Iki kibazo gikunze kugaragara ku bantu bari hagati y’imyaka ibiri n’itanu, nyuma y’iyo myaka bikazashira nkuko abahanga kimwe n’urubuga rwa www.begaiment.com babivuga.

Gusa nanone ngo birashoboka ko iyo iki kibazo gikomeje kugeza mu gihe cy’imyaka 10 umwana ataramenya kuvuga neza, bigorana ko yazavuga neza amaze gukura kuko bishoboka ko byamukukiramo ubuzima bwe bwose ntabashe kuvuga neza nk’abandi.

Hari ingero nyinshi z’abantu badidimanga, harimo abahanzi bakora umuziki, abakina filime kimwe n’abakinnyi mu mikino itandukanye n’abandi.

Kuri iyi nshuro twabateguriye urutonde rwa bimwe mu byamamare mu ngeri zinyuranye, biri ku isonga mu kudidimanga.

Muri abo harimo:

Sylvester Stallone aka Rambo

Sylvester Enzio Stallone: Uyu ni umukinnyi wa filime w’Umunyamerika, akaba yaramenyekanye muri filime ku izina rya ‘Rambo’ yaje no kwitirirwa n’abatari bake hano mu gihugu cy’u Rwanda.

Azwiho kuvuga ma ke muri filime yagiye akina hafi ya zose, gusa impamvu ibimutera bivugwa ko ari uko yaba yaratinze kuvuga kugeza afite imyaka itanu.

Ibi byaje kumuviramo kudidimanga, kugeza n’ubu ari mukuru akaba ari yo mpamvu adakunda kuvuga cyane.

Jackie Chan

Jackie Chan: Ni Umushinwa wamenyekanye muri filime nka ‘Who am I’, uyu na we nubwo uzamubona muri filime nyinshi asetsa cyane, buriya na we ajya adidimanga bikamugora kuvuga neza.

Wayne Rooney

Wayne Rooney: Wayne Mark Rooney, ni umukinnyi w’umupira w’amaguru, wamenyekanye mu ikipe ya Manchester United ndetse no mu ikipe y’igihugu y’Ubwongerez.

Uyu na we iyo ugerageje kumva ibiganiro bye ntabwo avuga neza kugeza n’aho ashobora kumara umwanya ataravuga byamunaniye yabigerageza akavuga amagambo y’ibice.

Safi Madiba

Safi Madiba: Yamenyekanye mu itsinda rya Urban boyz hano mu Rwanda, gusa kuri ubu akaba akora umuziki wenyine.

Ushobora kumva aririmba neza ugakunda n’indirimbo ze nka ‘Kontwali’ n’izindi, gusa burya na we ajya adidimanga iyo ugerageje kumva ibiganiro atanga cyangwa aho aba aganira n’inshuti ze, hari n’aho agera agatinda gusubiza akikiriza akoresheje umutwe.

TMC (Dream Boyz

TMC (Dream Boyz): Mujyanama Claude uzwi nka TMC mu itsinda rya Dream Boyz, na we burya uretse kuba aririmba neza, iyo ugerageje kumwumva neza, uzumva na we mu mvugo ye isanzwe atinda kuvuga cyangwa akavuga ijambo runaka igice gusa.

Hope Irakoze

Hope Irakoze: Uyu nawe ni umuhanzi wamenyekanye ubwo yatwaraga irushanwa rya ‘Tusker project’ icyiciro cya gatandatu.

Uyu muhanzi ntuzamwumva adidimanga igihe ari kuririmba, gusa mu kiganiro gisanzwe biragorana ko yarangiza interuro atayiciyemo ibice kubera kudidimanga.

The Ben

The Ben: Mugisha Benjamin uzwi nka The Ben, uretse kuba aririmba indirimbo z’urukundo mu ijwi ryiza rikundwa na benshi cyane cyane igitsina gore, uyu muhanzi na we ajya adidimanga iyo ari kuganira n’inshuti ze cyangwa abandi, gusa ntushobora kuzumva mu ndirimbo adidimanga.

Samuel L Jackson

Samuel L Jackson: Uyu ni umukinnyi wa filime w’Umunyamerika, wamenyekanye muri filime nka ‘Snakes on a plane’ akaba yaranamenyekanye muri filime za sosiyete itunganya filime izwi ku izina rya ‘Marvel’.

Uyu mugabo na we burya ngo iyo ari kumwe n’inshuti n’abavandimwe, kuvuga bijya bimugora gusa si cyane kuko we ubwe ngo afite uburyo agerageza kubirwanya.

Ku bahanzi, uzatungurwa no kumva adategwa mu ndirimbo cyangwa ngo adidimange igihe aririmba, kandi ubusanzwe adidimanga, gusa ngo si byiza guseka umuntu udidimanga nkuko bitangazwa n’abahanga, kuko ngo bibatera ipfunwe bakitinya bagatinya no kuvugira mu ruhame.

Nibyo koko hari ibyo uzabona bikagutera gutekereza cyane no kubyibazaho kugira ngo ubashe kubisobanukirwa, akaba ari yo mpamvu kuri iyi si hari ahantu hatangaje cyangwa ahantu h’amayobera, bitewe nuko haba harananiye abahanga n’inzobere mu buvumbuzi bw’isi.

Ikindi ni uko ibi byose bivugwa nk’amayobera bigenda bigaragara mu bihugu bimwe na bimwe biri kuri iyi si dutuye, bikaba bikomeza kuvugwa nk’ibyayobeye abantu harimo n’abahanga bitewe no kutabigiraho amakuru ahagije, cyangwa bitavugwaho rumwe kuko nabwo nta makuru yizewe aba ahari abisobanura neza.

Ibi bituma rimwe na rimwe aha hantu hafatwa nk’ahatemewe kugendwa na buri wese.

Iyi ni yo mpamvu twabateguriye urutonde rwa hamwe mu hantu hatanu hatangaje kuri iyi si, bitewe n’imiterere yaho.

5. Pyramid (Piramide) nini yo mu Misiri

Iyi ni pyramid nini iherereye mu gace ka Giza mu Misiri, iteye mu buryo butangaje bitewe n’uburyo ireshya, imyaka imaze n’uko ikomeza kugaragara.

Iyi pyramida ikaba ari imwe muri pyramide eshatu ndende kandi zishaje mu ziherereye mu gace ka Giza.

Iyo pyramid yubatswe muri 2580 -2560 mbere ya Yesu, ikaba ifite metero 146.7 z’ubutumburuke na metero 230.34 z’uburebure, ikaba kandi ifite umubyimba (volume) ungana na metero kibe (cubic metres) 2,583,283.

Abenshi mu bahanga mu by’ubwubatsi, bagiye batangazwa n’uburyo yubatsemo banagerageza kuyubaka ariko biranga, ari na byo byatumye abahanga n’abandi bantu ku isi bakomeza kwibaza niba yaba yarubatswe n’abantu basanzwe cyangwa se wenda haba hari izindi mbaraga zidasanzwe zaba zarakoreshejwe mu kuyubaka.

4. The Ryugyong Hotel

Iyi ni hoteli iherereye mu gihugu cya Koreya ya Ruguru mu mujyi wa Pyongyang, ikaba na yo ari imwe mu nyubako zivugwaho amayobera menshi.

Iyi nyubako yubatse mu ishusho ya pyramid kandi ikaba ari inyubako buri muturage wa Korea ya Ruguru atarinjiramo.Ifite uburebure bungana na metero 300.02.

Ni inyubako izwiho kuba iya 150 bitewe nuko ari ko imiturirwa yayo ingana, ikaba yaratangiye kubakwa mu 1987 ikaza guhagarara mu 1992, kandi ikaba yaregukanye agahigo k’inyubako igaragara neza inahenze, gusa idakoreshwa.

Ikindi ngo ni uko iyi nyubako ishobora kuba irimo imyuka mibi cyangwa abakurambere y’abaperezida bose bazayobora iki gihugu nkuko bava mu muryango umwe.

3. Blood Fall

Blood fall ni isumo ryitiriwe ‘isumo ry’amaraso’, rikaba riherereye mu nyanja ya Atlantic.

Umuntu wese mu bahageze atangazwa no kubona amaraso atemba mu nyanja aho abantu benshi bagiye bavuga ko ari amaraso y’abantu bahiyahuriye none bitewe nuko bari benshi akaba ari bwo akiri kuza.

Abantu bakomeje kwibaza icyaba gitera iryo bara ry’umutuku, nyuma ni bwo abashakashatsi baje kuvumbura banatangaza ko muri ayo mazi harimo ikinyabutabire cya ‘Iron-oxide’, gituma amazi ahindura ibara agasa nk’umutuku, akaba ari ho bahereye bahita isumo ry’amaraso.

2. The bridge of Ovartoun

Iki ni ikiraro giherereye muri Scotland mu bwami bw’Abongereza. Iki kiraro kuri ubu gifatwa nk’ikiraro kizira ko gicaho imbwa kuko buri mbwa yose ikigezeho yumva hari imbaraga zitazwi ziyisunikira kukirenga ikumva ihaze ubuzima ikiyahura.

Ikindi kandi ni uko zimwe mubwa zagerageje kugicaho zikarokoka kwiyahura ni uko iyo zongeraga kugicaho zumvaga zihaze zishaka kwiyahura ibi bikaba byaratumye akagace bakabuza abantu bagendana imbwa kuko hatazwi neza icyaba gitera ubu bwiyahuzi bw’ibwa kuri iki kiraro.

