombi bifatwa nk’amarembo y’ingenzi y’ubucuruzi n’ishoramari muri Afurika.

Mu gihe cyashize, u Rwanda na Mauritius byongereye ubufatanye mu nzego zirimo ubucuruzi, serivisi z’imari, ubwikorezi bwo mu kirere, ubukerarugendo n’ikoranabuhanga, bishingiye ku cyerekezo bihuriyeho cyo koroshya ishoramari no guteza imbere ubucuruzi.

Nirmala Jeetah, Umuyobozi w’ikigo cya Healthcare and Life Sciences akanayobora SheTrades Mauritius Hub, yavuze ko uru ruzinduko rugamije gufasha abagore ba rwiyemezamirimo kwagura ibikorwa byabo.

Yagize ati “Uru rugendo rugaragaza ubushake bwacu bwo gushyigikira abagore ba rwiyemezamirimo bo muri Mauritius, kugira ngo barenge amasoko basanzwe bakoreramo, banubake ubufatanye burambye mu bucuruzi hirya no hino muri Afurika. U Rwanda rufite amahirwe akomeye mu bijyanye n’udushya, ishoramari n’ubucuruzi.”

Thérèse Sekamana, ukuriye ishami ryo guteza imbere inzego zihariye zirimo n’abagore muri PSF, yavuze ko iki gikorwa ari amahirwe akomeye ku bagore ba rwiyemezamirimo bo mu bihugu byombi.

Ati “Abagore ba rwiyemezamirimo muri Afurika bafite ubushobozi bukomeye bwo guhindura ubucuruzi bw’akarere. Ubu bufatanye butanga amahirwe akomeye ku bigo biyoborwa n’abagore bo mu Rwanda na Mauritius yo kubaka imikoranire, gusangira ubumenyi no kugera ku masoko mashya binyuze muri AfCFTA.”

Gushyigikira abagore mu bucuruzi mpuzamahanga

SheTrades Hubs ni gahunda igize umushinga mpuzamahanga wa SheTrades, washyizweho n’Ikigo Mpuzamahanga cy’Ubucuruzi (ITC), gikorana n’Umuryango w’Abibumbye ndetse n’Urugaga Mpuzamahanga rw’Ubucuruzi (WTO).

Uyu mushinga watangijwe mu 2015 ugamije gukuraho inzitizi zibangamira abagore mu bucuruzi mpuzamahanga, no gushyiraho uburyo bubafasha guhangana ku isoko mpuzamahanga.

Binyuze muri izi hubs, abagore ba rwiyemezamirimo bahabwa amahugurwa y’ubucuruzi, amakuru ku masoko, ubujyanama, amahirwe y’ishoramari n’ubufasha mu rwego rwa politiki.

SheTrades Rwanda Hub yatangijwe mu 2021 ku bufatanye bwa Minisiteri y’Ubucuruzi n’Inganda (MINICOM), ITC na PSF.

Iyi gahunda yibanda ku gufasha abagore ba rwiyemezamirimo kwitegura kohereza ibicuruzwa hanze, kubahuza n’amahirwe y’ishoramari no guteza imbere politiki y’ubucuruzi, iha amahirwe angana abagore n’abagabo.

SheTrades Mauritius Hub yo yatangijwe mu 2023, ikaba ifasha abagore ba rwiyemezamirimo kugera ku masoko mpuzamahanga, kubona ubumenyi mu bucuruzi bw’ikoranabuhanga no kugera ku buryo bwo kubona inguzanyo n’inkunga.

Mu gihe AfCFTA ifite isoko rigizwe n’abarenga Miliyari 1.4, abategura iki gikorwa bavuga ko uru rugendo rw’i Kigali, rushobora gufasha ibigo bito n’ibiciriritse biyoborwa n’abagore kubona abafatanyabikorwa b’ingenzi, no kugira uruhare mu iterambere ry’ubukungu ridaheza muri Afurika.

Minisitiri Murangwa yabigarutseho kuri uyu wa Mbere tariki 11 Gicurasi 2026, ubwo yagezaga imbanzirizamushinga w’ingengo y’imari 2026-2027 ku Nteko Ishinga Amategeko, imitwe yombi.

Icyakora Minisitiri Murangwa yavuze ko nubwo bimeze gutyo, biteganyijwe ko ubukungu bw’Igihugu buzagenda buzamuka mu myaka iri imbere.

Yagize ati “Iri zamuka ry’ubukungu rya 6.8% riraterwa n’ingaruka z’intambara yo mu Burasirazuba bwo hagati ku biciro by’ibicuruzwa, ku bucuruzi, ubwikorezi, ubukerarugendo n’ihererekanya ry’imari hagati y’ibihugu. Icyakora turateganya ko buzakomeza kuzamuka ku gipimo cya 7.2% mu mwaka wa 2027 no ku gipimo cya 7% mu gihe giciriritse”.

Yunzemo ati “Umusaruro w’urwego rw’ubuhinzi uteganyijwe kuzamuka ku gipimo cya 3.7% mu mwaka wa 2026, 4.8% mu mwaka wa 2027 no ku gipimo cya 5.3% mu 2028. Umusaruro w’urwego rw’inganda biteganyijwe ko uzazamuka ku gipimo cya 11.5% mu mwaka wa 2026, 11.1% mu mwaka wa 2027 ndetse no ku gipimo cya 8.3% mu mwaka wa 2028. Umusaruro w’urwego rwa serivisi uzazamuka ku gipimo cya 6.1% mu mwaka wa 2026, uzazamuka kandi kuri 6.5% mu 2027 no ku gipimo cya 7% muri 2028”.

Impuzandengo y’izamuka ry’ibiciro ku masoko yari iteganyijwe kuzamuka ku gipimo kiri hejuru ya 8% mu gihembwe cya mbere cya 2026, ikazasubira ku bipimo fatizo bya Banki Nkuru y’Igihugu bibarirwa hagati ya 2% na 8% mu gihe giciriritse, mu gihe ibiciro by’ibicuruzwa n’ibiribwa ku Isi biteganyijwe kuzaba byasubiye ku murongo.

Mu mwaka wa 2026, icyuho hagati y’ibyo u Rwanda rutumiza n’ibyo rwohereza mu mahanga, giteganyijwe kwiyongera kikagera ku gipimo cya 34.5%, bitewe ahanini n’ubwiyongere bw’ibitumizwa mu mahanga, byifashishwa mu mishinga minini yo mu rwego rw’uwubatsi.

Icyo cyuho ariko giteganyijwe kugabanuka kikagera ku gipimo cya 8% mu mwaka wa 2027.

Minisitiri Murangwa yagarutse kandi ku byitaweho mu gutegura iyi mbanzirizamushinga y’ingengo y’imari 2026-2027.

Ati “Hitawe ku ngaruka z’intambara yo mu Burasirazuba bwo hagati no kuri politiki yo kwinziza amafaranga no kuyakoresha, harimo gukomeza gushyigikira iterambere n’imikorere ya RwandAir. Hari kandi gushyira imbaraga mu rwego rw’ubuhinzi hitabwa cyane ku nyongeramusaruro no guhangana n’ingaruka z’ihindagurika ry’ikirere”.

Nyuma y’iyi mbanzirizamushinga, ingengo y’imari izagezwa ku bagize Inteko Ishinga Amategeko imitwe yombi mu kwezi gutaha kwa Kamena.

Kinini ni agasantere k’ubucuruzi gashyushye, haba hari amaduka menshi akinguye, utubare, aho kurira, ibigo by’imari iciriritse, isoko, haparitse moto zitwara abagenzi kuko nta modoka zitwara abantu mu buryo bwa rusange zijyayo, mbese abantu baba banyuranamo.

Mbere yuko winjira neza mu gasantere ka Kinini, haruguru y’umuhanda hari ikigo kinini cy’Abihayimana b’Abagatolika, cyitwa Cité de Nazareth, kirimo amashuri, Kiliziya n’ibindi, aha hakaba ari ho Papa Paul II yasomeye misa ubwo yasuraga u Rwanda.

Aho hantu rero kuhita Kinini ni ibya kera, kuko ubusanzwe hitwaga i Mbare, ariko amateka y’ubuhinzi bwahakorewe mu gihe cy’abakoloni, akaba ari yo yahahaye iryo zina rya Kinini rirafata.

Mu kumenya iby’aya mateka, twaganiriye n’umusaza Gatanazi Jérôme ufite imyaka 92 wahavukiye, atubwira byinshi ku nkomoko y’iryo zina.

Yagize ati “Kera hano haje umuzungu witwaga Jangwe, hari mu gihe cy’ubukoloni, afata umusozi wose hariya hubatse Cité, azana imashini irahinga, hanyuma azana n’imbuto y’ibiti twumvaga babyita ibinini, turabitera. Njye ndabyibuka cyane kuko nari umusore mfite imyaka 15, mpakora akaduhemba ifaranga rimwe n’urumiya ku munsi (1.5Frw), hari mu 1949. Gusa ibyo twateraga ntitwabaga tuzi ibyo ari byo”.

Ati “Bimaze gukura, Jangwe yarazaga agashyiraho abakozi ibyo biti bakabishishura, bakanasarura amababi yabyo, bakagenda bakabyanika, hanyuma akabishyira mu mifuka agafunga, ubundi agapakira imodoka no ku ndege akabijyana iwabo. Kubera rero ko hakoragamo abantu benshi cyane baturukaga hirya no hino, uwo babazaga bati ugiye he, yababwiraga ko agiye mu binini, bakabihuza n’ikinini gisanzwe cyo kwa muganga kuko n’ibyo biti natwe twabyivurishaga, twari twaramaze kumenya ko bivamo imiti, nuko izina rya Kinini uko bahita uyu munsi rivuka uko”.

Uyu musaza avuga ko igiti gikuze cy’ikinini cyabaga kimeze nk’umwembe ukuze, gifite amashami n’amababi menshi.

Gatanazi avuga ko bigeze mu myaka ya za 1980, uwo muzungu Jangwe atakomeje kwita kuri bya binini, ndetse ajya iwabo amara igihe atahagera, ntibyongera kubagarwa birengwa n’ikigunda, abaturage batangira kuragiramo inka na byo zirabirisha, bigenda bicika buhoro buhoro ku buryo ubu nta na kimwe kiharangwa, ariko hakaba hakomeza kwitwa mu Kinini.

Muri Nzeri 1990, ubwo Papa Paul II yasuraga u Rwanda, yanageze aho mu Kinini cyangwa se i Mbare, anahasomera misa. Icyo gihe Abihayimana ngo basabye ubutaka bakubakaho ibikorwa byabo, nuko babaha hahandi hari hahinze bya binini byari biri mu nzira yo gucika, kuko ngo hari hasigaye mbarwa ndetse ibindi ari ibishyitsi.

Nyuma y’uruzinduko rwa Papa, Abihayimana bahise batangira kubaka kuri wa musozi, ubu hakaba hari ikigo kinini cy’Abagatulika kirimo amashuri abanza n’ayisumbuye ndetse anacumbikira abanyeshuri, harimo amacumbi y’abarimu, aho abapadiri baba, Kiliziya…, ari ho hitwa Cité de Nazareth.

Ni igitaramo kizaba kuri uyu wa Gatandatu tariki 9 Gicurasi 2026, kikazabera muri Kigali Universe, iherereye ku nyubako ya CHIC mu Mujyi wa Kigali.

Uretse Mighty Popo, abandi bahanzi bazwi mu njyana ya Reggae nka Las Kayaga, MC Imanzi Lion ndetse na Imena Band n’abandi, na bo bazataramira abazitabira iki gitaramo kiba buri mwaka.

Mighty Popo avuga ko kwibuka Bob Marley, kuri we ari ingenzi cyane, kuko yari umuntu watangaga ubutumwa bw’urukundo n’icyizere mu ndirimbo ze, bityo ko yamubereye urugero rwiza.

Agira ati “Ni bake ku Isi bameze nka Bob Marley. Kuri twebwe twavukiye mu buhunzi, ubutumwa bwe bwatumye tumenya abo turi bo, atugarurira icyize avuga ko rimwe Afurika izamera neza, izagira ubwigenge. Yatumye Abanyafurika aho bari hose ku Isi biyumvamo urukundo, abavandimwe, mbese urebye ibyo u Rwanda rurimo gukora uyu munsi, Bob yabiririmbye mu myaka 50 ishize. Umuntu nk’uwo rero ntiwamwirengagiza, tugomba guhora tumwibukiraho urwo rukundo, kugira ngo turukomeze hagati y’Abanyafurika”.

Ati “Ni umuntu wagiraga ubumuntu, niba njye uri mu Rwanda mbivuze tekereza abari muri Jamaica, mu birwa bya Caraibe, muri Amerika, mbese Isi yose murabizi ko bamukunda. Kuba narateguye iki gitaramo, ni ibintu bimporamo byo kuba twakongera kwereka urubyiruko icyo uyu muhanzi w’icyamamare yamaze, ni muntu ki? Ni uburyo rero bwo kwizihiza urwo rukundo rwa Bob Marley, urukundo nyarwo, rwo kubaha no kubahana kandi rutuma umuntu yiyubaka. Tuzizihirwa rero, twishime mu njyana ya Reggae”.

Biteganyijwe ko imiryango y’ahazabera iki gitaramo, kuri Kigali Universe, izaba ifunguye kuva saa kumi n’ebyiri z’umugoroba (18:00), ariko igitaramo nyirizina kikazatangira saa mbiri z’ijoro, amatike yo kwinjira abantu bakazayasanga ku muryango.

Mighty Popo arakangurira abantu kuzitabira iki gitaramo kuko kizaba kirimo abahanzi basobanutse.

Ati “Uzaza muri iki gitaramo, rwose ntabwo azicuza, ndabimwemereye. Azumva injyana nziza, abaririmbyi beza ndetse n’ubutumwa bwiza, kandi n’utazi Bob azahava yamumenye. Nimuze dutarame twibuke igihangange Bob, abakunda ubumwe bwa Afurika bwa nyabwo muze twizihize ubuzima bw’uyu mugabo wagiye aduha ubutumwa bwiza”.

Robert Nesta Marley, wamamaye nka Bob Marley ubundi yitabye Imana ku ya 11 Gicurasi 1981 afite imyaka 36, abenshi bakaba bamwibuka ndetse bizihiza ubuzima bwe buri mwaka ku itariki 11 Gicurasi.

Yamenyekanye cyane mu ndirimbo nyinshi ndetse n’ubu zigikunzwe nka One Love, Redemption Song, Could You Be Loved, Is This Love, Buffalo Soldier, Stir It Up, No Woman No Cry, Three Little Birds n’izindi nyinshi.

Abicishije ku mbuga nkoranyambaga ze, Dolly Parton aherutse kuvuga ko asubitse igitaramo yagombaga gukorera mu Mujyi wa Las Vegas muri Leta zunze Ubumwe za Amerika muri Gicurasi uyu mwaka, kubera uburwayi.

Yavuze ko amaranye igihe uburwayi bw’impyiko (Kidney stones), ariko ko arimo kuvurwa neza ndetse ko n’imiti arimo kuyifata kandi imufasha, ku buryo yumva agenda amera neza ariko akaba akeneye kuruhuka, anakomeza kwitoza kuririmba kugira ngo azongere ataramire abakunzi be.

Icyo gitaramo yacyimuriye muri Nzeri uyu mwaka, anizeza abari bamutegereje ko bazamubona, ati “hari ubuvuzi nkirimo gukorerwa, ariko ndi mu nzira nzaza nongere mbaririmbire”.

Dolly Parton ni muntu ki?

Dolly Parton yavutse ku ya 19 Mutarama 1946, avukira muri Leta ya Tennessee muri Amerika, mu muryango w’abana 12 akaba uwa kane muri bo. Yatangiye gukunda kuririmba akiri umwana muto, kuko ku myaka itandatu (6) yaririmbaga muri Kiliziya, ndetse muri icyo gihe atangira no guhanga indirimbo ze.

Ku myaka irindwi (7) yatangiye kwiga gucuranga gitari, ndetse nyuma se wabo aza kumugurira iye, noneho ku myaka 10 akajya amujyama mu biganiro kuri radio kuko ari ho yakoraga, bituma amenyera mikoro.

Ku myaka 13, Dolly yagiye bwa mbere muri studio akora indirimbo ye ya mbere yise ‘Pappy Love’, muri icyo gihe yanabonye amahirwe yo kujya ku rubyiniro bwa mbere, rw’ahanzwi cyane nka Grand Ole Opry.

Arangije amashuri yisumbuye mu 1964, Dolly yahise ajya gutura mu mujyi wa Nashville, maze yinjira neza mu mwuga we w’ubuhanzi ndetse atangira kumenyekana cyane.

Kuva ubwo, Dolly Parton yabaye umwanditsi w’indirimbo akanaziririmba ndetse akajya anafatanya n’abandi bahanzi bakomeye, ku buryo kuri ubu ageze ku ndirimbo yanditse zisaga 3,000 na albumu 65 yasohoye, byatumye aba icyamamare ku rwego mpuzamahanga anegukana ibihembo bitandukanye.

Zimwe mu ndirimbo ze zakanyujijeho ariko n’ubu zigikunzwe harimo Jolene yasohoye mu 1973 yanatumye amenyekana cyane, 9 to 5, I will Always Love You, Coat of Many Colors, Here You Come Again, The Bargain Store, Baby I’m Burnń, Islands in The Stream n’izindi nyinshi.

Yatwaye ibihembo byinshi birimo Grammy Awards 11, Golden Globe Awards 6, National Medal Award of Arts n’ibindi byinshi, ndetse hari indirimbo ze 25 zigeze kuba iza mbere kuri Billboard Hot Country Songs.

Dolly Parton yarongowe mu 1966, umugabo we akaba yaritwaga Carl Dean, witabye Imana mu mwaka ushize wa 2025, bakaba batarigeze babyara umwana n’umwe.

Iyi raporo ivuga ko nubwo amazi ari make muri rusange mu gihugu, ariko Ikigo cy’Igihugu gishinzwe Amazi Isuku n’Isukura (WASAC), cyagombye gukora isaranganya ryayo neza.

Ubwo Umugenzuzi Mukuru w’Imari ya Leta, yagezaga iyi raporo ku bagize Inteko Ishinga Amategeko, imitwe yombi kuri uyu wa Gatatu tariki 6 Gicurasi 2026, Senateri Mureshyankwano yavuze ko isaranganya ry’amazi riteje ikibazo gikomeye.

Yagize ati “Iyi raporo yagaragaje ko mu duce dutandatu tw’Igihugu, hari abantu bahawe amazi inshuro ziri hagati 1-5 mu byumweru bitatu, mu gihe abaturage tubashishikariza kugira isuku. Ukibaza, urwo rugo rwagira isuku rute? Hari aho nk’Abasenateri twasuye abaturage ngo turebe uko babona amazi, nko mu Bugesera hari aho abaturage batubwiye ko n’icyumweru gishira batabonye amazi. Ko RURA ihana izindi nzego zitanga serivisi nabi, ko tutarumva yahannye WASAC?”

Umugenzuzi Mukuru w’Imari ya Leta, Kamuhire Alexis, yavuze ko WASAC itigeze yubahiriza gahunda yo gusaranganya amazi nk’uko bisanzwe biteganyijwe.

Ati “Aho twagenzuye muri Nyarugenge na Remera hari uduce twabonye amazi inshuro imwe kugera kuri eshanu mu byumweru bitatu, aho kuyatanga nibura inshuro eshatu buri cyumweru. Igipimo cyo gutanga amazi ubu kiri hagati ya 11% na 56%, iki gipimo kiri hasi cyane ugereranyije n’igisabwa na RURA, kuko yo isaba ko kubahiriza gusaranganya amazi byagombye kuba biri ku gipimo cya 95%”.

Yakomeje avuga ko mu bitera ibura ry’amazi yahaza abayakeneye, harimo ayamenekera mu nzira menshi, agasaba ko WASAC yabyitaho kuko ari igihombo.

Ati “Ku mazi atunganywa angana na metero kibe Miliyoni 85.7, agera kuri 37.8% arangirika. Ibi rero biratuma amazi aba make ndetse bigateza igihombo kuri WASAC. Hakenewe rero ingamba zihamye zo kugabanya amazi yangirika, ndetse n’izo kuyageza ku baturage kugira ngo bayabone iminsi yose. Ikindi ni uko iki kigo kigomba kubahiriza gahunda yo gusaranganya amazi nk’uko iba yateguwe”.

Undi wagarutse ku kibazo cy’amazi ya WASAC apfa ubusa cyangwa ameneka ni Senateri Nkubana, kuko ngo abona nta kirimo gukorwa ngo bikosorwe.

Ati “Twabonye ko amazi ameneka agera kuri 37%, ariko iyo urebye usanga n’atishyurwa yenda kungana n’ayo. Mwavuze ngo nubona amazi ameneka uhamagare baze barebe, njyewe narabikoze, ariko iyo ubahamagaye ikintu cya mbere WASAC ikora ni ukuza ikayafunga, hagashira icyumwe batarayafungura. Icyo gihe umuturage yumva ko guhamagara byabaye igihano, ubutaha akabyihorera amazi agakomeza akameneka ari menshi”.

Akomeza avuga ko hari nubwo uhamagara umukozi wa WASAC, akagera ku wamuhamagaye yatinze cyane.

Mu mitangire ya serivisi muri rusange nabwo iyo raporo yagaragaje ko WASAC itinda, kuko mu bakiriya 79% basabye guhabwa amazi bayahawe batinze kandi bari bujuje ibisabwa, habaye ubukererwe bw’iminsi iri hagati ya 10-188 kandi mu busanzwe byagombye gukorwa mu minsi ibiri (2).

Ibi ni ibyagaragajwe na Komosiyo y’Ubukungu n’Ubucuruzi mu Nteko Ishinga Amategeko, ubwo yagezaga ku Badepite raporo y’Urwego rw’Ubugenzuzi Bukuru bw’Imari ya Leta y’umwaka w’ingengo y’imari warangiye ku wa 30 Kamena 2025, igikorwa cyabaye kuri uyu wa Gatatu tariki 6 Gicurasi 2026.

Iyo raporo yerekana ko umusaruro w’ubuhinzi n’ubworozi wavuye kuri 5.1% mu mwaka w’ingengo y’imari 2023-2024, uramanuka ugera kuri 3.9% mu mwaka w’ingengo y’imari 2024-2025.

Perezida wa Komisiyo y’Ubukungu n’Ubucuruzi, Depite Munyangeyo Théogène, yagarutse ku bibazo bibangamiye urwego rw’ubuhinzi n’ubworozi, byatumye umusaruro warwo ugabanuka.

Yagize ati “Hari kuba abari mu buhinzi n’ubworozi bafite ubumenyi buke, umusaruro muke kuri Hegitari, hari kuba ingengo y’imari ijya muri urwo rwego ikiri hasi, ni ukuvuga hagati ya 3% na 4%. Hari kuba kandi igipimo cy’ishoramari rijya mu buhinzi n’ubworozi kiri hasi y’igipimo cy’inguzanyo zitangwa, kuko kiri hasi ya 3% mu gihe abari muri uru rwego bakora ubuhinzi n’ubworozi ku buryo bwa buri munsi bari hejuru ya 70%”.

Ati “Kuba ibikorwa byo kuhira bitaratanga umusaruro byari byitezweho, kuba ubuhinzi n’ubworozi bukorwa mu buryo butari ubw’umwuga, umusaruro ucyangirika mu isarura n’ubuhunikiro budahagije. Hari kandi guhenda kw’ibiryo by’amatungo n’imiti, gahunda yo kuvugurura icyororo itaratanga umusaruro wifuzwa ndetse no kuba igipimo cy’ubwishingizi mu buhinzi n’ubworozi kikiri hasi”.

Izi mbogamizi zivugwa zinabangamiye gahunda yo kwihutisha iterambere icyiciro cya kabiri (NST2), kuko biteganyijwe ko umusaruro w’ubuhinzi n’ubworozi uzazamukaho 6%.

Kimwe mu bisubizo kuri izi mbogamizi ziri mu rwego rw’ubuhinzi n’ubworozi, ni ukongera ubuso bwuhirwa. Mu 2020 hakozwe inyigo ku bijyanye no kuhira (Rwanda Irrigation Master Plan), ikaba yaragaragaje ko mu Rwanda ubutaka bugera kuri Hegitari 493,050 ari bwo bushobora gukorerwaho ibikorwa byo kuhira, ariko ubukorerwaho bukaba ari 15% gusa, mu gihe kugera mu 2029 biteganyijwe ko ubutaka bwuhirwa bwazaba burenga Hegitari ibihumbi 132.

Ikindi kizitabwaho cyane mu uru rwego ni ukongera umusaruro w’ubworozi, havugururwa icyororo, nk’uko Depite Munyangeyo yabisobanuye.

Ati “Haragomba kuvugururwa icyororo cy’inka, urugero nko muri santere y’ubushakashatsi ya Songa i Huye, ahari ibimasa bitanga intanga byavuye kuri bitandatu bigera kuri 30 mu ntangiriro z’umwaka wa 2026. Ibi bimasa bizatanga intaga ibihumbi 972 ku mwaka, zakoreshwa ku nka ibihumbi 905,785”.

Umushinga w’imyanzuro yafashwe nyuma y’isesengura ry’iri raporo, Komisiyo y’Ubukungu n’Ubucuruzi yasabye ko Minisitiri w’Intebe, yazageza ku Nteko Ishinga Amategeko umutwe w’Abadepite, uburyo buhuriweho n’inzego bwo gukemura imbogamizi zigaragara mu ishoramari ry’urwego rw’ubuhinzi n’ubworozi, hagamijwe kongera umusaruro ubikomokaho, bigakorwa mu gihe kitarenze amezi atatu.

Ibi byagarutsweho kuri uyu wa Kabiri tariki 5 Gicurasi 2026, ubwo Komisiyo y’Ubukungu n’Ubucuruzi yagezaga uwo mushinga w’itegeko ku Badepite, kugira ngo bawutangeho ibitekerezo ndetse banawemeze.

Depite Mukabalisa yabajije niba nta kugongana kuzabaho hagati y’Isoko ry’Imari n’Imigabane nk’urwego ngenzuramikorere rw’ubu bucuruzi na BNR, kubera ko iyi Banki ari yo isanzwe igenzura ikijyanye n’ifaranga cyose.

Yagize ati “Iyo urebye ubona ko inshingano zari zisanzwe ari iza BNR zigiyemo CMA, nkabona noneho bizabangamira kugenzura uru rwego. Urugero mu gace ka kabiri ahavuga ngo ku bufatanye n’Urwego ngenzuramikorere, Banki Nkuru igenzura inkurikizi z’ubucuruzi bw’umutungo koranabuhanga bugira ku ifaranga no kutajegajega k’urwego rw’imari. Iyi ni inshingano ikomeye BNR yagombye gukora yisanzuye idafatanyije na CMA, nibaza rero uko BNR izagenzura CMA nk’Urwego ngenzuramikorere rw’ubu bucuruzi koranabuhanga, kuko inshingano turazivanze. Indi mpungenge mfite ni ku bijyanye n’imyishyurire”.

Mu kumusubiza, Perezida wa Komisiyo y’Ubukungu n’Ubucuruzi, Depite Munyangeyo Théogène, yavuze ko izi nzego zombi zuzuzanya kuko zigomba gusangira amakuru.

Ati “Iby’ubu bucuruzi bw’umutungo w’ikoranabuhanga ntabwo bizajya bikurikiranwa na BNR, gusa hano twumve ko ari mu rwego rwo gusangira amakuru. Ubu bucuruzi buzaba ari urwego rwihariye ariko rucungwa na CMA, icyo gihe BNR ibizamo mu gukoresha amakuru ihabwa na CMA, mu kuzuza inshingano yayo nyamukuru yo kureba ubutajegajega bw’urwego rw’imari, bityo hakaba ubujyanama”.

Ati “Yego buri rwego muri izo zombi rurigenga, ariko tujye twibuka n’uko inzego zacu zubatse, yaba BNR cyangwa CMA baha raporo Minisiteri y’Imari n’Igenamigambi”.

Komisiyo ishinzwe Ubukungu n’Ubucuruzi yagaragaje ko urwego rw’ubucuruzi bw’umutungo koranabuhanga rukorerwamo cyane ku masoko arenga 900 ku Isi, kandi ko hari imbuga nyinshi zo kuri murandasi zibamo uburiganya, bityo ko bisaba ubugenzuzi buhoraho.

Umwe mu bamaze igihe mu bucuruzi bw’ikoranabuhanga, Robert Ford Nkusi, uhagarariye ikigo cya Yellow Card, ahamya ko iri tegeko nirisohoka bizabafasha cyane mu mikorere yabo.

Ati “Muri iri koranabuhanga rero, umutungo wawe ntuzaba ubarirwa mu mafaranga y’u Rwanda, Amadolari se cyangwa Amayero, bazawuhinduramo ibyitwa ‘Tokens’. Aha rero uwo mutungo ugira agaciro gafite ubuziranenge bwo hejuru cyane (Blockchain) kandi ku Isi hose. Iri tegeko nirimara gusohoka, rizafasha ushinzwe igenzura ry’iryo faranga (CMA), gushyiraho uburyo bwo guha agaciro za Tokens, bavuge bati Token imwe ihwanye n’Amafaranga y’u Rwanda angana atya, bityo agaciro k’umutungo wawe kagaragare. Ibi ushobora kubikora no ku yindi mitungo nk’ibibanza, amabuye y’agaciro, ubutaka kuko icyitwa ‘UPI’ yabwo mu Rwanda hanze batakizi”.

Abadepite uko bari 69 bitabiriye iki gikorwa, bose bemeje umushinga w’iri tegeko ryerekeye ubucuruzi bw’Umutungo koranabuhanga.

Kanyuka yatangaje ko kuri uyu wa Mbere tariki 4 Gicurasi 2026, saa cyenda n’iminota mirongo ine n’itanu z’amanywa, ihuriro ry’ingabo zishyigikiye ubutegetsi bwa Kinshasa, zagabye igitero gikomeye ku gace gatuwe cyane ka Lumbishi no hafi yaho, mu karere ka Kalehe.

Yavuze ko iki gitero cyagabwe hifashishijwe akadege ka gisirikare katagira umupilote (drone) ko mu bwoko bwa CH-4, kikaba cyangije ibintu byinshi ndetse gituma abaturage benshi bata ingo zabo barahunga.

Ikindi gitero cyagabwe ku Cyumweru tariki 3 Gicurasi 2026, ahagana saa saba n’igice z’ijoro, aho izo ngabo zihurije hamwe zishyigikiye Leta ya Kinshasa, zinjiriye mu gace ka Rushoga, mu karere ka Masisi, zangiza byinshi.

Kanyuka ati “Ni ibitero byagabwe ku basivili, inka zirenga 56 zirakomeretswa, zikorerwa iyicarubozo rikomeye ku buryo hari n’izagiye zipfa nyuma. Ibi bigaragaza uburyo bwo gukoresha iterabwoba, hagamijwe kwibasira no kwangiza imibereho y’abaturage”.

Yungamo ko kuri uwo munsi kandi, izo ngabo zagabye ibitero byinshi zikoresheje Drones zo mu bwoko bwa CH-4, ibikorwa byabaye mu masaha y’igicamunsi, byibasira ibice bituwe cyane bya Lumbishi, ndetse n’agace ka Rutare mu karere ka Kalehe. Ibyo bitero ngo byangije imitungo myinshi y’abaturage, ndetse binabatera ubwoba bituma benshi bahunga.

Kanyuka ahamagarira abanyagihugu ndetse n’Umuryango mpuzamahanga kwamagana ibi bitero byibasira abaturage.

Ati “Mu gihe hakomeje kugaragara ibi bikorwa by’ubugizi bwa nabi kandi byisubiramo, byo kurenga ku mategeko mpuzamahanga arengera abasivili mu bihe by’intambara, umutwe wa AFC-M23 urahamagarira abanyagihugu n’umuryango mpuzamahanga, kwemera byuzuye ko ihohoterwa rikomeje gukorwa n’ubutegetsi bwa Kinshasa. Ikindi ni ukumva ko ufite inshingano ikomeye yo kurinda no kurengera abaturage bagabwaho ibitero ku bushake n’ingabo za Leta ya Kinshasa”.

Umutwe wa AFC-M23 ukomeza uvuga ko wifatanyije n’abaturage, ukanashimangira ko wiyemeje kubarinda no kubacungira umutekano uko bishoboka kose.

Ibi biravugwa mu gihe impande zombi zihanganye zihora mu biganiro bitandukanye, mu rwego rwo gushakisha uko intambara yahagarara, gusa ntibikunze kugira icyo bigeraho kigaragara.

Muri Mata umwaka ushize, Leta ya Repubulika ya Demokarasi ya Congo n’umutwe wa AFC/M23, bemeranyijwe kuba bahagaritse imirwano, nyuma y’ibiganiro byo ‘kubwizanya ukuri kandi byubaka’, byabereye i Doha ku buhuza bw’igihugu cya Qatar.

Mu itangazo ryasohotse icyo gihe, Leta ya RDC na AFC/M23 bavugaga ko bongeye gushimangira guhagarika imirwano, no kureka bidasubirwaho imvugo iyo ari yo yose y’urwango n’iyo gutera ubwoba.

Iby’ibi bitero bikomeza kwisukiranya kandi, bije mu gihe kuva ku itariki ya 13 kugeza ku ya 17 Mata 2026, intumwa za Repubulika Iharanira Demokarasi ya Congo n’iz’ihuriro AFC/M23 zahuriye mu biganiro by’amahoro mu Busuwisi, na bwo umuhuza ari Qatar.

Mu itangazo ryasohowe nyuma y’ibyo biganiro, impande zombi zavuze ko zifuza gukomeza intambwe imaze guterwa no kubakira ku byagezweho, ku masezerano ajyanye no kugeza ubutabazi ku baturage ndetse no kubarindira uburenganzira imbere y’amategeko.

Iryo tangazo ryavugaga ko buri ruhande ruzashyikiriza abahuza muri ibi biganiro, imigambi ifatika izifashishwa mu gukomeza iyi nzira y’amahoro.

Gusa nyuma y’ibi biganiro n’ibindi byabibanjirije, na n’ubu nta mahoro araboneka mu Burasirazuba bwa Congo.

Intambara mu Burasirazuba bwa Congo yongeye kwaduka mu mpera za 2021, umutwe wa AFC/M23 ugenda wigarurira uduce dutandukanye, turimo umujyi wa Goma, uwa Uvira n’ahandi.

Isimbi Kamuntu Peruth ukora akazi ko gutwara abagenzi kuri moto (Motari) ni umukobwa ukiri muto, ariko wiyemeje kunyomoza abavuga ko hari imirimo yahariwe abagabo, kuko kuri we umurimo umugabo yakora n’umugore cyangwa umukobwa yawukora, cyane ko hari abo yarebeyeho.

Agira ati “Uko natekereje kuba motari, icya mbere ni uko bitari bibujijwe ko nabikora nubwo mu muco wacu bitari bimenyerwe. Nkibona ko hari umukobwa wafashe iya mbere akajya gutwara indege, akaba umusirikare, akiga ubwubatsi akabishobora, ni bwo nahise mbona ko byose bishoboka. Nahise rero mvuga nti iyi mirimo bose batinya kandi yinjiza, ni yo ngomba gukora. Ubwo rero nakoze ibishoboka byose, nkorera Perimi none nabigezeho nk’uko nabyifuzaga”.

Isimbi avuga ko mu kazi ke ko gutwara moto, atajya agira ikibazo cyo kubona abagenzi, kuko bamwiyumvamo batitaye ko ari umukobwa.

Ati “Abanyarwanda bamaze gusobanuka, yaba umugore, umukobwa ndetse n’abagabo, iyo hari unsanze ku iseta ahita avuga ati uriya mukobwa ni we untwara. Bo barabizi ko abakobwa batwara neza. Yego natwe hari ubwo twiseseka kugira ngo twihute, ariko nshyiramo kwigengesera. Nkurikije rero urugero maze kugeraho ndabona bishimishije, nkaba nakangurira n’abandi bakaza kuko babishobora”.

Uyu mukobwa umaze umwaka n’igice mu kimotari, avuga ko yagize amahirwe yo kubona moto akora ayishyura kugira ngo azayegukane, kandi ubu ngo ari mu nzira nziza.

Ati “Moto narayipatanye ntangira gukora kuko sinari guhita mbona iyanjye. Uretse rero imbogamizi za motari zo mu muhanda aho dukunda gucibwa amande (contraventions), ndakora bikagenda kuko ubu nsigaje ibyumweru bibiri gusa ngo ndangize kwishyura moto nafashe. Sosiyete ya Ampersand yayimpaye kuri Miliyoni 3.5Frw”.

Ati “Nubwo ikinyabiziga mu muhanda gihura n’ibibazo byinshi ndetse hakaba no gukoresha mu igaraje, byose ndabikora bigatungana. Mbasha no kwizigamira, nkigurira imyenda, nkishyura inzu, kurya n’ibindi kandi byose mbifashwamo na moto ntwara. Muri uko kwizigamira rero, nk’ubu mba mu itsinda ry’abakobwa b’abamotari twizigamiramo, nkanagira uko mbyikorera ku ruhande, none ubu namaze kwigurira ikibanza”.

Uyu mukobwa avuga ko afite intego yo gukorera izindi ‘categories’, kugeza abonye n’iyo gutwara ikamyo.

Isimbi akomeza agira inama abandi bakobwa yo guhaguruka bagakora, aho gutegereza ababaha, kuko imirimo ihari.

Ati “Icyo gutegereza ngo umuntu ampe ni cyo nanze, nanze agasuzuguro. Ni yo mpamvu mbwira barumura banjye ndetse na bakuru banjye bagitinya, ngo baze dukore. Amahirwe arahari, twagize Imana turi mu gihugu cyiza gifite umutekano, baze bashake icyo bakora, kuko abo bagabo bategereza ko babaha batazahora bababona”.

Isimbi Kamuntu Peruth akomoka mu Murenge wa Mukarange mu Karere ka Kayonza, akaba yararangije amashuri yisumbuye ariko ntiyabona ubushobozi ngo akomeze muri kaminuza. Ni yo mpamvu yahise ajya i Kigali gushakirayo ubuzima akaba ahamaze imyaka itanu, ariko n’ubu ngo igihe cyose azabona ubushobozi aziga kaminuza.

Isimbi ubuhamya bwe yabugarutseho kuri uyu wa Gatanu tariki ya 1 Gicurasi 2026, ubwo yari mu kiganiro kuri KT Radio, cyari gifite insanganyamatsiko igira iti “Kuki urubyiruko rwifuza akazi ariko ntirubyaze umusaruro amahirwe rufite?”

Iyo mpanuka yabaye mu gihe uyu muhanzi yaririmbaga wenyine indirimbo yamamaye muri P-Square yiswe ‘Forever’, akaba yari wenyine kuko yatandukanye n’impanga ye Peter Okoye baririmbanye igihe kirekire muri iri tsinda, ariko haza kuvuka amakimbirane hagati yabo, bituma buri wese atangira kuririmba ku giti cye.

Rudeboy ibi byamubayeho ubwo yari ku rubyiniro ahitwa Perth muri Australia mu ijoro ryo ku wa 29 Mata 2026, gusa Imana yakinze akaboko ntacyo uyu muhanzi yabaye, kuko nyuma yo kwitura hasi yahise ahaguruka vuba vuba, asubira ku rubyiniro akomeza igitaramo cye.

Ni igitaramo yari yitabiriye kizwi nka Jambo Africa Festival 2026, aho yataramiye mu bice bitandukanye bya Australia, akaba yarashimishije abakunzi be.

Video igaragaza iby’iyi mpanuka ya Rudeboy yavugishije benshi ku mbuga nkoranyambaga, aho hari abahuza ibyamubayeho mu buryo byo gutebya, n’uko yatandukanye n’impanga ye bafatanyaga ku rubyiniro.

Amakimbirane yavutse hagati y’aba bavandimwe, yatumye uwitwa Peter Okoye a.k.a Mr P, mu minsi ishize atangaza ku rubuga rwe rwa Instagram, ko ahinduye itariki ye y’amavuko ubundi bizihirizaga hamwe ya 18 Ugushyingo, ayishyira ku ya 30 Ugushyingo.

Aba bavandimwe bombi b’impanga ubundi bavutse ku ya 18 Ugushyingo 1981, bakura bakunda umuziki, bituma bashinga itsinda rya P-Square mu 2000 ndetse mu 2003 basohora album yabo ya mbere bise ‘Last Nite’.

Intandaro y’amakimbirane hagati ya Paul na Peter Okoye

Amakimbirane hagati y’aba bavandimwe yatangiye muri za 2017, aho havutse ikibazo cy’ubwumvikane buke ku bijyanye n’imicungire y’imari yabo, ibibazo byo mu muryango ndetse no kutumvikana mu by’ubuhanzi bwabo.

Ku bijyanye n’imicungire y’imari yabo, aba bombi ubundi aka kazi bagakorerwaga na mukuru wabo, Jude Okoye, wanabarebereraga mu by’ubuhanzi bwabo byose (Manager), ariko Peter Okoye agahora ashinja Jude Okoye kubera impanga ye Paul Okoye mu by’imari, mbese ngo akabasumbanisha, agahora asaba ko iyo micungire yahinduka.

Ikindi ni uko Peter yashinje Paul kuba yarareze mukuru wabo Jude Okoye, muri Komisiyo ishinzwe gukurikirana ibyaha bishingiye ku bukungu n’imari muri Nigeria, kuba ashobora kuba anyereza umutungo wabo, bityo ngo iyo komisiyo imukoreho iperereza, kandi batabyumvikanyeho.

Mu bijyanye n’ubuhanzi, Paul Okoye yashinjaga impanga ye kumuvunisha, kuko avuga ko 99% by’indirimbo zabo ari we wazanditse, noneho akazi ka Peter Okoye kakaba ako kubyina gusa.

Ibi byatumye Peter Okoye na we ashinja Paul kumusuzugura ndetse no kudaha agaciro uruhare rwe mu buhanzi bwabo, aho buri gihe ngo yavugaga “njyewe” aho kuvuga “twebwe”, mu gihe yabaga avuga ku byo bagezeho.

Nubwo hagiye habaho kumvikanisha aba bavandimwe, rimwe bigakunda ubundi bikanga, byarangiye Paul na Peter batandukanye burundu, buri wese atangira gukora ku giti cye.

Bizimungu Pierre Célestin (ufite indangururamajwi) yatanze ubuhamya bugaruka ku byabereye muri uru rufunzo

Yabigarutseho kuri uyu wa Kane tariki 30 Mata 2026, ubwo mu Karere ka Bugesera bari mu gikorwa cyo Kwibuka ku nshuro ya 32 Jenoside yakorewe Abatutsi mu 1994, cyabereye kuri icyo gishanga cy’urufunzo rwinshi mu Murenge wa Ntarama.

Bizimungu avuga ko mbere yo kujya mu rufunzo yari yabanje kwihishahisha hirya no hino mu bihuru, mu ntoki, mu ngo z’abaturanyi ariko bakagenda bamumenesha kimwe n’abandi, muri uko kwirukanka aza kuraswa umwambi mu kibero, nuko kugenda bitangira kumubera ihurizo rikomeye.

Ati “Numvise bandashe gusa, mbona ikintu cyampfumuye ikibero gifite n’amashami, icyo nasabye abo twari kumwe ni ukukinkuramo. Ubwo hari uwari ufite inkota nto arakeba umubiri wa mwambi bawukuramo. Bimaze kuba uko, abandi babashije kugenda baragiye, ariko barambwire ngo banjyane kuri Kiliziya ya Ntarama ndabyanga. Ahubwo banjyanye ku rugo rwari hafi aho kwa Ryamukuru utarahigwaga, ndaharara bukeye nsaba ko bansubiza iwanjye kuko bari bavuze ko ibitero byahagaze”.

Akomeza avuga ko ku itariki 10 Mata ibitero ahubwo byakajije umurego, noneho uwo Ryamukuru aza kumubwira ngo asubire iwe abe ari ho aba yihishe, baramuterura bamujyanayo ahamara icyumweru, interahamwe ziba zirahateye.

Ati “Twarasohotse tunyura mu rutoki, ariko jyewe kubera ko ntabashaga kugenda, abandi basimbutse umukingo jye birananira, negamira insina nguma aho, ngira amahirwe ntibambona. Izo nterahamwe ariko zahise zibirukankana, zigenda zibica umugenda. Jye narakomeje ndabuyera mu bihuru, ubwo nari nitwaje ikibando ngo ngisindagirirero”.

Bizimungu avuga ko yageze aho ajya ku gasozi ka Cyinkwi ahari hari abandi Batutsi benshi bari bahahungiye bakajya bahangana n’ibitero bakabitsinsura, ariko nyuma baza kuneshwa kubera haje abasirikare barabarasa bakwira imishwaro, ndetse benshi barahabicira ariko we ararusimbuka, ni ko kwinjira mu rufunzo, ahiswe CND.

Ati “Ninjiyemo ngera nko mu metero 10, interahamwe zirahita zirukankana abandi zigenda zibica. Naragendagenze muri urwo rufunzo ngo ndebe ko nabonamo abanjye ndaheba, gusa nagendaga mbona imirambo myinshi y’Abatutsi bapfuye. Aha ni ho nabonye ko abantu benshi barigise, kuko wasanga hari ingofero, imitaka, ibishora bitwikira abana, cyangwa ukabona ibihanga bikirimo kumanuka. Muri uru rufunzo habereye ibintu bibi cyane”.

Avuga ko ku itariki 30 Mata ari bwo haje igitero karundura, cyica abantu benshi mu bahungiye muri urwo rufunzo, ku buryo ku mugoroba rwari rwuzuye imirambo.

Akomeza avuga ko we n’abandi bake batishwe, baje gusohoka mu rufunzo ari uko Inkotanyi zihageze zirabarokora, akaba azishimira cyane ndetse n’ubu akaba abayeho mu mahoro.

Guverineri w’Intara y’Iburasirazuba, Pudance Rubingisa, yahumurije abarokotse Jenoside, abawira ko itazongera kubaho ukundi, cyane ko Inkotanyi zayihagaritse zigihari.

Ati “Abishe abantu bifuzaga ko nubwo Inkotanyi zafata Igihugu zasanga nta Mututsi n’umwe waba ukikirimo. Abatekerezaga gutyo rero, nk’uko Umukuru w’Igihugu akunze kubivuga, ‘si bo Mana, nanjye nti si bo Nkotanyi’. Nkotanyi mwarakoze, ubwo mwabohoraga iki gihugu mugahagarika Jenoside murangajwe imbere na Nyakubahwa Perezida wa Repubulika, mugakora ibyaniniye abandi”.

Ati “Rubyiruko rero umukoro mufite, ni uko izo Nkotanyi zikiri za zindi, ziri muri mwebwe murimo gukura, abakomeza kwibasira iki gihugu badashaka umutuzo, amahoro n’ubumwe dufite, bamwe bakaba babikoresha abakiri bato murasabwa kubirwanya. Mwebwe mufite inshingano zo kubyirinda kuko mufite n’amahirwe yo kumenya amakuru n’amateka y’Igihugu cyacu, n’ibimenyetso bifatika mwakoresha mu kubyirinda no kubirwanya”.

Yakomeje avuga ko mu Karere ka Bugereza habaye umwihariko, aho hari Abatutsi bari baragizwe impunzi mu gihugu cyabo, ariko ubu ngo hakaba hari itandukaniro kubera Ubuyobozi bwiza “n’abasize bamennye amaraso bifuje gutaha, baragororwa, bamara kugororoka bagasubira mu muryango yabo, ayo ni yo mahitamo twagize”.

Muri icyo gikorwa cyo Kwibuka ku nshuro ya 32 Jenoside yakorewe Abatutsi, Akarere ka Bugesera kanibuka imiryango yazimye 732, yari igizwe n’abantu 3500 barimo n’abiciwe mu rufunzo hazwi nka CND.

Ibi byatekerejweho hagendewe ku kuba abana basigaye bamara umwanya munini ku mbuga nkoranyambaga, cyane ko benshi bo muri icyo kigero baba bafite telephone zabo cyangwa mudasobwa, ababyeyi cyangwa abarezi ntibabashe kumenya ibyo abo bana bareba.

Minisitiri w’Ikoranabuhanga na Inovasiyo, Ingabire Paula, avuga ko inzira yo gushyiraho uburyo abo bana babuzwa gukoresha imbuga nkoranyambaga yatangiye.

Agira ati “Mwabonye ko hatangiye gahunda yo gukora indangamuntu koranabuhanga, ni kimwe mu bizadufasha kugera kuri icyo gikorwa. Ubundi umuntu yabonaga indangamuntu ari uko afite imyaka 16 no kuzamuka, ariko iyo ndangamuntu nitangira gukoreshwa, n’umwana ukivuka azaba ayifite. Umwana rero uzashaka kujya ku mbuga nkoranyambaga, bizajya bibanza kumusaba gushyiramo umwirondoro we. Aha rero azashyiramo umwirondoro wa nyawo uhuye n’uwo ku ndangamuntu ye, bityo system imwemerere cyangwa imwangire igendeye ku myaka ye”.

Ati “Rero nidutangira gukoresha iriya ndangamuntu koranabuhanga, bizatworohera gutuma abo bana badakoresha imbuga nkoranyambaga. Ubu rero turi mu nyigo dufatanyije n’ibigo by’itumanaho kugira ngo iyo ndangamuntu koranabuhanga izasohoke ibintu byose biteguye, hakazakurikiraho kubishyira mu itegeko kuko na ryo riri mu nyigo ndetse n’ingamba zo kuryubahiriza. Ndizera ko n’ababyeyi bagomba kubyishimira, kuko ari ibyo gufasha kurinda abana bacu muri iyi si y’ikoranabuhanga, kugira ngo baryifashishe mu bintu bizima byabateza imbere”.

Akomeza avuga ko harimo gutegurwa kandi uburyo bw’ikoranabuhanga (Application), buzashyirwa ahagaragara bwafasha umubyeyi kumenya ibyo umwana arimo kureba kuri telephone ye cyangwa mudasobwa, na byo bikazaba bifasha mu kurinda abana mbere y’uko iryo tegeko risohoka.

Minisitiri w’Uburezi, Dr Joseph Nsengimana, avuga ko izi gahunda zo gukumira ko abana bareba ibitari ngombwa, zitagamije gusubiza inyuma ikoranabuhanga.

Ati “Abantu bumve neza ko atari ukurwanya ikoranabuhanga, ko atari ukurwanya telefone, ahubwo ari ukuvuga ngo yakoreshwa ite kugira ngo abantu igire ibyo ibungura. Abana nibajya ku ishuri basige telefone zabo mu ngo ariko bumva n’impamvu, kuko bituma biga neza nta kindi kibarangaza. Ni uburyo bwo gufasha ababyeyi kugira ngo abana batujuje imyaka bave ku mbuga nkoranyambaga, ndetse n’abayujuje bazikoreshe mu buryo zitabagiraho ingaruka”.

Minisitiri Nsengimana akomeza avuga ko no mu gihe umwana yaba arengeje ya 16 ariko akiri mu mashuri yisumbuye, na bwo atazaba yemerewe kujyana telefone ku ishuri, kuko ni ibwiriza risanzweho ko telefone zitemewe mu mashuri.

Ibyo kubuza abana bato gukoresha imbuga nkoranyambaga biravugwa mu Rwanda mu gihe hari ibindi bihugu byabitangiye, nka Australia, Espagne n’ibindi.

Imbuga nkoranyambaga zikunda gukurura abana ndetse n’abantu bakuru ni YouTube, Instagram, TikTok, X n’izindi.

Iby’iki kibazo byagarutswe mu kiganiro Minisitiri w’Uburezi n’uw’Ikoranabuhanga na Inovasiyo bagiriye kuri RBA, cyavugaga ku ikumira rya telefone mu mashuri, cyatambutse kuri uyu wa Gatatu.

Aba bana ni abatsinze irushanwa rya First Lego League mu mwaka wa 2025-2026 ku rwego rw’igihugu.

Amarushanwa ya First Lego League, agamije guteza imbere uburezi by’umwihariko amasomo ya Siyansi, Ikoranabuhanga n’Imibare (STEM), hifashishijwe ikoreshwa rya Robots n’ubwenge buhangano (AI).

Abanyeshuri batoranyijwe barushanwa mu guhanga Robots no gukoresha ubwenge buhangano mu gukemura ibibazo bitandukanye biri mu gihugu, nk’ibijyanye n’amashanyarazi yaba ayo ku muyoboro mugari cyangwa akomoka ku mirasire y’izuba, kongera amazi n’ibindi.

Ni irushanwa ryabereye bwa mbere mu Rwanda muri 2023, rikaba ritegurwa n’Ikigo cy’Igihugu gishinzwe Uburezi bw’ibanze (REB), ku bufatanye na Minisiteri y’Ikoranabuhanga na Inovasiyo ndetse n’abandi bafatanyabikorwa, rigahuza abanyeshuri bo mu bigo bitandukanye.

Amarushanwa aba banyeshuri batsinze yabaye ku ya 21 Gashyantare 2026, akaba yarabereye muri Kigali Convention Centre, aho yitabiriwe n’ibigo bitandukanye by’amashuri byaturutse hirya no hino mu gihugu.

Nyuma yo kurushanwa ku bijyanye no gukora Robots, akanama nkemurampaka karateranye gatanga amanota maze gatangaza amashuri atatu yahize ayandi, aho iryabaye irya mbere ari Hope Haven Christian Secondary School ari na ryo ryagiye guhagararira u Rwanda muri Amerika, irya kabiri ryabaye Maranyundo Girls School ryo mu Karere ka Bugesera, naho irya gatatu riba ES Stella Matutina ryo mu Karere ka Rulindo.

Ni igikorwa cyari cyitabiriwe n’abayobozi batandukanye, barimo Umunyamabanga wa Leta muri Minisieri y’Uburezi, Irere Claudette.

Minisitiri Irere yibukije abanyeshuri ko ayo marushanwa atubaka ubumenyi bwa tekiniki gusa, ahubwo ko afasha no gutekereza byimbitse, gukorera hamwe no guhanga udushya, bigatera abiga gukomeza guhangana n’ibibazo bahura na byo no kubishakira ibisubizo bishya.

Yagize ati “Iyo wubatse Robot cyangwa ugakora porogaramu ya AI ikemura ikibazo, ntibiba bijyanye gusa n’ibikoresho cyangwa kode, ahubwo biba bijyanye n’imitekerereze irimo ubwenge, kwihangana no kugira ubushake bwo kugerageza, ukaba watsindwa, ariko ukongera ukagerageza”.

Yakomeje asaba abandi bafatanyabikorwa kongera imbaraga muri aya marushanwa kugira ngo akomeze kuba buri mwaka, ndetse n’ibigo by’amashuri byitabira bikomeze kwiyongera.

Aba banyeshuri bagiye guhagararira u Rwanda muri Amerika, buriye indege mu ijoro ryo ku wa 27 Mata, bikaba biteganyijwe ko bazatangira kurushanwa n’abandi baturutse mu bindi bihugu kuri uyu wa Gatatu tariki 29 Mata 2026.

Irushanwa rya First Lego League ryabaye muri Werurwe 2024 ryabereye nanone muri Kigaki Convention Centre, ryitabiriwe n’abanyeshuri b’Abanyarwanda ndetse n’abaturutse mu mahanga, icyo gihe Perezida Kagame wari witabiriye iki gikorwa, akaba yarabahaye bose mudasobwa, agamije kubatera imbaraga zo kurushaho gukunda ibyo biga.

Ibi ni ibyagarutsweho mu kiganiro EdTech Mondays cya Mastercard Foundation, cyatambutse kuri KT Radio kuri uyu wa Mbere tariki 27 Mata 2026, gifite insanganyamatsiko igira iti “Guteza imbere gahunda z’Igihugu mu burezi hifashishijwe amakuru-shingiro”.

Ayo makuru avugwa, ni ajyanye n’ikintu cyose kibera cyangwa kiri ku ishuri runaka uhereye ku banyeshuri, abarezi n’ibindi, nk’uko bigarukwaho na Jeannine Uwingabire, Umuyobozi ushinzwe gukusanya no gusesengura amakuru muri MINEDUC.

Agira ati “Dukusanya amakuru mu buryo bw’ikoranabuhanga, aho ari irireba ibijyanye n’abanyeshuri, harimo imyirondoro yabo, aho bakomoka, umwaka umunyeshuri yigamo, imyitwarire ye, n’ibindi. Hari n’igice gikusanyirizwamo amakuru yose ajyanye n’abarezi ndetse n’ikirimo amakuru ajyanye n’imitsindire y’abanyeshuri. Aya ni yo makuru atwereka ishusho y’uburezi, turayasesengura akaba ari ho duhera dufata ingamba zitandukanye”.

Jeannine Uwingabire, Umuyobozi ushinzwe gukusanya no gusesengura amakuru muri MINEDUC

Ati “Umuyobozi w’ishuri ni we wa mbere udufasha kubona ayo makuru kuko ni bo bayashyira muri ‘system’. Ingengo y’imari y’umwaka rero tuyikora dushingiye kuri ayo makuru, kuko ni yo atwereka umubare w’abanyeshuri baza ku ishuri, umubare wabo mu ishuri, niba biyongereye bizadufasha gukora ingengo y’imari yo kongera ibyumba by’amashuri. Bataduhaye rero ayo makuru kandi y’ukuri, twakora igenamigambi ripfuye. Urugero niba tugiye gushyira umuriro mu mashuri, tugomba kumenya aho duhera, ahakeneye kongerwa ibyumba by’amashuri n’ibindi”.

Ayo makuru kandi kuko aba arimo n’ibijyanye n’imyigishirize harimo n’amasomo, afasha n’abanyeshuri mu myigire yabo, nk’uko bisobanurwa na Uwimana Immaculée, Umuyobozi w’ishuri rya Groupe Scolaire Butamwa.

Ati “Aya amakuru afasha n’abanyeshuri mu myigire, kubera ko umwana na we ashobora kwinjira mu ikoranabuhanga akagira ibyo ashakisha, bikunganira ibyo mwarimu yamuhaye, bityo bikamwongerera ubumenyi. Ikindi ni uko ayo makuru adufasha no mu isuzuma rikorwa buri gihe, ukareba niba ahari umukoro mwarimu yatanze ku manota 5, umwana akaba yarabonye 3 bikaba byanditse n’ibindi. Ayo makuru rero aragenda akagera ku muyobozi w’ishuri ndetse no ku babyeyi bitagoranye, mbese byoroshya akazi”.

Uwimana ariko agaruka no ku mbogamizi bahura na zo, ati “Ntabwo ibigo by’amashuri biragira ibikoresho by’ikoranabuhanga bihagije, kandi biba bikenewe mu gukoresha no gusuzuma ya amakuru. Aho ibyo bikoresho biri nka za mudasobwa, imbogamizi yindi ni uko usanga abarimu badafite ubumenyi buhagije bwo kubikoresha. Ikindi system usanga iri mu ndimi z’amahanga, hakaba abarimu bamwe rero bigora kuyikoresha kubera ikibazo cy’ururimi batumva bihagije”.

Uwimana Immaculée, Umuyobozi w’ishuri rya Groupe Scolaire Butamwa

Icyakora izi mbogamizi ngo zishobora kubonerwa ibisubizo binyuze mu bikorera bari mu by’ikoranabuhanga, nk’uko bivugwa na Niwenshuti Narcisse, Umuyobozi w’ikigo Edulingo Ltd gihindura amasomo mu ndimi gakondo za Afurika.

Ati “Nko ku kibazo cy’uko mwarimu atazi neza gukoresha mudasobwa, ubundi hari amasomo yabimwigisha ariko kubera ko ururimi arimo na we atarwumva neza, biramugora. Edulingo rero dufasha abarezi ndetse n’abanyeshuri gushyira ayo masomo mu rurimi bumva neza. Ubu turimo gukorana n’ibigo by’amashuri yaba aya Leta n’ayigenga tubafasha muri ubwo buryo, ndetse turateganya no kuba twakorana na Minisiteri y’Uburezi, bityo ayo masomo akorohera buri wese”.

Akomeza avuga ko imbogamizi bahura na zo ari uko batarabasha kugirana imikoranire n’inzego za Leta, ikindi ngo ni umutekano w’amakuru bitewe n’inzira binyuramo ngo arindwe ndetse no kuba nta gishoro gihagije baragira ngo babashe gukorana n’ibigo by’abigenga byinshi.

Niwenshuti Narcisse, Umuyobozi w’ikigo Edulingo Ltd

Ku mbogamizi zagiye zigaragazwa, Uwingabire yavuze ko zikomeza gushakirwa uko zakemuka, harimo gukomeza kugeza ibikoresho by’ikoranabuhanga mu mashuri kuko bidahagije, ndetse MINEDUC ikongera amahugurwa ku barezi no ku bayobozi b’ibigo by’amashuri ku bijyanye n’ikoranabuhanga, ibi ngo bikazahoraho kuko ababikeneye ari benshi ku buryo bitakorerwa rimwe ngo birangire.

Reba ikiganiro kirambuye:

Ibi byagarutsweho na Doreen Ntawebasa, Umuyobozi Mukuru ushinzwe Ubucuruzi n’Ishoramari muri MINICOM, mu kiganiro kuri KT Radio kuri uyu wa Gatanu tariki 24 Mata, akaba yasubizaga uwari ubajije icyo kibazo, wagize ati “numvise ko hari amasitasiyo agiye kujya atanga lisansi itarenga litiro 5 ku kinyabiziga, bihagaze gute?”

Ntawebasa yamusubije agira ati “Iyo gahunda ntayihari. Icyo nabwira Abanyarwanda n’abaturarwanda muri rusange, ni uko impinduka yose ishobora kubaho ku biciro bya Lisansi na Mazout, ari Guverinoma ibivuga. Ntabwo bibaho, uwo byagaragaraho ko adaha umuturage ingano ashaka yabihanirwa, kuko amavuta arahari yaba Mazout yaba Lisansi, kandi Leta ikomeza kubikurikirana. Ku byo nzi rero ayo makuru nta yahari”.

Icyakora uyu muyobozi avuga ko igiciro cy’ibikomoka kuri peteroli gishobora gukomeza kuzamuka, kubera ko kugeza ubu umuhora wa Hormuz utarongera gukora nk’uko byari bisanzwe, mbere y’uko haba intambara hagati ya Iran na Amerika ifatanyije na Israel.

Ati “Muzi ko 20% bya peteroli ikoreshwa ku Isi inyura mu muhora wa Hormuz, muri iyi minsi rero turimo gutumiza ahandi nko mu Buhinde ariko biragorana kuyigeza hano. Amato azana ibikomoka kuri peteroli biyasaba gushakisha izindi nzira zigoye kandi za kure, ku buryo hiyongeraho iminsi 7 kugera ku 10 ugereranyije n’iyari isanzwe ikoreshwa baciye muri Hormuz. Ikindi n’ubwishingizi buhita bwiyongera kubera ko iminsi y’urugendo yiyongereye, byose bikagira ingaruka ku giciro cya Lisansi na Mazout”.

Ati “Ayo mato na yo akoresha Mazout, niba ku munsi yakoreshaga iya Miliyoni hakaba hiyongereyeho iminsi 15, urumva ko harimo impinduka. Ikindi muzi ko twebwe tudakora ku nyanja, ibiza binyura muri Tanzaniya cyangwa i Mombasa muri Kenya bikagera ku byambu. Twe rero tugomba kwishyura andi mafaranga yo kubipakira mu makamyo agera hano mu gihugu cyacu. Igiciro rero gishobora gukomeza kuzamuka kubera izo mpamvu zose”.

Ntawebasa avuga ko nko ku giciro cy’ubwishingizi bw’amato atwara ibyo bicuruzwa, hiyongereyeho hagati ya 7-10%, ku bwikorezi na ho amato agera muri Tanzaniya cyangwa Kenya, ngo yiyongereyeho Amadolari ya Amerika ari hagati ya 500 na 800.

Kuva muri ibyo bihugu kandi kugera mu Rwanda aho hifashishwa imodoka, avuga ko ikamyo imwe yishyurwaga Amadolari 3,200 ubu hiyongereyeho Amadolari ari hagati ya 300 na 500.

Icyakora ibi ngo ntibikwiye gukura umutima Abanyarwanda, kuko Leta ikora ibishoboka byose kugira ngo ibiciro ku isoko bidakomeza gutumbagira, ndetse n’abitwikira ijoro bakabizamura bakaba babihanirwa.

Ntawebasa ati “Mazout ntabwo yazamutse ubushize kandi ni yo ikenerwa mu bwikorezi, bityo rero nta wagombye kuzamura ibiciro ku masoko uko yishakiye. Ubu rero hari amatsinda arimo kugenzura mu gihugu hose uko ibiciro bimeze by’ibiribwa ku masoko atandukanye, nk’ibihingwa bikoreshwa cyane kandi byera mu Rwanda, nk’umuceri, ibirayi, imboga, imbuto n’ibindi, umucuruzi akabizamurira ibiciro yitwaje ngo Mazout yarahenze, ntabwo ari byo. Abo rero tuzasanga barazamuye ibiciro ku buryo bibangamira umuturage bashobora kubihanirwa”.

Doreen Ntawebasa

Ku itariki 3 Mata 2026, Urwego ngenzuramikorere (RURA) rwatangaje ibiciro bishya bya lisansi aho yashyizwe ku 2303Frw, na ho Mazout ishyirwa ku 2205Frw. Nyuma yaho gato ku itariki 17 Mata 2026, RURA yongeye gutangaza ibiciro bishya, aho lisansi yashyizwe ku 2938Frw ariko Mazout yagumye ku 2205Frw.

Ibi bibazo by’izamuka ry’ibiciro by’ibikomoka kuri peteroli, biraterwa ahanini n’intambara ihanganishije Irani na Amerika ifatanyije na Israel, yatangiye muri Gashyantare uyu mwaka, ikaba yaribasiye bikomeye ibikorwa remezo byiganjemo inganda za peteroli, ikanatuma umuhora wa Hormuz ufungwa.

Ku wa 24 Mata, abagize Unity Club Intwararumuri bazifatanya mu Kwibuka n’ababyeyi b’Intwaza bo mu rugo rw’Impinganzima rwa Nyanza ndetse no mu rwa Bugesera.

Ku wa 1 Gicurasi bazifatanya n’abo mu Impinganzima ya Rusizi, nyuma y’aho bari bifatanyije muri iki gikorwa n’abo mu rugo rw’Impinganzima rwa Huye ku itariki 17 Mata.

Aha hose hatangirwa ubutumwa Umuyobozi Mukuru w’Umuryango Unity Club Intwararumuri, Nyakubahwa Madamu Jeannette Kagame, yageneye Abanyarwanda bwo kubakomeza muri ibi bihe byo #Kwibuka32.

Agira ati “#Kwibuka32, twongera kuzirikana amateka ashaririye Igihugu cyacu cyanyuzemo, kunamira no guha agaciro Abacu twabuze bazize Jenoside yakorewe Abatutsi. Imyaka ibaye 32, twibuka kandi tudaheranwa, ahubwo twiyubakamo imbaraga no gukomeza Abarokotse. Intego ni ugutahiriza umugozi umwe, kurwanya ingengabitekerezo ya Jenoside n’amacakubiri mu buryo bwose, duharanira ko nta muntu n’umwe ukwiye kuvutswa ubuzima azira uko yaremwe”.

Yungamo ati “Guharanira kubaho ni urugamba rwa buri munsi. Ubumwe bwacu ni yo ntwaro izakomeza kudufasha gutsinda amacakubiri, ingengabitekerezo ya Jenoside n’ibindi byose byototera kongera gusenya Igihugu cyacu. Ubunyarwanda ni igihango dufitanye n’Abacu twibuka.”

Ibindi bikorwa Umuryango Unity Club Intwararumuri uteganya, harimo ibiganiro mu baturanyi b’Impinganzima ya Nyanza na Huye ku ya 14 Gicurasi, gusura Ingoro Ndangamateka y’Urugamba rwo Guhagarika Jenoside n’ikiganiro nyunguranabitekerezo mu Ngoro y’Inteko Ishingamategeko ku ya 22 Gicurasi.

Hazabaho gusura Ikigo gishinzwe kwakira no gusubiza mu buzima busanzwe abahoze ari abarwanyi cya Mutobo ku wa 12 Kamena.

Mu bikorwa byateguwe n’izindi nzego Unity Club igiramo uruhare, harimo kwitabira Inama Mpuzamahanga ku kurwanya Jenoside n’ingangabitekerezo yayo, kwifatanya n’Abanyarwanda hirya no hino mu Turere kuri sites zibukirwaho (Nyanza ya Kicukiro, Rukumberi, Kabgayi, Sainte Famille, Mibirizi(Rusizi); Gashirabwoba (Nyamasheke...), na Kavumu (Ngororero).

Hari kandi ⁠Kwibuka mu Mashuri Makuru n’Ayisumbuye, Kwibuka Abagore n’Abana, Kwibuka Imiryango yazimye no kwifatanya n’ibyiciro byihariye (Kwibuka Abanyamakuru, muri PSF, Amadini, sosiyete sivile…),bimwe muri ibi bikaba byarakozwe.

Unity Club ivuga ko intego yabo ari ukwifatanya n’Abanyarwanda mu bikorwa byo Kwibuka ku nshuro ya 32 Jenoside yakorewe Abatutsi mu 1994, gukomeza abayirokotse, kuzirikana amateka mabi u Rwanda rwanyuzemo no guharanira ko Jenoside itazongera ukundi.

Bamwe muri bo babigarutseho kuri uyu wa Gatatu tariki 22 Mata, mu kiganiro kuri KT Radio yabasanze iwabo mu rugendo rw’iminsi ibiri imaze yimuriye yo ibigairo.

Uwari uhagarariye uruganda rukora amakaro rwa Mountain Ceramics Company Ltd, Eric Bugingo, avuga mu bibazo bibakomereye harimo icy’umuriro udahagije ndetse ukunda kubura.

Yagize ati “Tugitangira twabanje kugira imbogamizi yo kubura abakozi bazi gukoresha ikoranabuhanga dukoresha mu ruganda, ariko byafashe umwanya turabigisha, icyo kirarangira. Ikibazo gikomeye ni icy’umuriro nubwo bawuduhaye, kuko twebwe dukoresha imashini za ‘Robots’, bisaba kuyiha gahunda y’ibyo ikora (settings), iyo umuriro ugiye gato gahunda ihita ivamo, umuriro ugarutse rero bigusaba kongera kuyiha gahunda, igihe kikaba kiratakaye”.

Ati “Ikindi ni uko ibyari biri mu nzira bikorwa harimo n’ibitwikwa, umuriro iyo ugiye ni ukongera gutangira, ugasanga bimwe birangiritse. Iki kibazo twakigejeje ku bayobozi babishinzwe, turategereje ko gikemuka. Ikindi kibazo ni icy’amabuye dukoresha yitwa Rupari akunze kuboneka ahacukurwa amabuye y’agaciro, kubona ibyangombwa ngo tujye kuyakurayo biracyagoranye. Ikindi ni imihanda yo mu cyanya cy’inganda, iyo imvura yaguye iranyerera ugasanga amakamyo yayifunze, andi ntabashe kugera ku nganda yari agiyeho”.

Ikibazo cy’umuriro cyagarutsweho kandi na Ndacyayisenga Emmanuel, wari uhagarariye uruganda rukora sima rwa Cheetah Cement, wavuze ko kibadindiza mu mikorere.

Ati “Ikibazo cy’umuriro ugenda bya hato na hato kirabangamye kuko kidatuma uruganda rukora uko tubyifuza, gusa birazwi ko ari ikibazo rusange. Icyakora twakiganiriyeho n’ubuyobozi batwemerera ko hari ikigiye gukorwa kugira ngo kirangire”.

Umuyobozi w’Akarere wungirije ushinzwe Iterambere ry’Ubukungu, Eric Bizimana yagize ati “Ikibazo cy’umuriro turakizi hariya mu cyanya cy’inganda ni muke, ariko hari umushinga mushya wo kongera umuriro mu Karere watangiye, by’umwihariko uzashyira umuriro uhagije mu cyanya cy’inganda. Abanyenganda rero bahumure, nyuma y’amezi macye iki kibazo cy’umuriro kizaba gikemutse burundu, kuko mu cyanya cy’inganda hazashyirwa agashami kihariye (sub-station). Biteganyijwe kandi ko uyu mushinga uzaha ingo ibihumbi 10 umuriro”.

Imihanda iri mu nzira

Uyu muyobozi, yavuze ko ku bijyanye n’imihanda, inyigo yarakozwe, ukaba ari umuhanda w’ibilometero 3.4 bigomba gukorwa kandi imirimo yaratangiye. Ni imihanda itsindagiye neza ifite n’imifurege ikoze neza, ariko ngo mu gihe kirambye bazakora imihanda igezweho.

Yagize ati "Turateganya ko mu mezi atanu iyo mihanda izaba yarangiye."

Ku kijyanye no kuzana amabuye akenerwa mu ruganda rw’amakaro ariko icyangombwa kikagorana kuboneka, Bizimana yavuze ko bakomeza gukora ubuvugizi mu Kigo cy’Iguihugu gishinzwe Mine, Peteroli na Gaz kuko ari cyo kibifite mu nshingano, bityo bijye byihuta kuboneka, imirimo y’uruganda ntidindire.

Icyanya cy’inganda cya Muhanga gifite ubuso bungana na hegitari 135, ariko akarere gafite gahunda yo kucyagura kikagera kuri hegitari 200, kuko hakiri abifuza kuhubaka inganda nshya.

Abanyenganda bitabiriye iki kiganiro bashimiye cyane ubuyobozi bwa Kigali Today Ltd, bwabazaniye KT Radio i Muhanga, bakabasha kugaragaraza ibyo bakora, ndetse bakaba banahamije ko iyi mikoranre izakomeza.

Abaturage b’Umurenge wa Nyarusange mu Kagari ka Musongati, Akarere ka Muhanga, ni bo batoranyijwe kugira ngo baganire n’umuyobozi w’Akarere mu ntek y’abaturage, ariko KT Radiyo ibabera umuhuza w’ibiganiro, ndetse ibigeza ku mbaga y’abakunzi bose bo mu gihugu.

KT Radio iri i Muhanga kuva kuri uyu wa Kabiri 21 Mata kugera kuri uyu wa 22 Mata.

Muri iki kiganiro, cyarimo ubwisanzure n’ubwuzu ku bakunzi ba KT Radio, Umuyobozi w’Akarere ka Muhanga yibukije abaturage ko bagomba kwirinda amakimbirane mu miryango yabo, kuko iyo umuryango utabanye neza utabanira neza abaturanyi, ndetse ntacyo wageraho.

Meya Kayitare yabwiye abo baturage ba Nyarusange ko mu muryango ari ho byose bihera, bityo ko abagize umuryango bagomba kubanza kuba umwe.

Yagize ati “Twavuze yuko tugomba gukora, tugize ibyago tukagira imiryango irimo amakimbirane, imiryango itavuga rumwe, abagize umuryango batuzuzanya, ibyo muvuga ko mwagezeho ntibyarama. Birasaba ko mu ngo zacu tuba amahoro kugira ngo tujye inama y’uko duharahira iterambere ryacu. Naho ubundi nuca ukwawe, umugore agaca ukwe, abana ukwabo, urwo rugo rwarangiye, rwabaye nyakwigendera, dushatse twashyiraho itangazo ko rutagihari”.

Ati “Birasaba rero ko abagize umuryango dukumira icyo ari cyo cyose, gituma tutavuga rumwe. Muzi ko twese nk’Abanyarwanda twahisemo kuba umwe, ntibyashoboka ko tuba Igihugu kidashingiye ku muryango, ubu bumwe duharanira kandi dushaka twese, ni uko iwacu mu muryango duharanira kuba umwe. Ariko ntuzambeshye ngo niba utavuga rumwe n’umugore wawe, niba utavuga rumwe n’umugabo wawe, ukaba utuzuzanya n’abana wabyaye ngo uzabanira neza abaturanyi, uzababanira ute se? Wananirwa kubanira neza abo mu muryango wawe, ngo uze mu Isibo y’abantu barenga 80 tuvuge rumwe, ntibishoboka”.

Akomeza avuga ko kugira ngo abantu batere imbere ari uko bakwirinda icyakonona gushyira hamwe kw’abagize umuryango, cyane ko “nta kintu na kimwe umuntu mubana mutaganiraho ngo gikemuke, ntacyo”.

Ikindi cyagarutsweho ni uko muri uyu murenge higeze kuba abanywa inzoga z’inkorano, icyakora ubu ngo zarahacitse, icyo bashyize imbere ni ugukora bagatera imbere, bakabasha kubona ibyo bakeneye birimo kwishyurira amashuri abana, mituweli, imirire myiza n’ibindi.

Ni ikiganiro cyayobowe n’abanyamakuru ba Kigali Today, Umukazana Germaine na Umugwaneza Rusaka Jean Claude, aho baganiriye ku iterambere ry’Umurenge wa Nyarusange, igikorwa cyasojwe n’umudiho w’akataraboneka, bigaragara ko abaturage bishimiye abashyitsi babagendereye.

Kigali Today by’umwihariko KT Radio, iri mu Karere ka Muhanga kuva kuri uyu wa Kabiri tariki 21 Gashyantare ikazageza ku ya 22 Gashyantare 2026, ikaba irimo gukorera mu isoko rya kijyambere rya Muhanga, aho abaturage bahamagarirwa kuyigana, bakavuga ibitekerezo byabo ndetse n’abashaka kwamamaza bakakirwa.

Mu gitondo cyo kuri uyu wa Kabiri, abayobozi n’abanyamakuru ba Kigali Today Ltd, bifatanyije n’abayobozi b’Akarere ka Muhanga ndetse n’abaturage mu Gitondo cy’Isuku, igikorwa kiba buri wa Kabiri mu Ntara y’Amajyepfo.

Ubusanzwe ibishushanyo mbonera byakorwaga ni iby’imijyi, hagamijwe guca kubaka mu kajagari, ariko ubu aho bigeze byakozwe mu gihugu hose, mu rwego rwo gukoresha neza ubutaka hakurikijwe icyo bwagenewe, bityo ntihabeho kuvogera ubwagenewe ubuhinzi, kuko ari bwo buvaho ibitunga Abanyarwanda.

Rutagengwa Alexis, Umuyobozi w’Ishami rishinzwe Imikoreshereze y’Ubutaka n’Ibishushanyo Mbonera mu Kigo cy’Igihugu gishinzwe Ubutaka, avuga ko ubu imikoreshereze y’ubutaka yitaweho bihagije.

