Mu Rwanda, si kenshi uzabona ikipe ipfa kumarana umutoza imyaka irenze ibiri, aho ndetse abatoza benshi basazererwa cyangwa bagasezera mu makipe nta mwaka ushize.

Kugeza ubu makipe 16 ari gukina icyicoro cya mbere, ikipe ifite umutoza mukuru imaranye igihe kirenze umwaka ni ikipe ya Muhanga, iyi ikaba itozwa na Abdu Mbarushimana wanayitozaga ikiri mu cyiciro cya kabiri.

Bugesera ni yo kipe yagize abatoza benshi mu myaka itatu ishize

Mu myaka itatu ishize, ikipe ya Bugesera kugeza ubu ni yo kipe imaze gutozwa n’abatoza benshi, aho abagera kuri 11 bamaze kuyitoza mu myaka itatu gusa y’imikino, abenshi bakaba baragiye basezererwa bashijwa kudatanga umusaruro, naho abandi bagasezeraku mpamvu zabo bwite.

Cassa Mbungo mu myaka itatu y’imikino ishize yatoje amakipe atatu mu Rwanda

Mu myaka itatu y’imikino ishize kandi, bigaragara ko umutoza Cassa Mbungo Andre ari we umaze kunyura mu makipe menshi hano mu Rwanda, aho yatoje ikipe ya Sunrise, Kiyovu Sports ndetse na Rayon Sports arimo kugeza ubu.

Nduhirabandi Abdulkalim Coka ni we mutoza wamaze igihe kinini mu ikipe imwe mu Rwanda

Uko amakipe yagiye ahinduranya abatoza mu myaka itatu ishize

Bugesera Fc: Mashami Vincent, Kanyankore Yaounde, Kanyankore Yaounde. Ally Bizimungu , Hitimana Thierry ,Nshimiyimana Maurice Maso ,Jimmy Ndayizeye, Seninga Innocent ,Hassan Muhire, Justin Bisengimana na Masudi Djuma.

Rayon Sports : Ivan Minaert, Karekezi Olivier, Roberto Oliveira Gonçalves do Carmo, Olivier Ovambe , Kayiranga Baptiste , Javier Martinez Espinoza na Cassa Mbungo Andre

APR FC: Yves Rwasamanzi, Ljubomir "Ljupko" Petrović, Jimmy Mulisa, Zlatko Krmpotić, Adil Mohammed Eradi

Police FC : Seninga Innocent, Albert Mphande, Haringingo Francis

As Kigali : Eric Nshimiyimana, Masudi Djuma, Mateso Jean De Dieu, Eric Nshimiyimana (bwa kabiri)

Kiyovu Sports: Cassa Mbungo Andre Kirasa Alain, Mugunga Dieudonne Burucaga ,Ruremesha Emmanuel

Mukura VS: Haringingo Francis, Olivier Ovambe, Tonny Hernandez

Sunrise Fc:, Cassa Mbungo Andre, Gatera Alphonse, Justin Bisengimana, Moses Basena

AS Muhanga: Abdu Mbarushimana

Espoir Fc : Jimmy Ndayizeye ,Okoko Godefroy ,Saidi Abedi Makasi, Rukundo Jean De Dieu

Gasogi: Namahoro Yves, Lomami Marcel, Guy Bukasa

Heroes: Stephen Johansson, Janus Reeiter

Musanze Fc : Habimana Sosthene, Seninga Innocent, Ruremesha Emmanuel ,2019/2020 Niyongabo Amars na Ahmed Mohammed Abdullahim

Etincelles: Ruremesha Emmanuel, Nduhirabandi Abdulkalim Coka, Seninga Innocent, Biizimana Abdu Bekeni na Calum Shaun Selby

Marines:Nduhirabandi Abdulkarim Coka, Yves Rwasamanzi

Gicumbi FC: Bizimana Abdu Bekeni, Banamwana Camarade , Nduwantare Jean Marie, Munyanyindi Jean Paul

Ubusanzwe akenshi amatora cyangwa amahitamo ni kimwe mu bintu abantu benshi batajya bapfa guhurizaho, gusa aha twicaye tugerageza gusubiza amaso inyuma, ngo turebe ikipe y’abakinnyi 11 beza muri shampiyona kugeza ubu.