1. The skeleton Lake of Roopkund

Iki ni ikiyaga giherereye mu gihugu cy’ubuhinde kikaba kizwiho kuba hari igihe kijya kigera kikarerembeshaho amagufa y’abantu hejuru yacyo, bikaba byaramaze igihe kinini cyane bitarabasha gusobanuka.

Igitangaje cyane ni uko hari igihe kigera ano magufa ntiyongere kureremba hejuru ahubwo akazimira bikaba bivugwa ko aya magufa yaba ari ay’abasirikare b’Abahinde, abandi bakavuga ko yaba ari ay’abasirikare b’Abayapani barwanye intambara zitandukanye cyangwa bararwanye intambara ya kabiri y’isi, bakahapfira ari benshi.

Nsanzabaganwa Modeste uhagarariye ishami ry’ururimi mu nteko y’umuco n’ururimi, avuga ko ubundi aba kera bemeraga ko iyo umuntu yapfaga yagendaga ariko nyuma y’igihe akazagaruka mu bundi buryo.

Avuga ko mu kugaruka atari nyir’ubwite wagarukaga, ahubwo hagarukaga umuzimu we, akaba yarashoboraga kuza mu buryo bubiri bwe butandukanye.

Yashoboraga kuza ari mwiza cyangwa mubi, yashoboraga kuza abahumuriza cyangwa abatera ibyago, bitewe n’ukuntu bamubaniye igihe yari akiri muzima.

Hari abibaza umuntu wahambanwaga ikara, hakaba abatekereza ko wenda ryahambanwaga igitsina gabo cyangwa igitsina gore.

Modeste Nsanzabaganwa akomeza avuga ko uwo bahambanaga ikara yabaga ari umuntu wese ushaje adashatse yaba umukobwa cyangwa umuhungu.

Kuba rero uwo muntu yarapfaga adashatse, byagaragaraga ko uwo muntu apfanye agahinda ko kuba adafite umugore cyangwa umugabo, kuba atarabyaye, kuba ataragize impuhwe z’ububyeyi no kuba yarabuze icyubahiro cy’ububyeyi.

Ikara ryakoreshwaga mu kugira ngo batsirike umuzimu we, ntazagaruke nanagerageza kugaruka azaze atuje adateza amahane, kuko babonaga ko uwo muntu apfanye agahinda kugira ngo umuzimu we atazabatera akabagirira nabi bamuhambanaga ikara.

Ikindi ni uko ngo iri ikara risanzwe, ryahambanwaga umuntu utarashatse bitandukanye no kubibazaga ko ryaba ryarahambanwaga umuntu utarabyaye kuko ngo ingumba yo yabaga yararongowe, yarasabwe akanakobwa cyangwa se yarakoye, ikibazo kikaba ko atabashije kubona urubyaro, bivuze ko we yashyingurwaga nk’abandi bose nta kara.

Nsanzabaganwa avuga ko kuba umuntu yarapfaga atarongoye/atarongowe, babifataga nk’ikosa ry’umuryango mugari w’Abanyarwanda, kuba uwo muntu arinze asaza kugeza n’aho apfa batamushakiye, kuko ubundi ba nyirasenge, nyina wabo na babyara be, ni bo batangiraga kukuranga iyo babonaga ukuze ugeze igihe cyo gushaka.

Kuba ko rero umuntu yarageraga aho arinda apfa atarongoye/atarongowe, ni uko umuryango yabayemo wabaga utarigeze ubyitaho ngo ubihe agaciro bamufashe akaba ari cyo cyatumaga bahora bafite ubwoba ko nagaruka azaba aje kubishyuza bwa bufasha batamuhaye bityo bagahitamo kumuhambana ikara mu rwego rwo gutsirika umuzimu we.

Ikindi ni uko izi kode zabanje mu gice cya mbere, ari iz’ibihugu byo muri Amerika y’amajyaruguru, Afurika n’uburayi.

Mu gice cya kabiri uyu munsi, turabagezaho kode kuva kuri zone ya 5 kugeza kuri zone 9.

Zone ya 5: Ibihugu byo muri Amerika y’Amajyepfo

Ibihugu byo muri Amerika y’Amajyepfo byo bibarizwa muri zone ya 5 bikaba bifite kode itangizwa n’akamenyetso ko guteranya (+) hagakurikiraho kode ariyo 5, nyuma nimero zikoreshwa muri icyo gihugu. Kode zikaba ari ukuva kuri +50 kugeza kuri +599.

+500 - Falkland Islands

+500 - South Georgia and the South Sandwich Islands

+501- Belize

+502 - Guatemala

+503 - El Salvador

+504 - Honduras

+505 - Nicaragua

+506 - Costa Rica

+507 - Panama

+508 - Saint-Pierre and Miquelon

+509 - Haiti

+51 - Peru

+52 - Mexico

+53 - Cuba

+54 - Argentina

+55 - Brazil

+56 - Chile

+57 - Colombia

+58 - Venezuela

+590 - Guadeloupe (harimo Saint Barthélemy na Saint Martin)

+591 - Bolivia

+592 - Guyana

+593 - Ecuador

+594 - French Guiana

+595 - Paraguay

+596 - Martinique

+597 - Suriname

+598 - Uruguay

+599 – Icyahoze ari Netherlands Antille ubu dore uko bimeze byishyize hamwe:

+599 3 - Saint Eustatius

+599 4 - Saba

+599 9 - Curacao

Zone ya 6: Ibihugu byo mu Majyepfo y’Uburasirazuba bwa Aziya na Oseyaniya

+60 - Malaysia

+61 - Australia (Reba nanone +672 hasi)

+61 8 9162 - Cocos Islands

+61 8 9164 - Christmas Island

+62 - Indonesia

+63 - Philippines

+64 - New Zealand

+64 xx - Pitcairn Islands

+65 - Singapore

+66 - Thailand

+672 - Uduce tumwe na tumwe two hanze ya Australia gusa twayo (Reba nanone +61 Australia hejuru)

+672 1x - Uduce tumwe twa Antarctic ya Australia

+672 3 - Norfolk Island

+673 - Brunei

+674 - Nauru

+675 - Papua New Guinea

+676 - Tonga

+677 - Solomon Islands

+678 - Vanuatu

+679 - Fiji

+680 - Palau

+681 - Wallis and Futuna

+682 - Cook Islands

+683 - Niue

+685 - Samoa

+686 - Kiribati

+687 - New Caledonia

+688 - Tuvalu

+689 - French Polynesia

+690 - Tokelau

+691 - Federated States of Micronesia

+692 - Marshall Islands

Zone ya 7: Ibihugu byo mu cyahoze ari Leta zunze ubumwe z’Abasoviyete

+7 - Russia

+7 6xx / 7xx - Kazakhstan

+7 840 / 940 - Abkhazia – Reba nanone +995 44

Zone ya 8: Ibihugu byo muri Aziya y’Iburasirazuba na Serivisi z’umwihariko (Special Services).

+81 - Japan

+82 - South Korea

+84 - Vietnam

+850 - North Korea

+852 - Hong Kong

+853 - Macau

+855 - Cambodia

+856 - Laos

+86 - China

+880 - Bangladesh

+886 - Taiwan

Zone ya 9: Ibihugu byiganjemo ibyo mu Burasirazuba bwo hagati n’igice cya Aziya y’Amajyepfo.

+90 - Turkey

+90 392 - Northern Cyprus

+91 - India

+92 - Pakistan

+92 582 - Azad Kashmir

+92 581 - Gilgit Baltistan

+93 - Afghanistan

+94 - Sri Lanka

+95 - Myanmar

+960 - Maldives

+961 - Lebanon

+962 - Jordan

+963 - Syria

+964 - Iraq

+965 - Kuwait

+966 - Saudi Arabia

+967 - Yemen

+968 - Oman

+970 - Palestine

+971 - United Arab Emirates

+972 - Israel

+973 - Bahrain

+974 - Qatar

+975 - Bhutan

+976 - Mongolia

+977 - Nepal

+98 - Iran

+992 - Tajikistan

+993 - Turkmenistan

+994 - Azerbaijan

+995 - Georgia

+995 34 - South Ossetia

+995 44 - Abkhazia

+996 - Kyrgyzstan
+998 - Uzbekistan

Mu gusoza iki gice cya kabiri twababwira ko hari kode zitakoreshejwe kubera ko wenda hari ahandi cyangwa izindi serivisi zagenewe gukoresha izo kode.

Zimwe muri izo kode ni izi zikurikira:

Kode zidakoreshwa

+210 - Ntaho ikoreshwa

+214 - Ntaho ikoreshwa

+215 - Ntaho ikoreshwa

+217 - Ntaho ikoreshwa

+219 - Ntaho ikoreshwa

+292 - Ntaho ikoreshwa

+293 - Ntaho ikoreshwa

+294 - Ntaho ikoreshwa

+296 - Ntaho ikoreshwa

+424 - Ntaho ikoreshwa

+425 - Ntaho ikoreshwa

+426 - Ntaho ikoreshwa

+427 - Ntaho ikoreshwa

+428 - Ntaho ikoreshwa

+429 - Ntaho ikoreshwa

+384 - Ntaho ikoreshwa

+422 - Ntaho ikoreshwa

+693 - Ntaho ikoreshwa

+694 - Ntaho ikoreshwa

+695 - Ntaho ikoreshwa

+696 - Ntaho ikoreshwa

+697 - Ntaho ikoreshwa

+698 - Ntaho ikoreshwa

+699 - Ntaho ikoreshwa

+684 - Ntaho ikoreshwa

+671 - Ntaho ikoreshwa

+801 - Ntaho ikoreshwa

+802 - Ntaho ikoreshwa

+803 - Ntaho ikoreshwa

+804 - Ntaho ikoreshwa

+805 - Ntaho ikoreshwa

+806 - Ntaho ikoreshwa

+807 - Ntaho ikoreshwa

+809 - Ntaho ikoreshwa

+851 - Ntaho ikoreshwa

+854 - Ntaho ikoreshwa

+857 - Ntaho ikoreshwa

+858 - Ntaho ikoreshwa

+859 - Ntaho ikoreshwa

+871 - Ntaho ikoreshwa

+872 - Ntaho ikoreshwa

+873 - Ntaho ikoreshwa

+874 - Ntaho ikoreshwa

+884 - Ntaho ikoreshwa

+885 - Ntaho ikoreshwa

+887 - Ntaho ikoreshwa

+889 - Ntaho ikoreshwa

+969 - Ntaho ikoreshwa

+978 - Ntaho ikoreshwa

+997 - Ntaho ikoreshwa

+259 - Ntaho ikoreshwa

+28x - Ntaho ikoreshwa

+295 - Yarahagaritswe (Yakoreshwaga na San Marino)

+37 - Yarahagaritswe (Yakoreshwaga n’Ubudage bw’Uburasirazuba)

+38 - Yarahagaritswe (Yakoreshwaga n’icyahoze ari Repubulika ya Yugoslavia kugeza igihe isenyukiye.)