Ati “Kuba ibishushanyo mbonera by’uturere twose byarabonetse, biradufasha gukumira imiturire idateguye. Uyu munsi byibura umuntu arubaka ku butaka bwagenewe ubuhinzi tukamumenya, mbere ntibyakundaga. Igishushanyo mbonera ni igikoresho cyagenewe kurinda ubutaka bwo guhinga. Ababutuyemo kera barakomeza bahature, ariko nta wemerewe kuhubaka inzu nshya. Ababyiruka bashaka gushinga ingo zabo, bagomba kubaka ahagenewe imiturire”.

Ati “Ubu twashyizeho imijyi igera ku 100 uhereye kuri Kigali n’imijyi iyungirije, imijyi mito n’udusantere, hakabaho kandi na za ‘site’ zo mu cyaro nk’ebyiri cyangwa eshatu muri buri kagari, aho ni ho hemerewe gutura. Ibi bifasha Leta kugena uko igeza ibikorwa remezo ku baturage bitagoranye, kuko umuturage usaba amazi n’amashanyarazi agomba kuba atuye neza”.

Ibi bishushanyo mbonera bituma kandi hamenyekana ahagomba kubakwa inganda, amashuri, amavuriro n’ibindi bikorwa remezo bitandukanye, ahashyirwa amashyamba kuko na yo hari ubwo yaterwaga mu butaka bw’ubuhinzi.

Ubu buryo bw’imiturire kugira ngo bushoboke kandi ubutaka bwo guhinga bukomeze kurindwa, ni uko imyubakire ijya hejuru ihabwa agaciro cyane.

Rutagengwa ati “Abaturage bacu uko bagenda biyongera, ntabwo bakwiye kwiyongera batura mu butambike gusa, ahubwo mu bujya hejuru. Ibi bituma ikibanza gituza abantu benshi kandi b’imiryango itandukanye, mbese ni ukubakira abantu mu buryo bucucitse aho kubatatanya (Compact development). Ibi bishushanyo mbonera biracyari bishya abantu ntibarabimenya, ariko mu myaka 10-15 iri imbere bizaba byatangiye kugaragara. Nk’i Kigali ho byaratangiye, inzu z’ubucuruzi n’iza Leta zirubakwa zijya hejuru, ibi bifite icyo bivuze mu gukoresha ubutaka neza no kurengera ubwagenewe ubuhinzi”.

Rutagengwa Alexis, Umuyobozi w’Ishami rishinzwe Imikoreshereze y’Ubutaka n’Ibishushanyo Mbonera mu Kigo cy’Igihugu gishinzwe Ubutaka

Muri ibyo bishushanyo mbonera, Intara y’Iburasirazuba ni yo ifite ubutaka bunini bw’ubuhinzi bungana na 54%, Intara y’Amajyepfo ifite 53.8%, Intara y’Amajyaruguru ifite 48.7% n’Intara y’Iburengerazuba ifite 42.6%, mu gihe impuzandengo y’Igihugu cyose ari 48% by’ubutaka bwose bugenewe ubuhinzi.

Kudakoresha ubutaka icyo bwagenewe, cyane cyane havogerwa ubwagenewe ubuhinzi bamwe babwubakaho, hari ibihano bibateganyirijwe nk’uko Rutagengwa akomeza abisobanura.

Ati “Mu itegeko ry’ubutaka rya 2021 birasobanutse, rivuga ko ubutaka bwose bukoreshwa icyo bwagenewe, utabikoze atyo aba akoze ikosa. Iyo ashyize ishyamba cyangwa inzu aho bitagenewe abyikuriraho, iyo atabikoze afashwa kubikuraho akishyura ikiguzi cyo kubikuraho, ndetse akishyura amande ari hagati ya Miliyoni imwe na Miliyoni eshatu, aho ni umuntu ku giti cye. Iyo ari ikigo cyangwa kampani, ayo mande yikuba inshuro 10, bivuze ko ari hagati ya Miliyoni 10 na 30 z’Amafaranga y’u Rwanda”.

Yungamo ko ibyemerewe gukorerwa ku butaka bw’ubuhinzi ari guhinga imyaka, gutera ibiti bivangwa n’imyaka, kubakamo Green Houses (inzu zihingwamo), gushyiramo ubworozi bw’amafi cyangwa ubw’inzuki ndetse no gushyiramo ibikorwa remezo bijyanye no kuhira.

Ibindi bishobora kwemerwa ku butaka bw’ubuhinzi ni kubaka ubuhunikiro, imihanda ifasha gutwara umusaruro n’ibikoresho, ubwanikiro, inganda zitonora ikawa ndetse n’ibijyanye n’ubworozi.

Ku bifuza kumenya icyo ubutaka bwabo bwagenewe cyangwa uwashaka kugura ubutaka, asabwa kureba amakuru yabwo anyuze kuri *561# agakurikiza amabwiriza, cyangwa akanyura ku rubuga rwitwa www.amakuru.lands.rw akabona amakuru yose y’ubwo butaka.

Ibi byatangajwe na sosiyete Paramount Pictures mu imurikagurisha ry’abakora sinema muri Amerika, rizwi nka CinemaCon ryabereye i Las Vegas.

Igice cya mbere cy’iyi filime cyasohotse ku itariki 12 Gicurasi 1986, ikaba yaratumye Tom Cruise aba icyamamare, uyu mugabo yanagarutse mu gice cya kabiri, cyasohotse ku itariki 28 Mata 2022, aho ngo cyinjije Miliyari 1.5 z’Amadolari ya Amerika, mu gihe Hollywood yari ikiri kwiyubaka nyuma y’icyorezo cya COVID-19.

Nubwo uyu mukinnyi, Tom Cruise w’imyaka 63 atari yitabiriye icyo gikorwa cya Paramount cyo gutangaza ibya Top Gun 3, yagaragaye mu buryo bw’ikoranabuhanga mu mashusho yerekanywe icyo gihe.

Muri ayo mashusho, Tom Cruise yagaragaye ari hejuru y’ikigega cy’amazi (château d’eau) cyo kuri studio iri i Hollywood, akaba yaragize ati “Ejo hazaza hameze neza iyo urebye uhereye hano.”

Thomas Cruise Mapother IV wamamaye nka Tom Cruise, yavutse ku itariki 3 Nyakanga 1963, ahitwa Syracuse i New York muri Leta zunze Ubumwe za Amerika, akaba yarinjiye cyane mu byo gukina amafilime mu myaka ya 1980, Hollywood itangira kumufata nk’umukinnyi ukomeye.

Tom Cruise yakinnye mu mafilime menshi harimo nka Mission: Impossible, Risky Business, The Color of Money, Rain Man, A Few Good Men, Jerry Maguire, Interview with the Vampire, The Last Samurai, Vanilla Sky, Top Gun n’izindi nyinshi.

Izi filime zagiye zimuhesha ibihembo mpuzamahanga byinshi, birimo nka Best Actor, Favorite Motion Picture Actor, The Male Movie Star of the Year n’ibindi yagiye abona mu myaka itandukanye.

Bishimiye inkunga bagejejweho na PSF

Ni ibikorwa byabaye kuri uyu wa Gatanu tariki 17 Mata 2026, bikaba byabimburiwe no kunamira abazize Jenoside baruhukiye mu Rwibutso rwa Nyanza ya Kicukiro rurimo imibiri isaga ibihumbi 105, mu rwego rwo Kwibuka ku nshuro ya 32 Jenoside yakorewe Abatutsi mu 1994.

Mukagatare Francine uyobora ishyirahamwe ryatewe inkunga ari ryo Abiyubaka-Gakoni ryo mu Kagari ka Nyabugogo, Umurenge wa Kigali mu Karere ka Nyarugenge, agaruka ku byo bari basanzwe bakora ndetse n’icyo iyo nkunga ije kubamarira.

Yagize ati “Dufite ibyuma bibiri bisya twahawe n’Ingabo z’u Rwanda, turangura amasaka n’imyumbati tukabisya ubundi tukagurisha ifu, ndetse tugasya n’iby’abandi bakatwishyura. Ibi byatumye tubona amafaranga buri munyamuryango akikenura mu mirire, kwambara n’ibindi ku buryo tutakiri umutwaro kuri Leta. Kuba rero PSF iduteye iyi nkunga, tugiye kwagura ibikorwa byacu inyungu yiyongere, tukaba tubashimiye cyane kudutekerezaho muri iki gihe cyo Kwibuka abazize Jenoside”.

Felix Mutagoma, Umuyobozi ushinzwe abakozi muri PSF wari uyihagarariye muri iki gikorwa, yavuze ko bagamije kubafata mu mugongo no kubafasha gutsinda ubukene.

Ati “Ni umuco wacu ko mu gihe cyo Kwibuka dufata mu mugongo abarokotse Jenoside bagerageza kwiyubaka no gutsinda ubukene. Inkunga tubahaye si nini, ariko si na nto ku bishyize hamwe, izabafasha gukemuta utubazo tumwe na tumwe mu itsinda ryanyu. Ni uburyo bwo kubunganira kugira ngo mwiteze imbere, nta gutegereza gufashwa na Leta cyangwa indi miryango, mugire ubushobozi bw’icyo mwakwimarira mukakimarira n’abandi bityo ntihagire uhera mu gahinda”.

Abayobozi bacana urumuri rw’icyizere

Yakomeje avuga ko abikorera bari mu gihugu cyiza kibafasha kugera ku ntego zabo, bitandukanye n’aba kera, aho abacuruzi bari bashyigikiye Leta y’abicanyi bayiteraga inkunga yo kwica bagenzi babo b’Abatutsi, ibi rero bikaba byarahagaze bakabishimira FPR-Inkotanyi.

Nyuma y’iki gikorwa cyo gusura no gutera inkunga iri shyirahamwe, abagize Urugaga rw’Abikorera bakomereje mu gikorwa nyirizina cyo Kwibuka, cyabereye i Gikondo ahabera imurikagurisha.

Minisitiri w’Ubucuruzi n’Inganda, Prudence Sebahizi, yakomeje imiryango y’abikorera barokotse Jenoside, anibutsa ko buri Munyarwanda gomba kuyikuramo isomo.

Ati “Uyu munsi twibuka abacuruzi, abanyenganda, abashoramari n’abakozi b’Urwego rw’Abikorera bishwe bazira uko bavutse, twibuka imiryango yabo ndetse n’ibikorwa byabo byasenyutse, bikanashegesha ubukungu bw’Igihugu, tukanabikuramo isomo muri iki gihe Igihugu cyamaze kwiyubaka. Ibi byose birashoboka kubera ko Igihugu ubu gifite imiyoborere myiza, bituma ibikorwa byacu bitera imbere, tugakora imishinga yacu mu mahoro”.

Ati “Iyo twibuka rero tunashimira FPR-Inkotanyi n’Ingabo zari ziyobowe na Perezida wa Repubulika, zahagaritse Jenoside mu gihe amahanga yareberaga, afite ubushobozi ariko ntiyabikora. Nyuma yo guhagarika Jenoside, FPR yashyizeho umurongo mushya wo kubaka Igihugu gishingiye ku bumwe, ku mahirwe angana kandi kitagira ivangura, ari yo mpamvu uyu munsi ubumwe bw’Abanyarwanda bugeze kuri 95.3%, ni intambwe nziza tugezeho dukesha imiyoborere myiza, ariko ntitugomba kwirara”.

Minisitiri Sebahizi Prudence

Aha yibukije ko ingengabitekerezo ya Jenoside itaracika kuko igihari mu miryango ya bamwe mu Banyarwanda ndetse no mu bihugu by’abaturanyi n’ahandi, aho igaragarira mu mvugo, agasaba buri wese kuyirwanya.

Ati “Ibi tugomba kubikora nk’Abanyarwanda, tukamenya inzira zose ingengabitekerezo ya Jenoside inyuramo, harimo iy’ikoranabuhanga iyobya urubyiruko rwacu rutaranasobanukirwa ingaruka zayo, twese rero ni ugukomeza kurusobanurira. Tugomba gukumira amakuru yose agoreka amateka. Kwibuka rero ni uguharanira ko ibyabaye bitazongera kubaho, dufasha abarokotse Jenoside gukira ibikomere, ni no kubaka ubucuruzi n’inganda zifite ishingiro mu mahoro no mu butabera”.

Muri iki gikorwa, habayeho gucana urumuri rw’icyizere, ibiganiro bitandukanye ndetse n’indirimbo zijyanye no Kwibuka.

Bacanye urumuri rw’icyizere

Tariki ya 16 Mata 1994, Ibihumbi by’Abatutsi bari bahungiye aha, byahuye n’akaga gakomeye, ubwo uyu mupadiri yategekaga ko bazana ikimodoka gisiza - caterpillari, maze ikabasenyeraho kiriziya bamaze kubatwikiramo imbere.

Ni urugero rw’ubugome ndengakamere rwakoze n’abishe muri Jenoside yakorewe Abatutsi mu 1994, ariko bikarushaho kubabaza imitima, iyo wibutse ko ari ubugome bwakozwe n’umupadiri, ahantu yari asanzwe atangira Ukaristiya, amasakaramentu yo kwicuza ibyaha, n’ibindi.

Dr. Gakwenzire yagize ati “Ubundi Kiliziya yigisha urukundo no kubana neza, ariko nta gushidikanya si ko byagenze igihe kinini mu Rwanda, kuko Jenoside yakorewe Abatutsi yaturutse ku rwango, kandi mu bitwaga abakirisitu. Ibyo rero binyomoza nta gushidikanya, ko iryo hame ry’urukundo ryabayeho. Ibi rero bituma umuntu yibaza ati ese aho abazanye amadini n’amatorero nka Kiliziya Gatolika, ntibihatiye kubaka inzu z’imitamenwa zigaragara neza, aho kubaka imitima ikiranutse nk’uko ubwabo babivuga?”

Ati “Ndibaza ko iki kibazo atari njye ucyibajije bwa mbere, ko n’abo bakuru ba Kiliziya bacyibajije ubwabo, ari na bo bakwiye kukibonera igisubizo bwa mbere. Ni na bo ba mbere bakwiye guterwa ipfunwe no kuba nka Padiri Seromba yarafashe iya mbere, agasenyera Kiliziya ku ntama yagombaga kuragira akazirinda ibirura, none akaba ari we wabaye ikirura cya mbere no kurusha ibindi byose. Ariko kandi, ibi biduha umwanya wo gusubiza amaso inyuma, tukibukiranya ko Kiliziya Gatolika kuva yagera mu Rwanda, yashishikariye kwereka abayitumye, ko yesheje imihigo igira abakirisitu benshi, kurusha kwigarurira imitima yabo”.

Akomeza avuga ko na mbere y’uko Jenoside yakorewe Abatutsi iba, imikorere ya Kiliziya Gatolika yagiye ikerenswa, Ibuka igashimishwa nuko hari ubushakashatsi bwakozwe bwagiye bwerekana imikorere mibi ya Kiliziya Gatolika, ariko nanone ikanagaya ko nta cyakozwe kugira ngo yisubireho.

Perezida wa Sena y’u Rwanda, Dr François Xavier Kalinda na we witabiriye iki gikorwa, avuga ko ibyabereye i Nyange nta handi byigeze biba mu mateka.

Ati “Amateka ya Jenoside yakorewe Abatutsi hano mu Karere ka Ngororero ni maremare cyane, kuko kuva mu 1959 kugeza mu 1994, ndetse nanone no mu 1963 no mu 1973, ibyo bihe byose, ibikorwa by’ubugome n’ubwicanyi bukabije byibasiye Abatutsi hirya no hino mu yahoze ari Perefegitura ya Kibuye. Kuva ku ya 7 Mata 1994, ubwicanyi bwahise butangira i Nyange no mu yahoze ari Komine Kivumu”.

Ati “Buri gihe uko habaga ubwicanyi, bwabaga buherekejwe n’ubukangurambaga bw’abategetsi, bwashishikarizaga abaturage gushyira mu bikorwa umugambi wa Jenoside wari warateguwe. By’umwihariko hano kuri Paruwasi ya Nyange, ni ho habereye ibintu bitari byarigeze kubaho mu mateka, aho umupadiri uyoboye paruwasi yafashe icyemezo afatanyije n’ubutegetsi bwa Leta, agategeka ko hifashishwa imashini ikora imihanda, agasenyera Kiliziya yayoboraga ku bakirisitu bari bayihungiyemo, abaziza gusa ko ari Abatutsi. Uwo nta wundi ni Padiri Seromba Athanase”.

Akomeza avuga ko ari ngombwa ko buri gihe iyo habaye Kwibuka i Nyange kuvuga Padiri Seromba, kuko ngo iyo adakora ibyo yakoze, hari kurokoka abantu benshi, ndetse ko ubugome yagaragaje nta wabwibagirwa.

Muri iki gikorwa cyo Kwibuka kandi, mu rwibutso rwa Nyange hashyinguwe imibiri 12 yabonetse.

Akaniwabo Colleta (utambaye indorerwamo) yatanze ubuhamye mu #Kwibuka32 i Ntarama mu Karere ka Bugesera

Akaniwabo wari utuye mu Murenge wa Mwogo mu Karere ka Bugesera k’ubu, avuga ko aha batangiye guhura n’ibibazo bikomeye nyuma y’ihanuka ry’indege ya Habyarimana, kuko abo bari basanzwe bavugana, yewe n’abo biganye bari inshuti batangiye kubareba nabi, nuko babona ko ibintu byahindutse.

Agira ati “Twahagaze ku muhanda tureba uko byifashe, abantu twavuganaga bakajya baducaho bakatureba nabi, bavuga ngo ni akanya gato turaje. Kubera ko aho dutuye hahana imbibi n’imwe mu mirenge y’Umujyi wa Kigali, ho twumvaga urusaku rw’imbunda ziremereye, aho turi ababyeyi bati iyi ntambara noneho ntidusiga”.

Ati “Ku itariki 7 Mata, haje igitero giturutse mu Murenge wa Juru, abana b’abahungu baturitsa ibintu, ni uko twabyitaga kuko ntari nzi gerenade, ukabona umuntu araguye, undi araguye turakangarana. Hirya gato wabonaga abandi Bahutu bazi ibirimo kuba banatojwe icyo gukora, bafite imihoro batubwira ngo turaje tubice. Ku itariki 8 nta waraye mu rugo, twagiye kuri kiliziya yo kuri EP Rukira, noneho ku ya 10, ibitero biturutse Juru bizira rimwe. Icyakora Abatutsi bari bishyize hamwe birwanaho, bafite imiheto, amacumu n’amabuye, bahangana na cya gitero bagisubiza inyuma”.

Avuga ko muri icyo gihe ariko, umusaza bari bafite w’intwari witwaga Sebutekera, wari uzi kurasisha umuheto cyane, bamushutse bamukura mu bandi, ageze hirya yabo gato bahita bamutema baramwica, inkuru imenyekanye bose bati “katubayeho”.

Akaniwabo wari ufite imyaka 19 ndetse atwite inda nto icyo gihe, avuga ko ku mugoroba wo kuri iyo tariki ya 10, nta gahenge bagize kuko amagerenade yaturikaga buri kanya ari ko abantu bapfa.

Ati “Icyo cyabaye ikimenyetso kitwereka ko nibucya turi aho baza mu gitondo bakatumaraho. Haje rero umwarimu witwaga Nzaramba, amaze gushyira abana be n’umugore mu rufunzo kuko iwabo muri Kagasa bari bamaze kuhatwika. Yatugiriye inama yo kujya kuri Kiliziya ya Nyamata, kuko abahahungiye mu 1992 baharokokeye. Ubwo twafashe inzira turagenda, ariko mu nzira nkabona ko bikomeye, aho twanyuraga ku bo twiganye bafite imihoro tubanyura hagati, gusa uwatsikiraga gato bahitaga bamukurura bakamwica, twari umurongo w’abantu barengaga ibihumbi 10”.

Ati “Tugeze mu gasantere ko mu Boshya, umurongo wacu wacitsemo kabiri, noneho interahamwe zitwinjiramo n’imihoro n’impiri, igice cyasigaye inyuma nta muntu n’umwe warokotse, jye uvuga nari mu b’imbere turakomeza. Twaragiye tugeze ku iteme twagombaga kwambukiraho, tuhasanga igitero cyari kiyobowe n’uwitwa Bwanakweri, amasasu aravuga, baraturasa abantu benshi barapfa, ariko abagabo bamwe twari kumwe batarashwe, bakora ku miheto yabo n’amacumu bahangana na cya gitero baragishushubikanya bakirenza umusozi, baragaruka batwambutsa rya teme, gusa twese twari twahindutse amaraso”.

Uko Pasiteri Uwinkindi yabagambaniye

Mu nzira ngo bageze ahantu basanga imirambo myinshi y’Abatutsi bari barimo baribwa n’inkongoro, bacika intege ariko barihangana, noneho bahitamo kudakomeza ngo bajye mu mujyi wa Nyamata, ahubwo bazamuka ku gasozi ka Kayumba, ariko na ho barabatera, nuko bigira inama yo kwerekeza kuri ADEPR Kayenzi, ahayoborwaga na Pasiteri Uwinkindi, aho bumvaga ko ntacyo bari bube, gusa ngo bagezeyo basanze urupfu rubategreje.

Akaniwabo ati “Twarakomeje turi benshi, tugeze imbere duhura n’umupolisi aratubaza ati murajya he? Tuti tugiye kuri paruwasi i Kayenzi, ati mugende ariko ntihabe harimo Abatutsi, twigiye imbere duhura n’umusirikare na we biba uko. Uwinkindi yari yatwiteguye, yari yafashe amakanzu y’umweru akoreshwa mu mubatizo ayambika interahamwe, zashyize imihoro imbere mu makabutura, wabareba uti ni abana b’Imana naho bagiye kuturimbura”.

Ati “Baduhaye ikaze ku mbuga y’urusengero, abantu benshi twari kumwe bahageze mbere, jye nari nasigaye inyuma n’abandi bantu bake ngo tubanze turebe uko bimeze, twikinze ahantu hari robine. Mu kanya gato, za nterahamwe zahise zizamura imihoro, zibwira abagabo n’abasore ngo bapfukame ku ruhande rumwe, abagore n’abana na bo ku rundi, bahise bahuka muri ba bagabo barabatemagura nta warokotse, abagore bavuga ko bazajya babica uko babishatse. Ubwo basigaje umuhungu umwe witwaga Karuranga, baramubwira ngo wowe ntitugutema, ahubwo tuguhanishije guhamba bene wanyu. Karuranga yakuruye ya mirambo yose arayihamba, ariko yahavuye yarabaye nk’umusazi, akirirwa agenda ku gasozi aboroga, nta kongera kwihisha, yatubona akaduhunga, nyuma ariko baza kumwica”.

Yungamo ko bakomeje kwihishahisha, ariko n’ubundi bamwe bagapfa, cyane ko n’umugabo we yapfuye, ariko Inkotanyi ziza kubasanga kuri ka gasozi ka Kayumba, zirabarokora, zirababwira ngo “utarapfuye ntabwo agipfuye”.

Ati “Ni yo mpamvu iyo mvuga Inkotanyi, kiretse ahari ndi muri ‘uniform’ yazo imbere, ni bwo najya numva ko turi kumwe, ariko n’ubu zirabizi ko nzikunda”.

Jenoside irangiye ngo yasubiye iwabo muri Mwogo, umwana yari atwite aramubyara, ariko abaho mu buzima bugoye, atavuga ku buryo bari baramwise ‘Kibihira’, ariko ubu ngo arishimira uko abayeho, aho yashatse undi mugabo akaba afite n’abana batandatu, akaba ari n’umuhinzi ukomeye w’umuceri.

Pasiteri Uwinkindi Jean ni nde?

Pasiteri Uwinkindi Jean yahoze ari umushumba mu itorero rya ADEPR mu cyahoze ari Komini Kanzenze, waregwaga ibyaha bya Jenoside, yafatiwe i Mbarara muri Uganda tariki 30 Kamena 2010, ava muri Repubulika Iharanira Demokarasi ya Congo, akaba yari yiyoberanyije amazina.

Yaje gushyikirizwa Urukiko Mpuzamahanga Mpanabyaha rwashyiriweho u Rwanda i Arusha muri Tanzania, nyuma rumwohereza mu Rwanda ku itariki 19 Mata 2012 ubwo rwendaga gusoza imirimo yarwo. Muri Gicurasi 2014, nibwo yatangiye kuburana mu mizi, aza gukatirwa gufungwa burundu mu kwezi k’Ukuboza 2015.

Nyuma Uwinkindi yaje kujuririra iki cyemezo, noneho Urukiko rw’Ubujurire rwanzura ko akomeza gufungwa burundu nk’uko byari byemejwe n’Urukiko Rukuru muri 2015, rushingiye ku byaha bya Jenoside byamuhamye icyo gihe agakatirwa.

Urukiko rwamuhamije ibyaha birimo kuyobora ibitero simusiga byahitanye Abatutsi benshi, ndetse no kujya kuri bariyeri zabaga zigamije kurobanura Abatutsi bari bwicwe, ibyaha yahamijwe ko yabikoranye ubugome ndengakamere. Yitabiriye kandi inama nyinshi zanogerezwagamo imigambi yo kurimbura Abatutsi, bigize icyaha cyo kurimbura nk’icyaha cya Jenoside.

Kureba andi mafoto yaranze igikorwa cyo #Kwibuka32 i Ntarama, kanda HANO

Gregoire Kayibanda akiri umunyamakuru yakoreshaga izina Massudi, ariko ryaje kugumaho, abantu bakomeza kurimwita. Azwi nk’umwe mu batangije ivangura ry’amoko, uturere n’amadini mu Rwanda,

Kayibanda ni mwene Leonidas Rwamanywa na Caroline Nyirambeba, baje mu Rwanda bavuye i Bushi, hirya y’i Bukavu muri Congo.

Amateka avuga ko aba baje babanza gutura hafi yo mu Ruhango, hanyuma baza i Kabgayi, abapadiri baha se uturimo, bamuha n’aho atura hitwa i Tare hafi y’i Kabgayi. Kayibanda ni ho yavukiye mu mwaka wa 1924.

Aha rero, n’ubwo yafataga Abatutsi nk’abadafite inkomoko mu Rwanda, aba ngo yirengagije ko ahubwo ari we utari ufite imizi mu Rwanda.

Uko kuvuga ko Abatutsi ari Abanyamahanga, ni byo ishyaka PARIMEHUTU kuva ryashingwa ku itariki 25 Nzeri 1959, ryagize intego, rivuga ko ari ishyaka rya politiki rije gusubiza Abahutu Igihugu "kuko ari bo bene cyo, ubundi bakishyira hamwe bakarwanya Abatutsi yavugaga ko babakandamije.

Iyo politiki yanashyizwe no muri ‘Manifeste’, bisobanura umurongo ngenderwaho w’ishyaka rya politiki, gahunda zose z’Igihugu zubakiraho.

Manifeste ya III ya PARIMEHUTU yemejwe na kongere y’i Gitarama yabaye ku itariki 21 Kamena 1964, yaje ishimangira ko politiki irengera Abahutu imaze gufata, bose bayishimiye, ariko ko ku bireba uburezi, hakwiye impinduka zo kwinjiza mu mashuri yisumbuye Abahutu bonyine.

Nk’uko bisobanurwa na Senateri Emmanuel Havugimana, ngo mbere y’uko Parmehutu ikomera, "Kayibanda yari yariyise Massudi, akaba ari ryo zina yakoreshaga ku nyandiko ze(pseudo)."

Havugimana avuga ko icyo gihe abanyamakuru(dore ko Kayibanda na we yabaye umunyamakuru) ngo bari babyihangishijeho.

Uwakurikiye Kayibanda, ari we Juvenal Habyarimana, na we yakomeje politiki y’ivangura no kwita Abatutsi abanyamahanga, nyamara ngo na we yari afite ibyo atujuje.

Habyarimana, umusirikare mukuru wa mbere w’u Rwanda yinjiye mu Gisirikare cy’u Rwanda cyashinzwe mu 1960, ahabwa kuyobora Ingabo kuva icyo gihe, ndetse mu 1965 agirwa Minisitiri w’Ingabo na Polisi.

Uyu na we yakomeje ingengabitekerezo ya Kayibanda ivuga ko Igihugu ari icy’Abahutu, ari icya rubanda nyamwinshi, ko Abatutsi ari abanyamahanga kandi bagomba kwicwa.

Uretse kuba afite akantu gato k’Ubunyarwanda arusha Kayibanda, kuko se yavukiye mu Rwanda, Habayrimana na we nta bisekuru birebire afite mu Rwanda. Sekuru witwaga Rugwiro, ni we waje aturuka i Bugande i Kigezi, aza azanywe n’abapadiri bera baje gushinga Paruwasi ya Rwaza mu Karere ka Musanze.

Kwa Habyarimana i Muramba

Se wa Habyarimana, Jean Baptiste Ntibazirikana ni ho yavukiye, nyuma baza kwimukira i Rambura aho abapadiri bari bagiye gushinga Paruwasi ya Rambura, Habyarimana ni ho yavukiye aranahakurira.

Minisitiri Bizimana avuga ko iyi politiki y’ivangura ari kimwe mu biranga Jenoside, kuvuga ko igice cy’abantu runaka badafite Igihugu, Kayibanda akaba yarabishimangiye n’imbere y’Abadepite.

Avuga ku Banyapolitiki babi baranze u Rwanda, Minisitiri w’Ubumwe bw’Abanyarwanda n’Inshingano Mboneragihugu Jean Damascene Bizimana agira ati "iri vangura bi ari byo byasubiwemo na Dr. Leon Mugesera mu ijambo yavugiye iwabo ku Kabaya, muri Ngororero y’ubu agira ati “Abatutsi bagomba gusubizwa iwabo muri Ethiopia, babatemye amajosi bakabajugunya muri Nyabarongo”.

Romuald Wadagni, Perezida mushya wa Bénin

Ibi byatangajwe na Komisiyo y’Amatora (Cena) y’iki gihugu, hashingiwe ku majwi yamaze kubarurwa ageze kuri 90%, bivuze ko Romuald Wadagni yegukanye uwo mwanya bidasubirwaho, abitabiriye amatora bakaba bangana na 58,75%.

Romuald Wadagni asimbuye ku butegetsi Patrice Talon usoje manda ze ebyiri, nk’uko biteganywa n’Itegeko Nshinga, zaranzwe n’uko ubukungu bwa Bénin bwazamuka cyane, ariko hanagaragara kwiyongera kw’ibikorwa by’iterabwoba mu majyaruguru y’iki gihugu, nk’uko byatangajwe n’ibiro ntaramakuru by’Abafaransa, AFP.

Romuald Wadagni yatsinze umukandita bari bahanganye, Paul Hounkpè utavuga rumwe n’ubutegetsi, wagize amajwi 5.95%, icyakora akaba yanahise yemera ko yatsinzwe ndetse anashimira uwegukanye intsinzi, nyuma y’aya matora yabaye ku Cyumweru tariki 12 Mata 2026.

Perezida wa Cena, Sacca Lafia, yahamije ko amatora yagenze neza mu gihugu hose kuko yabaye mu mudendezo.

Ati “Ibyavuye mu matora ntibishobora guhinduka mu mibare. Uburenganzira bwo gutora bwarubahirijwe, amatora akorwa mu mutuzo wuzuye ku butaka bwose bw’igihugu”.

Itsinda ry’indorerezi z’amatora ry’Umuryango w’Ubukungu w’Ibihugu bya Afurika y’Iburengerazuba (CEDEAO) ryoherejwe gukurikirana ayo matora muri Bénin, ryashimye umutekano n’amahoro byayaranze, ndetse n’imitunganyirize myiza yayo, nk’uko bikubiye mu itangazo iri tsinda ryasohoye.

Biteganyijwe ko ibyavuye mu matora bya burundu bizatangazwa n’Urukiko rushinzwe kurinda Itegeko Nshinga, nubwo ntacyo bizahindura kigaragara.

Yabigarutseho kuri uyu wa Mbere tariki 13 Werurwe 2026, mu gikorwa cyo kwibuka ku nshuro ya 32 abanyapolitiki bishwe muri Jenoside yakorewe Abatutsi mu 1994, cyabereye ku rwibutso rwa Jenoside rwa Rebero mu Karere ka Kicukiro.

Perezida wa SENA, Dr Kalinda, yibukije abitabiriye iki gikorwa, bimwe mu byaranze amacakubiri yari mu Rwanda, ndetse atanga urugero ku byari biri mu Itegeko Nshinga.

Ati “Natanga urugero ku ivangura n’ihezwa byagaragaraga mu Itegeko Nshinga ryo mu 1991, nubwo ryarimo politiki ishingiye ku mashyaka menshi, amahame ya Demokarasi n’uko Abanyarwanda bareshya imbere y’amategeko, ku rundi ruhande ryashimangiye ivangura n’iheza ry’Abatutsi, ryari risanzwe ryaragizwe inkingi y’imiyoborere”.

Ati “Biragaragara ko kubona Itegeko Nshinga rishingira kuri Revolisiyo yo mu 1959, imitwe ya Politiki cyangwa amashyaka atavuga rumwe n’ubutegetsi bwa MRND, atari gushobora gukora mu bwisanzure. Amashyaka ya Politiki n’abanyapolitiki bateguye umugambi wa Jenoside igihe kirekire, bawushyira mu miyoborere y’Igihugu, bawigisha abaturage bakoresheje gucengeza ingengabitekerezo ya Jenoside, ndetse no guhagarikira ikorwa rya Jenoside yakorewe Abatutsi”.

Akomeza avuga ko kumenya uruhare rw’abanyapolitiki mu mugambi mubisha wa Jenoside yakorewe Abatutsi ari ingenzi, mu rwego rwo kugaragaza ukuri kwa Jenoside yakorewe Abatutsi, kugaragaza ko yateguwe, ndetse ko ari n’uburyo bwakoreshwa mu guhangana n’ihakana n’ipfobya ryayo, no gukumira ko yakongera kubaho haba mu Rwanda n’ahandi.

Perezida wa SENA yunzemo ko nyuma ya Jenoside yakorewe Abatutsi, Abanyarwanda basigaranye amasomo y’ingirakamaro.

Ati “Nyuma ya Jenoside yakorewe Abatutsi, yahagaritswe n’Ingabo za FPR-Inkotanyi, zari ziyobowe na Nyakubahwa Perezida wa Repubulika, Paul Kagame, Abanyarwanda twahisemo gukura amasomo mu mateka ya Jenoside, tukubaka Igihugu cyacu nta vangura cyangwa amacakubiri. Itegeko Nshinga Abanyarwanda twitoreye biciye muri Referandum, rikubiyemo amahame remezo Igihugu cyacu cyiyemeje kugenderaho, harimo ihame remezo ryo gukumira no guhana icyaha cya Jenoside, kurwanya ihakana n’ipfobya rya Jenoside no kurandura burundu ingengabitekerezo ya Jenoside n’ibyo igaragariramo byose”.

Yavuze kandi ko kuzirikana abanyapolitiki, byibutsa ubuyobozi ko bufite inshingano yo kurengera ubuzima bw’abaturage, kurwanya ivangura no guharanira ubutabera.

Ati “Kwibuka abanyapolitiki bishwe bazira kurwanya umugambi wa Jenoside, bazira kutavuga rumwe n’ingoma y’igitugu ya Habyarimana, ni uburyo bwo kubaha ubutwari bwabo, twigira ku mateka, no gukomeza kubaka Igihugu kirangwa n’ubumwe, amahoro n’imiyoborere myiza”.

Buri mwaka ku itariki ya 13 Mata, hasozwa icyumweru cy’icyunamo hazirikanwa abanyapolitiki bishwe bazira kutavuga rumwe na Leta yari iriho mu gihe cya Jenoside.

Bunamiye inzirakarengane ziruhukiye mu rwibutso rwa Kigali

Perezida wa IBUKA ku rwego rw’Umurenge wa Gisozi, Nzayisenga Patrice, agaruka ku bugome bwa Oswald Rurangwa, wishe Abatutsi benshi ku Gisozi n’ahandi henshi mu Mujyi wa Kigali, akavuga ko atumva ukuntu hari abantu bamushinjuye.

Yagize ati “Oswald Rurangwa wari ukuriye interahamwe, nyuma yo gukora Jenoside hano mu Murenge wacu wa Gisozi, yarambutse ajya kuyikomereza ku Kinamba, ku Muhima, Sainte Famille na Saint Paul, aho hose tukaba tumushinja abantu bacu. Uyu mugabo yari umuyobozi w’ishuri ribanza rya Gasave, akaba na Perezida wa MRND ku rwego rw’umurenge akaba yari n’umuntu wize usobanukiwe, ibyo byose byamuhesheje ubudahangarwa bityo atumarira abantu bacu”.

Ati “Uyu ni umwanya umuntu aba abonye wo kunenga abantu batinyutse gushinjura Oswald Rurangwa. Urukiko ubwarwo kugira ngo ruzajye kwemeza ko umuntu akatirwa burundu, ruba rufite ibimenyetso bifatika ko uwo muntu ari ruharwa, yoretse imbaga. Ariko, ibyo ntibyabujije ko abo bantu ntavuze mu mazina, bajya kwandika bagaragaza ko Oswald Rurangwa nta kintu yakoze, ndetse ko no mu gihe cya Jenoside abamubonye babonaga arebana impuhwe. Aho muri mumenye ko mwatubabaje”.

Perezida wa IBUKA ku rwego rw’Umurenge wa Gisozi, Nzayisenga Patrice

Nzayisenga agaragaza kandi ko ubwo Oswald Rurangwa aheruka mu Rukiko ku ya 31 Werurwe 2026 ari na bwo yakatiwe, ngo yakomeje gukomeretsa abarokotse Jenoside, aho ngo yafataga urupapuro ruriho amazina y’abishwe, akarukubita ku meza avuga ngo “nta muntu n’umwe uriho waguye ku Gisozi”.

Aha ngo ni ho Urukiko rwahereye rumubaza ruti “ko uvuka mu murenge ushyinguyemo imibiri ibihumbi 259 y’Abatutsi bishwe muri Jenoside, urabivugaho iki?” Oswald Rurangwa ngo yarasubije ati “Isi yose iza gushyingura hano”.

Nzayisenga avuga ko ayo magambo ya Oswald Rurangwa yavugiye mu Rukiko, ari ayo gukomeza gutoneka abarokotse Jenoside.

Ati “Hejuru y’agahinda tugendana mu mutima, nyuma y’ibintu biturimo bituremereye tudafite inkindi twabikoraho, ariko umuntu waduhekuye agakomeza akadutoneka ariko tukihangana, icyo ni cya gihango dufitanye n’Inkotanyi zaturokoye”.

Akomeza ashimira Leta y’u Rwanda yafatanyije na Leta zunze Ubumwe za Amerika, Oswald Rurangwa akavanwa muri iki gihugu akaza kuburanira mu Rwanda, aho yakoreye ibyaha.

Oswald Rurangwa yari yaracikiye ubutabera muri Leta zunze Ubumwe za Amerika, nyuma yo gukatirwa gufungwa imyaka 30 n’Inkiko Gacaca, iki gihugu kiza kumugarura mu Rwanda ku itariki 7 Ukwakira 2021, atangira kuryozwa uruhare rwe muri Jenoside.

Urukiko rwisumbuye rwa Gasabo rwamukatiye gufungwa burundu, nyuma yo kumuhamya icyaha cyo kwica nk’icyaha cya Jenoside, icy’ubufatanyacyaha muri Jenoside n’icyaha cyo gushishikariza abantu mu buryo buziguye cyangwa butaziguye gukora Jenoside.

Ibijyanye na Oswald Rurangwa, byagarutsweho ku wa Gatandatu tariki 11 Mata 2026, ubwo abo mu Murenge wa Gisozi ndetse n’abaturutse ahandi babatabaye, bahuriraga ku rwibutso rwa Kigali, mu rwego rwo Kwibuka ku nshuro ya 32 Jenoside yakorewe Abatutsi.

Oswald Rurangwa wishe Abatutsi benshi muri Kigali

Icyakora, imyaka ine mbere y’aho yari yaramaze gusobanukirwa ko umuryango we n’abitwa Abatutsi bose batari bakunzwe, kuko ku ya Mbere Ukwakira 1990 barabatwikiye, ndetse bamwe mu baturanyi babo baricwa.

Agira ati “Ndabyibuka nari mvuye ku ishuri, nsanga mama yicaye ku irembo yitangiriye itama, mubaza icyabaye aranyihorera, ageze aho ati genda uraza kubibona. Mu ma saa kumi n’ebyiri haje uwitwa Munyengango ajyana inka z’iwacu kuba aziturebera, turajyana ndara iwe, ariko iryo joro haraye induru n’amafirimbi, bavuza ingoma, biteye ubwoba. Bukeye nza kumenya ko umuryango wanjye wahungiye ku rukiko, nanjye mbasangayo”.

Avuga ko mu mpera za 1990 babwiwe ko ihumure ryagarutse, abari bagifite inzu barataha, ariko ngo iy’iwabo yari yarashenywe, bajya kuba kwa se wabo. Gusa ngo ntibyatinze kuko mu 1992 na bwo babateye, biba ngombwa ko Rurangwa na bashiki be babiri bahungishirizwa i Kigali, ababyeyi babo na bo bagiye gufata bisi ngo bagende abasirikare barababuza, bagira bati “muragenda mwese, nibatubaza Abatutsi ba Ngororero turerekana ba nde? Byarangiye batagiye, bahita bahungira ku ‘Ngoro ya Muvoma’, ahari n’abandi Batutsi benshi bahunze baturutse imihanda yose”.

Akomeza avuga ko aho ari ho habaye mu rugo rw’abo bantu bose, gusa ngo bwari ubuzima bugoye kubera ubwinshi bw’abantu, kuko ngo byageze mu 1994 hari abagera ku 8,000.

Rurangwa avuye mu buhungiro i Kigali ajya mu buhungiro i Ngororero

Mu 1993 ni bwo yavuye i Kigali aho yari yahungishirijwe mu mwaka ubanza hamwe na mushiki we. Icyo gihe, yaraje akomeza kubana n’abandi aho bari barahungiye ku Ngoro ya Muvoma. Jenoside yatangiye ariho ari, kandi icyo gihe ngo nta buryo bwo kuhava bwari bugishoboka.

Agira ati “Ku itariki 10 Mata 1994 mu masaha ya mu gitondo, twumvise ngo interahamwe ziraje, tubona zatugose impande zose. Narahengereje mbona abantu benshi cyane, bafite amahiri, bambaye amakoma, baririmba ngo tubatsembatsembe. Twese twirukankiye mu nzu turakinga, nuko baraza bashinga imbunda hafi aho, batangira kuturasa, inzugi n’amadirishya bivaho, bateramo amagerenade, abantu benshi barapfa. Jye hari ahantu nari nikinze, abantu bagapfa mbareba. Kubera ko hari hakiri abagihumeka, baragiye bazana lisansi bamenamo ubundi baratwika. Abantu bacu bapfuye nabi”.

“Jyewe uwo muriro ntiwangezeho, ariko mbona ntari buwucike, njya kunyura mu muryango wo mu gikari, ariko na ho hari umuntu urasa uhasohokeye wese. Icyankijije ni umwotsi mwinshi w’umukara wacaga muri wa muryango ku buryo nasohotse ntambone, nihisha mu bwiherero bwari hafi aho, nsangamo abandi bana babiri, umwe bamurashe amaguru. Ntibyatinze bahise batera gerenade y’urusenda dutangira kwitsamura no gukorora, interahamwe ziza kureba, ariko jye nahise nsohoka mbere ndyama mu kidendezi cy’amaraso mu mbuga, ahari imirambo myinshi."

Bumaze kwira interahamwe zagiye, Rurangwa ngo yavuye muri ya mirambo, ajyana n’umwana witwa Hitimana na we wari washoboye gusohoka mu Ngoro ya Muvoma, batazi iyo berekera.

Bagiye kubona babona bubakereyeho kandi interahamwe ziri mu nama hafi aho, bajya kwihisha mu nzu hafi yabo, ariko za nterahamwe zirababona zibwira ngenzi zazo ngo zijye kubica.

Uko umuvure wabarokoye

Rurangwa ati “Twinjiye muri ya nzu, ariko bidatinze twumva interahamwe zirabaza ngo abo bana bari he, ziba ziraje kuri ya nzu, tubura uko tubigenza. Hari umuvure wari uri aho wubitse, tuwinjiramo turacurikirana, baje bagakandagira kuri wa muvure bajomba amacumu muri pulafo y’iyo nzu ngo bumve ko turimo, ku bw’Imana birangira batatubonye baragenda, turokoka gutyo”.

Avuga ko bimaze guhosha basohotse bajya ahari Superefegitura hari n’abandi bantu barokotse, bahamara icyumweru, bigira inama yo kujya ku muzungu witwaga Bourguet kuko hari n’abandi bari barahahungiye, gusa ngo ntibemererwa kwinjira kuko ngo hari huzuye.

Ngo baje kugaruka kuri Superegitura nanone, basanga abantu bariyongereye, ariko hashize iminsi mike interahamwe zirongera ziraza zirabica, Rurangwa we yihisha munsi y’imodoka yari yarapfuye ihamaze igihe, izengurutswe n’ibyatsi, na bwo ararokoka.

Ati “Bumaze kwira narahavuye, njya ahantu habaga abajandarume ndababwira ngo bancumbikire, baranyemerera hamwe n’undi mwana nahasanze, ariko baratubwira ngo babyuke twamaze kugenda. Ni ko byagenze, bwarakeye turagenda, nibuka ko inzira za Gisenyi nzizi, turagenda tunyura ku mabariyeri y’interamwe zikadukubita ariko tugakomeza. Tugeze kuri Giciye mugenzi wanjye baramwishe jye ndabacika, ndakomeza kugeza nambutse umupaka ngera i Goma muri Congo. Aha narahabaye ndetse nasanzeyo n’abandi bahunze, ariko nyuma tugaruka mu Rwanda”.

Akomeza ashimira cyane Inkotanyi zabohoye Igihugu zigahagarika Jenoside, agashimira Imana yazihaye umutima ukomeye, zigakora ibidasanzwe kugira ngo barokoke, by’umwihariko agashimira Perezida Kagame wari uzirangaje imbere, akibuka cyane ijambo zamubwiye, ngo “Humumura ntugipfuye!”.

Avuga ko iryo jambo kuri we riruta zahabu iyo ari yo yose, kuko yari amaze imyaka ine yose ahigwa n’abashaka kumwica, ku bw’amahirwe akagenda asimbuka urupfu.

Rurangwa ubu ni umugabo, yarize, akorera Leta, akaba yubatse afite umugore n’abana batatu, byose ngo akaba abikesha abitanze bagahara ubuzima bwabo ngo Igihugu cyongere kubona amahoro.

Dan Ngabonziza, Umuyobozi wa ARJ

Ngabonziza, akaba n’Umuyobozi Mukuru wa Kigali Today Ltd, yabigarutseho kuri uyu wa Gatanu tariki 10 Mata 2026, ubwo yari mu gikorwa cyo Kwibuka ku nshuro ya 32 Jenoside yakorewe Abatutsi mu 1994, aho by’umwihariko hibukwa abanyamakuru bazize Jenoside, igikorwa cyabereye mu Kigo cy’Igihugu cy’Itangazamakuru (RBA).

Yavuze ko imirimo y’ibanze ijyanye no kubaka icyo kimenyetso yatangiye, harimo nko gukora igishushanyo mbonera.

Yagize ati “Mu gikorwa nk’iki cy’umwaka ushize, abakomoka mu miryango y’abanyamakuru bazize Jenoside, bari batanze icyifuzo cy’uko hashyirwaho ahantu hazwi kandi hahesha agaciro abanyamakuru bazize Jenoside yakorewe Abatutsi ho kubibukira. Nishimiye kubamenyesha ko ubu aho hantu habonetse, ni hano muri RBA. Inyigo n’ibishushanyo mbonera by’ikimenyetso cy’urwibutso byamaze gukorwa”.

Ati “Turabizeza ko mu gikorwa cyo Kwibuka mu mwaka utaha, iki kimenyetso kizaba cyaramaze kubakwa, kugira ngo amateka yabo n’amazina yabo bibe bishushanyije ku nkingi z’ibihe bidashira. Icyo gihe uwifuza kubazirikana azaba afite aho yabikorera”.

Yanahumurije kandi imiryango y’abanyamakuru bazize Jenoside, ababwira ko batari bonyine.

Ati “Uyu munsi umuryango mugari w’abanyamakuru, twaje hano kugira ngo twibuke abanyamakuru bagenzi bacu bishwe bazira uko bavutse, bazira ibitekerezo byabo no gukomera ku kuri. Kuri mwe bavandimwe bo mu miryango y’abanyamakuru bishwe, umuryango mugari w’abanyamakuru twaje kubahumuriza. Tuzi ko agahinda kanyu ari kenshi, kandi ko icyuho abanyu basize mu miryango yanyu kidashobora kuzibwa n’amagambo gusa, ariko nimwumve ko mutari mwenyine. Umuryango w’abanyamakuru wose uri kumwe namwe kandi tuzahora tuzirikana ubutwari n’ubuzima bw’abacu bishwe, indangagaciro basize, ni byo biduha imbaraga zo kubaka uyu mwuga mu Rwanda rutumbereye iterambere ritagira uwo riheza”.

Ngabonziza yakomeje yibutsa abanyamakuru bari mu mwuga uyu munsi, ko ibi bihe byo Kwibuka byababera ishuri.

Ati “Kuri mwe abanyamakuru bagenzi banjye, ibi bihe bigomba kutubera ishuri n’umuburio ukomeye. Amateka mabi y’Igihugu cyacu, yatweretse ko ikaramu n’ijambo bishobora gusenya cyangwa kubaka. Ibuka ko hari bamwe bari bafite inshingano zo kugeza ukuri ku baturage, ariko bakaza guhinduka abashishikariza kujandama mu cyaha, no kuba umuyoboro n’umuzindaro by’imvugo zihembera urwango zagejeje Igihugu kuri Jenoside”.

Ati “Uyu munsi ni uwo kuvugurura isezerano ryacu, twirinde kuba umuyoboro w’imvugo zihembera urwango. Tugomba guhesha agaciro bagenzi bacu bishwe turwanya ingengabitekerezo ya Jenoside, twima ijambo abahakana bakanapfobya Jenoside n’abifuza gusenya Ubumwe n’ibyo Abanyarwanda bagezeho. Umwuga wacu ugomba kuba urumuri rw’Ubumwe, Ubwiyunge n’Ubudaheranwa bw’Abanyarwanda, dukumira amacakubiri aho yaba aturutse hose”.

Yakomeje avuga ko nubwo abantu bafite agahinda, ariko banafite icyizere cy’ubuzima bw’ejo, ndetse anashimira ubuyobozi bw’Igihugu bwatanze amahirwe yo kwisanzura, no kubaka itangazamakuru rishingiye ku ndangagaciro z’Ubunyarwanda, anasaba abanyamakuru kudapfusha ubusa ayo mahirwe.

Ayinkamiye Louise

Ayinkamiye wari ufite imyaka 11 mu gihe cya Jenoside, yarokokeye i Nyange mu Karere ka Ngororero, muri Komine Kivumu icyo gihe, ari na ho umuryango we wari utuye, nk’uko yabigarutseho kuri uyu wa 9 Mata, mu kiganiro kuri KT Radio, cyibanze ku ruhare rwa RPF-Inkotanyi ku hazaza h’abari bato mu gihe cya Jenoside.

Ayinkamiye avuga ko mbere ya Jenoside iwabo bari umuryango mugari, w’abana barindwi n’ababyeyi, we akaba yari umwana wa gatandatu, aho avuga ko bari babayeho neza, ariko Jenoside ibaye bamwe bicirwa muri Kiliziya ya Nyange aho bari bahungiye, abandi baratatana, nyuma ya Jenoside yisanga mu buzima bugoye, mbese bw’ubwihebe.

Agira ati “Icyangoye cyane ni ukuntu ubundi nari mfite ababyeyi bombi, mfite bakuru banjye, abana tungana twari duturanye twakinaga, mbese jyewe ntacyo nabazwaga uretse kubyuka nkajya kwiga, nyuma nkisanga nsigaranye na mama, wari ufite ibikomere, ari njye witwa mukuru wo kumuhoza. Abavandimwe twarokokanye, ni gasaza kanjye gato, mukuru wanjye we twamubonye nyuma y’imyaka ine ndetse na musaza wanjye mukuru wari waragiye mu gisirikare na we twamubonye byaratinze, urumva ko bitari byoroshye”.

Ati “Bwari ubuzima bw’ubwigunge, turiho ariko tutazi aho twerekeza. Ni ibintu bikomeye twisanzemo, nyuma ya Jenoside yamaze iminsi 100, twararokotse ariko utabona imbere hawe aho ari ho”.

Akomeza avuga ko kugira ngo ubuzima bugaruke byatinze, cyane ko iwabo bari barahashenye, mbese we n’umubyeyi we ari abo gutekererezwa, gusa ngo ntibatereranywe kuko RPF yabitayeho.

Ati “RPF yahagaritse Jenoside, ariko ikanakomeza kutwitaho, kuko nkanjye nabonaga bambwira ngo njye ku ishuri ariko ntumva neza ibyo ari byo. Umubyeyi wanjye yari yararokokeye i Kabgayi, ubwo ni ho twakomereje ubuzima muri icyo gihe, nkomeza kwiga ndangiza amashuri abanza njya mu yisumbuye, gusa na bwo nari ntarabona icyerekezo. Nabonaga batuzanira ibikoresho ntazi aho biturutse, ngeze mu wa gatatu FARG itangira kutwishyurira minerval, mbese ubona Igihugu kitwitayeho, natwe twisungana, ubuzima burakomeza”.

Ayinkamiye avuga ko nyuma yo kurangiza ayisumbuye, yagize umugisha wo kubona uko yiga Kaminuza muri benshi bari babikeneye, acumbikirwa hamwe n’abandi bari bahuje ikibazo, bakajya baganira bahumurizanya, gusa ngo kugeza ubu aba yumva afite umwenda.

Ati “Aho nacumbikiwe hamwe n’abandi ni ho nigiye ubuzima, kuko aho twabaga ababyeyi baradusuraga, bakatwubaka mu marangamutima, bakadukomeza, bakatubwira ko tugomba kubaho, baduha inka z’urukundo (abo twari kumwe tubiziranyeho). Baratubwiye ngo tugomba kuba itara rimurikira abandi, ubu rero mba numva mfitiye ideni abo bantu bararaga bataryamye kugira ngo tugire ejo hazima”.

Ayinkamiye asaba Abanyarwanda, cyane cyane abarokotse Jenoside, gukomeza gutanga umusanzu wabo mu kubaka Igihugu, mu gukomeza gushimira ineza bagiriwe.

Ati “Ndabasaba gutanga umusanzu mu buryo bumwe cyangwa ubundi, mu kurushaho kwereka abaturokoye, ko bataruhiye ubusa kuko Igihugu gihari, nubwo mbizi neza ko babibona. Njya mbaza abahungu banjye batanu nabyaye, nti ese murumva muzaba iki? Mba numva mu mahitamo meza bose bagira, bambwira bati tuzaba abasirikare, tuzaba abapolisi, cyangwa se aba RIB. Sinirengagije ko abo basirikare n’abapolisi barara bataryamye, gusa ndashima umutekano Igihugu cyaduhaye, nkaryama nkizigura, mba numva rero imbaraga zanjye zose naziha Igihugu”.

Akomeza avuga ko mu gihe cya Jenoside kuryama bari barabyibagiwe, kuko ngo umuntu yihengekaga gato amafirimbi akaba aravuze, bakababyutsa ngo bajye kwihisha ku buryo byari byarabahungabanyije, none ubu ngo araryama agasinzira, haba hari n’ubutumwa butangwa bigakorwa neza, ati “ubuzima bw’Umunyarwanda bufite agaciro karemereye cyane”.

Gen. El Hadji Babacar Faye

Yabigarutseho kuri uyu wa Gatatu tariki 8 Mata 2026, ubwo yari mu Nama Mpuzamahanga irimo kubera i Kigali, yibanda ku gukumira Jenoside.

Gen. Faye yabivuze ahereye ku basirikare b’Ababiligi bari kumwe muri MINUAR, ariko bakaza gusubira iwabo nyuma y’aho hari bagenzi babo bari bamaze kwicwa.

Ati “Iby’Ababiligi bafatwaga nk’Abatutsi bifite aho bihuriye n’umubano wari hagati y’u Rwanda n’u Bubiligi. Hari Ababiligi benshi bari barashatse Abatutsikazi, urumva rero ko hari ukuntu babihuzaga. Ikindi tugarutse ku ihanurwa ry’indege ya Habyarimana, hari abavugaga ko Ababiligi babigizemo uruhare, ibyo ni ibintu byagiye byinjizwa mu baturage. Ababiligi bageze aho bafatwa nk’Abatutsi rwose, cyane ko abasirikare babo 10 bishwe mu masaha ya mbere Jenoside itangiye”.

Ati “Ibyo rero byatumye itsinda ry’Ababiligi ryari muri MINUAR basubira iwabo, kandi Ababiligi ni bo bari bagize igice kinini cy’abasirikare bari muri MINUAR. Urumva rero kubicamo abasirikare 10, byatumye batongera kubemerera kuguma mu Rwanda. Ni ngombwa rero ko Afurika ikanguka, ikamenya ko ibibazo byayo bitazakemurwa n’u Burayi cyangwa Amerika. Ibyo bihugu iyo bibonye umuntu wabyo apfuye, biraduta bikigendera, ni ngombwa ko Abanyafurika barengera abandi Banyafurika”.

Gen. Faye yakomeje avuga ko ibyo bigisha abasirikare bato biba bishingiye ku mateka, aho byagenze neza n’aho byagenze nabi, ibyo bakabyigiraho.

Ati “Amateka y’igisirikare adufasha kumenya buri munsi ibyo abo basirikare bagenderaho, icyo bakwifashisha igihe habaye ikintu runaka, ukavuga uti hari umukurambere w’umusirikare kuri iki kintu yabigenje atya, njye nakora gutya mbyifashishije. Ibyo rero bigena uko abantu bitwara, bikanafasha gushyira abaturage ku murongo, ushingiye ku ngero nziza”.

Akomeza avuga ko ari ngombwa ko icyabaye hano mu Rwanda mu 1994 kidakwiye kongera kubaho, ariko abantu bakaba bazi neza uko byagenze, uko abantu bagiye batotezwa, bikagera kuri Jenoside.

Ni ubuhamya Karangwa yatanze kuri uyu wa Kabiri tariki 7 Mata, mu mugoroba wo Kwibuka ku nshuro ya 32 Jenoside yakorewe Abatutsi mu 1994.

Ni igikorwa cyabeye muri BK Arena, cyitabirwa na Perezida Paul Kagame na Madamu Jeannette Kagame, n’abandi bayobozi, urubyiruko n’abandi, aho cyabanjirijwe n’urugendo ruzwi nka ‘Walk to Remember’.

Karangwa wari ufite imyaka 21 mu gihe cya Jenoside, avuga ko ubuzima babagamo butari bworoshye, kuko Abatutsi bakorerwaga irondabwoko, aho hari harashyizweho politiki y’iringaniza, yabahezaga mu mashuri ndetse no mu kazi.

Icyakora ku bw’amahirwe, ngo mu 1980 hasohotse itegeko ryemera amashuri y’abigenga, nuko ababyeyi barebwaga n’icyo kibazo bishyira hamwe bashinga ishuri ryigenga rya APACOPE riri ku Muhima, ari na ho Karangwa yabashije kwiga amaze kurangiza amashuri abanza, gusa na ho ngo ntibyari byoroshye.

Agira ati “Nubwo byari nk’igisubizo ku babyeyi, ariko ishuri ntiryorohewe, bararinanije ndetse abahize ba mbere ubwo bari barangije, dipolome zabo bazishyiriye Minisitiri w’Uburezi ngo azisinyeho ahubwo arazica, avuga ko abo banyeshuri bakopeye. Ntibyari byo, ahubwo ni uko iryo shuri bavugaga ko ari iry’Abatutsi, bwari uburyo bwo kubabuza uburenganzira bwabo."

Akomeza avuga ko uru rwango rwakomeje, cyane ko mu byangombwa habaga harimo ubwoko bw’umuntu, bityo kumenya Abatutsi bikoroha, noneho bigeze mu 1990 ubwo urugamba rwo kubohora Igihugu rwatangiraga, biba bibi kurushaho.

Ati “Urugamba rwo kubohora Iguhugu rugitangira, mu ijoro abasirikare bo kwa Habyarimana barashe mu kirere, bukeye bazindukira mu ngo z’Abatutsi gusaka imbunda ngo ni bo baraye barasa. Iwacu na ho barahaje, batwicaza muri ‘salon’ twese, bazenguruka ibyumba, bageze mu cy’ababyeyi hari udufaranga bahasanze, umusirikare wayafashe ati ni amafaranga y’inyenzi, babibajije papa arabahakanira, abwira bagenzi be ngo bagende bajye kwiga iby’ayo mafaranga y’inyenzi, gusa byatumye papa batamutwara”.

Nyuma yaho ariko uwo mubyeyi wari usanzwe arwara umutima, yaje kuremba bamujyana mu bitaro bya CHK (CHUK ubu). Mushiki wa Karangwa wari umurwaje, ngo abasirikare baje kumubona bamwaka ibyangombwa basanga ni Umututsi, bahita bavuga ko muri ibyo bitaro harimo inyenzi, bashyiraho abasirikare bo kuhacunga kugira ngo Umututsi uhaje afatwe. Gusa ngo ntibyatinze kuko uwo mubyeyi yaje kwitaba Imana azize umutima.

Karangwa avuga ko yakomeje kwiga kuri APACOPE ariko bigoranye, ku buryo mu nzira babategaga bakabakubita iyo bamenyaga ko ari ho biga, mu kwirengera bagahisha ibiranga iryo shuri byo ku myenda (uniform).

Bigeze mu 1994, aha ho ngo byarabakomeranye, ati “Ku itariki 7 Mata ku mugoroba, nari ku muhanda hamwe n’abandi bahungu, mbona mu rugo bantumyeho ngo dutahe byakomeye. Hari umuryango wabaga i Burundi, wari uhamagaye mu rugo bababwira ko indege yari itwaye Perezida w’u Burundi na Habyarimana yarashwe kandi bapfuye, ubwo ibintu byarushijeho kumera nabi”.

Avuga ko icyo gihe yagiye ku kigo cy’Abacalcuta bari baturanye kubasaba ubuhungiro, bababwira ko bemera abagore, abakobwa, abana n’abasaza gusa, ko abasore babateza ibibazo, nuko ajyanayo abo mu muryango we.

Nyuma ngo yagarutse muri karitsiye yabo, we n’abandi basore babiri bakavuga ko bazahangana n’interahamwe nizibatera, gusa ngo baje kuva ku izima bashaka aho bihisha, bajya muri ruhurura yajyanaga amazi ku Kinamba, bagezemo basangamo uwitwa André Kameya wari umunyamakuru, afite icupa ry’amazi n’akaradiyo, arabahumuriza.

Karangwa ati “Yaratubwiye ngo mwihangane, mu minsi itatu uzaba akiriho ntacyo azaba, kuko Inkotanyi zavuze ko nibadahagarika ubwicanyi zo ziza kubwihagarikira. Iyo ruhurura twayimazemo iminsi ibiri dufite icyo cyizere, ariko rya cupa ry’amazi twanywaga turi bane ryari ryashize. Nafashe icyemezo na mugenzi wanjye cyo gusohoka ngo tujye gushaka andi mazi, gusa twagiye igihe kibi kuko twasanze uwari Konseye witwaga Nyirabagenzi yahamagaye Renzaho, amubwira ko Abatutsi bo muri Rugenge bashaka kwica Abahutu”.

Yungamo ati “Tukigera aho iwacu, twumvise induru, abasirikare baba baraje barasa, twiruka mu kivunge, ninjira mu nzu yarimo abasore batahigwaga bakinaga amakarita, mpitira mu cyumba mpisha indangamuntu ndagaruka nanjye mfata amakarita ngo njijishe. Umusirikare wari wankurikiye, yaraje arabaza ngo nta muntu winjiye aha, mba ari jye usubiza nti ntawe. Yatwatse ibyangombwa, jye ntanga ikarita y’ishuri ya APACOPE, arabaza ati ariko ubundi abari hano bose ni abacu? Umugore wari uri aho ati bose ni abacu uretse uwo, avuga jye”.

Uwo musirikare ngo yahise amushorera, bageze ku rugo rwari hafi aho amwereka intebe yari ihari ngo agende ayicareho, undi musirikare abwira uwo wari umushoreye ngo namwice vuba bagende. Ngo yahise amurasa isasu mu mugongo ritunguka mu ijosi yikubita hasi, bamusiga aho baragenda.

Gusa ngo hari mugenzi we wari hafi aho, yaje kumureba, azana igitambaro amuzirika mu ijosi kubera amaraso yavaga cyane, hanyuma aramutabariza, noneho uwari Padiri Anaclet araza amujyana kwa muganga CHK, gusa na ho kumwitaho biragorana, icyakora abona umubyeyi yari azi wavuraga aho, amwitaho, amushyira ahantu heza (muri Pavillon) kugeza yorohewe.

Icyakora ngo hakundaga kuzamo abasirikare bagafatanya n’abaganga, abantu bamwe bakabatwara bakajya kubica, gusa we ngo yari ataragerwaho, ariko rimwe ari ku mugoroba haza umuntu aramugambanira.

Ati “Byaje gukomera rimwe, ubwo hazaga umukobwa aransuhuza, ambaza amakuru nti nta kibazo, arambwira ati ariko ndabona nkuzi, nturi uwo kwa Karangwa? Kubera ko papa yari umwarimu ariko unarebera andi mashuri arimo n’ikigo cya Camp Kigali, aho uwo mukobwa yize, yari amuzi. Yambajije icyo nifuza ko yamfasha, mubwira ko nifuza gusubira mu rugo, ambwira ko afite musaza we w’umusirikare ufite imodoka yamubwira akaza akamujyana”.

Ati “Aho gukora ibyo yaragiye atanga amazina yanjye, mbona haje umusirikare arabaza ngo uwitwa Karangwa ni nde nti ni jyewe ahita anshorera. Umuhungu wari hafi yanjye yihutiye kubwira famille yanyitagaho, bahita baza babuza wa musirikare kunjyana, ariko arababwira ati uyu mwana mutubuza kujyana ni inyenzi, ubutaha tuzabajyanana. Nagarukiye aho biciraga abantu inshuro eshatu”.

Muri CHUK ngo habereye amahano akomeye, aho "umudogiteri yafatanyaga n’umukozi ushinzwe isuku guhiga no kwica abatutsi."

Ngo akenshi, abantu babasangaga mu ihema ryashyirwagamo abantu b’inkomere, dore ko ngo bari bamaze kuba benshi, nuko interahamwe/abasikare bakaza bagaftamo abatutsi bakabica. Ngo kenshi babiciraga ku buruhukiro bw’ibitaro.

Avuga ko yaje kuva mu bitaro, asubira mu gace k’iwabo ariko na ho ngo hari interahamwe, ahura n’uwitwa Rumanzi ajya kumuhisha mu nzu, asangamo undi mwana witwa Maridadi, wari ufite bashiki be bahungiye muri Mille Collines.

Ati “Baje kumenya aho Maridadi ari kandi ko turi kumwe, baha amafaranga Abajandarume baraza batujyana muri Mille Collines natwe, gusa na ho nta mutekano wari uhari. Twaje gukizwa nuko habayeho kugurana impunzi, jye n’abandi duhitamo uruhande rwa FPR, byagenze neza hahita haza abasirikare ba UN n’imodoka batujyana i Kabuga, tugezeyo tubona amahoro, tubona abasirikare batubwira ngo muhumure, baratuvura, batwereka urukundo, baduha byose”.

Yashimiye byimazeyo Perezida wa Repubulika n’Ingabo yari ayoboye zabatabaye, none ubu ntibakirara mu bihuru, bafite umutekano wose, yabaye umugabo wize, ufite umugore n’abana batatu.

Ngiruwonsanga yagarutse ku buhamya bwe kuri uyu wa Kabiri tariki 7 Mata 2026, ubwo yari mu gikorwa cyo gutangiza Kwibuka ku nshuri ya 32 Jenoside yakorewe Abatutsi mu 1994, cyabereye ku rwibutso rwa Kigali ku Gisozi, igikorwa cyayobowe na Perezida Paul Kagame, kikitabirwa n’abandi banyacyubahiro benshi.

Ngiruwonsanga wari umwana w’imyaka 14 wigaga mu mashuri abanza mu gihe cya Jenoside, avuga ko mbere ya Jenoside gato imiryango y’Abatutsi n’uwabo urimo, yari itunzwe n’ubwoba.

Avuga ko n’aho yigaga bahoraga babatoteza ku buryo yabonaga ko hari ikintu kibi kibategereje.

Ati “Aho twigaga ku mashuri twaratotezwaga, abana twigana bakadutoteza, abarimu bakadutoteza, bagira bati benewanyu bateye Igihugu ariko muzabyishyura. Twabayeho mu bwoba, umuntu akabona ko byanze bikunze hari ikintu bihatse kandi gikomeye. Imbarutso rero yabaye urupfu rwa Habyarimana, kuko tumaze kumva ko yapfuye papa yafashe icyemezo cy’uko duhunga anadusaba kugenda dutatanye, nkibuka ko njye najyanye na we”.

Akomeza avuga ko bahungiye ku rusengero rwa ADPER rw’ahirwa Mukoma, bahasanga n’abandi Batutsi benshi, baraharara ariko bukeye ba nyiri urusengero bahageze barabasohora, bababwira ko badashaka ko amaraso y’Abatutsi abamenekera mu rusengero, ngo bashake aho bajya ku gasozi.

Nyuma ngo bahungiye ku rundi rusengero ariko rwo rw’Abadivantisiti b’Umunsi wa karindwi rwari hafi aho, ariko na ho ntibahatinda, gusa icyo gihe ngo bari bamaze gutandukana na se.

Ati “Bigeze nka saa tanu interahamwe ziraza zibwira abagore bari bahari ngo babahe abana bajye kubaha ibiryo baticwa n’inzara. Nta biryo byari Bihari, bwari uburyo bashakaga gukoresha ngo batoranyemo abana b’abahungu babice babamare. Baradusohoye, njyewe nk’umwana numvaga koko ko bazanye ibiryo, ndavuga nti reka njye kubirya. Badushyize ku murongo, bakuramo abakobwa babashubiza ba nyina, twebwe batujyana ku cyobo twageraga nko ku 120 ndabyibuka, baturuka ruhande batema”.

Ati “Aha rero ni ho naganiriye n’urupfu, ndarubaza nti wa rupfu we, uku ni ko ngiye gupfa? Rusansuzugura ntirwansubiza. Interahamwe yitwa Gasota yubuye amaso yihanagura amaraso, areba muri wa murongo arambona, aravuga ngo iki cyana si icyo kwa mwarimu Kageruka, ngo urakora iki hano? Batubwiye ko so yahungiye ino, va muri uwo musitari wowe urabanza utweke aho so ari, awunkuramo arakomeza aratema. Indi nterahamwe yaramwongoreye sinzi icyo yamubwiye, mbona irantwaye injyana iwayo aho yari ituhe hafi aho”.

Iyo nterahamwe yambwiye iti “nturi umwana wo kwa Kageruka, hano urahasiga ubuzima. Shaka ukuntu uva muri iki gice usubire iwanyu i Shangi, i Mukoma byakomeye ntiwaharokokera. Nihishe mu bishyimbo, mu mvura nyinshi cyane, ku mugoroba nsubira kuri rwa rusengero nsanga abavandimwe banjye babiri baracyahari dusubira iwacu i Shyangi”.

Akomeza avuga ko kugenda byari bigoye cyane kubera amarondo y’interahamwe, ku buryo urugendo bagombaga gukoresha iminota 30, rwabafashe umunsi n’amajoro abiri, kuko byabasaba kwihisha buri uko bumvise abantu.

Bageze iwabo, bajya kwa se wa Batisimu, umugore we na we ababwira ko nta mutekano bahabona kuko uwo se wa batisimu na we ngo yashoboraga kubiyicira, barongera bajya kwihisha, noneho bajya mu ishyamba ry’umuzungu aho i Shyangi.

Muri urwo rugendo ariko nabwo ntibyaboroheye, ati “Twageze ku Kivu tuhasanga umwana utuzi arimo kuvoma, aba avugije induru ati dore Abatutsi bo kwa Kageruka. Turakomeza turiruka, interahamwe zituri inyuma, twinjira muri rya shyamba, tujya mu kirundo kinini cy’ibyatsi bari baharunze, zihageze ziradushaka hafi amasaha 2 ziratubura ariko zitwika bya byatsi turimo ziragenda. Gusa ku bwa Nyagasani kubera ko hasi byari bitose umuriro ntiwatugezeho, tuza kuvamo nimugoroba”.

Ati “Ubwo twerekezaga i Shangi, ndetse tugenda mu muhanda nyabagendwa, tugiye kugera kwa padiri, twaguye kuri bariyeri y’interahamwe yitwaga Bonaventure. Dusanga bacanye barya inyama banywa byeri, basoma urutonde rw’abapfuye, abatarapfa…, mbese Jenoside yari yarateguwe. Bahita babwira uwo Bona bati dufashe abana bo kwa Kageruka, ati nimubabike nimbyuka ndabica. Ndongera nganira n’urupfu, ndarubaza nti igihe nirukankiye, nkaba nari ngiye kugera aho abandi bari, ni aha ngiye gupfira?”

Avuga ko muri ako kanya haje abantu bashoreye inka bazirukankana, abari babarinze kuri ya bariyeri na bo bariruka ngo barazibamaranye, ni uko bo barabibagirwa, bahita babacika birukankira kwa padiri ahari abandi, nubwo mbere yo kuhagera na bwo abajandarume babanje kubaryamisha hasi, nyuma bakabarekura ngo bazapfane n’abandi.

Ati “Ninjiye muri Kiliziya, nsangamo abandi Batutsi benshi, nta cyo kurya, nta cyo kunywa, mbese ubuzima bushaririye, gusa mpasanga mama ambaza ibya papa mubwira ko bamwiciye i Mukoma. Abapadiri twahungiyeho, Musenyeri yaraje arabatwara, dusigararana n’umupadiri umwe witwa Mategeko Matus, wari umwambari w’interahamwe. Icyo yakoraga kwari ukuzana abicanyi bagatwara abagore bajya gufata ku ngufu, cyangwa bagatwara abo bashakaga kujya kwica. Uwo mupadiri ubu arafunze yakatiwe burundu”.

Yungamo ko interahamwe zabateraga aho buri munsi ariko na bo bakirwanaho n’amabuye n’imyase, ariko ngo uwari Superefe Munyengabe, yaje kubabwira ngio bareke kuzirwanya ntizizahagaruka. Ngo yafashe abagabo barimo bakomeye barabatwara basigara nta mbaraga, noneho bukeye haza interahamwe zicamo abantu bagera kuri 200.

Avuga ko bitarangiriye aho, kuko bugorobye ngo haje igitero simusiga, cyica abari basigaye, ariko na bwo ararokoka.

Ati “Nagiye kuri alitari ndaryama, abandi bantu benshi banyirundaho, interahamwe ziraza ziradutemagura, ariko jye kubera ko nari munsi ntibangeraho, gusa nari nuzuyeho amaraso ku buryo nanayanyoye. Bukeye zaragarutse na bwo ziramfata, zimpa umwana twiganaga ufite icumu ry’ingobe, ngo anjyane ku cyobo aho bitaga kuri ‘Croix Rouge’ ngo anyice. Turi mu nzira uwo mwana witwa Kamanutse ndamubaza nti ubu ugiye kunyica turapfa iki? Ati ndakwica ubu Abatutsi mwaremewe gupfa. Tugeze kuri cya cyobo, wa mwana na we abonye ibihabera agira ubwoba, arangaye gato ndiruka ndamucika”.

Akomeza avuga ko yasubiye kwa Padiri, ariko nyuma y’igihe bakusanya Abatutsi bose babajya i Nyarushishi nubwo na ho ubwicanyi bwakomeje, kandi hari muri ‘Zone Turqoise’. Aho ngo Abasirikare b’Abafaransa baje kuhagera, ariko ngo ntibabarinze na mba, kuko uwo interahamwe zashakaga kwica zaramutwaraga bahari, kuko bo ngo bari bashishikajwe no gufata ku ngufu abagore n’abakobwa.

Uko yarokotse

Ngiruwonsanga avuga ko byageze mu kwa munani baranegekaye, ariko ngo abari bagihumeka babonye ubutabazi.

Ati “Imana ntijya yemera ko abantu bayo bapfira gushira. Mu kwa Munani twagize gutya tubona Inkotanyi zirasesekaye, dutinda kubyemera, ibyishimo biraturenga. Nabonye akamodoka ka Hilux gahingutse karimo abasirikare bicaye bateranye imigongo. Baraza binjira mu nkambi, baraduhumuriza, baratubwira ngo utarapfa ntacyo akibaye, turokoka gutyo”.

Ati “Ndashimira cyane Inkotanyi, zari ziyobowe na Nyakubahwa Perezida wa Repubulika, mwarakoze cyane. Mwarakoze mu izina ryanjye, no mu rya bagenzi banjye twarokokanye. Iyo ataba Inkotanyi, uyu munsi nanjye mba ndi mu rwibutso. None ubu narokokeye mu gihugu kirimo amahoro, kirimo ubuzima”.

Ngiruwonsanga ubu ngo yishimira ko yize akarangiza kaminuza, akaba ari n’umubyeyi w’abana bane kandi na bo bariga, abavandimwe be barokokanye ngo yarabashyingiye, ibi byose ngo yabigezeho kubera Inkotanyi kuko iyo zitahaba ntaho yari kubikorera.

Kureba andi mafoto, kanda HANO

Ibi Minisitiri Uwihanganye yabigarutseho ashaka gusubiza abibaza impamvu igiciro cy’ingendo ari kimwe haba ku modoka zinywa Mazout cyangwa Lisansi, haba no ku modoka z’amashanyarazi, mu gihe zo nta bikomoka kuri peteroli zinywa kandi ari byo ibiciro byabyo byazamutse.

Mu kubisobanura, Minisitiri Uwihanganye yagize ati “Igiciro cyashyizweho cyo gutwara abagenzi ni icyo kutarenza, bivuze ko abari muri uyu mwuga bashobora kugabanya. Ikindi ntituragira kompanyi zifite imodoka nyinshi z’amashanyarazi, zifite izitandukanye, iyo tureba ibibagendaho tureba icyarimwe. Nubwo tuvuga ko ibiciro by’ibikomoka kuri peteroli ari byo byazamuye iby’ingendo, hari n’ibindi nk’ibyuma bisimbura ibishaje, amapine, ubukanishi… na byo byarazamutse ku rwego rwo hejuru, kandi ibi n’imodoka z’amashanyarazi zirabikenera”.