Hari abanyezamu bagerageje kwitwara neza kugeza ubu barimo Kimenyi Yves, Habarurema Gahungu, Batte Shamiru n’abandi, ba myugariro barimo Manzi Thierry, Mutsinzi Ange, Rugwiro Herve, Moussa Omar n’abandi.

Hari kandi abakinnyi bo hagati bahagaze neza barimo nka Bukuru Christophe, Manishimwe Djabel, Nsabimana Eirc Zidane, Munyakazi Youssuf Lule, ndetse na ba rutahizamu barimo nka Danny Usengimana, Samson Babuwa Shabban Hussein Tchabalala, Iradukunda Bertrand, Michael Sarpong ndetse n’abandi.

Gusa muri aba bose twatoranyije ikipe y’abakinnyi 11 bayobowe na Manzi Thierry nka Kapiteni, Adil Erradi Mohamed utaratsindwa umukino n’umwe muri iyi shampiyona akayibera umutoza mukuru, agafatanya na Moses Basena usanzwe utoza Sunrise.

Dore 11 beza twaguhitiyemo

Mu Izamu

Habarurema Gahungu (Police Fc )

Ni umwe mu banyezamu bigaragaje uyu mwaka, aho yinjiye muri Police avuye muri Sunrise, n’ubwo ikipe ye iri ku mwanya wa gatatu ku rutonde rw’agateganyo rwa shampiyona nyuma y’iminsi 24 imaze gukinwa.

Mu mikino 24 Police FC imaze gukina, yamaze imikino irindwi atinjizwa igitego ari na bimwe mu byatumye ahamagarwa mu kipe y’igihugu Amavubi yateguraga amarushanwa atandukanye.

Ba myugariro

Ombolenga Fitina (APR Fc )

Uyu musore ukina ku ruhande rw’iburyo ni umwe mu bakinnyi baranzwe no kwitara neza Ku mwanya we dore ko Ku mwanya we muri APR FC ari umukinnyi udasimburwa ndetse no mu ikipe y’igihugu Amavubi.

Ombolenga Fitina amaze gutsinda igitego kimwe yatsinze ubwo APR FC yatsindaga Mukura vs ibitego 4-0. Ombolenga yongeye kugaragaza ubunararibonye bwe mu mukino APR FC yatsinzemo Rayon Sports, ubwo yagiraga uruhare mu gitego cyatsinzwe na Byiringiro Lague acenze abakinnyi batatu ba Rayon Sports .

Manzi Thierry ( APR Fc )

Kapiteni wa APR FC ni umwe muri ba myugariro beza bari mu Rwanda, ikipe ya APR Fc imaze kwinjizwa ibitego 11 mu mikino 23 bamaze gukina muri shampiyona. Ni umwe mu bakinnyi bamaze gukina imikino myinshi ndetse akaba yaratsinze gitego bitatu muri shampiyona harimo n’igitego yatsinze Ku mukino wa Rayon Sports aho APR FC yatsindaga ibitego 2-0.

Rugwiro Herve ( Rayon Sports )

Rugwiro Herve Amadeus ni myugariro umeze neza kuva yajya muri Rayon Sports, ni umwe mu bakinnyi bagiye bahindurirwaho bagenzj be bakinana, kuva kuri Iragire Saidi, Ndizeye Samuel na Kayumba Soter bakinana kugera uyu munsi

Rugwiro Herve nka myugariro yagize uruhare rugaragara mu mikino yakinnye muri Rayon Sports aho amaze gutsinda igitego kimwe muri iyi kipe. Icyuho cye cyagaragaye ubwo yari afunze mu mukino APR FC yatsinzemo Rayon sports ibitego 2-0 .