+388 - Yahagaritswe gukoreshwa (Yahawe European Telephony Numbering Space)
+379 - Yaratanzwe gusa ntikoreshwa

Inkuru bijyanye:

Sobanukirwa uko ibihugu byahawe kode zikoreshwa mu guhamagara (Igice cya mbere)

Kode y’igihugu yo guhamagariraho ubundi ni imibare ibanziriza nomero zisanzwe za telefoni yawe ukoresha uhamagara cyangwa uhamagarwa, ikaba inafatwa nk’aho ari inzira ihuza ibihugu cyangwa agace runaka.

Nomero za telefoni z’abantu bose ziba zitandukanye. Ni nako nomero z’ibihugu nazo ziba zitandukanye, gusa kugira ngo ube wabasha guhamagara mu kindi gihugu hakenerwa umubare w’ibanga ugitandukanya n’icyo urimo.

Iyi kode ikaba yandikwa imbere ya nomero zikoreshwa mu gihugu ibanjirirjwe n’akamenyetso ko guteranya (+).

Iyi mibare iranga igihugu itangwa n’ikigo mpuzamahanga cy’umuryango w’abibumbye (LONI) gishinzwe itumanaho (ITU).

Ni ikigo cyatangiye gukora tariki ya 17 Gicurasi 1865, giherereye mu gihugu cy’Ubusuwisi I Geneve, kikaba cyaratangiye gutanga izi kode mu 1960. Ikindi ni uko izi kode zigabanyije mu mazone agera ku icyenda.

Aha mu gice cya mbere turabagezaho imibare y’ibihugu byo muri zone ya mbere,iya kabiri, iya gatatu n’iya kane, biba ku isi.

Zone ya mbere igizwe n’ibihugu byo muri Amerika y’Amajyaruguru, zone ya kabiri ikaba igizwe n’umugabane wa Afurika, zone yagatatu n’iya kane ikaba irimo Uburayi.

Zone ya 1: Amerika y’Amajyaruguru

Ibihugu biri muri iyi zone, bigira kode itangirwa n’akamenyetso ko guteranya hagakurikiraho umubare rimwe (+1)

+1 - Canada

+1 - United States, harimo uduce twa Leta zunze ubumwe z’Amerika

+1 340 – Ibirwa bya Virgin

+1 670 – Ibirwa bya Mariana y’Amajyaruguru

+1 671 - Guam

+1 684 - American Samoa

+1 787 / 939 - Puerto Rico

+1 242 - Bahamas

+1 246 - Barbados

+1 264 - Anguilla

+1 268 - Antigua na Barbuda

+1 284 - British Virgin Islands

+1 345 – Ibirwa bya Cayman

+1 441 - Bermuda

+1 473 - Grenada

+1 649 – Ibirwa bya Turks na Caicos

+1 664 - Montserrat

+1 721 - Saint Maarten

+1 758 - Saint Lucia

+1 767 - Dominica

+1 784 - Saint Vincent na Grenadines

+1 809 / 829 / 849 – repubulika ya Dominican

+1 868 - Trinidad and Tobago

+1 869 - Saint Kitts na Nevis

+1 876 / 658 – Jamaica

Zone ya 2: Ibihugu by’Afurika
Ibihugu bigize iyi zone bigira kode itangirwa n’akamenyetso ko guteranya hagakurikiraho umubare kabiri (+2).
Ni ibihugu byinshi bya Afurika, ariko hari n’ibihugu nka Aruba, Faroe Islands, Greenland n’utundi duce tw’Ubwongereza duherereye mu nyanja y’Ubuhinde.

+20 - Misiri

+211 – Sudani y’Epfo

+212 - Morocco

+213 - Algeria

+216 - Tunisia

+218 - Libya

+220 - Gambia

+221 - Senegal

+222 - Mauritania

+223 - Mali

+224 - Guinea

+225 - Ivory Coast

+226 - Burkina Faso

+227 - Niger

+228 - Togo

+229 - Benin

+230 - Mauritius

+231 - Liberia

+232 - Sierra Leone

+233 - Ghana

+234 - Nigeria

+235 - Chad

+236 - Repubulika ya Santrafrika

+237 - Cameroon

+238 - Cape Verde

+239 - São Tomé and Príncipe

+240 - Equatorial Guinea

+241 - Gabon

+242 – Repubulika ya Congo

+243 – Repubulika iharanira demukarasi ya Congo

+244 - Angola

+245 - Guinea-Bissau

+246 - British Indian Ocean Territory

+247 - Ascension Island

+248 - Seychelles

+249 - Sudan

+250 - Rwanda

+251 - Ethiopia

+252 - Somalia

+253 - Djibouti

+254 - Kenya

+255 - Tanzania

+255 24 - Zanzibar

+256 - Uganda

+257 - Burundi

+258 - Mozambique

+260 - Zambia

+261 - Madagascar

+262 - Réunion

+262 269 / 639 - Mayotte

+263 - Zimbabwe

+264 - Namibia

+265 - Malawi

+266 - Lesotho

+267 - Botswana

+268 - Eswatini

+269 - Comoros

+27 – Afurika y’Epfo

+290 - Saint Helena

+290 8 - Tristan da Cunha

+291- Eritrea

+297 - Aruba

+298 - Faroe Islands

+299 - Greenland

Zone ya 3 n’iya 4: Uburayi
Ibihugu binini nka Esipanye, Ubwami bw’Ubwongereza hamwe n’Ubufaransa, byahawe kode igizwe n’imibare ibiri, kugira ngo baringanize na nomero zabo basanganywe naho ibihugu bitoya nka Iceland bahawe imibare itatu.
Kuva mu myaka ya za 1980 ni bwo hatangiye gutangwa imibare itatu nta gihugu bitayeho.

Ibihugu bibarizwa muri zone 3 na 4, byo bigira kode itangiwe n’akamenyetso ko guteranya kagakurikirwa n’umubare gatatu (+3), hakaba n’ibifite kode itangirwa n’akamenyetso ko guteranya, kagakurikirwa n’umubare kane (+4).

+30 - Greece

+31 - Netherlands

+32 - Belgium

+33 - France

+34 - Spain

+350 - Gibraltar

+351 - Portugal

+352 - Luxembourg

+353 - Ireland

+354 - Iceland

+355 - Albania

+356 - Malta

+357 - Cyprus

+358 Finland

+358 18 - Åland Islands

+359 - Bulgaria

+36 - Hungary

+370 - Lithuania

+371 - Latvia

+372 - Estonia

+373 - Moldova

+374 - Armenia

+374 47 - Artsakh

+375 - Belarus

+376 - Andorra

+377 - Monaco

+378 - San Marino

+379 - Vatican City

+380 - Ukraine

+381 - Serbia

+382 - Montenegro

+383 - Kosovo

+385 - Croatia
+386 - Slovenia

+387 Bosnia and Herzegovina

+389 - North Macedonia

+39 - Italy

+40 - Romania

+41 - Switzerland

+420 - Czech Republic

+421 - Slovakia

+423 - Liechtenstein

+43 - Austria

+44 -Ubwongereza

+44 1481 - Guernsey

+44 1534 - Jersey

+44 1624 - Isle of Man

+45 - Denmark

+46 - Sweden

+47 - Norway

+47 79 - Svalbard

+48 - Poland

+49 - Ubudage

Mu gice cya kabiri tuzabagezaho ibihugu biherereye muri zone ya gatanu, iya gatandatu, iya karindwi iya munani n’iya cyenda (5,6,7,8,9).

Inkuru bijyanye:

Sobanukirwa uko ibihugu byahawe kode zikoreshwa mu guhamagara (Igice cya kabiri)

Muri ibyo bihangano harimo, Indirimbo, Filime, cyangwa ubwoko bw’ibiganiro runaka.

Mu mwaka wa 2018 ni bwo umuhanzi Oda Paccy yashyize hanze ifoto yikinze urukoma ku myanya ndangagitsina, arimo yamamaza indirimbo ye ‘Ibya-tsi’.

Ibi byaje no gutuma Umuyobozi w’itorero ry’igihugu, Bamporiki Edouard asohora itangazo rimwambura ubutore mu itorero ‘Indatabigwi’, ariko nyuma Bamporiki aza kubisabira imbabazi abinyujije kuri Twitter.