Ati “Ahubwo imodoka z’amashanyarazi zaradufashije kugira ngo ibiciro bitazamuka cyane, ubu twagombye kuba twarazamuyeho 120% ariko twazamuyeho 35%. Abari muri uyu mwuga twarababwiye tuti nibura hari ikintu kibafasha kugabanya ibiciro, twakuyeho kandi imisoro, mbese biri mu bituma tutazamura ibiciro dukurikije uko ibya peteroli byazamutse. Ubwo rero ni uburyo bwo kudufasha kugira ngo igiciro kidatumbagira cyane”.

Akomeza avuga ubu ari n’uburyo bwo guteza imbere politiki ya Leta yo gukoresha imodoka z’amashanyarazi, cyane ko ngo nk’ikigo gifite 50% by’imodoka z’amashanyarazi, cyunguka kurusha igifite iza Mazout.

Minisitiri Uwihanganye asaba Abanyarwanda gukora ibishoboka byose bakagabanya ibyo bakoreshaga mu ngendo, cyane ko Igihugu n’Isi muri rusange biri mu bihe bidasanzwe, kuzigama bigahabwa agaciro.

Ati “Birasaba ko buri muturage afata ingamba z’ibihe bidasanzwe, amashanyarazi ucana mu rugo utangire kwiga kuyazimya, abafite imodoka mu muryango mukagenda muri imwe, byaba byiza ikaba iy’amashanyarazi, mu guteka ukarushaho kurondereza Gaz. Ingendo ukore iza ngombwa, kandi nunagenda aho bishoboka ukoreshe bisi, zifite isuku nta kibazo kandi zigenda neza”.

Ati “Izo ni ingamba tugomba gufatanyamo nk’Abanyarwanda, tugatangira gutekereza ku ngaruka mbere yuko zitugeraho. Ibi ni byo bizaturinda za ngaruka tubona ahandi, twirinda ko twagera aho tuzajya kunywa lisansi bakatugerera, bati nturenza iyi”.

Minisitiri w’Ubucuruzi n’Inganda, Prudence Sebahizi, avuga icyo kugerera Lisansi cyangwa Mazout ikinyabiziga gishobora kugera mu Rwanda, kuko iri zamuka rikora ku bukungu bw’Igihugu.

Ati “Ibi na byo bishobora kuzabaho mu Rwanda, iyo dufata ingamba zo kubagerera, ntabwo uba ureba gusa peteroli n’uyikoresha, ahubwo tureba ubukungu bw’Igihugu muri rusange. Uyu munsi niba dusohora Miliyoni 700 z’Amadolari buri mwaka ajya hanze kugura ikomoka kuri peteroli, ni amafaranga menshi cyane, ni ukuvuga ko peteroli yonyine ishobora guteza izamuka ry’ibiciro, bidacunzwe neza rero twaba turimo kwiteza ikindi kibazo cy’ubukungu abantu batarimo guhita ababona”.

Icyo aba bayobozi bahuriraho, ni ugusaba Abanyarwanda gukoresha neza ibyo bafite, Lisanzi na Mazout biri mu gihugu bikoreshwe neza, kuko Leta yo irimo gukora ibishoboka ngo igabanye ingaruka z’ibi bihe bidasanzwe, ariko ngo nta cyagerwaho abaturage badashyizeho akabo.

Minisitiri Uwihanganye avuga ko ikibazo cy’umuriro kirimo kugaragara cyane mu gihugu, giterwa ahanini n’uko uwo abawukoresha bakenera wabaye mwishi kurusha uhari.

Agira ati “Iki kibazo ntaho gihuriye na Iran, ahubwo kirajyana n’iterambere ry’Igihugu, inganda, Abanyarwanda baratera imbere, ku buryo umuriro ukenerwa wabaye mwinshi ugereranyije n’uwo dutanga. Nko muri Gashyantare uyu mwaka, twageze ku rugero rwo gukoresha umuriro mwinshi rutigeze rubaho, bivuze ko byihuse cyane kurusha uko twabiteganyije”.

Ati “Iyo bigenze gutyo rero, umuriro dukenera wose ntitwawukorera mu gihugu, turawugura hanze. Dusanzwe dufite umuriro tugurisha hanze ariko natwe hari uwo tugurayo, kubera rero ko tuba twahuje imiyoboro, iyo ikibazo kibaye hamwe kigira ingaruka kuri twese. Ibibazo rero tugize iminsi tubona by’ibura ry’umuriro, akenshi bituruka kuri iyo miyoboro tuba dufatanyije n’abaturanyi, iyo umuyoboro uvuyeho wose, imashini zikoreshwa aho kugira ngo zipfe zirazima kandi nta bushobozi dufite bwo kubikora”.

Akomeza avuga ko hari n’igihe umuriro uba muke ukoherezwa mu nganda kugira ngo zidahagarara kuko byateza igihombo kinini, ari byo bituma usanga umuriro wabuze mu duce runaka abantu bakitotomba.

Ingamba zafashwe zo gukemura iki kibazo

Mu ngamba zafashwe hari ukongera ubushobozi bw’inganda zitanga amashanyarazi, aho nk’urwa Nyiramugengeri rwa Gisagara rutanga Megawatt 20, uyu mwaka uzarangira rutanga Megawatt 70.

Ikindi ni ukubaka inganda nshya zongera umuriro, nk’uko Minisitiri Uwihanganye akomeza abisobanura.

Ati “Dufite gahunda yo gushyiraho inganda nshya zizaduha nibura Megawatt 500 muri 2028, inyinshi muri zo zizaba ari izifashisha imirasire y’izuba. Ikindi ni uruganda rwa Nyabarongo ya kabiri rurimo gukorwa ndetse na Rukarara ya kane irimo gukorwa, zizatanga hafi Megawatt 50. Hari n’inganda nini turimo gukora, nk’urwo Guverinoma yemeje ruzatanga Megawatt 185 kugeza muri 2029. Ikindi ni ingufu za Nikeleyeri Umukuru w’Igihugu ashyizemo imbaraga, nubwo byo bizahera muri 2030 gukomeza”.

Ati “Indi ngamba ni umushinga wo kurinda imiyoboro yacu, gusa wo utwara umwanya munini uri hagati y’umwaka n’umwaka n’igice. Bizatuma mu gihe habaye ibibazo mu miyoboro y’abo duturanye, nibura tumara umwanya, tukaba twanabwira abantu ko mu gace runaka umuriro ugiye kubura kubera imirimo irimo gukorwa, ariko nibura tukarinda umuriro wacu”.

Yungamo ko ikibazo cy’umuriro cyahagurukiwe bihagije, ku buryo n’imishinga yagendaga gahoro yatangiye kwihutishwa.

Iby’iki kibazo cy’ibura ry’umuriro rya hatona hato, cyagarutsweho ku Cyumweru tariki 05 Mata 2026 mu kiganiro ‘Urubuga rw’Itangazamakuru’, cyibanze ku ngamba z’u Rwanda mu guhangana n’ingaruka z’izamuka ry’ibiciro by’ibikomoka kuri Peteroli.

Imihango y’ubukwe bwabo bwabereye mu Karere ka Nyagatare kuri uyu wa Gatandatu tariki 4 Mata 2026, yabanjirijwe no gusaba no gukwa, nyuma basezerana imbere y’Imana mu rusengero rwa Gasinga Miracle Centre i Rwempasha.

Ubwo bari mu rusengero, mu gihe Pasiteri yabasezeranyaga, Kibonge yahawe umwanya wo kubwira umugore we amagambo meza yamuteguriye, maze agira ati “Njyewe Mugisha Emmanuel, ndagukunda, nzakomeza ngukunde, iri ni ryo tangiriro. Urwo nagukunze rwose, uko rwaba rwiza kose, nagiraga ngo nkubwire ngo narishyushyaga, ubu ni bwo ngiye kugukunda”.

Clapton Kibonge n’umugore we bari berekanywe mu rusengero nk’abagiye kurushinga nubwobari basanzwe babana, ku itariki 15 Werurwe 2026, mu rusengero rwa Healing Center Church ruherereye i Remera mu Mujyi wa Kigali, bakaba bari bashagawe n’abana babo batatu ndetse n’inshuti n’abavandimwe babo.

Clapton Kibonge, imbere y’imbaga yamutahiye ubukwe, yemereye umugore we, Ntambara Jacky, ari we mugore we wemewe n’amategeko, amusezeranya ko azamukunda, azamuhumuriza, azamwubaha ndetse ko azamurinda, kandi ko azamufasha mu buzima bwabo bwose mu byiza no mu bibi, mu bukire no mu bukene, kandi ko bazagumana iteka ryose.

Bamwe mu byamamare batashye ubukwe bwa Clapton Kibonge n’umugore we Ntambara Jacky, harimo Papa Sava, Junior Giti, Killaman, Alex Muyoboke n’abandi benshi.

Clapton Kibonge azwi cyane mu rwenya, akaba yaranakinnye mu mafilime nyarwanda nka Seburikoko, Byadogereye, Umuturanyi n’izindi nyinshi zakunzwe.

Abantu batandukanye bazwi mu myidagaduro mu Rwanda bitabiriye ubu bukwe

Buri rugo rufite icyobo cyarwo. Kigali yose ni uko iteye kuva ku giti cy’Inyoni cya Nyarugenge kugera Rugende ya Gasabo, no kuva Nyanza ya Kicukiro kugera Bumbogo ya Gasabo, kuva Rebero ya Kicukiro kugera Jabana ya Gasabo na Mageragere ya Nyarugenge

Agira ati “Hano muri Muhima, buri rugo rufite icyobo kijyamo amazi yakoreshejwe. Hari abavuga ibyitwa ‘fosses septiques’ nk’uburyo bwiza kurushaho, ariko benshi muri twe twacukuye ibyobo bisanzwe. Ikidutera impungenge ni uko ibyo byobo bitigera byuzura. None se ayo mazi ajya he?”

Ati “Hari ubwo nibaza niba umusozi dutuyeho utazahirima umunsi umwe kubera ko ubutaka bworohereye bitewe n’ayo mazi. Dushobora kubyuka dusanga inzu zacu zamanutse zerekeza Nyabugogo. Nubwo ntari inzobere, numva iki ari ikibazo gikomeye ubuyobozi bukwiye kwitaho mbere y’uko habaho ibiza.”

Ubushakashatsi bugaragaza ko ingo zo mu Mujyi wa Kigali, zirekura hafi metero kibe 3,240 z’amazi yanduye ku munsi, kandi hafi kimwe cya kabiri cyayo ajya mu bidukikije.

Ibi byagaragajwe muri raporo yasohotse mu 2022 mu kinyamakuru cy’ubushakashatsi ‘International Journal of Scientific and Research Publications’, yakozwe n’abashakashatsi barimo Jean Pierre Bavumiragira, Edwin Kipkrui, Yves Ndizeye, Pascaline Uyisaba na Alex Bazambanza.

Ubu bushakashatsi bwagaragaje ko kubura imiyoboro ihamye itwara amazi yanduye, uburyo butanoze bwo kuyatunganya, ndetse no kohereza amazi arimo imyanda ivanze n’ibindi binyabutabire, bigira ingaruka mbi ku bidukikije cyane cyane amazi yo hejuru n’ayo mu butaka.

Ibice byinshi bya Kigali byubatswe mbere y’uko hashyirwaho Igishushanyo mbonera cy’Umujyi wa Kigali (Kigali City Master Plan). Ibi byatumye ikibazo cy’amazi yanduye gikomera, haba ku bidukikije no ku buzima, kuko ingo nyinshi zimena amazi yakoreshejwe mu byobo, aho kuyanyuza mu miyoboro yabugenewe.

Aya mazi acengera mu butaka, akanduza ibishanga n’inzuzi, akangiza ubuzima bw’ibinyabuzima byo mu mazi, kandi ashobora gutuma ubutaka bwo ku misozi ya Kigali budakomera, bigateza inkangu cyangwa kwangirika kw’inyubako. Inzobere zivuga ko ubwiyongere bw’abaturage bukomeje kongera ubukana bw’iki kibazo.

Amazi ava mu ngo, mu nyubako z’ubucuruzi, mu masoko, ndetse no mu bigo bya Leta birimo amashuri, ibigo nderabuzima, amagereza n’amahoteli, hamwe n’amazi y’imvura ava ku bisenge by’inzu, kugeza ubu nta muyoboro rusange uyakusanya.

Ingaruka ku buzima bw’abantu

Dr Christian Tunga, inzobere mu kurwanya indwara zititaweho, avuga ko amazi yanduye amenwa mu byobo byo mu ngo za Kigali n’ahandi, ari ikibazo gikomeye ku buzima bw’abantu.

Ati “Aya mazi ashobora kugenda mu butaka aturutse aho icyobo kiri, akagenda metero hagati ya 10 na 30. Ibi bituma ibyobo byo mu ngo zitandukanye bihuza ya mazi kugeza ugeze mu bishanga, ari na ho akenshi amazi yo kunywa aturuka.”

Avuga ko ibi bishobora gutuma abantu banywa amazi mabi bigateza indwara zirimo inzoka zo mu nda, impiswi, macinya n’izindi.

Yongeyeho ko abana bakandagira mu byondo by’aho ayo mazi asohokera bashobora kwandura inzoka kuko zibinjiramo, ndetse aho ayo mazi ahagarara hakaba indiri y’imibu itera malaria.

Iki kibazo cyavuzweho no ku rwego rw’Igihugu

Mu kwezi k’Ugushyingo 2023, abagize Sena bagaragaje impungenge kuri iki kibazo mu biganiro bagiranye na Minisiteri y’Ibidukikije, by’umwihariko ku kuba abaturage bashishikarizwa gucukura ibyobo byo kumenamo amazi yanduye.

Senateri Evode Uwizeyimana yatanze urugero rw’uduce tw’imisozi nka Rebero na Biryogo, aho inzu zubatswe kuva hejuru ku misozi zikamanuka kugera hasi.

Yagize ati “Niba umuntu yubatse ahantu hahanamye, none ubwiye uwo haruguru ye ngo nacukure icyobo gifata amazi, ayo mazi ajya mu butaka kandi upfunduye icyobo nyuma y’igihe ntiwayasangamo. Ubutaka rero burayanywa, iyo buyanyoye muri Kigali inzu zose ziri ku misozi ihanamye se bigenda bite? Nimubona inzu zose ziri mu gishanga hariya mu Biryogo ntihazagire umuntu utubwira ngo ntiyari abizi.”

Ubwiyongere bw’abaturage bukomeza kongera ikibazo

Abatuye Umujyi wa Kigali bagiye biyongera uko ibihe bigenda, kuko bavuye kuri 357 mu 1907, bagera ku 236,000 mu 1991 hanyuma baba 1,000,000 mu 2010.

Ibarura ry’abaturage n’ingo rya 2022 (RPHC 5) rikorwa n’Ikigo cy’Igihugu cy’ibarurishamibare (NISR), ryerekanye ko Umujyi wa Kigali utuwe n’abantu 1,745,555 bivuze ko aba bantu bose bafite inzu batuyemo, hakiyongeraho inyubako za Leta, iz’ibigo bitandukanye, amahoteli n’ibindi, aha hose hakaba hava amazi yanduye yoherezwa mu butaka.

Ibi bisobanuye ko hagati ya 2012 na 2022 abaturage biyongereye ku kigero cya 4.4% ku mwaka, bigatuma Kigali iba umwe mu mijyi yo muri Afurika irimo kwaguka vuba. Biteganyijwe ko mu 2032 abaturage bazagera kuri 2,631,832, ubwiyongere burenga 45%.

Impuguke mu bijyanye n’ibidukikije, Dr Abias Maniragaba, avuga ko ikibazo cy’amazi yakoreshejwe ashyirwa mu butaka giteye inkeke, kuko igihe icyo ari cyo cyose gishobora guteza impanuka.

Ati “Niba buri rugo rwo muri Kigali rufite icyobo gifata amazi, ubwo hari ayakoreshejwe yanduye ndetse n’ay’imvura afatwa hagamijwe ko adasenyera abaturanyi. Ayo mazi arakomeza agacengera mu butaka, igihe kimwe akazahura, ubutaka bworohe cyane ubone inzu zimwe zatangiye kwika ndetse zibe zanasenyuka ziteze impanuka”.

Arongera ati “Ayo mazi yanduye kandi yangiza ibidukikije, kuko akenshi aba arimo isabune n’ibindi binyabutabire, akica udukoko duto tuba mu butaka kandi tuba dufite akamaro mu ruhererekane rw’ibinyabuzima. Ikindi ni uko ayo mazi yishakira inzira agakomeza agatemba, akajya kwanduza amazi yo mu bishanga na yo aba arimo ibinyabuzima bigapfa, ndetse kubera ko haba hari abaturage bayakoresha akabatera indwara”.

Inama ku cyakorwa

Dr Maniragaba avuga ko kugira ngo icyo kibazo gikemuke, ari uko hashyirwaho ahantu ayo mazi yose ahurizwa.

Ati “Ariya mazi agomba gushakirwa aho ashyirwa, agasukurwa akongera agakoreshwa, ni bwo icyo kibazo cyazakemuka burundu. Ibi rero nubwo biri muri gahunda za Leta ibicishije mu Kigo gishinzwe Amazi, Isuku n’Isukura (WASAC), ariko natwe abaturage twagombye kugira icyo dukora, kuko niba abantu batujwe ahantu runaka, bagombye guteganya mbere aho ayo mazi ava mu ngo azanyura akagera aho atunganyirizwa, tugakumira ikibazo kitaraba”.

Ikigo gishinzwe Amazi Isuku n’Isukura (WASAC), ku bufatanye n’Umujyi wa Kigali, cyatangije umushinga wo kubaka uruganda rutunganya amazi yanduye ku Giti cy’Inyoni mu Karere ka Nyarugenge. Icyiciro cya mbere cy’uyu mushinga giteganyijwe gutwara Miliyoni 96 z’Amayero (asaga Miliyari 165 Frw).

Urwo ruganda ruzunganirwa n’imiyoboro y’amazi yanduye ifite uburebure bwa kilometero 92 izanyura mu Mirenge ya Nyarugenge, Gitega na Muhima. Aho gukoresha ibyobo, ingo zizajya zihuza inzu zazo n’iyo miyoboro, amazi yanduye akajyanwa mu ruganda ruyatunganya.

Urwo ruganda ruzaba rufite ubushobozi bwo gutunganya metero kibe 12,000 z’amazi ku munsi, rukazafasha ingo zirenga 208,000.

Kuki uyu mushinga wadindiye?

Sosiyete China Railway Construction Engineering Group (CRCEG) ni yo yatsindiye isoko ryo gushyira mu bikorwa uyu mushinga muri Mata 2023. Imirimo yatangiye muri Kanama 2023 nyuma yo gukora inyigo, bikaba byari biteganyijwe ko irangira muri Gashyantare 2026, nk’uko byatangajwe na WASAC.

Uyu mushinga uterwa inkunga na Banki Nyafurika Itsura Amajyambere (AfDB) na Banki y’Ishoramari y’u Burayi (EIB).

Raporo y’Urwego rw’Umugenzuzi Mukuru w’Imari ya Leta, igaragaza ko uyu mushinga wari uteganyijwe kuva muri Mutarama 2018 kugeza muri Kamena 2024, ariko igihe cyawo kikaza kongerwa kugeza muri Kamena 2026, nabwo ntibyakunda.

Icyo Minisiteri y’Ibikorwa Remezo ivuga kuri ubwo bukererwe

Minisitiri w’Ibikorwa Remezo, Dr Jimmy Gasore, yabwiye Inteko Ishinga Amategeko ku wa 18 Werurwe 2026, ko aho umushinga ugeze atari heza.

Yasobanuye ko wari ugamije gukusanya amazi y’imvura ava mu bice byo hagati mu Mujyi wa Kigali, uhereye ahitwa kuri Plateau, ni ukuvuga mu bice bya Serena Hotel na Marriott Hotel, akamanuka hafi ya Hôtel des Mille Collines, akanyura ku Muhima no mu Rugunga, akajya gutunganyirizwa mu ruganda ku Giti cy’Inyoni.

Minisitiri Gasore yagize ati “Aho umushinga ugeze si heza kuko amasezerano ya rwiyemezamirimo watsindiye isoko yarangiye ku ya 5 Gashyantare 2026. Ubu ari mu gihe cy’inyongera, ariko sinavuga ko kitagira iherezo. Amasezerano azarangira muri Werurwe, bityo tukaba turimo kureba niba twashaka undi rwiyemezamirimo cyangwa tugafata izindi ngamba.”

Hari indi mishinga iteganyijwe mu Karere ka Kicukiro (Gahanga na Murindi) no mu Karere ka Gasabo mu gishanga cya Karuruma, nubwo WASAC itaratangaza amakuru arambuye ku gihe izatangirira.

Iki kibazo ntikigarukira i Kigali gusa, imijyi yungirije Kigali n’indi yo mu Rwanda na yo ifite ikibazo cy’amazi yanduye, kubera kubura inganda ziyakusanya.

Hanze y’u Rwanda byifashe gute?

Muri Mutarama 2025, umujyi wa Addis Ababa muri Ethiopia watashye uruganda rugezweho rutunganya amazi yanduye, rufite ubushobozi bwo gutunganya metero kibe 30,000 ku munsi.

Urwo ruganda rwa Bole Arabsa Sewage Treatment Plant rwongereye ubushobozi bw’uwo mujyi bwo gutunganya amazi yanduye, bituma bugera kuri metero kibe 233,000 ku munsi. Ibi byatumye abaturage barenga 240,000 bo muri uyu mujyi, bagerwaho na serivisi nziza zo gutwara amazi yanduye, bityo bikabarinda ibyago biterwa n’ibiza n’indwara.

Gusa mu bindi bihugu, nko muri Afurika y’Epfo, nubwo hari inganda zirenga 950 zitunganya amazi yanduye, hafi 60% byazo ntizikora neza kuko harimo n’izikeneye gusanwa, mu gihe 13% gusa ari zo zujuje ibisabwa, mbese zikora uko bikwiye.

Ibi biciro bishya byashyizweho hashingiwe ku mpinduka ziri ku isoko mpuzamahanga ry’ibikomoka kuri peteroli, ndetse n’ingamba Leta y’u Rwanda yafashe mu guhangana n’ingaruka z’impinduka zigenda ziyongera ku rwego rw’Isi.

Ibiciro by’ibikomoka kuri peteroli byaherukaga kuvugururwa ku itariki 4 Werurwe 2026, aho Lisansi yaguraga 1,989Frw kuri litiro, bivuze ko yiyongereyeho amafaranga y’u Rwanda 314 kuri litiro, mu gihe Mazutu yaguraga 1,948Frw kuri litiro, ikaba yiyongereyeho amafaranga y’u Rwanda 257 kuri litiro.

Hashingiwe kandi ku mpinduka z’ibiciro by’ibikomoka kuri peteroli, n’ibindi bigenderwaho mu gushyiraho igiciro, ibiciro fatizo by’ingendo rusange na byo byavuguruwe ku buryo bukurikira: Mu Mujyi wa Kigali igiciro cyabaye 59.28 FRW ku mugenzi ku kilometero, naho mu Ntara: igiciro kiba 41.58 FRW ku mugenzi ku kilometero.

Ibi biciro by’ingendo bizatangira gushyirwa mu bikorwa guhera ku wa Mbere, tariki ya 06 Mata 2026. Ibiciro birambuye kuri buri muhanda biri ku rubuga www.rura.rw.

RURA yagiriye Abaturarwanda inama yo guteganya neza ingendo zabo, gukoresha imodoka zitwara abagenzi mu buryo bwa rusange no kwirinda ingendo zitari ngombwa, hagamijwe kugabanya ikoreshwa ry’ibikomoka kuri peteroli.

Iri zamuka ry’ibiciro by’ibikomoka kuri peteroli ribaye mu gihe Minisitiri w’Intebe, Dr. Justin Nsengiyumva, mu kiganiro yagiranye n’abanyamakuru kuri uyu wa Gatanu, yavuze ko intambara yo muri Iran izagira ingaruka ku bukungu bw’u Rwanda, haba mu byo rwohereza mu mahanga n’ibyo rutumizayo kubera izamuka ry’ibiciro ku isoko mpuzamahanga, kandi ko ibiciro by’ibikomoka kuri peteroli na byo biri mu bigomba kuzamuka.

Hashize ukwezi mu Burasirazuba bwo hagati hadutse intambara, ihanganishije Irani na Leta zunze Ubumwe za Amerika zifatanyije na Israel, ibi bikaba byaratumye Irani ifunga umuhora wa Hormuz, uzwiho gucishwamo byinshi mu bikomoka kuri peteroli bijya hirya no hino ku Isi.

Ibi rero byagize ingaruka ku bihugu byinshi birimo n’u Rwanda, gusa Minisitiri w’Intebe akaba yavuze ko u Rwanda rwizigamiye ibikomoka kuri Peteroli byamara amezi arenga atandatu.

Yavuze kandi ko Guverinoma ikomeje gukurikirana uko ibintu bihagaze ku rwego mpuzamahanga, kandi ko ibyemezo bizajya bifatwa hashingiwe ku bushishozi.

Abana bafite Autisme iyo bitaweho bagera kuri byinshi

Ibi ni ibyagarutsweho ku wa Kane tariki 2 Mata 2026, ubwo u Rwanda rwifatanyaga n’Isi mu bukangurambaga bugamije kumenyekanisha Autisme, kugira ngo abana bayifite bitabweho, hatagira aho bahezwa.

Umwe mu babyeyi bafite abana bafite Autisme, Kagame Emmy, avuga ko bitamworoheye kumenya ikibazo umwana we afite.

Agira ati "Akiri muto nabonaga nta kibazo afite, wenda ari ugutinda kuvuga nkumva ari ibisanzwe. Ku myaka itatu namujyanye mu ishuri nk’abandi, ariko ntungurwa no kubona bamwirukana kubera imyitwarire ye itandukanye n’iy’abandi bana. Namujyanye ku rindi shuri bo baramugumana ariko bikampenda, ariko nigira inama yo kumujyana kwa muganga, gusa ntacyo bamfashije kuko na bo batari babisobanukiwe".

Ati "Nyuma naje kumenya ikigo cya Autisme Rwanda cyita ku bana bafite iki kibazo, njyayo mbatekerereza uko umwana wanjye ameze, ni bo bambwiye ko afite Autisme. Baramwakiriye, ajya mu ishuri ryabo, none ndabona ubu bigenda biza, nubwo ataravuga neza ariko ubu arasuhuza, akakubwira icyo ashaka, kandi ni umuhanga mu ikoranabuhanga, baramufashije cyane, aho ageze ni aho kwishimira".

Uyu mubyeyi akomeza akangurira bagenzi be bafite abana bafite Autisme, kutabakingirana cyangwa ngo babafate nk’aho ntacyo bamaze, ahubwo babiteho kuko na bo bashoboye.

Ababyeyi barasabwa kudahisha abana babo bafite Autisme

Undi mubyeyi ni Kajeneza Ciella Estimée, ufite umwana w’imyaka 8 ufite Autisme, gusa ubu ngo yishimira intambwe umwana we agezeho.

Ati "Umwana wanjye w’imfura w’umukobwa, yagiraga imyitwarire yihariye, hazaga abashyitsi mu rugo akihisha, ntakine n’abandi bana ahubwo akigunga. Abaturanyi bavugaga ko yirata, bikanyobera. Ku myaka 2.5, namujyanye mu mashuri y’incuke ariko baza kumbwira ko umwana wanjye ahobora kuba afite Autisme. Agize imyaka itatu rero namujyanye muri Autisme Rwanda, ajya mu ishuri batangira kumwitaho nk’abantu babizobereyemo.

Ati "Ubu afite imyaka umunani, yagiyeyo yambara pamperse kuko atamenyaga ko akeneye kwituma, ariko ubu nubwo atavuga yijyana ku bwiherero. Ntacyihisha abantu, ntagikubagana bikabije, umubwira ikintu akacyumva, mbese ubu ndishimye".

Kajeneza asaba sosiyete nyarwanda kwakira abana bafite Autisme, babakunde, babiteho, aho kubita amazina abatesha agaciro.

Umuyobozi wa Autisme Rwanda, Rosine Duquesne Kamagaju, avuga ko abana bafite Autisme bitaweho bagera kuri byinshi.

Umuyobozi wa Autisme Rwanda, Rosine Duquesne Kamagaju

Ati "Ni abana nk’abandi, twe tumaze imyaka 11 tubitaho, hari abava mu ishuri ryacu bakajya mu mashuri asanzwe bakigana n’abandi kandi bagatsinda neza. Igikuru ni ukubitaho byihariye, ukabereka urukundo, ibindi byose bagenda babigeraho bityo bakigirira akamaro ndetse bakakagirira n’Igihugu. Ntibagafatwe nk’abadashoboye".

Umuyobozi Nshingwabikorwa wungirije w’Akarere ka Kicukiro, Huss Monique, yibukije Abanyarwanda kubanira neza imiryango ifite abana bafite Autisme.

Ati "Tumenye ko Autisme ihari, kandi tubanire neza ababyeyi bafite abana bafite Autisme, tubafashe kubitaho bityo umwana wese akomeze kuba nk’undi. Tuzafatanya rero kugira ngo ubu bukangurambaga bugere ku bandi babyeyi, abarimu bo mu mashuri asanzwe kugira ngo na bo bamenye Autisme, bityo kwita ku bana bayifite byorohe".

Huss Monique, Umuyobozi Nshingwabikorwa wungirije w’Akarere ka Kicukiro

Autisme igaragarira mu myitwarire idasanzwe y’umwana, mu mivugire ye kuko kuvuga bimugora ndetse no mu mibanire n’abandi, gusa ibi byose bigenda bikosoka buhoro buhoro, iyo umwana yitaweho, akajyanwa mu ishuri aho guhezwa mu gikari.

Yabigarutseho kuri uyu wa Gatatu tariki 1 Mata 2026, ubwo Minisitiri w’Ubuhinzi n’Ubworozi, Dr Ndabamenye Telesphore, yagezaga ku Basenateri ibisubizo mu magambo ku buryo bwo gukuraho imbogamizi zigaragara mu guteza imbere ubworozi, akaba yari ahagarariye Minisitiri w’Intebe.

Senateri Gasana yavuze ko aho basuye mu Karere ka Gatsibo, basanze inka nyinshi zipfa ari iza gahunda ya Girinka, kubera kutitabwaho uko bikwiye.

Yagize ati “Ubwo twari mu Karere ka Gatsibo mu Murenge wa Kageyo, batugaragarije ko mu mubare w’inka zipfa inyinshi ari iza Girinka. Ikibitera, uretse impamvu z’imiti ivura amatungo ihenze, batubwiye ko na serivisi zitangwa na ba veterineri zihenze, kandi iyo urebye muri rusange izo nka zihabwa abantu batishoboye, batabasha kwishyura imiti na serivisi z’abaveterineri bigenga”.

Ati “Kandi muri rusange aho serivisi z’abaveterineri bigenga zikora neza, usanga abaveterineri b’imirenge batakijya mu buvuzi bw’amatungo. Ibyo rero birashyira inka za Girinka mu kaga, ko kuba imibare y’izipfa muri zo ishobora gukomeza kwiyongera, niba iki kibazo kititaweho, kidahagurukiwe, ngo ubuvuzi bw’inka za Girinka buhabwe umurongo, bariya ba veterineri b’imirenge bazikurikirane mu buryo bwihariye”.

Senateri Gasana yakomeje abaza uko iki kibazo bateganya kugikemura, kuko bagisanze muri Gatsibo ariko ko no mu tundi turere kivugwa.

Mu kumusubiza, Minisitiri Ndabamenye yavuze ko inka zose zaba iza Girinka n’izisanzwe z’abaturage, zigomba guhabwa serivisi uko bikwiye.

Ati “Ubundi iterambere ry’ubuhinzi n’ubworozi rireba buri Munyarwanda wese, ari aborozi bato ari abanini n’aba Girinka bose serivisi z’ubuvuzi zirabareba. Icyo twakoze ni ukugira ngo serivisi zihute, nko kuvuga ngo inka yarinze umuturage yabuze umuterera intanga, inka yagize umuriro yabuze umupimira, igisubizokiri aha ni uko inka za Girinka n’iz’umuturage ku giti cye, buri muturage ufite inka agomba kubona serivisi yo kuvurirwa cyangwa se gutererwa intanga iyo byabaye ngombwa”.

Ati “Ni ukunoza iyo gahunda rero, kugira ngo bamwe batitwaza ko bakora ku giti cyabo abandi ari abasanzwe, icyo duharanira ni ukugira ngo izo nka zose zaba iz’abaturage zisanzwe zaba iza Girinka zibone serivisi kandi nziza”.

Yakomeje avuga ko bakireba uko abaveterineri n’abagoronome bo ku mirenge bagira amabwiriza ngenderwaho afite imbaraga, kugira ngo bunganire abigenga ku buryo byazanagera aho na bo bajya mu bigenga.

Oswald Rurangwa

Oswald Rurangwa wahawe icyo gihano, yari yaracikiye ubutabera muri Leta zunze Ubumwe za Amerika, nyuma yo gukatirwa gufungwa imyaka 30 n’Inkiko Gacaca, iki gihugu kiza kumugarura mu Rwanda ku itariki 7 Ukwakira 2021, atangira kuryozwa uruhare rwe muri Jenoside.

Urubanza rw’uyu mugabo wari perezida w’interahamwe muri Gisozi mu Karere ka Gasabo, rwasomwe ku wa Kabiri tariki 31 Werurwe 2021, abarokotse Jenoside bo muri ako gace n’ab’ahandi muri Kigali bakaba bakiriye neza igihano yahawe.

Perezida wa IBUKA mu Karere ka Gasabo, Théogène Kabagambire, avuga ko icyemezo cy’Urukiko bacyakiriye neza, kuko igihano Rurangwa yahawe ari cyo cyari kimukwiriye.

Yagize ati “Icyo twishimiye cyane ni ukuba yarafashwe, agakatirwa, kandi rwose ubutabera bugatangwa nk’uko twabyifuzaga. Abo yiciye akanabangiriza imitungo, twabyakiriye neza, nibura hari icyagabanutse ku kababaro kacu. Ni urugero rwiza rero n’abandi barebereho, ubutabera bwacu turabushima”.

Ati “Oswald Rurangwa mbere ya Jenoside yari umuntu usanzwe utagaragaga nk’uwaba umugome, yahindutse nyuma mu gihe amashyaka menshi yari agitangira, muri Jenoside bwo rero aba undi wundi. Yagiye mu bwicanyi uhereye aha ku Gisozi, za Kinamba, kuri Sainte Famille, mbese umujyi wose yarawuzenguritse, kuko yari nk’umuyobozi ufite umwanya ukomeye mu nterahamwe, yari afite uburenganzira bwo kugenda, afite amamodoka n’interahamwe nyinshi zimuherekeza”.

Urwo rubanza rwasomwe rwari urw’ubujurire, kuko Oswald Rurangwa yari yarajuririye igihano cyo gufungwa imyaka 30 yari yarahawe n’Inkiko Gacaca mu 2008, kubera ibyaha zamuhamije byo kugira uruhare muri Jenoside yakorewe Abatutsi mu 1994, aho avugwa mu bitero byahitanye Abatutsi benshi hirya no hino mu Mujyi wa Kigali.

Oswald Rurangwa yavukiye mu Karere ka Gasabo mu Murenge wa Gisozi mu 1962, ari na ho yahereye akora Jenoside. Azwiho kuba yarakoranaga bya hafi na Col Renzaho Tharcisse wari Umuyobozi w’Umujyi wa Kigali mu gihe cya Jenoside yakorewe Abatutsi.

Amb. Masozera agira ati “Mu Nteko y’umuco, ndabona dukwiye kongera gusubiza umuganda mu murongo w’umuco, kubera ko iyo urebye indorerwamo tureberamo umuganda, akenshi tuwurebera mu ndorerwamo y’ubukungu no guteza imbere imibereho y’abaturage kandi ni byo. Ariko twumva dukwiye kuwubona no mu yindi ndorerwamo y’ingenzi y’umuco, nk’ishema n’inshingano mboneragihugu”.

Yongeyeho ati “Ikitwereka ko igisobanuro cy’umuganda kigenda kinatakara ni mu buryo tunavuga. Twagombye gukora ubukangurambaga bwitwa ‘ntibavu-bavuga’. Ubundi ntibavuga gukora umuganda, bavuga gutanga umuganda. Imiganda Abanyarwanda batangaga yari irimo indangagaciro nyinshi, ngira ngo usobanuwe muri ubwo buryo abantu barushaho kuwumenya neza”.

Ibi Amb. Masozera yabivuze yunga mu rya Senateri Frank Habineza, wagarutse gato mu mateka y’uburyo umuganda watangwaga, aho nk’umuntu inzu ye yabaga yasenyutse, abandi bazaga, buri wese akazana icyo afite cyangwa umuganda we, bakamwubakira inzu kandi ikomeye, na we akabona aho atura, kandi nta kiguzi.

Uretse kubaka inzu, habagaho no guha umubyizi utishoboye wo kumuhingira mu gihe ihinga ryabaga rigeze n’ibindi, bivuze ko umuganda wahoze mu muco w’Abanyarwanda.

Amb. Masozera akomeza avuga ko bakoze ubushakashatsi, ku bijyanye n’ubumenyi ku bigize umuco, baza gusanga ikibazo atari ubumenyi.

Ati “Abanyarwanda bazi agaciro n’akamaro k’umuganda ni ijanisha rinini nubwo tutarizi, ariko ni benshi. Dusanga rero ikibazo ari icyuho cy’ubumenyi no kubushyira mu bikorwa, ku buryo hari imyumvire yo kuvuga ngo ndabizi ariko simbikora. Tubivane rero mu bumenyi tubishyire mu bikorwa”.

Yungamo ko nk’uko habaho ba Ambasaderi b’ikoranabuhanga (Digital Ambassadors) hirya no hino mu gihugu, hagombye kubaho na ba Ambasaderi b’umuganda.

Ibi ni ibyagarutsweho kuri uyu wa Kabiri tariki 31 Werurwe, ubwo Abasenateri bari mu nama nyunguranabitekerezo na Minisiteri y’Ubutegetsi bw’Igihugu (MINALOC) n’abafatanyabikorwa bayo, ku ishyirwa mu bikorwa rya Politiki y’Igihugu y’Umuganda.

Byagarutswe kuri uyu wa Kabiri tariki 31 Werurwe 2026, ubwo Abasenateri bari mu nama nyunguranabitekerezo na Minisiteri y’Ubutegetsi bw’Igihugu (MINALOC) n’abafatanyabikorwa bayo, ku ishyirwa mu bikorwa rya Politiki y’Igihugu y’Umuganda.

Senateri Emmanuel Havugimana, yavuze ko imibare igaragazwa nyuma y’umuganda, usanga irimo gukabya ari byo yavuze ko ari itekinika.

Yagize ati “Umuganda ni kimwe mu bidufasha kwishakira ibisubizo, ariko hari imibare igaragazwa umuntu yashidikanyaho. Hari nk’aho Minisitiri yatubwiye ko hakozwe imihanda ingana na kilometero 25188, ibi birenze ½ cy’umuzenguruko w’Isi (équateur) kuko wo ufite ibilometero 40000. Ndabivuga nk’uwize Ubumenyi bw’Isi (Georgaphe)”.

Ati “Ibyakozwe nta wabishidikanyaho, uretse imibare nk’aho hari n’uwavuze ko bagombye kutubwira ukuntu babibara, kugira ngo abantu boye kujya babyibazaho kuko hari aho usanga ari nk’aho batubuye. Tuba tuhibereye twabibonye, ariko muri raporo batanga ugasanga baravuga ngo twakoze kilometero zirindwi (7) z’umuhanda, kandi mu by’ukuri wabonye ko hakozwe nk’eshatu (3), ukabona ko harimo akantu ko gutekinika”.

Senateri Frank Habineza na we yagize ati “Bishobotse hashyirwaho ku rwego rw’Igihugu uburyo bwo gupima ibyagezweho, tukamenya agaciro k’uwo muganda wabaye, kuko hari igihe usanga abayobozi bavuga igiciro gitandukanye n’ibyakozwe”.

Minisitiri w’Ubutegetsi bw’Igihugu, Dominique Habimana agaruka kuri iki kibazo, yavuze ko hatagombye kuzamo kwirarira no kubeshya ku byakozwe.

Ati “Ibi by’amaraporo n’imibare ikemangwa, buriya iyo twakuyemo ni yo myinshi, byibura nari nzi ko iyo nababwiye ari yo yo. Ariko ibyo muvuga ni byo, buriya igisubizo nyacyo kiri mu kugaragaza ibyakozwe n’umuganda bidategereje y’uko bibanza kuza muri ya maraporo na ya mibare”.

Ati “Hakabaho uburyo no mu baturage, mu mudugudu, mu kagari no mu karere bishyirwa ahagaragara, abantu bakamenya ibyo bakoze, icyo gihe nta n’ubasha gutekinika ngo abeshye, kuko abantu n’ubundi baba bazi ibyo bakoze. Kubitangaza rero ntihagomye kuzamo kwirarira cyane no kubeshya”.

Ati “Ngira ngo icyo twabemerera ko tugiye kugishyiramo imbaraga, ibyakozwe n’umuganda bikagaragazwa mu buryo bushobora gutuma n’iyo haba harimo amakuru apfuye yatanzwe, abantu babasha kubibona bagahita babinyomoza, bati ariko ibi ntabwo ari byo”.

Yakomeje avuga ko uwo ari umukoro batwara nka MINALOC, hakazajya hatangazwa ibyakozwe by’ukuri, ngo bikaba n’ubukangurambaga butuma bihabwa agaciro, ku buryo n’abatitabiriye umuganda ubutaha bazawitabira.

Iri torero bakunze kwita ‘Des Amis’, hari abo ryafashije mu bihe bitari biboroheye, ubu bakaba bishimira ubuzima babayeho, nk’uko umukecuru Kabibi Immaculée, utuye i Karembure mu Karere ka Kicukiro wahawe inzu abivuga.

Agira ati “Natashye mu Rwanda mvuye muri Congo n’abana banjye, tukabaho dukodesha ariko nsengera mu itorero rya Des Amis. Ikibazo cyanjye rero baje kukimenya, ko mpora nzerera, ungiriye impuhwe akancumbira, nabishobora ngakodesha. Igihe rero cyaje kugera bangurira inzu, ubu ndatuye ndatekanye, nkabishimira Imana n’iri torero”.

Uyu mukecuru akomeza avuga ko bitagarukiye aho, kuko n’abana be itorero ryamufashije kubishyurira amashuri, mu gihe we nta bushobozi yari afite.

Kabebe Immaculée wahawe inzu

Umusore witwa Ishimwe Eric, na we avuga ko kwiga byamugoraga kubera ko umuryango we utari wifashije, iri torero riza kumugoboka.

Ati “Ntangiye kwiga amashuri yisumbuye byarangoye cyane, kuko hari igihe ababyeyi banjye bananirwaga kwishyura minervali bakanyirukana. Mu gihembwe cya kabiri niga mu mwaka wa mbere, ni bwo itorero ryatangiye kunyishyurira amafaranga y’ishuri, ubu ngeze mu wa gatanu kandi ndiga neza kuko nta kibazo cya minervali kikimpangayikisha. Intego mfite ni uko nanjye nimara kugira ubushobozi nzafasha abandi bafite ibibazo. Ndashimira iri torero”.

Ibijyanye n’ibikorwa by’iri torero, byagarutsweho kuri iki Cyumweru tariki 29 Werurwe, ubwo habaga ihererekanyabubasha hagati y’Umuvugizi ucyuye igiye, Rev. Mupenda Aron na Rev. Sekanabo Jean Paul watowe, wamusimbuye ku buyobozi.

Rev. Sekanabo Jean Paul (iburyo) na Rev. Mupenda Aaron (wambaye ikote ry’icyatsi) basimburanye ku buyobozi

Akimara gushyikirizwa inkoni y’ubushumba, Rev. Sekanabo yavuze ko uretse imirimo isanzwe y’itorero, kwita ku batishoboye biri mu by’imbere.

Ati “Itorero ry’Ivugabutumwa ry’Inshuti ntiriguma mu masengesho n’ivugabutumwa gusa, riri no mu bikorwa biteza imbere abaturage no gufasha abatishoboye. Tuzishyurira mituweli abatishoboye kuko ni ikibazo kigoye abatari bake, tuzahugura abantu ku gukora imishinga ibateza imbere irimo nko korora, ubucurunzi n’indi kandi tubafashe kubigeraho nk’uko bisanzwe bikorwa. Tuzishyurira amashuri abana bakomoka mu miryango itishoboye n’ibindi”.

Ati “Dusanzwe dufite amashuri yisumbuye atandatu hirya no hino mu gihugu, ariko muri iyi manda ndateganya kuyongera, mpereye i Kayonza ndetse tukagura n’asanzwe twubaka mu buryo bugezweho bwo kujya hejuru (étage).

Umuyobozi Nshingwabikorwa wungirije w’Akarere ka Kicukiro, Huss Monique, yashimye ibikorwa by’Itorero EEAR, anabizeza ubufatanye buhoraho.

Umuyobozi Nshingwabikorwa Wungirije w’Akarere ka Kicukiro, Huss Monique, yashimye ibikorwa by’Itorero EEAR

Ati “Muri Kicukiro iri torero rifite ibikorwa byiza by’uburezi, iby’ubuzima, n’indi bitandukanye byo guteza imbere abaturage, ni abafatanyabikorwa beza. Abayobozi bashya rero twizeye ko tuzakomeza gufatanya mu bikorwa Igihugu gishyize imbere. Aha turabasaba gukangurira abakristo kugira isuku nk’ikirango cy’Umujyi wa Kigali, gutanga serivisi nziza, gukomeza kunga ubumwe, gukora cyane bityo twubake u Rwanda twifuza. Turabizeza ubufatanye buhoraho”.

Ibikorwa byaranze uyu munsi byibanze ku masengesho n’indirimbo zo gushimira Imama, ariko bikaba byabimburiwe no gusura ibikorwa bikomeye iri torero ryageho, birimo urusengero rushya rwubatse mu Karama, inzu y’ubucuruzi ndetse n’ishuri, ibi bikorwa bikaba byaratwaye akabakaba Miliyari eshanu z’Amafaranga y’u Rwanda.

Itorero Eglise Evangelique des Amis/EEA, ryavukiye muri Leta zunze Ubumwe za Amerika mu 1460, rigera mu Rwanda mu 1986, aho ubu rifite abayoboke basaga ibihumbi 10. Umuvugizi ari na we muyobozi waryo, atorerwa manda y’imyaka itanu ishobora kongerwa inshuro imwe, agatorerwa rimwe n’abamwungirije babiri.

Urusengero rushya rwa EEAR

Minisitiri w’Uburezi, Dr Joseph Nsengimana

Minisitiri Nsengimana yabigarutseho kuri uyu wa Mbere tariki 30 Werurwe 2026, ubwo yari yitabiriye inama igamije kurebera hamwe ibyagezweho ndetse n’ibigomba gukorwa mu gihe kiri imbere, mu rwego rwo kuzamura ireme ry’Uburezi.

Imibare ya Minisiteri y’Uburezi y’uyu mwaka, igaragaza ko gusibira byagabanutseho 6%, ibi ariko ngo ntibivuze ko hari abanyeshuri bimuka bidakwiye, nk’uko Minisitiri Nsengimana yabisobanuye.

Yagize ati “Kuba umubare w’abasibira waragabanutse, si ukuvuga ngo ari ukujya mu ishuri gusa umwaka warangira ukazamuka, bivuze ko abana ubu barimo biga neza. Ntabwo umwana agomba kuva mu cyiciro kimwe ngo ajye mu kindi mu gihe ibyo yigaga muri icyo cyiciro yari arimo atabyumvise, kuko n’aho agiye atakwiga ngo atsinde”.

Ati “Twe ni ukureba ngo ni izihe mbaraga tugomba gushyiramo kugira ngo umwana icyiciro cyose arimo yige, amenye hanyuma atsinde. Iyo turebye umubare w’abana basibiye mu mwaka wabanje n’uwu, dusanga waragabanutse bivuze ko hashyizwemo imbara, ntitwitiranye rero ibintu”.

Mu yindi mibare yagaragajwe, abana batangira mu mashuri y’incuke bageze kuri 50,3%, mu gihe guta ishuri byo byagabanutseho 4,9%. Mu guteza imbere imyigire n’ibikorwa remezo mu mashuri, ibigo by’amashuri bifite amashanyarazi byageze kuri 88%, ibifite amazi bigera 84%, mu gihe gahunda yo kugaburira abana ku ishuri yageze kuri 99%.

Minisitiri w’Uburezi, Dr Joseph Nsengimana, yavuze ko imibare yatangajwe ifasha Leta kumenya ahagomba kongerwamo imbaraga, aha akaba yagarutse ku kibazo cy’ubucucike mu mashuri.

Ati “Ubucucike turacyabufite, kandi buterwa n’uko dushaka ko abana bose mu Rwanda biga, bityo bakagana ishuri ari benshi noneho tugahura n’ikibazo cy’amashuri make. Kugabanya ubucucike rero ni uko twubaka amashuri, nk’uko twabibonye Leta yashyize imbaraga mu kubaka ibyumba by’amashuri, aho hagati ya 2017 na 2024 hubatswe ibyumba 27,500. Ibyo byarafashije ariko turacyifuza kubaka ibindi, cyane cyane mu mashuri y’icyuke n’ay’ibanze, kuko ni ho hari abana benshi, gusa ni ibintu tuzakomeza”.

Uburezi mu Rwanda bugera ku banyeshuri basaga Miliyoni 4,8 ni ukuvuga hafi 1/3 cy’Abanyarwanda bose, ibyo bigaterwa n’uko abari mu kigero cyo kwiga ari benshi mu gihugu kandi bose bafite amahirwe yo kwiga.

Umuhanga mu bijyanye no gushyushya no gukonjesha ibintu cyangwa ahantu, Eng. Elie Tuyishimire, unayobora sosiyete yitwa Zero Technology, asobanura imikorere ya firigo, avuga ko hari igihe Gaz ifasha mu gukonjesha ishobora kwanduza ibiri muri firigo.

Agira ati “Firigo nk’icyuma gikonjesha ibyo umuntu agishyizemo, ikoresha Gaz ishyirwa mu kamashini kabugenewe, kayisunikira mu matiyo azengurutse iyo firigo, ari na yo ituma ibirimo bikonja. Iyo Gaz rero ni uburozi bitewe n’ibinyabutabire ikozwemo, hakaba igihe itiyo ishobora kuba ifite akenge gato cyane katagaragarira ijisho, ikajya icamo isohoka buhoro buhoro, umuntu ntabimenye”.

Ati “Iyo Gaz rero iragenda ikajya kuri bya biribwa umuntu yashyize muri firigo bidapfundikiye cyangwa bidapfunyitse neza mu masashe yabugenewe, aha ndavuga amasashe yemewe, ashobora kubora. Umuntu afashe bya biribwa aratetse cyangwa arashyuhije niba yari yabishyizemo bitetse, hanyuma akarya bwa burozi bikaba byagira ingaruka ku buzima bwe”.

Gupfumuka kw’ayo matiyo, ngo hari igihe biterwa n’umuntu ubwe ukoresha firigo umunsi ku munsi.

Tuyishimire ati “Hari ubwo umukozi afata icyuma akajya muri frizeri (igice cya firigo gikonjesha cyane), guharura ruriya rubura rubamo (glaçons) mu gihe akeneye nko gukonjesha amazi yo kunywa byihuse. Icyo gihe itiyo ashobora kuyikomeretsa ntabimenye, kabone n’ubwo yanabimenya sinzi niba yabivuga ngo isanwe bwangu. Icyo ni ikibazo gikunze kubaho”.

Yungamo ati “Ibi bikunze kubaho kuri firigo zishaje, amatiyo agatoboka agahitisha cyane ya Gaz, umuntu akabimenya ari uko firigo ye itagikonjesha. Icyo gihe ahamagara umutekinisiye akamurebera, akamubwira ko Gaz yashizemo ari ukongeramo indi. Hari igihe rero ahita amwongereramo Gaz atarebye impamvu indi yashizemo bitewe n’ubumenyi buke, akigendera hashira iminsi mike cya kibazo kikagaruka”.

Akomeza avuga ko uko iyo Gaz igenda isohoka mu matiyo ari ko yivanga na bya biryo bishyirwa muri firigo bidapfundikiye, ibi bigatera uburwayi ababiriye, ati “ni ngombwa buri gihe gupfundikira ibiribwa bishyirwa muri firigo”.

Tuyishimire agira inama abantu yo gukoresha abatekinisiye bazobereye muri ibi bintu byo gukonjesha no gushyushya, kuko bo babanza gupima bakamenya ikibazo aho giherereye, kuko nko kuri firigo zishaje bashobora kukugira inama yo gukuramo amatiyo yose asanzwemo, hagashyirwamo amashya.

Avuga ko buriya n’aho bacururiza inyama, zitagombye kurambikwa muri konjerateri uko zakavuye ku ibagiro nk’uko bikunze gukorwa, na zo ngo zagombye gupfunyikwa.

Urubuga Cité de Santé, ruvuga ko ibiryo byahumanyijwe na Gaz yo muri firigo, bishobora gutera uwabiriye inkorora, kurwara umutwe, kugira iseseme, kuruka, guhumeka nabi kuko iyi Gaz iyo ibaye nyinshi ahantu hafunganye isimbura umwuka mwiza usanzwe, n’ibindi, icyo gihe ngo ni ngombwa kujya kwa muganga.

Icyakora Gaz zirimo gusohoka ubu zirimo R600a (isobutane) cyangwa R134a, ntabwo zifite ubukana bwinshi nk’iza kera, harimo nk’iyitwa Fréon R12.

Umwe mu baganiriye na Kigali Today wo mu Karere ka Muhanga, avuga ko kwa muganga hakiri ikibazo cy’uburyo abantu batinda bategereje serivisi.

Uyu mubyeyi ari “Ushobora kujya kwa muganga mu gitondo, akazi kagatangira uhari, ariko uhasanga n’abandi bantu, ukajya ku murongo ugategereza, ukabona na saa sita zikugereyeho batarakwakira. Hari ubwo rero unanirwa kwihangana kubera amasaha aba yakuze ugataha, ukazagaruka ejo. Biterwa ahanini n’abantu benshi baba baje kwivuza kandi abaganga ababa ari bake”.

Ikibazo cy’imirongo miremire kwa muganga, cyagarutsweho kuri uyu wa Kane tariki 26 Werurwe 2026, ubwo Minisitiri w’Intebe, Dr Justin Nsengiyumva, yagezaga ku Nteko Ishinga Amategeko Imitwe yombi, gahunda za Guverinoma, aho ibijyanye n’ubuzima biri mu byihariye umwanya munini.

Depite Uwamaho ni we wabajije iki kibazo cy’imirongo miremire kwa muganga, asahaka kumenye ikirimo gukorwa kugira ngo gikemuke burundu, kuko kimaze imyaka gihora kivugwaho.

Mu kumusubiza, Minisitiri w’Ubuzima, Dr Sabin Nsanzimana, yavuze ko hari ibirimo gukorwa bishingiye ku ikoranabuhanga ku buryo kiri mu nzira yo gukemuka.

Minisitiri Nsanzimana yagize ati “Ikibazo cy’imirongo miremire kiraza gukemurwa n’ikoranabuhanga nta kindi. Jyewe mfite icyizere cyinshi kuko niba mwibuka ukuntu kera muri banki twabaga twicaye ku ntebe, tugenda twimura ikibuno kugira ngo tugere kuri ‘guichet’ (ahatangirwa amafaranga), none ubu turabyikorera kuri telephone”.

Ati “No kwa muganga rero ni byo dushaka gukora kandi vuba. Minisitiri w’Intebe yari yaduhaye amezi abiri ni uko twamusabye kumwe kw’inyongera ngo iki kibazo tube twagikemuye, turi hafi rero kugera ku musozo”.

Mu zindi ngamba zavuzwe zatuma icyo kibazo cy’imirongo kigabanuka ndetse hongerwa n’imitangire myiza ya serivisi, Minisitiri w’Intebe yavuze ko gahunda yo kongera abakozi na yo ishyizwe imbere.

Ati “Hari gahunda twavuze yo kongera abaganga, tukaba twasohora abaganga nibura 10,000 buri mwaka, tukabaha n’ibyo bakenera. Iyo gahunda yo kongera abaganga irimo gutanga umusaruro, muri 2028 turateganya ko hari abaganga ibihumbi 33 bazaba basohotse, na ho mu myaka itatu turashaka gusohora abaganga ba A2 bagera ku 3600, zikaba ari ingamba zo gukemura n’ikibazo cya serivisi mbi zikunze kuvugwa”.

Ibi ni ibyagarutsweho na Minisitiri w’Intebe, Dr Justin Nsengiyumva, ubwo kuri uyu wa Kane tariki 26 Werurwe 2026, yagezaga kuu Nteko Ishinga Amategeko Imitwe yombi, gahunda za Guverinoma cyane cyane agaruka kuri gahunda y’Umuturage ku Isonga.

Minisitiri Nsengiyumva yagize ati “Hagamijwe kugera ku mubare uhagije w’abakozi bo mu rwego rw’ubuzima, Guverinoma ikomeje gushyira imbara mu kongera umubare wabo, aho yatangiye gahunda yo gukuba inshuro enye abo bakozi mu gihe cy’imyaka ine uhereye mu 2023”.

Ati “Kuva iyi gahunda yatangira, umubare w’abanyeshuri batangira buri mwaka warazamutse, uva ku mpuzandengo y’abanyeshuri 1604 ku mwaka, ugera ku banyeshuri 6340 muri 2025. Ibi bigaragaza ko ku mpuzandengo y’imyaka itatu, uyu mubare wikubye inshuro eshatu. Kuri ubu, abiga ubuvuzi mu byiciro bitandukanye, basaga 33000 kandi bazaba barangije amashuri muri 2028”.

Akomeza avuga ko harimo kandi kongera ubushobozi bw’abarimu mu nzego z’ingenzi z’ubuvuzi harimo ububyaza, gutera ikinya ndetse n’ubuvuzi bw’amenyo n’amaso.

Minisitiri w’Intebe, Dr Nsengiyumva, yavuze kandi ko abaganga b’inzobere bagenda bongerwa, bunganirwa n’abajyanama b’ubuzima, bafatwa nk’umusingi w’uru rwego.

Aha yavuze ko mu gihugu hose hari abajyanama b’ubuzima bagera ku 58298 bakorera mu midugudu yose mu gihugu.

Ikindi ngo Leta izakomeza kwagura ubufatanye n’abikorera, hagamijwe kongera ibikorwa remezo byo kwigisha no kuzamura ubushobozi bw’abakozi.

Ibi Perezida Kagame yabigarutseho kuri uyu wa Gatatu tari 25 Werurwe 2026, ubwo yaganiraga n’Abayisilamu bo mu Rwanda, ubwo barium busabane bujyanye no gusoza Igisibo gitagatifu bari bamazemo ukwezi kose.

Umukuru w’Igihugu avuga ko kwambura abaturage muri ubwo buryo, bitagombye kuba mu idini iryo ari ryo ryose, ibi kandi ngo bikaba bitandukanye n’igikorwa cyo guhagarika amwe mu madini n’amatorero atujuje ibisabwa, aho hari abavuga ko ari ukuyatoteza.

Yagize ati “Ugasanga umuntu yihishe inyuma y’idini, inyuma y’itorero, ashyizeho ikintu kigamije inyungu ze no kwambura abandi. Ushatse wese agashyiraho ikimeze nka bariyeri, ugahagarika abantu, ukabeshya icyo uri cyo, ukabambura umutungo wabo. Ntabwo rero bikwiriye kuba bikorwa mu idini iryo ri ryo ryose”.

Ati “Iyo ushyira ibintu mu buryo, uvuga uti ko tuzi ko idini riberaho kugira ngo rikore akazi k’inyigisho ku baturage, kubafasha nk’ibyavuze Abayisilamu mukora byo kubafasha mu burezi, mu buzima, ni ibyo nyine bikwiye kuba bikorwa. Ibyo bitandukanye no gutoteza amadini cyangwa amatorero. Ntabwo ari ukwambura abantu, ngo bibabuze ubuzima, bibambure ibyabo, abantu bake bikize abe ari bo batera imbere”.

Yungamo ati “Ibyo byarabaye mu madini yose no mu matorero, ni yo mpamvu Leta yavuze iti reka twumvikane namwe. Ubundi hari ibintu biba bigomba gukurikizwa, byubahwa kugira ngo akazi gakorwe neza. Hanyuma wa wundi ushinga idini mu gitondo, rikirirwa risahura amanywa yose, byagera nimugoroba ukabura aho ririgitiye, ibyo ntabwo biba bikibaye idini, biba byabaye ikindi kintu”.

Perezida Kagame akomeza avuga ko abantu bamwe bumvise ubwo buryo bw’imikorere ya Leta, babyumvise nabi bakabyita gutoteza amadini.

Ati “Hari abantu bake babyumvise nabi, batangira kuvuga ko u Rwanda rutoteza amadini n’amatorero. U Rwanda, akazi kacu, politiki tacu, imyumvire yacu, ni ugushyira ibintu mu buryo bukwiye, ntawe tubuza amahoro na busa. Ni yo mpamvu n’amateka y’Abayisilamu, twagejejweho cyangwa dusanzwe tuzi, uko batotejwe, ibyo byarahindutse kandi tuzakomeza kubihindura byanze bikunze”.

Akomeza avuga ko n’abandi bose batotejwe bazwi, bijyanye n’amoko ndetse n’uturere, ko ibyo ntawe Abanyarwanda bagomba kubyingingira kugira ngo babirwanye.

Ati “Tugomba kubirwanya bigahinduka byanze bikunze, iryo ni ihame, ni inshingano dufitiye Igihugu cyacu, dufitiye Abanyarwanda bacu”.

Yibukije Abayisilamu gukomeza inzira y’iterambere, kandi ko Igihugu kizakomeza kubashyigikira kibatera inkunga.

Nk’uko inyandiko z’Urukiko zibigaragaza, kompanyi yitwa ‘24/7 Productions’ yareze Nicki Minaj hamwe na sosiyete ye yitwa Pink Friday Productions, ivuga ko ari bo bishyuye mbere amafaranga yo gutegura ibikorwa bitandukanye by’ibitaramo by’uyu muhanzikazi.

Iyo kompanyi ivuga ko yatangiye gukorana n’uyu muhanzikazi ukomoka muri Trinidad and Tobago, Nicki Minaj, mu mwaka wa 2022, mu birori bya MTV Video Music Awards, aho yatanze serivisi zijyanye no gutegura ibirori by’imbonankubone.

Mu mpera za 2023, Nicki Minaj ngo yasabye iyo kompanyi kumufasha mu gutegura ibitaramo bye bya Jingle Ball, ndetse no kumurika album ye yitwa Pink Friday 2.

Iyi kompanyi ya 24/7 Productions ivuga ko yagejeje ku itsinda rya Nicki Minaj ingengo y’imari y’ibi bikorwa maze ikemezwa. Nyuma yaho ngo yakoze imirimo itandukanye irimo gutegura gahunda mbere y’ibitaramo, kuyobora ibikorwa aho byabereye, gushaka abakozi, gutunganya ibijyanye n’amajwi n’amatara, gushyiraho ibikoresho byo ku rubyiniro, gutegura ubwikorezi bwo ku butaka ndetse n’ibindi bijyanye n’imitegurire y’ibitaramo.

Iyi kompanyi ivuga ko yakoresheje Amadolari arenga 275,000 yizeye ko izishyurwa nyuma. Igaragaza ko sosiyete ya Nicki Minaj yishyuwe hafi Amadolari 650,000 kubera ibitaramo bye bya Jingle Ball gusa, ariko ntiyishyure ayo yari ibereyemo 24/7 Productions.

Iyi kompanyi ivuga ko imaze imyaka igerageza kwishyuza ayo mafaranga, ariko ngo buri gihe ikipe ya Nicki Minaj igasubiza mu magambo asa n’ayisubiramo igira iti “Tuzabikurikirana.”

24/7 Productions rero yareze mu nkiko Nicki Minaj icyaha cyo kutubahiriza amasezerano n’ibindi bifitanye isano nabyo, isaba indishyi zirenga Amadolari ya Amerika ibihumbi 275.

Perezida w’Inteko Ishinga Amategeko ya Iran, Mohammad Bagher Ghalibaf, yavuze ko Perezida Trump arimo gukoresha igitekerezo cy’ibiganiro kugira ngo “yikure mu kimwaro Amerika na Israel byishyizemo”.

Abayobozi bakuru ba Iran bahakanye ko igihugu cyabo cyigeze kigirana ibiganiro na Leta Zunze Ubumwe za Amerika, amasaha make gusa nyuma y’uko Perezida Trump, avuze ko habayeho ibiganiro byatanze umusaruro, bigamije kurangiza intambara.

Ku wa Mbere tariki 23 Werurwe 2026, Bagher Ghalibaf, yatangaje ku mbuga nkoranyambaga ko nta biganiro na Amerika byigeze biba.

Kuri X, uyu munyacyubaro yagize ati “Inkuru z’ibinyoma zirimo gukoreshwa mu kuyobya uburari ku masoko y’imari n’aya peteroli, no mu kugerageza kwikura mu kimwaro Amerika na Israel byishyizemo.”

Ibi birahura n’ibyari byavuzwe mbere, byatangajwe n’umuvugizi wa Minisiteri y’Ububanyi n’Amahanga ya Iran, Esmaeil Baghaei, na we wahakanye ko hari ibiganiro byigeze biba hagati ya Iran na Amerika.

Mu magambo yatangajwe n’ikigo cya Leta gishinzwe amakuru muri Iran, IRNA, Baghaei yavuze ko hari ubutumwa bwaturutse mu bihugu bimwe bifitanye umubano mwiza na Iran, bujyanye n’icyifuzo cya Amerika cyo kugirana ibiganiro bigamije guhagarika intambara.

Ibi biravugwa mu gihe intambara Amerika na Israel birwana na Iran igeze mu cyumweru cya kane, aho ku wa Mbere ingabo za Israel zatangaje ko zagabye ibindi bitero bishya ku murwa mukuru wa Iran, Tehran.

Iran na yo yakomeje kohereza ibisasu bya misile na drones mu bice bitandukanye byo mu Burasirazuba bwo Hagati, ndetse ihagarika ingendo z’amato hafi zose anyura mu muyoboro wa Hormuz, inzira y’ingenzi yo mu nyanja inyuramo hafi kimwe cya gatanu cy’ibikomoka kuri peteroli na gaze bikoreshwa ku Isi.

Ku wa Gatandatu, Trump yari yavuze ko azasenya burundu inganda z’amashanyarazi za Iran, iramutse adafunguye uyu muhoro wa Hormuz mu gihe cy’amasaha 48, ngo amato yose atambuke.

Icyakora ku wa Mbere w’iki cyumweru mu gitondo, Trump yanditse ku rubuga nkoranyambaga rwe, Truth Social, avuga ko yahaye amabwiriza Minisiteri y’Ingabo ya Amerika, yo gusubika ibitero byose byari biteganyijwe ku nganda z’amashanyarazi n’ibikorwa remezo by’ingufu bya Iran mu gihe cy’iminsi itanu, mu gihe hari ibiganiro yavugaga ko birimo kuba hagati y’impande zombi.

Perezida Kagame yabigarutseho kuri uyu wa Mbere tariki 23 Werurwe, ubwo yagezaga ijambo ku bayobozi mu nzego bwite za Leta ndetse n’abo mu nzego z’ibanze, bateraniye mu nama igamije kurebera hamwe ibijyanye n’ishyirwa mu bikorwa ry’ingamba na gahunda z’Igihugu.

Umukuru w’Igihugu yagarutse ku mitangire ya serivisi ikirimo ikibazo, kuko hakiri abasiragiza abaturage bitewe n’icyo babashakaho.

Yagize ati “Ibi mubona buri munsi bavuga ngo mu Rwanda serivisi ziri hasi ahantu hose, ziri hasi ku mpamvu. Uzajya gusaba serivisi mu nzego zitandukanye, bakagutinza, kugira ngo wibwirize nka bya bindi bya kera, wumve ko hari icyo ugomba kugobotora”.

Akomeza avuga ko kuba u Rwanda ruri ku rwego rwo hasi muri ruswa ugereranyije n’ibindi bihugu byinshi, bitagombye gushuka abayobozi.

Ati “Ngira ngo ikibashuka, iyo ugeranyije urwego turiho nk’u Rwanda kuri ruswa, ruri hasi ugeranyije n’urwo ibindi bihugu byinshi biriho. Ariko kuki mushaka kugereranya gityo, kuki mwigereranya n’ikibi? Muti igihugu runaka ruswa yaracyishe, iyacu ni nke. Ruswa nke ni imeze ite, bivuze iki?”

Ati “Uko muri aha, ntabwo muzi aho badatanga serivisi uko bikwiye? Murabizi, kandi mukanabibona mukicecekera. Nutari muri iyo ruswa akicecekera, guceceka ni nko kuba uyirimo wowe ubwawe, uyiceceka ute?”

Perezida Kagame yabajije kandi abari muri iyi nama, uko bakwitwara mu gihe abo mu miryango yabo baje kubaka serivisi.

Ati “Niba ufite umuryango, waba uri ku kazi ugategereza ko umuntu abanza kuguha ruswa kugira ngo umuhe serivisi yashakaga, niba haje umubyeyi wawe, umuvandimwe wawe, mushiki wawe, so wanyu… uzabikora kimwe? Na we wamutinza ngo amashanyarazi yabuze n’ibindi, ndatekereza ko utabikora. Kuki wumva ko wabikorera mushiki w’undi muntu, umubyeyi w’undi muntu? Noneho ari wowe ubwawe wagiye gushaka serivisi, wumva ntacyo byaba bitwaye uwagukorera nk’ibyo wakoreye undi muntu?”

Yungamo ati “Ibyo mukabibona, ntihagire icyo bibabwira, ntimubihagarike, ntimufashe mu kubihagarika, bigakomeza bityo kubera iki? Bimwe bihitana n’ubuzima bw’abantu. Kuba umuntu yazira ko wamurangaranye, wumva ari byo?”

Aha Perezida Kagame yatanze urugero rw’umubyeyi witeguraga kubyara, wigeze kurangaranwa kwa muganga mu Karere ka Karongi, kubera ikibazo cya mituweli ye, bikaza kumuviramo gupfa.

Uwibukaga neza iby’iki kibazo ni Minisitiri w’Urubyiruko n’Iterambere ry’Ubuhanzi, Dr Utumatwishima Jean Nepo, wagisobanuye agira ati “Ni umubyeyi wari ugiye kubyara, ageze ku kigo nderabuzuma basanga mituweli ye itameze neza muri ‘system’, bamusubiza mu rugo ngo ajye gushaka uko yayikosoza. Kubera ko mituweli ye itahise ikosorwa ngo asubire ku kigo nderabuzima, uwo mubyeyi yaje gupfira mu rugo”.

Umukuru w’Igihugu yakomeje avuga ko ibi bitari bikwiye, anasaba inzego bireba kumumenyera niba ababikoze barakurikiranwe, kuko ngo bagombaga kumuvura ibindi bigakurikiranwa nyuma.

Ati “Iyo bamuvura ibyo bindi bigakurikirwanwa nyuma, ibyo bamwishyuza bakazabimwishyuza, cyangwa ubimwishyurira akabyishyura. Ahubwo se ababigizemo uruhare bari hehe ubu, wabona bidegembya. Minisitiri w’Ubutabera, ndashaka kumenya uko iby’abo bantu byagenze. Erega byaje no mu Nama y’Abaminisitiri turabiganira, abo bantu bakoze ibyo bagombaga gukurikiranwa”.

Yakomeje asaba abayobozi kwegera abaturage bashinzwe, baganire na bo, bumve ibyo batekereza na bo babagire inama, igishoboka gukorwa gikorwe, ikidashoboka gishakirwe uburyo.

Reba ibindi muri iyi Video:

Ni inama igamije kurebera hamwe ibijyanye n’ishyirwa mu bikorwa ry’ingamba na gahunda z’Igihugu ndetse n’imyanzuro iba yafatiwe mu nama zitandukanye, ikaba irimo kubera mu Ishuri Rikuru rya Gisirikare ry’u Rwanda riherereye i Gako mu Karere ka Bugesera, mu Ntara y’Iburasiraziba.

Mu gutangiza iyi nama, Minisitiri w’Intebe Dr Justin Nsengiyumva, yasabye abayobozi mu nzego z’ibanze, by’umwihariko abayobora uturere, kuva mu biro bagasanga abaturage kandi bakabakemurira ibibazo, ariko kandi bakamenya bakanakurikirana imishinga yose iri mu turere bayoboye, ntibiringire gusa ibiri mu maraporo bahabwa.

Abitabiriye iyi nama baraganira ku nshingano z’inzego z’ibanze zegerejwe abaturage, izo ku rwego rw’Igihugu ndetse n’aho impande zombi zihurira kugira ngo habeho kwihutisha ishyirwa mu bikorwa rya gahunda za Leta.

Ubwo Minisitiri w’Ubutegetsi bw’Igihugu, Habimana Dominique, yavugaga ku bizaganirwaho muri iyi nama, yavuze ko ahanini ari ubufatanye hagati y’inzego z’ibanze n’inzego bwite za Leta, mu gishyira mu bikorwa gahunda z’Igihugu.

Yagize ati “Murabizi ko mu gushyira mu bikorwa yaba ari gahunda z’ubuhinzi, ibikorwa remezo, amazi, amashanyarazi, gahunda z’uburezi, ubuzima, kurengera ibidukikije n’izindi, inzego z’ibanze ziba zifite inshingano zo kubishyira mu bikorwa, ariko kuri buri gahunda, inzego z’ibanze ziba zifite izo ku rwego rw’Igihugu bagomba gufatanya no gukorana bya hafi, kugira ngo ibyiyemejwe bibashe kugerwaho”.

Minisitiri Bizimana avuga kandi ko mu bindi bigomba kuganirwaho, ari ibijyanye no kugira umuryango ushoboye.

Ati “Usibye ibyo, tugomba kuganira no ku bijyanye no kubaka umuryango nyarwanda ushoboye kandi utekanye, cyane ko umuryango ari ishingiro ry’iterambere ry’Igihugu”.

Mu bindi biganirwaho muri iyi nama, harimo no kunoza imitangire ya serivisi, kugira ngo koko umuturage akomeze gushyirwa ku isonga.

Reba ibindi muri iyi Video:

Trump yahaye Iran amasaha 48 ngo ibe yafunguye umuhora wa Hormuz

Trump yanditse ku rubuga rwe rwa Truth Social mu ijoro ryo ku wa Gatandatu tariki 21 Werurwe 2026, ko azatera kandi agasenya ingomero z’amashanyarazi za Iran, atangiriye ku nini kurusha izindi, mu gihe Iran itakubahiriza ibyo yasabwe muri ayo masaha.

Ibi bibaye nyuma y’umunsi umwe Trump avuze ko arimo gutekereza kugabanya ibikorwa bya gisirikare, ndetse ko kurinda inzira ya Hormuz byazarebwa n’ibihugu bigendera ku bwikorezi bukorerwa muri uwo muhora.

Ibibazo by’intambara muri aka gace byatumye ubwikorezi bw’ibicuruzwa bumera nk’ubwahagaze mu muhora wa Hormuz, inzira inyuramo hafi 20% bya peteroli na gaze bikoreshwa ku Isi. Ibi byatumye ibiciro bya peteroli bizamuka cyane, aho akagunguru kageze ku Madolari ari hagati ya 109.55 na 112.19.

Icyakora, ibindi bihugu birimo gushaka uko byakomeza gutwara ibicuruzwa binyuze muri iyo nzira, urugero ni aho Ingabo zirwanira mu mazi za Iran ziherutse kugaragara ziherekeje ubwato bwo mu Buhinde butwara LNG (gaze isukika), bunyura mu muhora wa Hormuz, nyuma y’ibiganiro bya dipolomasi hagati y’ibihugu byombi.

Abayobozi ba Iran bo bavuga ko batiteguye kuganira ku kongera gufungura umuhora wa Hormuz, mu gihe cyose imirwano igikomeje.

Nk’uko imibare yakusanyijwe na ‘Bloomberg’ ibigaragaza, Iran ifite ingomero z’amashanyarazi zikoresha gaze zigera kuri 98 zikora. Mu nini muri zo harimo uruganda rwa Damavand ruri mu majyepfo y’iburasirazuba bwa Tehran, urwa Ramin ruri mu majyaruguru ya Ahvaz, ndetse n’urwa Kerman ruri i Chatroud.

Icyifuzo cya Trump cyo gutangira kurasa ingomero nini z’amashanyarazi za Iran, gishobora no kuba kiganisha ku ruganda rukomeye rwa Bushehr rutunganya ingufu za Nikeleyeri.

Ibyo kurasa inganda z’amashanyarazi za Irani, Trump abivuze nyuma y’uko mbere yari yasabye ko Israël ihagarika ibitero byayo ku bikorwa remezo by’ingufu muri ako karere, kuko bishobora gutuma Iran na yo igaba ibitero byo kwihimura ku bikorwa remezo bya peteroli na gaze, bityo bikarushaho kugabanya ibijya ku masoko mpuzamahanga.

Leta Zunze Ubumwe za Amerika zifatanyije na Israel, batangiye kugaba ibitero kuri Irani ku ya 28 Gashyantare 2026, iki gihugu na cyo nticyarebera ahubwo gitangira kurasa muri Israel ndetse no kuri za Ambasade za Amerika mu bihugu bitandukanye byo mu Burasirazuba bwo Hagati.

Kugeza ubu, amakuru avuga ko iyi ntambara imaze guhitana abantu bagera ku 1,300 muri Iran barimo n’abayobozi bakuru b’iki gihugu, mu gihe abasirikare 13 ba Amerika ari bo bivugwa ko bamaze kuyigwamo, ndetse abagera kuri 200 bakaba barakomeretse.

Waba se wari uzi ko imbuto imwe ishobora kwera imyumbati iryoha n’irura?

Abahanga bazi neza imiterere y’igihingwa cy’imyumbati, bavuga ko hari impamvu zitandukanye zishobora gutuma imbuto imwe, urugero nk’imbuto izwi nka Buryohe cyangwa indi, yakwera imyumbati iryoha ndetse n’irura cyangwa isharira nk’uko bamwe babivuga.