Imanishimwe Emmanuel (APR Fc )

Imanishimwe Emmanuel bakunda kwita Mangwende ni umwe mu bakinnyi beza inyuma ku ruhande rw’ibumoso mu Rwanda, mu mikino amaze gukina muri uyu mwaka yatsinzemo igitego kimwe yatsinze ku mukino APR FC yatsinzemo Marines ibitego 3-0.

Hagati :

Bukuru Christophe (APR FC )

Bukuru Christopher yaje muri APR FC avuye muri mukeba Rayon Sports arekuwe n’ikipe ya Rayon Sports aza guhita yerekeza mu ikipe ya APR FC.

Mu minsi ya mbere muri APR FC bisa ni byamugoye ariko nyuma yo gufatisha mu kibuga Bukuru ni umukinnyi ntasimburwa muri APR Fc, amaze kuyitsindira igitego kanadi akanaba umwe mu bakinnyi iyi kipe yubakiyeho hagati mu kibuga, akaba ari no mu bamaze gutanga imipira yavuyemo ibitego byinshi muri shampiyona

Oumar Sidibe (Rayon Sports)

Ni umukinnyi ukomoka muri Mali waje muri Rayon Sports muri uyu mwaka w’imikino, mbere yo kunyura mu makipe nka Al-Hilal Omdurman yo muri Sudan, AS Vita Club y’I Kinshasa muri DR Congo, ni umwe mu bakinnyi beza bagaragaye muri shampiyona uyu mwaka, aho amaze gutsindira Rayon Sports ibitego bibiri akanaba mu bamaze gutanga imipira myinshi yavuye ibitego muri uyu mwaka w’imikino.

Niyonzima Olivier Sefu (APR FC)

Ni umukinnyi ukina mu kibuga hagati wagiye muri APR FC uyu mwaka avuye muri Rayon Sports, ni umwe mu bafatiye runini ikipe ya APR FC mu kibuga hagati, aho usibye gufasha ba myugariro, anafasha absatira izamu kuko amaze gutsindira APR FC ibitego ndetse anatanga imipira yavuyemo ibitego.

Umwe mu mikino Sefu yigaragajemo harimo umukino ururta indi mu Rwanda uhuza APR na Rayon Sports, aho muri uyu mukino yabujije Oumar Sidibe gukina, bituma arinda avamu kibuga atabashije gutanga imipira kuri ba rutahizamu nka kimwe mu byo azwiho cyane.

Ba rutahizamu

Shabban Hussein Tchabalala (Bugesera FC)

Ni rutahizamu ukomoka i Burundi, akaba amaze gukina mu makipe atatu ya hano mu Rwanda arimo Amagaju, Rayon Sports ndetse na Bugesera, muri aya makipe hose akaba ahora ari mu batsinze ibitego byinshi muri shampiyona, akanayobora ubusatirizi bwayo

Muri uyu mwaka w’imikino mu mikino 24 amaze gukinira ikipe ya Bugesera, amaze kuyitsindira ibitego 13, akaba ari ku mwanya wa kabiri mu bamaze gutsinda ibitego byinshi.

Iradukunda Bertrand (Mukura VS)

Yamenyekanye cyane ari mu Isonga ndetse aza no guhamagarwa mu ikipe y’igihugu, nyuma yaje kwerekeza muri APR FC aho atigezeze agirira amahirwe, aza gusezererwa muri iyi kipe ahita yerekeza muri Bugesera FC, aho yaje kwigaragaza ndetse ahita agurwa n’ikipe ya Mukura VS yari igiye gusohokera u Rwanda.

Iradukunda Bertrand uri gusoza amasezerano ye muri Mukura VS, kugeza ubu n’ubwo hari imikino atakinnye kubera imvune, ari ku mwanya wa gatatu mu bafite ibitego byinshi, aho amaze gutsindira Mukura ibitego 12 mu mikino 24, bivuze ko byibura buri mikino ibiri abona igitego.