Hari n’izindi ndirimbo z’abahanzi Nyarwanda zahagaritswe ku mateleviziyo amwe n’amwe ya hano mu Rwanda bivugwa ko amashusho yazo ateye isoni.

Muri izo ndirimbo zavuzwe ko zahagaritswe harimo, indirimbo itsinda rya Urban Boys ryasubiyemo ya Ngaboyisonga Bernard yitwa ‘Ancila’, iyi ndirimbo ikaba yarahagaritswe bitewe n’uburyo amashusho yayo agaragaramo abakobwa basa nk’aho bambaye ubusa.

Indirimbo ‘Too much’ ya Urban Boys nay o yahagaritswe kubera amashusho byavugwaga ko arimo abakobwa bambaye ubusa.

‘Ikiragi’ ya Kitoko yahagaritswe kubera imvugo ipfobya abafite ubumuga bwo kutavuga.

‘Ndabakunda’ hamwe na ‘Welcome to bed’ za Dr Jiji zavuzweho guhagarikwa bitewe n’uburyo amashusho yazo agaragaramo ari kumwe n’abakobwa bambaye ubusa mu buriri.

Indirimbo ya AmaG The Black afatanyije na Riderman yitwa ‘Imyoto’, na yo iri muzavuzweho guhagarikwa bitewe n’uburyo ikoze ku buryo abakobwa babyinamo n’uburyo amashusho akozemo.

Indirimbo ‘Nimba Padiri’ ya T Rock yavuzweho guhagarikwa bitewe n’uko kiliziya gaturika itishimiye amashusho yayo bitewe n’uburyo yakoresheje imyambaro ya kiliziya.

‘Inyoni yaridunze’ ya Mc Manday nayo yahagaritswe kubera ko ubutumwa burimo budasobanutse kubumva iyi ndirimbo.

Uwamahoro Claudine ushinzwe gahunda mu kigo cy’itangazamaku cya Radiyo na Televiziyo 10, ayabwiye Kigali Today ko nta mategeko bagenderaho mu kugena ibihangano batambutsa kuri radiyo, gusa ngo babanza kubisuzuma mbere yo kubitambutsa.

Ygize ati “Twe nka Radiyo na Televiziyo 10 nta mategeko agenga gutambutsa ibihangano ku bitangazamakuru byacu, gusa mbere yo kugira ngo tugire ibyo ducishaho kuri Televiziyo cya Radiyo turabanza tukabisuzuma.”

Akomeza vuga ko ntaho bafite amategeko yanditse ko ahubwo babanza bagakora icyo bakwita isuzuma kuri icyo gihangano.

Nko kuri filime, ngo barabanza bakayireba kugira ngo barebe ko iberanye no kuba yarebwa na sosiyete Nyarwanda.

Kubijyanye n’ibyo bagenderaho kugira ngo icyo gihangano gitambutswe, Uwamahoro avuga ko bareba uburyo gikozemo, ireme gifite, bakabona kwemeza niba gikwiriye kuba cyatambutswa.

Avuga ko guhagarika igihangano ku bwabo bishobora guterwa n’icyemezo cya Leta, kuko ngo nta kuntu igihangano cyaba cyahagaritswe ku rwego rw’igihugu ngo bo bakomeze kugitambutsa.

Avuga kandi ko nta masaha bafite bavuga ko yagenewe filime batambutsa cyangwa ikigero runaka iyo filime ikinnyemo, gusa ngo ntabwo bacishaho filime batayisuzumye ngo bababanze bayirebe.

Kuba hari ibihangano bacishaho usanga bikoze ku buryo bishora kuba bikoze ku buryo buteye isoni kurusha ibyahagaritswe, avuga ko bareba ireme ryabyo ndetse n’ubutumwa bitambutsa, ikindi ngo ni uko iyo igihangano gikozwe gutyo kiba gifite abo kigenewe, akaba ariyo mpamvu usanga hari ababyeyi bavuga ko bibangamiye uburere bw’abana.

Kagire Edmund, komiseri mu rwego rw’abanyamakuru bigenzura (RMC), avuga ko nta tegeko bafite rigenga ibihangano bigomba gutambutswa mu bitangazamakuru bya hano mu Rwanda, ko ahubwo ibyo bitangazamakuru ubwabyo ari byo bigena ayo mategeko.

Sidu-River-Bridge, ikiraro cya mbere giteye ubwoba ku isi

Hari ibiraro biba biteye ubwoba bitewe n’uburyo byubatse, intera y’ubutumburuke byubatseho, uburebure bifite n’ibindi. Akenshi kuri bene ibyo biraro, uhageze agira isereri, kumva adatekanye mu mutwe ndetse rimwe na rimwe akaba yaruka.

Muri iyi nkuru, Kigali Today yifashishije imbuga zitandukanye nka www.orangesmile.com, www.asce.org n’izindi, yashakishije amafoto y’ibiraro 20 biteye ubwoba kurusha ibindi ku isi yose.

20. Royal Gorge Bridge, Colorado

Ikiraro cya Royal George ni ikiraro giherereye muri Colorado muri Leta zunze ubumwe za Amerika, kikaba cyarubatswe mu gihe cy’amezi agera kuri atandatu, cyatangiye kubakwa nk’ikiraro kitagenewe gukoreshwa mu bwikorezi ahubwo cyari kigenewe gukurura ba mukerarugendo kuva tariki ya 5 Kamena 1929 kigasozwa kubakwa mu Ugushyingo 1929.

Iki kiraro gifite uburebure bwa metero 384 na metero 5.5 z’ubugari, kikaba kiri ku butumburuke bwa metero 291. Ikindi kandi iki kiraro cyamaze kubakwa gitwaye ibihumbi 350 by’amamdorali ya Amerika kikaba gica hejuru y’umugezi wa Arkansas.

19. Monkey bridges, Vietnam

Ikiraro cya Monkey, ugerageje gushyira iri zina mu kinyarwanda ni ikiraro kitiriwe inkende.

Ni ikiraro cyubatswe n’imigano, binatuma gishyirwa mu biteye ubwoba kuko hari igihe kiba kiriho umugano umwe cyangwa ibiri gusa.

Iki kiraro cyubatswe ahanini n’abatuye igihugu cya Viyetinamu mu duce two mu cyaro, kuko cyubakishijwe ibiti by’imigano cyangwa igiti cy’ingazi, kikaba kireshya na metero 35 z’uburebure.

Izina Monkey ryaturutse ku buryo abantu bakoresha mu kwambuka icyo kiraro kuko hari aho usanga bari gukambakamba kugira ngo bacyambuke.

18. Hussaini Hanging Bridge, Pakistan

Ikiraro cya Hussaini Hanging ni ikiraro giherereye muri Pakistan gifatwa nk’ikiraro giteye ubwoba, kikaba cyarubatswe ubwo muri 1960 uwahoze ari Perezida wa Pakisitan Ayub Khan yasuraga agace ka Zarabad.

Ku mpamvu z’ubuhigi ni bwo yatanze itegeko ryo kuba hakubakwa icyo kiraro kikaba cyaraje kurangira hagati ya 1967-1968.

Iki kiraro gifite metero 156 z’uburebure, kikaba gica hejuru y’umugezi wa Hunza, kikaba gihuza akarere ka Zarabad n’icyaro cya Hussaini, ikindi cyaba gitera iki kiraro gutinyika ni uburyo giteye mu mpande zacyo.

17. Seven Mile Bridge, Florida

Ikiraro cya Seven Mile giherereye muri Florida muri Leta zunze ubumwe za Amerika, kikaba cyarubatswe mu gihe k’imyaka 4 kuva mu 1978 kugeza muri Gicurasi 1982.

Iki kiraro kikaba kingana na metero 10,888 z’uburebure, na metero 11.58 z’ubugari na metero 20 z’ubutumburuke, kikaba cyaruzuye gitwaye agera kuri miliyoni 45 z’amadorali ya Amerika.

16. Deception Pass Bridge, Washington State

Ikiraro cya Deception Pass ni ikiraro giherereye muri Oak Horban muri Washington, cyatangiye kubakwa muri Kanama 1934 kugeza Kanama 1935. Gifite metero 453 z’uburebure, metero 8.5 z’ubugari na metero 55 z’ubutumburuke.

15. Lake Pontchartrain Causeway, Louisiana

Ikiraro cy’ikiyaga cya Pontchartain Causeway ni ikiraro giherereye muri New Orleans muri Leta ya Louisiana ho muri Leta zunze ubumwe za Amerika.

Ibi ni ibiraro bibiri biteganye bica hejuru y’ikiyaga cya Pontchartrain Causeway, kikaba ari ikiraro cyubatswe mugihe kingana n’amezi 14 aho cyatangiye kubakwa kuva tariki ya 23 Gicurasi 1955 kigasozozwa tariki ya 30 Kanama 1956.

Iki kiraro kandi kingana na kirometero 38.35 z’uburebure na metero 18 z’ubutumburuke.

14. Canopy Walk, Ghana

Ikiraro cya Canopy Walk cyo muri Ghana ni ikiraro giherereye mu kirere muri pariki nkuru ya Kakum, kikaba kingana na metero 330 z’uburebure na metero 50 z’ubutumburuke kikaba cyarubatswe mu mwaka wa 1995.

Ikindi kandi ni uko iki kiraro cyubatswe n’itsinda ry’Abanyakanada bari batembereye mu gace k’iriya pariki kugira ngo kizage gikurura ba mukerarugendo.