Severin Ntivuguruzwa, umushakashatsi mu Kigo cy’Igihugu cyita ku Buhinzi n’Ubworozi (RAB), by’umwihariko ukora ku gihingwa cy’imyumbati abisobanura agira ati “Mu by’ukuri imyumbati kugira ngo iryohe cyangwa ibe ari imiribwa, biterwa n’uruhurirane rw’ibintu byinshi. Icya mbere biterwa n’ubwoko bw’imyumbati ubwabwo. Icyakora imbuto y’imyumbati ishobora kuza yifitemo ubushobozi bwo kurura cyangwa kuryoha”.

Yungamo ati “Ikindi kintu cy’ingenzi ni bwa butaka wahinzemo imbuto runaka y’imyumbati. Ikintu gitangaje rero, ushobora gukura umwumbati ku butaka runaka, wenda i Rubona muri Huye ari umuribwa, wawugeza mu kandi Karere gafite ubutaka busharira na wo ugasharira cyangwa ukarura, kandi imbuto ari imwe”.

Uyu mushakashatsi akomeza avuga ko no mu murima umwe bishoboka ko imbuto imwe y’imyumbati ishobora kwera imiribwa n’irura, bitewe n’uko hari agace k’uwo murima gafite ubutaka busharira.

Ntivuguruzwa anasobanura ibijyanye n’ihene cyangwa se irindi tungo, rishobora kurya imyumbati rigapfa.

Ati “Ubusanzwe iyi myumbati yacu irura, ntabwo byemewe ko wayifata ugahita uyirya, utagabanyije igipimo cy’ubusharire (acide) kiyirimo. Ni yo mpamvu imyumbati y’ubugari tubanza kuyinika mu mazi kugira ngo ubusharire bugabanuke, ntigire ingaruka ku buzima bw’umuntu”.

Ati “Itungo rero iyo rifashe wa mwumbati usharira, ryarya amababi cyangwa rikarya ibijumba, harimo bwa busharire butagabanyijwe, ni bwo rihita ripfa”.

Ishami ry’Umuryango w’Abibumbye ryita ku biribwa (FAO), rivuga ko umwumbati ushobora kuribwa ntugire ingaruka ku buzima bw’umuntu, utagomba kurenza ikigero cya ‘Cyanure’ (ikinyabutabire gifatwa nk’uburozi) cya mg 50 mu Kilo cy’imyumbati.

Mu Kilo cy’ifu y’ubugari y’imyumbati, icyo kinyabutabire cya Cyanure ntikigomba kurenga mg 10.

Imyumbati irura ni yo igira Cyanure nyinshi, iri hejuru ya mg 50 ku Kilo, FAO ikagira inama abantu yo kubanza kuyitonora, ikinikwa hanyuma ikanikwa ku zuba, ibyo bikagabanya cya kinyabutabire bityo ntiteze ikibazo abantu bayifungura.

Sheikh Sindayigaya yabigarutseho kuri uyu wa Gatanu tariki 20 Werurwe 2026, ubwo yari yitabiriye amasengesho yo gusoza Igisibo gitagatifu cy’Abayisilamu, cyangwa Umunsi mukuru wa Eidil Fitri, aho ahamya ko Igisibo cyagenze neza, kuko mu gihugu hose bagikoze bisanzuye.

Aganira n’itangazamakuru, Sheikh Sindayigaya yashimiye Leta y’u Rwanda kubera umutekano usesuye uri mu gihugu, utuma buri muntu akora ibyo yateguye mu mudendezo, ari na byo byatumye ibyo bateguye gukora mu Gisibo bigenda neza.

Yagize ati “Dusoje Igisibo cya Ramadhan, cyagenze neza cyane, turashima Imana. By’umwihariko iyo turebye hirya no hino ku Isi tubona hari ibibazo by’umutekano muke, cyane cyane mu karere gatuwe n’Abayisilamu benshi, mu Burasirazuba bwo hagati, ariko twebwe ibyo bitwibutsa ya ngabire dufite y’umutekano n’ubwisanzure. Kubera ko mu Gisibo haba hari ibikorwa by’amasengesho ndetse amwe akaba nijoro, urumva ko hatari umutekano bitashoboka”.

Mufti w’u Rwanda, Sheikh Sindayigaya Mussa

Ati “Turashimira rero Igihugu cyacu gishyira imbaraga mu gushakira umutekano Abanyarwanda, by’umwihariko Nyakubahwa Perezida wa Repubulika, Paul Kagame, watubwiye ngo turyame dusinzire, hanyuma tubyuke dukore twisanzure. Icyo rero ni ikintu gikomeye mu byaranze Igisibo, kuko twasibye mu mahoro n’umutekano”.

Akomeza avuga ko kuba mu gihugu hari umutekano, byanatumye Abayisilamu babasha gusabana na bagenzi babo batishoboye, babagenera ubufasha kugira ngo na bo bishime ku munsi mukuru w’Ilayidi.

Sheikh Sindayigaya, yasabye abayisilamu basoje igisibo cya Ramadhan gukomeza kurangwa no gukora ibikorwa byiza.

Ati “Kuba dusoje Igisibo ntabwo tugomba guhagarika ibikorwa byiza, ntitugomba guhagarika gusenga, gufasha abatishoboye, ahubwo umunyabwenge agikuramo imbaraga. Ibikorwa byiza ni ibikorwa bikomeza, ntabwo ari ibikorwa bihagararira aho, kabone nubwo byaba ari bike ariko bigakorwa mu buryo buhoraho.”

Mufti w’u Rwanda yanasabye Abayisilamu kurangwa n’imyitwarire myiza ikwiye, birinda gusubira mu byaha nyuma y’Igisibo.

Ati “Icyo dusabwa ni ukwirinda kugwa mu byaha, no kuzirikana ko Imana nyagasani tugomba kuyigaragira. Umunyagihombo uruta abandi ni wa wundi wiyiriza ubusa ukwezi kose kwa Ramadhan, ariko kwarangira agasubira mu byaha.”

Amasengesho yo gusoza igisibo cya Ramadan cy’uyu mwaka, ku rwego rw’Igihugu yabereye kuri Kigali Pelé Stadium, i Nyamirambo mu Mujyi wa Kigali, aho yitabiriwe n’Abayisilamu benshi barimo n’abayobozi mu nzego nkuru z’Igihugu, harimo Depite Mussa Fazil Harerimana, Gen Mubarakah Muganga n’abandi.

Ibi Sheikh Sindayigaya yabigarutseho kuri uyu wa Gatanu tariki 20 Werurwe 2026, umunsi wo gusoza Igisibo gitagatifu, cyangwa Umunsi mukuru wa Eidil Fitri, aho yagaragaje ko iki gihe cyagiriye umumaro Abayisilamu ndetse n’abatari bo.

Sheikh Sindayigaya, avuga ko Abayisilamu babonye umwanya wo kwiherera bakiyegereza Imana.

Yagize ati “Twafata Igisibo nk’umwiherero cyangwa ingando, mbese ni nka kwa kundi amakipe iyo agiye kwitegura imikino, abatoza bajyana abakinnyi ahantu bakajya kwitegura neza, aho baba bari ahantu batagira ibindi bibahuza. Baba rero bagiye gukarishya imyiteguro no kunoza gahunda y’uko bazakina. Ayo masomo rero bakuye mu myitozo muri uwo mwiherero, ni yo umutoza aba ashaka ko bagaragaza mu mukino nyirizina, berekana ubuhanga bahakuye”.

Ati “Ibi rero bisobanuye yuko iyo turangije igisibo, ari bwo Imana Nyagasani iba itwitezeho kubona impinduka nziza, tukagera aheza haruta aho twari turi, mu rwego rwo kubaha Imana, kuyisenga no kuyiyegereza. Aha ni ho dukura ya masomo yo kuzirikana abakene, gukarishya gahunda zo gusenga ndetse no gusabana. Ibi byose biba bigomba kuduherekeza na nyuma y’Igisibo, ni na byo bigaragaza yuko igisibo cyacu cyakiriwe”.

Akomeza avuga ko igisibo ari igihe cyo kuvugurura isezerano bagiranye n’Imana, kwivugurura no kwisuzuma, kongera umurava muri gahunda zo kwiyegereza Imana ndetse kikaba n’igihe cyo kuzirikana abatishoboye.

Ati “Iyo umuntu yiyirije bituma atekereza uko inzara ibabaza, bityo bigatuma arushaho gutekereza no kuzirikana ba bandi batishoboye. Iyi ni imwe mu nyungu nyinshi Igisibo kidusigira”.

Muri iyi gahunda yo gusabana no gufasha abatishoboye, Sheikh Sindayigaya avuga ko ku bufatanye bw’Umuryango w’Abayisiramu mu Rwanda, muri iki gisibo babashije gufasha imiryango 7,329 ndetse ngo haba n’irindi turo, ku bufatanye n’abandi Bayisilamu rikusanywa, risoza Igisibo rigamije gufasha abakene kwishimana n’imiryango yabo, rikaba ryamaze kugezwa ku miryango 3,705.

Muri aya masaha, Abayisiramu bo mu Rwanda bari mu masengesho yo gusoza Igisibo gitagatifu, aho ku rwego rw’Igihugu amasengesho yabereye kuri Kigali Pelé Stadium i Nyamirambo mu Mujyi wa Kigali, ariko akanabera n’ahandi hirya no hino mu gihugu, nk’uko Sheikh Sindayigaya yabitangarije RBA.

Mu Rwanda, igisibo cya Ramadan muri uyu mwaka cyatangiye ku itariki 18 Gashyantare 2026, Abayisilamu bakaba bamara ukwezi bigomwa byinshi bisanzwe bibashimisha, ahubwo uwo mwanya bakawuharira gusenga barushaho kwiyegereza Imana, ndetse no gukora ibikorwa byiza.

Mu iburanisha ryo kuri uyu wa Kane tariki 19 Werurwe 2026, u Bwongereza ni bwo bwari butahiwe, bwisobanura ku mpamu rutubahirije amasezerano yo kohereza impunzi n’abimukira mu Rwanda, gusa mu kwisobanura kabwo, bwavuze ko nta masezerano bwishe.

Ikirego u Rwanda rwari rwaratanze muri uru Rukiko rurega u Bwongereza, gishingiye ku kutubahiriza amasezerano y’ubufatanye ku bijyanye n’impunzi n’abimukira, yasinywe hagati y’impande zombi mu mwaka wa 2022.

U Rwanda rugaragaza ishingiro ry’ikirego ku wa Gatatu tarikin 18 Werurwe 2026, rwavuze ko ihagarikwa ry’aya masezerano rwarimenyeye mu itangazamakuru, aho kuba mu nzira za Dipolomasi.

Muri aya masezerano, u Bwongereza bwari bwarahaye u Rwanda Amapawundi Miliyoni 270, ariko muri Mata 2025, bwari bwemeye ko buzatanga andi Mapawundi Miliyoni 50, ndetse n’andi Mapawundi Miliyoni 50 muri Mata 2026, ibi rero ntibyubahirijwe, u Bwongereza bukaba bwavuze ko nta yandi mafaranga bwagombaga kongera gutanga, gusa ihagarikwa ry’ubu bwumvikane rikaba ritaramenyeshejwe u Rwanda ari na ho hashingiye ikirego cyarwo.

Bwisobanura ku munsi wa mbere w’iburanisha, u Bwongereza bwavuze ko Guverinoma nshya yagiyeho muri 2024, mu migabo n’imigambi yayo hari harimo guhagarika umugambi wo kohereza impunzi n’abimukira mu Rwanda, bukavuga ko bwanarumenyesheje iby’uko ayo masezerano asheshwe.

U Rwanda aha rwo rwavuze ko kuba harabaye impinduka muri politiki y’u Bwongereza, bitagombaga gutuma budakomeza kubahiriza amasezerano bwasinye, bityo ko bwagombaga gukomeza ibyo bwari bwemeye, bugaha u Rwanda amafaranga yari asigaye, kuko kutabikora ari ukwica amasezerano mu rwego rw’imari, cyane u Rwanda rwari rugerereye imyiteguro yo kwakira abo bantu.

U Bwongereza bwasabye Urukiko rw’i La Haye gutesha agaciro ikirego cy’u Rwanda, kuko ngo mu 2024, ibihugu byombi byari byarumvikanye ko amafaranga yari asigaye nk’uko byari biri mu masezerano rureka kuyakurikirana, ariko rukaba rwabiteye utwatsi kuko rwagaragaje ko hari ibikorwa byinshi rwari rwaramaze gukora.

Uru rubanza rurakomeza kuri uyu wa Gatanu tariki 20 Werurwe 2026.

Imbuto nshya y’imyumbati itanga umusaruro utubutse

Igikorwa cyo gusogongera izo mbuto zitandukanye zongerewe ubudahangarwa, cyitabiriwe n’abashakashatsi mu buhinzi ndetse n’abahinzi bakaba n’abatubuzi b’imbuto nziza, kibera aho RAB ikorera i Rubona mu Karere ka Huye, kuri uyu wa Kabiri tariki 17 Werurwe 2026.

Abashakashatsi bakoze kuri izi mbuto nshya z’imyumbati uko ari umunani zasogongewe, bavuga ko zitanga umusaruro wa Toni 40 kuri Hegitari, mu gihe izari zisanzwe zihingwa zitanga Toni 25-30, ariko ngo hakabonekamo imyumbati myinshi yaboze.

Abahinzi bitabiriye iki gikorwa, bavuga ko imyumbati babonye yabahaye icyizere cyo guhinga bunguka, kuko ari mbuto zifite ubudahangarwa.

Kantarama Césalie, umutubuzi w’imbuto nziza y’imyumbati akaba na Perezida wa Sendika Ingabo, avuga ko izi mbuto bazishimiye.

Yagize “Imbuto twabonye biragaragara ko ari nziza kandi ifite umusaruro mwinshi cyane, ikaba rero ije kutwunganira kuko hanze aha imbuto ni nke. Kuba kandi tubonye imbuto idafatwa na kabore, kuko iyi ndwara igifite ubukana, ni amahirwe akomeye, icyo twifuza ni uko hashyirwaho uburyo bwo kuyibungabunga ntihagire ibiyangiza. Icyakora ni ibyo kwishimira”.

Bavuga ko ubugari bw’iyi myumbati buryoshye

Ku bijyanye n’uko yumvise iyi myumbati imeze nyuma yo kuyisogongera, Kantarama yagize ati “Iyi myumbati iraryoshye, hari iyo numvise y’imiribwa ariko harimo n’ifite akarure, gusa aka karure na ko ni keza ku ifu y’ubugari. Muri rusange twabonye iyi myumbati ari myiza, nta kibazo ifite”.

Mugenzi we, Sacyenda Jean Baptiste, umutubuzi w’imbuto mu Karere ka Bugesera, avuga ko kubona imbuto yihanganira kabore ari iby’agaciro.

Ati “Icyo iyi mbuto ije kudufasha nk’abahinzi, ni uko tutazongera guhangayika kubera indwara ya kabore kuko ni yo izonga umuhinzi w’imyumbati. Bivuze ko umuhinzi azahinga yishimye kuko yizeye ko azeza neza bityo akunguka, ni iby’agaciro. Ikindi ni uko twagiraga ikibazo cy’imbuto idahagije, none ubu bwoko umunani bw’imbuto buje nizeye ko buzagikemura”.

Uyu mutubuzi ubimazemo imyaka ibiri, avuga ko uyu mwuga we umwungura, kuko ngo iyo agiye gutuburira kuri Hegitari imwe, ashora Miliyoni 2.5Frw ariko akaba yizeye ko nagurisha imbuto n’imyumbati azakuramo ari hagati ya Miliyoni 4-4.5Frw.

Dr Athanase Nduwumuremyi, umushakashatsi ku binyabijumba muri RAB, avuga ko imbuto nshya zije gufasha abahinzi gutandukana n’igihombo.

Dr Athanase Nduwumuremyi

Ati “Imyumbati nubwo idaterwa imiti ihendesha abahinzi nk’ibindi bihingwa, ikunze kubahombya bitewe n’indwara ya kabore, kuko akenshi iyo basaruye basangamo iyaboze bakayijugunya. Uyu munsi rero izi mbuto zasogongewe ni igisubizo ku bahinzi, kuko zidafatwa n’izo ndwara zitera imyumbati kubora, bityo umuhinzi akunguka aho guhora mu bihombo”.

Harabura iki ngo izi mbuto zigere ku bahinzi?

Dr Nduwumuremyi avuga ko igisigaye ngo izi mbuto zigere ku bahinzi, ari ugusoza inzira y’ubushakashatsi kugeza imbuto zanditswe.

Ati “Uyu munsi twasogongeye imyumbati ikomoka kuri izi mbuto, kandi benshi bavuze ko iryoshye, icyiciro gikurikiyeho ni urugendo rwo kuzandikisha ku rutonde rw’Imbuto z’Igihugu zemewe. Nitumara kuzandikisha ni bwo tuzazigeza ku batubuzi b’imbuto nziza bazitubure ku bwinshi. Twebwe muri RAB twamaze gutangira gutubura imbuto z’ibanze zo guheraho, sinababwira ngo urwo rugendo ruzamara iminsi ingahe, ariko nizera ko bizihuta ku buryo umwaka utaha imbuto zizagera ku bahinzi”.

Ikigo cy’Igihugu gishinzwe Ubugenzuzi bw’Ubuziranenge, ihiganwa mu bucuruzi no kurengera umuguzi (RICA), ni cyo gifite mu nshingano gushyira imbuto ku rutonde rw’izemewe mu gihugu.

Kugira ngo izi mbuto ziboneke, hifashishijwe ubushakashatsi bwanyuze muri gahunda ya Leta yo kuvugurura imbuto biciye mu ikoranabuhanga izwi nka Rwanda AgriBiotech Program (RABP-CMP) ku bufatanye na RAB ndetse n’Ikigo nyafurika giteza imbere ikoranabuhanga mu Buhinzi (AATF), muri iyi njyana hakaba harimo gukorwa kandi ubushakashatsi ku birayi n’ibigori, izi mbuto na zo zikaba zitezweho umusaruro uri hejuru.

Akirangiza kwiga amashuri yisumbuye, yatangiye inzira yo gushaka uruhushya rwo gutwara ibinyabiziga, ku buryo ubu afite ‘Categories’ enye (4), akaba ari umushoferi wa bisi mu Mujyi wa Kigali.

Urugendo rw’uyu mukobwa akenshi uba wisekera, w’urubavu ruto binatuma hari abagenzi atwara bamwita umwana, yarutangiye muri Kanama 2021, ubwo yazaga i Kigali gushaka ubuzima, aturutse iwabo mu Karere ka Kirehe mu Ntara y’Iburasirazuba, nyuma yo kurangiza amashuri yisumbuye, aho yize Imibare, Ubukungu n’Ubumenyi bw’Isi (MEG).

Mu 2024, ni bwo Ishimwe yatangiye kwiga gutwara moto, aza kubigiriramo umugisha kuko yabonye umushinga wari ugamije guteza imbere abagore, na we uramufata, umufasha kwishyura amafaranga yo kwiga n’ayo gukora ibizamini, ndetse muri uwo mwaka ahita abona Cat. A (uruhushya rwa burundu rwo gutwara moto), cyane ko urw’agateganyo yari yararubonye mbere.

Avuga ko gutwara ibinyabiziga yabikunze kera ari umwana, ariko atazi ko inzozi ze azazikabya cyane ko nta w’iwabo yabireberagaho.

Ati “Jyewe nakuze numva gutwara mbikunze cyane ndetse bindi mu maraso, kuva na kera ndi umwana, kandi nkumva nazatwara imodoka nini. Ntawe wo mu muryango wanjye wabaye umushoferi, byanjemo gutyo gusa mpita mbijyamo maze gukura”.

Ishimwe amaze kubona Cat A, umushinga wamufashaga wanamuguriye moto mu buryo bw’inguzanyo, atangira gutwara abagenzi muri Kigali ari na ko yishyura ya nguzanyo ku buryo ubu ateganya kuyirangiza muri uku kwezi kwa Werurwe, akegukana moto, ubu akaba yarayihaye undi uyitwara ikamwinjiriza, iyi moto akaba yarayitwaye mu gihe cy’umwaka n’igice.

Mu ntangiriro za 2025, ni bwo Ishimwe yatangiye kwiga imodoka muri ‘Auto-école’, amaze kuyimenya ahita anakora ibizamini, maze muri Gashyantare 2025 abona Cat B (uruhushya rwo gutwara imodoka nto).

Uyu mukobwa ati “Maze kubona Cat B, nabonye ko byose bishoboka, nti ese ibi ko bikunze uwakorera n’indi! Nshaka amafaranga ndongera ndiga nshaka D, muri Mata 2025 nkora ibizamini mpita natsindira Cat D (imodoka ziringaniye zitwara abagenzi nka Coaster, Minibus…). Ntibyarangiriye aho kuko nari mfite inzozi zo gutwara imodoka nini, narakomeje”.

Ati “Mbonye ibi biciyemo, naravuze nti ese ubundi uwashaka na Cat D1 (yo gutwara bisi), kuko numvaga D idahagije. Muri Gicurasi 2025 nashatse amafaranga ndiga, noneho muri Kamena uwo mwaka nkora ibizamini ndetse ndanabitsinda mpita mbona Cat D1. Gusa nakomeje gutwara moto yanjye kuko nta kazi ko gutwara imodoka nari ndabona, ariko nakomezaga gukurikirana ahari amatangazo y’akazi, nahabona nkandika nsaba nk’abandi”.

Ishimwe yabonye akazi k’inzozi ze

Uyu mukobwa amaze hafi ukwezi atangiye akazi ko gutwara bisi muri sosiyete ya RITCO, itwara abagenzi mu Mujyi wa Kigali no hanze yaho, akaba nta yindi modoka yatwaye uretse izo yigigaraho muri Auto-école, kuko ari bwo yahise areka moto.

Icyakora avuga ko iyi sosiyete imaze kumuha akazi hamwe n’abandi batangiranye, babahaye amahugurwa y’ibyumweru bibiri, kugira ngo babamenyereze uko izi modoka nini, zitwara abagenzi 70 zitwarwa, ariko bakaba barazitwaraga nta bagenzi barimo.

Nyuma yaho, Ishimwe yatangiye gutwara bisi irimo abagenzi, mu minsi ibiri ibanza bakamuha umushoferi umenyereye ngo bagendane amumenyereza umuhanda, hanyuma atangira gutwara ari wenyine, ubu akaba akorera kuri ligne ya Dowtown-Nyacyonga.

Barambangamira iyo banyita umwana

Ishimwe avuga ko hari abagenzi bamureba bakabona ko atashobora kubatwara ngo abageze aho bajya bamwita umwana, mu gihe avuga ko atari byo bikamubangamira ariko ntacike intege.

Ati “Ngitangira gutwara bisi, rimwe ntegereje ko isaha igera ngo mpaguruke, nari nicaye mu mwanya w’umushoferi ariko ntambaye umwenda w’akazi, nkumva abagenzi bavuga ngo ariko se shoferi yaje tukagenda! Isaha igeze nambaye impuzankano, nditunganya natsa imodoka, abagenzi bariyamirira bati ‘Mana weee! Ni wowe udutwaye? Twari tuzi ko uri umukorerabushake! Ibyo numvaga bibangamye ariko byarashize”.

Yungamo ati “Kubera ko mba ndi n’igitsina gore, noneho mfite n’igara ritoya, barareba bati ‘aka ni ko kadutwaye koko! Ese ubu afite indangamuntu! Ni gute bamuha bisi twe tubona nta n’indangamutu arafata!’ Icyakora nubwo bavuga ibyo ntawe uranga ko mutwara, ahubwo nsigaye mbona cyane cyane abagore banyishimiye kuko natwe dushoboye”.

Akomeza avuga ko nubwo hakiri abamureba bakamwibazaho kubera urubavu ruto rwe, ubu yumva ntacyo bitwaye, kuko yifitiye icyizere mu byo akora, cyane ko abikunze.

Imyaka 23, categorie enye: Sarah Ishimwe yavuye kuri Moto ahita atwara bisi. pic.twitter.com/cmBUnU0RMt

— Kigali Today (@kigalitoday) March 13, 2026

Agaruka ku nzozi ze, Ishimwe agira ati “Inzozi zanjye ni ukwikorera, nkaba nakwigurira imodoka itwara abagenzi, nkayitwarira numva ari iyanjye, kandi nzabigeraho. Ndateganya kandi gukorera izindi Categories, kuko numva n’iy’ikamyo kuyitunga ari byiza, nta wamenya ibiri imbere. Jyewe ikijyanye no gutwara cyose ncyiyumvamo, yewe n’ubwato numva nakwiga kubutwara”.

Umuyobozi ushinzwe Ibikorwa muri RITCO, Théogène Bazumutima, avuga ko Ishimwe ari umukozi akora akazi ke neza.

Ati “Ikigaragara ni uko akunda umurimo kandi akawukora kinyamwuga, mbese ubona afite icyerekezo. Kuba yaraje nta handi yatwaye bisi si ikibazo, kuko mbere y’uko bajya mu kazi yaba we kimwe n’abandi tubanza kubaha amahugurwa, kandi hari n’isuzuma tuba twarakoze, akaba yaragaragaje ko abishoboye”.

Ishimwe agira inama abandi bakobwa ndetse n’abagore muri rusange yo kwigirira icyize mu byo bakora, ntibumve ko hari ibyahariwe abagabo.

Ati “Nta mpamvu yo gutinya, icy’ingenzi ni ukwigirira icyizere. Ibintu byose ni mu mutwe kandi nta kidashoboka, cyane ko nk’ibi nkora bidasaba imbaraga, imodoka sinsabwa kuyikorera. Kubona rero nkora imirimo twari tumenyereye ko ari iy’abagabo abantu bakabitangarira, jye mbona nta n’ikiba gitangaje kirimo, ni ibintu bisanzwe. Bagenzi banjye rero nibatinyuke bakore, bareke kwisuzugura kuko natwe turashoboye”.

Ishimwe avuga ko mu bintu byamugoye agitangira aka kazi, ari ukubyuka mbere ya saa kumi za mu gitondo, akitegura, agashaka n’uburyo agera mu kigo aho imodoka zirara, kuko saa kumi n’imwe zuzuye akazi kaba gatangiye.

Muri ibi bikorwa bimaze amezi abiri, Ingabo z’u Rwanda ku bufatanye n’iza Jamaica bubatse inzu 62 zari zasenywe n’ibiza, harimo no kongera ibyumba by’amashuri, ndetse no kuvugurura inzu icumbikira abana bafite ubumuga.

Col Déo Mutabazi, Umujyanama mu bya Gisirikare n’Umutekano mu Muryango w’Abibumbye akaba ari na we uhagarariye inyungu za Gisirikare z’u Rwanda muri Jamaica, ari kumwe n’Umuyobozi w’Ingabo z’u Rwanda zagiye muri Jamaica gufasha mu bwubatsi, Col Moses Kayigamba, bagiranye ikiganiro n’Umugaba Mukuru w’Ingabo za Jamaica, ku cyicaro gikuru cya JDF i Kingston, bagaruka ku ruhare rw’Ingabo z’u Rwanda muri icyo gikorwa.

Muri ibi biganiro, Vice Admiral Wemyss-Gorman yagize ati “Ni ibyo kwishimira, ni ibyo guhabwa agaciro, kumva abantu bamaze amezi abiri, bagenda mu baturage, ari bo bamenya ibyo bagomba gukora, nta kintu kibi cyumvikanye, ni urugero rwiza basize hano muri Jamaica”.

Col Déo Mutabazi yashyikirije Umugaba Mukuru w’Ingabo za Jamaica ubutumwa buturutse ku Mugaba Mukuru w’Ingabo z’u Rwanda, Gen Mubarakh Muganga, bugaragaza ishimwe ku bufatanye bukomeye buri hagati y’Ingabo z’u Rwanda n’iza Jamaica.

Yashimangiye ko u Rwanda rwishimiye gukomeza guteza imbere umubano w’ibihugu byombi, kandi rwiteguye gukorana na Jamaica no mu zindi gahunda z’ubufatanye.

Ubu bufatanye mu kubakira abasenyewe n’ibiza, bwagize uruhare runini mu gufasha imiryango n’abaturage bari baribasiwe n’ikiza cy’umuyaga, kongera kwisuganya no kubaka ubuzima bwabo.

Amakuru avuga ko inkubi y’umuyaga ya Hurricane Melissa yangije ibintu bifite agaciro ka Miliyari 8.8 z’Amadolari ya Amerika.

Ingabo z’u Rwanda zoherejwe muri Jamaica ku itariki 14 Mutarama 2026, hashingiwe ku masezerano y’ubufatanye hagati ya Leta y’u Rwanda n’iki gihugu, agamije gutanga ubufasha mu gusana ibikorwa remezo byangijwe n’ibiza.

Iyi nkubi y’umuyaga yibasiye agace ka Caraïbes mu mpera z’umwaka ushize, igihugu cya Jamaica kikaba ari cyo cyagizweho ingaruka zikomeye kurusha ibindi bihugu, ari byo byatumye gisaba ubufasha mu bikorwa by’ubutabazi mu nzego zitandukanye.

Mu Kwakira 2021 nubwo Leta Zunze Ubumwe za Amerika zashyikirije u Rwanda Oswald Rurangwa wari warakatiwe n’inkiko za Gacaca igifungo cy’imyaka 30 adahari mu mwaka wa 2008

Ni urubanza rw’ubujurire, rwaburanishirijwe mu Rukiko Rwisumbuye rwa Gasabo, aho Oswald Rurangwa yajuririye igihano cyo gufungwa imyaka 30 yari yarahawe n’Inkiko Gacaca, kubera ibyaha zamuhamije byo kugira uruhare muri Jenoside yakorewe Abatutsi mu 1994, aho avugwa mu bitero byahitanye Abatutsi benshi hirya no hino mu Mujyi wa Kigali.

Uyu mugabo yamenyekanye cyane mu bitero byahitanye Abatutsi kuri Sainte Famille ndetse no kuri Saint Paul mu gihe cya Jenoside.

Inkiko Gacaca zakatiye Oswald Rurangwa gufungwa imyaka 30 mu 2008 ariko icyo gihe ntiyari ahari kuko yari yaratorokeye ubutabera muri Leta zunze Ubumwe za Amerika, ariko zikaza kumufata nyuma y’impapuro zo kumuta muri yombi zasohowe n’u Rwanda, nuko ku itariki 7 Ukwakira 2021 agezwa mu Rwanda kugira ngo abe ari ho arangiriza igihano cye.

Oswald Rurangwa yavutse mu mwaka wa 1962 avukira mu Karere ka Gasabo mu Murenge wa Gisozi. Azwiho kuba yarakoranaga bya hafi na Col Renzaho Tharcisse wari Umuyobozi w’Umujyi wa Kigali mu gihe cya Jenoside yakorewe Abatutsi.

Ubwo yagezwaga mu Rwanda, Ubushinjacyaha bwavuze ko Oswald Rurangwa yari Perezida w’interahamwe muri Gisozi akaba yarakoraga n’akazi k’ubwarimu. Yagaragaye no mu bikorwa byinshi bya Jenoside yakorewe Abatutsi harimo kwica, kujya mu nama zateguraga Jenoside, kujya mu bitero. Araregwa ibyaha bya Jenoside, ubufatanyacyaha mu gukora Jenoside, gukangurira abantu gukora Jenoside, kwica nk’icyaha cyibasiye inyoko muntu no kurimbura imbaga, n’ibindi bikorwa bitandukanye yagiye agaragaramo.

Isomwa ry’uru rubanza rwa Oswald Rurangwa rizaba ku itariki 31 Werurwe 2026 saa munani z’igicamunsi, ku Rukiko Rwisumbuye rwa Gasabo i Rusororo.

Ibi birajyana n’uko umushinga w’itegeko rigenga Umutungo Koranabuhanga (Virtual Assets) mu Rwanda, wemejwe n’Inama y’Abaminisitiri yabaye ku wa 4 Werurwe 2026, iri tegeko rikaba rigamije gushyiraho imfashanyigisho n’amategeko agenga ikoreshwa ry’ikoranabuhanga mu by’imari.

Duhereye ku rugero rw’inzu iri mu Rwanda, izahabwa agaciro muri rya faranga koranabuhanga, bityo ibe yakwemerwa na Banki yo hanze y’u Rwanda, nk’uko bisobanurwa na Robert Ford Nkusi, uhagarariye ikigo gikora ubucuruzi bwifashisha ikoranabuhanga, Yellow Card.

Robert Ford Nkusi

Agira ati “Ubusanzwe wafataga umutungo wawe, urugero inzu, ukawujyana muri banki bakaguha amafaranga wenda yo kujya gucuruza, ariko iyo ngwate ikemerwa mu Rwanda gusa. Muri iri koranabuhanga rero, uwo mutungo wawe ntuzaba ubarirwa mu mafaranga y’u Rwanda, Amadolari se cyangwa Amayero, bazawuhinduramo ibyitwa ‘Tokens’. Aha rero uwo mutungo ugira agaciro gafite ubuziranenge bwo hejuru cyane (Blockchain) kandi ku Isi hose, ukaba wakwakirwa nk’ingwate mu mabanki yo hanze, akenshi anasaba inyungu iri hasi”.

Yungamo ati “Iri tegeko nirimara gusohoka, rizafasha ushinzwe igenzura ry’iryo faranga, aha ni Ikigo cy’Imari n’Imigabane (CMA), gushyiraho uburyo bwo guha agaciro za Tokens, bavuge bati Token imwe ihwanye n’Amafaranga y’u Rwanda angana atya, bityo agaciro k’umutungo wawe kagaragare. Ibi ushobora kubikora no ku yindi mitungo nk’ibibanza, amabuye y’agaciro, ubutaka kuko icyitwa ‘UPI’ yabwo mu Rwanda hanze batakizi… ku buryo bigira agaciro ku rwego mpuzamahanga kubera ko byashyizwe muri iryo koranabuhanga”.

Akomeza avuga ko ifaranga koranabuhanga rizakuraho ibyo gufata Amafaranga y’u Rwanda ukabanza kuyavunjisha mu Madolari cyangwa Amayero, kugira ngo ubashe kurangura ibicuruzwa mu Bushinwa cyangwa ahandi, cyane ko ubwo buryo ngo buhendesha abacuruzi kuko no kuyohereza na byo bisaba kurenzaho andi.

Norbert Haguma, Umuyobozi w’ihuriro nyarwanda ry’abari mu ikoranabuanga mu by’imari (Rwanda Blockchain Association), avuga ko iri tegeko riziye igihe kuko hari byinshi rije koroshya mu ishoramari.

Ati “Iri tegeko nirisohoka mu Igazeti ya Leta, rizafasha abantu benshi baba muri uru rwego rw’ikoranabuhanga mu by’imari, boroherwe kugura no kugurisha imitungo runaka kandi nta mbogamizi. Urugero, nk’uko umuntu agura imigabane runaka ku isoko ry’Imari n’imigabane, azaba yemerewe kugura wenda imigabane kuri moto kuko adafite amafaranga yo kuyigura wenyine, akaba ayifiteho nka 1/10, bityo usange moto imwe ni iy’abantu benshi”.

Akomeza avuga ko iri koranabuhanga baribagamo ariko ntibakore neza kuko nta tegeko ryari rihari ribigenga, mbese ngo ni nk’aho batari bemerewe kubikora, kuko hari nk’igihe Banki Nkuru y’u Rwanda (BNR) yahagaritse ikoreshwa ry’ifaranga rya Crypto.

Abazobereye mu by’iri koranabuhanga bariganiriyeho

Icyakora Haguma ubu amara impungenge abashoramari muri ubu buryo bw’Ifaranga Koranabuhanga, kuko uzashaka kujya muri ubu bucuruzi azanyura muri CMA bakemeranya ku mikorere, naho BNR ikaba yabizamo mu gihe hari ibitumvikanyweho.

Iby’iri tegeko byagarutsweho nyuma y’igihe gito Banki Nkuru y’u Rwanda itangaje ko yarangije igerageza rito ryitwa ‘Proof of Concept’, ryakozwe ku ishyirwa mu bikorwa ry’Ifaranga Koranabuhanga rya Banki Nkuru (Central Bank Digital Currency/CBDC), ari ryo ryiswe e-Franc Rwandais (e-FRW).

Urwego rw’Abikorera mu Rwanda (PSF) rubinyubjije mu ishami ryarwo ry’ikoranabuhanga (ICT Chamber), ku wa Mbere w’iki cyumweru rwahuje abazobereye muri iri koranabuhanga baritangaho ibitekerezo, ndetse bashimira u Rwanda kuba ruryinjiyemo ku mugaragaro kuko rigamije guteza imbere umugabane wa Afurika.

U Rwanda rwemeje umushinga w’iri tegeko ari urwa kabiri mu bihugu bya Afurika y’Iburasirazuba (EAC), nyuma ya Kenya.

Iby’iri koranabuhanga kandi biri mu birimo kuganirwaho n’abayobozi mu nzego nkuru z’ibihugu, abashoramari na ba rwiyemezamirimo muri Afurika bateraniye i Kigali, aho bitabiriye Inama yiga ku Ikoranabuhanga Ridaheza mu by’Imari (Inclusive FinTech Forum), ikaba ari inama y’iminsi itatu yatangiye ku itariki 10 ikazageza ku ya 12 Werurwe 2026, ikaba irimo kuba ku nshuro ya gatatu.

BNR yamaze gukora igerageza kuri e-FRW

Ni igikorwa cyatangijwe kuri uyu wa Mbere tariki 9 Werurwe 2026, kikaba kiri mu rwego rw’ubufatanye bw’inzego z’umutekano ari zo Ingabo z’u Rwanda na Polisi y’u Rwanda (RNP) ndetse muri gahunda yo kugabanya ubucucike mu mashuri, ndetse no kubonera abana b’incuke aho biga bitabagoye.

Bamwe mu babyeyi bahuraga n’iki kibazo cyo kubonera abana babo aho kwiga, bashimye iki gikorwa.

Umuhire Josee, umwe muri abo babyeyi yagize ati "Byatumaga abana bakora ingendo ndende bajya kwiga kure ya hano, ahitwa GS Rwankuba. Amashuri yabonekaga ni ayigenga, ugasanga ubushobozi butabonwa na bose. Ubu rero turishimye cyane kuba Polisi n’Ingabo z’igihugu bagiye kutwubakira aya mashuri bakadukemurira iki kibazo. Ndabashimira cyane, ariko mbere na mbere ngashimira Perezida wa Repubulika kuko ni we ubatwoherereza".

Umuyobozi wa GS Rwankuba, Siborurema Tito, avuga ko kuba hatabaga amashuri y’incuke cyari ikibazo gikomereye abaturage.

Ati "Hano kubera ko nta mashuri y’incuke twagiraga, cyari ikibazo gikomeye kuko abana baza gutangira umwaka wa mbere w’amashuri abanza nta bumenyi bw’ibanze bafite, tubigisha guca imirongo, kwandika..., mu gihe bagombye kuza babizi. Byagoraga rero abarimu, bigatuma bakererwa muri gahunda zabo, kuko bigishaga ibitari biteganyijwe kubera abo bana batize ay’incuke".

Yungamo ati "Ibi byumba bagiye kutwubakira turabyishimiye cyane kuko ibi 12 bizagabanya ubucucice mu mashuri y’ibanze n’ayisumbuye. Hano dufite abanyeshuri 2121 bigira mu byumba 24 gusa, bivuze ko ari hafi abana 90 mu ishuri, byatumaga rero mwarimu atabasha gukurikirana abana bose uko bikwiye bikagira ingaruka ku mitsindire yabo. Turashimira rero Polisi n’’Ingabo zacu baje kutwubakira aya mashuri, yari akenewe cyane".

Ibi byumba nibiboneka, ubucucike muri iki kigo buzamanuka bugere ku banyeshuri 58 muri buri cyumba. Aha, ntabwo habariyemo ibyumba bitatu byaba bigenewe abana b’inshuke.

Umuyobozi Mukuru wungirije wa Polisi y’u Rwanda ushinzwe Ubutegetsi n’Abakozi, DGIP Jeanne Chantal Uwajeneza, yavuze ko ibi bikorwa by’ubufatanye bigamije iterambere n’umutekano by’abaturage, ndetse ibyumba by’amashuri bigiye kubakwa bikazatuma abana barushaho gukunda ishuri kuko bazaba bitaweho.

Minisitiri w’Uburezi, Dr Joseph Nsengimana, yavuze ko iki gikorwa kije gushyigikira ireme ry’uburezi.

Ati "Iyo twubaka amashuri tuba turwanya ubucucike kugira ngo abana bige neza, bityo n’ireme ry’uburezi rizamuke. Ibi kandi bizagabanya ibyaha kuko umwana wize neza agira disipuline, akigirira akamaro, akakagirira ababyeyi be n’Igihugu muri rusange. Ubu bufatanye rero bw’Ingabo na Polisi b’u Rwanda n’inzego z’ibanze ni ingirakamaro".

Kubaka ibyumba by’amashuri n’ubwiherero kuri GS Rwankuba bizatwara Miliyoni 360. 2 Frw mu gihe ibi bikorwa mu gihugu hose bizatwara asaga Miliyari 2.5Frw.

Iki gikorwa cyateguwe n’ubuyobozi bw’Akarere ka Bossembele, kikaba cyibanze ku gusukura ahakikije isoko rya Bossembele, harimo gukusanya no gushyira ahabugenewe imyanda yari imaze igihe iharunze.

Uyu muganda witabiriwe n’abayobozi b’inzego z’ibanze barimo Umunyamabanga Mukuru wa Superefegitura ya Bossembele, Madamu Kozimongo Georgette, Umuyobozi w’Akarere ka Bossembele, Semungubo Aristide ndetse n’Umuyobozi w’Ingabo za RWABAT-2, Col. Laurent Kalisa Munana.

Ingabo z’u Rwanda ziri muri Santrafurika zifite inshingano zikomeye zo kubungabunga amahoro, zirinda abasivili ndetse zikanarinda umutekano w’abayobozi bakuru b’igihugu n’inyubako za Leta. Uretse ibyo ariko zinakora ibikorwa by’umuganda, gufasha abaturage mu bikorwa bitandukanye birimo ubuvuzi, ibijyanye n’uburezi ndetse n’iby’iterambere ry’abaturage.

Polisi y’iki gihugu yavuze ko hari abantu bagera kuri 30 batabawe, ariko abandi benshi ngo bakaba barohamye nyuma yo gutwarwa n’amazi akabajyana mu nzuzi, ndetse hakaba hari n’abishwe n’amashanyarazi.

Ingabo za Kenya zoherejwe gutabara abantu bafatiwe mu modoka bari barimo, mu gihe Polisi yavuze ko imyuzure yangije byinshi birimo n’imitungo y’abaturage, ndetse ikanateza ifungwa ry’imihanda myinshi.

Indege nyinshi zari zitegerejwe kugera ku kibuga cy’indege cya Nairobi zabaye zihagaritswe, cyangwa zikoherezwa mu mujyi wa Mombasa uri ku nkombe z’inyanja.

Mu itangazo polisi yashyize ahagaragara kuri uyu wa Gatandatu tariki 7 Werurwe 2026 ku gicamunsi, yagize iti “Imvura nyinshi yaguye yateje imyuzure ikomeye, abantu 23 kugeza ubu ni bo bamaze kumenyekana ko bapfuye. Yangije imitungo, ifunga imihanda ndetse inatuma abaturage benshi bava mu byabo.”

Abayobozi muri Kenya bagiriye inama abaturage kwirinda kunyura mu mihanda yuzuye amazi no mu miyoboro inyuramo amazi y’imvura, mu gihe abatabazi barimo gufasha abatwara ibinyabiziga n’abanyamaguru baheze mu mazi.

Mbere yaho, Ikigo cya Kenya gishinzwe iteganyagihe cyari cyaburiye abaturage ko imvura nyinshi ishobora gukomeza kugwa igihe kirekire, kikaburira abantu ku byago by’imyuzure mu mijyi no ku kibazo cy’ukutabona neza bitewe n’imvura nyinshi. Biteganyijwe ko amazi y’inzuzi azakomeza kuzamuka kugeza ku itariki ya 9 Werurwe 2026.

Umujyi wa Nairobi, hamwe n’uturere turimo utwo mu misozi yo hagati mu gihugu, agace kegereye ikiyaga cya Victoria ndetse n’utwo ku nkombe z’inyanja, turasabwa kwitondera ibi bihe, kubera imvura ishobora kugera ku gipimo cyo hejuru mu minsi iri imbere.

Umwaka ushize, Abanyakenya amagana bahitanywe n’imvura nyinshi yateje imyuzure ikomeye n’inkangu mu bice bitandukanye by’igihugu, ndetse no mu gihugu gituranyi cya Tanzania.

Igikorwa cyo gufungura iri shami riherereye i Nyarutarama mu Mujyi wa Kigali, cyabaye kuri uyu wa Gatanu tariki 6 Werurwe 2026, kikaba cyitabiriwe na Minisitiri w’Imari n’Igenamigambi, Yusuf Murangwa, abayobozi bakuru ba CPF Group, uhagarariye igihugu cya Kenya mu Rwanda, Ambasaderi Janet Mwawasi, abikorera mu nzego zitandukanye n’abandi.

Abikorera bavuga ko iki kigo cy’ishoramari kiziye igihe, kuko byabagoraga kubona amafaranga bakoresha imishinga minini, nk’uko byagarutsweho n’umushoramari mu mabuye y’agaciro no mu buzima, Jean Malic Kalima.

Yagize ati “Kuba iki kigo kije hano iwacu ni ikintu kizafasha abashoramari bo mu Rwanda, cyangwa na Leta kuko kinafasha ibigo cyangwa imishinga minini ya Leta kubona amafaranga menshi yishyurwa mu gihe kirekire. Ni ikintu cyiza rero kuri twebwe”.

Ati “Mu Rwanda twari tumaze igihe twarashyize imbaraga mu bigo by’imari, cyangwa amabanki y’ubucuruzi, ariko twari dukeneye cyane ibigo by’ishoramari biri mu rwego rw’amabanki, kuko mu Rwanda twari dufite BRD gusa. Iki rero kije kudufasha, cyane cyane abafite imishinga minini isaba amafaranga menshi yishyurwa mu gihe kirekire”.

CPF Group ku ikubitiro itangiranye ishoramari ringana na Miliyoni 20 z’Amadolari ya Amerika, ni ukuvuga asaga Miliyari 29 z’Amafaranga y’u Rwanda, ariko ngo akazagenda yongerwa uko ibikorwa bizagenda byaguka.

Maurice Ndurano, Chairperson wa CPF Group, yavuze ko basanzwe bakorera muri Kenya, ariko ngo bakaba bahisemo kwagurira ibikorwa no mu Rwanda.

Ati “Nk’Inama y’Ubutegetsi, tubona ko kwagura ibikorwa atari ubucuruzi bw’ako kanya gusa, ahubwo ari umuhigo w’igihe kirekire ugamije kubaka urwego rw’imari rukomeye kandi rwizewe, ndetse no gushyigikira iterambere ry’ubukungu rirambye mu Rwanda no mu Karere. Gukorera mu Rwanda kwa CPF gushingiye ku miyoborere mwiza yarwo, kubahiriza amabwiriza agenga urwego rw’imari no kubaka ubufatanye burambye.”

Maurice Ndurano, Chairperson wa CPF Group

Akomeza avuga ko guhitamo u Rwanda banagendeye ku buryo rworohereza abashoramari, kubafasha kubona ibyangombwa mu buryo bwihuse no kuba urwego rw’abikorera rukora neza, ku buryo bumva barahisemo neza.

Minisitiri w’Imari n’Igenamigambi, Yusuf Murangwa, avuga ko kuza kwa CPF Group ari amahirwe akomeye ku bashoramari bo mu Rwanda.

Minisitiri w’Imari n’Igenamigambi, Yusuf Murangwa

Ati "Iyo habonetse ubushobozi cyangwa amafaranga yo gushora mu mishinga cyane cyane minini, kandi amafaranga meza atihutirwa kugarura, bifasha abikorera, abashoramari gukora imishinga itanga akazi. Niba bashoye mu nganda, tubona n’ibintu tutari dusanzwe tubona. Ni ukuvuga ko ari ibintu byiza cyane, kuko harimo gutanga serivisi, gutanga imirimo, bikazamura imibereho myiza y’abaturage.

CPF Group, ikigo gisanzwe gikora n’ibijyanye n’ubwishingizi muri Kenya no mu rindi shoramari ritandukanye, gikorera kandi no muri Uganda ndetse no mu Rwanda kikaba cyatangiye ku mugaragaro kuri uyu wa Gatanu.

Ambasaderi wa Kenya mu Rwanda, Janet Mwawasi, na we yitabiriye uyu muhango wo gutangiza CPF Group mu Rwanda

Dr. Hosea Kili, Umuyobozi Mukuru wa CPF Group aha impano Minisitiri Murangwa

Byagarutsweho n’Umuyobozi ushinzwe Ubukangurambaga no kwandika abanyamuryango ba Mituweli muri RSSB, Deogratias Ntigurirwa, ubwo yari kuri KT Radio kuri uyu wa Gatatu tariki 4 Werurwe 2026, asobanura ibyagendeweho mu ivugurura rya Mituweli.

Ntigurirwa avuga ko umuturage afite uburenganzira bwo kumenya amakuru yerekeye urugo rwe, yasanga hari aho bidahura akaba yakosoza.

Ati “Ntabwo twakwizeza Abanyarwanda ko izo nzego zo kwishyura mituweli zitunganye 100%, hashobora kubamo udukosa. Hagiye gushyirwaho uburyo umuturage ubona ko koko habaye kwibenshya ku makuru y’urugo rwe, agashyirwa mu rwego rutajyanye n’ubushobozi bwe, ubwo buryo buzamufasha kuyakosoza. Ibi ni ukugira ngo buri rugo ruzishyure amafaranga ajyanye n’ubushobozi bwarwo”.

Akomeza ashishikariza abaturage guha agaciro ubwisungane mu kwivuza, kuko ubuzima ari bwo butuma n’ibindi bishoboka.

Ati “Mu gihe urimo ukora igenamigambi ry’urugo, mu bushobozi ufite ukareba gukodesha inzu, minerivali n’ibindi, ni ukureba uti ese mituweli nayishyira ku rwego rwa kangahe? Hari uwayishyira ku rwego rwa kabiri cyangwa urwa gatatu bitewe n’imyumvire ye, ariko jyewe numva yaza ku rwego rwa mbere, kuko iyo uri muzima n’ibindi byose biraza”.

Emmy Ntwari Sibomana, umukozi wa Minisiteri y’Ubutegetsi bw’Igihugu (MINALOC) ushinzwe Sisiteme y’Imibereho, agaruka ku buryo buteganyijwe bwo gukosora amakuru.

Ati “Uburyo bwo gukosora twabushyize mu bice bibiri, icya mbere ni ugukangurira abaturage kureba amakuru yatanzwe, kugira ngo nitumubwira ngo jya aha abe afite amakuru yizewe, anabasha gusobanura impamvu yo gukosoza, kuko hari n’abagenda batabirebye. Ibi ni byo byaganiriweho mu Nteko y’abaturage yabaye ejo, aho twabibukije kureba amakuru kuri telefone bakanze *195# bakabona areba ingo zabo”.

Ati “Mu Nteko itaha, tuzareba ko amakuru bayafite neza, tubabwire aho bagomba kujya, birumvikana ko ari mu nzego z’ibanze, ndetse banamenyeshwe ibyo bagomba kuzitwaza, babe rero bitegura. Ikindi ni uko dushaka kongera amakuru ku yari ari mu ikoranabuhanga, kugira ngo umuntu abashe kumenya koko ngo ni iki cyashingiweho kugira ngo ashyirwe mu rwego runaka rwa mituweli kuko ubundi hagaragara amafaranga gusa, ibi bishobora gutuma hari n’abashakaga kujya gukosoza bazahita babyihorera”.

Ibihano ku muntu utitabira Mituweli n’ushishikariza abandi kutayitabira

Itegeko No 03/2015 ryo ku wa 13 Werurwe 2015, mu ngingo yaryo ya 23 ivuga ku kutitabira ubwisungane mu kwivuza, riteganya ibihano ku muntu wese utitabira ndetse n’ushishikariza abandi kutitabira kwishura ubwisungane mu kwivuza (Mituelle de santé).

Iri tegeko rigira riti “Umuntu wese utitabiriye ubwisungane mu kwivuza kandi atari mu cyiciro cy’abatishoboye bafashwa na Leta, ahanishwa ihazabu yo mu rwego rw’ubutegetsi iri hagati y’Amafaranga y’u Rwanda ibihumbi bitanu (5,000Frw) n’ibihumbi icumi (10,000Frw). Umuntu wese ushishikariza abandi kutitabira ubwisungane mu kwivuza, ahanishwa ihazabu yo mu rwego rw’ubutegetsi iri hagati y’Amafaranga y’u Rwanda ibihumbi mirongo itanu (50,000Frw) n’ibihumbi magana abiri (200000Frw)”.

Abantu barasabwa kudategereza guhanwa kubera kutitabira mituweli, ahubwo bagasuzuma ko bari mu rwego rwo kwishyura rubakwiriye, bakishyura kuko nta kindi babasha gukora kibateza imbere badafite ubuzima buzima.

Igikorwa cyo gutanga iyi midali cyabaye kuri uyu wa Kabiri tariki 3 Werurwe 2026, kikaba cyayobowe na Maj Gen Robert Yaw Affram, Umugaba Mukuru Wungirije w’Ingabo za UNMISS, wagaragaje ko uwo mudali ari ikimenyetso gikomeye cy’ubwitange n’umurava by’Ingabo z’u Rwanda mu kazi zishinzwe muri iki gihugu. Ni igikorwa cyabereye ku cyicaro cya UNMISS cya Tomping i Juba mu murwa mukuru wa Sudani y’Epfo.

Maj Gen Robert Yaw Affram yagize ati “Umudali wa UN mwahawe uyu munsi ni ikimenyetso cy’ubunyamwuga, imyitwarire myiza, kwitanga no gukomera ku nshingano zo kubungabunga amahoro. Ugaragaza iminsi myinshi y’akazi mu bihe bigoye, kurara amajoro muri mu kazi, ndetse n’ubutwari bwo gukomera ku nshingano mu bihe bitoroshye. Uyu mudali urakorerwa, ntabwo utangwa gutyo gusa.”

Lt Col Paul Ndushabandi, Umuyobozi wa Batayo ya Rwanbatt-1, yashimye abasirikare barimo abagore n’abagabo bagize uwo mutwe ku bw’umuhate, kwihangana, ubutwari no kwitanga bagaragaje mu gihe cy’amezi icumi bamaze muri ubwo butumwa.

Ati “Ndashishikariza Rwanbatt-1 gukomeza uyu muhate mu gihe gisigaye cy’ubutumwa. Uyu muhango wo kwambara imidali ni indi ntambwe ikomeye mu murimo wacu w’icyubahiro wo kurengera ikiremwamuntu.”

Iki gikorwa cyaranzwe n’imyiyereko ya gisirikare, hamwe n’imbyino zigaragaza umuco nyarwanda, byakozwe n’abo basirikare ba Rwanbatt-1.

Ingabo z’u Rwanda zatangiye kujya mu gihugu cya Sudani y’Epfo mu butumwa bwo kubungabunga amahoro bw’Umuryango w’Abibumbye, guhera mu mwaka wa 2011.

Uyu mutwe uvuga ko ubwo Patrick Muyaya yari muri Kaminuza ya Saint Paul d’Ottawa muri Canada, ku wa 25 Gashyantare 2026, yavuze ko RED-Tabara ishyigikiwe n’u Rwanda kandi ari ibinyoma.

Muyaya yagize ati “Kubera ko muvuze amateka, birashoboka ko ari ngombwa kwibutsa buri wese ko Abanyamulenge, abatuye mu misozi miremire (Hauts Plateaux), batigeze na rimwe, nk’umuryango mugari, baba abafatanyabikorwa b’u Rwanda. Ahubwo kuva mu 1996, ndetse na mbere gato yaho, Abanyarwanda ni bo bazanye umutwe wa RED Tabara mu misozi miremire yo mu Burasirazuba bwa Congo, umutwe w’inyeshyamba ushaka guhirika ubutegetsi bw’u Burundi.”

Itangazo uyu mutwe wasohoye kuri uyu wa Kabiri tariki 3 Werurwe 2026, ryo rikagira riti “Nyamara mu 1996, umutwe wa RED Tabara (Résistance pour un État de Droit) ntiwari wabaho, washinzwe mu ntangiriro z’umwaka wa 2011. Uku kutamenya cyangwa uru rujijo rushobora kuba rwashyizweho nkana n’Umuvugizi wa Guverinoma ya Congo, bikaba ari ugusubiramo inkuru z’ibinyoma zakwirakwijwe n’ubutegetsi bwa CNDD FDD (ishyaka riri ku butegetsi mu Burundi), bugamije kumvikanisha ko RED Tabara ishyigikiwe n’u Rwanda”.

Uyu mutwe ukomeza uvuga ko ibi ntaho bihuriye n’ukuri, muri iryo tangazo uti “Ariko abakwirakwiza iyi nkuru bazi neza ko bakora icyaha gikomeye ku baturage ba Repubulika Iharanira Demokarasi ya Congo, ndetse no ku batuye mu Karere k’Ibiyaga Bigari. Kugira nibura amakuru y’ukuri ku cyo RED Tabara ari cyo, byafasha kwirinda amakosa mu gusesengura ikibazo cya Congo, amakosa atuma ikibazo kirushaho gukomera aho gukemuka”.

Iri tangazo rikomeza rivuga ko umuntu uri ku rwego nk’urwa Muyaya mu buyobozi bwa RDC, uvuga ko arimo gutanga isomo ry’amateka ku baturage be ku byerekeye amakimbirane ari mu Burasirazuba bw’iki gihugu, hari impamvu yo kwibaza ndetse biteye impungenge, ku buryo ubutegetsi bwa Kinshasa busobanukiwe n’imiterere nyayo y’ayo makimbirane.

RED Tabara ivuga ko ubutegetsi ishaka guhirika ari ubwa CNDD FDD, bwagiyeho mu 2005. Ngo ni ubutegetsi bw’igitugu bwambuye abaturage uburenganzira bari barahawe n’Amasezerano ya Arusha yo mu 2000, yasinywe ku bufasha bw’Umuryango mpuzamahanga, yerekeye uburenganzira bwo kugira u Burundi bugendera kuri Demokarasi, bugira amatora yisanzuye, anyuze mu mucyo kandi yizewe.

Itangazo rya RED Tabara:

Ni ikigega kitarasakara kuko kiri mu ntangiriro, ariko cyatangiranye Miliyari 1.5Frw, aho uzajya asaba iyo nguzanyo atagomba kurenza Miliyoni 10Frw, ndetse uwo ari we wese mu rubyiruko akaba yemerewe kwaka aya mafaranga.

Minisitiri w’Urubyiruko n’Iterambere ry’Ubuhanzi, Jean Nepo Abdallah Utumatwishima, mu kiganiro yagiriye kuri KT Radio kuri uyu wa Mbere tariki 2 Werurwe 2026, yasobanuye imikorere y’iki kigega, akanakangurira urubyiruko kucyitabira.

Ati “Muri Aguka Youth Fund, umujene wese ufite akantu akora gasobanutse kandi kizewe, azajya ajya gusaba Miliyoni 10Frw, Leta rero dufatanyije na Banki y’Igihugu y’Iterambere (BRD), tumwishingire Miliyoni 9Frw, we atwereke ko yabona Miliyoni imwe. Ubwo ni uburyo bwo kugera ku mali bwashyizweho abatangiye gukora ndetse n’abashaka gukora, ku buryo wanatangiriza umwana wawe bizinesi, wizeye ko namara amezi 3-5 yazajya kwaka ya mafaranga akabasha gukomeza ibyo akora”.

Yungamo ati “Muri iyo Aguka Youth Fund, harimo n’igice cyahariwe abahanzi, aho ukeneye ibikoresho, ukeneye amafaranga kugira ngo ubuhanzi bwe bumubyarire umusaruro, hari ‘microfinances’ azacamo zikamufasha akayahabwa. Iyo nguzanyo y’urubyiruko izaba iri ku nyungu ya 9%, urumva ko bitandukanye n’izindi nguzanyo zisaba za 15-17% y’inyungu”.

Minisitiri Utumatwishima avuga kandi ko hari n’uburyo urubyiruko rwigishwa kumenya gutunganya igitekerezo cy’umushinga, ukaba wabahesha amafaranga.

Ati “Hari gahunda twatangije yitwa ‘Aguka Ideation’, aha ni ukwiga uburyo bwo kubyaza igitekerezo umushinga, ushobora kubyigira kuri telefone cyangwa ukajya mu bigo by’urubyiruko ukigira kuri mudasobwa. Tugira umufatanyabikorwa witwa Tony Elumelu Foundation, iyo bigiye gutangira dutanga amatangazo bakabimenya, kandi bigira ubuntu”.

Ati “Iyo barangije kwiga, dukora ikimeze nk’isuzuma ukabona seritifika. Ariko kugira ngo dutinyure urubyiruko, ni uko abajene 100 bagaragaje ibitekerezo byiza byavamo imishinga, buri umwe azajya ahabwa 3,000 by’Amadolari (4,388,985Frw), hanyuma tukamushyira mu kigo kizamukurikirana, agakora”.

Akomeza avuga ko hari abandi barushanwa muri Youth Connect Award, baba bafite imishinga ikora ariko ifite igishoro kidahagije bifuza kucyongera, akenshi ngo baba ari abo mu cyaro, utsinze ku rwego rw’akarere ahabwa Miliyoni imwe y’Amafaranga y’u Rwanda atishyurwa.

Iyi gahunda ngo igera ku bantu bari hagati ya 270 na 280 buri mwaka, ikaba yaratangiye mu 2012.

Yabigarutseho kuri uyu wa Mbere tariki 2 Werurwe mu kiganiro kuri KT Radio, cyari gifite insanganyamatsiko igira iti “Ese amahirwe y’akazi ku rubyiruko arahari cyangwa ni inzozi?”

Minisitiri Utumatwishima yavuze ko urubyiruko rwagombye guhora rwiteguye, kuko mu Rwanda kugera ku nzozi bikunda.

Yagize ati “Nkanjye aho navukiye mu cyaro cy’i Musanze, ntabwo natekerezaga ko naba Minisitiri, ariko hano mu Rwanda ni ho honyine n’ibyo utatekerezaga wabibona, inzozi rero zirashoboka. Nkawe rero w’urubyiruko, muri izo nzozi ufite, muri ibyo bitekerezo ufite, kuba wagira amafaranga menshi ni inzozi, no kuba wagira akazi keza ni inzozi, ariko se ubirota uri inde?”

Ati “Ubu wabirota waraye unyoye Icyuma, waraye unyoye Suruduwire, waraye unyoye inzoga z’inkorano zidafite ubuziranenge, ukabirota ukabona ko bizaba impamo! Mbese umujene ushaka ko inzozi ze zizaba impamo, yaba ari akazi keza, yaba ari ukuba rwiyemezamirimo, yaba ari no kuba umukire, nabanze we yirebe, yitunganye, arebe ubuzima bwe”.

Aha Minisitiri Utumatwishima yagaragaje amahirwe ahoraho y’akazi ku rubyiruko, ariko rukaba rutakabona rudafite imibiri itunganye, izira ibiyobyabwenge.

Ati “Wari uzi ko urubyiruko rufite imyaka 18 kugera kuri 25, baba bafite amahirwe yo kujya mu Gisirikare, mu Gipolisi, mu Nkeragutabara ndetse no mu Bacungagereza, kandi ushobora kujyayo ukirangiza amashuri yisumbuye bakagufasha kwiga kaminuza. Uzi rero ukuntu batsindwa muri ayo mahirwe, babapima ibiyobyabwenge bakabisangamo, babapima inzoga bakabasangamo n’izindi zitaravumburwa”.

Ati “Ni ukuvuga ngo amahirwe agusanga mu rugendo rwo kwitegura, ubuzima bwawe ari bwiza, ku buryo umuntu agupima amaraso agasanga uhagaze neza. Nanjye njya kuba Minisitiri bampamagaye ndi ku ishuri ncyitegura. Ugomba rero guhora witeguye, hanyuma haba hari amasomo yo kwiga ukiga ashoboka, ukiga ayo kuri Internet, ukiga umwuga, ku buryo umunsi izina ryawe ryahamagawe ntawe uzakeka ko utabishobora. Kuri iyi ngingo ijyanye no kubona amahirwe, isuzume wowe ubwawe, witegure, turi mu gihugu aho inzozi zishobora kuba impamo”.

Minisitiri Utumatwishima yanagarutse ku buryo yiyumvise ubwo yahamagarirwaga kuba Minisitiri.

Ati “Nagize ubwoba. Bampamagaye ndi ku ishuri ndimo kwiga. Hari telephone iguhamagara ukumva ugize ubwoba. Numvaga ntazi aho nzahera, jyewe ndi umuganga ni byo nize, mpamagarirwa kujya mu rubyiruko, numvaga ntazi uko nzabigenza. Icya kabiri nkunda Perezida wa Repubulika cyane, hanyuma natinyaga ko nazabizamo singere ku rwego aba yifuza ubwiza bw’akazi abantu bagomba gukora, nkibyumva rero numvise ngiye kuzamuka umusozi muremure cyane”.

Uyu muyobozi asaba urubyiruko kwihatira kumenya amakuru agezweho mu gihugu, cyane cyane ayarimo amahirwe y’akazi, inkunga n’inguzanyo byongerera ubushobozi ba rwiyemezamirimo kuko bihari.

Abinyujije ku rubuga X, Minisitiri w’Ingabo wa Pakistan yagize ati “Ukwihangana kwacu kurarangiye. Ubu ni intambara yeruye hagati yacu namwe.”

Abayobozi b’aba-Talibani na bo batangaje ko bagabye igitero cyo kwihorera, ibintu byatumye umwuka mubi n’amakimbirane bikomeza kongera ubukana.

Umubano hagati ya Pakistan, igihugu bivugwa ko gifite intwaro za kirimbuzi, na Afghanistan iyobowe n’aba-Talibani kuva mu 2021, umaze igihe warazambye cyane. Imipaka ihuza ibi bihugu ku butaka yarafunzwe, igikorwa cyakurikiye imirwano ikomeye yo mu kwezi k’Ukwakira umwaka ushize yahitanye abasaga 70 ku mpande zombi.

Minisitiri w’Intebe wa Pakistan, Shehbaz Sharif, yatangaje ko ingabo z’igihugu cye zifite ubushobozi bwose bukenewe bwo guca intege no gutsinda igitero icyo ari cyo cyase, nk’uko byatangajwe ku rubuga rwa X rwa Guverinoma ya Pakistan.

Minisitiri w’Umutekano muri Pakistan, Mohsin Naqvi, yavuze ko ibitero iki gihugu cyagabye mu mijyi minini ya Afghanistan ya Kandahar na Kaboul, ari igisubizo gikwiye ku bitero byagabwe na Afghanistan ku wa Kane tariki ya 26 Gashyantare 2026.

Guverinoma y’aba-Talibani yemeje ko habaye ibitero by’indege za Pakistan, icyakora umuvugizi wabo, Zabihullah Mujahid, yatangaje ko nta bantu byahitanye.

Nk’uko Islamabad ibivuga, ibyo bitero byari igisubizo ku kindi gitero cya Afghanistan cyagabwe ku birindiro bya Pakistan ku wa kane.

Imiryango itari iya Leta ahanini izwiho gufasha abaturage kwikura mu bukene, guha inkunga zitandukanye abaturage cyane cyane abo mu bihugu birimo umutekano muke cyangwa byahuye n’ibiza runaka, kubajijura, kubakorera ubuvugizi n’ibindi hagamijwe ko bigobotora ibibazo runaka.

Mu Rwanda na ho imiryango itari iya Leta irahari kandi yahozeho, ikaba igaragara mu bikorwa bitandukanye byunganira Leta mu rugamba ihoramo rwo guteza imbere abaturage.

Mu Rwanda mu 2015 habarirwaga imiryango itari iya Leta 1,419 irimo imiryango nyarwanda 1,254 n’imiryango mpuzamahanga 165. Iyi mibare igaragara muri raporo ya sosiye sivile y’uwo mwaka (Rwanda Civil Society Development Barometer/RCSDB 2015).

Mu mwaka wa 2018, imiryango nyarwanda yanditswe yari 1,335 naho imiryango mpuzamahanga ikaba yari 173, mu gihe ishingiye ku myemerere yari 740.

Mu mwaka wa 2019, imiryango nyarwanda yanditswe yari 1,596 naho imiryango mpuzamahanga ikaba yari 184, naho ishingiye ku myemerere yari 740.

Mu 2021 imiryango itari iya Leta yariyongereye, aho imiryango nyarwanda yari 2086, imiryango mpuzamahanga yari 195. Habaruwe kandi imiryango ishingiye ku myemerere 795, yose ikaba 3076 nk’uko bigaragara muri Raporo y’Ibikorwa by’umwaka wa 2020-2021 y’Urwego rw’Igihugu rw’Imiyoborere (RGB).

Muri uyu mwaka, imiryango mvamahanga yakoze ibikorwa bitandunye by’iterambere birimo ibijyanye n’uburezi, ubuhinzi, ibikorwa remezo, iterambere ry’umuryango, kurengera ibidukikije, ibijyanye n’ingufu n’ibindi, byose byatwaye 183,183,609 z’Amadolari ya Amerika (asaga Miliyari 267Frw).

Mu 2025, RGB yakoze igenzura ku miryango itari iya Leta, aho imiryango nyarwanda yari 1,487 mu gihe imiryango mpuzamahanga yo yari 226. Hagenzuwe kandi imiryango ishingiye ku myemerere 557 ndetse na Fondasiyo 76, yose hamwe ikaba 2,366 ari na yo yari mu gihugu, nk’uko biri muri Raporo y’Ibikorwa by’umwaka wa 2024-2025 ya RGB.

Iyo raporo igaragaza ko imiryango nyarwanda itari iya Leta ari yo yiganje kuko iri ku kigero cya 62.8%, imiryango ishingiye ku myemerere ni 24.4%, imiryango mpuzamahanga itari iya Leta ni 9.6% naho Fondasiyo ikaba 3.2%.

Ibikorwa by’iyi miryango byiganje mu burezi (52.9%), imibereho myiza (41.7%), ubuzima (38.6%) no guteza imbere urubyiruko (34.4%). Ku bijyanye no kubahiriza amategeko, imiryango igera kuri 93.2% ifite icyicaro kizwi naho 67.9% ni yo ifite ingamba zijyanye no guteza imbere amahame yo kudaheza.

Muri ibi bikorwa, imiryango mpuzamahanga itari iya Leta yakoresheje ingengo y’imari ya 204,888,377 z’Amadolari ya Amerika (asaga Miliyari 299Frw).

Umunsi mpuzamahanga wahariwe Imiryango itari iya Leta watangiye kwizihizwa mu 2014, igikorwa cyabereye i Helsinki muri Finland.

Ibirori bizatangira ejo ku wa Gatandatu tariki 28 Gashyantare i Nyamirambo, aho abasiganwa ku magare bazasoreza etape ya 7 ari na yo ibanziriza iya nyuma, bakazaba bakoze urugendo ruva i Musanze ruzasorezwa kuri Kigali Pelé Stadium.

Mbere y’uko bahagera, guhera saa moya za mu gitondo hazabanza kuba isiganwa ku magare ku batabigize umwuga, aho buri muntu wese ubishaka ufite igare rye n’ingofero, yemerewe kujya muri iri siganwa ryo kwishimisha, abantu bakaziyandikisha bahageze. Aha kandi n’udafite igare rye hazaba hari amagare akodeshwa, ubishatse akarifata maze agasiganwa mu bandi.

Guhera saa tatu nabwo hazaba irindi rushanwa rigufi ry’urubyiruko rufite imyaka iri hagati ya 16-19, abo basore n’inkumi bakaba bashishikarizwa kuryitabira.

Umujyi wa Kigali uvuga ko abazitabira iri siganwa ry’abatarabigize umwuga, uzabasha wese kurirangiza azashimirwa.

Guhera ku isaha ya saa saba zuzuye kuri uyu munsi, ni bwo isiganwa nyirizina ry’abakinnyi babigize umwuga rizatangira, aho bazazenguruka mu Mujyi wa Kigali, bakaba bazanazamuka agahanda k’ahazwi nko kwa Mutwe, ahakunze kwitwa ‘Mur de Kigali’, hakundwa cyane n’abafana b’amagare.

Bukeye bwaho ku itariki ya 01 Werurwe 2026 ari na wo munsi wa nyuma wa Tour du Rwanda 2026 ho bizaba ari ibicika, hazaba hari abahanzi batandukanye bakunzwe hano mu Rwanda no hanze yarwo, barimo Bwiza, Kenny Sol, Bushali, umuvanzi w’imiziki DJ Khizzbeet ndetse na Symphony Band, bakaba barahiriye gushimisha abazitabira ibi birori.

Kwitabira ibi birori ni ubuntu ndetse abazahagera bose bateganyirijwe icyo kunywa, mu gihe abazifuza ko bafatwa mu buryo budasanzwe (VIP), bo bazishyura 50,000Frw ku muntu, ariko bakazahabwamo ibyo kunywa n’ibyo kurya ndetse banateguriwe aho bazakirirwa hihariye, nk’uko bitangazwa n’Umujyi wa Kigali.

Twe turabarangira! Abakunda igare, abakunda ibirori, abashaka kuruhuka muri weekend ni ahanyu.
Agace ka Munani kazasoza Tour du Rwanda, kazakinwa ku Cyumweru tariki ya 1 Werurwe, kazazenguruka mu Mujyi wa Kigali ku ntera y’ibilometero 99.

Umwana ufite imyaka iri munsi ya 16 hari imirimo atemerewe gukora. Uyimukoresha ashobora kubihanirwa

Uwo mwana nubwo yemerewe gukora, iyo atarageza ku myaka 18 ari na yo myaka fatizo yo gukora, hari imirimo atemerewe gukora, kuko ihungabanya imiterere y’umubiri w’umwana, harimo imirimo ikorerwa munsi y’ubutaka, ikorerwa munsi y’amazi kandi harehare cyangwa hafunganye, imirimo ikoreshwa imashini cyangwa ibindi bikoresho bisaba guterura ibintu biremereye, imirimo ikorerwa ahantu hari ubushyuhe, ubukonje, urusaku, ibitigita, ikorwa amasaha menshi n’ibindi byangiza ubuzima bw’umwana.

Umugenzuzi w’umurimo muri Minisiteri y’Umurimo n’Abakozi ba Leta (MIFOTRA), Niyonzima Tharcisse, agaruka kuri imwe muri iyi mirimo umwana utaruzuza imyaka 18 atemerewe gukora.

Agira ati “Ku rutonde rw’iyi mirimo harimo gukora mu rugo, uwo mwana ntiyemerewe gukora akazi ko mu rugo, hari kandi kubaga amatungo, gushongesha ibyuma, gucukura amabuye y’agaciro na kariyeri. Hari kandi kwigisha koga, gutunganya no guconga amabuye, umurimo wo gucukura, gusenya inyubako, gutwika ibintu hifashishijwe amafuru, uburobyi, gukina amafilime ashobora kugira ingaruka ku mitekerereze y’umwana n’indi mirimo kuko urutonde ruriho igera kuri 18”.

Niyonzima Tharcisse

Akomeza avuga ko itegeko rinateganya icyo bita umurimo woroheje ku mwana, ukaba ureba umwana uri hagati y’imyaka 13 na 15, icyakora ngo ni ukuvuga ko ari wa mwana witoza gukora imirimo.

Ati “Kuri uyu mwana, umurimo woroheje akora ntagomba kurenza amasaha atandatu (6) ku munsi kandi ugakorwa ku manywa. Umwana akora uwo murimo ari kumwe n’umuntu mukuru umuyobora mu byo akora. Mu mirimo uyu mwana yemerewe harimo gufasha umuntu gucuruza mu iduka cyangwa ahandi uretse mu tubari. Hari gufasha ababyeyi imirimo yo mu rugo, gufasha mu gusuka no kogosha abantu ndetse no gufasha mu mirimo y’ubugeni”.

Niyonzima asaba buri muntu yafata ‘umwana wese nk’uwe’, akamurinda iyo mirimo ibujijwe ku mwana, bityo icyo kibazo kibe cyakemuka.

Itegeko riteganya kandi ibihano ku muntu ukoresha umwana ya mirimo abujijwe kuko yangiza imiterere y’umubiri we, nk’uko bisobanurwa na Ntirenganya Jean Claude, Umuyobozi mu ishami rishinzwe gukumira ibyaha mu Rwego rw’Igihugu rw’Ubugenzacyaha (RIB).

Ati “Umukoresha ku giti cye ukoresheje umwana mu mirimo ibujijwe aba akoze icyaha, kandi itegeko riba ryaragiteganyirije n’igihano. Icyo gihe uwo mukoresha ahanishwa igifungo cy’imyaka ibiri (2) ariko kitarenze imyaka itanu (5), n’ihazabu y’Amafaranga y’u Rwanda ibihumbi 500 ariko atarenze Miliyoni eshanu (5), cyangwa kimwe muri ibyo bihano. Iyo ari sosiyete cyangwa ikigo cyakoresheje umwana iyo mirimo, gihanishwa ihazabu yavuzwe ariko ikaba yakwikuba inshuro ebyiri”.

Ntirenganya Jean Claude

Akomeza avuga ko aho bakunze gusanga abana bakoreshwa imirimo ibavuna ari mu ngo kuko bakora amasaha y’ikirenga, mu mirima y’ibyayi aho baba bagisoroma, abana bikorezwa ibisheke, abikorezwa imicanga yo mu migezi, mu birombe by’amabuye y’agaciro n’indi mirimo ibujijwe ku mwana, akabikora yagombye kuba ari mu ishuri, ngo ibyo bikaba ari uguhungabanya uburengazira bw’umwana.

Yungamo ko abana bakoreshwa iyi mirimo ari benshi, gusa ngo hagaragara bake abandi ntibamenyekane, agasaba abantu kugira uruhare mu gutanga amakuru y’aho icyo kibazo kiri.

Ntirenganya ati “Icyo twahurizaho ni ukumva ko uburenganzira bw’umwana twese butureba, niba imyaka yo gukora itaragera akaba ari aho agomba kuba ari, ni ukuvuga mu mashuri. Twese twagombye kubigiramo uruhare kugira ngo ahari ibyo bikorwa bitemewe hamenyekane”.

Ibijyanye n’iki kibazo cy’imirimo ibujijwe ku mwana, cyaganiriwe kuri uyu wa Gatatu tariki 15 Gashyantare 2026, ubwo abo batumirwa bari kuri KT Radio, baganira ku buryo abana bakoreshwa imirimo ibujijwe babona ubutabera.