Samson Babuwa (Sunrise FC)

Ni umunya-Nigeria ukinira ikipe ya Sunrise, ni rutahizamu umaze kwigaragaza mu Rwanda aho yagiye anatsindaa amakipe akomeye arimo APR FC ndetse na Rayon Sports, ubu akaba ari we uyoboye abandi n’ibitego 15, ubu akaba ari umwe mu bakinnyi bari gushakishwa n’amakipe akomeye mu gihe ari gusoza amasezerano ye.

Ikipe y’abakinnyi 11 beza kugeza ubu (4-3-3)

Habarurema Gahungu

Ombolenga, Manzi Thierry, Rugwiro Herve, Emmanuel Imanishimwe

Niiyonzima Olivier Sefu

Bukuru Christophe, Oumar Sidibe

Iradukunda Bertrand, Samson Babuwa, Shabban Hussein Tchabalala

Mu gihe icyorezo cya Coronavirus cyahagaritse ibikorwa by’imikino ku isi yose, by’umwihariko mu Rwanda shampiyona y’umupira w’amaguru mu Rwanda ari nayo ikurikirwa n’abantu benshi nayo iri mu bikorwa byahagaze.

Ubusanzwe mu Rwanda benshi bamenyereye ko abakinnyi basinya amasezerano arangirana n’umwaka w’imikino, aho mu myaka yashize wasozwaga tariki 04/07 ubwo habaga hamaze gukinwa igikombe cy’Amahoro.

Andi makipe ndetse n’abakinnyi ariko nanone, basinya imyaka runaka ikarangirana n’itariki basinyiyeho ayo masezerano, nk’aho ubu hari amakipe afite abakinnyi basinye amasezerano azarangira tariki 31/05/2020, dore ko ari naho byari biteganyijwe ko umwaka w’imikino uyu mwaka uzasozwa.

Amwe mu makipe afite impungenge ko ashobora kuzagongana n’ikibazo cyo kuzakina imwe mu mikino ya shampiyona ndetse n’igikombe cy’Amahoro abakinnyi bararangije amasezerano, bitewe n’igihe amarushanwa yombi azasubukurirwa.

Bamwe mu bayobozi b’amakipe baganiriye na Kigali Today, bavuga ko nta mpungenge batewe n’amasezerano y’abakinnyi kuko basinye kugeza umwaka w’imikino urangiye, naho abandi bo bavuga ko ubu bari gushaka uburyo baganira n’abakinnyi, ariko bakabanza kumenya igihe umwaka w’imikino uzasubukurirwa.

Muri Musanze barateganya kuzakurikirana ikibazo ibijyanye na Coronavirus nibimara gukemuka

Umunyamabanga mukuru w’ikipe ya Musanze Makuza Rutishereka Jean, we avuga ko nyuma y’ikibazo cya Coronavirus bashobora kuzicara bakareba icyo amasezerano avuga

“Tureba umwaka w’imikino, niba umwaka w’imikino wicumyeho kandi bidaturtse ku mukinnyi, tureba icyo amasezerano avuga, tudashingiye ku byo amasezerano mbere yavugaga, ni ukuvuga ko agomba kurangirana n’umwaka w’imikino kandi ntirarangira.”

“Ni uko duhugijwe n’ibi bibazo turimo (Coronavirus), ubundi dushobora kuzareba icyo amasezerano avuga, kuko buri ruhande ruba rushobora icyo ruvuga, nk’ubu umukinnyi ashobora kukubwira ati amasezerano yanjye ko arangiye ko ntacyo mumbwiye”

KNC Uyobora ikipe ya Gasogi, avuga ko amaezi azarenga ku ngengabihe yari iteganyijwe, byanze bikunze izaba imbogamizi ku makipe yose ayaba amato n’amakuru, cyane ko abona ingengo y’imari igomba guhungabana

Yagize ati “Ntekereza ko iki ari ikibazo gikomeye si no kuvuga ngo ni Gasogi gusa n’anadi makipe n’ubwo ntazi uko abigenza, n’aya afashwa n’uturere aba yarakoze budget, ntiwavuga ngo ntuhemba abantu kuko amasezerano ni amasezerano"

’"Ariko niba bishoboye kugera mu mezi abiri mutazi igihe shampiyona izakomereza, byanze bikunze habaho kureba uburyo aya masezerano yahinduka cyane cyane ku ngingo y’imishahara n’ibindi.”