13. Langkawi Sky Bridge, Malaysia

Langkawi Sky ni ikiraro gihererye mu gace ka Langkawi mu gihugu cya Malesia. Iki kiraro cyubatswe mu gihe kingana n’umwaka aho cyatangiye kubakwa muri Kanama 2003 kigasozwa muri Kanama 2004, kikaba cyaraje gutahwa ku mugaragaro mu mwaka wa 2005 muri Gashyantare.

Iki kiraro kireshya na metero 125 z’uburebure, metero 1.8 z’ubugari na metero 700 z’ubutumburuke, kandi kikaba cyaruzuye gitwaye agera kuri miliyoni 1.200.000 za Amadorari ya Amerika kandi kikaba gifite ubushobozi bwo kunyuraho abantu 250.

12. Mount Titlis, Switzerland

Ikiraro cya Mount Titlis giherereye mu gihugu cy’Ubusuwisi ku musozi wa Titlis, kikaba gifite uburebure bungana na metero 98, metero 0.98 z’ubugari na metero 3,238 z’ubutumburuke.

Iki kiraro cyuzuye gitwaye agera kuri miliyoni 1,228,455 z’amadorali ya Amerika, kikaba kandi byibuze cyakira abagisura bagera kuri 500.

11. Vitim River Bridge, Russia

Vitim River ni ikiraro giherereye mu gace ka Irkutsk Oblast mu gihugu cy’Uburusiya. Iki kiraro kireshya na metero 570 z’uburebure, ubugari bungana na metero 1.82 n’ubutumburuke bwa metero 50. Ikindi ni uko iki kiraro gihora kiriho urubura 20.

10. Puente de Ojuela, Mexico

Ikiraro cya Puente de Ojuela cyangwa ikiraro cya Mapimi giherereye mu gace ka Mapimi muri Mexico muri Amerika y’Amajyepfo, kikaba cyubatse mu gace bacukuramo amabuye y’agaciro. Ikindi ni uko iki kiraro cyaje kuvugururwa nk’ikiraro gikurura ba mukerarugendo muri 1991.

Iki kiraro kandi gifite metero 304.8 z’uburebure, metero 1 y’ubugari na metro 99.67 z’ubutumburuke.

9. Quepos Bridge, Costa Rica

Quepos ni ikiraro ubusanzwe kizwi nk’ikiraro bakunze kwita ikiraro cy’urupfu, kikaba giherereye ku muhanda uva mu gace ka Jaco ugana Quepos muri Costa Rica, kikaba cyarubatswe mu gihe cy’imyaka igera ku 10 (1930-1940). Iki kiraro gifite metero 457 z’uburebure na metero 148 z’ubutumburuke.

8. Sunshine Skyway Bridge, Florida

Ikiraro cya Sunshine Skyway ni ikiraro giherereye mu majyepfo y’umujyi wa St. Petersburg n’Amajyaruguru ya Terra Ceia muri leta ya Florida ho muri Leta zunze ubumwe za Amerika.

Iki kiraro cyuzuye tariki ya 7 Gashyantare 1987 gifungurwa tariki ya 20 Mata 1987. Cyuzuye gitwaye agera kuri miliyoni 244 z’amadorali ya Amerika. Iki kiraro kandi kikaba kiresha na kilometer 6.7 z’uburebure, metero 29 z’ubugari n’ubutumburuke bungana na metero 430.

7. Eshima Ohashi Bridge, Japan

Ikiraro cya Eshima Ohashi giherereye mu Burengerazuba bw’Ubuyapani kikaba gihuza umujyi wa Matsue mu ntara ya Shimane hamwe na Sakaiminato mu ntara ya Tottori.

Ikiraro cya Eshima Ohashi kireshya na kirometer 1.44 z’uburebure, metero 11.3 z’ubugari n’ubutumburuke bwa metero 44.7, kikaba cyaratangiye kubakwa mu 1997 kigasozwa mu 2004.

6. The Bridge of Immortals, Huang Shang China

Ikiraro cya Immortals ugenekereje mu Kinyarwanda ni nk’ikiraro cy’abadapfa, kikaba cyarubatswe mu 1987 kikaba gifite ubutumburuke bungana na metero 1,320 kikaba kandi cyambukiranya imisozi ibiri aho uva mu buvumo bumwe winjira mu bundi.

Ikindi ni uko iki kiraro cyabashije gushyirwa ku rutonde rw’imirage y’isi n’ishami ry’umuryango w’abibumbye rishinzwe guteza imbere uburezi, ubumenyi n’umuco (UNESCO).

5. Montenegro Rainforest, Costa Rica

Iyo witegereje iki kiraro neza nta kabuza wagira ubwoba bwo kugitambukaho bitewe n’uburyo kimeze, ari nayo mpamvu cyaje kuri uru rutonde rw’ibiraro biteye ubwoba ku isi, kikaba giherereye mu gihugu cya Costa Rica muri rimwe mu mashyamba yaho.

4. U Bein Bridge, Myanmar

U Bein ni ikiraro giherereye mu gihugu cya Myanmar ku mugabane wa Aziya, kikaba gifite uburebure bwa metero 1,209, kikaba gica hejuru y’ikiyaga cya Thaung Tha Man kandi kikaba cyarubatswe mu 1849.

Iyo witegereje iki kiraro ushobora gutekereza ko kikiri kubakwa, gusa siko bimeze ahubwo ni yo miterere yacyo ikaba inagifasha kuba cyakurura ba mukerarugendo.

3. Storseisundet Bridge, Norway

Storseisundet ni ikiraro kireshya na metero 260 z’uburebure na metero 23 z’ubutumburuke kikaba cyaratangiye gukoreshwa mu 1989, giherereye mu gihugu cya Norvege ku mugabane w’Uburayi.

2. Carrick-a-Rede Rope Bridge, Northern Ireland

Uretse kuba giherereye ahantu heza kuri iy’isi, kiri no ku rutonde rw’ibiraro biteye ubwoba bitewe n’ahantu giherereye kuko kiri kuri metero 30 z’ubutumburuke na metero 20 z’uburebure kikaba giherereye muri Ireland y’Amajyaruguru.

1. Sidu River Bridge, China

Ikiraro cya Sidu giherereye hafi y’umujyi wa Yesanguan mu gihugu cy’Ubushinwa kikaba cyararangiye kubakwa mu 2005 kikaza gufungurwa 15 Ugushyingo 2009 kikuzura gitwaye agera kuri miliyoni 100 z’amadorali ya Amerika. Iki kiraro kandi kikaba kireshya na metero 900 z’uburebure n’ubutumburuke bwa metero 496.

Ubundi Abraham Lincoln yavutse tariki ya 12 Gashyantare 1809, avuka kuri se witwa Thomas Lincoln na nyina Nancy Hanks Lincoln, avukira mu Mujyi wa Hodgenville, Kentucky, ho muri Leta zunze ubumwe za Amerika.

Abraham Lincoln yabaye perezida wa Leta zunze Ubumwe za Amerika wa 16 kuva tariki ya 4 Werurwe 1861 kugeza tariki ya 14 Mata 1865 ari nabwo yishwe arashwe, akaba yarapfuye afite abana 4 n’umugore.

Abraham Lincoln ni ufite ubwanwa bwinshi, John F Kennedy ni uwambaye karuvati

John F Kennedy yavutse tariki ya 29 Gicurasi 1917 avukira ahitwa Brookline, Massachusetts, muri Leta zunze ubumwe za Amerika, avuka kuri se witwa Joseph P Kennedy Sr na nyina witwa Rose Fitzgerald.

John F Kennedy yabaye Perezida wa Leta zunze ubumwe za Amerika wa 35 kuva tariki ya 20 Mutarama 1961 kugeza tariki ya 22 Ugushyingo 1963 ari nabwo yapfuye arashwe, akaba yari afite abana 3 n’umugore.

Hari ibintu bifatwa nk’ibidasanzwe aba baperezida bombi John F Kennedy na Abraham Lincoln bahuriraho.

• Umwe yagiye ku butegetsi nyuma y’imyaka 100 undi abuvuyeho

Umwe yatorewe kuba perezida wa Leta zunze ubumwe za Amerika mu 1861 nyuma y’imyaka 100 undi na we aba atorewe kuyobora igihugu mu 1961.

• Bose mu miryango yabo ni abana ba kabiri

Bavutse igihe gitandukanye mu myaka itandukanye gusa mu miryango bavukamo buri wese ni umwana wa kabiri mu muryango avukamo.

Abraham Lincoln

• “Lincoln” na “Kennedy” bose buri umwe umwe izina rye rigizwe n’inyuguti 7

Iyo ugerageje kubara inyuguti zigize izina “Lincoln” n’inyuguti zigize izina “Kennedy” usanga zigera ku nyuguti zirindwi.

• Bose bishwe n’abicanyi bakomoka mu Majyepfo ya Amerika

Umwicanyi wishe Abraham Lincoln witwa John Wilkes Booth akomoka muri Bel Air muri Maryland naho uwishe John F Kennedy ariwe Lee Harvey Oswald akaba akomoka muri New Orleans muri Leta ya Louisiana.

• Bose bishwe ari ku munsi wa gatanu w’icyumweru

Nubwo umwe yapfuye tariki ya 14 Mata 1865, undi agapfa tariki ya 22 Ugushyingo 1963 iyo ubashije gukurikirana aya matariki neza usanga yose agwa ku munsi wo ku wa gatanu bisobanuye ko Abraham Lincoln na John F Kennedy bapfuye ari ku munsi wa 5 w’icyumweru.

• Amazina y’abishe buri wese agizwe n’inyuguti 15

Abagizi ba nabi bishe abo baperezida baramenyekanye. Bose bafite amazina atatu, kandi amazina yabo bose akaba agizwe n’inyuguti 15 kuri buri umwe.
Umwicanyi warashe Abraham Lincoln yitwa John Wilkes Booth naho uwarashe John F Kennedy akaba yitwa Lee Harvey Oswald. Iyo ubaze inyuguti zigize amazina ya buri umwe muri bo usanga zose hamwe ari 15.