Iby’iki kibazo byagarutsweho kuri uyu wa Kabiri tariki 24 Gashyantare 2026, ubwo hatangizwaga ku mugaragaro gahunda ivuguruye y’ubwisungane mu kwivuza, aho amafaranga abaturage bishyuraga Mituweli yiyongereye, ariko bikajyana na serivisi umuntu azahabwa kuko na zo ziyongereye, harimo n’uko ntawe uzongera kubura imiti.

Kugira ngo ibi bigerweho, ni uko hatangijwe gahunda y’uko ibigo by’ubuvuzi bizajya bihabwa mbere amafaranga yo gukoresha, nk’uko byagarutsweho na Minisitiri w’Ubuzima, Dr Nsanzimana Sabin, wari witabiriye iki gikorwa cyabereye mu Karere ka Kayonza.

Yagize ati “Wajyaga kwivuza warangiza imiti ukayibura cyangwa ukabonamo mikeya, ni ikibazo cyagaragaye cyane ariko Leta ifata ingamba zo kugikemura. Ikigo nderabuzima ubundi gihabwa Miliyoni 5Frw gikoresha ku kwezi harimo kugura imiti, kugura umuriro, kwishyura amazi, abakozi n’ibindi, ariko muri byose igitwara menshi ni imiti. Kugira ngo babone ayo mafaranga byafataga amezi kubera inzira binyuramo”.

Ati “Ibyo byarangiraga ikigo cyacu gitanga imiti, RMS, kibuze uko kivana imiti hanze ngo kiyihe amavuriro kuko yabuze ubwishyu. Iyi gahunda rero ni byo ije gukemura, amafaranga ikigo nderabuzima cyahabwaga arazwi, kigiye kujya kiyahabwa mbere bagaragaze uko bayakoresheje, ntawe rero uzavuga ko adafite imiti yo guha abarwayi ngo yabuze uko ayirangura. Ubwo nawe nujya kwa muganga bakakubwira ko nta miti ihari uzababaze uti ko amafaranga bayaguhaye imiti iri he?”

Yunzemo ko icyo umuturage asabwa ari ukwishyura mituweli ku gihe, Leta na yo ikaba yatanze 60% nk’uruhare rwayo muri iyi gahunda, ubundi abantu bakivuza nta nkomyi.

Iki kibazo Minisitiri Nsanzimana yakigarutseho nyuma y’uko cyari cyanagaragajwe n’umuyobozi w’ikigo nderabuzima cya Kabarondo, Shyaka Fidèle, avuga ko Ikigo cy’Igihugu cy’Ubwisungane (RSSB) cyabishyuraga bigiranye.

Yagize ati “Ikibazo gikomeye twagiraga ni ugutinda kwishyurwa kuko fagitire ya mituweli yashoboraga kumara n’amezi abiri itarishyurwa. Ubwa mbere ikigo nderabuzima cyarayitunganyaga, igakorerwa ubugenzi n’umukozi w’ikigo nderabuzima ubishinzwe, ikajya ku rwego rw’akarere na ho igakorerwa isuzuma, nyuma ikajya ku rwego rw’Igihugu kuri RSSB igasuzumwa. Iyo yageraga ku rwego rw’Igihugu bakayisangamo amakosa barayigaruraga ikongera igatangira urwo rugendo”.

Akomeza avuga ko ibi byatumaga ibigo nderabuzima bibura imiti, kuko RMS itashoboraga gutanga ideni ry’imiti wenda ya Miliyoni 2Frw kandi hari irindi ryari risanzwe rigenda rizamuka, abarwayi akaba ari bo bigiraho ingaruka.

Ubusanzwe abivuriza kuri mituweli babaga bemerewe ubwoko bw’imiti 845, ariko muri iyi gahunda nshya urutonde rwariyongereya igera ku miti 1450.

Icyiza cy’iyi gahunda nshya kandi, ni uko abarwaye kanseri bavurwa mu buryo bwose, harimo gucishwa mu byuma no guhabwa imiti kandi y’igihe kirekire, mituweli ikabyishyura. Abarwaye impyiko mbere kuyungurura (Dialyse) bari bemerewe inshuro umunani (8) gusa, ariko ubu nta guhagarika.

Ikindi ni ukubaga umutima, ubusanzwe amafaranga make bitwara ni Miliyoni 10Frw bikorewe mu Rwanda, ariko ubu umuntu akoresha mituweli akavurwa kugeza akize.

Ibi ni ibyatangajwe na Ngwije Jean Nepomuscène, Umuyobozi w’Ishami rishinzwe kurwanya ubuzererezi no gukurikirana abavuye mu bigo ngororamuco mu Kigo cy’Igihugu cy’Igororamuco (NRS), ubwo yari mu kiganiro kuri KT Radio ku wa Mbere tariki 23 Gashyantare 2026.

Muri iki kiganiro cyibanze ku bituma abajyanwa mu bigo ngororamuco bakomeza kwiyongera, Ngwije yagarutse kuri bimwe mu bitera iki kibazo.

Ati “Mu bushakashatsi bwakozwe, ahanini abana bari munsi y’imyaka 15 bagira imyitwarire mibi ituma bajyanwa mu bigo ngororamuco, babiterwa n’amakimbirane yo mu muryango, ababyeyi bahora mu nduru. Umwana muto rero nk’umunyantege nke, ntashobora kwihanganira iyo rwaserera, agera aho bikamurenga akava mu rugo akigendera”.

Ati “Ikindi ni ikibazo cy’imiryango ifite ubushobozi buke kandi ifite abana benshi, ku buryo itabasha kubabonera iby’ingenzi bakenera, birimo ibyo kurya, imyenda, kuvuzwa n’ibindi. Ikindi ni ababyeyi birengagiza inshingano zabo, bagatererana abana babo”.

Yungamo ati “Ku rubyiruko ruri hagati y’imyaka 15 na 24, impamvu ya mbere ibibatera ni inshuti mbi, ikigare, uwo muri icyo kigero iyo adakurikiraniwe hafi ikigare kiramujyana akisanga muri ibyo bibazo. Ikindi ni ukubona ibiyobyabwenge hafi, amakimbirane yo mu muryango aza ku mwanya wa nyuma, ariko icyitwa inshuti mbi ni cyo kiza ku mwanya wa mbere”.

Akomeza avuga ko ku bari hejuru y’imyaka 25 na bo bateshwa umurongo n’ikigare, ubushobozi buke bw’umuryango, ibiyobyabwenge babona hafi, ariko igikomeye kikaba kubura akazi, kuko akenshi ahita ava mu cyaro akajya mu mujyi.

Ati “Iyo ageze mu mujyi rero ntabone akazi cyangwa akabona agaciriritse, cyane ko akenshi aba atarize, noneho kwa kundi aba yaragiye i Kigali yizeye ibitangaza ntabibone, bikarangira agiye mu myitwarire mibi”.

Aha ni ho ahera avuga ko kuba hari benshi mu rubyiruko baba batarize, ari ikibazo gikomeye gituma bajya mu myitwarire ibangamira abaturage.

Ati “Ni ikibazo gikomeye cyane, umuntu utarigeze ugera mu ishuri, cyangwa warigezemo akarivamo ari umwana muto, ntagenda ngo abone akazi kazima. Birangira rero akuriye mu mico mibi, hanyuma akazisanga yajyanywe mu kigo ngororamuco”.

Ngwije Jean Nepomuscène

Ngwije avuga ko gukumira iki kibazo bigomba guhera mu muryango, kuko ngo “umuryango ni ishuri rya mbere ry’umwana, umubyeyi akaba umwarimu wa mbere w’umwana”, ababyeyi rero ngo bategerejweho ikintu kinini cyane kugira ngo iki kibazo kirangire, kuko ari bo bagomba gufata iya mbere mu gukura ibyatuma umwana atishimira umuryango we.

Abandi bagomba kugira uruhare runini mu gukemura iki kibazo, ni inzego z’ubuyobozi zegereye abaturage, inshuti z’umuryango, abakorerabushake b’urubyiruko n’abandi, aba rero mu mudugudu barimo n’umuyobozi wawo, bakora igororamuco ryo mu muryango, bakaba bategerejweho rero umusaruro munini, cyane ko banakurikirana bakanakumira ikibazo cy’abana bata ishuri.

Iki kigo kivuga ko kugeza ubu amashuri 3,158 ari yo agerwaho na murandasi, ku mashuri 3,485 gifite mu nshingano zacyo mu gihugu hose, bivuze ko hari amashuri 327 adafite murandasi.

Ibi ni ibyatangajwe na Uwishema Vedaste, umukozi mu ishami rishinzwe guteza imbere Ikoranabuhanga mu Burezi muri REB, ubwo yari mu kiganiro EdTech Monday cya Mastercard Foundation, cyatambutse kuri KT Radio kuri uyu wa Mbere tariki 23 Gashyantare 2026, cyagarutse ku guteza imbere Ikoranabuhanga mu Burezi hibandwa ku bikorwa remezo.

Uwishema avuga ko iyo bavuga ibikorwa remezo mu rwego rw’uburezi, bibanda kuri murandasi ndetse n’ibikoresho nka mudasobwa, ‘projecteurs’ n’ibindi, akagaruka ku mpavu hakiri amashuri ataragerwaho na murandasi.

Agira ati “Akenshi amashuri ataragerwaho na murandasi usanga ari ayubatse ahantu hagoye kugera nko mu birwa, aha kandi usanga haba hataragera ibikorwa remezo bijyanye n’amashanyarazi, mbese nta muriro uhari. Ibi rero bituma Internet ya Fibre optique na 4G itabasha kuhagera”.

Ati “Icyakora ku bufatanye n’abafatanyabikorwa, ubu ayo mashuri arimo gushyirwaho uburyo bwo gukoresha imirasire y’izuba kugira ngo abone amashanyarazi, noneho hanagezwe Internet ituruka kuri Satellite”.

Ku bijyanye n’ibikoresho by’ikoranabuhanga ari byo mudasobwa na Projecteurs zifasha abarimu mu kwigisha, Uwishema avuga ko amashuri 1,847 ari yo yagombye gushyirwamo ibyumba mpahabwenge (Smart Classrooms), icyakora ngo amashuri 1448 ni yo afite nibura icyumba kimwe cy’ubwo bwoko, aho kimwe gishyirwamo mudasobwa 50, bivuze ko hari amashuri 399 ataragerwaho n’ibyo bikoresho, aha hakaba havugwa amashuri yisumbuye.

Munyeshuri Ean Donald, umwarimu wigisha amasomo y’Ikoranabuhanga mu ishuri rya Lycée de Kigali, na we wari muri iki kiganiro, avuga ko ibyo bakora byoroshye kuva ikoranabuhanga ryagera ku ishuri ryabo.

Ati “Gutegura amasomo kera byaratugoraga cyane, kubera ko byadusabaga kwicara tugasoma ibitabo byinshi bishoboka, ariko aho tuboneye mudasobwa na murandazi bisigaye byaroroshye. Ushobora kubona amakuru menshi mu gihe gito, ushobora kwihugura kimwe n’abanyeshuri, mbese byaduteje imbere mu mikorere. Nk’ubu tubona amakuru menshi kandi agezweho, mu gihe mbere twasomaga igitabo kimaze imyaka runaka gifite amakuru atakigezweho”.

Ati “Ikindi byadufashije ni uko umunyeshuri yicara ku mashini agakora ubushakashatsi ku isomo runaka, mbese akiyigisha. Ikindi ni uburyo bwo gukora raporo zirimo amakuru y’abana, kera byaratugoraga gukora indangamonota z’abana, ariko ubu tuyashyiramo noneho umwana aho ari hose agahita ayabona”.

Akomeza avuga ko nubwo bitaragera ku 100%, icyakora ngo urwego bagezeho bakoresha ikoranabuhanga rurashimishije, kuko mbere ngo wakeneraga inyandiko runaka (document), bikagusaba gukora urugendo rurerure ujya gushaka aho wayikura none ngo barabikize.

Ibijyanye nanone n’uko ikoranabuhanga ryorohereje imirimo abarezi, byagarutsweho na Cyusa Berulo Ian, uyobora ikigo cyigenga cya Berulo Group, avuga ko bakoze ikoranabuhanga rifasha amashuri kumenya ubwitabire bw’abayagana.

Ati “Iri koranabuhanga twatangiye kurigeza mu mashuri, rikaba rifasha kurwanya ikibazo cy’abana bata ishuri. Icyakora ntiwabigeraho utanakurikiranye ubwitabire bw’abarezi, iri koranabuhanga rero rireba ubwitabire bw’abayobozi b’ibigo, ubw’abarimu ndetse n’ubw’abanyeshuri. Hari uburyo bikorwa, umuyobozi w’ikigo akihamagara, umwarimu akihamagara akabona agahamagara abanyeshuri”.

Ati “Ibi rero twatangiye kubikora mu Ntara y’Amajyepfo ku bufatanye na Minisiteri y’Uburezi, aho dufite ibigo 1,173 dukoreramo, tugakurikirana abanyeshuri 1,078,000 n’abarezi 32,000. Tunafatanya n’inzego z’ibanze, kugira ngo niba umwarimu ahamagaye umwana akamubura, ahite amenyesha umuyobozi mu z’ibanze bafatanye kumushaka”.

Uwishema avuga ko intego ari uko amashuri yose agerwaho n’iryo koranabuhanga, kuko ritagenewe abo mu mijyi gusa ahubwo n’abo mu cyaro batagomba gusigara inyuma.

Ubu buryo bwo gutanga ubutabera butari bumenyerewe mu mategeko y’u Rwanda, abantu bakangurirwa kubwitabira, cyane ko ubwoko by’ibyaha bwose byemewe kuba byaca muri iyi nzira, kandi uwakoze icyaha n’uwagikorewe bakarangiza ikibazo cyabo mu mahoro, bikanabarinda inzangano zisanzwe zimenyerewe hagati y’ababurana.

Ubundi mu buryo bw’amategeko icyaha gikorerwa sosiyete nyarwanda, aha hakaba ari ho bavuga ko icyaha cyakozwe mu buryo buziguye, ariko nk’iyo ari icyaha cyo gukubita no gukomeretsa, haba hari uwakubiswe (victime).

Uwo ni we uba yakorewe icyaha mu buryo butaziguye, uyu nyuma y’ubwo butabera bushingiye ku kumvikana aba yemerewe no kuregera indishyi kandi bikihuta.

Bikorwa bite?

Umuvugizi akaba n’umugenzuzi w’Inkiko mu Rwanda, Harisson Mutabazi, avuga ko ubu buryo bw’ubutabera buhera mu Bushinjacyaha.

Agira ati “Dushingiye ku itegeko ryerekeye imiburanishirize y’imanza nshinjabyaha, ubwumvikane bushingiye ku kwemera icyaha buhera mu Bushinjacyaha. Aha ni ukuvuga ko iri tegeko riha ububasha Umushinjacyaha bwo gukora ubwo bwumvikane hagati y’uwakoze icyaha n’uwagikorewe, bwamara kugerwaho, ayo masezerano akazanwa mu Rukiko kugira ngo yemezwe”.

Yungamo ati “Icyakora aha Umucamanza ntabwo yivanga mu bwumvikane hagati y’Ubushinjacyaha n’uwakoze icyaha. Icyo akora ni ugusuzuma niba ayo masezerano yujuje ibiteganywa n’amategeko byose birimo kuba uwemeye icyaha nta gitutu yashyizweho, akaba yayemeza cyangwa ntayemeze urubanza rugakomeza mu nzira zisanzwe, cyangwa akaba yabagira inama, akaba yabaha inyunganizi, wenda ati mubigenje gutya aya masezerano twayemeza”.

Akomeza avuga ko ubu buryo ababujyamo baba babanje gusobanurirwa bihagije, kuko umuntu abujyamo ku bushake, cyane ko aba yamaze kumva inyungu zirimo, ikindi ngo iyo birangiye ntabwo ikibazo cyongera gusubira mu Bugenzacyaya ngo hakorwe dosiye bundi bushya.

Ikindi cyiza kiri mu ikorwa ry’aya masezerano y’ubwumvikane hagati y’Ubushinjacyaha n’uwakoze icyaha, ni uko hakorwa ibishoboka byose kugira ngo uwakoze icyaha abe afite umwunganizi mu mategeko (avoka), kugira ngo yumve ibihavugirwa, bityo uregwa inyungu ze ntizihungabane, hato atazavuga ko yazinzitswe akemera ibintu buhumyi.

Inyungu ku bitabira ubu buryo bw’ubwumvikane

Ubu buryo butuma impande zose zunguka, haba uregwa, uwakorewe icyaha ndetse n’Ubushinjacyaha buhagarariye umuryango nyarwanda, bivuze ko n’Igihugu muri rusange cyunguka, kubera ko haba hatanzwe ubutabera bwihuse, cyane ko ari cyo inzego z’ubutabera zihora zishyira imbere.

Ruboya Antoine, ushinzwe kumenyekanisha amategeko na politiki muri Minisiteri y’Ubutabera, agaruka kuri zimwe muri izi nyungu.

Agira ati “Inyungu zitabarika ni zo nyinshi, kuko niba hari amadoziye arenga ibihumbi 29 yanyuze muri ubu buryo kuva bwatangira, arimo abantu barenga ibihumbi 29, bakaba barumvikanye, ubu imitima yabo yaragororotse. Imiryango y’abaregwa n’abakorewe ibyaha ntirebana ay’ingwe. Izo manza ubundi zinyuze mu nzira zisanzwe z’inkiko, hari ubwo rumwe rumara nk’imyaka itandatu, icyo ni igihombo. Ubu rero amafaranga yakagombye kuzigendaho abo bireba bose barayazigama, urumva rero ko ari inyungu ikomeye”.

Ati “Indi nyungu ni igabanuka ry’ubucucike mu magororero, bivuze ko amafaranga yagendaga ku bagororwa mu kubagaburira, kubavuza, kubatwara bajya kuburana hirya no hino mu gihugu, guhemba ababitaho n’ibindi aguma mu isanduku ya Leta. Ibi kandi bituma n’Igihugu kigira isura nsiza ku ruhando mpuzamahanga”.

Inyungu ku wemeye icyaha ni uko urubanza rwihuta, kugabanyirizwa igihano yari yarahawe, gufungurwa vuba, gusubikirwa igihano, kwiyunga n’uwo baburanaga n’ibindi.

Uwakorewe icyaha yungukira mu kureka gusiragira mu manza zamutwara amafaranga, guhabwa ubutabera bwuzuye kandi bwihuse, bibaye ngombwa ko anaregera indishyi bihita byihutishwa no gukomeza kubana neza n’uwo bagiranye ikibazo kuko byaciye mu bwumvikane.

Mushimiyintwari Edgar wo mu Kagari ka Gahogo, Umurenge wa Nyamabuye, Akarere ka Muhanga, ugororerwa mu Igororero rya Muhanga, avuga ko iyo gahunda yamufashije nyuma yo gukora icyaha cyo kwihesha ikintu cy’undi binyuze mu buriganya.

Ati “Nari mfite icyaha gituma nshobora gufungwa hagati y’imyaka itanu n’irindwi, nkurikiranyweho uburiganya twakoreye kompanyi imwe y’i Kigali. Mu igororero mpamaze igihe kingana n’umwaka, ariko kuko nagiriwe ubuntu ngahura n’uwo nakoreye icyaha, mbifashijwemo n’Ubushinjacyaha, twaraganiriye nemera icyaha na we ampa imbabazi, ubu ngiye gutaha hanyuma njye mwishyura mu byiciro kuko ari cyo kiri mu masezerano twagiranye.”

Harisson Mutabazi

Uyu ngo agomba kwishyura uwo yahemukiye Miliyoni 16 z’Amafaranga y’u Rwanda, akazayamuha mu byiciro nk’uko biri mu masezerano y’ubwumvikane.

Isubiracyaha rihanwa rite?

Iyo umuntu yari afunzwe wenda yarakatiwe imyaka 6, hakaza kubaho ubwumvikane bushingiye ku kwemera icyaha amazemo nk’imyaka ibiri, igihano cye kigasubikwa agataha, aba asabwa kwigengesera ntiyongere gukora icyaha muri icyo gihe cyari gisigaye.

Ruboya abigarukaho agira ati “Iyo uwemeye icyaha ahawe isubikagihano agataha, iyo akoze ikindi cyaha aragihanirwa, ndetse na cya gihano cyari cyarasubitswe n’ubwo haba habura umunota umwe ngo kirangire, gihita kigaruka uko cyakabye kuko riba ari ideni urimo, bityo na cyo kikiyongeraho. Ikindi ni uko aha isubiracyaha ritemerwa mu bwumvikanye bushingiye ku kwemera icya, nta byo kongera gusubikirwa igihano nanone cyangwa kugabanyirizwa. Biba bisaba rero ko muri icyo gihe witwararika cyane, ukitwara neza, mbese ukaba bandebereho”.

Aha ni ho ahera ahumuriza baturage, babona umuntu wakoze icyaha akagifungirwa, hashira igihe gito akaba ararekuwe, bakavuga abati “Ubushinjacyaha buraduhemukiye, uyu muntu ntiyagombye kutugarukamo aka kanya n’ibyo yakoze”. Ruboya avuga ko nubwo aba yarekuwe, igihano cye ntaho kiba cyagiye, bityo ko batagombye kumwishisha, kuko haba hari ibyo yemeye.

Kuva ku kwa Mbere tariki 26 Mutarama 2026, mu magororero yose yo mu gihugu harimo kubera ubugangurambaga, bugamije gusobanurira abagororwa ubu buryo by’ubwumvikane bushingiye ku kwemera icyaha, kugira ngo bwitabirwe na benshi kuko byagaragaye ko bufite inyungu nyinshi.

Urwego rw’Igihugu rushinzwe Igorora (RCS), ruvuga ko ubu buryo bugenda butanga umusaruro ugaragara, kuko bwagabanyije ubucucike mu magororero ku kigero cya 101%, ugereranyije n’imyaka yashize aho ikigero cy’ubucucike mu magororero cyari ku 143%, iyi ngo ikaba ari intambwe ikomeye yatewe mu rwego rw’ubutabera.

Depite Mussa Fazil Harerimana avuga ko nubwo ibijyanye n’imyambarire akenshi bireberwa mu muco w’Abanyarwanda, aho uwambaye atikwije afatwa nk’uwataye umuco, akavuga ko muri iki gihe hari abambara imyenda koko idakwiye.

Agira ati “Ushobora kubona umuntu aguciyeho cyane cyane mu masaha y’ijoro, wareba ukabona ni nk’aho yambaye akenda k’imbere gusa, kandi na ko gakoze mu buryo budasanzwe, akitemberera nta nkomyi. Akenshi ibi ni umuco baba barakuye ahandi, ese ni wo wa hano mu Rwanda! Umuco w’u Rwanda urategeka, ku bitanditse mu mategeko ni ugushingira ku muco”.

Ati “Umuco wacu ntiwemera ko abantu bari mu myaka runaka bakuze, bambara impenure. Mu muco nyarwanda ibi ntibyagombye kujya no mu mategeko, hari umuntu wambara akenda runaka bose bakavuga bati uriye bite! Ari uwo mu kigero cy’abato hari abatabibonamo ikibazo, ariko umugore washatse, uri mu kigero cyo kuba afite abana wambara atyo, abantu bati ntibikwiye, ibyo ntibigombera kuba byanditse”.

Hari abavuga ko abambara impenure akenshi bafatwa nk’inkozi z’ibibi, aho bafatwa nk’indaya, gusa Depite Mussa Fazil we abibona ukundi.

Ati “Imyenda migufi na yo iratandukanye, mu bindi bihugu hari aho ujya ukabona uwambaye umwenda mugufi uti ahubwo ntiyambaye. Akenshi usanga nka nijoro baba bemerewe kwambara mu muhanda imyenda nk’iyo kuri pisine. Uvuze ngo uwo muntu ni umusambanyi, ni indaya byaba ikibazo, ushobora gusanga atanaba muri ibyo bamukekeraho, cyane ko umuco wabo utabibonamo ikibazo”.

Akomeza avuga ko ‘kami ka muntu ari umutima we’, ngo uwambaye imyenda miremire ashobora kuba imbere y’abantu ahisha ibyaha akora, gusa ngo imbere y’Imana ho ntiyabihisha.

Yungamo ati “Icyakora ku byerekeranye n’umuco, uwambaye ibirebire aba yawubahirije, ariko uwambaye ibigufi ntaba yawubahirije. Muri rusange mu myambaro ntihagombye kuba impaka”.

Aha yanakomoje ku myambarire y’Abayisilamukazi, aho idini ritegeka uko bambara, gusa na ho ngo impaka ntizibura.

Ati “Usanga na ho hazamo impaka, kuko hari abambara hose bagasiga amaso gusa, yewe n’amaboko n’ibirenge, aha ngo ni ukugira ngo baterekana uburanga, abandi bati uburanga bugarukira he? Bati ese amatwi aba mu buranga, bamwe bati oya, kwambara ‘gants’ bagapfuka intoki, hari abavuga bati nazipfuka azakora ate, bo bakavuga ko gants atari ngombwa, impaka zikaba impaka”.

Icyakora Depite Mussa Fazil ahamya ko imyifatire mibi cyangwa imyitwarire mibi, irimo kwambara ubusa mu ruhame ko mu Rwanda ihanwa, igihano gitangwa hakurikijwe ubushishozi bw’umucamanza.

Aha hagarutswe ku rugero rw’uwitwa Mugabekazi Liliane, ubwo yari yitabiriye igitaramo muri BK Arena ku ya 30 Nyakanga 2022 yambaye ikanzu ibonerana cyane, igaragaza amabere n’akenda k’imbere, ifoto ye yasakaye ikaza gutuma atabwa muri yombi ndetse akagezwa mu rukiko.

Iby’imyambarire Depite Mussa Fazil yabigarutseho kuri uyu wa Gatanu tariki 20 Gashyantare 2026, ubwo yari mu kiganiro kuri KT Radio, cyavugaga ku mikorere y’Inteko Ishinga Amategeko y’u Rwanda.

Doja Cat yabonye izuba ku ya 21 Ukwakira 1995, avukira ahitwa Tarzana, agace ko mu mujyi wa Los Angeles muri Leta ya California muri Leta zunze Ubumwe za Amerika, ababyeyi be na bo bakaba ari abanyabugeni.

Nyina wa Doja Cat, Deborah Elizabeth Sawyer, ni Umunyamerikakazi w’Umuyahudi, akaba ari umuhanga mu bugeni bujyanye no gusiga amarangi. Se, Dumisani Dlamini ukomoka muri Afurika y’Epfo, ni umukinnyi w’amafilime akaba n’umuhanga mu kuyatunganya, aho azwi cyane muri filime yamamaye mu bihe byashize yiswe ‘Sarafina’, ivuga ku ivangura ryakorerwaga abirabura (Apartheid).

Ku myaka 12, Doja Cat yaretse kwiga kuko aho umuryango we wari warimukiye hitwa Oak Park, habaga ivangura rishingiye ku ruhu, cyane ko umwe mu babyeyi be yari umwirabura, bituma rero iby’ishuri abihagarika, ahubwo yigira kwiga kubyina ndetse biranamuhira atangira kujya ajya mu marushanwa.

Kubera ko nyina wabo yari umwarimu w’umuziki, na we yamushyize mu bandi aramwigisha aza no kubimeya, nuko ku myaka 16 yiyegurira umuziki no kubyina, naho iby’amashuri abishyira ku ruhande burundu.

Ku myaka 18, Doja Cat yasohoye EP ye ya mbere yise ‘Purrr’, irimo indirimbo yamenyekanye cyane yise ‘So High’, atangira kwamamara atyo.

Mu 2018, yasohoye indirimbo yise ‘Mooo’, yari kuri album ye ya mbere yise ‘Amala’, iyo ndirimbo ikaba yarahise ikundwa cyane ku mbuga nkoranyambaga, aho kuri YouTube yarebwe n’abantu bagera kuri Miliyoni 65.

Doja Cat yakomeje kwamamara, akora ibitaramo bitandukanye hirya no hino ku Isi, yegukana ibihembo byinshi birimo nk’icyo mu 2021, aho yabaye umuhanzi mwiza ku Isi w’igitsina gore, ndetse akaba anibitseho Grammy Award, yaheshejwe n’indirimbo yise ‘Kiss Me More’.

Doja Cat azwi mu ndirimbo nyinshi yasohoye zirimo You Right, Need to Know, Woman, Get Into It, Mooo n’izindi.

Move Afrika uyu muhanzi azitabira yatangijwe mu 2023, itangirira i Kigali mu gitaramo cya mbere cyayobowe n’umuhanzi Kendrick Lamar. Mu 2024, uru rugendo rwerekeje muri Ghana, naho mu 2025 rwerekeza i Lagos muri Nigeria, aho rwabereyemo igitaramo cyaririmbyemo John Legend.

Move Afrika ubu ikomeje kwaguka no kugera mu bihugu bitandukanye bya Afurika.

Indirimbo ’Kiss Me More’ ya Doja Cat

Intara y’Iburengerazuba ikunze kwibasirwa n’imyuzure

Uyu mushinga wo guhangana n’izo ngaruka z’imihindagurikire y’ibihe, watangijwe ku mugaragaro kuri uyu wa Gatatu tariki 18 Gashyantare 2026, ukaba watangirijwe mu Karere ka Karongi ari na ho uzakorera ndetse no mu Karere ka Rusizi ku ikubitiro.

Ibikorwa by’uyu mushinga uzatwara Miliyoni 9 z’Amadolari ya Amerika (asaga Miliyari 13Frw), bizibanda ku gusana ibyogogo n’inkombe z’imigezi byangiritse, kongera amashyamba no gusana ayangiritse, hagamijwe kubaka ubudahangarwa bw’ubutaka.

Ni umushinga uzashyirwa mu bikorwa n’Ikigo cy’Igihugu gishinzwe Umutungo Kamere w’Amazi (RWB), ndetse n’uturere uzakoreramo, ukaba watewe inkunga na Banki Nyafurika y’Iterambere (AfDB).

Umuyobozi Mukuru wa RWB, Eng. Nyirishema Richard, avuga ko uyu mushinga ari igisubizo kirambye kuri iki kibazo kibangamiye ubukungu bw’Igihugu.

Ati “Uyu mushinga ni igisubizo muri rusange ku gihugu, ariko cyane cyane mu Ntara y’Iburengerazuba ahakunda guhura n’ibibazo by’imyuzure ndetse n’inkangu. Icyo twakoze ni ukureba ahakenewe ibikorwa byihutirwa, nko muri Rusizi i Bugarama no muri santere ya Bweyeye hibasiwe n’imyuzure kandi hari ibikorwa remezo”.

Eng. Nyirishema Richard

Ati “Ibi bikorwa remezo rero birahenze, hari nk’umushinga wa Kivu wo gutanga amazi meza (Kivu Belt Water Supply System), ntabwo Igihugu cyajya gishyira imbaraga mu bikorwa remezo nyuma bikangizwa n’inkangu cyangwa imyuzure. Uyu mushinga rero uzadufasha kugabanya ubukana bw’ibibazo aya mazi aduteza, ibyo tuzahigira bikazadufasha kuba twawushyira no mu tundi turere twibasirwa n’ibiza”.

Umuyobozi w’Akarere ka Karongi, Muzungu Gerard, avuga ko uyu mushinga ari ingenzi mu kurwanya ibiza.

Ati “Uzadufasha gutera ibiti ku misozi miremire yacu, kuko hari itari iriho amashyamba cyangwa imirwanyasuri, bityo bikumire amazi yamanukaga ari menshi agatuma imigezi yuzura igateza imyuzure n’inkangu, bikangiza ibikorwa by’abaturage”.

Muri aka Karere ka Karongi ahitwa Gitwa mu Murenge wa Rubengera, haherutse gucika inkangu nini, ubutaka bumanukana n’ibyari biburiho byose birimo imyaka y’abaturage biruhukira mu kabande, ibi byatumye imiryango 40 y’abari bahatuye yimurwa ishakirwa aho gutura.

Muri aka Karere ka Karongi, muri Gicurasi 2018, abantu 18 barapfuye bahitanywe n’inkangu yacitse mu Murenge wa Rwankuba.

Muri Gicurasi 2023, na bwo mu Ntara y’Iburengerazuba n’iy’Amajyaruguru habaye ibiza bikomeye, aho byahitanye abantu basaga 120, nyuma y’imvura nyinshi yari imaze iminsi igwa.

Iki cyemezo cyafashwe mu ijoro ryo ku wa Kabiri tariki ya 17 Gashyantare 2026, kigamije gukumira ingaruka mbi zishobora guterwa n’imikoreshereze itanoze y’izo mbuga nkoranyambaga, nk’uko HAC yabitangaje.

HAC mu itangazo yashyize ahagaragara, ntiyatanze urugero na rumwe rwihariye rwaba rwatumye ifata iki cyemezo cyatunguye benshi. Icyakora, yavuze ko hagaragaye isakazwa rikabije ku mbuga nkoranyambaga ry’amakuru adakwiye, arimo gutukana, gusebanya, urwango n’ibindi bigamije gutesha agaciro umuntu, guhungabanya ubumwe bw’abaturage, guhohotera abantu hifashishijwe ikoranabuhanga, guhungabanya ituze ry’inzego z’igihugu no guteza umutekano muke mu gihugu.

Urwego rushinzwe kugenzura itangazamakuru muri iki gihugu, ruvuga ko imbuga nkoranyambaga zikoreshwa mu buryo bunyuranyije n’amategeko akurikizwa muri Gabon, ndetse n’amabwiriza mpuzamahanga.

HAC yagaragaje ko hari Abanye-Gabon bamwe berekanye imyitwarire mibi ku mbuga nkoranyambaga, ariko inashinja n’abashinze ndetse n’abayobora izo mbuga, kudashyira mu bikorwa igenzura rihagije ryazo, ku bijyanye n’ibizishyirwaho binyuranyije n’amategeko.

Muri Gabon, WhatsApp, Facebook na TikTok ni zo mbuga nkoranyambaga zikoreshwa cyane. Iri tangazo ryasomewe kuri televiziyo ya Leta ‘Gabon 1ère’ n’umuvugizi wa HAC, Jean-Claude Mendome, utavuze igihe izo mbuga nkoranyambaga zishobora kuzakomorerwa.

Ibipimo byashyizwe ahagaragara n’Ikigo cy’Igihugu cy’Iteganyagihe (Meteo Rwanda), byerekana ko mu gihembwe cy’Itumba muri Kigali hateganyijwe imvura iri hagati ya milimetero 280 na 480, usibye ibice by’amajyaruguru y’Akarere ka Gasabo, hateganyijwe imvura iri hagati ya milimetero 480 na 680.

Ubuyobozi bw’uyu mujyi buvuga ko iyi mvura ishobora guteza ibiza abaturage niba badashoboye kubikumira hakiri kare, bukanatanga inama y’icyakorwa mu kwirinda ingaruka zaterwa n’ibyo biza.

Ubinyujije ku rubuga rwa X rwawo, Umujyi wa Kigali wagaragaje ibintu bitanu umuntu akwiye gukora, mbere yo kwinjira mu gihe cy’imvura nyinshi y’Itumba ry’uyu mwaka.

Icya mbere ni uko umuntu agomba kugenzura neza ko inzu abamo itamuteza ibyago byo kwibasirwa n’ibiza, yabona hari ahakeneye gusanwa akegera ubuyobozi bukamuha uruhushya, akahasana hakiri kare.

Umuntu kandi arasabwa kureba ko aho atuye hadashyira ubuzima bwe mu kaga, yasanga ari ngombwa ko yimuka, akabikora bwangu bityo akarinda ubuzima bwe n’ubw’abe.

Ikindi ni ukuzirika igisenge cy’inzu kigakomera, umuntu yifashishije imigozi yabugenewe, kubera ko mu ntangiriro z’iyo mvura nyinshi akenshi iba iri kumwe n’inkubi y’umuyaga.

Abantu barasabwa kandi kugenzura ko inzira z’amazi zikora neza ndetse n’imireko, ku buryo imvura nyinshi iguye amazi yatemba uko bikwiye bityo ntateze umuntu ibibazo.

Ikindi ni ukwitegura gutera ibiti, abantu bagacukura imyobo bazabiteramo ndetse bagategura n’ifumbire, kugira ngo imvura nigwa ihagije bazahite batera ibiti, ndetse bakanabibungabunga kugeza bikuze.

Abatuye Umujyi wa Kigali rero barasabwa gushyira imbaraga hamwe bagakumira ibiza, bityo bakubaka umujyi utoshye kandi ubungabunga ibidukikije.

Minisiteri y’Ibikorwa by’Ubutabazi (MINEMA) iherutse gutangaza ko mu mezi atanu ashize (ni ukuvuga kuva ku ya 1 Nzeri 2025 kugeza ku ya 15 Mutarama 2026), mu Rwanda habaye ibiza birenga 470, bihitana abantu 67 bikomeretsa abandi 123. Aha hari n’ibindi bintu byinshi byangiritsebirimo inzu zasenyutse, imihanda n’ibiraro byangiritse, amatungo yapfuye, imyaka yangiritse n’ibindi.

Ibi ni bimwe mu byagombye gutuma abantu bose mu Rwanda bitwararika, bakamenya uko bahangana n’ibiza bishobora guterwa n’imvura y’Itumba iri hafi kugwa.

Ibi byagezweho bitewe n’uko iyi Pariki yakiriye abashyitsi 59,538 mu mwaka wose, muri bo 51,769 bari bishyuye, ibi bikaba bigaragaza izamuka rya 8% ku mubare w’abishyura ugereranyije n’umwaka wa 2024.

Mu basuye Pariki y’Akagera muri uwo mwaka, Abanyarwanda bangana na 47%, abaturutse mu mahanga bangana na 47%, naho abanyamahanga baba mu Rwanda bangana na 6%.

Ikindi gikorwa cy’ingenzi cyagezweho muri Kamena y’uwo mwaka, ni uko African Parks icunga Pariki y’Akagera, ku bufatanye n’Urwego rw’Igihugu rw’Iterambere (RDB), bazanye inkura z’umweru 70 zo mu bwoko bwa ‘southern white rhinos’, zivuye muri Afurika y’Epfo, zishyirwa muri Pariki y’Igihugu y’Akagera.

Ni igikorwa bavuga ko gifite agaciro gakomeye, cyane ko ngo ari bwo bwa mbere habaye izanwa ry’inkura nyinshi. Icyo gikorwa cyagize uruhare rukomeye mu kongera umubare w’inkura z’umweru muri Pariki y’Akagera, ndetse gishyira u Rwanda mu bihugu bifite uruhare rukomeye ku rwego mpuzamahanga mu kugarura no kubungabunga amoko y’inyamaswa zari zigiye gucika.

Zimwe muri izo nkura ziherutse kugezwa mu Rwanda zatangiye no kubyara, kikaba ari ikimenyetso kigaragaza ko zimaze kumenyera ubuzima bwazo bushya, ikaba ari inkuru nziza ku bashinzwe kubungabunga ubuzima bw’inyamaswa muri iyi Pariki no ku Gihugu muri rusange.

Iki gikorwa cyarushijeho gushimangira ubuyobozi bw’u Rwanda mu micungire inoze y’ahantu harinzwe, ndetse no mu cyerekezo cy’igihe kirekire cyo guteza imbere ubukerarugendo bushingiye mu kubungabunga ibidukikije.

Pariki y’Igihugu y’Akagera yanahawe igihembo ku rwego mpuzamahanga, nyuma yo gushyirwa mu hantu 25 h’ingenzi ku Isi hagombye gusurwa cyane mu 2026, cyatanzwe na National Geographic, bikaba ari intambwe ikomeye mu iterambere ry’ubukerarugendo bw’u Rwanda.

Uru rutonde ntirushingira gusa ku bwiza nyaburanga n’inyamaswa zitandukanye zigaragara muri iyi Pariki, ahubwo runagaragaza imyaka irenga icumi y’ivugurura ryagezweho binyuze mu bufatanye hagati ya RDB na African Parks, ryahinduye Pariki y’Akagera ikaba ahantu haboneka inyamaswa eshanu zikomeye zizwi nka ‘Big Five’, arizo Intare, Ingwe, Inzovu, Inkura n’Imbogo.

Iri shimwe rishyira Akagera ku rwego rwo hejuru nk’ikimenyetso gikomeye cy’intsinzi mu kubungabunga ibidukikije, guteza imbere ubukerarugendo burambye no kuzamura izina ry’u Rwanda ku rwego mpuzamahanga mu bijyanye n’ubukerarugendo.

Barashimirwa kuba bihangira imirimo ifasha n’abandi

Bamwe muri urwo rubyiruko bize ibijyanye n’ubukorikori, abize kogosha n’ubwiza bw’umubiri, abahuguwe mu bucuruzi n’indi myuga itandukanye, bakaba babifashwamo n’umuryango Rungano Ndota ku bufatanya n’ubuyobozi bw’Akarere ka Ruhango.

Umwe muri uru rubyiruko witwa Uwizeye Pascal, wavuye iwabo mu Ruhango akajya gushakira akazi i Kigali, avuga ko ako yabonye ntacyo kamumariye, ahubwo katumye yisanga Iwawa.

Agira ati “Nageze i Kigali mbona akazi ko kwikorera imizigo, ariko udufaranga duke nabonaga natuguraga ibiyobyabwenge. Ako kazi sinaje kukarambaho kuko rimwe ndi mu Biryogo muri 2022, baramfashe mu nzererezi nisanga Iwawa, ndagenda ndakubitika,ariko mpigira imyuga harimo no gukora amandazi. Muri 2024 barandekuye mpita ntaha iwacu mu Ruhango, ntangira gukora imirimo y’amaboko”.

Ati “Aho nakoraga mu gupakira umucanga, ni ho Rungano yansanze iza kumbwira uko ifasha urubyiruko kwikura mu bukene, impa amahugurwa ndetse n’igishoro, cy’ibihumbi 120, harimo 60 by’inkunga na 60 nzishyura nta nyungu, ntangira gukora amandazi nzamuka uko. Ubu mu Murenge wacu wa Kinihira ni jye uyaranguza ku buryo ngeze ku gishoro cy’ibihumbi 400”.

Akomeza avuga ko kuri ubu afite n’ingurube enye, ndetse ko arimo kwiyubakira inzu, aho imaze kumutwara hafi Miliyoni.

Uyu ni umunyabugeni

Umutoni Yvette wo mu Byimana, kubera ubukene yavuye iwabo ajya gukora akazi ko mu rugo i Kigali ariko ntibyamuhira.

Ati “Natangiye gukora akazi ko mu rugo, nkarya gatatu ku munsi bitarabagaho iwacu kuko akenshi twabwirirwaga, nuko ndashisha ntangira gusa neza. Nyuma umusore twakundanaga yaje kuntera inda, akazi gahita gahagarara nsubira muri bwa bukene bw’iwacu noneho mfite n’umwana kandi n’uwo twabyaranye antera umugongo. Icyakora uyu muryango waje kungoboka, umpa amahugurwa ndetse n’igishoro cy’ibihumbi 60, ntangira gucuruza imbuto”.

Ati “Kubera ko iwacu zitagurwaga neza, nagiye gukorera mu mujyi wa Muhanga, mbanza kuba umuzunguzayi none ubu nkorera mu isoko, kandi biragenda. Natangiye umwana wanjye ari mu mirire mibi none ubu yarayikize kuko mbasha kumubonera indyo yuzuye, yarwara nkamuvuza kuko niyishyurira mituweli. Ndashimira Rungano ndetse n’ubuyobozi bw’akarere bwabanyoboyeho, ubu nkaba ntashobora kuba igihombo ku Gihugu”.

Nkurikiyumukiza Raul wacikirije amashuri ageze mu wa gatatu w’ayisumbuye, na we avuga ko yahuguwe bimufasha kumenya aho yashakishiriza ubuzima.

Ati "Amahugurwa nahawe na Rungano yaramfunguye, ntangira gushaka icyo gukora, nza kubona amahugurwa muri Uganda ku bijyanye n’amashyiga arondereza ibicanwa. Nyuma ngaruka mu Rwanda ariko mfite amafaranga make, muri 2025 ntangira kwikorera".

Nkurikiyumukiza Raul

Yungamo ati "Nagurishije amatungo nari mfite ndongeranya ntangira gucuruza amashyiga akoresha amashanyarazi, afite ikoranabuhanga ku buryo icyo utetse ugiha iminota gihiraho hanyuma rikizimya udahari. Ushobora kuryotsaho burusheti, ikigori, ikijumba n’ibindi”.

Ayo mashyiga ayatumiza hanze, rimwe rikaba rigura ibihumbi 80Frw, akavuga ko birimo kumuteza imbere kuko ngo afite isoko rigari. Uyu musore avuga ko yatangiranye igishoro cya Miliyoni imwe none ubu arakabakaba Miliyoni ebyiri mu gihe kitageze ku mwaka, gusa akagaragaza imbogamizi y’uko icyo gishoro kikiri gito, agasaba koroherezwa kubona inguzanyo.

Umuyobozi wa Rungano Ndota, Gatera Vincent Palotti, avuga ko gufasha uru rubyiruko ari ingenzi kuko bahanga imirimo n’abandi.

Ati “Iyo umuntu akomoka mu muryango ukennye cyane, bikarenga agaterwa n’inda ari umwana, cyangwa yarajyanywe mu kigo ngororamuco kubera impamvu runaka, ariko ntaheranwe n’ibyo bibazo, akabasha agufata icyemezo akihangira umurimo ndetse akawuhangira n’abandi ni iby’agaciro. Kumuha ubufasha rero ni ingenzi”.

Akomeza avuga ko mu mwaka ushize wa 2025, urubyiruko bafasha rwahanze imirimo ihoraho 150, ijyanye n’ubucuruzi 300 ndetse n’idahoraho 7,000.

Umuyobozi w’Akarere wungirije ushinzwe Iterambere ry’Ubukungu, Rusiribana Jean Marie Vianney, avuga ko uyu muryango ugira uruhare mu mihigo y’akarere.

Ati “Ibikorwa by’uru rubyiruko ni ingenzi ku karere kacu, kuko harimo kwihangira imirimo, bikaba bijyanye na gahunda y’Igihugu. Icyo dukora nk’ubuyobozi, abahuguwe badafite ubushobozi hari gahunda tubashyiramo ibafasha kubona amafaranga y’inguzanyo, hanyuma Rungano Ndota ikabakurikirana bakiteza imbere, ndetse bakanishyura uko bikwiye”.

Visi Meya Rusiribana Jean Marie Vianney

Akomeza avuga ko bishimishije kubona abatari bafite icyo gukora, bari mu ngeso mbi, bahinduka bagakora bakagira aho bigeza ndetse bagafasha n’abandi.

Kugeza ubu, urubyiruko rugera kuri 500 rwanyuze muri iyi gahunda, 418 barikorera ndetse banashoboye guhangira abandi akazi karenga ibihumbi 12, naho icyiciro giheruka cy’abasoje amahugurwa 50, bakaba bahawe impamyabushobozi ku wa 15 Gashyantare 2026.

Uworora ingurube agaragaza ibyo agezeho

Byaramuhiriye, agenda azamuka mu ntera, abona ibyiza umukozi wese uhemberwa ukwezi arota kugeraho, ariko ntibyateye kabiri abona ko hari ibyumba by’ubwenge bwe atazagera mo naramuka agumye muri ako kazi.

Impamvu nuko yakoranaga n’abahinzi-borozi, akumva iterambere bagezeho, agasobanukirwa ko we ari gusigara inyuma, yubaka ikigo akorera, ariko we atubaka ejo heza.

Yarwanye n’intambara zo mu mutima, agatekereza ko kuva mu kazi waba ari umubare mubi, ariko agira amahirwe umugabo we wize Ubugoronome amukura mu rujijo aho yatsetaga ibirenge.

Mu mwaka wa 2019, ni bwo Mukayirere yafashe umwanzuro, yandikira umukoresha we, maze asezera akazi kamuhembaga akabakaba Miliyoni frw, yiyegurira ubuhinzi, ndetse bidatinze yongeraho gukora ifumbire idaciye mu nganda.

Agira ati “nta buhinzi nigeze niga, nta n’ubwo mbere nigeze mbigerageza, ariko kuba narashakanye n’uwabyize, byaramfashije. Ikigoronome akinyigisha nijoro, ku manywa ngashyira mu bikorwa ibyo nize”.

Mukayirere akorera ku butaka busaga Hegitari icyenda (9), aho ahinga ibigori, inanasi, imiteja, urusenda, ibihumyo n’ibindi, ndetse akaba anakora ubworozi bw’inkoko, inkwavu n’ingurube bimufasha kubona ifumbire, nubwo yaje gusanga ari nke ku buryo idahaza imirima ye.

Ibi ni byo byatumye atekereza cyane, ashaka amakuru ndetse akora n’ingendoshuri agamije guhaha ubwenge, kugira ngo arebe uko yakemura ikibazo cy’ifumbire nke haba mu mirima ye, ndetse no ku isoko ry’ubuhinzi.

Akora ifumbire y’imborera ishakishwa na benshi

Nyuma yo guhaha ubwenge, Mukayirere yatangiye umushinga wo gukora ifumbire y’imborera yifashishije ibisigazwa by’ibimera birimo n’iby’imyaka itandukanye, ibisigazwa by’ibiryo byo mu ngo no mu mahoteli, ndetse n’imyanda ikomoka ku matungo nk’amayezi (akura ku ibagiro rya Nyabugogo), amatotoro ndetse n’amaganga, cyane cyane ay’inkwavu kuko yo ngo afite umwihariko.

Ibisigazwa by’ibimera birimo amababi y’ibisheke, ibisigazwa by’ibigori, iby’umuceri ndetse n’ibindi byatsi, babicisha mu mashini yabugenewe ikabishwanyaguza, bikaba uduce duto cyane, mbere yo kubishyira mu byobo biboreramo.

Ibyo byatsi bicagaguye gutyo, Mukayirere afite ubuhanga akoresha mu kubivanga na bya bisigazwa bikomoka ku matungo, ku ngero zagenwe, nyuma byose bakabishyira mu byobo byabugenewe bikoteye na sima, ubundi bagatwikira hagamijwe kutangiza ikirere, bakajya basukaho amazi, hanyuma ifumbire ikaboneka nyuma y’ibyumweru 4.

Kugera mu mpera za 2025, Mukayirere avuga ko yari ageze ku gutunganya Toni 40 ku kwezi, ariko zikaba iyanga akurikije isoko afite kuko adashobora kurihaza.

Aha ahera ku isoko yahawe n’uruganda rumwe ry’icyayi, rwamusabaga Toni 2000 mu gihembwe kandi hari n’abandi bakiriya afite, ibi rero ngo bimusaba kongera umusaruro, akaba yariyemeje ko guhera mu 2026 azajya akora Toni 200 kukwezi.

Yinjiza agatubutse

Mukayirere ukorera imirimo ye kuri Hegitari icyenda, avuga ko mu 2021 ibyo akora byose byamwinjirije asaga Miliyoni 72Frw. Ibi ngo byamwongereye imbaraga, bituma yagura imirimo, ashyira ingufu mu gukora ifumbire kuko isoko rihari, ku buryo mu mpera za 2025, avuga ko umushinga we wari uhagaze agaciro k’Amadolari ya Amerika ibihumbi 150 (asaga Miliyoni 218Frw).

Kimwe mu bituma iyi fumbire ikundwa, ni uko ipfunyikwa mu dufuka turinganiye kandi dufite isuku, agafuka kamwe k’ibilo 20 kakagura 4,000Frw.

Mukayirere avuga ko ubu nta wamubwira ngo akorere undi, kuko agira ati “Gufata icyemezo cyo guhagarika akazi kampembaga neza byarangoye ariko ndabikora. Gutangira kwikorera na byo ntibyanyoroheye, ariko sinacitse intege. Aho ngeze rero ubu nta wambwira ngo ampe akazi nemere.”

Yungamo ati “Aho nakoraga baheruka kumbwira ngo nsubireyo kuko umushahara wazamutse, uva ku bihumbi 800 frw ugera kuri Miliyoni 1.2Frw ariko ndabahakanira. Kwikorera ntako bisa”.

Mukayirere yahaye akazi abakozi 9 bahoraho n’aba nyakabyizi 119, ndetse abaturanyi b’aho akorera abaha icyororo cy’inkwavu zagwira akazibagurira na bo bakazamuka, hakaba n’abamureberaho ubu bahinga bakanorora bagatera imbere.

Uyu mugore ubu afite imodoka imufasha mu mirimo ya buri munsi, imufasha kuzana ibikoresho akenera ndetse n’ibindi, ariko akagira n’iyo agendamo inamufasha kujyana abana ku ishuri.

Mukayirere ufite icyivugo cya “Never give up” (Ntugacike intege), agira inama abagore bagenzi be yo kudatinya kugerageza.

Ati “Niba ikintu runaka hari abandi bagikora bakakigeraho, kuki jye byananira? Abagore bagenzi banjye ndabagira inama yo gutinyuka, ntibakumve ko hari ibyo badashoboye kandi batanagerageje ngo byange. Ntibagategereze byose ku bandi kandi na bo bashoboye, igikuru ni uko bakwigirira icyizere”.

Yabigarutseho kuri uyu wa Gatanu tariki 13 Gashyantare 2026, aho yari mu kiganiro kuri KT Radio, cyagarukaga ku gitabo aherutse gusohora yise ‘Umurage w’Urubyiruko’, gikubiyemo inama nyinshi agira urubyiruko kugira ngo ruzavemo Abanyarwanda babereye Igihugu, batandukanye n’abagiteje amakuba.

Mukagasana wari umuforomo mbere ya Jenoside yakorewe Abatutsi mu 1994, avuga ko atumva ukuntu ushinzwe gutabara ubuzima bw’abantu ari we wabagirira nabi.

Agira ati “Icyo njya mvuga ni uko habaho ibiyobyabwenge byinshi, inzoga harimo ibyo basigaye bita ibyuma, inzoga z’inkorano zo ni uburozi zirimo no kwica abantu, ibyo abana bajya bambwira bya rwiziringa, urumogi n’ibindi byinshi. Ariko hari ikiyobyabwenge gihatse ibindi, ni ingengabitekerezo ya Jenoside”.

Yungamo ati “Iyo ubona umuganga yarishe umurwayi yari ashinzwe kuvura, byonyine kuri jye nk’umuntu wavuye, mbona ahari urukundo rw’umurwayi haje urwango rw’umuntu waje agashyira ubuzima bwe mu ntoki zawe ukaba wabukoresha icyo ushaka, ugahitabo kubumuvutsa aho kumuvura bwa burwayi. Iyo ngengabitekerezo ni uburozi! Umuganga wize yica umurwayi gute?”

Akomeza agira ati “Umubyeyi wabyaye yica umwana we gute, ngo ni uko bamubwiye ko umwana we ari Umututsi kandi ari we wamutwise amezi icyenda, yarashatse se abizi, ariko yarangiza akamwica. Ubwo urumva ingengabitekerezo ya Jenoside atari ikiyobyabwenge utabona icyo ukigereranya na cyo!”

Akomeza avuga ko ibi ari byo bikubiye mu gitabo cye, aho agambiriye kuvura abana bayishyirwamo n’ababyeyi babo, ahereye ku kubereka aho Jenoside yagejeje u Rwanda, kuko muri icyo gihe umuntu yameraga nk’aho bamukuyemo ubwonko buzima bakamushyiramo ubw’ubwicanyi.

Ni ngombwa kubwiza abana ukuri

Mukagasana asanga ari ngombwa ko abana bamenya ukuri kw’ibyabaye muri Jenoside, gusa ngo abayeyi ntibabikora.

Ati “Abantu bakuru ni twe dushyira ingengabitekerezo ya Jenoside mu bana bacu. Nk’uko abantu bakoze Jenoside batavutse bica ahubwo baje kugirwa abicanyi, ikibabaje rero ni uko abana bacu uyu munsi dushaka kubaheza muri ibyo. Icya mbere cyo ntabwo bababwiza ukuri ku byabaye muri Jenoside, ari na kimwe mu byatumye nandika iki gitabo. Tubwize abana ukuri”.

Arongera ati “Warishe? Ariko ntiwavutse uri umwicanyi, bibwire umwana wawe, mubwize ukuri. Nararokotse, ariko hari abantu bangiriye neza, nimbize abana ukuri. Igihe cyose abana batamenya ukuri ntabwo iki kibazo tuzakivamo”.

Aha yatanze urugero ku rubyiruko rw’Abanyarwanda ruba mu Bubiligi, rwibumbiye hamwe mu cyitwa Jambo, rugapfobya Jenoside.

Ati “Niba ucyifata ukavuga ko umubyeyi wawe yafunzwe arengana kandi uzi ukuri ko yakoze Jenoside, urugero nk’abana baba mu Bubiligi bo muri Jambo ASBL, bafite ba sekuru b’abajenosideri. Ibyo bariya bana bavuga babikura ku babyeyi babo, ku miryango yabo. Barimo baratakara, ababyeyi babo babatesheje Igihugu. Umwana azakura yumva ko Igihugu cye ari kibi, yumva adakeneye no kukijyamo”.

Akomeza avuga ko icyo batazi cyangwa birengagiza, ari uko abishyize hamwe bari impuzi, bakibumbira muri FPR-Inkotanyi bakabohora u Rwanda, atari bo bahunze Igihugu ahubwo ari ba se na ba sekuru, ariko bongera kujya gushaka Igihugu ndetse bakimenera amaraso, ati “ni uko ababyeyi babo bakibakundishije, bakumva ko Igihugu ari agaciro”.

Avuga rero ko ababyeyi batabwiza abana ukuri ari ababyeyi gito, kuko ibyaha bakoze baba babizi, bityo rero ko bagombye guhinduka bakabwiza abana babo ukuri, kuko ari byo bizatuma u Rwanda rutongera gusubira mu mateka mabi.

Mukagasana warokotse Jenoside, ubu afite abana afasha yakuye mu muhanda atarobanuye kuko bose ari Abanyarwanda, mu bintu bimushimisha ngo akaba ari ukubabona barahindutse, bararetse ibiyobyabwenge, bararetse kwiba n’izindi ngeso mbi, cyane ko benshi yanabasubije mu ishuri.

Pasiteri Antoine Rutayisire avuga ko kubyara atari itegeko ry’Imana

Yabigarutseho ubwo yari kuri KT Radio kuri uyu wa Kane tariki 12 Gashyantare 2026, avuga ku hazaza h’urubyiruko, aho yari akomoje ku byanditse muri Bibiliya, ngo “nimubyare mwuzuze Isi”.

Pasiteri Rutayisire we avuga ko abantu nibasoma Bibiliya bakayumva neza, bazasanga ko kubyara atari itegeko:

Agira ati “Tewolojiya y’urubyaro igira iti Imana yaravuze ngo nimubyare mwororoke mugwire, uwo ni umugisha wo kubyara. Ariko iyo ugiye muri Zaburi, haravuga ngo abana ni umwandu, ni umugisha uva ku Witeka, bivuga ngo abana ni umugisha”.

Ati “Mpora mbibwira abantu, nti nimwiga Tewolojiya neza, mukiga Bibiliya mukayisesengura neza, muzabona ko ibyo bintu byo kubyara abana mu mubare utagira iherezo, atari itegeko ry’Imana, kuko icya mbere kubyara si itegeko ni umugisha”.

Yungamo ati “Umugisha n’itegeko rero biratandukanye, kuko itegeko rigomba kubahirizwa kandi n’abantu bose, kiretse iyo bashyizemo irengayobora. Rero iyo kubyara biba itegeko ry’Imana, umunyabyaha wa mbere yari kuba Yesu, kuko yapfuye afite imyaka 33, abo banganaga bari bararongoye. Iyo rero riba itegeko ry’Imana aba yarihutiye kurongora akaduha urugero, agasiga abyaye. Niba rero ashobora kureka kubyara, ubwo kubyara si itegeko”.

Akomeza avuga ko abantu bagombye kumva ko babyara, ariko umuntu akabyara abo ashoboye kurera, abo ashoboye kubonera ibyo bakeneye byose kugira ngo bagire ubuzima bwiza.

Pasiteri Rutayisire yagarutse kandi ku gituma abantu bagwa mu mutego w’uko kudasobanukirwa n’ibijyanye no kubyara.

Ati “Impamvu abantu bagwa muri uwo mutego, ni uko twe twavukiye mu bihugu bifite umuco ukunda abana, kuko kuri ba sogokuruza bacu abana bari imbaraga. Iyo wabyaraga abahungu wabaga wicunguye, urugamba rwaza abahungu bawe bakarurwana, abakobwa bawe bakakuzanira inka z’inkwano, mbese bwari ubukire”.

Arongera ati “Twebwe rero twagumye muri uwo muco, ntitwabona ko u Rwanda rwagiye ruba ruto, kuko muri za 1961 Abanyarwanda bari Miliyoni 2.5, Jenoside iba twari Miliyoni 8.5 none nyuma y’imyaka 30 Jenoside ibaye tugeze kuri Miliyoni 14. Turagomba rero guhindura imitekerereze tukabyara abo dushoboye kurera”.

Ati “Ikindi ni uko uwo muco utajyanye n’igihe tugezemo, ubu umwana arajya mu ishuri bakagusaba Minerval. Kwa ba dada warabyaraga haba hari inka, ihene, imirima bikaba ari ibyo. Ubu umwana najya muri kaminuza bizagusaba ubushobozi burenze, usange ntushoboye kumurera, uwo mwana azakubera ikibazo rero, azakubera agahinda”.

Avuga kandi ko abagifite imyumvire ishaje, aho babyara bati “Imana izabarera”, kuri we akabyita ubujiji, ndetse agatanga n’urugero ku wabyaye benshi wigeze kujya kumusaba amafaranga.

Ati “Hari uwo nigeze mbibwira wabyaye abana icyenda (9), nti ariko wabyaraga abana bangana gutyo utabona ko bazakubera ikibazo? Ati ariko Imana izabarera. Nti ni byiza, ngaho genda uyisabe amafaranga wansabaga iyaguhe, kuko ayanjye ni ayanjye n’umuryango wanjye, kandi jye si ndi Imana”.

Icyakora Pasiteri Rutayisire avuga ko iyo yumvise ijwi ry’Imana rimubwira ko yafasha umuntu runaka abikora, akamufasha kugira ngo na we agire icyo ageraho.

Reba ibindi muri izi Videwo:

Louise Mushikiwabo

Ibi Mushikiwabo yabigarutseho ubwo yari mu kiganiro n’umunyamakuru Steeve Wembi wa Jeune Afrique, wari umubajije impamvu atajya i Kinshasa.

Mu kumusubiza yagize ati “Niba Abanyekongo bantumiye, nzajyayo. Nzi neza uko Repubulika Iharanira Demokarasi ya Kongo ari igihugu gifite akamaro gakomeye ku muryango wacu. Mu by’ukuri, iri mu bihugu bya mbere byungukira cyane muri gahunda zashyizweho na OIF, cyane cyane mu bijyanye n’ingengo y’imari igenerwa uburezi n’umuco, amahoro no guteza imbere uburinganire”.

Yungamo ati “Fondation Panzi ya Denis Mukwege yahawe inkunga kuva mu 2020 mu rwego rwa gahunda yacu yitwa ‘La Francophonie avec Elles’. Bityo rero, mfata RDC nk’igihugu kinyamuryango cy’ingenzi kigomba kugira umwanya wacyo wuzuye mu muryango. Ariko noneho, niba ibihugu bitangiye gukemurira ibibazo byabyo by’impande ebyiri mu rwego rw’imikoranire mpuzamahanga, ntitwazabasha kubyikuramo”.

Abicishije ku rubuga rwe rwa X, Mushikiwabo yavuze ko agifite byinshi yageza kuri OIF, akagaruka muri make ku rugendo rwe muri izi nshingano.

Ati “Manda yanjye ya mbere yari igamije guhindura no kunoza imiyoborere y’imbere mu muryango, ariko ikomwa mu nkokora n’icyorezo cya Covid-19. Nubwo byari bikomeye, mu buryo butunguranye byadufashije gukora isukura no kunoza imikorere y’umuryango”.

Ati “Manda ya kabiri yo yari ishingiye cyane ku ngaruka z’impinduka twakoze, by’umwihariko mu bijyanye no kwegereza ubuyobozi inzego no gusuzuma ibikorwa bya OIF. None se kuki hatabaho manda ya gatatu, igamije kwagura no kuzamura ku rwego rwo hejuru gahunda n’imishinga inshishikaje?”

Louise Mushikiwabo, yatangiye manda ya mbere y’imyaka ine yo kuyobora OIF mu kwezi k’Ukwakira 2018, yongeye gutorerwa manda ya kabiri mu kwezi k’Ugushyingo 2022 ku bwiganze bw’Amajwi, nta n’umwe bahanganye, u Rwanda rukaba ruherutse kumutangaho umukandida kuri manda ya gatatu yo kuyobora uwu muryango, kuko iya kabiri izarangira muri uyu mwaka wa 2026.

Ni igitero cyabaye ku mugoroba wo ku wa Kabiri tariki 10 Gashyantare 2026, kikaba kandi cyanibasiye n’abaturiye iryo shuri, nk’uko Polisi yo muri ako gace yabitangaje.

Ahatewe ni ahitwa Tumbler Redge, umudugudu utuwe n’abantu bagera ku 2500 mu Ntara ya Colombie-Britannique, Polisi ikavuga ko n’uwarashe abo bantu na we yahaguye, aho bivugwa ko ashobora kuba ari we wiyishe kuko nta kurasana kwabayeho.

Ibinyamakuru bitandukanye by’aho muri Canada byatangaje ko uwagabye icyo gitero yari umugore, amakuru yaje kwemezwa n’inzego z’ubuyobozi, zanavuze ko bidasanwe kuko ibikorwa nk’ibi ngo byari bimenyeremo abagabo.

Minisitiri w’Intebe wa Canada, Mark Carney, yavuze ko yababajwe cyane n’ubwo bwicanyi ndengakamere, anagaragaza ko yifatanyije n’imiryango yabuze ababo iri mu kababaro.

Iki kibazo cyatumye kandi Minisitiri w’Intebe Mark Carney, asubika uruzinduko yagombaga kugirira ku mugabane w’u Burayi kuri uyu wa gatatu, aho yagombaga kwitabira inama ibera i Munich mu Budage, yiga ku mutekano.

Ibi ni ibyatangajwe na Komisiyo y’Imibereho myiza y’Abaturage mu Nteko Ishinga Amategeko, kuri uyu wa Kabiri tariki 10 Gashyantare 2026, ubwo Perezida w’iyi Komisoyo, Depite Uwamariya Veneranda, yagezaga ku Nteko raporo yakozwe hagendewe ku bibazo Umugenzuzi Mukuru w’Imari ya Leta yagaragaje biri mu bigo ngororamuco.

Muri raporo y’Umugenzuzi Mukuru w’Imari ya Leta, hagaragaramo ko inzobere imwe mu 2024 yitaga ku bantu 150, mu gihe Ikigo cy’Igihugu cy’Igororamuco (NRS), cyateganyaga ko inzobere imwe yagombaga kuba yita ku bantu 78.

Iki kibazo cyanagarutsweho na Depite Uwubutatu Marie Thérèse, aho yabajije ati “Byagaragaye ko umubare w’inzobere ari muto ugereranyije n’ubwiyongere bw’agajyanwa mu bigo ngororamuco kandi n’ingengo y’imari idahagije. Ni iki rero kizakorwa kugira ngo iyi ngengo y’imari iboneke bityo izi nzobere zongerwe”.

Kuri iki kibazo, Depite Uwamariya yavuze ko abasaba ingengo y’imari yo gukemura iki kibazo babinyuza mu nzira zisanzwe.

Ati “Ni twe rwego rugena ingengo y’imari iyo yasabwe, cyangwa dukora ubuvugizi kugira ngo iboneke. Ubwo rero inzira banyuramo basaba ingengo y’imari irazwi bayikurikize, bagaragaze ikibazo, ishobora kuboneka ubu cyangwa ubutaha, biterwa n’uburyo iyabonetse isaranganywa”.

Yakomeje avuga ko hari izindi gahunda zatangiye gushyirwa mu bikorwa mu guhashya iki kibazo, biciye muri Minisiteri y’Ubuzima.

Ati “Minisiteri y’Ubuzima yagaragaje gahunda z’ubukangurambaga hagamijwe gukumira ikoreshwa ry’inzoga ku kigero cyo hejuru, harimo Tunyweless, Inzoga si iy’abato, Inzoga ntizirera n’ubutumwa bugenewe ababyeyi bubasaba kurinda abana inzoga. Hari kandi serivi z’ubujyana ku buzima bwo mu mutwe kuva ku bigo nderabuzima kugera ku bitaro bikuru”.

Hari kandi ingamba zo guteza imbere ubuzima bwo mu mutwe, zirimo gukumira, gupima no gutanga ubufasha hakiri kare, ndetse no kongera imbaraga mu ishami ry’ubuzima bwo mu mutwe mu mashuri.

Muri iyi raporo, hagaragajwe ko umubare w’abajyanwa mu bigo by’igororamuco wazamutse ku kigero cya 92%, ukava ku 3,886 mu mwaka wa 2020/2021 ugera ku 7,461 mu mwaka wa 2023/2024.

Ubu bwiyongere rero bw’abajyanwa mu bigo ngororamuco, ni bwo bwatumye Abadepite bagira impungenge ku mubare w’inzobere ku bibazo byo mu mutwe ukiri hasi, mu gihe abakeneye ubufasha bwabo bakomeje kwiyongera.

Ubushakashatsi bumaze iminsi bukorwa na Minisiteri y’Ubuhinzi n’Ubworozi (MINAGRI), binyuze mu Kigo cy’Igihugu cyita ku Buhinzi (RAB) ku mbuto z’ibirayi zongerewe ubudahangarwa, zakozwe mu buryo bw’ikoranabuhanga (Biotechnology), bwagaragaje ko zera neza ndetse n’umusaruro uri hejuru, kandi zitatewe umuti nk’uko bimenyerewe ku mbuto zisanzwe.

Nubwo ubushakashatsi butarasozwa burundu, izo mbuto zongerewe ubudahangarwa zamaze kugeragezwa mu mirima isanzwe, zikaba zaratanze umusaruro mwiza, nk’uko bigarukwaho na Dr Patrick Karangwa, Umuyobozi Mukuru ushinzwe guteza imbere Ubuhinzi buvuguruye muri MINAGRI.

Agira ati “Ubushakashatsi ku mbuto y’ibirayi ifite ubudahangarwa ku ndwara y’imvura bugeze kure. Ni ukuvuga ko ari imbuto itazakenera guterwa imiti ihangana n’iyo ndwara. Ubushakashatsi duherutse gukora, ahahinzwe iyi mbuto nshya, habonetse Toni hagati ya 34-36 kuri Hegitari, mu gihe ku mbuto y’ibirayi isanzwe heze Toni 2-3 kuri Hegitari, aho hombi nta muti wabaga watewemo, ariko imirima yombi iri hamwe kandi ifite imiterere imwe”.

Yungamo ati “Ibi ni ukuri, ni ibintu twakoze bihari ndetse n’abahinzi baza kwirebera, ku buryo bavuga bati kuki mudahita muduha iyi mbuto. Ubushakashatsi rero bugira inzira yabwo kugira ngo bube budadiye, buzasohoke bwizewe. Ni ukuvuga ko tugomba kubanza kumenya niba iyi mbuto ikunze mu Majyepfo, mu Majyaruguru n’ahandi niba na ho ari ko bimeze, tukareba no ku bihembwe by’ihinga, bityo imbuto ikazasohoka tuzi neza ko uyihinze agomba kweza neza”.

Dr. Patrick Karangwa

Ubusanzwe ku mbuto z’ibirayi zihingwa uyu munsi hirya no hino mu gihugu, zitanga umusaruro uri hagati ya Toni 8-9 kuri Hegitari, bivuze ko umusaruro w’iyo mbuto nshya yongerewe ubudahangarwa wikubye inshuro eshatu uw’izisanzwe.

Uko iyo mbuto izaboneka n’ibijyanye n’ibiciro

Dr Athanase Nduwumuremyi, Umushakashatsi muri RAB, avuga ko iyo mbuto nimara gusohoka, izagera ku baturage nk’uko bizanzwe bigenda ku zindi.

Ati “Ubushakashatsi niburangira, imbuto izahabwa abatubuzi b’imbuto nziza nk’uko bisanzwe, hanyuma ibone igere ku bahinzi. Abafite impungenge ku biciro by’iyo mbuto nshya bahumure, izajya igurishwa kimwe n’izisanzwe, kandi nibanahinga izerera igihe kimwe n’izisanzwe, ni ukuvuga niba ari amezi atatu cyangwa atatu n’igice ku mbuto zisanzwe, no kuri iyi nshya ni kimwe”.

Akomeza avuga ko umuhinzi uzatera izi mbuto azabyungukiramo cyane, kuko azashora bike agasarura byinshi.

Imbuto z’ibirayi zageragejwe

Ku wa Gatanu tariki 6 Gashyantare 2026, mu Karere ka Musanze habaye igikorwa cyo gusarura ahakorewe igerageza ry’imbuto ya Victoria na Kungahara, ni imbuto zahozeho ariko zitari zigitanga umusaruro, ariko ubu zikaba zarongerewe ubudahangarwa, ku buryo aho basaruye zatanze Toni 35 kuri Hegitari, kandi zitarigeze ziterwa umuti.

Dr. Athanase Nduwumuremyi

Ahandi hageragerejwe izi mbuto ni kuri Station ya RAB ya Tamira mu Karere ka Rubavu, Nyamagabe na Rwerere mu Karere ka Burera, aha hose izi mbuto zikaba zaragaragaje umusaruro uri hejuru.

Umwe mu batubuzi b’imbuto nziza wo mu Karere ka Burera witabiriye iki gikorwa, Semarembo Félicien, yishimiye cyane umusaruro yabonye, cyane cyane ku mbuto ya Victoria.

Yagize ati “Ibi bintu byanshimishije cyane. Kera nahingaga imbuto y’ibirayi ya Victoria, ariko nari narayiretse kubera ko yari isigaye irwara cyane ntitange umusaruro. Kongera kuyibona uyu munsi rero imeze neza, itanga umusaruro mwinshi kandi mwiza, byandenze”.

Uretse ibirayi, mu izindi mbuto na zo ubushakashatsi bugeze kure ni imyumbati n’ibigori, nka bimwe mu bihingwa ngandurarugo by’ingenzi mu Rwanda.

Ibi ni ibyagarutsweho n’Umuvunyi Mukuru, Nirere Madeleine, kuri uyu wa Mbere tariki 9 Gashyantare 2026, ubwo yari yitabiriye igikorwa cyo gutangiza ku mugaragaro icyumweru cyahariwe kurwanya ruswa mu nkiko.

Umuvunyi Mukuru yagize ati “Kudashobora gusobanura inkomoko y’umutungo wawe ni kimwe mu bikorwa cyangwa ibyaha 12 bya ruswa, ni ukuvuga ko iyo ufite umutungo urengeje ubushobozi bwawe, ukaba udashobora kuwusobanura, ubarwa nk’aho wakuwe mu byaha bya ruswa. Mu madosiye rero RIB yavuze yagejeje ku rwego rw’Ubushijacyaha, harimo n’ayo yatanzwe n’Urwego rw’Umuvunyi”.

Yungamo ati “Itegeko rya 2021 rivuga ko Urwego rw’Umuvunyi rwakira amakuru kuri ruswa, rukayasesengura, hanyuma amadosiye akoherezwa kuri RIB kugira ngo akomeze akurikiranwe mu nzira z’ubutabera”.

Ubusanzwe ukekwaho icyaha cyo kutagaragaza inkomoko y’umutungo, ni ukuvuga utabasha gutanga ibimenyetso nk’amasezerano, inyandiko za banki, imirage, impano, imirimo yakoze n’ibindi, iyo basanze ibisobanuro atanga bidahagije cyangwa bidahuye n’ukuri, dosiye ijyanwa mu bushinjacyaha.

Iyo Urukiko rumuhamije icyo cyaha, umutungo we ushobora gufatirwa na Leta, ashobora guhanishwa igifungo, gucibwa amande, iyo ari umukozi wa Leta ashobora no kwirukanwa ku mirimo ye.

Umuvunyi Mukuru yanagarutse ku bijyanye n’uko u Rwanda ruhagaze mu kurwanya ruswa, aho yavuze ko mu bihugu 180 byakoreweho isuzuma, u Rwanda ruri ku mwanya wa 43 n’amanota 57, rukaba urwa mbere mu bihugu bya Afurika y’Iburasirazuba (EAC) ndetse no ku mwanya wa gatatu muri Afurika.

Yakomeje avuga ko icyerekezo u Rwanda rufite ari uko rwazaba ari urwa mbere mu kurwanya ruswa ku rwego rw’Isi mu 2050.

Yabigarutseho kuri uyu wa Mbere tariki 9 Gashyantare 2026, ubwo yari ayoboye ibiganiro byateguwe mu rwego rwo gutangiza icyumweru cyahariwe kurwanya ruswa mu nkiko.

Mukantaganzwa avuga ko ruswa ari mbi, ko idakwiye kuba ikiguzi cy’icyo umuntu yemerewe, cyane cyane mu rwego rw’ubutabera.

Yagize ati “Twamaze kubona ko ruswa itangwa kuri serivisi umuturage afitiye uburenganzira. Ruswa ni mbi, umuturage ashobora kuyitanga mu Rukiko rw’Ibanze bakayakira, akaba yagerageza mu rwisumbuye bakayakira, ariko ntabwo mpamya ko uzagera mu rw’Ubujurire icyakirwa cyangwa mu Rukiko rw’Ikirenga icyakirwa. Hari aho ugera igahagarara, hari aho ugera tukagufata”.

Yungamo ati “Icyarandura ruswa cyonyine ni ukwiyemeza kw’Abanyarwanda, bakumva ko ubutabera ari uburenganzira bwabo. Ntihazagire ubashuka, Urukiko runaka bashobora kukubwira ko nta butabera uzabona, hano dushobora kuguha Urukiko rukava n’ahandi rukaza rukakuburanisha, inteko uko twayikora kose yaza urwo rubanza rwawe ikaruburanisha”.

Akomeza agira ati “Ruswa ibyara akarengane, wowe urayitanga ukabona ibyo ushaka, ariko uwo mwaburanaga yarenganyijwe, igihe bizagaragarira ko hari harimo akarengane cya cyemezo cyafashwe kizahindurwa. Ruswa rero kugira ngo icike ni ukwiyemeza nk’Abanyarwanda, tugakurikira politiki y’Igihugu cyacu, murabizi ko ruswa itihanganirwa, no mu bucamanza rero ntiyihanganirwa, ntishyigikiwe, Abanyarwanda rero bamenye ko ubutabera ari uburenganzira bwabo”.