Ikipe ya Gicumbi yo ivuga ko isa nk’aho yamaze kubona umuti

Umunyamabanga mukuru w’ikipe ya Gicumbi Dukuzimana Antoine, we avuga ko bamaze gufata ingamba zo gukemura iki kibazo, aho bashobora kuzishyura abakinnyi iminsi izaba irenga ku masezerano, aho ubusanzwe abenshi muri iyi kipe yagombaga kurangira tariki 30/05/2020.

"Icyihutirwa ni ukumenya niba tuzakomeza gukina, igikurikiraho abakinnyi beza ni ukubongerera igihe abandi bo twumvikanye igihe kiziyongeraho kukibishyurira"

Amwe mu makipe twabashije kumenya abakinnyi bari gusoza amasezerano ni nka AS Muhanga ifitemo abakinnyi 12, Mukura ifite 6, Musanze ifite 7, Kiyovu Sports ifite umunani, Sunrise batanu, Etincelles umunani, Rayon Sports batanu, Police FC ifite umunani, Gicumbi ifite bane, aba bose kongeraho n’abandi tutarondoye bashobora gukabakaba 100.

AS Muhanga

1 Ruboneka Bosco
2 Niyongira Danny
3 Ndayishimiye Dieudonne
4 Rucogoza Eriasa
5 Munyaneza Jack
6 Munyeshuri Arlon
7 Kagaba Obed
8Junior Nizigiyimana
9 Twagirayezu Aman
10. Nsengiyumva Idrissa

Rayon Sports

Rayon Sports ubusanzwe yabaga ifite benshi barangije amasezerano

1. Iradukunda Eric Radu
2. Irambona Eric
3. Mugheni Kakule Fabrice
4. Michael Sarpong
5. Habimana Hussein
6. Ally Niyonzima

Etincelles

1. Tuyisenge Hakim
2. Mucyo Ngabo Freddy
3. Akayezu Jean Bosco .
4. Ibrahim aka Kibonke .
5. Ismail Gikamba
6. Kambale Salite Gentil
7. Mumbele Saiba Claude
8. Nsengiyumva Dominic
9. Hakizimana Issa

Mukura VS

1. Iradukunda Bertrand
2. Duhayindavyi Gael
3. Mutijima Janvier
4. Ndizeye Innocent
5. Munezero Dieudonne
6. Rugirayabo Hassan

Musanze Fc

1. Nduwayezu Jean Paul
2. Maombi Jean Pierre
3. Habyarimana Eugene
4. Dushimumugenzi Jean
5. Moussa Ally Sova
6. Imurora Japhet
7. Mugenzi Cedrick

Kiyovu Sports

Kiyovu Sports nayo benshi barasoza amasezerano

1. Mbonyingabo Regis
2. Mbogo Ally
3. Serumogo Ally
4. Mutangana Derrick
5. Ishimwe Saleh
6. Ghislain Armel
7. Twizerimana Martin Fabrice

Sunrise Fc

1. Babua Samson
2. Uwambajimana Leon Kawunga
3. Nzayisenga Jean d’Amour
4. Niyonkuru Vivien
5. Niyonshuti Gadi

Gicumbi Fc

1. Manzi Willy
2. Christopher Uwiringiyimana
3. Muhumure Omar
4. Nsengayire Shadad

Police Fc

Police FC ni imwe mu makipe afite abakinnyi benshi bari gusoza amasezerano

1. Issa Bigirimana
2. Uwimbabazi Jean Paul
3. Iyabivuze Osee
4. Ngendahimana Eric
5. Celestin Ndayishimiye
6. Mpozembizi Mohammed
7. Ndayishimiye Antoine Dominique
8. Usabimana Olivier
9. Munyemana Alexandre

Inkuru bijyanye:

Abakinnyi 57 bashobora gutandukana n’amakipe yo mu Bwongereza mbere y’uko Shampiyona irangira