• Abo bicanyi Booth na Oswald bishwe bataragezwa imbere y’urukiko

Mu minota igera kuri 45 nyuma yo kwica John F Kennedy, Lee Harvey Oswald yaje kwicwa arimo kugerageza guhunga ava mu nzu y’ububiko bw’ibikoresho agana mu nzu y’imyidagaduro. Umupolisi w’umwofisiye wo muri Dallas witwa J.D Tippit ni we wamurashe.

John F. Kennedy

Ni mu gihe John Wilkes Booth wishe Abraham Lincoln we yaje kuraswa ubwo yageragezaga kwiruka ava mu nzu y’imyidagaduro agana mu nzu y’ububiko bw’ibikoresho.

• Bose bari babujijwe n’abanyamabanga babo kugira aho bajya mu nzu z’imyidagaduro

Umunyamabanga wa Abraham Lincoln yari yamubwiye ko atagomba kujya muri Dallas ariko ajyayo, akaba na ho yaje kurasirwa. John F Kennedy na we yabwiwe n’umunyamabanga we ko atagomba kujya mu nzu y’imyidagaduro berekeniramo filime n’amakinamico (theater), nyuma na we yaje kuharasirwa.

• Abo basimbuye ku butegetsi bose bahuriye ku izina rya Johnson
bakaba baranavutse mu mwaka uherwa na 08

Uwasimbuye Abraham Lincoln yitwa Andrew Johnson wavutse tariki ya 29 Ukuboza 1808 naho uwasimbuye John F Kennedy we akaba yitwa Lyndo B.Johnson akaba we yaravutse tariki ya 27 Kanama 1908. Ikindi ni uko aba bagabo babasimbuye bose na bo bakomoka mu majyepfo ya Amerika.

• Abanyamabanga babo, buri umwe afite izina ry’undi

Umunyamabanga wa John F Kennedy yitwaga Evelyn Maurine Norton Lincoln naho umunyamabanga wa Abraham Lincoln akaba yaritwaga Kennedy gusa si ibyo gusa kuko hari n’abandi babiri yagize bitwa ba John (John M. Hay na John G. Nicolay).

• John F Kennedy yarasiwe mu modoka yitwa Lincoln

John F Kennedy yarashwe ari mu modoka yo mu bwoko bwa Lincoln Continental yakozwe n’uruganda rwa Ford.

Si ibi gusa aba baperezida bivugwa ko bahuriyeho hari n’ibindi byinshi, nko kuba bombi bariciwe mu maso y’abagore babo, bakaba kandi bombi ababarashe barabaturutse inyuma, bombi kandi bakaba bararashwe mu mutwe,n’ibindi.

Akenshi bamwe muri abo baba batarya ibyo biribwa bavuga ko inzoka yabo itabikunda cyangwa itabishaka. Nyamara burya ngo ntabwo inzoka iba itabishaka cyangwa itabikunda ahubwo ibi ngo ni ubwivumbure (allergy) umubiri uba wagize kuri ibyo biribwa.

Ikindi ni uko ubu bwivumbure (allergy) ku biribwa runaka akenshi burangwa no kuzana uduheri ku mubiri cyangwa utwo duheri tukaza ari twinshi ku ruhu, turetsemo amazi, umuntu agatukura amaso, kubyimbagana, kugira ibibazo byo guhumeka cyangwa kwishimagura ndetse ubwo bwivumbure ngo bushobora no kuzana urupfu.

Umusore witwa Christian w’imyaka 17 yabwiye Kigali Today ko we agira ubwivumbure bw’umubiri (allergy) iyo agerageje kurya inyama.
Akomeza avuga ko we azana uduheri ku mubiri wose akanishimagura cyane ku buryo rimwe na rimwe ashobora no kwikomeretsa.

Muganga(Dr) Munyarugamba Protais ukora mu ivuriro rya Kigali Citizen Polyclinic avuga ko ubundi hari ubwoko butatu bw’ibitera ubwivumbure bw’umubiri (allergy) ari bwo: Ibiribwa, ibihumekwa ndetse ko hari n’imwe mu miti ikoreshwa kwa muganga.
Muganga Munyarugamba abajijwe niba hari izindi ngaruka, yakomeje asobanura ko hari igihe izi mpinduka mu mubiri zishobora no gutera urupfu.

Naho ku bijyanye no kumenya niba byaba bivurwa, yasubije avuga ko bidashoboka ko byavurwa.

Muganga Munyarugamba Protais avuga ko hari imiti umuntu ufite icyo kibazo ahabwa ishobora kumufasha. Ikindi ni uko iyo uwo muntu abimenye hakiri kare yakwirinda ibyo byose byamutera ikibazo akabivana muri gahunda y’ibyo agomba gufata, akabigendera kure.

Na none ngo ntibikunze ko umuntu ashobora kuba yaragiraga icyo kibazo ari umwana hanyuma yamara gukura ngo bishire, ikindi ni uko abana ari bo bakunze kugaragaraho icyo kibazo.

Uru ni urutonde rwa bimwe mu biribwa bikunze kuza ku isonga mu gutera ubwivumbure bw’umubiri (allergy) nk’uko bitangazwa n’urubuga rwa www.healthline.com hamwe na Dr Munyarugamba Protais. Muri ibyo biribwa harimo:

1. Amata

Ubwivumbure (allergy) ku mata bushobora no kubyara urupfu buterwa n’imwe cyangwa nyinshi muri za poroteyine zo mu mata umubiri uba utihanganira. Bukunze kuboneka cyane ku bana bahabwa amata bataramara amezi atandatu bavutse, gusa no ku bakuze birashoboka nk’uko urubuga rwa www.healthline.com ruvuga ko hagati ya 2% na 5% by’abana bahabwa amata bagaragaza ubu bwivumbure ku mata batarageza ku mwaka w’ubukure.

2. Ubunyobwa

Ubunyobwa bukoreshwa mu mafunguro menshi ndetse hari na za biswi na shokola usanga burimo. Nubwo akenshi ubwivumbure ku bunyobwa butajya buhagarara ariko ku bana babugaragaje bakiri bato, iyo bakuze, 20% ngo ibyo bibazo birashira bakajya baburya.

Icyakora ariko ababugumanye hari igihe bugenda bwiyongera ku buryo bwanazana urupfu baramutse bariye ibirimo ubunyobwa. Nyuma yo gusuzumwa na muganga, umuntu ufite icyo kibazo agirwa inama yo kugendana ibinini byitwa ‘epinephrine’ kugira ngo mu gihe ateganya kurya ibyo atazi uko byateguwe, ibyo binini abyifashishe.

3. Ingano

Mu ngano harimo poroteyine z’amoko menshi zikaba zashobora kuba zahungabanya umutekano w’abantu bagira ubwivumbure ku ngano n’ibizikomokaho.

Niba ugira ubwivumbure ku ngano si byiza guha umwana utarageza ku mwaka avutse ibiribwa byose bifite aho bihuriye n’ingano. Ngo n’iyo ubimuhaye ukabona hari impinduka zidasanzwe zibaye byaba byiza uhise ugana kwa muganga.

4. Amafi

Akenshi usanga abagira ubwivumbure ku mafi babugira ku mafi afite ibyubi nka salmon, tilapia, hakiyongeraho indagara, saldine n’izindi.
Ubwivumbure ku mafi bushobora kuzahaza umubiri w’ubugira akaba ari yo mpamvu mu gihe asanze amafi atari ibyo kurya bye, byaba byiza ayirinze.

5. Soya

Soya na yo iza ku rutonde rw’ibiribwa bishobora gutera umubiri ubwivumbure. Gusa muri iyi minsi soya isigaye iri mu biribwa biva mu nganda ndetse hakaba hari n’imiti imwe n’imwe iba ivanzemo na soya ni yo mpamvu kuri bamwe cyane cyane abarya ibyatunganyirijwe mu nganda kuyirinda bigoye. Hari n’inyama zikoze muri soya bakunze kwita tofu ndetse n’amata ya soya n’amajyani. Ibi byose na byo bishobora gutera ubwivumbure niba umuntu ugira ubwivumbure kuri soya.

6. Amagi

Hari abana benshi bagaragaza ubwivumbure ku magi, gusa iyo bamaze gukura hari igihe bishira. Uramutse uzi ko ugira ubwivumbure ku magi, ni byiza ko utagerageza kurya amagi.

Ikindi ni uko ku mwana utarageza ku mwaka avutse, ngo ni byiza kumuha umuhondo w’igi gusa kuko akenshi igitera ubwivumbure ku mubiri kiba kiri mu mweru w’igi.

Ubundi abakozi bo mu rugo rimwe na rimwe usanga baba ari abana bakiri bato urebye mu gihagararo ndetse no mu myaka. Ikindi ni uko bamwe muri aba bana baba baturuka ahantu hatandukanye mu turere tw’igihugu ku mpamvu zitandukanye harimo ubukene bw’imiryango baba bakomokamo cyangwa ibindi bibazo by’ubuzima.

Mu mwaka wa 2014 ku mbuga nkoranya mbaga hasakaye videwo igaragaza umukozi w’umukobwa witwa Tumuhirwe Jolly w’imyaka 22 akorera iyicarubozo umwana muto w’umukobwa w’umwaka umwe n’igice.