Mukantaganzwa akomeza avuga ko Umunyarwanda agomba guhabwa agaciro kuko na we ari umunyagaciro, ngo ikaba ari yo mpamvu agomba guhabwa serivisi nziza, kuko iyo adahawe serivisi nziza, agasiragizwa, biri mu bituma ashobora gutekereza gutanga ruswa.

Mu kugaragaza ko ruswa itihanganirwa mu nkiko, Mukantaganzwa yavuze ko abakozi bo mu rwego rw’ubucamanza bamaze guhanirwa ruswa babaye 13 mu mwaka wa 2024-2025, naho mu myaka 20 ishize, ni ukuvuga kuva mu 2005 kugeza mu 2025, abakozi 57 barirukanwe kubera ruswa, aha ngo haba harimo abacamanza, abanditsi b’inkiko n’abandi.

Insanganyamatsiko y’uyu mwaka igira iti “Serivisi mbi ni icyuho cya ruswa, tanga amakuru dufatanye kuyikumira”.

Antonio José Seguro

Muri aya matora yari abaye ku nshuro ya kabiri, ibarura ry’ibyayavuyemo by’agateganyo ryerekanye ko Antonio José Seguro yagize amajwi 66%, mu gihe mukeba we André Ventura yagize 34%, ayo majwi bagize akaba yavuye ku hamaze kubarwa hangana na 95%, bivuze ko ahasigaye kubarwa ntacyo hahindura kinini ku byamaze gutangazwa.

Aya matora yabaye ku Cyumweru tariki 8 Gashyantare 2026, yakozwe nyuma y’ayabanje yari yabaye ku ya 18 Mutarama 2026, aho abakandida bombi batabonye amajwi ahagije ngo hagaragare uwatsinze, kuko Antonio José Seguro yari yagize amajwi 31.12% naho André Ventura akaba yari yagize 23.52%.

Antonio José Seguro azatangira imirimo yo kuyobora Portugal mu kwezi gutaha kwa Werurwe, akazaba asimbuye Marcelo Robelo de Sousa wari umaze ku butegetsi imyaka 10.

Aya matora yabaye mu gihe iki gihugu cyari kiri mu bihe bibi aho cyari cyugarijwe n’imyuzure, ku buryo hari abaturage bagera ku 35,000 biteganyijwe ko bazatora nyuma y’icyumweru, kubera ko aho bagombaga gutorera harengewe.

Ibi byari byatumye umukandida watsinzwe, André Ventura, asaba ko aya matora yakwigizwa inyuma, ariko icyo cyifuzo cye giterwa utwatsi, amatora arakorwa.

Aya matora yari yitabiriwe muri rusange n’abakandida 11, bikaba bivugwa ko ari bo babaye benshi mu mateka y’amatora y’Umukuru w’Igihugu muri Portugal.

Yabigarutseho kuri uyu wa Gatanu tariki 6 Gashyantare 2026, ubwo yagezaga ikiganiro ku bitabiriye Inama y’Igihugu y’Umushyikirano ku munsi wayo wa kabiri, kijyanye n’uko u Rwanda ruhagaze ku ruhando mpuzamahanga.

Minisitiri Nduhungirehe yatangiye agaragaza uko umubano w’u Rwanda n’ibindi bihugu wagiye waguka, ahereye ku bwiyongere bwa za Ambasade.

Yagize ati “U Rwanda rwagiye rwagura amarembo, uhereye muri 2003 haba Inama ya mbere y’Umushyikirano, u Rwanda rwari rufite Ambasade 20 gusa, ariko ubu zimaze kugera muri 50 kandi ku migabane yose y’Isi. Ambasade z’amahanga na zo zariyongereye, kuko muri icyo gihe twari dufite Ambasade 16 gusa, ubu zimaze kuba 47. Imiryango mpuzamahanga na yo yahisemo gushyira icyicaro mu Rwanda igeze kuri 22”.

Yungamo ati “Usibye uwo mubano tugirana n’ibihugu, hari n’uwo tugira mu rwego rw’imiryango mpuzamahanga. Dufite uruhare rukomeye mu guteza imbere Umuryango w’Ibihugu bikoresha Icyongereza (Commonwealth), ndetse n’Umuryango wa Francophonie uyoborwa n’Umunyarwandakazi Louise Mushikiwabo, uzongera no kwiyamamariza kuwuyobora, ukaba ari umwanya wo kuzamushyigikira twese”.

Minisitiri Nduhungirehe yakomeje avuga ku bijyanye n’uruhare rw’u Rwanda mu rwego rw’ubukungu muri Afurika, aho Minisiteri y’Ububanyi n’Amahanga ifite inshingano zo guteza imbere Dipolomasi ishingiye ku bukungu.

Ati “Muri uru rwego tworohereza abashoramari, tworohereza abacuruzi b’u Rwanda bashaka kohereza ibintu mu mahanga. Ibyo byose tubikora dusinya amasezerano n’ibihugu, agamije koroshya ishoramari, ndetse n’amasezerano agamije korohereza abashoramari ngo ntibasoreshwe kabiri”.

Yagarutse kandi ku ruhare rw’Abanyarwanda baba mu mahanga mu bukungu bw’Igihugu, ashingiye ku mafaranga bohereza.

Ati “Umushyikirano wa mbere uba, Abanyarwanda baba mu mahanga boherezaga agera kuri Miliyoni 9.6 y’Amadolari ya Amerika, ubu ayo bohereza ageze muri Miliyoni 502 z’Amadolari, ni ukuvuga ko byikibye inshuro 52”.

Yakomeje avuga ko uruhare rw’Abanyarwanda baba mu mahanga ruri no mu ishoramari bakorera mu Rwanda, gushyigikira gahunda za Leta nka Cana Challenge, Dusangire Lunch n’ibndi. Bohereza kandi abize bakaza gufasha mu burezi bw’u Rwanda.

Umutekano

Aha Minisitiri Nduhungirehe yibukije ko u Rwanda ari umufatanyabikorwa ukomeye w’Umuryango w’Abibumbye (UN) mu kubungabunga umutekano ku Isi.

Ati “Ubu turi aba kabiri ku Isi mu kugira abasirikare benshi mu bikorwa bya UN, aho dufite abagera ku 6,000 twohereza mu bihugu bitandukanye, nka Sudani y’Epfo ndetse na Santrafurika. Ibyo bigaragaza ko dushishikajwe no kurengera abaturage, bikaba byaratumye tugirana amasezerano n’ibihugu nka Mozambique na Santrafurika kugira ngo tubafashe gukemura ibibazo by’umutekano”.

Ibi byagarutsweho n’Umuyobozi Mukuru wa NISR, Ivan Murenzi, ubwo yagezaga ikiganiro kijyanye n’imihigo ku bitabiriye Inama y’Igihugu y’Umushyikirano, akaba yavuze ko ahanini icyo kibazo giterwa n’imyumvire.

Yagize ati “Ntanze urugero ku Karere ka Gicumbi, gafite ubukene buri hasi y’ubw’Igihugu muri rusange, kuko kari kuri 13% mu gihe ku rwego rw’Igiguhugu ubukene buri kuri 27%. Aka karere ariko ni aka mbere mu kugira abana bari munsi y’imyaka 5 bagwingiye, aho bari kuri 40% nk’uko bigaragara mu ibarura riheruka”.

Yungamo ati “Ibi rero usesenguye usanga bitava ku bushobozi buke, kuko aka karere gakize ku mata, amatungo magufi arahari n’ibindi. Ikibazo gihari ni imyumvire no kudasobanukirwa, ni ukuvuga ngo umubyeyi arabyuka mu gitondo akagaburira umwana ikirayi cyangwa ikijumba, ya magi akayajyana ku isoko ndetse na ya mata yose akayagurisha”.

Murenzi avuga ko kugira ngo ibi bikemuke ndetse n’ibindi bibazo by’imyumvire, bisaba ubufatanye hagati y’abayobozi n’abaturage ndetse n’abikorera, imihigo igashyirwa imbere, kuko hari ingero z’ibyashobotse ubu bigeze aheza kubera ubufatanye mu guhigura imihigo.

Iki kibazo na Perezida Kagame yakigarutseho, aho yavuze ko kitareba abaturage gusa, ahubwo n’abayobozi bagifitemo uruhare.

Ati “Gicumbi kuba hari ubukungu, hari amata, inkoko, amagi ariko abantu bakagwingira. Ubirebye mu buryo bworoshye, wagira ngo abaturage ni bo batazi kugira ibyo bajyana ku isoko n’ibyo basigaza bagaburira abana. Aha rero tuvuga abaturage tukagarukira aho, ariko abayobozi twese ubwo nta ruhare tubifitemo? Jye ndibwira ko ikibazo kiri ku bayobozi, kuri twe twese turi hano”.

Avuga ko ikibazo nk’icyo n’ibindi nka cyo bimara imyaka 5-10 bitarakemuka, ahanini bigomba kubazwa abayobozi.

Murenzi yagarutse kuri zimwe mu nzego z’iterambere zavuye habi mu gihe cyashize ariko ubu zikaba zimeze neza. Mu rwego rw’ubuzima, yavuze ko mu mwaka wa 2000, ababyeyi babyariraga kwa muganga bari 27% ndetse abantu bafite ubwishingizi bw’ubuzima bakaba bari 8% gusa.

Ibi rero ngo byarahindutse, uyu munsi kubyarira kwa muganga bigeze kuri 98%, naho abafite ubwishingizi bw’ubuzima bakaba bari hejuru ya 90%.

Urundi rugero yatanze ni ku miturire, aho 15% by’inzu Abanyarwanda bari batuyemo zari Nyakatsi, mu gihe ubu nta n’imwe ihari. Icyo gihe ingo zifite amashanyarazi zari kuri 5%, naho uyu munsi iziyafite zirenga 80%.

Murenzi arakomeza ati “Abari bariho muri icyo gihe, muri iyo myaka ya za 2000, babonaga ko ari ikibazo gikomeye cyane, kuba wahava ukagera aho turi uyu munsi, ariko nyuma y’imyaka 25 gusa hari ibyagezweho, ibi bikaba bitwereka ko n’aho dushaka kujya bishoboka”.

Icyakora uyu muyobozi yagaragaje impungenge ku bijyanye n’umurimo, aho yerekanye ko buri mwaka hari abantu 26,000 baza ku isoko ry’umurimo, akeshi urubyiruko ruvuye ku ishuri, akaba yasabye ko hakwagurwa ubufatanye hagati ya Leta n’abikorera kugira ngo hahangwe imirimo myinshi, kuko abo bose batabona akazi ka Leta.

Ibi Umukuru w’Igihugu yabigarutseho kuri uyu wa Kane tariki 5 Gashyantare 2026, ubwo yagezaga ijambo ku bitabiriye Inama y’Igihugu y’Umushyikirano irimo kuba ku nshuro yayo ya 20, aho yitabiriwe n’abantu b’ingeri zitandukanye.

Perezida Kagame avuga ko iyo bavuga UN cyangwa bakavuga Umuryango mpuzamahanga, ko umuntu ataba yumva icyo bavuga.

Ati “Yaba UN cyangwa se Umuryango Mpuzamahanga ni nk’aho ntacyo bimaze, kuko UN ubundi ni abantu bose ariko nanone ntabwo ari buri wese. Umuryango Mpuzamahanga ni twe twese, ariko nanone nta n’umwe muri twe, cyane iyo bireba ku bibazo by’umuntu”.

Aha yavugaga ku bibazo byo muri Congo begeka ku Rwanda, aho bahora bibaza ku mpamvu u Rwanda rwashyizeho ingamba z’ubwirinzi.

Ati “Baravuga ngo turi muri Congo kubera amabuye y’agaciro, bakavuga ko u Rwanda rwacu ari ruto, ko dushaka kujya muri Congo kugira ngo turwagure, bagahimba impamvu. Ariko bakanyura iruhande rw’ikibazo bazi na bo bagizemo uruhare, kijyanye n’Interahamwe ziri hariya muri Congo. Interahamwe, FDLR, zahawe imbunda zigirwa ingabo za Congo”.

Yungamo ati “Iyo ndi kumwe na ba Ambasaderi b’ibihugu cyangwa ba Minisitiri b’Ububanyi n’Amahanga, ikibazo bakunda kumbaza ni: Muri Congo hariyo Interahamwe zingana gute? Bati mukomeza kubigira ikibazo kinini, mu gihe bo bashaje cyane, bari mu myaka 90. Niba bafite imyaka 90 ariko bivuze ko bahari, kandi bafite abana na bo batojwe ingengabitekerezo bityo bafatanya na FDLR, ni gute kuba bafite imyaka 90 ntacyo bivuze?”

Akomeza avuga ko bamubaza umubare w’izo Nterahamwe, akabasubiza agira ati “kuki mutabaza izo ngabo za UN (MONUSCO) zashyizwe hariya? Mu byazijyanye hari harimo no kurangiza iki kibazo. Nkongera nkababwira nti ku kibazo cy’imvugo z’urwango, abazivuga barangana gute? Aha Perezida w’iki gihugu n’abandi bayobozi baba bigamba gutera u Rwanda, basakaza ingengabitekerezo ya Jenoside, abo ni bangahe? Niba muvuga ngo ni bake, hari za miliyoni zibumva, ari byo bigira ingaruka mbi ku Rwanda”.

Akomeza avuga ko Umuryango Mpuzamahanga akenshi uvuga ko utanga ubufasha ku Rwanda, ariko ari na ko urukururira ibibazo.

Ati “Ntiwankururira ibibazo ngo unagaruke ubindyoze, gute? Ni ibintu bihoraho, byabaye nk’ikiganiro aho gukemura ibibazo”.

Ubundi drones za Zipline ntizari zisanzwe zikorera muri Kigali, ariko mu 2027 zizatangira gutwara amaraso n’ibindi bikenerwa kwa muganga nk’uko bisanzwe, ariko hongewemo serivisi zo gutwara ibicuruzwa birimo n’ibiryo, zibigeze k’ubyifuza wanabitumije mu buryo bwihuse.

Umuyobozi wa Zipline mu Rwanda, Pierre Kayitana, agaruka ku buryo bizakorwa muri Kigali.

Ati "Ni drones zihariye tuzakoresha, zitandukanye cyane n’izo dusanganywe kuko zo zidakenera ibibuga zihagurukiraho. Izajya ijya aho ifata ikintu, ihagarare hasi bagishyiremo, hanyuma ihaguruke ikigeze ku wa gitumije ako kanya".

Yungamo ati "Mu byo twumvikanye kandi harimo kubaka ikindi kibuga cy’indege (drones) i Karongi, kizaba kibaye icya gatatu nyuma y’icya Muhanga n’icya Kayonza. Iki kibuga kizafasha kugeza serivisi mu bice bya Rusizi, Nyamasheke, ku Nkombo n’ahandi".

Uko drones zizakoreshwa muri Kigali zizaba ziteye

Gutangiza ikoreshwa rya drones muri Kigali, bizatuma u Rwanda ruba urwa mbere muri Afurika mu gutanga servisi za drones mu mijyi.

Kugira ngo ibi bikorwa bigerweho, Leta zunze Ubuwe za Amerika zateye inkunga Zipline Africa ya Miliyoni 150 z’Amadolari, Kayitana akavuga ko menshi muri ayo mafaranga azakoreshwa mu Rwanda.

Umuyobozi wungirije mu Kigo cy’Igihugu cyita ku Buzima (RBC), Jeanne Umuhire, avuga ko iki ari igikorwa cy’ingenzi kigezweho mu rwego rw’ubuzima.

Ati "Zipline dusanzwe dukorana kuva 2016, kuba bagiye gufungura ikibuga i Karongi ni ibintu duha agaciro cyane, kuko ibice by’i Burengerazuba byari bifite ibibazo byo kuhagera byihuse, ubwo rero bizaba bikemutse kuko amaraso n’ibindi bikoresho byo kwa muganga bizahagera ku gihe".

Akomeza avuga ko kuba Zipline irimo kwagura ibikorwa mu Rwanda, bizatuma serivisi zayo zigera mu gihugu hose, ikaba ari inyungu mu rwego rw’ubuzima.

Umuyobozi wungirije muri RBC, Jeanne Umuhire

Caitlin Bulton, Umuyobozi wa Zipline Africa, yavuze ko bahisemo gutangiza ubu buryo mu Rwanda, kubera ko rumenyereye ikoreshwa rya drones kandi rwakataje mu ikoranabuhanga.

Ati "U Rwanda rurihariye kubera ukuntu rwihutisha ikoranabuhanga, ndetse rikanafasha mu guteza imbere urwego rw’ubuzima. Urumva ko nta gushidikanya ari udushya tugamije kurengera ubuzima".

Akomeza avuga ko izi drones zizakoreshwa muri Kigali ari urwego rwisumbuye (Platform 2), zikaba zifite ubushobozi bwo gutwara ibilo 4 kugera kuri 5, zigakora ibilometero 25 ku muvuduko wa kilometero 100 ku isaha, bivuze ko ntaho zitazagera muri uyu mujyi.

Bitegayijwe ko ikibuga cya drones cy’i Karongi kizatangira gukora muri Kamena uyu mwaka.

Caitlin Bulton, Umuyobozi wa Zipline Africa

Umuyobozi wa Zipline mu Rwanda, Pierre Kayitana

M23 ivuga ko impanuka mu bucukuzi bw’amabuye y’agaciro zikomoka mu burangare na ruswa mu buyobozi bwa Congo

Iyi mpanuka yaguyemo abacukuzi barenga Magana abiri mu cyumweru gishize.

Iri huriro rihanganye na Leta ya Kinshasa mu ntambara yatewe n’ivangura n’itoteza Leta ikorera Abanyekongo bavuga Ikinyarwanda, cyane cyane Abatutsi, ryavuzde ko Congo yananiwe inshingano mu mateka ababaje yo gucunga urwego rw’ubucukuzi bw’amabuye y’agaciro.

Aho kwifatanya n’ababuze ababo mu mpanuka iheruka yahitanye abasaga 200, Leta ya Kinshasa ngo “yahisemo kuyobya rubanda kugira ngo ihishe ibyabaye bibabaje, mu bijyanye n’umutekano w’abacukura amabuye y’agaciro.”

Muri iri tangazo, M23 igaragaza uruhererekane rw’impanuka z’ibirombe zaguyemo abantu, ikaba ivuga ko bigaragaza “imiyoborere mibi, uburangare n’ingaruka byateje urupfu, kubera imicungire mibi y’ubucukuzi mu buyobozi bwa Kinshasa mu myaka ishize.”

Basanga rero Leta iyobowe na Tshisekedi yagombye kwibanda gukora igenzura ryigenga kandi riboneye ku miyoborere yayo, cyane cyane mu nzego z’ubucukuzi bw’amabuye y’agaciro, gucunga imyuzure n’isuku y’Umujyi wa Kinshasa, kuri ubu yugarijwe n’imicungire mibi, kunyereza umutungo wa Leta no gusahura ibya rubanda.

AFC/M23 yo rero yahereye ko ivuga ko ibabajwe bikomeye n’urupfu rw’Abanyekongo, bakorera ahantu hatari umutekano kugira ngo batunge imiryango yabo, izo ngo zikaba ari ingaruka z’imicungire mibi y’igihugu itabaha imirimo ihamye cyangwa amahirwe yo gushora imari, bigatuma urubyiruko rwinshi rwisanga mu bikorwa biruteza ibyago bikomeye nk’ibyabaye.

Yagize iti “Muri ibi bihe by’akababaro gakomeye, AFC/M23 ihumuriza byimazeyo imiryango yabuze abayo, kandi ikongera gushimangira ubufatanye bwayo busesuye n’imiryango yahuye n’aya makuba".

Mu rwego rwo kugaragaza ubumwe bufatika, AFC/M23 yafashije abakomeretse, boherezwa ku bitaro bikuru bya Goma, ndetse inatanga inkunga mu gushyingura mu cyubahiro abitabye Imana.

AFC/M23 ivuga ko igiye gukora ubukangurambaga bwo kunoza imibereho n’imikorere mu birombe by’amabuye y’agaciro, no guharanira umutekano, icyubahiro n’iterambere rirambye ry’imibereho y’abacukuzi muri Repubulika Iharanira Demokarasi ya Kongo.

Ifunanya Nwangene yapfuye arumwe n’inzoka

Iyo nkuru y’akababaro yatangajwe na Korali yaririmbagamo, ku Cyumweru tariki 1 Gashyantare 2026, aho bivugwa ko uyu Ifunanya wari ukiri muto, nyuma yo kurumwa n’iyo nzoka, yajyanywe byihuse ku mavuriro atandukanye ariko habura ubugombozi, abaganga bagerageza ibishoboka ariko birangira apfuye.

Uyu muhanzi watangaga icyize mu ruhando rwa muzika, yamenyekanye cyane nyuma yo kwitabira irushanwa rikomeye rizwi nka ‘The Voice Nigeria’, ubwo ryabaga ku nshuro yaryo ya gatatu, ndetse akaba yari amaze kumenyekana no ku rwego mpuzamahanga, yashenguye imitima y’abakunzi be nyuma y’isakara ry’iyi nkuru y’akababaro.

Amakuru yatangajwe na BBC, avuga ko uyu mukobwa yakanguste mu ijoro hagati bitewe n’ububabare yari afite ariko atazi icyamubayeho, abahageze mbere bakaba bavuze ko basanze inzoka ebyiri (2) muri iyo nzu yari arimo.

Amashusho yagaragaye ku mbuga nkoranyambaga, yerekana inzobere mu by’izo nyamaswa z’inkazi, ikura imwe muri izo nzoka mu nzu, aho avuga ko ifite ubumara bukaze, ariko kandi akavuga ko ibyabaye kuri uyu muririmbyi bidasanzwe.

Ifunanya Nwangene, apfuye yari arimo gutegura igitaramo cye cya mbere yavugaga ko gikomeye, cyagombaga kuba muri uyu mwaka wa 2026, nubwo yari atarashyiraho itariki ndakuka.

Indirimbo ’Right Now’ ya Ifunanya muri The Voice Nigeria

Babaye Intwari, berekanye isano isumba amaraso, bagaragaje ko bunze ubumwe butamenwa n’ubonetse wese. Babaye indashyikirwa, Abanyarwanda b’umutima badakozwa ivangura, bituma benshi barokoka, kuko hari abababereye ibitambo, nyuma yo kwanga kubatungira agatoki abicanyi.

Ishuri ry’abakobwa rizwi nka Collège de l’Immaculée Conception de Muramba riherereye mu Karere ka Ngororero, rifite amateka akomeye y’abanyeshuri banze kwitandukanya nk’uko babisabwe n’abacengezi babateye mu ijoro ryo ku wa 27 Mata 1997, bituma baraswa urufaya rw’amasasu, 17 muri bo bahasiga ubuzima.

Abari bahari muri iryo joro barokotse ubwo bwicanyi ndengakamere, bavuga ko aba bana bapfuye babaye intwari kuko banze kwitandukanya ndetse no kurangira abacengezi aho bagenzi babo bari.

Umwe muri abo barokotse, ni Murekatete Clementine wavuganye ikiniga cyinshi imbere y’urwibutso rw’abo bana bishwe ruri mu ishuri, rwanditseho amazina yabo, aho yibuka uko byagenze nk’aho byabaye ejo.

Agira ati “Ku itariki 27 Mata y’uwo mwaka wa 1997, twari twiriwe tumeze neza, ku ishuri hari habaye imikino, irangiye dukomeza ubuzima busanzwe kugeza tugiye kuryama. Icyakora mu ma saa saba z’ijoro, numvise abantu benshi banyura inyuma y’inzu twaryamagamo (dortoir), muri ako kanya baba batangiye guhonda urugi ndetse baba barukuyeho, baradusohora. Twasanze n’abandi bana bo mu byumba bitatu twegeranye bari hanze, twese batwicaza hasi”.

Ati “Bari abantu benshi bari batugose, nuko batangira kutubwira ngo Abatutsi bajye ukwabo n’ibipinga (imvugo bakoreshaga bashaka kuvuga Abahutu) ukwabyo, turavuga tuti twese turi Abanyarwanda. Umwe muri bo yahise avuga ngo nimurase icyo nzi ni uko bose ari Abatutsi, nuko batangira kurasa, bakakubwira ngo ubura umutwe bagahita bawurasa. Jye bangezeho, ngiye kubura umutwe umwana witwa Kawera Marie Josée yahise ahaguruka, baba baramurashe arangwira ndetse we yahise anapfa. Ubwo rero jyewe kuko yari andi hejuru bandashe amaguru gusa, ariko nkomeza kuryama muri ayo maraso, ngihumeka ariko ntavuga kuko uwanyeganyegaga bahitaga bamujomba ibyuma”.

Yungamo ko aho babarasiye hari muri rigole (umufurege), akomeza aryama munsi y’abari bamaze gupfa, ariko akumva n’ahandi hirya amasasu avuga, ubwo ngo abari babarashe bari bahavuye, nyuma ngo yumva amasasu atakivuga, aratabarwa ajyanwa kwa muganga.

Murekatete iyo areba urutonde rwa bagenzi be bishwe muri iryo joro, agasoma amazina yabo abibuka, ikiniga kiramufata agaturika akarira.

Mpazayabo Jean Damascène wari umurezi icyo gihe, na we yari mu kigo kuko ni ho yararaga hamwe n’abandi, agaruka ku by’iryo joro ry’icuraburindi, anerekana aho barashe bakamuhusha.

Ati “Nabonye ibintu by’urumuri ndebera mu idirishya, yari amasasu yaraswaga hanze. Nashatse kunyura mu idirishya ngo nsohoke ariko njya guca mu muryango na mugenzi wanjye twari kumwe, tuba dukubitanye n’abantu binjira dusubira inyuma, turwana no kurira tujya muri pulafo. Muri uko kurira binatugora, baraturashe isasu rinca mu maguru rifata urukuta, tubasha kugera hejuru turaryama, kuko amasasu yari menshi hanze. Abo basanze hasi muri iyo nzu twararagamo barabasohoye, twe rero twagumye aho, ariko nko mu ma saa cyenda saa kumi z’iryo joro abasirikare baraje baratabara”.

Twagiramungu Eularie na we wari umurezi muri icyo gihe akaba yari yarashatse abana n’umuryango we muri icyo kigo, na we avuga uko batewe mu nzu bari bacumbitsemo.

Ati “Jye nari mu nzu turyamye n’umugabo n’abana, twumva urusaku rw’amasasu menshi ndetse n’induru ariko ntitumenye ibyo ari byo. Hashize umwanya muto, twumvise abantu baza ku nzu twarimo, idirishya ry’icyumba twari turyamyemo baba bararimennye. Twarahavuye, nuko umugabo wanjye anzamura muri pulafo n’abana, ariko kubera ko itari ikomeye mpubukayo nitura hasi n’abana bangwa hejuru. Bahise babona ko harimo abantu batangira kurasa urugi ngo binjire, ubwo twari twahungiye muri ‘douche’, icyakora urugi rubananiye baza kugenda. Jye naje gusanga nicaye mu maraso, gusa naje gusanga ari ibirahure byari byankomerekeje”.

Barasabirwa gushyirwa mu Ntwari

Aba bose batanga ubuhamya bw’ibyabaye muri iryo joro, bahuriza ku kuba abana 17 bapfuye baragize ubutwari budasanzwe, kuko batigeze bitandukanya hagendewe ku bwoko nk’uko babisabwaga n’abacengezi, kandi banga no kubarangira aho abandi bana baryama, dore ko iki kigo cyari kirimo inyubako nyinshi.

Mpazayabo ati “Ibyabereye i Nyange ntaho bitandukaniye n’ibyabereye hano i Muramba. Abana ba hano na bo bakomeye ku bumwe. Iyo rero abana b’i Nyange tubona barashyizwe mu cyiciro cy’Intwari kubera gukomera ku bumwe, abavutse nyuma yaho bahakura inyigisho zikomeye. Tubona rero n’aba hano i Muramba bagombye gushyirwa mu Ntwari”.

Murekatete na we ati “Ndibuka bijya kuba, umwana witwa Mukankaka Valentine yari asohotse agiye ku bwiherero akubitanira hanze n’abo bagizi ba nabi. Twumva baramubwira ngo twereke aho abandi bana barara, arabasubiza ngo ntaho nzi nimushaka munyice. Twebwe badusohoye bamaze kumwica umurambo we uri aho hasi. Urumva rero ko yabaye intwari, kuko iyo abishaka yari kubazengurutsa hose aho abana bararaga, urumva rero ko bashoboraga kuturangiza twese, ariko intwaro y’ubumwe no kwimakaza ubutwari, byatumye aterekana bagenzi be bose aho bari, nuko bamwica mbere y’abandi”.

Inama ku rubyiruko

Aba batangabuhamya basaba urubyiruko, rw’ejo hazaza h’Igihugu kandi runafite umubare munini, gukomera ku ndangagaciro y’ubumwe, ntihagire ikibatandukanya, nk’uko aba bababanjirije babigenje.

Twagiramungu ati “Urubyiruko rw’ubu rugize umutima nk’uwo aba bana ba hano bagize, u Rwanda rwaba paradizo. Urubyiruko rwagombye kugendera ku ndangagaciro y’ubumwe, y’urukundo, bakumva ko ari Abanyarwanda mbere ya byose. Abantu bakuru rero na bo bagombye kurera abana babatoza Ndi Umunyarwanda, bityo u Rwanda ntirwakongera guhura n’akaga nk’aka kiriya gihe”.

Abandi bagirwa inama ni ababyeyi kuko hari abagifite ingengabitekerezo ya Jenoside, bagasabwa kuyigumana mu mitima yabo, ntibayisohore ngo banduze abana babo, kandi ari bo maboko y’Igihugu n’abayobozi b’ejo hazaza.

Reba ibindi muri iyi video:

Capt. Ibrahim Traoré uyobora Burukina Faso

Iki ni kimwe mu byemezo byafashwe n’inama y’Abaminisitiri y’iki gihugu yateranye ku wa Kane tariki 29 Mutarama 2026, aho bivugwa iki cyemezo cyafashwe hagamijwe kubaka igihugu gishya.

Kuva iyi Leta ya gisirikare iyobowe na Capt. Ibrahim Traoré, yajya ku butegetsi muri Nzeri 2022, ihiritse indi ya gisirikare nanone yari imaze amezi umunani gusa, yahise ihagarika ibikorwa byose by’amashyaka.

Raporo ya Leta ya Burkina Faso, yari yagaragaje ko amashyaka menshi muri iki gihugu, yabaye intandaro y’amacakubiri mu baturage bikabangamira ubumwe bwabo, ari yo mpamvu y’iseswa ryayo, nk’uko byatangajwe na Minisitiri w’Ubutegetsi bw’Igihugu, Emile Zerbo.

Mbere y’ihirikwa ry’ubutegetsi rya 2022, muri Burukinafaso habarirwaga amashyaka ya politiki asaga 100, harimo 15 yari ahagarariwe mu Nteko Ishinga Amategeko y’iki gihugu.

Iyo nama y’Abaminisitiri kandi, yemeje ko imitungo yose y’ayo mashyaka yasheshwe, ihita yegurirwa Leta.

Bishop Sarah Mullally

Bishop Mullally w’imyaka 63, yahoze ari umuforomo ukuriye abandi mu gihugu ariko ari n’umuyoboke ukomeye w’iri torero ndetse wanahawemo imyanya itandukanye y’ubuyobozi, akaba agiye kuriyobora mu gihe cy’imyaka itandatu (6), aho asimbuye Justin Welby uherutse kwegura, azize kunanirwa gukemura ibibazo bivugwa muri iri torero by’ihohoterwa rishingiye ku gitsina.

Sarah Mullally yahawe izi nshingano z’Umushumba wa Canterbury, mu birori byabaye ku wa Gatatu tariki 28 Mutarama 2026, kuri Katedrali Saint-Paul ya Londres, akazimikwa ku mugaragaro ku itariki 25 Werurwe uyu mwaka, kuri Katedarali ya Canterbury.

Umwanya uyu mugore ahawe, umuha uburenganzi kandi bwo kuyobora Ihuriro ry’amatorero ya Anglicane ku Isi, aho abayoboke b’iri torero biganje muri Afurika ndetse no mu bihugu bikoresha ururimi rw’Icyongereza.

Bishop Mullally uzwiho gushyigikira ababana bahiue ibitsina, abazobereye mu by’iri torero bavuga ko ashobora kuzahura n’imbogamizi zikomeye, kuko ibihugu byinshi byo muri Afurika aho iri torero rifite abayoboke benshi, bitemera ababana bahuje ibitsina.

Urugero nk’igihugu cya Nigeria, nyuma y’itorwa ry’uyu mugore, cyahise gitangaza ko kumutorera uyu mwanya ari ‘amahano’, bityo itorero Anglicane muri iki gihugu rihita rivuga ko ritazigera rimwemera nk’umuyobozi urikuriye ku isoko (u Bwongereza) yaryo no ku Isi.

Ikigo cy’Igihugu cy’Imisoro n’Amahoro (RRA), cyashyizeho igihe ntarengwa ku bakererewe guhererekanya ibinyabiziga (Mutation) cyo kugera ku itariki 28 Gashyantare 2026, ariko muri iki gihe hakaba hashyizweho gahunda yihariye yo kubafasha.

Abarebwa n’iyi gahunda ni abarengeje igihe cyagenwe cyo guhererekanya ibinyabiziga cy’iminsi 8 nyuma y’ubugure cyangwa ubundi buryo ikinyabiziga kiva ku muntu umwe kijya ku wundi.

Kubera iyo mpamvu, RRA ivuga ko abakozi bayo bazakora mu buryo budasanzwe, aho bazakira abantu kuva ku wa mbere kugeza ku wa gatandatu, ndetse muri Kigali hakaba hashyizwe sites nshya eshatu zo kwakira abantu, ari zo za Rebero, Gikondo na Nyamirombo kuri stade, ziyongera ku zisanzwe, uyu mwihariko ukaba ari uko 70% by’ihererekanya ry’ibinyabiziga rikorerwa i Kigali.

Komiseri wungirije ushinzwe abasora n’itumanaho muri RRA, Uwitonze Jean Paulin, mu kiganiro n’abanyamakuru kuri uyu wa 27 Mutarama 2026, yagarutse kuri bimwe mu bituma ihererekanya ry’ibinyabiziga ritinda.

Yagize ati “Ubundi umuntu wagurishije ikinyabiziga yagombye kucyikuraho bitarenze iminsi umunani. Hari rero abatinda kubera ko uwagurishije hari imisoro atishyuye kandi idatanzwe iryo hererekanya ntiryashoboka kuko nta handi RRA yazayikura. Hari ugurisha hanyuma akigira hanze y’igihugu, akabwira uwo baguze ngo yirwarize. Hari ubwo uwagurishije apfa batarakora ihererekanya n’ibindi”.

Yungamo ati “Ibyo bibazo byose twabihaye umurongo mushya, turasaba ababifite bose kugana abakozi ba RRA babishinzwe babafashe muri iyi minsi yashyizweho y’umwihariko. Urugero nk’ababuze abo baguze, tuzagerageza tubashake baze bakore mutation, nibataboneka tuzakora ku buryo mutation ikorwa badahari, kandi ntawe uzaza kuvuga ko uwo mutungo wanditswe ku wundi muntu ari uwe. Ntihagire rero umuntu ugira urwitwazo na rumwe rwo kudakora mutation”.

Uwitonze akomeza avuga ko utazajya gukoresha mutation mu gihe cyatanzwe cyihariye, azafatwa nk’uwanze ku bushake gukora icyo gikorwa, bityo ko nyuma ya tariki 28 Gashyantare, ashobora kuzahabwa ibihano biteganywa n’itegeko.

Avuga kandi ko kugeza ubu abamaze kugeza ibibazo byabo kuri RRA bashaka gukora ihererekanya bikaba byaragoranye, bageze ku bihumbi 160, muri bo ibihumbi 60 ngo ni bo bonyine ibyabo byabonye umurongo.

Umuvugizi wa Polisi y’u Rwanda, ACP Boniface Rutikanga, avuga ko kudakora mutation ku gihe bituma hari amakosa akorwa bikagorana kumenya abo abazwa.

Ati “Hari nk’ibinyabiziga bikora amakosa yo mu muhanda ahanwa na Polisi, ariko ubutumwa dutanga ugasanga tubwohereje ku muntu utari we, akaba ari na we amande yandikwaho kandi yarakigurishije. Ikinyabiziga gishobora gukoreshwa amakosa yo gutwara ibiyobyabwenge, iyo gifashwe ugasanga uwari ugifite si we nyiracyo kuko hatakozwe mutation, cyangwa n’iyo cyibwe na bwo biteza ikibazo mu kugishakisha. Ibibazo nk’ibyo ni byinshi cyane, ni yo mpamvu y’iyi gahunda dufatanyije na RRA”.

Akomeza ashishikariza abafite ibyo bibazo kugana RRA bigakemuka inzira zikigendwa, kuko mu gihe cya vuba hazasohoka amabwiriza mashya ashyiraho ibihano ku bantu batunze ibinyabiziga bitabanditseho.

Ati “Turakangurira abantu kwitabira aya mahirwe, kuko tuzanafasha ababuze abo baguze kubashaka ngo bubahirize ibiteganywa n’itegeko. Nyuma y’iriya tariki rero abazaba barinangiye kujya gukoresha mutation, ibinyabiziga byabo tuzabifata, bikazagenda birekurwa ari uko babonetse, ihererekanya rigakorwa cyangwa hakagira ibindi byemezo bifatirwa buri kibazo”.

Aba bayobozi bahamya ko mu binyabiziga bifite ibibazo bya mutation byinshi ari moto, kuko ngo ushobora gusanga moto imwe yaratunzwe n’abantu batanu nta hererekanya ryakozwe na rimwe, akenshi aya makuru akamenyekana ari uko ikinyabiziga gifatiwe mu yandi makossa.

Uyu mutwe uvuga ko mu bice ugenzura hari amahoro asesuye, abaturage bahatuye bakora imirimo yabo amasaha 24/24, ubukungu buhamye, gihamya ikaba umusaruro w’ubuhinzi wazamutse cyane, bityo n’ibiciro by’ibiribwa ku masoko bikaba byaramanutse bigaragara.

AFC/M23 ikomeza ivuga ko amashuri akora neza, amazi n’amashanyarazi bihari mu buryo buhoraho, bityo ko ubuzima bw’abaturage bugenda bumera neza kurushaho.

Uyu mutwe ukomeza uvuga ko utazemerera umuntu n’umwe, yewe na Leta ya Kinshasa, guteza umutekano muke aho ugenzura. Wemeza kandi ko uzakomeza kurinda abaturage b’abasivili aho bari hose, cyane cyane abibasirwa na Leta mbi ya Kinshasa.

Ibi biri mu itangazo uyu mutwe wa AFC/M23 washyize ahagaragara biciye ku rubuga rwa X, aho rikomeza rigira riti “Itangazo ry’ingabo za Congo, FARDC, ritanga amakuru yo kuyobya abaturage biturutse ku butegetsi budashoboye bwa Kinshasa, aho bushyira imbere amakuru y’ibihuha, kugira ngo buhishe gutsindwa kw’igisirikare, kwa politiki no ku kwita ku baturage”.

Rirongera riti “Bitandukanye n’ibyagiye bivugwa, AFC/M23 yavuye muri Uvira ku itariki 17 Mutarama 2026, ku manywa y’ihangu kandi ku bushake, mu rwego rwo koroshya inzira y’amahoro. Uko kugenda kwakozwe abaturage bareba, itangazamakuru ryo mu gihugu na mpuzamahanga rihari, riratanganzwa ku mbuga zitandukanye, kugira ngo abanyagihugu n’amahanga babimenye”.

AFC/M23 ikomeza ivuga ko yavuye muri Uvira inyubako zirimo insengero, inzu z’abaturage n’ibikorwa by’ubucuruzi by’Abanyamulenge bimeze neza, isigira uyu mujyi Umuryango w’Abibumbye ngo uhashyire ingabo zitabogamye, ariko ngo si ko byagenze kuko wahise wigabizwa n’imitwe yoherejwe na Leta ya Kinshasa, ikora ibikorwa by’ubugome bihungabanya uburenganzira bwa muntu.

Umutwe wa AFC/M23 uvuga ko ubu muri Uvira ibintu bimeze nabi, ko ingabo za Congo zongeye kuhatera ibisasu ndetse no mu nkengero zaho, unarasa ku birindiro byawo, bisobanuye ko ari ukurenga ku masezerano y’agahenge, no ku byagiye byumvikanwaho mu yandi masezerano ku rwego mpuzamahanga, ugatanga urugero ku ikoreshwa ry’abacanshuro b’abanyamahanga bazanwa na Leta ya Kinshasa.

Uyu mutwe ngo ubabazwa no kubona Leta ya Kinshasa yishimira kwinjira muri Uvira, mu gihe uyu mutwe warekuye uyu mujyi ku bushake mu rwego rwo koroshya inzira y’amahoro.

Ababivuga ni abahungiye ahitwa Kamanyola, nyuma yaho uyu mutwe wa AFC/M23 uviriye muri uyu mujyi wa Uvira ukawusiga mu maboko y’Umuryango w’Abimbye (UN), aho ari wo wagombaga kurinda abaturage b’abasili ariko ntibyakorwa.

Uyu mujyi ahubwo wahise wigabizwa n’ingabo za RDC ndetse na Wazalendo, aba bagizi ba nabi batangira gutoteza no kumenesha Abanyamulenge, ni ko guhunga ngo bakize amagara yabo.

Umukecuru umwe wo mu bahungiye aho i Kamanyola, n’agahinda kenshi agira ati "Kuva mu 2017 twabayeho mu mahoro mu gihe cy’ukwezi kumwe gusa, ubwo AFC/M23 yari iri muri Uvira. Ese twebwe ntidufite uburenganzira nk’ubw’abandi Banyekongo bwo kubaho dutekanye? Kuki twebwe tudafite kirengera? Ni iki twacumuye gituma tubaho ubu buzima?"

Yungamo ati "Reba imyaka mfite, navukiye hano muri Congo, jyewe ubu mfite abuzukuru. Sogokuru na we yambwiraga ko yavukiye hano. Reka nibarize umuryango mpuzamahanga na Amerika, ese twebwe ariya mahoro y’ukwezi kumwe twabayemo, ntitwayagira imyaka myinshi, harabura iki?"

Akomeza yibaza impamvu amahanga afunga amaso ku birimo kubera mu gihugu cyabo, aho abantu batotezwa, bakicwa nta kirengera, bakameneshwa nk’abatagira gakondo.

Ati "Ayo mahanga niba hari icyo twayakoreye, azaze ubwayo, adufungirane ahantu hamwe atwiyicire, aho kugira ngo dukomeze kubaho ubu buzima".

Undi mugabo w’Umunyamulenge na we wahungiye i Kamanyola n’umuryango we, avuga ko bagiriwe nabi bituma bata urugo rwabo.

Ati "AFC/M23 ubwo yageraga muri Uvira twarishyimye cyane, kuko igihe gito yahamaze ni bwo twabonye amahoro, turaryama turasinzira. Ku Cyumweru imaze kuhava, Wazalendo zahise zidutera. Jyewe rero, umugore wanjye n’abana banjye batandatu duhitamo guhungira hano Kamanyola".

Ati "Imvugo z’urwango, z’amacakubiri muri Uvira ndetse no muri Congo muri rusange ni iza kera, ntabwo ari iza none, cyane ko n’abadepite ubwabo bagombye kuvugira rubanda, basakaza imvugo z’urwango, zikanyura ku maradiyo ari mu gihugu ntihagire abahanwa, birababaje".

Akomeza asaba umuryango mpuzamahanga kurindira umutekano abantu bose batuye muri Uvira kuko bamerewe nabi, aho babwirwa ko Abanyamulenge bagomba kwicwa, agasaba kandi ko basubizwa mu byabo muri Uvira.

Baragize André, umuyobozi wungirije wa Kamanyola ushinzwe imiyoborere, avuga ko kugeza ubu bamaze kwakira imiryango isaga 200 y’abaturutse muri Uvira bahunga ubugizi bwa nabi, kandi ngo n’abandi baracyabahungiraho.

Ati "Aba bantu biragaragara ko bahuye n’ibibazo bikomeye. Ku ikubitiro icyo twabakoreye ni ukubashakira aho bacumbika, gusa biragoye kuko nk’ubu twabashyize mu nzu za polisi no mu biro bindi by’inzego za Leta. Babayeho nabi, nta byo kurya bafite, nta myambaro, kuko baje nta kintu na kimwe bafite bitewe n’uko bameneshejwe bakiza amagara. Gusa ubu turimo kugerageza kubabonera ifunguro".

Umutwe wa AFC/M23 wafashe umujyi wa Uvira ku wa Gatatu tariki 10 Ukuboza 2025, ariko ntiwawutindamo kuko wasabwe kuwuvamo kugira ngo hakomeze ibiganiro by’amahoro, na wo urabyubahiriza.

Brig Gen Gasana Godfrey wazamuwe mu ntera

Col Dan Gatsinzi we yahawe inshingano zo kuba Umugaba Mukuru wungirije w’Ingabo zirwanira mu kirere ushinzwe ibikorwa, byose bikaba biri mu itangazo ryasohotse ku rubuga rwa X rw’Ingabo z’u Rwanda mu ijoro ryakeye rya tariki 24 Mutarama 2026.

Brig Gen Gasana yaherukaga kuzamurwa mu ntera mu 2023 aho yari ku ipeti rya Colonel, icyo gihe akaba yari Umugaba Mukuru wungirije w’Ingabo zirwanira mu kirere, ariko n’ubundi akaba yari asanzwe ari umupilote.

Col Dan Gatsinzi

Ibi ni ibyagarutsweho n’Umuyobozi w’Umujyi wa Kigali, Dusengiyumva Samuel, ubwo yagezaga ijambo ku bitabiriye inama y’Ishyirahamwe ry’Ibigo bikora Imirimo y’Ubwubatsi mu Rwanda (AEBTP), akabakangurira gufatanya n’ubuyobozi kugira ngo akajagari mu myubakire gacike burundu muri uyu mujyi.

Icyakora Meya Dusengiyumva yavuze ko hari umushinga mugari uyu mujyi ufite, wo kubaka inzu nyinshi hakurikijwe igishushanyo mbonera, bityo abatuye nabi babone aho batura heza.

Yagize ati “Imibare y’Ikigo cy’Igihugu cy’Ibarurishamibare (NISR), yatugaragarije ko dukeneye inzu ibihumbi 187 kugeza mu 2029, kugira ngo tubashe gucubya ikibazo cy’abantu bakeneye amacumbi aciriritse, hanakemurwe icyo kibazo cy’akajagari. Ni ukuvuga inzu nshya ziyongera ku zisanzwe hagamijwe ko abatuye umujyi baba ahantu heza. Ibi rero birerekana ko hari amahirwe menshi kuri mwebwe nk’ishyirahamwe ry’abubatsi bo mu Rwanda”.

Yungamo ati “Ku rundi ruhande, muri 2024 hari abantu ibihumbi 80 badusabye ibyangombwa byo kubaka, ni abantu bafite amafaranga bashaka kubaka. Ni isoko rero rigenda ryaguka, tukabasaba ko mwashyiramo ubunyamwuga kandi mugakorana neza n’abo mwubakira, mubabwira ko ari ngombwa ko bagera ku cyubakwa aho kubirekera abakozi gusa, kuko iyo habayemo amakosa akenshi ushaka uwo ubaza ukamubura”.

Umuyobozi w’Umujyi wa Kigali, Dusengiyumva Samuel

Perezida wa AEBTP, Munyakazi Sadate, avuga ko mu myubakire hakunda kubaho ikibazo cy’abapatana akazi ariko ntibagere aho gakorerwa, bityo ko ari ibyo kwamagana.

Ati “Abayobozi batanga icyangombwa cyo kubaka hariho n’umwubatsi w’umwuga ugomba gukurikirana ibikorwa, ariko bajya mu igenzura bakamubura. Ibyo biterwa n’uko uwo mwubatsi aba yaragaragaye mu nyandiko gusa mu gusaba ibyangombwa, ariko mu by’ukuri we na nyiri icyubakwa babiziranyeho ko atazabikora. Iyo habaye ikosa rero bitugiraho ingaruka twese nk’abubatsi”.

Yungamo ati “Ni yo mpamvu rero abo bahagararira ibikorwa by’ibyiciro runaka by’ubwubatsi bagombye kuba muri iri huriro ryacu. Icyo ibi bizafasha ni uko mu gihe abayobozi bagiye mu isuzuma, bakatubwira natwe tukajyana, nituhagera wa mwubatsi uri mu mpapuro ntituhamusange tuzamuha ibihano. Muri ibi dushobora kutongera kumushyira ku rutonde rw’abubatsi bemewe mu mwaka ukurikiyeho, dushobora kumuhanisha kumuca amafaranga n’ibindi”.

Akomeza avuga ko ibi nibishyirwa mu bikorwa, bizagabanya amakosa avugwa mu myubakire, bityo uru rwego ruhanzwe amaso na benshi rugatanga serivisi inoze.

Perezida wa AEBTP, Munyakazi Sadate

Minisitiri w’Ibikorwa Remezo, Dr Jimmy Gasore, yavuze ko urwego rw’ubwubatsi rufite uruhare rukomeye mu iterambere ry’Igihugu, ari yo mpamvu rugomba gushyikirwa.

Ati “Imibare dufite ni uko 7% by’umusaruro mbumbe w’Igihugu waturutse mu rwego rw’ubwubatsi, urumva ko ari uruhare runini cyane bityo ko ari ngombwa kongeramo imbaraga. Ni yo mpamvu tugomba kongera imikoranire hagati ya Leta n’abikorera cyane cyane abari mu rwego rw’ubwubatsi, kugira ngo turusheho kunoza ibyo dukora, ndetse tunavaneho imbogamizi zaba ziri kuri buri ruhande”.

Ishyirahamwe ry’Ibigo bikora Imirimo y’Ubwubatsi mu Rwanda ryatangiye gukora mu 1997.

Minisitiri w’Ibikorwa Remezo, Dr Jimmy Gasore

Ibirombe by’amabuye y’agaciro muri Katanga

Nangaa avuga ko ahari amabuye y’agaciro menshi muri RDC umutwe ayoboye utarahagera, bityo ko ibivugwa ari ibinyoma.

Agira ati “Mu by’ukuri ahaherereye amabuye y’agaciro menshi ni muri Grand Katanga, ni ho hari ibihangange biyacukura, kandi AFC/M23 ntirahafata. Ni ba nde rero basahura umutungo w’igihugu? Ni umuryango wa Tshisekedi”.

Arongera ati “Ni miliyoni z’amatoni y’ayo mabuye acukurwa akagenda, harimo Cobalt, Nickel, Cuivre n’andi, ayo mabuye ntabwo ari mu duce tugenzurwa na AFC/M23. Iyi ni yo mvugo rero ya Leta ya Kinshasa ibwira abanyagihugu ndetse n’umuryango mpuzamahanga, bakabeshya ko ari u Rwanda rutwara aya mabuye, cyane ko natwe batwita Abanyarwanda”.

Nangaa akomeza avuga ko mu ntara ya Kivu ahari amabuye y’agaciro ari ahitwa Bisie, ariko na ho umutwe wa AFC/M23 ngo ukaba utarahafata.

Ibyo birego byose Nangaa arabihakana, akavuga ko ari ibinyoma, ko ahubwo ababivuga bahunga ukuri kandi bakuzi, kuko ngo amasosiye acukura ayo mabuye harimo n’ay’Abashinwa, akoreshwa n’umuryango wa Tshisekedi.

Corneille Nangaa avuga kandi ko ubutegetsi bwa Kinshasa buri gihe iyo bubajijwe ku bibazo runaka byugarije igihugu, buba bufite abo bubyegekaho, akenshi u Rwanda.

Ati “Kinshasa ni umujyi ufite umwanda ukabije, bakavuga bati muzi impamvu, ni Paul Kagame. I Kinshasa umubyigano w’imodoka (embouteillage) uteye ubwoba, hari abakora urugendo umuntu akarumaramo amasaha icyenda, impamvu ni Paul Kagame. I Kinshasa imvura iragwa imyuzure igatwara abantu bamwe bagapfa, bati impamvu ni Paul Kagame”.

Avuga kandi ko i Kinshasa nta mihanda mizima ihari, ngo ntibubaka ibitaro, barasahura umutungo w’igihugu w’amamiliyari buri mwaka, abaturage barakennye, ruswa mu bayobozi, amashanyarazi ngo ntayo kuko n’uruganda rwagombye gutanga MW ibihumbi 50 ngo ntirunagera ku 2000, impamvu ngo ikaba Paul Kagame.

Nangaa akungamo ati “Twebwe AFC/M23 ntabwo turi hano kubera amabuye y’agaciro, turi hano kubera Congo. Turi hano kugira ngo dushyireho imiyoborere myiza, twubake Leta nshya, hanyuma dutangire ibikorwa by’iterambere. Tugomba gukuraho amacakuburi, tukazana ubumwe n’ubwiyunge mu Banyekongo, tukabana neza kandi mu mahoro”.

Corneille Nangaa ahamya ko umuryango wa Tshisekedi ari wo usahura igihugu

Uyu muyobozi yanagarutse ku mvugo z’urwango zikomeje kuzenguruka muri RDC, zishyigikiwe na Minisitiri w’Itumanaho, Patrick Muyaya, aho ibyo avuga byose kuri televiziyo y’igihugu, avuga ngo “venin rwandais” (uburozi cyangwa ubumara bw’u Rwanda).

Ati “Mwibuka ibyo Gen. Ekenge aherutse kuvugira kuri televiziyo y’igihugu, imvugo yuzuyemo amacakubiri. Hari umunyamakuru na we wavuze ngo tuzi aho umuryango wa Nangaaa uri, tuzi umugore we n’abana be, turabashishikariza kubahohotera. Izo ni imvugo z’urwango, ariko ikibi kurushaho zikanyura kuri televiziyo y’igihugu. Ibi rero ni byo byaduhagurukije ngo tubirwanye, nk’ubu aho twafashe ibyo nta bikiharangwa”.

Ibyo bikorwa birimo kubera ahitwa Montego Bay muri St James Parish, byatangiranye no gusana inzu z’abaturage zangijwe n’uyu muyaga, bikaba bigaragaza intangiriro y’ibikorwa by’ubumuntu byo gufasha imiryango yahuye n’ako kaga.

Ingabo z’u Rwanda zoherejwe muri Jamaica ku itariki 14 Mutarama 2026, hashingiwe ku masezerano y’ubufatanye hagati ya Leta y’u Rwanda n’iki gihugu, agamije gutanga ubufasha mu gusana ibikorwa remezo byangijwe n’ibiza.

Iyi nkubi y’umuyaga yibasiye agace ka Caraïbes mu mpera z’umwaka ushize, igihugu cya Jamaica kikaba ari cyo cyagizweho ingaruka zikomeye kurusha ibindi bihugu, ari byo byatumye gisaba ubufasha mu bikorwa by’ubutabazi mu nzego zitandukanye.

RIB ivuga ko iperereza ry’ibanze rigaragaza ko mu bihe bitandukanye, uyu mwarimu yagiye asambanya abana b’abakobwa batandukanye biga mu mashuri yisumbuye yo mu Karere ka Bugesera, abizeza amafaranga.

Dr Manirakiza ubu afungiye kuri Sitasiyo ya RIB ya Rwezamenyo, mu gihe dosiye ye yamaze koherezwa mu Bushinjacyaha, nk’uko bigaragara mu butumwa RIB yanyujije ku rubuga rwayo rwa X.

RIB iributsa abantu bose ko gusambanya umwana ari ukumuhemukira, kuko bimwicira ubuzima bw’ejo hazaza, bikagira ingaruka ku muryango we ndetse n’umuryango nyarwanda muri rusange.

Irihanangiriza kandi uwo ari we wese usambanya umwana, ko ibyo bikorwa bitihanganirwa kandi inasaba abana kwirinda ababashukisha amafaranga n’ibindi bintu bitandukanye, bagamije kubashora mu busambanyi cyangwa ishimishamubiri kuko bibicira ubuzima.

Abatuye umujyi wa Uvira uherereye muri Kivu y’Amajyepfo, bavuga ko kuva AFC/M23 yawuvamo, insoresore z’abagizi ba nabi bashyigikiwe n’umutwe wa Wazalendo, bigabije inzu n’insengero by’Abanyamulenge n’abandi bavuga ururimi rw’Ikinyarwanda, barabasahura, barabasenyera ndetse hagira uwitambika akagirirwa nabi cyane.

Ibi byateye ubwoba abandi bibasiwe n’urwo rugomo, biba ngombwa ko bahunga uyu mujyi, batinya no kuba bakwicwa, kuko abo bariye karungu biganjemo urubyiruko, rurimo n’abafite imbunda bazitwara ku mugaragaro, bafite ubugome bw’indengakamere.

Impuzamashyirahamwe Iharanira Uburenganzira bwa Muntu (DPC), yasohoye urwandiko ku ya 18 Mutarama 2026, rugaragaza impungenge ifite ku mutekano w’abatuye muri Uvira, cyane cyane Abanyamulenge, kubera ko uwo mujyi utarimo ubuyobozi nyuma yaho AFC/M23 iwuviriyemo, bigatuma wibasirwa n’ubugizi bwa nabi.

Iyo mpuzamashyiramwe ikomeza ivuga ko abibasiwe cyane ahanini bazizwa ubwoko, hakaba n’abandi bazira ko bishimiye ifatwa rya Uvira ubwo umutwe wa AFC/M23 wageraga muri uyu mujyi, aba bose bakaba barimo kumeneshwa nta kirengera.

Video zicaracara ku mbuga nkoranyambaga, zerekana urubyiruko rwigabiza inzu z’abaturage ndetse na bimwe mu biro by’inzego z’ubuyobozi, rukinjiramo ku ngufu ubundi rugasahura ibirimo byose ku mudendezo, kuko ntawe ubakoma imbere.

Ku rundi ruhande, izi video zigaragaza Abanyamulenge n’abandi bibasiwe n’uru rugomo, bikoreye udusambi bahunga uyu mujyi nyuma yo kumeneshwa no guterwa ubwoba.

Iyi mpuzamashyirahamwe (DPC), ivuga ko ibi bitari bikwiye, mu gihe umutwe wa AFC/M23 wavuye mu mujyi wa Uvira ukawusiga mu maboko y’Umuryango w’Abibumbye (UN), bityo ko abaturage b’abasivili bagombye kurindwa.

Bagira bati “Turasaba MONUSCO gufata inshingano zo kugarura umutekano mu mujyi wa Uvira, bityo abaturage b’abasivili ntibakomeze kugirirwa nabi. Turasaba Leta zunze Ubumweza Amerika na MONUSCO, gushyiraho ingabo zitabogamye mu buryo bwihuse, kugira ngo muri Uvira hagaruke ituze. Turasaba kandi ko hahita hatangizwa iperereza kugira ngo abishoye mu busahuzi no gutoteza abantu bagezwe imbere y’ubutabera”.

Bakomeza basaba umuryango mpuzamahanga kwita byihariye ku birimo kubera mu mujyi wa Uvira, kuko ari ibikorwa bihungabanya uburenganzira bwa muntu.

Umutwe wa AFC/M23 watangaje ko wasohotse burundu mu mujyi wa Uvira ku wa Gatandatu tariki 17 Mutarama 2026, ukaba wari ugamije kwerekana ubushake bwo koroshya inzira y’ibiganiro bigamije amahoro mu Burasirazuba bwa RDC, no kubahiriza amasezerano y’agahenge.

Ibi byababaje abaturage benshi cyane cyane abo mu bwoko bw’Abatutsi, kuko mu minsi mike uyu mutwe wamaze muri Uvira, ari bwo bagize agahenge kuko hari hari umutekano usesuye, bakaryama bagasinzira mu gihe batari babiherutse, none basubiye ku kabo ko gutotezwa, kumeneshwa, kwicwa n’urundi rugomo ndengakamere.

Mu Gataraga, aho abana bavuga ko baboneye Bikira Mariya - Iyo poto y’amashanyarazi ishinze ahazanyuzwa umuriro ngo ni yo bamubonyeho

Mu itangazo yageneye abakirisitu ba Paruwasi ya Busogo muri Diyoseze ya Ruhengeri kuri iki Cyumweru, uyu mupadiri yibukije ko ukwemera kwabo gushingiye ku byanditswe Bitagatifu, Inyigisho z’Ubuyobozi bwa Kiliziya n’Uruhererekane rwa Kiliziya.

Kuri ibyo kandi ngo bagomba kongeraho gukurikiza umurongo wa Kiliziya, kandi bakibuka ko amabonekerwa yemerwa na Kiliziya amaze gusuzumanwa ubushishozi harebwa ubutumwa afite.

Yashyizemo n’akantu katuma umukristu atekereza kabiri mbere yo gutega amatwi abamubwira ko babonekewe, maze agira Kiliziya iba igomba "gusuzuma ababonekerwa niba bafite ubuzima buzira umuze, cyane ubwo mu mutwe."

Ibi ariko, iyo hajemo na gahunda ya Leta ijyanye n’ahantu hagomba gusengerwa, Kiliziya ihita izanamo kwigengesera, aha akaba ari ho Padiri yagize ati "Tugomba gusengera kandi ahantu hemewe kandi hafite umutekano uhagije."

Aha ni ho padiri yasabye Abakristo ba Busogo kurangwa n’ubushishozi mu kwemera, bakrinda ibihuha, gutanga ubutumwa butera abantu urujijo n’ubwoba.

Yagize ati "Ibindi tubiharire Kiliziya nk’Umubyeyi utureberera kandi udufasha «gushungura no kumenya ibiri muri ayo mabonekerwa bigamije umuhamagaro nyakuri Kristu agenera Kiliziya, cyangwa uw’abatagatifujwe be."

Inkuru y’iri bonekerwa yabaye kimomo mu gitondo cyo ku wa 17 Mutarama 2026, ubwo hasakazwaga ko Bikiramariya yabonekeye abana babiri bo mu Rwunge rw’amashuri rwa Rwinzovu, Akagali ka Murago mu Murenge wa Gataraga mu Karere ka Musanze.

Abo bana, umuhungu n’umukobwa biga mu mwaka wa kane w’amashuri abanza, bavaga ku ishuri batashye, bageze munsi yaryo ngo babona ishusho ya Bikiramariya ateruye umwana Yezu bambaye n’imisaraba, igaragara mu giti.

Iyo shusho ngo babanje kuyibona ku ipoto y’amashanyarazi, bongera kuyibona ku giti gisanzwe, maze inkuru imenyekanye, abantu baturuka imihanda yose, barahurura baje kureba ibyo bitangaza bitanga, ari na ko ayo makuru yageze hirya no hino.

Abanyamakuru bageze aho ibi byabereye babwiye Kigali Today ko ipoto abana bavuze ko babonyeho Bikira Mariya yakomeje kurangarirwa n’abazaga aho, maze REG ifata umwanzuro wo kuyirandura irayijyana.

Ibi biremezwa n’amafoto yagaragaye ku mbuga nkoranyambaga, yasakajwe n’umwe mu bahatuye, aho yongeyeho ubutumwa buvuga ko aho harimo gusahurwa ari ku cyambu cya Kalundu.

Kuri ayo mafoto ubona abantu bikoreye amakaziye y’inzoga, abikoreye inzugi, ibyuma bitandukanye n’ibindi.

Ku wa Gatandatu tariki 17 Mutarama 2026, ni bwo umutwe wa AFC/M23 watangaje ko wasohotse burundu mu mujyi wa Uvira, ukaba wari ugamije kwerekana ubushake bwo koroshya inzira y’ibiganiro bigamije amahoro mu Burasirazuba bwa RDC, no kubahiriza amasezerano y’agahenge.

Ibi bije nyuma yaho ubuyobozi bwa AFC/M23, butangarije ko umujyi wa Uvira buwushyize mu maboko y’Umuryango w’Abibumbye (UN), kugira ngo urinde abawutuye bivugwa ko barimo kwicwa n’ingabo za Congo n’abazishyigikiye barimo abasirikare b’Abarundi, umutwe w’iterabwoba wa FDLR ndetse na Wazalendo.

Itangazo rirebana n’icyo gikorwa uyu mutwe wasohohe, ryagiraga riti "Ubu noneho ni inshingano z’Umuryango w’Abibumbye zo kwita ku mutekano no kurinda abaturage b’abasivili, kubungabunga umutekano w’abaturage bose ba Uvira, nta vangura na mba."

Icyakora kugeza ubu nta makuru ahari avuga ko muri uwo mujyi haba harageze Ingabo zitabogama za UN, zafasha mu gucunga umutekano no guhagarika ibikorwa by’urugomo bihavugwa.

Icyo kirango cyo mu buryo bw’ikoranabuhanga, gihabwa umuntu ku giti cye cyangwa ikigo cyagisabye, ababishinzwe bagasura uwasabye bakareba ko yujuje ibisabwa, hanyuma bakakimuha, bityo ibicuruzwa bye aho byajyanwa hose ku Isi bikaba bifitiwe icyize cy’ubuziranenge.

Umuyobozi w’Ikigo gishinzwe gukurikirana itangwa ry’ibyo birango (Rwanda Software Testing Qualification Board), Robert Ford, avuga ko iki kirango gifitiye akamaro kanini abacuruzi.

Yagize ati “Icya mbere ni uko giha icyizere abakiriya bagura ibicuruzwa byawe, kuko baba bazi ko wujuje ibyangombwa by’ubuziranenge. Urugero nk’abacururiza ku ikoranabuhanga, niba umuntu uri muri Kenya cyangwa ahandi ashatse kugura umwenda wa Made in Rwanda, icyo kirango kizamufasha kugura ntacyo yikanga, yishyure kuri Mobile Money ubone amafaranga akugezeho. Ni ingirakamaro cyane”.

Yungamo ati “Uretse n’ibyo gucuruza, iyo ufite icyo kirango biha icyizere amasosiyete atandukanye ashaka gushora imari mu mushinga wawe, kugira ngo mukorane”.

Akomeza avuga ko kugeza ubu iki kirango kimaze guhabwa sosiyete 16 ziri mu byiciro bine, ari byo ubucuruzi bushingiye ku ikoranabuhanga, uburezi, iby’ubuvuzi ndetse no mu by’imari. Aha ni ho yahereye akangurira abikorera gufata iki kirango, akaba yabivugiye mu biganiro ku ikoranabuhanga byiswe ‘Digital Transformation Week/DTW 2025’, byabaye kuri uyu wa Gatanu tariki 16 Mutarama 2026.

Icyakora Robert Ford avuga ko kutagira Trust Seal ntawe bibuza gukora, ati “Iki kirango ntabwo gisimbura ibindi bitangwa n’inzego za Leta nka RDB. Urugero wenda ushaka gukora mu by’itumanaho, ukazana ikigo gitanga imirongo ya telefone, ugomba kubanza kubona icyemezo cy’urwego rubishinzwe, urwo ni RURA”.

Alex Ntale, Umuyobozi w’ishami ry’ikoranabuhanga mu Rugaga rw’Abikorera mu Rwanda (PSF), avuga ko Digital Trust Seal ikuraho urujijo ku bicuruzwa biri ku isoko.

Ati “Wasangaga natwe ubwacu tudafite uburyo twatandukanya abakora ibintu bizima n’abakora ibitujuje ubuziranenge. Iki kirango rero kiradufasha kugaragariza icyizere cy’ibicuruzwa byacu abaguzi, baba abo mu Rwanda cyangwa abo mu mahanga, bityo urujijo ruveho. Ibyo kandi bizadufasha kwagura amasoko hirya no hino ku Isi”.

Ibi biganiro (DTW) bikangurira abantu kwitabira ikoranabuhanga mu nzego zitandukanye bizamara icyumweru, aho biteganyijwe kugera ku bantu 10,000 mu duce dutandukanye tw’Igihugu, harimo uturere twa Musanze, Rubavu, Huye, Muhanga, Nyagatare na Rusizi.

Kugeza ubu uyu mutwe wabaye AFC/M23, uyobora igice kinini cy’intara ya Kivu y’Amajyaruguru n’iy’Amajyepfo.

Rudatsimburwa yabigarutseho kuri uyu wa Kane tariki 15 Mutarama, ubwo yari mu kiganiro kuri KT Radio, cyibanze ku mpamvu RDC ishingiraho isaba andi masezerano mashya, kongera gusaba Angola kuba umuhuza ndetse n’igituma amasezerano yasinyiwe muri Amerika isa nk’itayaha agaciro.

Avuga ko M23 itera bwa mbere mu 2013, ibintu byari bitarakomera, kuko Leta ya Congo icyo gihe yasabye uyu mutwe kurekura aho wari wafashe, hanyuma hakabaho ibiganiro byari gutuma ibyo M23 yasabye bijyanye n’uburenganzira bwayo bishyirwa mu bikorwa.

Ibibazo ngo byatangiye gukomera kuva Felix Tshisekedi agiye ku butegetsi bwa RDC mu 2019, mu gihe we yaje avuga ko agiye kurangiza ibibazo byari muri Kivu, kuko hari harimo imitwe itandukanye y’abarwanyi, icyo gihe yari ikiri mike kuko itarengaga 28, mu gihe ubu isaga 200.

Rudatsimburwa ati “Tshisekedi amaze guhabwa inkoni y’ubuyobozi bw’igihugu, nyuma y’imyaka ibiri gusa yashoje intambara, mu gihe we yavugaga ko agiye kugarura amahoro muri Kivu. Yatangiye arwanya iyo mitwe irimo na
za Mayi Mayi, biramunanira”.

Yungamo ati “Nyuma yo kunanirwa iyo ntambara, Abaruba benewabo bamugiye mu matwi, baramubwira bati ariko se bariya urwanya ko ari bene wanyu, kuki ukomeza ‘kubacokoza’? Bati ahubwo wakubise ba M23, ko ubu aho bagiye nta bushobozi bafite, nta mbunda bafite, kuko bariya umuntu wese azi ko ari Abanyarwanda. Nitubakubita, uzaba ubaye umuntu wa mbere unesheje Abanyarwanda. Ibyo bizatuma twebewe Abaluba dutegeka iki gihugu imyaka 300”.

Akomeza agira ati “Mu kwezi k’Ugushyingo 2021, Tshisekedi yahise atera M23 aho bari bari muri Chanzu, nuko nabo bahita bava mu birindiro byabo bakubita batababarira abasirikare ba Congo mpaka bafashe Bunagana, Tshisekedi aba akubiswe atyo. Gusa ba M23 bo bakomezaga bavuga ko icyo bagamije atari ukurwana, ahubwo ari ugusaba ko ibyo bumvikanye byashyirwa mu bikorwa”.

Tshisekedi amaze gukubitwa, ngo yahise ajya kuririra ibihugu bigize Umuryango wa Afurika y’Iburasirazuba (EAC) n’igihugu cye cyari kimaze igihe gito cyinjiyemo, nuko mu nama y’Abakuru b’ibi bihugu yabereye i Nairobi, Perezida Paul Kagame na Uhuru Kenyata wayoboraga Kenya babaza Tshisekedi bati “M23 uvuga si Abanyekongo?” Na we ati “Ni Abanyekongo”, nuko bahita bamugira inama yo kuganira na bo.

Tshisekedi iyi nama yagiriwe ntiyayikurikije, ahubwo yashyize imbaraga mu mirwano, bituma M23 na yo yihuza n’abo basangiye ikibazo iba AFC/M23, bagira imbaraga nyinshi, ari bwo imirwano yakomeje kugeza uyu mutwe ufashe imijyi y’ingezi muri Kivu ya Ruguru n’iy’Amajyepfo, ari yo Goma, Bukavu na Uvira n’ubwo waje kuyirekura nyuma ku bushake, kugira ngo worohereze inzira y’ibiganiro.

Rebe ibindi muri iyi video:

Mu bakandida umunani (8) bemerewe kwiyamamaza, Yoweli Kaguta Museveni usanzwe ari ku butegetsi, ni we uri imbere.

Ibyavuye mu majwi amaze kubarwa mu buryo bw’agateganyo, bigaragaza ko Museveni afite 75,04% naho Bobi Wine akagira 19%, mu gihe abandi bakandida basaranganya asigaye, nk’uko byatangajwe na Channel 7 News.

Abanya-Uganda bagera kuri Miliyoni 21 ni bo batoye, abakurikirana iby’aya matora bakaba baha amahirwe Yoweri Museni, umaze imyaka 40 ku butegetsi, akaba arimo guhatanira manda ya karindwi (7).

Uretse abo bakandida babiri bakomeye, abandi ni Mugisha Gregory Muntu, Robert Kasibante, Joseph Mabirizi, Nathan Nandala Mafabi, Frank Bulira na Mubarak Sserunga Munyagwa.

Perezida Museveni yatoreye ku ishuri ribanza rya Karo mu Burengerazuba bwa Uganda, mu gihe Bobi Wine we yatoreye mu Karere ka Wakiso ahitwa Freedom Square muri Magere.

Aya matora akubiyemo n’ay’Abadepite, yabaye nta Internet ihari mu gihugu hose, kuko umunsi umwe mbere yayo, Perezida Museveni yari yategetse ibigo bitanga Internet ko biyihagarika mu gihe cy’amatora hirindwa gukwirakwiza ibihuha, ibitarashimishije abatavuga rumwe na we.

Iki kibazo cya Internet, hari abagihuje n’ubukererwe bwabaye mu gutangira amatora, kuko ngo hari aho ibikoresho byageze bitinze batangira gutora nyuma y’isaha, mu gihe ahandi igikorwa cyarikirimbanyije.

Amatora mu mujyi wa Kampala yasojwe saa kumi n’imwe zuzuye nk’uko byari biteganyijwe, ariko ahandi hirya no hino ngo hari aho yarengeje amasaha, kuko ngo batashoboraga kubuza abageze ku murongo gutora, kabone n’ubwo amasaha yari yarenze, nk’uko BBC yabitangaje.

Komisiyo y’Amatora muri Uganda, yatangaje ko ibyavuye mu matora bizatangazwa ku mugaragaro kuri uyu wa Gatandatu tariki 17 Mutarama 2026.

Niyitegeka Gratien, Papa Sava

Papa Sava, ufite amazina nk’ay’indyankwi bitewe n’ibyo yamenyekaniyemo, avuga ko igihangano akoze abantu bakacyanga, kuri we aba yumva ari cyo gikomeye, akabivuga abihereye kuri uwo muvugo, nk’uko yabigarutseho mu kiganiro Burakeye cya KT Radio, kuri uyu wa Gatatu tariki 14 Mutarama 2026.

Yagize ati “Abantu bashobora kuza bakikundira igihangano runaka uko babyumva. Kimwe mu bihangano byanjye abantu benshi bakunze abandi baracyanga ndetse baranakinyangira, ni icyitwa ‘Icyivugo cy’Indaya’. Gusa jyewe igihangano nakoze abantu bakacyanga mbese bakumva kitanavugwa, mba numva ari cyo gikomeye kuko kiba gifite umwihariko”.

Yungamo ati “Icyo gihangano cyarakomeye, ariko kubera ko mama ari umurokore ndetse akaba n’Umudiyakoni, yansabye kugikura ku mbuga nkoranyambaga. Mbese umukecuru yumvise uwo muvugo ati uransebya mu bakirisitu. Icyakora nyuma amaze kwitaba Imana narakigaruye, ubu kirahari ushaka kucyumva arakibona”.

Muri iki gihangano, Papa Sava aba avuga ubuzima indaya bamwe basigaye bita Indangamirwa babayemo, uko bakira ababagana, uko babashimisha kugira ngo bazagaruke, ndetse nuko babuhura kugira ngo badatindana bityo babone uko bakira abandi, cyane ko bo baba bishakira kugwiza amafaranga. Aha hari aho agira ati “Nubona ngusekera si urukundo, ningutaka si uko naryohewe, ahubwo nkeneye undi ushobora kuza anakuruta…”

Uretse uwo muvugo abantu bamwe bakunze abandi bakawanga, hari undi na wo byagendekeye nk’uko, uwo Papa Sava yise ‘Imana mu Rubanza’, hakaba hari aho agira ati “…jyewe mbwa y’ahandi nguhangare mu rukiko, aho ubazwa ijambo usubize nta yandi mananiza. Ifate neza mu rukiko, utazana iterabwoba. Imanza si wowe wazitangije, Adamu na Eva ukabakatira burundu ngo bave muri iyi ngobyi…”

Niyitegeka Gratien, Papa Sava, Seburikoko, Sekaganda, Mvumbuko, Superi n’andi mazina, ayo yose ni ay’umuntu umwe, bitewe n’ibihangano yagiye akora cyangwa amakinamico na filime yakinnyemo, buri muntu akamwita uko ashaka, kandi na we yivugira ko ntacyo bimutwaye.

Uyu mugabo wihebeye ubuhanzi butandukanye, dore ko ari n’umuririmbyi, ubundi muri kaminuza yize kwigisha, ni umwarimu, gusa avuga ko iby’ubuhanzi yabitangiye mu 1995 yiga mu mashuri abanza, aho yahereye ku mivugo, ajya no mu marushanwa aratsinda, abikomeza uko.

Ageze mu mashuri yisumbuye aho yigaga kuri ESI Rutongo, yatangiye ibyo gusetsa cyangwa urwenya (comedy), biramuhira kuko byakunzwe cyane.

Nyuma ngo yagiye kwiga i Rilima mu Bugesera, aha ngo ni ho yatangiriye gukina amakinamico, ariko aniga gukina ari wenyine kandi birakundwa cyane. Nyuma yaho ngo yanize gucuranga Gitari.

Ageze muri kaminuza, aho yize mu yahoze yitwa KIE yigishaga ubwarimu, Papa Sava yatangiye kuririmba mu itorero ry’iyo kaminuza, Inganji za KIE, ariko akomeza n’ibindi byose yari azi byo mu buhanzi bwe, ku buryo yanahembwe nk’umukinnyi mwiza w’ikinamico, bituma abona amahirwe yo gukorera ingendoshuri mu bihugu by’amahanga.

Kuri ubu Niyitegeka afite indirimbo zitandukanye ku mbuga nkoranyambaga, zisanga ibindi bihangano bye bisanzwe, akaba akurikirwa n’abantu benshi, aho nko kuri You Tube ye afite ‘subscribers’ ibihumbi 982.

Ni urugerero rureba abanyeshuri bose basoje amashuri yisumbuye mu mwaka w’amashuri 2024-2025 bakiri mu ngo iwabo.

Bimwe mu bikorwa uru rubyiruko ruzakora harimo kubakira abatishoboye batagira inzu zo kubamo, gutunganya imihanda yangiritse, kwigisha abaturage gukora uturima tw’igikoni mu rwego rwo kubafasha kurwanya imirire mibi n’ibindi, bitewe n’ibikenewe byagaragajwe n’inzego z’ubuyobozi muri buri murenge.

Umunyamabanga Uhoraho muri Minisiteri y’Ubumwe bw’Abanyarwanda n’Inshingano Mboneragihugu (MINUBUMWE), Eric Mahoro, yasabye Intore zizitabira uru rugerero kutarangara.

Yagize ati “Icyo nsaba Intore zitabira uru rugerero, icya mbere ni ukubigira ibyanyu, ntiwemere gusigara, niba bataranakugeraho reba ubuyobozi bukwegereye bakwereke icyanya cy’urugerero. Ni ukwitabira ibikorwa by’urugerero, nta kujya mu bigare bibi, ibi bikorwa birakubaka ariko bikanubaka sosiyete yacu n’Igihugu cy’u Rwanda”.

Akomeza asaba ababyeyi bafite abana barebwa n’iki cyiciro, kubashishikariza kwitabira uru rugerero, kuko ngo ari ho ha mbere bahera batyaza ubwenge, bakamenya uko Igihugu gikora, politiki yacyo y’Iterambere, n’ibyo na we asabwa nk’inshingano ze ku gihugu.

Ku rwego rw’Igihugu, iki gikorwa kirebara mu Karere ka Ngoma mu Murenge wa Murama, ahateraniye urubyiruko n’abayobozi batandukanye barimo Umunyamabanga Uhoraho muri MINUBUMWE, Eric Mahoro, Guverineri w’Intara y’Iburasirazuba, Pudence Rubingiza n’abandi.

Urugerero rw’Inkomezabigwi icyiciro cya 13 biteganyijwe ko ruzasozwa ku itariki 16 Gashyantare 2026.

Umusaruro wa bimwe mu bihingwa bikoreshwa cyane wariyongereye, aha twavuga nk’ibirayi, aho mu bihembwe by’ihinga byose bya 2025 wazamutse.

Mu gihembwe A umusaruro wageze kuri Toni 475,785 naho muri B ugera kuri toni ibihimbi 314, mu gihe mu gihembwe cy’ihinga C habonetse umusaruro ungana na Toni ibihumbi 94,8.

Iyi mibare igaragaza ko umusaruro w’ibirayi wiyongereyeho 17% mu bihembwe byose by’umwaka wa 2025, ugereranyije na 2024.

Umuceri na wo wiyongereye gacye, ugera kuri Toni ibihumbi 69,6 mu gihembwe cy’ihinga A, naho mu cya B haboneka Toni ibihumbi 72,9. Muri rusange ugereranyije umwaka w’ihinga wa 2025 na 2024, umuceri wiyongereyeho 0.2%.

Ku rundi ruhade ariko, umusaruro w’ibigori n’ibishyimbo waragabanutse nk’uko iyo raporo ibyerekana.

Ibigori byahinzwe byatanze umusaruro ugera kuri Toni 481,246 mu gihembwe cya A bigaragaza igabanyuka rya 5.3% ugereranyije n’igihembwe nk’icyo mu 2024, naho mu cya B uba Toni ibihumbi 117, na bwo ugabanukaho 1.2% ugereranyije n’igihembwe nk’icyo mu mwaka wari wabanje.

Umusaruro w’ibishyimbo wageze kuri Toni ibihumbi 230,4 mu gihembwe cy’ihinga A bigaragaza igabanuka rya 1.2% ugereranyije n’igihembwe nk’iki cy’umwaka wabanje, naho mu cya B heze ibishyimbo bingana na Toni ibihumbi 240,7 bigaragza igabanuka rya 0.6% ugereranyije n’igihembwe nk’iki mu 2024.

Tumwe mu turere tuvugwamo inzara

Mu minsi ishize humvikanye inkuru y’abaturage bo mu Karere ka Kayonza batakaga inzara, bagashinja abayobozi babo kubarangarana, kuko ngo izuba ryari ryacanye cyane bituma ibyo bahinze bitera, bakavuga ko bagombaga gushakirwa inkunga y’ingoboka.

Iki ni ikibazo cyabaye ku baturage b’Imirenge ya Kabare, Rwinkwavu, Mwiri na Ndego, uduce dukunze kwibasirwa n’izuba. Iki kibazo giherutse kwirukanisha Umuyobozi w’aka Karere, Nyemazi John Bosco n’abamwungirije uko ari babiri.

Nyuma y’uko iki kibazo kimenyekanye, abaturage b’iyo mirenge bagenewe ibyo kurya birimo ibigori n’ibishyimbo.

Iby’iyi nzara biravugwa ubu, nyamara Akarere ka Kayonza kari muri dutanu twa mbere twejeje imyumbati myinshi muri 2025, nk’uko raporo ya NISR ku buhinzi muri uwo mwaka ikomeza ibigaragaza. Birumvikana ko abaturage batatungwa n’imyumbati gusa, ariko imyumbati igenda ihinduka igihingwa ngengabukungu mu Rwanda, ku buryo yavaho ifaranga ryaha umuturage ubushobozi bwo guhaha.

Mu Murenge wa Nyabitekeri mu Karere ka Nyamasheke, na ho habaye ikibazo cy’amapfa kubera izuba ryinshi ryavuye imyaka bahinze ikuma, biba ngombwa ko Leta ibaha ibyo kurya by’amezi atatu mu gihe bategereje umusaruro w’ibyo bahinze.

Ahandi abaturage baherutse kuvuga ko bashonje ni mu Murenge wa Rweru mu Karere ka Bugesera, aba na bo bakaba basaba ubuyobozi ko bwabaha inkunga y’ingoboka, bakabona ibyo kurya byabatunga nibura mu gihe gito kiri imbere. Nyamara muri rusange aka karere kabarwa mu twagize umusaruro mwiza mu mwaka ushize, kuko kari muri dutatu twa mbere twejeje ibishyimbo, imyumbati n’umuceri byinshi.

Abaturage bati iki?

Umugore wo mu Murenge wa Ndego muri Kayonza, Iragena Olive, avuga ko izuba ryabashegeshe, imyaka bahinze yose yumye ari yo mpamvu inzara yabinjiriye.

Agira ati "Twari twarahinze ibishyimbo n’ibigori ariko byose biruma kubera izuba rya hano, ubu se twakwirirwa tubiba amasaka! Hano iwacu akenshi turabwirirwa ndetse hari ubwo tukaba tunaburara. Icyakora muri iyi minsi Leta yaratugobotse iduha ibyo kurya iminsi ikicuma, turayishyimira cyane. Tugize amahirwe twakweza ubutaha".

Yungamo ati “Hano iwacu kuhabona imvura ntibyoroshye, wagira ngo hari icyo twacumuye. Icyo dusaba Leta ni uko yadufasha hagashyirwa uburyo bwo kuhira imyaka kuko ubusanzwe harera, bityo ntitugahinge twizeye imvura gusa, ni bwo twazajya tweza nk’abandi. Bitabaye ibyo wazasanga nta bantu bagituye hano, kuko bagenda basuhuka buhoro buhoro”.

Dusengimana wo mu Murenge wa Nyabitekeri wari wahinze ibishyimbo n’ibigori kuri are 45, avuga ko ibura ry’imvura ryamukozeho.

Ati “Ibishyimbo byarumye bishiramo, utugori twararanduye tujya kutugaburira amatungo. Ahantu nezaga toni eshatu z’ibigori n’ibilo 360 by’ibishyimbo byose byararumbye nta n’ibilo 30 nzahakura. Turifuza ko ababishinzwe batubonera uburyo bwo kuhira, kuko kwiringira imvura bitagikunda kubera imihindagurikire y’ibihe".

Perezida Kagame na we aherutse kuvuga ku kibazo cy’inzara yibasiye bamwe mu baturage, ahereye ku kibazo cyabaye muri Kayonza aho cyagaragajwe n’itangazamakuru abayobozi baricecekeye, akavuga ko kuba bo badashonje batabyitaho.

Yagize ati “Ibi nubwo bivugwa i Kayonza biri n’ahandi henshi, biba mubireba mukabyihorera, kuko aba bayobozi baba badashonje, bo ntacyo babuze, ntabwo bita ku bandi bo bakeneye ibyo bashaka.”

Iby’iki kibazo, Umukuru w’Igihugu yabigarutseho ku wa Gatanu tariki 19 Ukuboza 2025, ubwo hateranaga Kongere y’Umuryango FPR-Inkotanyi.

Ifatawa rya Maduro ryabaye ubwo igisirikare cya Amerika cyagabaga ibitero bikomeye mu murwa mukuru wa Venezuela, Caracas, mu ijoro ryo ku wa Gatandatatu tariki 3 Mutarama 2026.

Nyuma yo kugezwa muri Leta zunze Ubumwe za Amerika, Maduro n’umugore we Cilia Flores, bukeye bwaho bahise bajyanwa imbere y’Urukiko rwa Manhattan i New York, aho baregwa gucuruza ibiyobyabwenge no gufasha abandi bafatanya muri ibi bikorwa kubijyana muri Amerika, abo iki gihugu gifata nk’ukutwe w’iterabwoba, gusa Maduro akaba yarahakanye ibyaha byose aregwa.

Hagati aho mu gihe uru rubanza rwabaga, hanze y’Urukiko hari huzuye abantu bari mu myigaragambyo yamagana ifatwa rya Maduro, bazunguza amabendera ya Venezuela, ndetse bafite ibyapa byanditseho ngo “free President Maduro” (Murekure Perezida Maduro).

Ibi bikaba bitandukanye n’ibyakozwe n’aba bo muri Nicaragua, bo batawe muri yombi bazira kwigaragambya bishimira ifatwa n’ifungwa rya Nicolas Maduro n’umugore we, bategereje kuzongera kugezwa imbere y’Urukiko muri Werurwe uyu mwaka.

Muri uwo muhango, imibiri y’abapfuye yashyizwe kuri stade yitiriwe Ubumwe (Stade de l’Unité), aho imiryango yabuze ababo, abaturage n’abayobozi batandukanye b’inzego za gisivili n’iza gisirikare, bateraniye hamwe ngo bifatanye muri ako kababaro.

Nyuma y’iki gikorwa cyo guha icyubahiro ku mugaragaro abitabye Imana, gushyingura byabereye ahitwa i Mubambiro.

Umuvugizi wa AFC/M23 mu bya Politiki, Laurence Kanyuka, mu butumwa yanyujije kuri X yagize ati “Uyu munsi twahuye ngo duhe icyubahiro abasivili bishwe barashwe n’ingabo z’inkoramaraso zihurije hamwe, zikorana na Leta ya Kinshasa. Turabunamiye, kandi twifatanyije n’imiryango yabuze ababo”.

Yunzemo ati “Aya mahano ntazigera yibagirana. AFC/M23 irahamya ko izakomeza kurinda abaturage b’abasivili, no kurwana ku burenganzira bwabo bwo kubaho, bw’umutekano n’icyubahiro”.

Izi ni ingaruka z’ibitero bitandukanye by’ingabo za RDC zifatanyije na Wazalendo, FDLR n’indi mitwe yitwaje intwaro, zikomeje kugaba ku baturage bo mu burasirazuba bw’iki gihugu, igice ahanini kiri mu maboko ya ARC/M23.

Muri ayo mezi atatu ashize ndetse no mu ntangiriro za Mutarama 2026, haguye imvura nyinshi ndetse ivanze n’inkuba hafi mu gihugu hose, aho zitwara ubuzima bw’abantu abandi bakazira ubundi bwoko bw’ibiza, nko kugwirwa n’inzu, inkangu, gutwarwa n’imigezi n’ibindi.

MINEMA itangaza ko muri icyo gihe, muri rusange ibiza byahitanye abantu 51, hakomereka 87, inzu 2 zirasenyuka, inzu 457 zirangirika. Imyaka iri ku buso bwa Hegitari 359.4 yarangiritse, Hegitari 31 z’amashyamba na zo zirangirika, hapfa inka 24 n’andi matungo 22.

Hangiritse kandi ibyumba by’amashuri 29, umuhanda munini umwe, inyubako z’ibiro 4, ikiraro kimwe, ibigo nderabuzima 2 n’insengero 3.

Muri ibi byangiritse, inkuba zabigizemo uruhare runini, kuko uretse abo bantu 35 zahitanye, zakomerekeje abandi 58, zangiza inzu 11, zica inka 23 muri 24 zazize ibiza, zihitana andi matungo 6 ndetse n’amapoto 2 y’amashanyarazi.

Imibare ya MINEMA igaragaza ko mu Ntara zose ndetse no mu Mujyi wa Kigali hari abantu bishwe n’inkuba muri ayo mezi atatu, ari yo mpamvu abaturage basabwa kwirinda, kuko ntaho zitagera.

Muri 35 inkuba zishe, 11 ni abo mu Karere ka Ngoma, 3 muri Gakenke, 2 muri Rusizi, 2 muri Nyamagabe, mu gihe mu turere twa Kirehe, Muhanga, Musanze, Ngororero, Nyamasheke, Nyaruguru, Rubavu, Rulindo, Rutsiro, Burera, Rwamagana, Gasabo, Gatsibo, Gicumbi, Gisagara, Karongi na Kayonza hagiye hapfa umuntu umwe umwe.

Ku bijyanye n’abakubitwa n’inkuba, aha twakwibuka ibiherutse kuba vuba, mu Murenge wa Jarama mu Karere ka Ngoma, aho ku Cyumweru tariki 4 Mutarama 2026, inkuba yakubise abaturage 18 maze icyenda (9) muri bo bahita bitaba Imana.

Abo baturage ngo bari bavuye mu kibaya cy’Akagera aho bahinganga, bageze ahitwa Mbuye hagwa imvura nyinshi irimo inkuba, bajya kugama mu kazu k’imboni z’umutekano, ari na ho yabakubitiye.

Uko abantu bakwirinda gukubitwa n’inkuba

Mu butumwa MINEMA itanga busaba abantu kwirinda gukubitwa n’inkuba, ivuga ko mu gihe harimo kugwa imvura irimo inkuba, abantu bakwiye kwitwara muri ubu buryo:

– Ihutire kugama mu nzu iri hafi, uve byihuse mu mazi.
– Irinde kugama munsi y’ibiti.
– Kirazira gukoresha telefone mu gihe cy’imvura nk’iyo n’iyo waba wugamye.
– Kirazira kureka amazi cyangwa gukora indi mirimo hanze mu mvura nk’iyo.
– Comokora ibyuma byose bikoresha amashanyarazi.

Mu bindi abantu basabwa mu rwego rwo kwirinda, ni uko uri mu modoka agomba gufunga ibirahure byose, mu gihe abantu bari mu nzu bakwirinda gukorakora (gushyira intoki) mu madirishya ariho ibyuma bizwi nka giriyaje, ndetse no gukora ku bindi byuma muri rusange mu gihe hagwa imvura irimo inkuba.

Ikigo cy’Igihugu cy’Iteganyagihe, Meteo Rwanda, cyatangaje ko mu kwezi kwa Mutarama 2026 hateganyijwe imvura iri hagati ya Milimetero 50 na 300, ikaba iri hejuru gato y’impuzandengo y’isanzwe igwa muri uku kwezi, ubundi iri hagati ya milimetero 26 na 269.

Imvura iziyongera cyane cyane mu bice by’Intara y’Iburengerazuba, iy’Amajyaruguru, iy’Amajyepfo, Umujyi wa Kigali no mu bice bimwe na bimwe by’Intara y’Iburasirazuba.

Minisitiri Uwihanganye yagize ati "Minisiteri y’ibikorwaremezo twiseguye ku banyarwanda kubera ibura ry’umuriro w’amanyashanyarazi rinini ryabaye mu gihugu mu minsi ishize."

Aha, Minisitiri yavuze ko "Ibi bibazo byiyongereye cyane ahanini biterwa n’Imiyoboro dufatanya n’ibindi bihugu. Iyo ibibazo bibaye muri yo bitugiraho ingaruka."

U Rwanda rufite imiyoboro y’amashanyarazi ruhuriyeho n’u Burundi, Tanzaniya ku ruhande rumwe, ndetse na Repubulika Iharanira Demokarasi ya Congo ku rundi ruhande.

Kuva mu mpera z’umwaka ushize, hirya no hino mu gihugu hagaragaye ikibazo cy’ibura ry’umuriro w’amashanyarazi rya hato na hato, ibyatumye abantu bakomeza kwibaza icyabaye, ndetse babyandika no ku mbuga nkoranyambaga, bagaragariza icyo kibazo Urwego rw’Igihugu rushinzwe Ingufu (REG), na rwo rukavuga ko rurimo gushyiramo imbaraga ngo bikemuke.

Iki kibazo cyagize ubukana ahanini ku itariki ya 31 Ukuboza 2025, mu ijoro rishyira tariki 1 Mutarama 2026, abantu bakavuga ko byababangamiye cyane mu minsi mikuru. Iki kibazo kandi cyongeye nanone kugaruka ku mugoroba wo ku wa Mbere tariki 5 Mutarama 2026, aho ibice byinshi by’Igihugu byabuze umuriro mu gihe kiri hejuru y’isaha.

Umwe mu bavuze kuri iki kibazo kuri X, ni uwitwa Mahame G. wagize ati “Birababaje kubona REG ifata umudugudu wa Kamabuye muri Nyarurama, Umurenge wa Kigarama ikawiriza nta muriro, bukarinda bwira bari mu mwijima le 31/12 bitegura kwinjira mu mwaka mushya wa 2026, iyi mikorere kweri irakwiye?”

Nteziyaremye w’i Kanombe ucuruza akabare, avuga ko iri bura ry’umuriro ryamuhombeje kuko yari yiteze abakiriya benshi.

Ati “Kubera ukuntu umuriro wabuze, ibinyobwa bikonje byaranshiranye nuko abakiriya nari mfite bose barigendera. Kubera ko hari mu gihe cyo gusoza umwaka no gutangira undi, abakiriya bari benshi, amafaranga yinjira, ariko nkomwa mu nkokora n’umuriro, birampombya. Ndifuza ko REG yakora ibishoboka iki kibazo kigakemuka burundu, badufashe rwose”.

Kalyango Elisee na we kuri X ati “Birababaje cyane rwose. Byari ibimenyerewe kuwubura buri mugoroba; ariko kubikomeza no ku bunani koko!”

Iki kibazo cyabaye mu bice bitandukanye hafi mu Ntara zose n’Umujyi wa Kigali, icyakora REG yagize icyo ibivugaho, mu kiganiro Geoffrey Zawadi ushinzwe itumanaho muri iki kigo yagiranye na Kigali Today.

Zawadi yagize ati “Ni byo koko icyo kibazo cyarabaye, gusa ibura ry’umuriro rituruka ku mpamvu zinyuranye. Kubera ko umuriro dukoresha uturuka mu bihugu bitandukanye, hari igihe mu nzira imwe haba ikibazo bigatuma iwacu na ho umuriro ubura, icyo dukora icyo gihe ni ukwihutira gushakisha icyabiteye kuko nta ruhare tuba twabigizemo, tukabikemura”.

Yungamo ati “Hari igihe kandi umuriro ubura kubera ko hari imirimo irimo gukorwa, akenshi tuba twabimenyesheje abaturage. Icyakora ubwo waburaga mu mpera z’umwaka n’ejo ku wa mbere, ni ikibazo cyavutse bitunguranye, tukaba n’ubu turimo gushaka aho cyaturutse ngo gikemurwe. Turasaba abaturage kwihangana, kuko hari imirimo myinshi turimo gukora, irimo gusana imiyoboro y’amashanyarazi ndetse no kuyongera, ku buryo haboneka igisubizo kirambye cy’ibura ry’umuriro rya hato na hato”.

REG ivuga ko muri gahunda yo kurushaho kongera amashanyarazi ngo ibi bibazo bikemuke, hari ingomero zirimo kubakwa, iziri mu nyigo (Feasibility studies) ndetse n’iziteganyijwe harimo: Nyabarongo II (43.5 MW), umushinga ukaba ugeze ku kigero cya 57%, Rukarara VI HP (9.7MW) umushinga ugeze ku kigero cya 26%, Nyirahindwe HPP(0.909 Mw) umushinga ugeze ku kigero cya 71%.

Hari kandi Rusizi III HEP (206 MW) u Rwanda ruhuriyeho n’u Burundi na Repubulika Iharanira Demokarasi ya Congo, imirimo ngo yaratangiye ariko ikaba igenda buhoro kubera ibibazo bya politiki biri mu bihugu bihuriye kuri uyu mushinga.

Mu bijyanye no gusana ibikorwa bikwirakwiza umuriro mu gihugu, REG ivuga ko mu Mujyi wa Kigali icyo gikorwa kigeze kuri 67%. By’umwihariko imiyoboro iringaniye ica mu butaka irimo kuvugururwa mu Karere ka Nyarugenge (LV underground cables & MV/LV cabins renovated), imirimo igeze kuri 65%.

Hari kandi Station nto ya Nyamata ifasha gukwirakwiza amashanyarazi yazamuriwe ubushobozi ikaba yakira 30KV. Izindi Station nto zirimo kuvugururwa harimo Rubavu, Muhanga, Nzove, Gikondo na Gahanga, aho imirimo igeze kuri 6%.

REG ivuga ko uretse ibi bikorwa, hari n’ibindi birimo gukorwa hirya no hino mu gihugu, hagamijwe gukomeza gushakira igisubizo gihamye ibura ry’umuriro mu gihugu.

Ubu u Rwanda rugeze kuri 85.1% by’ingo zimaze guhabwa amashanyarazi, zivuye kuri 64.53% mu mwaka w’ingengo y’Imari wa 2020/2021.

Icyakora Minisitiri yavuze ko ku bijyanye n’ibibazo bituruka ku baturanyi, u Rwanda ruticaye ubusa.

Yagize ati "Icyakora ntibizahora gutyo, twatangiye ingamba zigamije kurinda birushijeho imiyoboro yacu no kugabanya izo ngaruka. N’ imishinga iriho ikorwa izafata umwanya ariko turabyihutisha. Tubijeje kuzabikemura vuba kandi tuzabimenyesha abanyarwanda."

Ni amatora yabaye ku itariki 28 Ukuboza 2025, mu bari bahanganye bikomeye na Perezida Touadéra harimo uwahoze ari Minisitiri w’Intebe, Anicet-Georges Dologuele wagize amajwi 14.66%, ndetse na Henri-Marie Dondra wagize amajwi 3.19%, uyu na we akaba yarabaye Minisitiri w’Intebe w’iki gihugu, gusa aba bombi ntibemera ibyavuye muri aya matora.

Biteganyijwe ko Urukiko rushinzwe Itegeko Nshinga muri Santrafurika, ruzatangaza ibyavuye muri aya matora ku buryo bwa burundu bitarenze tariki 20 Mutarama 2026.

Perezida Archange Touadéra w’imyaka 68, yatorewe bwa mbere kuyobora Santrafurika mu 2016, aho mbere yaho yabaye Minisitiri w’Intebe w’iki gihugu kuva mu 2008 kugeza mu 2013. Yongeye gutorerwa kuyobora iki gihugu muri manda ya kabiri mu kwezi k’Ukuboza 2020, icyo gihe na bwo yatsinze Anicet-Georges Dologuele bari bahanganye.

Mu 2023, muri Santrafurika habaye amatora agamije kuvugurura Itegeko Nshinga ry’iki gihugu ku bijyanye na manda y’Umukuru w’Igihugu kugira ngo yemererwe kwiyamamaza bitagira iherezo, ndetse manda ivanwa ku myaka itanu ishyirwa ku myaka irindwi, bikaba biri mu byatumye Archange Touadéra yemererwa kwiyamariza manda ya gatatu, ari na yo yatorewe kuyoboramo iki gihugu, mu matora yitabiriwe ku kigero cya 52.42%.

Archange Touadéra yagiye ku butegetsi bwa mbere ku itariki 30 Werurwe 2026, asimbuye Catherine Samba Panza, wari uyoboye Leta y’inzibacyuho ya Santrafurika kuva ku itariki 23 Mutarama 2014.

Mu matora ya 2020, igihugu cya Santrafurika cyari cyugarijwe n’ibibazo by’umutekano muke, aho imitwe yitwaje intwaro yarwanyaga ubutegetsi bw’iki gihugu, yari mu mirwano ikaze hafi y’umurwa mukuru Bangui, ku buryo amatora yashoboraga kutaba. Icyakora Ingabo z’u Rwanda zoherejwe muri iki gihugu mu butumwa bwo kubungabunga amahoro bwari buyobowe na Afurika Yunze Ubumwe (AU), ndetse n’izoherejweyo ku bw’amasezerano mu 2020, zatsinsuye iyi mitwe ziyigizayo, bityo amatora araba, igikowa cy’ubutwari zishimirwa kugeza uyu munsi.

Ubwo Maduro n’umugore we bajyanwaga mu rukiko

Madulo n’umugore we Cilia Flores, bafashwe ubwo igisirikare cya Amerika cyagabaga ibitero bikomeye mu murwa mukuru wa Venezuela, Caracas, mu ijoro ryo ku wa Gatandatatu tariki 3 Mutarama 2026.

Nicolas Maduro yageze imbere y’Urukiko, aho ashinjwa kuba mu bucuruzi bw’ibiyobyabwenge no gufasha abandi bakorana ubwo bucuruzi kubyohereza muri Amerika, abo iki gihugu gifata nk’ukutwe w’iterabwoba, icyakora we yahakanye ibyaha byose ashinjwa.

Ahawe ijambo, Maduro yagize ati “Nta cyaha nakoze, ndi umuntu w’umunyakuri, ndacyari Perezida wa Venezuela”.

Hagati aho mu gihe uru rubanza rwabaga, hanze y’Urukiko hari huzuye abantu bari mu myigaragambyo yamagana ifatwa rya Maduro, bazunguza amabendera ya Venezuela, ndetse bafite ibyapa byanditseho ngo “free President Maduro” (Murekure Perezida Maduro).

Nyuma yo gusomera Maduro ibyaha aregwa na we akabihakana kimwe n’umugore we, iburanisha ryasubitswe, umucamanza Alvin Hellerstein akaba yavuze ko urubanza ruzasubukurwa ku itariki 17 Werurwe 2026, bivuze ko abaregwa bakomeza gufungwa.

Hagati aho, Delcy Rodriguez, wari Visi Perezida wa Nicolas Maduro kuva muri 2018, ni we Inteko Ishinga Amategeko ya Venezuela yashyizeho ngo ayobore igihugu by’agateganyo.

Uretse i New York habereye imyigaragambyo, no mu murwa mukuru wa Venezuela, Caracas, ibihumbi by’abaturage biraye mu mihanda bagaragaza ko bashyigikiye Maduro, basaba ko arekurwa bidatinze.

Abaturage ibihumbi bigaragambije basaba ko Maduro arekurwa

Ibi bitero by’igisirikare cya Amerika byanibasiye ibikorwa bya gisirikare bitandukanye muri Caracas, ndetse no mu zindi Leta za Venezuela zirmo Miranda, La Guaira na Aragua, nk’uko amakuru aturuka muri iki gihugu yabitangaje.

Ibi bibaye nyuma y’umwuka mubi umaze igihe hagati y’ibihugu byombi, aho Perezida Trump ashinja Maduro kuba ari we uyoboye abari mu ruhererekane rw’abacuruza ibiyobyabwenge, bituruka muri Venezuela byinjira muri Leta zunze Ubumwe za Amerika.

Ibi birego ariko Perezida Maduro arabihakana, ahubwo agashinja Trump gushaka kumuhirika ku butegetsi, kugira ngo yigarurire umutungo kamere uri mu butaka bwa Venezuela, wiganjemo peteroli.

Ku wa Gatatu w’iki cyumweru, na bwo igisirikare cya Amerika cyatangaje ko cyarashe ubwato bwa Venezuela bwari buri mu mazi, aho cyavugaga ko bwari butwaye ibiyobyabwenge, icyo gitero kikaba cyaraguyemo abantu batanu.

Muri rusange, Amerika imaze kugaba ibitero birenga 30 ku hantu hatandukanye ivuga ko hari ibiyobyabwenge, ibyo bikaba biri mu muganbi mugari wa Trump wiswe ‘intambara ku biyobyabwenge’, bikaba bimaze kugwamo abantu basaga 110, kuva igitero cya mbere cyagabwa ku bwato bwa Venezuela ku itariki 2 Nzeri 2025, nk’uko BBC yabitangaje.

Ibi bitero kuri Venezuela, byatangiye hari hashize amezi make Leta zunze Ubumwe za Amerika zongereye ibikorwa bya gisirikare mu birwa bya Caraïbes, zikavuga ko ziteguraga guhangana na Leta ya Perezida Maduro, zifata nk’umuyobozi w’igihugu utemewe, ariko kandi zivuga ko ari mu bacuruza ibiyobyabwenge.

Nicolas Maduro yayoboye Venezuela kuva ku itariki 19 Mata 2013, asimbuye Hugo Chávez na we utaracanaga uwaka na Amerika, wari umaze kwitaba Imana ndetse yari anabereye Visi Perezida. Maduro yongeye gutorerwa kuyobora iki gihugu mu 2018 ndetse no mu 2024, aho hose ariko amatora yaranzwe n’umwuka mubi, wanatumye iki gihugu gisubira inyuma mu bukungu nubwo gikize kuri peteroli.

Nicolas Maduro n’umugore we ntiharamenyekana aho bajyanywe

Ibi rero bivuze ko ababyeyi bazindukiye mu guhahira abanyeshuri bitegura kujya ku ishuri, cyane cyane abiga bacumbikirwa mu bigo bazatangira ingendo ejo ku wa Gatandatu tariki 3 Mutarama 2026, nk’uko byatangajwe n’Ikigo gishinzwe Ibizamini bya Leta n’Ubugenzuzi bw’Amashuri (NESA).

Ubu ibiganiro hagati y’abantu batandukanye byahinduye isura, aho kubazanya aho bari buhurire ngo bice akanyota basoza umwaka, ubu haba kuri telefone n’imbonankubone, intero ni imwe “Ngiye kwishyura minerivali y’abana, jye ndacyaburaho make reka nshakishe. Ndangira aho inkweto zidahenda…”

Ibi biba ari ibihe bitorohera abatari bake, kuko abantu baba bavuye mu minsi mikuru, abatarabashije kwifata bagakoresha amafaranga menshi bakibagirwa ko amashuri ahita atangira, kandi ubundi agomba kuzigamirwa.

Ikigo gishinzwe Ibizamini bya Leta n’Ubugenzuzi bw’Amashuri, cyashyize ahagaragara gahunda y’ingenzo z’abanyeshuri biga bacumbikirwa, mu gutangira igihembwe cya kabiri cy’amashuri cya 2025-2026, cyane ko kizatangira ku wa Mbere tariki 5 Mutarama 2026.

Dore uko gahunda y’ingendo iteye:

Ali Kiba aje mu Rwanda, aho yitabiriye igitaramo ’The Last Night’ yatumiwemo, cyo kwizihiza imyaka itanu ishize umuhanzi mugenzi we Ngabo Richard uzwi nka Kevin Kade amaze mu muziki.

Akigera ku kibuga cy’indege cya Kigali i Kanombe, Ali Kiba yakiriwe na Kevin Kade, uyu muhanzi uzwi mu ndirimbo ziri mu rurimi rw’Igiswahili uri mu bakunzwe cyane iwabo muri Tanzania, yavuze ko yishimiye kuba yatumiwe ngo ataramire Abanyarwanda.

Ali Kiba yageze i Kigali ari kumwe kandi n’umuhanzi Shaffy, bakaba bazifatanya na Kevin Kade ndetse n’abandi bahanzi bo mu Rwanda, muri iki gitaramo kizabera ku mbuga yo kuri Kigali Convention Centre (KCC), ku wa Gatatu tariki 31 Ukuboza 2025.

Mu bahanzi bazigaragaza muri iki gitaramo gitegerejwe na benshi harimo Bwiza, Ruti Joel, Ariel Wayz, Riderman, Bull Dogg n’abandi.

Israel Mbonyi

Ni ibyasohotse mu itangazo ryashyizwe ahagaragara n’abategura iki gitaramo, rihamya ko igitaramo Icyambu cyasubitswe, aho cyagombaga kubera kuri Stade Umuganda y’Akarere ka Rubavu, iryo tangazo rigakomeza rivuga ko indi tariki kizaberaho izatangazwa mu gihe kiri imbere.

Iri tangazo rivuga kandi ko izi mpinduka zatewe n’uko hari abantu benshi bifuje ko cyahabwa umwanya kigategurwa neza, kigashyirwa mu mujyo w’ibindi bitaramo Icyambu bigomba kuzenguruka Igihugu, rikanongeraho ko abari bishyuye amatike yo kuzacyitabira bazegerwa bakabazwa niba bifuza gusubizwa amafaranga yabo, cyangwa bagumana amatike bakayinjiriraho mu gihe kizaba cyasubukuwe.

Kureba andi mafoto, kanda HANO

Reba ibindi muri iyi video:

Gen. Mohammed Ahmed Al-Haddad (Ifoto: AFP)

Ni impanuka yabaye ku mugoroba wo ku wa Kabiri tariki 23 Ukuboza 2025, ibera i Ankara muri Turukiya, aho uyu muyobozi yari mu ruzinduko rw’akazi yari yatumiwemo na mugenzi we w’iki gihugu, impanuka ikaba yabaye basubiye muri Libya.

Nyuma y’iminota hafi 40 havuzwe amakuru y’uko iyo ndege, Falcon 50, itarimo kugaragara ku byuma by’itumanaho, byaje kwemezwa ko yaguye ku bilometero 50 mu majyepfo y’uburasirazuba bwa Ankara, abantu umunani bose bari bayirimo bahasiga ubuzima.

Nyuma y’uko ayo makuru y’akababaro asakaye, Minisitiri w’Intebe wa Libya, Abdelhamid Dbeibah, abinyujije ku rubuga rwe rwa Facebook, yagize ati “Ni agahinda n’umubabaro ukomeye nyuma yo kumva amakuru ababaje y’urupfu rwa Gen. Mohammed Ahmed Al-Haddad, Umugaba Mukuru w’Ingabo za Libya”.

Minisitiri w’Intebe Abdelhamid Dbeibah, yahise atangaza icyunamo cy’iminsi itatu, gusa nta makuru yandi yatanze.

Umuyobozi mukuru ushinzwe itumanaho muri Perezidansi ya Turukiya, Burhanettin Duran, yavuze ko iyi ndege yagize ikibazo cy’amashanyarazi hashize umwanya muto ihagurutse.

Ati “Nyuma y’iminota 16 iyi ndege ihagurutse, yagize ikibazo cy’amashanyarazi bituma ibura kuri ‘radar’, abayobozi bayo bahita basaba uburenganzira bwo kugwa ikitaraganya ku kibuga cy’indege cyo hafi y’aho yari igeze”.

Burhanettin akomeza avuga ko mu gihe iyo ndege yari yatangiye kumanuka ngo igwe kuri icyo kibuga, yahise ibura ku byuma by’itumanaho, nyuma haza kuboneka ibisigazwa byayo, nk’uko yabitangarije France 24.

Kugeza ubu nta mpamvu iratangazwa ku mugaragaro y’icyateye iyi mpanuka, gusa ngo iperereza ryahise ritangira.

Abana bariga, bagafashwa gukangura ubwonko bwabo

Mu Karere ka Nyaruguru, Caritas Rwanda ku bufatanye na Plan International Rwanda, igeza ubufasha butandukanye kuri izi ngo mbonezamikurire ikorana na zo, harimo gutunganya aho abana bigira, gutanga imfashanyigisho ku bana no ku barezi, ibikoresho bifasha abana kwimenyereza kwandika no gusoma n’iby’isuku.

Hari kandi guhugura abarezi ku kwigisha abo bana, uburyo bwo kubitaho no kubakorera ibikinisho bifashishije ibikoresho biboneka hafi yabo, guhugura ababyeyi bafasha abo barezi buri munsi kwita ku bana, mu gutunganya indyo yuzuye igenewe abana ndetse no gukora isuku.

Si ibyo gusa kuko Caritas Rwanda igenera izo ngo mbonezamikurire ifu y’igikoma yujuje intungamubiri, ibikoresho byifashishwa mu guteka no kugaburira abana, birimo amasafuriya, ibikombe, amasahani n’ibindi. Zahawe kandi ibigega bifata amazi ndetse na ‘filtres’ ziyungurura ayo kunywa, matela abana baryamaho, imisambi bicaraho, hanyuma abarezi n’ababyeyi bita ku bana buri munsi bakagenerwa agahimbazamusyi.

Izi ni ingo mbonezamikurire zo mu ngo z’abaturage (HBECDs) baba baremeye kwakira abo bana, ubwo bufasha rero bugatuma ziba intangarugero zikishimirwa n’ababyeyi bazirereramo, nk’uko Mukahigiro Beatha uri no mu bita ku bana mu rugo mbonezamikurire rwitwa Kurujyejuru B, rwo mu Mudugudu wa Gacumu, Akagari ka Giheta mu Murenge wa Munini abivuga.

Agira ati “Caritas ku bufatanye na Plan yaduhaye amahugurwa yo kwita ku bana, ku buryo umwana uje hano akura neza mu gihagararo no mu bwenge kuko tubaha indyo yuzuye, cyane ko tuzi ko mu ifunguro ry’umwana ritagomba kuburamo imboga, nta gwingira rirangwa hano. Twigishijwe kandi gukorera ibikinisho abana, bifasha gukangura ubwonko bwabo. Turashimira cyane Caritas na Plan, kuko badufasha bityo Kurujyejuru B yacu ikaba bandebereho”.

Abana baciye mu rugo mbonezamikurire baba batandukanye n’abandi iyo bagiye mu ishuri

Yungamo ko ibyo kugaburira aba abana ababyeyi babikusanya bakabizana, ariko kandi ngo baba mu matsinda y’amarerero, bakagira amafaranga bizigamira buri cyumweru, harimo ayabafasha kugura ibyo badahinga nk’amavuta, indagara n’ibidi (ingoboka).

Muhimpundu Marthe, umurezi muri Kurujyejuru B, avuga ko amahugurwa yahawe atuma akurikirana abana ku buryo bukwiwe.

Ati “Amahugurwa Caritas ifatanyije na Plan yaduhaye, atuma nita ku bana uko bikwiye. Mu munsi ya mbere hari ubwo bagorana, bakarira, ariko kubera nize kubitaho, hari ibikinisho twikorera bidufasha bagakina, bagasabana, nyuma y’ukwezi bose baba baramenyereye”.

Yungamo ati “Umwana uza hano mu irerero atandukanye n’abandi bataricamo, kuko usanga akangutse ubwonko, imitekerereze, bakura neza mbese baba batandukanye cyane n’abandi. Umwana ava hano azi kubara kugeza ku 10, gutandukanya ibishushanyo, akagera mu ishuri ry’incuke yigaragaza aho aturutse. Ndashishikariza ababyeyi kuzana abana mu ngo mbonezamikurire kuko bibafasha kubana n’abandi, umwana ntabone umuntu ngo yiruke cyangwa arire”.

Umwe mu bagabo wahuguriwe kwita ku bana, Ndatsikira Innocent, ukorera mu rugo mbonezamikurire rwa Inyange ruri mu Mudugudu wa Ndago, Akagali ka Ngeli mu Murenge wa Munini, avuga ko adaterwa ipfunwe n’uwo murimo, ahubwo yabyungukiyemo.

Ati “Mbere yo guhugurwa numvaga ko iby’abana bato bireba umugore gusa, kuko ari ko nakuze mbibona. Ariko nyuma yo guhugurwa na Caritas ku bufatanye na Plan, nahinduye imyumvire. Ubu mu rugo iwanjye umugore adahari, ntibimbuza kwita ku mwana, nkamugaburira, yaba anitumye nkamutunganya, urumva ko nungutse. No mu rugo mbonezamikurire ni uko, mu ugitondo abana baza bahansanga, nzi kubategurira igikoma n’ifunguro ryuzuye, isaha yagera nkabagaburira, ufite ibitotsi nkamuryamisha, uwiyanduje nkamukorera isuku, mbese nta pfunwe bintera. Ndakangurira abagabo bagenzi banjye kumva ko umwana atari uw’umugore gusa, ko na bo kumwitaho bibareba kandi ari ingenzi”.

Abana bitabwaho bihagije

Akimana Angelique ukora akazi ko kudoda, avuga ko abona umwanya uhagije wo kwikorera, kuko umwana aba yamusize ahantu hizewe.

Ati “Ndazinduka ngategura umwana nkamusiga mu rugo mbonezamikurire, nkajya mu kazi kanjye. Nk’ubu iyo ndi ku mashini ndoda, iyo nari kuba ndi kumwe n’umwana yabaga arimo kundushya, nkamuterura, nkajya kumugaburira, ugasanga sinkoze uko nabiteganyaga, nkaba natenguha abakiriya banjye. Ariko kubera ko umwana mba namusize ahantu nizeye umutekano we, mu maboko y’ababyeyi, nkora ntuje kandi byinshi. Ndashimira cyane Caritas na Plan, badutera inkunga ituma abana bacu babaho neza”.

Buri rugo mbonezamikurire ruba rufite akarima k’igikoni gahinze mu buryo bwa kijyambere, kateguwe n’ababyeyi bafatanyije n’abakozi b’umushinga wa ECD. Aka karima gafasha ingo mbonezamikurire kubonera abana imboga, ariko ababyeyi bakanakigiraho, na bo bakajya guhinga imboga mu ngo zabo.

Umukozi w’Umurenge wa Munini ushinzwe gukurikirana amarerero, kurwanya imirire mibi n’igwingira, Ntakirutimana Donatha, avuga ko ingo mbonezamikurire zifashwa na Caritas Rwanda ku bufatanya na Plan, zifite umwihariko.

Ati “Bitewe n’ukuntu abita ku bana muri izi ngo baba barahuguwe, ubona bafite ubunyamwuga bwihariye, bakita ku bana ku buryo bwose, ari na yo mpamvu zitabirwa cyane. Ikindi ni uko ingo mbonezamikurire zikurikiranwa na Caritas iterwa inkunga na Plan, zifite ibikoresho bihagije bifasha abarezi kwita ku bana, kandi bakazisura kenshi, haba hari igikenewe kikaboneka bidatinze. Ubona hari umwihariko”.

Caritas ifatanyije na Plan International Rwanda bahaye ibikoresho by’isuku ingo mbonezamikurire

Ntakirutimana akomeza asaba ababyeyi kwitabira kujyana abana babo mu ngo mbonezamikurire, kuko aho ziri haba hizewe, hari umutekano, ndetse abana bakahakura ubumenyi, ikinyabupfura, bakazajya mu mashuri y’incuke nta kibagora.

Mu Karere ka Nyaruguru, Umushinga wa ECD wa Caritas Rwanda uterwa inkunga na Plan International Rwanda, ukurikirana ingo mbonezamikurire 26, zirimo abahungu 290 n’abakobwa 311.

Padiri Oscar Kagimbura, Umunyamabanga Mukuru wa Caritas Rwanda, avuga ko ubushobozi bubonetse ibi bikorwa byakwagurirwa n’ahandi mu gihugu.

Agira ati “Ni byo koko ku bufatanye na Plan International Rwanda, Caritas Rwanda ikurikirana ibikorwa byita ku ngo mbonezamikurire y’abana bato mu turere twa Nyaruguru, Bugesera na Gatsibo, ariko uko ubushobozi bugenda buboneka hateganywa ko umushinga na wo wakwaguka ukagera no mu Turere twose. Ikindi ni uko ibikorwa nk’ibi bitagarukira kuri uyu mushinga gusa, kuko Caritas Rwanda isanzwe ifitanye imikoranire n’Ikigo cy’Igihugu cyita ku bana (NCDA), mu kwita ku bana bikanyuzwa muri Caritas za Diyosezi zikorera mu gihugu hose”.

Padiri Kagimbura akomeza avuga ko ibi byatumye mu myaka icumi ishize (2014-2024), ibikorwa bya Caritas byo kwita ku ngo mbonezamikurire y’abana bato mu bice bitandukanye by’Igihugu kandi bigikomeza, bitanga umusaruro ukurikira:

o Ibigo n’ingo mbonezamikurire 45,122 byaratangijwe, bihabwa ibikoresho n’ubufasha ngombwa ku byerekeranye n’imirire, hitabwa cyane cyane ku bana bari hagati y’imyaka itatu n’itandatu.

o Abana 1,794,595 bitabiriye kujya muri ibyo bigo. Muri bo, abagera ku 49,570 bari bafite imirire mibi bahabwa indyo yuzuye ikungahaye ku ntungamubiri, maze ubuzima bwabo burushaho kuba bwiza.

o Abarezi 2,585,673 bahuguwe ku bijyanye n’inkingi 6 z’imbonezamikurire y’abana bato ari zo: (i) Imirire myiza; (ii) Ubuzima; (iii) Amazi, isuku n’isukura; (iv) Kurinda abana n’ubuzima budaheza; (v) Gutegurira abana ishuri; (vi) n’Uburere buboneye.

Abana bagaburirwa indyo yuzuye, nta gwingira riharangwa

Ababyeyi bafasha abana mu gihe cyo gukira

Aho abana baba bari hari amazi meza yo kunywa

Ababyeyi bita ku bana bahuguriwe kubakorera ibikinisho bifashishije ibikoresho babona hafi yabo

Ntakirutimana Donatha ashima imikorere y’ingo mbonezamikurire zikurikiranwa na Caritas iterwa inkunga na Plan International Rwanda

Bahuguriwe gukora imirima y’igikoni

Bimenyimana Venuste, nyiri urugo rwakira aba bana buri munsi, avuga ko na we yahungukiye byinshi kuko yahuguwe ku kwita ku bana

Caritas ifatanyije na Plan International Rwanda bagenera ibigega bifata amazi buri rugo mbonezamikurire

Yabigarutseho kuri utyu wa wa Mbere tariki 22 Ukuboza 2025, ubwo yitabiraga umuhango wo gusoza ayo mahugurwa wabeye ku ishuri rikuru rya Polisi y’u Rwanda i Gishari, aho abo bapolisi berekanye ubuhanga butandukanye mu kurinda umutekano bahigiye.

Minisitiri Biruta yagize ati “Bapolisi musoje aya mahugurwa, ndabashimira kuba mwarahisemo neza, mukaza kwifatanya na bakuru banyu muri uyu mwuga. Inyigisho mwahawe ni umusingi ukomeye muzubakiraho mugakora neza imirimo ibategereje. Mugeze kuri uru rwego kubera umwete, umurava n’imyifatire myiza mwagaragaje”.

Yunzemo ati “Ndagira ngo bibatere ishema ndetse bibahe n’imbaraga zo gukora kurushaho, muzagere no ku bindi byisumbuye muri uyu mwuga mwiza. Ndongera gushimira ubuyobozi bwa Polisi y’u Rwanda ku muhate wo gukomeza kubaka Polisi y’u Rwanda mu ngeri zose, mbizeza ko Minisiteri y’Umutekano mu Gihugu na Guverinoma muri rusange, tuzakomeza gukora ibishoboka byose kugira ngo uru rwego rukomeze gutera imbere, haba mu bushobozi, ubumenyi ndetse n’umubare w’abakora uyu mwuga, bityo inshingano mwahawe zo kurinda abaturage n’ibyabo zikomeze gusohozwa neza”.

Minisitiri Biruta yashimiye abapolisi basoje amahugurwa

Reba ibindi muri iyi video:

Iki gikorwa cyateguwe n’ubuyobozi bw’Umujyi wa Mocímboa da Praia, kigamije gukomeza ubumwe n’imikoranire hagati y’inzego za Leta n’abaturage, banishimira umutekano umaze kugerwaho, ndetse no kugaragaza uruhare rwa siporo mu guteza imbere ubuzima bwiza.

Nyuma y’iki gikorwa, abayobozi baganirije abitabiriye iyi siporo, bashimangira akamaro n’intego z’ibi bikorwa bigamije guteza imbere imikoranire myiza n’imibereho myiza y’abaturage.

Perezida Kagame ibi yabihereye ku kibazo cy’umuhanda wa Bugarama muri Rusizi wangiritse hakaba hashize igihe kinini udakorwa kandi yarabivuze, agahamya ko abayobozi babishinzwe baba badahari.

Yagize ati “Uzi impamvu imwe mu zituma bidakorwa, aba bayobozi, baba abato cyangwa abakuru, mu by’ukuri ntibahari. Ugiye kubara ingendo bakora, bibera hanze mu ma ‘conferences’. Bafite rero ibyo bavuga, u Rwanda barugize igitangaza, ngo kwerekana ‘best practice’, ukabona ba Minisitiri batanu cyangwa batandatu, bose barandika basaba kugenda, ukibaza uti ese barajya he? Bati hari amasomo bajya gutanga kandi ni ingirakamaro”.

Yungamo ati “Amasomo ujya gutanga wowe yakumariye iki? Icyo navanyemo rero, ubu Minisitiri kuzongera guhaguruka akavuga ngo aragiye, muzajya mubanza munsobanurire icyo agiye kuzana, kiruta icyo yari akwiriye kuba atanga ku Banyarwanda. Iri genda ryandambiye. Minisitiri w’Intebe, undebe, unyumve, ryandambiye”.

Ati “Muzajya munabisobanura mu gihe, tubanze twumvikane icyo turi butakaze umuyobozi natajya hariya bamutumiye, ndashaka kukimenya. Ariko icyo gihe bikwibutsa icyo uri butakaze nibaramuka bagiye, turebe ikinyuranyo. Ndaza kubafungira rwose. Hari nk’aho muri Minisiteri imwe harimo ba Minisitiri babiri, ariko ugasanga bagiye bose, bitari muri Minisiteri imwe ahubwo eshatu cyangwa enye, abantu bose bagiye”.

Akomeza avuga ko n’ikindi kibazo kibirimo, ari uko n’uwagiye hanze atongera kwitaba telephone, ntaba agifitanye isano n’aho akomoka, ngo aba yabaye uw’ab’aho yagiye, umushatse ntiyongera kumubona, avuga ko ibyo bigomba guhagarara.

Iby’iki kibazo, Perezida Kagame yabigarutseho kuri uyu wa Gatanu tariki 19 Ukuboza 2025, ubwo yitabiraga Kongere ya 17 ya FPR-Inkotanyi, yahurije hamwe abanyamuryango barenga 2200, aho baganiriye ku ngingo z’ingenzi z’iterambere ry’u Rwanda, igikorwa cyabereye mu Intare Arena.

Reba ibindi muri iyi video:

Corneille Nangaa ni we washyize umukono kuri iri tangazo

Mu byo uyu mutwe usaba kugira ngo wubahirize ibyo wiyemeje, harimo kandi ko umujyi wa Uvira wakurwamo abasirikare n’abandi bose bitwaje intwaro bahasanzwe, hakabaho kurinda abaturage n’ibikorwa remezo, ari yo mpamvu usaba ko hashyirwaho ingabo zitabogama zanafasha kubahiriza ihagarikwa ry’imirwano (ceasefire).

Icyakora AFC/M23 yagarutse ku ngabo z’u Burundi n’indi mitwe ishyigikiye Leta ya RDC, aho ivuga ko itazihanganira abakiri muri iki gihugu bahita bafata aho uyu mutwe urwanya ubutegetsi bwa Kinshasa warekuye, ngo bakomeze kuhifashisha mu bikorwa byabo.

Umutwe wa AFC/M23 uvuga ko wiyemeje kurekura umujyi wa Uvira, mu rwego rwo guha amahirwe yuzuye inzira y’amasezerano y’Amahoro ya Doha, bityo habe haboneka igisubizo kirambye cy’amakimbirane amaze igihe.

Umujyi wa Uvira wo muri Kivu y’Amajyepfo, uherutse gufatwa na AFC/M23 ku itariki 12 Ukuboza 2025, iwambuye ingabo za RDC, iz’Abarundi, Wazalendo n’indi mitwe ishyigikiye iki gihugu.

Abana barwaye ‘Autism’ bizihije Noheli

Abana bafite iki kibazo bisaba ko bitabwaho mu buryo bwihariye, ari yo mpamvu iki kigo gikenera ibikoresho byinshi kandi bihenze, kuko mu kubafasha habamo no kubigisha, cyane ko iki kigo ari n’ishuri rifite umwihariko wo kwigisha abana bafite Autism.

Umuyobozi wa Autism Rwanda, Rosine Duquesne Kamagaju, yavuze ko ari iby’agaciro kubona abafatanyabikorwa babafasha kwita kuri aba bana.

Ati “Twizihije Noheli, abana barishimye ndetse n’ababyeyi babo. Ikindi twakiriye ibikoresho twagenewe n’abafatanyabikorwa ari bo Rotary Club Mont Jali ifatanyije na HIS, ni ibikoresho bidufasha gukomeza kwigisha aba bana, byose hamwe bikaba bifite agaciro ka Miliyoni 26 z’Amafaranga y’u Rwanda. Ni iby’agaciro rero kubona abafatanyabikorwa nk’aba”.

Ababyeyi bafite abana muri iki kigo, bishimira uko kibafasha, kuko ngo iyo umwana ahageze ntibitinda kugaragara ko hari ibigenda binduka bigana aheza, nk’uko bigaragazwa na Umutesi Sharon,uhafite umwana w’imyaka itanu.

Ati “Njya kumenya ko afite Autism yari afite imyaka itatu, nkabona atavuga ngira impungenge ni bwo namujyanye kwa muganga w’abana, amusuzumye yemeza ko ari Autism. Uyu mwana yarangwaga no gukubagana cyane, ijoro ryose ntasinzire, ntashake kwegerana n’abandi bana, mbese ukabona afite imyitwarire itandukanye n’iy’abana bo mu kigero kimwe na we”.

Ababyeyi bishimira ukoiri shuri ribafashiriza abana

Yungamo ati “Umwana wanjye agiye kumara umwaka hano, iri shuri ryaramufashije cyane kuko ubu akina n’abandi, yamenye kuvuga amagambo amwe n’amwe, amenya ko akeneye kwituma akajya ahabugenewe. Umwana ubu arasinzira sinkirara nicaye, yisiga amavuta akaniyambika, asabana n’abandi bana, arandika mbese ubu ni amashimwe gusa kuri iri shuri, ridufatiye runini”.

Perezida wa Rotary Club Mont Jali, Claver Irakoze, avuga ko ibikoresho batanze birimo ibifasha abana n’ibifasha abarimu babo.

Ati “Ni ibikoresho birimo ibitabo, mudasobwa z’abarimu, tablets ku bana kuko bakunda ikoranabuhanga, amagare, imyicungo n’ibindi. Ikindi kwari ugusangira Noheli n’aba bana n’ababyeyi babo. Ishuri ryari ryatumenyesheje ibikoresho rikeneye, kubera ko dusanzwe dufatanya na Autisme Rwanda, dukora ubuvugizi nuko biraboneka, ni igikorwa natwe twishimiye”.

Akomeza akangurira indi miryango ndetse n’abantu ku giti cyabo, kugira ubumuntu bagafasha aba bana ndetse n’abandi kuko abakeneye ubufasha ari benshi.

Mu byo ikigo cyahawe harimo amagare y’abana

Autism ikunze kugaragara ku bana bari mu kigero cy’imyaka ibiri n’igice kugeza kuri itatu.

Muri Autism Rwanda ubu hari abana 92, ariko abahaciye ngo baragera muri 300, gusa ngo hari abandi benshi bategereje kuzajya muri iri shuri, kuko nta bushobozi rifite bwo kwakira ababyifuza bose.

Rosine Duquesne Kamagaju

Ibikoresho byahawe iki kigo

Nta bwoko bwa avoka mu Rwanda butagurishwa ku isoko mpuzamahanga

Ibi ni ibyagarutsweho n’impuguke mu buhinzi bw’imbuto, abahinzi ndetse n’abayobozi batandukanye ahanini bafite ubuhinzi mu nshingano zabo, ubwo bari mu nama yateguwe n’Ihuriro ry’abahinzi ba avoka mu Rwanda (ASR) bagamije guhana amakuru kuri iki gihingwa ngengabukungu.

Ubundi mu Rwanda hari avoka zishyirwa mu bwoko bubiri, izitwa iza kijyambere zera zikiri nto cyane, ahanini zoherezwa mu mahanga, hakaba n’izitwa Inyarwanda, ni ukuvuga izizwi kuva kera zigira ibiti binini kandi birebire.

Umuhinzi akaba n’umuyobozi wa ASR, Pacifique Nshimiyimana, agaruka ku biranga aya moko yombi ya avoka, ariko akanavuga ko zose zifite isoko.

Agira ati “Umusaruro wa avoka mu Rwanda urimo ibice bibiri, hari izo twita ‘Export’, ni izitwa Fuerte na Hass, ahanini zoherezwa ku isoko ryo mu mahanga. Kubera ukuntu ziryoha, no mu gihugu baba bazishaka ariko zirahenze ndetse ntizinaboneka. Hari kandi izo twita Inyarwanda, ziba ari nini ugereranyije n’izo zindi, gusa ntizibikika kuko zigira amazi menshi, zishya vuba bityo bikagorana kuzohereza hanze”.

Yungamo ati “Kubera avoka zo mu Rwanda zikunzwe muri rusange, n’izi z’Inyarwanda hari amasoko yo hanze azemera nk’ayo mu Buhinde. Inganda zo mu Rwanda zikora amavuta na zo zirazigura cyane. Bivuze rero ko nta bwoko bwa avoka butagurishwa ku isoko mpuzamahanga, ikibazo kigihari ni ubuke bw’umusaruro wazo ugereranyije n’izikenewe”.

Pacifique Nshimiyimana

Nshimiyimana akomeza ashishikariza abahinzi ba avoka n’abandi babyifuza, kuzihinga ku bwinshi kuko amasoko azikeneye yaguka umunsi ku wundi.

Ati “Uretse ko dusanzwe twohereza avoka z’u Rwanda mu bihugu by’i Burayi n’ahandi nko mu bihugu by’Abarabu, hashize ukwezi tubonye n’isoko ry’u Bushinwa, avoka y’u Rwanda iremewe ku butaka bw’iki gihugu. Muzi ko Abashinwa ari benshi barenga miliyari, baragura rero ku bwinshi, kugira ngo duhaze iri soko biradusaba ko abahinzi bongera umusaruro”.

Abahinzi barashishikarizwa kunyuza umusaruro wabo muri iri huriro kugira ngo bagurishe neza, kuko ngo hadutse abamamyi babubikaho urusyo bakabahenda. Muri iri huriro, bavuga ko ikiguzi fatizo cya avoka imwe y’igitumbwe yeze neza ari 1,000Frw, yagera hanze nyuma yo gukorerwa ibisabwa byose ikaba yagura 3,000Frw no hejuru bitewe n’isoko yajyanyweho.

Niyigena Antoine, umuhinzi wa avoka mu Karere ka Kayonza, avuga ko yishimira iki gihingwa kuko ntaho gihuguriye n’ibindi mu kwinjiza amafaranga.

Ati “Kubera ukuntu iki gihingwa tugiha agaciro, twahisemo guhuza ubutaka tugakorera hamwe. Ku isoko rero avoka ntaho ihuriye n’indi myaka, ujyana umusaruro ku isoko ukagurisha ukagaruka ubyina kuko uba wabonye amafaranga agaragara. Ikibazo dufite ni umusaruro ukiri muke, ariko turimo kwagura ubuso duhingaho ngo turebe ko twazahaza amasoko”.

Abahinzi ba avoka barakangurirwa kongera umusaruro

Niyigena avuga ko batangiye guhinga avoka mu 2019, bahera kuri Are 70 bateyeho ibiti 250, none ngo baraguye ubu bageze kuri Hegitari 5 ziteyeho ibiti 2,000 kandi ngo barakomeje, kubera inyungu babona muri ubwo buhinzi.

Umuyobozi Mukuru ushinzwe uruhererekane nyongeragaciro bw’ibikomoka ku Buhinzi n’Ubworozi muri Minisiteri y’Ubuhinzi n’Ubworori (MINAGRI), Alice Mukamugema, avuga ko Leta iha agaciro igihingwa cya avoka.

Ati “Iki gihingwa kimaze gukundwa cyane kuko tugifitemoinyungu, haba kukigurishiriza mu gihugu ndetse no kukijyana ku isoko mpuzamahanga kikatwinjiriza Amadovize. Ni yo mpamvu Leta ishyiramo imbaraga ngo umusaruro wiyongere ziboneke ari nyinshi ku masoko yo mu gihugu no hanze, bityo tugere kuri cya cyifuzo cyo kubasha kohereza ibintu byinshi mu mahanga”.

Akomeza avuga ko muri iyo gahunda yo kwagura ubuhinzi ba avoka, hari icyanya Leta yashyizeho muri Kayonza gihinzeho ibiti ibihumbi 100, kandi bikaba biteganyijwe ko bizongerwa, agashishikariza abaturage gufatiraho urugero na bo bakitabira iki gihingwa.

Imbogamizi zikigaragara mu buhinzi bwa avoka, bavuga ko zishingiye ahanini ku bikorwa remezo, nko kutagira uburyo bwo kuhira buhagije, imirima imwe n’imwe itagerwaho n’imihanda ndetse n’abahinzi benshi batarabona amahugurwa ngo bamenye uko iki gihingwa cyitabwaho.

Iyi nama y’iminsi ibiri ku gihingwa cya avoka, irimo kubera i Kigali aho yatangiye ku wa Kane tariki 11 Ukuboza 2025.

Alice Mukamugema

Hatanzwe ibiganiro bitandukanye

Urusengero rwa ADPER-Kagarama i Nyarubaka

Umunyamabanga Nshingwabikorwa w’Umurenge wa Nyarubaka, Minani Jean Paul wemeje aya makuru, yavuze ko urwo rusengero rwari rusanzwe rukora, abarukuriye bakaba bari biyemeje kuruvugurura.

Yagize ati “Ni urusengero rwari rusanzwe rukora, abo bubatsi bari barimo komeka amatafari ahiye ku rukuta rwa rukarakara. Mu gihe bari muri iyi mirimo, urukuta rusanzwe rwaje kugwira batatu muri bo, ku bw’ibyago umwe ahita yitaba Imana abandi barakomeka.”

Yakomeje avuga ko ari uwitabye Imana n’abapfuye bajyanywe ku bitaro bya Remera Rukoma by’aho mu Karere ka Kamonyi, nyuma bahumuriza abaturage b’ahabereye iyi mpanuka.

Uyu muyobozi yagize ati “Tukihagera icyo twahereyeho ni ugutabara abari bagihumeka bajyanwa kwa muganga ngo bitabweho. Abaturage turabakangurira kujya bareba inzu zabo, uwabona aho bigaragara ko hateza akaga, bakahirinda, hakabanza gukosorwa”.

Perezida Patrice Talon yavuze ko ibintu byasubiye ku murongo

Ihirikwa ry’ubutegetsi muri iki gihugu, ryari ryazindutse rivugwa ko ryabaye mu gitondo cyo kuri iki Cyumweru tariki 7 Ukuboza 2025, aho itsinda ry’abasirikare ryasohoye itangazo ryasomewe kuri televiziyo y’igihugu cya Benin, rivuga ko Patrice Talon yakuwe ku butegetsi. Ibi byabaye nyuma y’urusakuru rw’amasasu rwumvikanye mu gace Perezida Talon atuyemo.

Muri iryo tangazo, abo basirikare bavuze ko hashyizweho komite iyoboye igihugu (Comité de la Refondation Militaire/CRM), ikuriwe na Lt Col Pascal Tigri, wari washyizweho nka Perezida.

Aya makuru yaje guhinduka ku mugoroba wo kuri iki cyumweru nanone, aho ubuyobozi bw’igihugu bwavuze ko ihirikwa ry’ubutegetsi ryaburijwemo, bikaba byatangajwe na Minisitiri w’Ubutegtsi bw’Igihugu, Alassane Seidou, na we abinyujije kuri televiziyo y’igihugu, nk’uko ikinyamakuru La Presse cyabitangaje.

Perezida Patrice Talon na we yaje kugira icyo avuga, ati "ibintu byasubiye mu buryo. Umutekano urakomeza kurindwa mu gihugu hose. Umuryango wa CEDEAO ugiye kohereza abasirikare baze kuduha imbaraga".

Amakuru ari mu murwa mukuru wa Benin, Cotonou, aravuga ko hari abasirikare 12 baba bafunzwe, biganjemo abari bagerageje guhirika ubutegetsi. Gusa ngo ntiharamenyekana niba Lt Col Pascal Tigri wari wagizwe Perezida na we yafunzwe.

Alain Jules Hirwa

Hirwa w’imyaka 28, avuga ko yatangiye gukunda kwandika akiri umwana muto yiga mu mashuri abanza, ageze mu yisumbuye mu Iseminari nto yitiriwe Mutagatifu Yohani muri Nkumba, atangira kujya asoma ibitabo harimo nk’ubuvanganzo bwa Okot p’Bitek. Yakomeje ubushakashatsi ngo arebe ko yazagera ku nzozi ze zo kuba unwanditsi.

Igitabo yanditse cya mbere yari afite imyaka 15, gusa ngo byaramugoye kuko yacyanditse mu Cyongereza kandi atari azi igihagije.

Iyo mbogamizi yatumye icyo gitabo yanditse kidakundwa n’abo yacyohererezaga bazobereye mu kwandika, ariko ntiyacika intege kuko yakomeje gushaka uko yabigenza, kugeza nubwo yize ku ikoranabuhanga afashijwe n’ikigo cyo muri Uganda cyitwa Center for African Cultural Excellence (CACE), mu mahugurwa yitwa Writivism Mentorship Program, bimuzamurira ubumenyi.

Nyuma yaho yakomeje ubwanditsi bwe, ubwo yigaga muri Kaminuza ya Southern New Hampshire University ibinyujije muri Kepler University Program i Kigali, yaje kwandika inkuru ngufi, ayohereza muri Welter Journal muri Kaminuza ya Baltimore muri Amerika iremerwa, aho hari muri 2019, bihita bimutera imbaraga zo gukomeza, yandika n’indi nkuru ngufi yise ‘Homecoming’, na yo yemerwa mu Bwongereza muri Wasafiri Magazine muri 2020.

Arangije kwiga muri Southern New Hampshire University aho yigaga itumanaho (Communications), Hirwa yagiye kwiga icyiciro cya gatatu cya Kaminuza muri Texas State University muri Amerika, yiga nanone iby’ubuhanga mu bwanditsi (Creative Writing).

Agira ati “Nyuma y’umwaka nanditse agatabo gato nka paji 30 ka poems, gahita gasohorwa n’ikigo Akashic Books cyo muri New York. Nakomerejeho nandika n’utundi dutabo, kuko numvaga ngenda ninjira mu bintu byanjye narotaga kuva nkiri umwana”.

Igitabo cye “Hairpins” ni cyo cya mbere cy’imivugo yanditswe mu Cyongereza cy’Umunyarwanda cyasohotse muri America.

Hirwa uri i Kigali muri iki gihe ari na ho atuye nyuma yo kurangiza kwiga muri Amerika, avuga ko amafaranga make yabashije kubona muri utwo dutabo yanditse, yamufashije kugura Camera, kuko anakunda gufotora ndetse n’ubu akaba abikora.

Ibijyanye no gufotora ari mu nzira ibyo abonye, ngo yabyigiye ku Munyamerika ukomoka muri Nigeria, Teju Cole, wigishaga muri kaminuza ya Harvard, kuko yabonaga ari byiza, cyane ko ngo yamubonaga yagiye kumurika ayo mafoto, na we akumva yabikora.

Ati “Ibyo uwo mugabo yakoraga byaranshimishije, ndabikunda, bituma nanjye maze kubona camera nziza ntangira kugenda mfotora ibintu abantu batitaho ku mihanda ya Texas n’ahandi nanyuraga. Numvaga rero nazajya nsohora ibitabo by’amafoto, ngakora n’amamurika yayo (exhibitions)”.

Akomeje kwagura impano yo gufotora

Kuri ubu uyu musore uri mu Rwanda kuva muri 2024, yakomeje ibyo gufotora aba ari byo aha ingufu, ku buryo yakoze n’amamurika abiri y’amafoto, rimwe kuri L’Espace, ndetse n’irindi ku isomero rya Kigali (Kigali Public Library) ku Kacyiru.

Nyuma yaho ngo yakoze andi mamurika abiri ya rusange, rimwe kuri Kigali Centre for Photography n’irindi kuri King’s College of London mu Bwongereza.

Hirwa avuga ko ibyo akora ubu bitaragera aho bimuha amafaranga afatika yamufasha kubona ibyo akenera byose, gusa ngo intego afite ni ugukomeza kwagura ubugeni bwe cyangwa se ubuhanzi ku buryo bizagera aho bimwinjiriza agatubutse.

Ati “Intego mfite ni ugukomeza kwandika ibitabo by’imivugo, cyane ko ndi mu Banyarwanda ba mbere basohoye agatabo k’ubwo bwoko mu Cyongereza, nkumva nazakwandika n’ikinini. Ikindi ni ukongera imbaraga mu mafoto, cyane cyane ayo nafatiye mu Rwanda nkajya kuyamurika ahantu hakomeye hirya no hino ku Isi, ngamije gusakaza ubwiza bw’u Rwanda”.

Akomeza avuga ko ikindi ateganya ari ugukora amafilime manini avuga ku Rwanda no ku mibereho y’Abanyarwanda. Ikindi ngo afite umushinga mugari wo gushyira amasomero hirya no hino mu gihugu cyane cyane mu cyaro, mu rwego rwo gukundisha abantu umuco wo gusoma.

Hirwa mu butumwa bwe ku Banyarwanda agira ati “Ndashishikariza Abanyarwanda gusoma, kuko nk’uko tubizi twese ibitabo ni byo bibitse ubumenyi bwafasha abantu kwaguka mu mitekerereze. Ibitabo bibitse ubwenge, umuco n’ubuhanga bw’abatubanjirije, ushobora gusoma rero ukamenya uko babagaho, ugasanga nawe wahindura uburyo ubayeho kandi bigakunda, ukagera kuri byinshi ubikesha gusoma”.

Yungamo ko igitabo ari cyo kibika amateka n’imico itandukanye y’ibihugu n’abantu babyo, bikamara imyaka ibihumbi, bityo ntibizime ahubwo bigahora byungura ubumenyi abasimburana ku Isi.

Yanditse igitabo ‘Hairpins’ cyasohotse mu 2023, ikindi gitabo cye cy’imivugo ‘Dear Zoe’ ntikirasohoka ariko cyashyizwe ku rutonde rw’ibitabo byatoranyijwemo icyatsindiye Sillerman First Book Prize mu mwaka wa 2025 (finalist).

Abaturage bishimiye amashyiga ya kijyambere bahawe

Ni igikorwa cyabaye ku wa Gatatu tariki 3 Ukuboza 2025, aho abaturage bahawe aya mashyiga babyishimiye cyane, kuko aho batuye ngo kubona ibicanwa bibagora.

Umwe mu bahawe aya mashyiga, Umwari Grace, avuga ko biruhukije imyotsi yababangamiraga kubera gucana inkwi.

Ati “Ubusanzwe twacanaga inkwi na zo tubona bitugoye cyane kuko ari ukuzigura. Wazishyira mu ziko nuko imyotsi ikaba myinshi, ikagusanga aho uri hose ntubashe guhumeka neza. Ubu rero turishimye cyane kuko aya mashyiga ari ay’igisirimu, nugushyiramo ibicanwa byabugenewe ugacana, hehe n’imyotsi!”

Nsanzabandi Bosco na we wo mu Mudugudu wa Rwabiharamba wahawe ishyiga, ahamya ko ari inyungu ikomeye kuko hari amafaranga zizabafasha kwizigamira.

Agira ati “Kubona ibicanwa hano iwacu biragoye cyane, byaduhendaga kuko nkoresheje inkwi byantwaraga ibihumbi 25Frw mu kwezi, ukoresha amakara bikamutwara ibihumbi 40Frw. Ibi rero byo birahendutse kuko ku kwezi umuntu azajya akoresha udufuka tw’ibi bicanwa nka tubiri duhwanye n’ibihumbi 14Frw gusa, bityo tukazigama amafaranga. Ikindi gikomeye cyadushimishije ni ugutandukana n’imyotsi”.

Basobanuriwe uko iri shyiga rikoreshwa

Yungamo ati “Turashimira Leta yacu y’Ubumwe bw’Abanyarwanda ikomeza kutureberera tukabona ikidukwiye. Iri shyiga rya BioMassters rigiye kudufasha kugabanya ibicanwa ndetse no kurengera ibidukikije, bityo tubeho neza”.

Rucyaha Sylvain, Umuyobozi ushinzwe iterambere rya bizinesi n’ubucuruzi muri BioMassters, avuga ko aya mashyiga agenda agezwa ku bantu benshi kandi bakayishimira kubera ibyiza byayo bitandukanye.

Ati “Aya mashyiga kubera kutagira imyotsi, afasha kugira isuku aho umuntu atekera, ndetse ntiyangize ikirere. Kugeza ubu dufite abantu bagera ku bihumbi 70 tugeraho bo muri Kigali n’ahandi mu gihugu, kandi turakomeje kwagura ibikorwa kuko aya mashyiga arakunzwe, abantu bakomeje kuyasaba”.

Akomeza avuga ko kugeza uyu munsi bamaze gutanga amashyiga 8,000 hirya no hino mu gihugu, ndetse bakaba barimo gukorana na Minisiteri y’Uburezi (MINEDUC), mu guhindurira amashuri uburyo bwo guteka, aho bamaze kugera muri atandatu ariko intego ikaba ari uguhindurira amashuri 10 mbere y’uko uyu mwaka urangira.

Ni ishyiga ridasohora umwotsi

Umuntu ukeneye ishyiga rya BioMassters ashobora kurigurira aho bayacuriruza i Kigali na Rubavu, ariko ngo barimo kwagura aho agurishirizwa, ariko kandi ngo umuntu ashobora no guhamagara ku murongo wa telefone 0788188300, bakamubwira uburyo yaribona ndetse na pellets (wakwita amakara) zo gucana, agafashwa no kumenya uburyo iryo shyiga rikoreshwa.

Umuyobozi w’Akarere ka Nyagatare wungirije ushinzwe Iterambere ry’Ubukungu, Matsiko Gonzague, yasabye abaturage gufata neza ayo mashyiga kugira ngo azarambe.

Ati “Aya mashyiga ni meza cyane kuko adasaba amakara asanzwe yo gucana, bivuze ngo aradufasha kurengera ibiti byacanwaga, tukanarengera ikirere cyacu kuko nta mwotsi asohora, akanarinda abayakoresha indwara z’ubumekero. Abaturage bacu rero turabasaba kuyafata neza kugira ngo arame, amare igihe kirekire. Ikindi cyiza babegereje n’ibicanwa byayo ngo bajye babigurira hafi kandi ku giciro gito, ni igikorwa cyiza rero twishimiye”.

Akomeza avuga ko ayo mashyiga atazahabwa abatuye Rwabiharamba gusa, ahubwo ko barimo kuganira na BioMassters ku buryo yagera no ku bandi baturage b’Akarere ka Nyagatare.

BioMassters ifitanye ubufatanye na RHA, Akarere ka Nyagatare ndetse n’Intara y’Iburasirazuba muri rusange, bishimangira uburambe bw’uyu mushinga wo kugeza aya mashyiga ku baturage benshi.

Ibicanwa by’iri shyiga birahendutse

BioMassters yashinzwe mu 2020 ariko itangira gukora neza mu 2023, ikaba izwiho gukora pellets (Made in Rwanda) zo gucana zikorwa mu bisigazwa by’ibimera kandi zihendutse, ndetse ikanakorera amashyiga meza ku mugabane wa Afurika, adasohora umwotsi, akamaro kakaba ko nta kwangiza ikirere, gusigasira amashyamba, kugabanya igihe gikoreshwa mu guteka, bityo imiryango ibihumbi y’Abanyarwanda bakabaho neza.

Uruganda rukora Pellets rwa BioMassters rwa Rubavu, ubu rutunga Toni 10 ku munsi, ariko rukaba rurimo kuvugururwa ku burwo ruzajya rutunganya Toni 15. Ibi bizayifasha kubahiriza amasezerano rufitanye na MINEDUC yo guhindurira ibicanwa ibigo 250, byose ku bufatanye na RHA ndetse na EDCL.

Visi Meya Matsiko yasabye abaturage gufata neza amashyiga bahawe

Rucyaha Sylvain, Umuyobozi ushinzwe iterambere rya bizinesi n’ubucuruzi muri BioMassters

Muri iki gitondo, umunyamakuru wa Kigali Today uri i Bugarama mu Karere ka Rusizi hafi y’aho iyo mirwano ibera, yavuze ko harimo guturikira ibisasu binini ari byo byakuye umutima abaturage, nuko bakiza amagara bahungira mu Rwanda.

Amakuru kandi avuga ko hari umunara w’itumanaho bivugwa ko ari uwa sosiyete ya Vodacom aho muri Kamanyola watwitswe, ndetse n’amashusho akomeje gucicika ku mbuga nkoranyambaga akaba awugaragaza ugurumana.

AFC/M23 na yo iriko ngo ikomeje kwirwanaho, ahoirimo kurasa muri Gurupoma ya Itara-Luvungi muri Teritwari ya Uvira, igenzurwa n’ihuriro ry’ingabo za Leta ya RDC.

Ku wa Kane tariki 4 Ugushyingo 2025, inzego z’ubuyobozi mu Karere ka Rusizi zari zatangaje ko hinjiye impunzi 199.

Iyi mirwano ikaze irimo kubera muri Repubulika Iharanira Demokarasi ya Congo mu gace ka Kamanyola, yatangiye ku wa Gatatu tariki 3 Ugushyingo 2025, hakaba hari amakuru avuga ko bimwe mu bisasu bituruka ku ruhande rw’u Burundi, ibindi bigaturuka mu bice FARDC irimo, byose bikaraswa mu bice byafashwe na AFC/M23.

Davido i Kigali

Ni igitaramo biteganyijwe ko Davido amurikiramo alubumu ye ya gatanu yise 5ive, iki gitaramo cy’i Kigali kikaba ari kimwe mu bindi amaze iminsi akorera hirya no hino ku Isi amurika iyi alubumu ye.

Muri iki gitaramo gitegerejwe na benshi, dore ko n’amatike yo kucyinjiramo yamaze gushira ku isoko, Davido araba afatanya n’abahanzi nyarwanda barimo Kitoko, Juno Kizigenza, Ariel Wayz, Riderman n’abandi

Aya masezerano yasinyiwe mu biro b’Umukuru w’Igihugu cya Leta zunze Ubumwe za Amerika, White House, i Washington D.C. kuri uyu wa Kane tariki 4 Ukuboza 2025, igikorwa cyabaye nyuma y’ibiganiro mu muhezo hagari ya Perezida Kagame, Tshisekedi na Trump.