Jolly Tumuhirwe wari ufite imyaka 22 y’amavuko muri 2014 yafashwe amashusho ahohotera umwana yari ashinzwe kurera

Muri Kigali kandi higeze kumvikana inkuru ibabaje y’umusore wirukanywe mu rugo yari amaze igihe kirekire akora akazi ko mu rugo, yakwirukanwa akihimura ku bamukoreshaga yica umwana wabo.

Izo ngero ni zimwe muri nyinshi zagiye zumvikana haba mu Rwanda no mu mahanga. Bamwe mu bakozi bo mu ngo baganiriye na Kigali Today bagize icyo bavuga kuri bene iyo myitwarire ya bagenzi babo.

Uwitwa Ancile w’imyaka 23 y’amavuko ukora akazi ko mu rugo yagize ati “Kariya kazi ko mu rugo gasaba ubwitange rimwe na rimwe ndetse no kwihangana.”

Ancile avuga ko hari igihe uba ukora neza gusa utishimiye uburyo ubayeho bitewe n’uburyo ubanye n’abakoresha bawe kuko na bo ubwabo hari igihe abakozi bo mu ngo bahemukira ababakoresha na bo babigizemo uruhare.

Imanishimwe Claude w’imyaka 17 y’amavuko na we avuga ko ahanini ihohoterwa bakorerwa aho bakora, hari aho rigira ingaruka ku bana bo muri izo ngo. Atanga urugero ko hari igihe umukozi ashobora kugirana amakimbirane n’abamukoresha, umukozi bikamutera umutima mubi akaba yakwihimura ku mwana wabo kugira ngo na bo abababaze.

Gusa kuri we ngo abona ko atari cyo gisubizo cyihutirwa, ahubwo ngo umuti ni uko abakozi n’abakoresha bakwicarana bagakemura ikibazo bafitanye mu mucyo.

Umubyeyi witwa Mukeshimana Christine ufite abana batatu umuto muri bo akaba afite umwaka umwe yabwiye Kigali Today ko na we akoresha umukozi wo mu rugo kandi ko yababazwa no gusanga umwana we yahohotewe n’umukozi yagiriye icyizere. Mukeshimana avuga ko abanye neza n’umukozi we agatanga inama y’uko umukoresha n’umukozi bagomba kwizerana.

Mukeshimana asobanura ko hari abakozi bo mu ngo usanga bafite imyitwarire mibi, icyakora hakaba n’abakoresha batari shyashya cyangwa batajya baha ubwisanzure n’agaciro abakozi bo mu rugo.

Bimwe mu bibi Mukeshimana anenga abakoresha birimo kuba hari abahemba umushahara muto abakozi, hakaba ababasambanya, hakaba n’abatavuza abakozi babo. Ngo hari abandi babima ku biryo bimwe na bimwe kandi ari na bo babitetse, ibyo bigatera abakozi umutima mubi. Ngo hari igihe bituma abakozi bo mu rugo biba bimwe mu biribwa nk’inyama, amata, imbuto n’ibindi. Mukeshimana asoza asaba abakoresha guha agaciro abakozi babo bo mu rugo.

Kigali Today yaganiriye na Kompanyi yitwa ‘Rwanda Maid’ imwe muri kompanyi zitanga abakozi bo mu ngo. Iyo kompanyi ivuga ko nta bibazo bakunze guhura na byo ku bijyanye n’abakozi bitwaye nabi gusa ikanenga bamwe mu bakozi aho ivuga ko hari abakozi bagera mu ngo bakahamara amezi abiri bagahita bashaka ko bongezwa umushahara cyangwa bagatangira kwitwara nka ba nyiri urugo aho batangira gusuzugura buri wese.

Gusa iyo kompanyi ivuga ko hari n’abakoresha babi badaha agaciro abakozi babo bityo bigatera wa mukozi guhindura imyitwarire akaba ariho uzasanga bamwe bagirira nabi abo muri urwo rugo cyangwa bagasiga bibye bimwe mu bikoresho byo muri urwo rugo bakigendera.

Akenshi usanga havugwa ko ari ukugira ngo habungabungwe amagara yabo cyane ko ngo byaba bigabanya ibyago byo kwandura Virusi itera SIDA ku kigero cya 60%.

Ikindi ni uko nk’Abayahudi n’Abayisilamu n’ibindi bihugu by’abarabu, gukebwa ntibifatwa nk’ibintu bigamije kubungabunga amagara y’abantu gusa, ahubwo ni umuhango w’idini ufite icyo usobanura, ikindi ni uko uyu muhango hari n’abawufata nk’aho ari igikorwa cy’idini rya Isilamu gusa bakaba batekereza ko batabikora atari abayoboke b’idini rya Isilamu.

Na hano mu Rwanda hari igihe Minisiteri y’Ubuzima yageze aho ikangurira Abanyarwanda kwitabira igikorwa cyo gukebwa kuko bibafitiye akamaro cyane mu rwego rwo kurushaho kugira isuku y’igitsina no kugabanya ibyago byo kwandura virusi itera SIDA.

Igikorwa cyo gukebwa ubundi hari uburyo bubiri gikorwamo ari bwo: uburyo bwo gukoresha impeta n’ubundi buryo bwo gukata agahu k’inyuma ku gitsina bakahadoda bagashyiraho n’igipfuko.

Umwe mu baganga bakora ibijyanye no gukebwa yasobanuye uko bikorwa ahereye ku buryo bwo gukata bisanzwe ati: “Ubundi ubu buryo bwo gukata ni bwo bukunze gukoreshwa n’abaza batugana bashaka iyo serivisi kuko nibwo buryo bworoha kandi bwizewe kuko bakata agahu k’inyuma ku gitsina cy’umugabo bamuteye ikinya hanyuma bakaza kumudoda imitsi yose bakayifunga ku buryo nta kibazo byaza guteza ku wakebwe.

Yakomeje asobanura ko uburyo bw’impeta ari uburyo budakunze gukoreshwa cyane ko n’aho bukoreshwa ahanini biba ari mu buryo bw’ubukangurambaga gusa ubu buryo bukaba bunagora rimwe na rimwe nubwo bwaba bukoreshwa ku bantu benshi kuruta gukebwa bisanzwe.

Ku bijyanye n’ibiciro uwo muganga yasobanuye ko ubundi mu bitaro bisanzwe bya Leta igiciro kiri hasi cyane ugereranyije no mu mavuriro yigenga kuko nko mu mavuriro ya Leta bikorwa ku mafaranga angana n’ibihumbi icumi (10,000frw) byose biri hamwe no kwitabwaho naho mu mavuriro yigenga bikaba bihagaze ku mafaranga agera ku bihumbi mirongo itandatu (60,000frw), waba ufite ubwishingizi bigatwara agera ku bihumbi makumyabiri (20,000frw).

Bamwe mu babashije kuvugana na Kigali Today bavuze ko gukebwa ari byiza kandi ko uretse kuba bivugwa ko bigabanya ibyago byo kwandura virusi itera SIDA ngo ni n’isuku y’umubiri.

Muganga asobanura ko imbogamizi zijya zibaho biturutse ku gukebwa ahanini zituruka ku bantu baba barakoreshejweho uburyo bw’impeta ntibigende neza imitsi igaturika. Akomeza avuga ko iyo bigenze bityo uwakebwe hakoreshejwe impeta agaruka kwa muganga bakayikuramo hanyuma bakamubaga bakamudoda nk’uko byari gukorwa mbere hakoreshejwe uburyo busanzwe bwo gukata.

Umunyamuziki Robert Kyagulanyi uzwi nka Bobi Wine ni umwe mu batavuga rumwe n’ubutegetsi bwa Uganda uri kuvugwa muri iyi minsi

Mu iburanisha riyobowe n’umucamanza Gladys Kamasanyu, umushinjacyaha yatangarije urukiko ko Bobi Wine n’uwo bafunganywe, David Luke batigeze bagera imbere y’ urukiko mbere y’uko hatangwa impampuro zibahagamaza ku byaha bikomeye bakurikiranyweho.

Bakaba barafunganywe n’umunyeshuri witwa Julius Katongole, umushoramari Fred Ssentamu Nyanzi umuvandimwe wa Bobi Wine hamwe n’umwogoshi Edward Sebuufu, nabo bari bari mu rukiko.

Madamu Kamasanyu agira ati “Iburanisha rya (Lule) A1 hamwe na (Bobi Wine) A5 ryimuriwe tariki 12 Kanama 2019”.

Uburanira ushinjwa Abudallah Kiwanuka, mbere y’uko urubanza rusubikwa, yasabye urukiko ko hagaragazwa ubuhamya bushinja aba baregwa.

Ubushinjacyaha buvuga ko Bobi Wine hamwe n’abandi bane, tariki 11 Kanama 2018, berekeje ahitwa City Square hakunze kubera imyigaragambyo mu mugi wa Kampala, basuzuguye ingingo ya gatanu n’iya cumi y’itegeko rigenga umudendezo rusange ryo mu 2013, bakora inama mu buryo butemewe n’amategeko nta buyobozi bubizi, bakaza no kwanga kumvikana na Polisi.

Muri Nyakanga 2018 mwaka ushize, leta ya Uganda yashyizeho amahoro adasanzwe yishyurwa n’abakoresha imbuga za interineti zitandukanye zigera kuri zirimo facebook, twitter, whatsapp n’izindi ndetse n’abakoresha uburyo bwo hokererezanya amafaranga bifashishije telefone. Kuva ubwo abakoresha imbuga nkoranyambaga batangiye kugabanuka cyane muri icyo gihugu.