Aya masezerano anaturutse ku gusinya ku mugaragaro ‘Itangazo ry’Amahame’ ku ya 25 Mata 2025, ndetse n’Amasezerano ya Washington yasinywe ku ya 27 Kamena 2025, yatangijwe na Leta Zunze Ubumwe za Amerika, ariko akaza gutinda gushyirwa mu bikorwa.

Umuhango wo gusinya aya masezerano, wanitabiriwe kandi n’abandi bakuru b’ibihugu byo muri Afurika barimo, William Ruto wa Kenya, João Lourenço wa Angola na Evariste Ndayishimiye w’u Burundi, hari nkandi na Visi Perezida w’igihugu cya Uganda, Jessica Alupo.

Mu ijambo yagejeje ku bitabiriye iki gikorwa, Perezida Donald Trump yavuze ko uyu ari umunsi udasanzwe, kuko bivuze gushyira iherezo ku ntambara imaze imyaka myinshi.

Ati “Ni umunsi udasanzwe kuri Afurika, ni umunsi udasanzwe ku Isi no kuri ibi bihugu bibiri, hari byinshi byo kwishimira. Ubu turi hano muri ’US Institute of Peace’ ku bw’aya masezerano y’amateka azatuma intambara imaze igihe kinini kurenza izindi aho ari ho hose ku Isi, aho abarenga Miliyoni 10 bishwe irangira. Uyu munsi twiyemeje guhagarika imyaka myinshi y’ubugizi bwa nabi no kumena amaraso, tugatangira umwaka mushya w’ituze n’ubufatanye hagati y’u Rwanda na Repubulika Iharanira Demokarasi ya Congo.”

Trump yunzemo ati “Ndashaka gushimira aba bayobozi babiri b’abanyamurava, ni abantu badasanzwe, Perezida Perezida Kagame w’u Rwanda na Tshisekedi wa RDC, ni abantu beza.”

Yakomeje avuga ko bimwe mu by’ingenzi aya masezerano yitezweho harimo guhagarika imirwano, kwambura intwaro imitwe y’abarwanyi batari aba Leta, gucyura impunzi, gutanga ubutabera no kuryoza uruhare rwa bamwe mu bikorwa byibasiye inyoko muntu, byatumye abatari bake babura ubuzima.

Mu ijambo Perezida Kagame yavugiye muri uyu muhango, yagize ati “Aya masezerano akubiyemo ibintu byose bikenewe kugira ngo iyi ntambara irangire. Naramuka atubahirijwe, ndetse ntatange umusaruro uko bikwiye, ikibazo ntikizaba ari icya Trump, ikibazo kizaba kiri muri twe. Twebwe nka Afurika dukwiye gukorana n’abafatanyabikorwa bacu tugashyigikira aya masezerano y’Amahoro.”

Uwo mubare utangajwe nyuma y’aho ku cyumweru gishize bari bavuze ko abahitanywe n’ibyo biza bari 300, gusa ibikorwa by’ubutabazi byarakomeje mu buryo bugoranye cyane, kuko imihanda myinshi y’ingenzi yacitse, amazi, amashanyarazi na Internet na byo ni uko, nubwo byo byatangiye gukora gahoro gahoro.

Imvura nyinshi ivanze n’umuyaga ukomeye, byateje ibiza by’imyuzure idasanzwe mu majyepfo y’uburasirazuba bw’umugabane wa Asia, ibi byatwaye ubuzima bw’amagana y’abantu kandi muri Malaysia na Thailand, abandi benshi baburirwa irengero.

Muri Thailand honyine haravugwa abamaze kumenyekana ko bapfuye 170, naho mu majyaruguru ya Malaysia muri Leta ya Perlis hakavugwa babiri bapfuye.

Iyo nkubi y’umuyaga uvanze n’imvura yiswe Cyclone Senyar, yateje inkangu n’imyuzure muri Indonesia, ibihumbi by’inzu zirasenyuka, cyane ko zari zarengewe n’amazi.

Umwe mu barokotse ibi biza muri Indonesia, Meri Osman aganira na BBC yagize ati “mu gihe cy’imyuzure ibintu byose byaratwawe. Kubera ko nari nabanje guhungira ku muturanyi, nagarutse kureba imyenda iwanjye mpageze nsanga inzu yose iri hasi”.

Muri Sri Lanka na ho ibyo biza byarahageze, aha hakaba habarurwa abantu 193 bapfuye, mu gihe abagera kuri 200 bagishakishwa kuko baburiwe irengero.
Abayobozi muri iki gihugu bavuga ko inzu zirenga 15,000 zasenyutse, naho abaturage 78,000 bahungishirijwe ahakiri inzu zihagaze. Aha aba na bo bakaba bafite ikibazo gikomeye kuko nta mashanyarazi ndetse n’amazi bihari.

Inzobere mu by’ubumenyi bw’ikirere, zivuga ko icyo gice cya Asia cyibasiwe n’ibiza, ahanini byatewe n’umuyaga ukomeye wa Typhoon Koto wanyuze muri Philippines werekeza muri Vietnam, muri urwo rugendo ukaza guhura n’uwo witwa Cyclone Senyar, maze iteza ibyago bikomeye bitari biherutse mu myaka ya vuba itambutse muri ibyo bihugu.

Dr. Donald Kaberuka

Avuga ko amafaranga y’ubwizigame ari mu mabanki no bindi bigo bito by’imari agenda yiyongera muri Afurika, nyamara menshi muri yo ngo aba afungiranye bitewe n’amategeko akakaye y’ibihugu.

Agira ati “Ntidushobora kuva mu bibazo by’inguzanyo n’inkunga tudakoresheje neza ubwizigame bwa Afurika ndetse n’ubw’Isi muri rusange. Amasoko y’imari, ari na yo masoko yanyu nk’Abanyafurika, ni yo agomba kuba ku isonga ry’impinduka”.

Ati “Mu Isi irimo gushidikanya, ubudaheranwa ntibuba bukiri mu mahitamo, ahubwo buba ari ishingiro ry’iterambere. Amasoko y’imari n’imigabane ya Afurika akwiye kwigira, ntiyiyumve nk’ahantu hagurishirizwa imigabane gusa, ahubwo nk’umusemburo w’ishoramari ry’igihe kirekire, rishobora gufasha umugabane mu gihe cy’amage yugarije Isi.”

Ibi Dr Kaberuka yabigarutseho ubwo yagezaga ikiganiro ku bitabiriye inama mpuzamahanga yari imaze iminsi itatu ibera i Kigali, yigaga ku mikorere y’amasoko y’imari n’imigabane (ASEA).

Yavuze ko nubwo hari intambwe imaze guterwa muri urwo rwego, ngo hari ikibazo cyo kudahuza ibikorwa, ikoranabuhanga rikiri ku rwego rwo hasi, n’ibiciro bikiri hejuru byo kwinjira ku masoko y’imari n’imigabane, bikaba bikomeje kubangamira iterambere.

Ku bijyanye n’ikoranabuhanga, Dr Kaberuka yavuze ko Isi yinjiye mu gihe gishya, aho ubutegetsi buzagenwa n’ufite ububasha ku makuru.

Ati “Mu gihe kiri imbere, uzaba afite amakuru ni we uzaba ari umuyobozi mushya w’Isi”, agahamya ko icyo ari kimwe mu bintu bikomeye, ariko bitaganirwaho bihagije mu bihugu biri mu nzira y’amajyambere.

Mu mboni za Dr Kaberuka, Isi ngo irimo gusubira mu bihe bisa n’ibyo mu myaka ya 1930, aho ibihugu birimo gushyiraho ibiciro bishya haba mu misoro no mu bindi, bigasiga inyuma umuco wo gushakira hamwe ibisubizo binini, nka za gahunda zo guhangana n’indwara z’ibyorezo cyangwa ibibazo by’imihindagurikire y’ibihe.

Dr. Donald Kaberuka na Pierre Celestin Rwabukumba

Yungamo ko igihe cy’inkunga zo gufasha mu iterambere, zanagize uruhare runini mu ishoramari rya Afurika cyarangiye, kuko ibihugu byo mu Burengerazuba bw’Isi bihugiye mu bibazo byabyo, byiganjemo kongerera imbaraga inzego z’umutekano.

Minisitiri w’Imari n’Igenamigambi, Yusufu Murangwa na we witabiriye iyi nama, yagarutse ku bufatanye bw’ibihugu bya Afurika, ko ari ingenzi kugira ngo uyu mugabane ugere ku iterambere rirambye.

Ati “Isoko ry’imari n’imigabane ryerekanye ko rishobora kuba ubundi buryo bwatuma ishoramari na za Guverinoma bibona amafaranga, ndetse rikanatanga amahirwe anyuranye yo gushoramo imari, bityo rigateza imbere uburyo bwo kuzigama ku mugabane wa Afurika”.

Umuyobozi Mukuru w’Ikigo cy’Isoko ry’Imari n’Imigabane cy’u Rwanda, Pierre Celestin Rwabukumba, akaba na Perezida wa ASEA, yavuze ko kwakira iyi nama byerekanye ibyo Afurika ishoboye, mu gihe amasoko yayo yishyize hamwe afite intumbero imwe.

Ati “U Rwanda rwishimiye kugira uruhare mu hazaza h’amasoko ya Afurika, aho azaba arushijeho gukorana, yongereye udushya ndetse abasha guhatana ku rwego mpuzamahanga”.

Umaro Sissoco Embalo yahungiye muri Senegal

Ibi bibaye nyuma y’amasaha makeya, uwafashe ubutegetsi bw’iki gihugu, Gen. Horta N’Tam, ubusanzwe wari umuyobozi w’Ingabo zirwanira ku butaka muri Guinée-Bissau, arahiriye kuyobora iki gihugu mu nzibacyuho, ndetse no kuba Umuyobozi w’Ikirenga w’Ingabo.

Perezida Diomaye Faye wa Senegal n’abandi bakuru b’ibihugu bya CEDEAO, bakomeje kwamagana iri hirikwa ry’ubutegetsi, aho bahise bashyiraho akanama gakurikirana iby’iki kibazo, abakagize bakoherezwa ikitaraganya muri Guinée-Bissau, ngo barebe niba habaho ubwumvikane. Perezida Faye yari yakomeje kuvugana n’abahiritse ubutegetsi aho muri Guinée-Bissau, kugira ngo Umaro Sissoco ndetse n’abandi banyapolitiki bafunzwe barekurwe.

Ibibazo byo muri Guinée-Bissau byatangiye nyuma y’amatora y’Umukuru w’Igihugu yabaye ku Cyumweru tariki 23 Ugushyingo 2025, nyuma yaho gato uwari usanzwe ayobora iki gihugu, Umaro Sissoco agatangaza ko nyuma yo kwibarira amajwi yagize 65%, bivuze ko yemeje ko yatsinze amatora mbere yuko Komisiyo ibishinzwe igaragaza ibyayavuyemo, cyane ko byari biteganyijwe ko ibitangaza ku wa Kane tariki 27 Ugushyingo 2025, usibye ko na byo byaburijwemo.

Ku wa Gatatu tariki 26 Ugushyingo 2025 ku gicamunsi, nibwo urusaku rw’amasasu rwumvikanye ahaherereye ibiro by’Ukuru w’Igihugu, mu murwa mukuru wa Guinée-Bissau, ari na bwo ihirikwa ry’ubutegetsi rwabaye. Icyo gihe Perezida Umaro n’abandi basirikare bakuru bahise batabwa muri yombi, ndetse abahiritse ubutegetsi bahita batangaza ko igihugu bagifashe kandi ko imbibi zacyo zose zifunze.

Kuri ubu umurwa mukuru w’iki gihugu, Bissau haratuje, gusa mu mihanda nta bantu bagenda kubera ubwoba no kuba mu gihirahiro, amaduka yose arafunze, mbese ubuzima bumeze nk’ubwahagaze. Icyakora umuntu umwe wari ku muhanda wemeye kuvugana na RFI, yavuze ko yishimiye ko hatuje, ko ikibazo gusa bafite ari icyo kubona icyo kurya, kuko badashobora kubona aho bahahira.

Imihanda mu murwa mukuru Bissau irera

Perezida Kagame avuga ko ntawe ukwiye kwihanganira serivisi mbi

Umukuru w’Igihugu yabigarutseho kuri uyu wa Kane tariki 27 Ugushyingo 2025, ubwo yagiranaga ikiganiro n’abanyamakuru, cyagarutse ku ngingo zitandukanye zireba ubuzima bw’Igihugu.

Perezida Kagame yagize ati “Abanyarwanda muri rusange, mukwiye kwanga serivisi mbi muhabwa mukayishyurira, ukagenda utanavuze, mukwiye kubyanga. Aho baguhaye serivisi mbi ukwiye kuhavuga, uwayiguhaye ni nde? Vuga uti ahangaha batanga serivisi mbi, nawe nk’umunyamakuru ukwiye kubatanga”.

Ati “Aho kubivuga murabiceceka, mukabihisha, cyangwa mugashyiramo abo mufitanye amasinde gusa. Hari abo mutavuga, cyangwa mukavuga ababoroheye. Mukwiye kubishyira hanze uko bimeze. Inzego za Leta zikwiye kubikurikirana, na bo batabikora bafite abagomba kubibabaza”.

Umukuru w’Igihugu yavuze ko ikibazo cya serivisi mbi gihari koko, anatanga urugero rw’ibyo yiboneye.

Ati “Narabibonye kera mu Nteko Ishinga Amategeko turi mu nama y’Igihugu y’Umushyikirano. Bari bahamagaye amaresitora ngo agaburire abantu bari bageze ku 1000. Mu gitondo turakora neza akazi, bigeze ku ifunguro rya saa sita, jye nagize amahirwe yo kurifatira ahandi. Ngarutse nyuma ya saa sita nsanga bamwe barimo n’abayobozi imbangukiragutabara zabatwaye mu bitaro. Ariko ugasanga nta n’uvuga ati uwazanye ibi bintu akurikiranwe abibazwe, ndetse habaho kongera guhura ugasanga wa wundi wabagaburiye ni we bongeye guha isoko”.

Akomeza avuga ko ikibazo kitari kuri wa wundi watanze serivisi mbi gusa, ahubwoko kiri no ku bayihawe bishyura bakagenda, ati “ntabwo serivisi mbi yacika kandi muyishimiye”.

Akomeza avuga ko ikibazo cya serivisi mbi ari kinini bityo ko abantu bakwiye kugishyira hanze bakakiganira, kikavugwa, kikanengwa, abatanga serivisi mbi bagakurikiranwa.

Minisitiri w’Uburezi, Dr Joseph Nsengimana

Yabigarutseho kuri uyu wa Kane tariki 27 Ugushyingo 2025, ubwo yari yitabiriye inama ya kabiri yo ku rwego rw’Igihugu, ivuga ku burezi budaheza.

Minisitiri Nsengimana avuga ko abana bafite ubumuga bagomba kwiga kimwe n’abandi bana, kuko bose ari bo ejo hazaza h’Igihugu.

Yagize ati “Kwigisha abana bafite ubumuga si impuhwe, ahubwo ni inshingano nk’uko twigisha abandi bana bose. Aba bana ni bo Rwanda rw’ejo, tutabigishije ntacyo twaba turimo dutegurira Igihugu. Ni ngombwa rero ko twigisha abana bose, cyane ko ari na yo gahunda ya Leta”.

Kugira ngo ibi bigerweho, Minisitiri Nsengimana yavuze ko Leta ifite gahunda yo kubaka amashuri y’icyitegererezo, hagamijwe korohereza abana bose bafite ubumuga kwiga.

Ati “Ni amashuri atanu y’icyitegererezo azubakwa, ku buryo buri Ntara izagira rimwe ndetse n’Umujyi wa Kigali, tuzakorana n’Intara kugira ngo turebe aho ayo mashuri ashyirwa, impamvu ikaba ari ukugira ngo n’andi mashuri ayigireho. Hazaba harimo ibikoresho byifashishwa n’abana bafite ubumuga nka ‘Brail’ ifasha abatabona gusoma, ndetse hazaba hari n’abarimu bahagije bize kwigisha abana bafite ubumuga”.

Abantu bafite ubumuga na bo bagomba gufashwa kwiga

Simuruna Bertha, umwana ufite ubumuga bwo kutumva no kutavuga, wiga mu ishuri ryisumbuye riherereye i Nyamirambo, agaruka kuri zimwe mu mbogamizi ahura na zo mu myigire ye.

Ati “Imbogamizi dukunda guhura na zo ni uko kuvugana n’abandi bigorana kubera ko batazi ururimi rw’amarenga. Abarimu na bo uru rurimi ni bake baruzi, bigatuma tugomba gukurikira gusa ibyanditse ku rubaho, n’icyo utumva ntubone ugusobanurira, bikagira ingaruka kumitsindire yacu”.

Yungamo ati “Icyifuzo cyanjye ni uko ururimi rw’amarenga rwakwigishwa mu mashuri nk’uko Icyongereza cyangwa Igifaransa byigishwa. Ibi byatuma abantu benshi bamenya uru rurimi, bityo bikatworohera kuvugana n’abandi, cyane cyane n’abarimu”.

Umunyamabanga nshingwabikorwa w’Inama w’Igihugu y’Abantu bafite Ubumuga mu Rwanda, NCPD, Emmanuel Ndayisaba, avuga ko Leta yakoze byinshi mu mugufasha abana bafite ubumuga kugira ngo bige, gusa ngo baracyafite ibibazo.

Ati “Amashuri yakira abana bafite ubumuga bwihariye, urugero nka ‘Autism’, ni ay’abikorera, bivuze ko amafaranga yishyuza ari menshi ku buryo ababyeyi b’abo bana batabasha kuyabona, bigatuma bamwe batajya kwiga. Hari kandi nk’aho amashuri asanzwe ahabwa ubushobozi bwo kwakira abo bana, ariko kubera imiterere y’Igihugu cyacu, ugasanga umwana atashobora kwiga ataha buri munsi, na byo bikaba imbogamizi”.

Habaye ibiganiro bitandukanye

Akomeza avuga ko hakongerwa amashuri yujuje ibisabwa ngo abana bafite ubumuga bige batuje, ibyiza akaba amashuri biga babamo, ariko kandi bakigana n’abandi badafite ubumuga, kugira ngo bamenyerane ndetse na nyuma yo kwiga bizaborohere kwisanga mu bandi.

Imibare ya NCPD yo muri Kamena 2025, agaragaza ko muri rusange abantu bafite ubumuga basaga 145,362 ariko abangana na 25,8% ni bo bafite akazi gashingiye ku kuba barize. Abasaga ibihumbi 317,360 bangana na 56,4% barimo abize n’abatize nta kazi bafite, mu gihe abasaga ibihumbi 99,462 bangana na 17,7%, nta makuru yabo ahagije azwi.

Emmanuel Ndayisaba

Minisitiri Nduhungirehe ahamya ko amahoro arambye atashoboka mu gihe FDLR igihari

Mu kiganiro yagiranye na Christophe Boisbouvier w’ikinyamakuru ‘RFI Afrique’, Minisitiri Nduhungirehe yagarutse ku bibazo by’umutekano bimaze igihe kirekire ku mupaka w’u Rwanda na RDC.

Yagize ati “FDLR koko irahari. Ikomeje gufashwa na Kinshasa. Icyo dusaba ni uko uwo mutwe warandurwa burundu, nk’uko biteganywa mu masezerano y’amahoro ya Washington.”

Ibi yabivuze yibutsa ko RDC ikwiye gukurikiza ibyo yiyemeje mu masezerano y’akarere n’ayo ku rwego mpuzamahanga.

Minisitiri Nduhungirehe yibanze cyane ku masezerano y’amahoro ya Washington, ahanini yagizwemo uruhare na Leta Zunze Ubumwe za Amerika, cyangwa se agahuzwa n’inzira za Luanda na Nairobi, zigamije guhosha amakimbirane mu Burasirazuba bwa RDC.

Guhashya FDLR, ni kimwe mu byo u Rwanda rumaze imyaka irenga 20 rusaba, nk’igikorwa shingiro cy’umutekano warwo. Leta y’u Rwanda ivuga ko gukomeza kubaho k’uyu mutwe ndetse n’ubufasha uhabwa n’ingabo za Congo (FARDC), bibangamiye ubusugire bw’Igihugu.

Ibi biravugwa mu gihe mu Burasirazuba bwa RDC imirwano ikomeje hagati ya FARDC n’umutwe wa M23, Leta ya Kinshasa ikaba ikunze gushinja u Rwanda ko rufasha uyu mutwe w’abarwanyi bavuga ko baharanira uburenganzira bwabo.

Ibi birego ariko u Rwanda rurabihakana kuva kera, ahubwo rukemeza ko ikibazo nyamukuru ari FDLR ikomeje kubangamira umutekano w’akarere, aho ibifashwamo na FARDC.

Minisitiri Nduhungirehe muri iki kiganiro, agaragaza neza ko u Rwanda rukomeje guhagarara ku cyo ruhora rusaba, ruvuga ko amahoro arambye adashoboka mu gihe FDLR itaravanwaho burundu.

Muri iri tangazo, General Mohamed Hamdan Dagalo, umuyobozi mukuru w’umutwe wa RSF, yagize ati “Ngendeye ku byasabwe n’abatari bake harimo na Perezida Donald Trump, ntangaje agahenge karimo guhagarika imirwano mu mezi atatu, kugira ngo hakorwe ubutabazi. Ndizera ko ibihugu by’amahanga bishishikariza urundi ruhande [Leta], guha agaciro iyi ntambwe”.

Ni itangazo uyu mutwe wasohoye, ariko uruhande rwa Leta ya Sudan bahanganye ntacyo rurarivugaho, bikaba bibaye nyuma y’iminsi mike Leta y’iki gihugu yamaganye ubusabe bwa Leta zunze Ubumwe z’Abarabu bwo guhagarika imirwano, Sudan igashinja iki guhugu guha intwaro RSF, mu gihe cyo gihakana ibi birego cyivuye inyuma.

Intambara yo muri Sudan yatangiye muri Mata 2023, hagati y’ingabo za Leta ziyobowe na Gen. Abdel Fattah al-Burhan n’umutwe wa RSF uyobowe na Gen. Mohamed Hamdan Dagalo, ikaba imaze guhitana abantu basaga ibihumbi 10 biganjemo abasivili, ndetse iteza inzara nyinshi mu gihugu.

Jimmy Cliff yitabye Imana

Umuryango we ni wo watangaje inkuru y’urupfu rwe ku rubuga rwa Instagram, bavuga ko yitabye Imana zize indwara y’umusonga.

Jimmy Cliff yari umuhanzi, umuririmbyi, umunyamuziki, umukinnyi wa filimi ndetse akaba n’umuntu wacurangaga ibikoresho bitandukanye by’umuziki. Yari kandi umujyanama wubashywe mu rwego rw’inganda z’umuziki.

Zimwe mu ndirimbo ze zamamaye cyane birimo Raggae Night, Wonderful World, Beautiful People, Many Rivers to Cross, You Can Get It If You Really Want n’izindi byinshi.

Mu 2010, Jimmy Cliff yashyizwe mu bazwi ku rwego mpuzamahanga muri Rock and Roll Hall of Fame, kubera uruhare rwe rukomeye mu muziki.

Mu rugendo rwe rw’umuziki, Jimmy Cliff yatwaye ibihembi bibiri bya Grammy Awards, harimo icya album nziza ya Reggae.

Indirimbo ’Raggae Night’ yakunzwe cyane ya Jimmy Cliff:

Ibiro by’Umukuru w’Igihugu, Village Urugwiro, bibinyujije ku rubuga rwabyo rwa X, byatangaje ko Abakuru b’ibihugu byombi bahuye ku mugoroba wo ku Cyumweru tariki 23 Ugushyingo 2025, baganira ku ngingo zitandukanye zirimo ubufatanye busanzweho, burimo ubutumwa bw’Ingabo z’u Rwanda muri Santrafurikika, aho hari izagiyeyo mu butumwa bw’Umuryango w’Abibumbye kuva mu 2014, hakaba n’iziriyo ku bw’amasezerano y’ibihugu byombi.

Abakuru b’ibihugu byombi baganiriye kandi ku mahirwe ahari yo gukomeza gushimangira ubufatanye hagati y’u Rwanda na Santrafurika, binyuze mu nzego zitandukanye zituma inyungu zigera ku baturage b’ibihugu byombi, nk’uko Ibiro by’Umukuru w’Igihugu byakomeje bibitangaza.

Akigera i Kigali ku Cyumweru, Perezida Faustin-Archange Touadéra yakiriwe ku kibuga cy’indege cya Kigali na Minisitiri w’Umutekano w’Imbere mu gihugu, Dr. Vincent Biruta.

U Rwanda na Santarafurika bisanzwe bifitanye umubano ushingiye cyane cyane ku by’umutekano n’amahoro, aho abasirikare n’abapolisi b’u Rwanda bagira uruhare runini mu kugarura no kubungabunga umutekano muri icyo gihugu.

Ingabo z’u Rwanda zageze muri Santrafurika mu ntangiriro z’umwaka wa 2014, zagiye gutanga umusanzu muri iki gihugu mu kugarura umutekano, ubwo umutwe wa Séléka w’abitwaje intwaro watezaga umutekanomuke ushaka guhirika ubutegetsi bwariho, gusa icyo gihe uwo mutwe ntiwabigezeho.

Inzego z’umutekano ziri muri Santrafurika zikora imirimo inyura yiyongera ku gucungira umutekano abayobozi n’abaturage cyane cyane mu murwa mukuru Bangui, kuko zinafasha mu gutoza abasirikare b’iki gihugu, aho icyiciro cya gatatu cy’abasirikare 438, batojwe n’Ingabo z’u Rwanda cyasoje amasomo muri Werurwe 2025.

Ibindi Ingabo z’u Rwanda zikora ni ibijyanye n’iterambere ry’abaturage ba Santrafurika, hari umuganda hakorwa isuku, guha ibikoresho abanyeshuri, kuvura abaturage n’ibindi.

Perezida Touadéra yakiriwe na Minisitiri Biruta

Umukuru w’igihugu cya Santarafurika, ari mu ruzinduko rw’akazi rw’iminsi ibiri, nk’uko byatangajwe ku rubuga rwa X rwa Minisiteri y’Ububanyi n’Amahanga n’Ubutwererane y’u Rwanda. Ku kibuga cy’indege mpuzamahanga cya Kigali i Kanombe, Perezida Touadéra yakiriwe na Minisitiri w’Umutekano imbere mu Gihugu, Dr Vincent Biruta.

U Rwanda na Santarafurika bisanzwe bifitanye umubano ushingiye cyane cyane ku by’umutekano n’amahoro, aho abasirikare n’abapolisi b’u Rwanda bagira uruhare runini mu kugarura no kubungabunga umutekano muri icyo gihugu.

U Rwanda rufite ingabo n’abapolisi bari mu butumwa bw’Amahoro bw’Umuryango w’Abibumbye (MINUSCA), ndetse hakaba n’abandi bari muri Santrafurika ku bw’amasezerano y’ubufatanye mu bya gisirikare, aho u bagiye gufasha iki gihugu mu kurwanya imitwe yitwaje intwaro.

Ingabo z’u Rwanda zageze muri Santrafurika mu ntangiriro z’umwaka wa 2014, zagiye gutanga umusanzu muri iki gihugu mu kugarura umutekano, ubwo umutwe wa Séléka w’abitwaje intwaro watezaga umutekanomuke ushaka guhirika ubutegetsi bwariho, gusa icyo gihe uwo mutwe ntiwabigezeho.

Inzego z’umutekano ziri muri Santrafurika zikora imirimo inyura yiyongera ku gucungira umutekano abayobozi n’abaturage cyane cyane mu murwa mukuru Bangui, kuko zinafasha mu gutoza abasirikare b’iki gihugu, aho icyiciro cya gatatu cy’abasirikare 438, batojwe n’Ingabo z’u Rwanda cyasoje amasomo muri Werurwe 2025.

Ibindi Ingabo z’u Rwanda zikora ni ibijyanye n’iterambere ry’abaturage ba Santrafurika, hari umuganda hakorwa isuku, guha ibikoresho abanyeshuri, kuvura abaturage n’ibindi.

Umukuru w’Igihugu yakiriye Sheikh Tamim bin Hamad Al-Thani, ku Kibuga cy’Indege Mpuzamahanga cya Kigali, i Kanombe, bikaba biteganyijwe ko abayobozi bombi bazagirana ibiganiro.

Perezida Kagame na Sheikh Tamim bin Hamad Al-Thani, bari baherutse guhurira i Doha mu ntangiriro z’ukwezi k’Ugushyingo uyu mwaka, ubwo Umukuru w’Igihugu yari yitabiriye inama ku iterambere rusange, bakaba icyo gihe baraganiriye ku guteza imbere umubano w’ibihugu byombi.

U Rwanda na Qatar bifitanye umubano mu buryo bw’ubufatanye mu nzego zitandukanye zirimo ishoramari, ubukerarugendo n’ubwikorezi, aha ibihugu byombi bifitanye imikoranire mu bijyanye n’ingendo zo mu kirere, Qatar ikaba inafite imigabane ingana na 60% mu mushinga w’Ikibuga cy’Indege cya Bugesera.

Iki kibuga cy’indege biteganyijwe ko kizajya cyakira abantu basaga Miliyoni 14 buri mwaka, bakinyuraho baza mu Rwanda cyangwa bajya ahandi hirya no hino ku Isi.

Ifoto: RBA

Kuva Ikigo cy’Igihugu cy’Iterambere (RDB) cyatangira kuyobora Pariki y’Akagera, ku bufatanye na African Parks mu 2010, yabaye imwe muri pariki zihagaze neza ku mugabane wa Afurika, ariko mu rwego rw’imari, yakomeje kubeshwaho n’inkunga z’abagiraneza.

Kuva mu 2010, iyi pariki yakoresheje Miliyoni 50.1 z’Amadolari mu mirimo yo kuyitaho, mu gihe yinjije Miliyoni 32.1 z’Amadolari muri icyo gihe, ayaburagaho akaba yajyaga atangwa n’ibigo nka Bralirwa, Access to Finance Rwanda n’abandi baterankunga mpuzamahanga.

Abayobozi ba pariki bavuga ko ibi bigiye guhinduka

Jean Paul Karinganire, Umuyobozi ushinzwe Imari n’Isuzuma ry’Inkunga muri Akagera, avuga ko barimo gukora ku buryobunguka.

Ati “Duteganya ko Pariki y’Akagera izaba izunguka cyangwa se idahomba mu 2028. Turi mu cyerekezo cyiza, ariko bisaba ko tugera ku basura pariki 65,000 buri mwaka kugeza mu 2027, kandi bakayisura igihe kirekire.”

Kuva hatangira ubufatanye na Arsenal FC mu 2018, umubare w’Abongereza basura Akagera wariyongereye. Ubundi bufatanye bwakurikiyeho na Paris Saint-Germain na FC Barcelona bwafunguye amarembo ku isoko ry’Abafaransa n’Abadage, bituma umubare wa ba mukerarugendo bo ku mugabane w’u Burayi urushaho kuzamuka.

Uku kwigaragaza ku rwego mpuzamahanga byasyize u Rwanda mu bihugu byakira ba mukerarugendo batanga amafaranga menshi kandi bahatinda. Buri mukerarugendo nibura atanga $200, abashinzwe pariki bakemeza ko amafaranga ashobora kwiyongera akagera kuri Miliyoni 7.6 z’Amadolari mu 2028, bikaba byatuma pariki yunguka.

Kuva mu 2010, abasura pariki bamaze kugera ku 470,622, aho Abanyarwanda bagize 45%. Umubare w’abasura iyi pariki ntugabanuka kuva mu 2021, ikaba ikomeje kuguma ku mubare wa 62,000 w’abayisura buri mwaka.

Kubungabunga urusobe rw’ibinyabuzima byazamuye umusaruro

Kugaruka kw’Intare muri 2015 n’Inkura mu 2017 byatumye Akagera iba pariki yonyine mu Rwanda ibarizwamo inyamaswa eshanu za mbere nini (Big Five).

Amafaranga yinjiye yavuye ku Madolari 203,000 mu 2010 agera kuri Miliyoni 4.7 mu 2024, bikaba bituruka ku kuba inyamaswa zaragarutse, ndetse no ku bwiyongere bwa ba mukerarugendo.
Ku rwego rw’Igihugu, Pariki y’Akagera yatanze imisoro ndetse n’amafaranga yo mu bigega by’ingoboka agera kuri Miliyoni 8.3 z’Amadolari hagati ya 2010 na 2025. Ayandi Miliyoni 4.7 yagejejwe ku baturage biciye mu mishanga bakora ndetse n’abahabwa inkunga, ibimenyerewe nka ‘Revenue sharing’.

Uburobyi: Nubwo budashamaje ariko ni inyongera ihoraho

Uburobyi mu biyaga by’Akagera burimo ifi nka tilapia n’izindi, bumaze kuba inkomoko y’amikoro ku baturage ndetse bukanunganira umutungo wa pariki.

Jean Paul Karinganire

Nubwo uburobyi muri iki gihe bwinjije 4% gusa by’inyungu zose za pariki, igihe cya COVID-19 bwigeze kugera kuri 13% na 9% hagati ya 2020 na 2022.

Ubushimusi n’amakimbirane hagati y’abantu n’inyamaswa

Nubwo hari intambwe ikomeye imaze guterwa, Pariki y’Akagera iracyahanganye n’ubushimusi, ndetse n’amakimbirane hagati y’inyamaswa n’abantu, cyane cyane mu Karere ka Nyagatare. Ibitera, imbogo, inkura n’ingona, ni zimwe mu nyamaswa zangiza imyaka y’abaturage, kikaba ari ikibazo Karinganire ahuza n’igihe pariki yari ikiri ntoya.

Ati “Iki ni ikibazo kiri ku rwego rw’Igihugu, kandi kiracyaganirwaho mu gushakisha uburyo cyakemuka”

Mu 2013, hafashwe imitego isaga 2,000, ariko umubare waragabanutse ugera munsi ya 100 bitewe n’ingamba zo kongera umutekano, abarinzi bazenguruka pariki n’inkuta z’amashanyarazi zubatswe ku ntera ya kilometero 120.

Karinganire avuga ko ubu gushimuta inyamaswa nini kwagabanutse cyane, hasigaye ubundi bushimusi buke bukorwa n’abaturage bavuga ko babiterwa no gushaka imibereho.

WHO yashyizeho intego mpuzamahanga za 90-70-90, ni ukuvuga abagore 90% bakingiwe kanseri y’inkondo y’umura, 70% bakayisuzumwa bari hagati y’imyaka 35-45, ndetse na 90% babona ubuvuzi, hagamijwe kurandura kanseri y’inkondo y’umura nk’ikibazo cy’ubuzima rusange bitarenze 2030.

Richard Freeman, ushinzwe ibikorwa bya WHO ku rwego rw’Isi, yabivugiye mu igenzura ry’ibikorwa bya WHO, ubwo yari kuri COR-UNUM Health Centre ku Kimisagara, ku wa Mbere tariki 17 Ugushyingo 2025.

Uru ruzinduko rwahuriranye n’umunsi mpuzamahanga wa mbere wo Kurandura Kanseri, washyizweho n’inama mpuzamahanga ku buzima muri uyu mwaka, ukaba ari wo munsi wa mbere ugenewe kurwanya kanseri yihariye ku rwego rw’Isi.

Freeman yavuze ko u Rwanda rwaje ‘mu b’imbere’ kuva mu 2018 ubwo Umuyobozi Mukuru wa WHO yatangazaga bwa mbere, gahunda yo kurandura kanseri y’inkondo y’umura ku Isi.

Ati “U Rwanda rwayoboye ibindi bihugu mu kugera ku gipimo cyisumbuye cyo gukingira kanseri y’inkondo y’umura”.

Ati “Twishimira kubona intambwe igaragara iterwa mu kongera serivisi zo gusuzuma no kuvura. Ni ubufatanye bw’impande zombi, ibindi bihugu biragenda byigira ku dushya dukorerwa hano.”

Yongeyeho ko uturere tumwe tumaze kwerekana ko intego yo kurandura iyi kanseri ishoboka kandi yanagerwaho.

U Rwanda ruri mu bihugu bifatwa nk’iby’imbere ku Isi, nyuma yo gutangiza gahunda ya ‘Mission 2027’, igamije kugera ku ntego za WHO mu myaka itatu mbere y’igihe cyateganyijwe.

Iyi gahunda yubakiye ku musaruro wavuye ku gukingira kanseri y’inkondo y’umura ku rwego rwo hejuru, no ku buryo bwo gusuzuma no kuvura bugezweho, kandi buhera mu nzego zo hasi.

Mu 2025, Minisiteri y’Ubuzima yatangije gahunda y’ihutisha kurandura kanseri y’inkondo y’umura (2024-2027), yibanda ku kwagura icyarimwe ibikorwa byo kwirinda, gusuzuma no kuvura.

U Rwanda rwabaye Igihugu cya mbere muri Afurika cyatangije gahunda yo gukingira kanseri y’inkondo y’umura mu 2011, kandi rugera ku kigero kirenga 90% mu bakobwa bakingirwa bari hagati y’imyaka 12-15.

Gusuzuma:

Mu rwego rwo kugera ku bagore bavutse mbere y’igihe cyo gukingira, u Rwanda ruri kwimukira ku gusuzuma hifashishijwe ‘HPV DNA’ nk’uburyo bw’ibanze bwo gusuzuma abagore bari hagati y’imyaka 30-49. Izi serivisi zirimo gushyirwa mu bigo nderabuzima, hagamijwe gupima abagore 1.3 miliyoni bari mu bugarijwe n’iyindwara.

Igihugu kirimo kongera uburyo bwo gusuzuma no kuvura mu bigo nderabuzima, no kongera ubushobozi mu buvuzi bwa kanseri, hakoreshwa ‘chemotherapy’, ‘radiotherapy’ n’uburyobwo kurwanya ububabare (palliative care), kugira ngo 90% by’abagore barwaye kanseri babona ubuvuzi ku gihe kandi bakitabwaho neza.

Dr. François Uwinkindi

Dr. François Uwinkindi, Umuyobozi w’Ishami ry’Indwara zitandura mu Kigo cy’Igihugu cyita ku Buzima (RBC), yavuze ko u Rwanda rwamaze kugera ku ntego yo gukingira abakobwa b’imyaka 12, rukaba rwageze kuri 90% by’intego y’ikingira.

Yavuze ko nubwo hari intambwe igaragara mu turere umunani tw’Igihugu, umubare w’abagaragayeho kanseri ukiri hasi ugereranyije n’ibyari biteganyijwe ku rwego rw’Igihugu, bigaragaza icyuho mu gusuzuma.

Ati “Turacyari inyuma. Tugeze kuri 30% by’abamaze gupimwa. Ni yo mpamvu twatangije ubu bukangurambaga. Hamwe n’ikoranabuhanga rishya, tuzagera kuri 70% mu myaka ibiri iri imbere.”

Kanseri ni yo iza imbere mu ndwara zitandura zica abantu benshi mu Rwanda, aho kanseri y’inkondo y’umura igera ku bantu 700 by’abarwayi bashya buri mwaka.

U Rwanda rufite intego yo kugabaya kanseri y’inkondo y’umura ikagera munsi ya 4 ku bagore 100,000, nk’igipimo WHO yashyizeho mu kurandura iyi kanseri.

Nsoneye yagiye asaba akanahabwa ruswa y’amafaranga na Uwamariya, nyir’uruganda ‘Dusangire Production Ltd’ rukora inzoga mu Karere ka Bugesera, kugira ngo asonerwe binyuranyije n’amategeko mu igenzura rikorwa n’Ikigo Gishinzwe Ubuziranenge bw’Ibiribwa n’Imiti.

Amakuru RIB yatangaje ku rubuga rwayo rwa X, avuga ko dosiye z’abo bombi zoherejwe mu Bushinjacyaha mu gihe bo ubu bafungiye kuri sitasiyo ya RIB ya Nyarugenge n’iya Nyamata, .

RIB iraburira abakora ibintu bitujuje ubuziranenge, ko bakwiye kubihagarika kuko binyuranyije n’amategeko. RIB irakomeza kwibutsa kandi abakoresha ububasha bahabwa n’itegeko mu nyungu zabo bwite ko ari kimwe mu bikorwa bihanwa n’amategeko bitihanganirwa na gato.

Iyo mpanuka yabereye mu Ntara ya Khanh Hoa aho muri Vietnam, aho iyo modoka yari itwaye abantu 32, yagwiriwe n’inkangu maze ihera mu bitaka bivanze n’amabuye, abantu bananirwa kuyivamo, ariko ubutabaze bwaje kuhagera bigoranye, bamwe bararokorwa, abakomeretse bajyanwa kwa muganga.

Ubuyoboze muri iki gihugu butangaza ko mu bikorwa by’ubutabazi n’ubu bigikomeje, imirambo y’abantu bane ari yo yahise iboneka, mu gihe iy’abandi babiri igishakishwa, nk’uko byatangajwe n’ibinyamukuru byo muri icyo gihugu.

Iyo mvura ivanze n’umuyaga wagendaga ku bilometero 33 ku isaha, yaguye mu misozi miremire y’ahitwa Khanh Le Pass, agace gakundwa cyane na ba mukerarugendo, ariko kazwiho gukunda kubamo inkangu mu gihe cy’imvura.

Si aho gusa iyo mvura yaguye ku cyumweru, kuko no mu tundi duce twa Vietnam inkangu zafunze imihanda minini, nk’uhuza amajyaruguru n’amajyepfo y’iki gihugu, bityo ibice by’igihugu bijya mu bwigunge, cyane ko n’ubutabazi bugoranye kuko iyo mvura igwa ubudahita.

Vietnam ni igihugu kigizwe ahanini n’imisozi miremire, kigira imvura nyinshi, bikagishyira mu bihugu bya mbere ku Isi bikunze kwibasirwa n’inkangu n’imyuzure, bikunda kwangiza byinshi birimo n’ubuzima bw’abantu buhatakarira, cyane ko hafi ya kimwe cya kabiri cy’abaturage b’iki gihugu batuye mu manegeka.

Ubushinjacyaha Bukuru burishimira ibyo bwagezeho muri 2024-2025

Ibi ni ibigaragara muri raporo y’uru rwego, yerekana ibyo rwagezeho kuva muri Nyakanga 2024 kugeza muri Kamena 2025.

Iyi raporo kandi igaragaza ko amadosiye Ubushinjacyaha bwakiriye yagabanutse, aho ikigereranyo cyerekana ko muri 2024-2025 hakiriwe amadosiye 78,489 mu gihe mu mwaka ushize wa 2023-2024, hakiriwe amadosiye 90,493, bigaragara ko yagabanutseho 12,004 angana na 13%.

Iyo usesenguye neza nk’uko iyi raporo ikomeza ibyerekana, usanga iri gabanuka ryaraturutse ku kuvugurura Itegeko ry’imiburanishirize y’imanza nshinjabyaha, aho Urwego rw’Igihugu rw’Ubugenzacyaha, RIB, rwahawe ububasha bwo gushyingura amadosiye rubona ko atari ngombwa koherezwa mu Bushinjacyaha Bukuru.

Kugabanya amadosiye ajya mu nkiko, ni imwe mu ngingo zagarutsweho mu nama ngarukamwaka y’urwego rw’Ubushinjacyaha, yabaye ku wa Gatanu tariki 14 Ugushyingo 2025, yahuje abayobozi bakuru mu rwego rw’ubutabera ndetse n’abakozi batandukanye muri uru rwego.

Perezida w’Urukiko rw’Ikirenga, Mukantaganzwa Domitille ubwo yatangizaga iyi nama, yashishikarije abashinjacyaha, gushyira imbere uburyo butandukanye bwo kurangiza imanza hatabayeho kujya mu nkiko.

Yagize ati “Itegeko ryerekeye imiburanishirize y’imanza nshinjabyaha, rishyiraho uburyo butandukanye burimo itangwa ry’ingwate mu mwanya wo gufunga by’agateganyo ukurikiranyweho ibyaha, harimo guca ihazabu hatabaye urubanza, hakabamo ubuhuza hagati y’uwakoze icyaha n’uwagikorewe, ndetse n’ubwumvikane bushingiye ku kwemera icyaha, gusa uko bigaragara ubu buryo ntibukoreshwa ku kigero gikwiriye”.

Yungamo ati “Kugira ngo tugere ku ntego yo gutanga ubutabera bunoze kandi bwihuse, butekanisha abaturarwanda, ndashishikariza Ubushinjacyaha kurusaho gukoresha ubwo buryo aho bishoboka hose, kuko ari bumwe mu buryo buzatuma umubare w’amadosiye aregerwa inkiko ugabanuka. Ibi biha abashinjacyaha umwanya wo kuyategura neza, ndetse no ku ruhande rw’abacamanza hakabaho guca imanza z’ubudakemwa”.

Uyu muyobozi akomeza avuga ko uburyo bw’ubwumvikane bushingiye ku kwemera icyaha (Plea bargaining) ari ingenzi, kuko bugabanya imanza zijya mu nkiko bitari ngombwa, bukaba ari bwo ashishikariza abashinjacyaha gukoresha aho bishoboka.

Perezida w’Urukiko rw’Ikirenga, Mukantaganzwa Domitille

Urwego rw’Ubushinjacyaha kandi rwishimira ko uburyo bwo gukora amadosiye bugenda bunoga kurushaho, ibi ngo bikaba bigaragazwa n’uko ikigero cyo gutsinda (conviction rate) cyazamutse kikaba kigeze kuri 94.4% ari na wo muhigo uru rwego rwari rufite, ari byo bigaragaza ko amadosiye yakozwe neza bigatuma ruyatsinda mu nkiko.

Icyakora, uru rwego nubwo rwishimira ibyo rwagezeho, runagaragaza ko hakiri imbogamizi mu mikorere yarwo, zirimo ikibazo gikomeye cy’abakozi bake, imiterere y’ibyaha muri iki gihe cyane cyane ibyaha bishingiye ku ikoranabuhanga kuko kubishakira ibimenyetso ngo bigoye.

Minisitiri w’Ingabo z’u Rwanda, Juvenal Marizambunda

Yabigarutseho kuri uyu wa Mbere tariki 10 Ugushyingo 2025, ubwo yatangizaga ku mugaragaro Inama ya 19 y’Abayobozi b’Amashuri Makuru ya Gisirikare yo muri Afurika (ACOC) irimo kubera i Kigali, ikaba ifite insanganyamatsiko igira iti “Ejo hazaza h’amahugurwa n’amasomo ya gisirikare muri Afurika: Gukuraho icyuho cy’ikoranabuhanga (The Future of Africa Military Training and Education: Bridging the Digital Divide).”

Muri iyi nama, Minisitiri Marizamunda yavuze ko ubufatanye nokungurana ubumenyi ari byo bizongera imbaraga ubwirinzi bwa Afurika.

Ati “Mu bihe bya none byaranzwe n’ukwihuza kw’Isi, urujya n’uruza rw’ibitekerezo n’ikoranabuhanga riri ku rwego rwo hejuru, ubushobozi bw’inzego zacu bwo kwiyungura ubumenyi, guhanga udushya no gufatanya ni byo bigena imbaraga z’ubwirinzi bwacu nk’Abanyafurika”.

Yakomeje avuga ko ibibazo Afurika ihanganye nabyo ari byinshi kandi bitandukanye, uhereye ku iterabwoba, intambara z’ikoranabuhanga, abimukira binjira mu buryo bunyuranyije n’amategeko, ibyaha ndengamipaka kugeza ku bibazo bishingiye ku mihindagurikire y’ibihe.

Ati “Kugira ngo ibi bibashe kugerwaho, bisaba urubyiruko rw’abasirikare badafite gusa ubuhanga mu bya gisirikare, ahubwo banafite ubumenyi mu ikoranabuhanga, bubakiye ku ndangagaciro z’ubunyangamugayo kandi bashoboye gutekereza mu buryo buhanitse ndetse bwagutse. Ibi ni byo bigize ishingiro ry’amashuri y’ubumenyi n’ubuhanga by’ingabo mu kinyejana cya 21".

Yakomeje ashimira ACOC ku ruhare rwayo mu guteza imbere intego imwe ihuza Amashuri Makuru ya Gisirikare ku mugabane wa Afurika. Avuga ko ibi bituma ayo mashuri asangira ubunararibonye, agahuza gahunda zayo z’amasomo, ndetse akubaka uburyo bukomatanyije bwo kurinda umugabane wa Afurika, nk’uko biri muri gahunda z’Umuryango wa Afurika yunze Ubumwe, AU, n’iz’Ingabo zihora ziteguye za Afurika (ASF).

Minisitiri Marizamunda yunzemo ati “Ndashimira kandi Ikigo cya RDF Command and Staff College, ku buyobozi bwacyo bw’intangarugero nk’ikigo kiri ku buyobozi bwa ACOC muri uyu mwaka, ndetse no ku kwakira inama za Troika and Chief Instructors’ workshops, zabaye muri uyu mwaka. Ubwitange bwanyu bwagize uruhare runini mu gutegura neza no gutsindira iyi nama ya 19”.

Iyi nama yitabiriwe n’abayobozi b’amashuri makuru ya gisirikare yo muri Afurika, Urwego rushinzwe Umutekano n’Amahoro muri AU, inzobere mu bya gisirikare, abafatanyabikorwa mu bya gisirikare, n’abahanga mu by’umutekano w’Akarere, baturutse mu bihugu 24.

VIDEO - Minisitiri w’Ingabo z’u Rwanda, Juvenal Marizamunda, avuga ko ahazaza h’igisirikare cya Afurika haturuka ku byo abayobozi bacyo bemeranyaho ndetse no ku byo biyemeza mu biganiro barimo kugirana.

Yabigarutseho kuri uyu wa Mbere tariki 10 Ugushyingo 2025, ubwo yatangizaga… pic.twitter.com/p6kmpqpuV2

— KT Radio (@ktradiorw) November 10, 2025

Maroc U17 bishimira intsinzi

Ibi byabaye ku Cyumweru tariki 9 Ugushyingo 2025, ubwo amakipe yombi yahuraga aho ari mu Gikombe cy’Isi cy’abatarengeje imyaka 17 (U17), kirimo kubera i Doha muri Qatar.

Ikipe ya New Caledonia yahuye n’uruva gusenya, aho abakinnyi bayo babiri bahawe amakarita atukura mu gice cya mbere cy’umukino, bitiza umurindi ikipe ya Maroc n’ubundi yagaragazaga imbaraga kurusha iyo bahanganye, icyo gice cya mbere kirangira Maroc itsinze ibitego 7-0.

Igitego cya mbere cya Maroc cyabonetse ku munota wa 3 w’umukino, gitsinzwe na Bilal Soukrat, byongerera morali iyi kipe. Bakiri muri ibyo byishimo, Oualid Ibn Salah yatsinze ibitego bibiri yikurikiranya, ku munota wa 11 n’uwa 18, ikipe ya New Caledonia itangira gukinana igihunga bituma igenda ikora amakosa menshi, ari na byo byatumye abakinnyi bayo babiri basohorwa mu kibuga nyuma yo guhabwa amakarita atukura.

Icyo cyuho cyashyize ikipe ya New Caledonia mu kaga gakomeye, kuko Maroc yahise ikibyaza umusaruro, nuko Abdelali Daoudi na we yahise atsinda ibitego bibiri mu gihe cy’iminota ibiri, ni ukuvuga ku munota wa 41 n’uwa 42, nyuma yaho ku munota wa 44, Ilyas Hidaoui yatsinze ikindi gitego, nyuma yaho ku munota wa 45 Ziyad Baha atsinda igitego cyasoje igice cya mbere cy’umukino, bajya mu karuhuko.

Mu gice cya kabiri nabwo Maroc yakomeje kunyagira imvura y’ibitego New Caledonia, umukino urangira Maroc itsinze ibitego 16-0, ibi bikaba byabaye nyuma y’aho Espagne na yo yari yatsinze ibitego 13-0 ikipe ya New Zealand muri aya marushanwa

Gen (Rtd) Fred Ibingira

Yabigarutseho kuri uyu wa Gatandatu tariki 8 Ugushyingo 2025, ubwo yari yitabiriye ihuriro ngarukamwaka rya Unity Club Intwararumuri, agahabwa umwanya wo kuganiriza abitabiriye iryo huriro ku bijyanye n’urugamba rwo kubohora Igihugu.

Gen (Rtd) Ibingira yavuze ko kugira ngo Inkotanyi zitsinde urugamba rwo kubohora u Rwanda, byatewe n’uko bari bafite Umuyobozi muzima.

Yagize ati “Burya buri kintu cyose kigira ukiyobora, umuryango ugira uwuyobora, n’inyamaswa ziri mu ishyamba zigira umutware. Natwe rero ku rugamba twari dufite umuyobozi muzima, ari yo mpamvu twarutsinze”.

Ayavugaga Perezida Paul Kagame, yita ‘Afande wayoboye urugamba’, kugora ngo amutandukanye n’abandi ba Afande, kuko yabaye umuyobozi w’indashyikirwa, cyane ko na nyuma y’urugamba yasabye abasirikare ayoboye kutihorera.

Ati “Twarahagurutse rero tumze kumva inyigisho ze, dufite amabwiriza tugenderaho. Yaratubwiye ati mwemuyoboye Ingabo, mukurikirane abo muyoboye kugira ngo hatagira umusirikare wihorera. Tekereza ufite imbunda, yuzuye amasasu, uraje usanze umuryango wawe, so, mama wawe, abavandimwe bishwe bose, ababishe cyangwa uwabishe araho nagho, ufite ubwo bushobozi nawe bwogukora ibyo bakoze, ariko ntukore icyo kintu”.

Akomeza avuga ko icyabashoboje ibyo ari uko bari bafite umuyobozi mwiza, ati “Iyo tutagira umuyobozi mwiza, ntibyari gushoboka”.

Yungamo ko Umuyobozi w’urugamba yakoze ibyananiye Isi yose, ahagarika Jenoside yakorerwaga Abatutsi.

Ari “Tekereza umuntu wari ufite imyaka 33, akabasha gukora icyananiye Isi yose. Agukurikirana abo yayoboraga ari umwana nka bo, kuko bari mu myaka 24, 25, 26, ngira ngo uwari mukuru yari afite imyaka 40”.

Akomeza avuga na ko nyuma ya Jenoside Umuyobozi mwiza yakomeje ikivi yatangiye, hakurikiraro gahunda zo gusana Igihugu cyasaga n’ikitakiriho, haba mu bukungu, haba mu kunga Abanyarwanda, haba mu kunga Ingabo zarwanaga, byose arabitunganya.

Icyakora yavuze ko bitari byoroshye, kuko nyuma yaho hadutse abacengezi, atanga urugero rw’ahitwa ku Kirenge muri Rulindo, aho bahagarikaga imodoka zitwara abagenzi, bakabwira Abahutu ngo basohoke naho Abatutsi basigaremo, imodoka bakayikinga bakayimenaho lisansi bagatwika.

Icyo kibazo na cyo Umuyobozi ngo yaragikurikiranye, habaho kuvangura abaturage beza n’abacengezi, ikibazo kirarangira, ari ho akomeza agira ati “guhitamo kwacu ntikwatubeshye”.

Reba ibindi muri iyi video:

Amafoto: Eric Ruzindana

Video: George Salomo

Iyo nkubi y’umuyaga yiswe Kalmaegi ufite umuvuduko w’ibilometero 130 ku isaha, yibasiye bikomeye imijyi yose yo ku kirwa gituwe cyane cya Cedu, ari na ho abagera kuri 49 mu bapfuye bari baherereye, ibyo bikaba byarabaye ku wa Kabiri tariki 4 Ugushyingo 2025.

Biravugwa ko mu bapfuye harimo n’itsinda ry’abasirikare batandatu bari bagiye mu bikorwa by’ubutabazi bari mu ndege ya kajugujugu, yakoreye impanuka ku kirwa cya Mindanao, iyo ndege ikaba ari imwe muri enye zari zoherejwe gutabara abari mu kaga, nk’uko ubuyobozi bwakomeje bubitangaza.

Umuvugizi w’ingabo zirwanira mu kirere muri iki gihugu, yavuze ko itumanaho ry’iyo kajugujugu ryahagaze, bagerageza gushakisha ngo bamenye ikibazo, ariko nyuma aza kuvuga ko imirambo y’abo batandatu bose yaje kuboneka.

Nubwo iyo nkubi y’umuyaga yagabanyije ubukana mu gitondo cyo kuri uyu wa gatatu, abayobozi bavuga ko hari ibibazo bikomeye kuko imodoka nyinsi, ibiti n’ibindi byafunze imihanda, bakavuga ko bafite akazi gakomeye ko gukomeza gukora ubutabazi ndetse no kugarura ubuzima muri iyo mijyi ya Cedu.

Izo modoka n’ibisigazwa by’inzu zasenyutse, byivanze n’icyondo cyinshi ku buryo kubona aho kunyura ngo abantu baheze mu nzu n’abahungiye hejuru y’izitasenyutse batabarwe, gusa amatsinda y’abatabazi akomeje kugerageza ibishoboka byose ngo abagereho.

Ibirya bya Philippines bikunze kwibasirwa n’imiyaga ikaze, aho ngo buri mwaka nibura bihura n’igera kuri 20, uyu wabaye ejo ku wa kabiri ukaba waje ukurikira undi waherukaga guteza ibyago byahitanye abantu barenga 12.

Umuhanzi Ngabonziza Augustin yitabye Imana

Uyu muhanzi yamenyakanye cyane muri orchestre zitandunye nka ‘Les Citadins’, ari na we wayishinze afatanyije na mukuru we Ngaboyisonga Bernard, banafatanyije mu bihangano bitandukanye, nk’uko byatangajwe na Andre Glomyko wabanye na we, wanamufashije mu by’umuziki, mu kiganiro yagiranye na RBA.

Mu ndirimbo za Orchestre Les Citadins Ngabonziza yagizemo uruhare harimo Ancilla, Iwacu mu Rwanda, Yewe mwari byose birakunaniye, Rugori rwera, Nkumi nziza, Ubugeni (itaramenyekanye cyane) n’izindi nyinshi.

Abana bahabwa urubuga rwo gutanga ibitekerezo byabo

Ibi byagarutsweho kuri uyu wa Gatandatu tariki 1 Ugushyingo 2025, ubwo habaga ibiganiro byahuje abana bahagarariye abandi na bamwe mu bayobozi bafite aho bahurira no kubungabunga ibidukikije, hagamijwe kumva ibitekerezo by’abana ku mihindagurikire y’ikirere ndetse n’ibyifuzo byabo, igikorwa cyateguwe n’Umuryango mpuzamahanga wo kurengera abana (Save The Children), ndetse n’abandi bafatanyabikorwa.

Umukozi w’Ikigo cy’Igihugu cyo kubungabunga Ibidukikije (REMA) ushinzwe kugenzura imyuka yongera ubushyuhe ku Isi, David Ukwishaka, avuga ko ari ngenzi ko abana babigiramo uruhare, cyane ko bari mu bo imihindagurikire y’ibihe igiraho ingaruka cyane.

Agira ati “Abana bari mu ba mbere bagirwaho ingaruka zikomeye n’imihindagurikire y’ibihe, urugero urabona ko ari abanyeshuri, iyo amashuri yangijwe n’ibiza bahagarika kwiga ndetse byatinda hakagira abatarigarukamo. Abana rero bafite uruhare mu guhangana n’iki kibazo, ntabwo dukwiriye kubabona nk’ab’ahazaza gusa, nk’uko na bo babyivugira ko tudakwiye kubasiga inyuma muri uru rugamba, ko ahubwo ari abafanyabikorwa”.

Akomeza avuga ko igishimishije ari uko n’abana ubwabo bumva ko ari ikibabazo gihangayikishije, ari yo mpamvu hari ibikorwa byinshi bakora birimo gutera ibiti n’ibindi.

Habayeho ibiganiro bitandukanye

Umwe mu bana bitabiriye iki gikorwa, Abijuru Ange Aline, wo mu Murenge wa Kigali mu Mujyi wa Kigali, avuga ko ibibazo biterwa n’ihindagurika ry’ibihe abizi akanagaragaza uruhare rwe na bagenzi mu kubikumira.

Ati “Icya mbere ni uko ingaruka ziterwa n’ihindagurika ry’ibihe natwe zitugeraho, ugasanga inzu z’abantu zirasenyutse babuze aho kuba, aho haba harimo n’abana. Ni yo mpamvu mu byo dukora twiyemeje gutera ibiti byinshi, gutoragura imyanda igashyirwa ahabugenewe n’ibindi, tugamije guhangana n’ibyo bibazo. Mu matsinda dukoreramo nk’abana, tumaze gutera ibiti 1,200 mu murenge ntuyemo, kandi turakomeje”.

Abijuru uherutse mu nama Nyafurika ku mihindagurikire y’ibihe yabereye muri Ethiopia muri Nzeri uyu mwaka, avuga ko yahungukiye ubumenyi bw’ingirakamaro, akaba yarihaye intego yo kubusangiza bagenzi be batagize ayo mahirwe.

Mugenzi we Mucunguzi Amza wiga kuri GS Cyivugiza mu Muyi wa Kigali, na we ati “Aho nagiye hose mu nama bavuga ku bidukikije, bigaragara ko kubyitaho ari ingenzi. Ni yo mpamvu niyemeje gutanga ibitekerezo nk’umwana, kugira ngo ibidukorerwa natwe tubigiremo uruhare. Ubu ku ishuri aho niga ndetse no mu nkengero zaryo, twiteguye gutera ibiti muri uku kwezi kugira ngo dukumire ingaruka z’ibiza, ndetse umujyi wacu ube mwiza kurushaho tunabone umwuka mwiza wo guhumeka”.

Abana batozwa kumeny akuvugira mu ruhamwe

Umuyobozi ushinzwe porogaramu n’ireme ryazo muri Save The Children, Marcel Sibomana, avuga ko gutoza umwana kugira uruhare mu bikorerwa ari ingenzi mu mikurire ye.

Ati “Save The Children nk’umuryango wita ku bana, turabahugura, tukabatoza kugira inshingano bakiri bato, kuko nk’iyo bavuze ngo buri muntu atere igiti, umwana na we biramureba kandi arabishoboye. Ibi rero ni uburyo bwo gutegura umwana kuba umuyobozi, ushobora gutanga ibitekerezo, bityo naba mukuru agahabwa inshingano ntihazagire ikimutungura. Ni yo mpamvu rero dushaka ko ibi bibazo isi yikoreye birimo n’imihindagurikire y’ibihe umwana abimenya hakiri kare, bityo nakura azabe mu babibonera ibisubizo”.

Akomeza avuga ko mu biganiro nk’ibi bahuza abana n’abayobozi, hagamijwe ko ibitekerezo byabo byumvikana, bikagezwa no hejuru, bityo n’ibyifuzo byabo bikaba byabonerwa ibisubizo.

Sibomana avuga kandi ko kugeza ubu ibikorwa nk’ibi bimaze kugera ku bana barenga ibihumbi 500, mu turere dutandukanye kandi n’abana bafite ubumuga na bo ntibabihezwamo.

Iyi nama Save The Children iyitegura ku bufatanye n’indi miryango nka Uwezo Youth Empowerment ukurikirana ahanini abana bafite ubumuga, Children’s Voice Today n’indi.

Marcel Sibomana

Bakiriwe n’Umuyobozi w’Inzego z’umutekano z’u Rwanda (RSF) ziri muri icyo gihugu, Maj Gen Vincent Gatama, hamwe n’abandi bayobozi bakuru ba RSF, babagezaho ishusho rusange y’umutekano mu gace Ingabo z’u Rwanda zishinzwe kurinda.

Intego y’uru ruzinduko yari uguha ikaze inzego z’umutekano z’u Rwanda, ziherutse koherezwa muri Mozambique ziyobowe na Maj Gen Vincent Gatama, basimbuye bagenzi babo bari basanzwe bakorera muri Cabo Delgado.

Uruzinduko kandi rwari rugamije gushimangira umubano n’ubufatanye hagati y’ingabo z’ibihugu byombi.

Umugaba Mukuru w’Ingabo za Mozambique, yatangaje ko urwego ruhuriweho rw’Ingabo z’ibihugu byombi rugiye kwimurirwa mu mujyi wa Mocímboa da Praia, ruvanywe Pemba, mu gushimangira imikoranire n’ihuzabikorwa mu bihe bizaza. Yasabye Ingabo z’u Rwanda n’iza Mozambique gukomeza gukorana neza, kugira ngo bazagere ku ntego zabo za gisirikare.

Gen Jane yongeye kugaragaza ubushake bwe bwo gushyigikira inzego z’umutekano z’impande zombi mu kurangiza neza ubutumwa zahawe. Yashimye akazi gakomeye Ingabo z’u Rwanda na Mozambique bamaze gukora mu rugamba rwo kurwanya iterabwoba muri Cabo Delgado, anashimira RSF ku ruhare rugaragara yagize mu kugarura amahoro n’umutekano muri iyo ntara, nk’uko byatangajwe ku rubuga rwa Minisiteri y’Ingabo z’u Rwanda.

Imiti igabanya ubukana bwa virusi itera Sida mu Rwanda irahari ihagije

Nyiranzayisaba Rose wo Karere ka Muhanga, Umurenge wa Shyogwe mu Kagari ka Mubuga, aganira na Kigali Today, yavuze ko yamenye ko yanduye virusi itera Sida mu 2007, ubwo kwa muganga bamupiga agiye kubyara umwana we wa mbere.

Agira ati “Bakimara kubimbwira narahahamutse, ndiheba, ndiyanga kuko numvaga ko mpfuye. Icyakora abaganga barampumurije, bambwira ko ntacyo nzaba kuko imiti ihari. Nyuma yaho naje kubibwira umugabo wanjye, biramubabaza ariko ntiyandakarira kuko n’ubundi twari dusanzwe tubanye neza, ahubwo ahita afata icyemezo cyo kujya kwipimisha ngo arebe uko ahagaze, asanga na we yaranduye”.

Uyu mugore w’imyaka 56, avuga ko mu minsi ya mbere byabagoye kubyakira, ndetse arananuka ku buryo yagize ibiro 45, ariko nyuma yo kugirwa inama, we n’umugabo we batangira gufata imiti igabanya ubukana bwa virusi itera Sida.

Igihe cyarageze bapimisha wa mwana wabo, by’amahirwe basanga nta bwandu afite, ni ko guhita biyemeza gukurikiza inama z’abaganga zo gufata imiti no kwiyitaho, kugira ngo bagire imbaraga bakore bite ku muryango wabo, kandi babigezeho kuko n’ubu baraho bameze neza.

Nyiranzayisaba arakomeza ati “Naje kubona ko ubuzima bushobora gukomeza, muri 2019 mbyara undi mwana na we avuka nta bwandu bwa virusi itera Sida afite kubera ko abaganga bankurikiraniraga hafi. Nyuma nanone nabyaye abandi bana babiri, na bo baza bameze neza, nuko ndekeraho kubyara, ubu ni bakuru kabdi bariga neza. Aya mahirwe rero nkaba nyakesha gufata imiti neza”.

Abana bacu twababwije ukuri

Nyiranzayisaba avuga ko abana babo bamaze gukura, babicaje babawira ikibazo bafite, ariko kandi baranabahumuriza.

Ati “Abana twarabicaje tubabwira ko twanduye virusi itera Sida, ntibyabahungabanyije cyane kuko babonaga dukomeye kandi ntacyo batuburana. Iyo isaha igeze yo gufata imiti, ntuma umwana akagenda akayinzanira, ngafata ikinini nkakinywa bandeba, nkanababwira ko ari cyo gitumba mbaho neza”.

Ati “Ibi bituma umwana nta matsiko agirira ibyo binini umubyeyi we anywa buri munsi, akabifata nk’ibisanzwe, ku buryo anabyumvise hanze bitagira icyo bimutwara. Ibi binajyana n’uko ntanga ubuhamya ahahurira abantu benshi, ngakomeza bagenzi banjye na bo banduye, kugira ngo bumve ko ubuzima bukomeza”.

Akato kahawe akato

Nyiranzayisaba avuga ko nyuma yo kwiyakira, akiyemeza gukora no kubwira abandi ububi bwa Sida n’ibyiza byo gufata imiti igabanya ubukana bwayo, abamuhaga akato bamugarukiye.

Ati “Abantu bakimenya ibyacu baduhaye akato mu buryo bukomeye, kugeza ubwo numvaga ntashaka kuva mu rugo. N’abo mu muryango wanjye baranyinubaga, ngo igikatsi nasomyeho nta wundi wagisomaho, bikambabaza ariko nkikomeza, ibanga ryanjye rikaba ari iryo kwiyitaho no gukora cyane urugo rukajya mbere”.

Ati “Kubera ko nari naramaze kwiyakira, umubiri warasubiranye, mva ku biro 45 nari mfite nkimenya ko nanduye none ubu mfite ibiro 62, barandeba bikabayobera. Abampaga akato ubu barangarukiye, turasabana, mbagira inama bakanyumva, ahubwo bakambaza ibanga nkoresha, nti ni ugufata imiti neza no kwiyitaho. Ikindi ubu umugabo wanjye ashinzwe umutekano mu Kagari kacu ka Mubuga, bivuze ko bamutoye bamuzi, ntabwo bakiduha akato, karacitse rwose kubera ko imyumvire yazamutse”.

Uyu mugore n’umugabo we kugeza ubu babanye neza, barera abana babo uko bikwiye, ndetse bakaba bahatana nk’abandi Banyarwanda kugira ngo biteze imbere, kuko Leta ibitayeho.

Iterambere bagezeho barikesha imiti bafata

Nyiranzayisaba avuga ko hari byinshi bagenda bageraho biteza imbere, kuko babonye ko babayeho kimwe n’abandi.

Ati “Tumaze kwiyakira ni bwo twahagurutse turakora, turahinga biradukundira, ahubwo dutangira kugura n’indi mirima ngo twagure ubuhinzi bwacu kuko nabonaga ko hamiro inyungu. Ibi byatumye n’akazu gato twabagamo, tukavugurura, turakagura none ubu ni inzu nini nziza umuryango wisanzuramo”.

Ati “Ubu turorora, dufite inka ikamwa, dutunze ingurube zitari nke, mbese ubu turi bandebereho. Abana bacu bariga neza, ntawe ubura amafaranga y’ishuri cyangwa ibikoresho cyane ko umwe arangije amashuri yisumbuye. Nta nzara ibarizwa mu rugo rwacu, mbese ubu ni amashimwe kuri Leta yacu imenya abaturage bayo, kuko iriya miti batubwira ko ihenze ariko tukayihabwa ku buntu, igatuma turama”.

Kuri ubu Nyiranzayisaba ari mu ‘bajyana b’urungano’ bakorana n’Urugaga Nyarwanda rw’Abafite Virusi itera Sida (RRP+), aho afatanya n’abandi gukurikirana abafite virusi itera Sida, bakamenya niba bafata imiti neza, niba nta byuririzi bibugarije, uwarwaye bakamujyana kwa muganga, bakabakorera n’ubuvugizi ku bindi bibazo bahura na byo.

Umunyamabanga Nshingwabikorwa wa RRP+, Dr Mutambuka Deo, avuga ko gufata imiti neza ari uburyo bwiza bwo kurwanya ubwandu bushya bwa virusi itera Sida.

Ati “Ni byiza ko umuntu ufite virusi itera Sida uri ku miti ayifata mu gihe cyagenwe yumvikanyeho n’abaganga, akabigira ibye akubahiriza isaha, ibyo bituma agera aho virusi zitakigaragara mu maraso ye bityo ntabe yagira uwo yanduza. Nka RRP+, twashyizeho uburyo buri muntu wese aho ari, niba yananiwe kujya kuyifatira kwa muganga, duhita tuyimugezaho. Dushishikariza abantu rero gufata imiti uko bikwiye, twirinda gusubira aho twavuye”.

U Rwanda ruhagaze neza mu kurwanya Sida

U Rwanda rwamaze kugera ku ntego ya UN ya 95-95-95, bivuze ko 95% by’abaturage bazi uko bahagaze, 95% by’abafite virusi itera Sida bafata imiti igabanya ubukana, kandi 95% by’abafite virusi itera Sida ntibashobora kuyanduza binyuze mu mibonano mpuzabitsina kuko nta virusi zigaragara mu mu maraso yabo. Kuri iyo ntego, ubu u Rwanda rugeze kuri 96-98-98, nk’uko Minisiteri y’Ubuzima yabitangarije mu nama ya 13 y’Umuryango Mpuzamahanga Uharanira kurwanya Sida (IAS), yabereye i Kigali muri Nyakanga uyu mwaka.

Umuyobozi w’Ishami rishinzwe kurwanya virusi itera Sida mu Kigo cy’Igihugu cyita ku Buzima (RBC), Dr. Basil Ikuzo, avuga ko Leta ikora ibishoboka ngo imiti igabanya ubukana bwa virusi itera Sida iboneke, ndetse n’abayifata boroherwe.

Ati “Kugeza ubu imiti iraboneka k’uyikeneye wese ku buntu kandi ku mavuriro yose. Abantu kandi baragenda boroherezwa kugira ngo badahora kwa muganga, kuko ubu hari abajya gufata imiti rimwe mu kwezi, abayifata rimwe mu mezi atatu, hari n’abayifata rimwe mu mezi atandatu bitewe n’uko umuntu yitwara. Ibi byose bikorwa mu buryo bwo korohereza umurwayi”.

RBC ivuga ko ubu hari umuti mushya uterwa mu rushinge, aho kugira ngo umuntu anywe ibinini buri munsi, akaruterwa rimwe mu mezi abiri. Ubu ngo barimo kureba uko hanaboneka undi muti na wo unyuzwa mu rushinge, umuntu agaterwa rumwe mu mezi atandatu.

Uretse iyi miti ihabwa abantu muri rusange, hari n’indi igenewe abantu bafite ibyago byinshi byo kwandura virusi itera Sida yitwa PrEP (Pre-Exposure Prophylaxis). Iyi ihabwa abakora uburaya cyane ko muri aba 35% bafite virusi itera Sida. Hari kandi abagabo baryamana, abagabo baryamana n’abo bahuje igitsina nyuma bakanaryamana n’abo badahuje igitsina n’abandi.

Abaturage bagirwa inama yo gukomeza kwirinda Sida kuko ntaho yagiye, abanduye virusi yayo bagafata imiti uko bikwiye, kuko bituma barama, bakiteza imbere ndetse n’Igihugu, kuko na bo bashoboye.

Alassane Ouattara yongeye gutorerwa kuyobora Côte d’Ivoire

Ibi ni ibyatangajwe ku mugoroba wo ku wa Mbere tariki 27 Ukwakira 2025, ikaba ari imibare y’agateganyo, aho Ouattara yabonye amajwi 89.77%.

Mu bakandida bari bahanganye na Ouattara harimo uwahoze ari Minisitiri w’Ubucuruzi, Jean-Louis Billon, wahise yemera ko yatsinzwe amatora, akaba yabonye amajwi 3.09%, uyu yakurikiwe na Simone Gbagbo, wahoze ari umugore wa Laurent Gbagbo na we wayoboye Côte d’Ivoire, wagize amajwi 2.42%, nk’uko byatangajwe na Perezida wa Komisiyo y’amatora, Ibrahime Coulibaly-Kuibiert.

Ikinyamakuru cy’Abongereza, Reuters, cyatangaje ko Simone Gbagbo yahise ahamagara Alassane Ouattara, amushimira kuba yatsinze amatora.

Ouattara wahoze ari umuyobozi wungirije w’Ikigega mpuzamahanga cy’Imari (IMF), akaba yaragiye ku butegetsi bwa Côte d’Ivoire bwa mbere mu 2011, avuga ko muri iyi manda ya kane azakomeza kuzamura ubukungu bw’igihugu, ashishikariza abashoramari kugigana.

Ubwo Perezida Kagame yageraga i Riyadh, yakiriwe n’Igikomangoma Mohammed bin Salman, bagirana ibiganiro byibanze ku gukomeza ubufatanye bw’u Rwanda na Arabie Saoudite mu nzego zitandukanye, nk’uko byatangajwe n’Ibiro by’Umukuru w’Igihugu, Village Urugwiro, ku mugoroba wo kuri uyu wa Mbere tariki 27 Ukwakira 2025.

Iyi nama izamara iminsi ibiri, ikaba igiye kuba ku nshuro ya cyenda. Izatanga urubuga rwo kuganira no kungurana ibitekerezo hagamijwe gushyiraho uburyo bwo gutanga ibisubizo ku hazaza h’ishoramari n’imiyoborere.

Iyi nama izayoborwa na Richard Attias, Umuyobozi w’Inama y’Ubutegetsi akaba n’Umuyobozi Mukuru w’agateganyo w’Ikigo FII, cyatangiye gukora mu 2017.

Iryo tangazo ryashyizweho umukono na Minisitiri w’Intebe, Herintsalama Rajaonarivelo, rishingiye ku ngingo ya 42 y’Itegeko rigenga ubwenegihugu, igira iti “Umunya-Madagascar wese wafashe ubwenegihugu bw’ikindi gihugu ku bushake bwe, ahita atakaza ubwa Madagascar.”

Andry Rajoelina bivugwa ko yabonye ubwenegihugu bw’u Bufaransa mu mwaka wa 2014, igihe atari agifite inshingano muri Leta y’iki gihugu.

Ubwo bwenegihugu bwamaze igihe buteza impaka nyinshi, ndetse bunibazwaho mu gihe Rajoelina yatangaga kandidatire ye mu matora ya Perezida yo mu 2018 no mu 2023.

Iteka ryo ku wa 24 Ukwakira ryemeje ku mugaragaro ko Rajoelina yatakaje ubwenegihugu bwa Madagascar, rigatangira kubahirizwa ako kanya. Ibi bisobanuye ko anatakaje uburenganzira bwe bw’umuturage n’ubwa politiki muri Madagascar, harimo n’uburenganzira bwo ku matora.

Andry Rajoelina aherutse guhirikwa ku butegetsi bwa Madagascar biturutse ku myigaragambyo ikaze yatangijwe n’urubyiruko rwa ‘Gen Z’ ku ya 25 Nzeri 2025. Ibi byatumye Rajoelina ahunga igihugu atinya kwicwa nk’uko byahwihwiswaga, cyane ko hari n’itsinda ry’abasirikare na bo bitabiriye iyo myigaragambyo.

Col. Michaël Randrianirina wari uyoboye abasirikare bahiritse ubutegetsi bwa Rajoelina, ni we wahise aba Perezida wa Madagascar w’agateganyo, kuva ku itariki 17 Ukwakira 2025, ahita asesa Guverinoma yari iriho ndetse akora n’izindi mpinduka nyinshi, gusa akavuga ko atazatinda gusubiza ubutegetsi abasivili.