Reba indirimbo ya Bob Wine nshya yise Afande

Iyi mashini ni igisubizo ku borozi b’inkoko

Mu imurikagurisha ry’ibijyanye n’ubuhinzi n’ubworozi riheruka kubera ku Murindi wa Kanombe mu Murenge wa Ndera mu Karere ka Gasabo, habonekaga iyo mashini irarira amagi.

Ni imashini yari yazanywe n’abaje kumurika baturutse muri kaminuza y’ikoranabuhanga n’ubugeni ya Byumba (UTAB), ishami ry’ubuhinzi n’ubworozi. Bavuga ko bayizanye kugira ngo umuturage usanzwe yorora inkoko abashe kumenya akamaro k’iyo mashini n’uko ikora.

Abamurikaga iyo mashini basobanura ko ifite ubushobozi bwo kurarira amagi 48 mu gihe kingana n’iminsi 21 nk’uko bimenyerewe ko inkoko irarira mu gihe cy’iminsi 21 nyuma igaturaga akaba ari na ko iyo mashini ibikora.

Bakomeje basobanura uburyo iyo mashini ikozemo, bavuga ko ikoze mu buryo ihorana ubushyuhe imbere bubasha gufasha ya magi gukomeza amerewe neza ku kigero cy’ubushyuhe aba akeneye.

Ikindi kandi ni uko iyo mashini ifite ubundi buryo buyifasha gukomeza gukora kuko ubwo buryo bukoresha umuriro usanzwe cyangwa uwaturutse ku mirasire y’izuba.

Byumvikana ko hari uburyo iyo umuriro usanzwe w’amashanyarazi uramutse ugiye, icyuma kimeze nka moteri yayo gihita gitangira gukoresha (Automatic) wa muriro ukomoka ku ngufu z’izuba wabitswe na bateri mu gihe gito cyane nta mpinduka zibaye.

Iri koranabuhanga ritanga ubushyuhe amagi akenera mu minsi 21 kugira ngo abashe kuvamo imishwi

Icyo gihe imashini ikomeza gukora neza nta cyangiritse kandi na ya magi akagumana igipimo cy’ubushyuhe yari asanganywe mbere y’uko umuriro usanzwe w’amashanyarazi ugenda. Ibi bivuze ko umworozi w’inkoko akomeza kwikorera gahunda ze neza nta mpungenge z’uko hari ikiri buze kwangirika.

Iyo ya minsi 21 ishize imashini ituraga ya magi yose, imishwi bakayishyira ahantu hari isuku kandi hashyushye, kuko kugira ngo imishwi ikure neza iba igomba isuku, ubushyuhe n’ibindi biyigenewe.

Nubwo iyi mashini bigaragara ko ifite ubushobozi bwo gukora akazi gakomeye gasanzwe gakorwa n’inkoko, ba nyirayo bavuga ko igifite imbogamizi kuko itabasha kuba yakwimukanwa kuko nta bateri ifite iyifasha kubika umuriro wayifasha gukomeza gukora akazi kayo nk’uko bisanzwe.

Izi nyamaswa ngo zisigaye muri Kenya gusa kandi ngo ubu ntizirenga 100

Najib Balala, umunyamabanga ushizwe ubukerarugendo n’inyamanswa ziba mu ishyamba muri Kenya, yatangarije ibiro ntaramakuru by’abashinwa xinhuanet ko igihugu cyafashe umugambi wo kurinda no kubungabunga Mountain Bongo kuva muri uyu mwaka wa 2019 kugeza mu mwaka wa 2023.

Balala agira ati “uyu mugambi wo kurinda Mountain Bongo uziye igihe kuko ari nkeya kandi zisigaye muri kenya gusa”.

Akomeza avuga ko “ibi kandi bizabasha guha agahenge Mountain Bongo zikongera zikororoka zigatura neza.”

Avuga kandi ko intego ya Kenya ari ukuzamura iyororoka ry’izi nyamaswa mu rusobe rw’ ibinyabuzima biba mu ishyamba, zikava ku 100 zikagera byibuze kuri 730 mu myaka 50 iri imbere babifashijwemo no kuzireberera ku bufatanye n’abaturage.

Minisitiri wa Kenya ushinzwe ubukerarugendo n’ibinyabuzima byo mu ishyamba avuga ko kongera kuzamura imyororokere ya Mountain Bongo ari gahunda y’imyaka ine, irimo ibikorwa byiganjemo kuzirinda ba rushimusi n’ibi byazibangamire mu miturire yazo.

Sousan Koech umunyamabanga wa Leta ushinzwe ibinyabuzima biba mu ishyamba yavuze ko guverinoma izateza imbere iby’imenyekanisha ry’ubushakashatsi mu kongera umubare w’izi nyamaswa zibera ku musozi wa Kenya, uwa Aberdares, Mau na Eburu.

Bongo zo mu misozi zageze kuri 500 mu myaka ya za 1970, zikaba zaragaragajwe n’umuryango mpuzamahanga ushinzwe kurinda no kubungabunga ibidukikije (IUCN) nk’inyamaswa zishobora gushiraho ku isi hatagize igikorwa.

Margaret Mbaka, umunyamuryango w’akanama k’ubuyobozi ka Mount Kenya Wildlife Conservancy yatangaje ko mu kurinda Mountain Bongo bizagira ingaruka nziza k’ubukererugendo no ku ruhande rw’abatuye mu byaro.

Mbaka ati “Mountain Bongo ni kimwe mu bigize umuco w’abatuye muri kariya gace. Zikwiye kurindirwa umutekano, no gutanga umusanzu ngo zirindwe inzara, kuko bizagira uruhare runini mu kuzamura ubukungu”.

Akomeza avuga ko ibyo kwita kuri Mountain Bongo bizagerwaho, ku bufatanye bwa gahunda ishinzwe ibyo guhanga udushya, ku bufatanye n’ishinzwe ubushakashatsi n’imenyekanishamakuru.

Abana bibukijwe ko bagomba kwirinda ingengabitekerezo ya Jenoside

Ni ubutumwa bwahawe abana biga mu mashuri y’inshuke, abanza n’ayisumbuye bo mu karere ka Kicukiro mu mujyi wa Kigali, muri gahunda yo gutangiza icyumweru cyahariwe kwibuka abana n’ibibondo bazize Jenoside yakorewe Abatutsi mu 1994.

Icyo cyumweru cyatangijwe kuri uyu wa mbere 24 Kamena 2019, bukazarangira kuwa gatanu 28 Kamena 2019.

Muri iki cyumweru, mbere y’uko batangira akaruhuko ko hagati mu masomo (break), abanyeshuri bazajya bafata umunota umwe wo kwibuka abana n’ibibondo bazize Jenoside, nyuma bahabwe ubutumwa buzaba bwagenwe kuri uwo munsi, babone gutangira gukina.

Fondation Ndayisaba Fabrice ivuga ko intego nyamukuru y’iki gikorwa ari uguharanira ko umwana akurana ibitekerezo byiza, akarindwa ingengabitekerezo ya Jenoside, kandi agakura akunda bagenzi be n’igihugu binyuze mu mikino.

Ndayisaba Fabrice akina n’abana

Umuyobozi w’ishami ry’uburezi mu karere ka Kicukiro Munyantore Jean Claude, avuga ko kwigisha abana amateka ari igikorwa kibafasha gusobanukirwa ko hari abana bari mu kigero nk’icyabo bishwe muri Jenoside yakorewe Abatutsi.

Akomeza avuga ko ari byiza gukomeza kubafasha kumenya neza no gusobanukirwa amateka ya Jenoside yakorewe Abatutsi n’ubukana yakoranywe, bikabafasha gukura neza mu mitekerereze, birinda amacakubiri.

Ati “Ni igikorwa tubonamo imbaraga zidufasha kwigisha abana amateka, ko hari abana banganaga na bo bazize Jenoside yakorewe Abatutsi, bakanasobanukirwa ubukana yakoranywe. Ibi bibafasha gukura neza birinda ikibi, birinda amacakubiri, bigatuma tuzagira Abanyarwanda beza, abahanga badafite ingengabitekerezo ya Jenoside n’amacakubiri”.

Mbere yo gutangira akaruhuko gato (Break), abana bazajya babanza guhabwa ubutumwa

Bamwe mu barimu bakorera mu karere ka Kicukiro, bavuga ko kuba hifashishwa imikino mu kwibuka abana ari ikintu kiza, kuko abana bakunda imikino, kandi ko iyo ubutumwa butanzwe abana bidagadura barushaho kubwumva.

Manzi Victor, umuyobozi wungirije muri Ndayisaba Fabrice Foundation avuga ko kugeza ubu iyi gahunda yo kwibuka abana n’ibibondo bazize Jenoside yakorewe Abatutsi yari igikorwa ku rwego rw’akarere ka Kicukiro gusa, ariko hakaba hari gahunda ko yajya ikorwa ku rwego rw’igihugu.

Agira ati “Turashimira akarere ka Kicukiro, IPRC Kicukiro ndetse n’abandi bafatanyabikorwa bakomeje kudufasha. Ariko turifuza ko iki gikorwa cyagera ku rwego rw’igihugu, kuko umusaruro dukomeza kuwubona kandi twifuza ko wagera mu gihugu hose, abana bagafashwa kumenya amateka kuri Jenoside”.

Ku ruhande rw’abanyeshuri, bavuga ko kwibuka abana n’ibibondo bazize Jenoside yakorewe abatutsi ari igikorwa kibafasha gusigasira ubumwe nk’amizero y’igihugu cy’ejo hazaza, kugira ngo Jenoside itazongera kuba.

Bavuga kandi ko iki gikorwa kibigisha gukundana, bagakina neza kandi mu mahoro.

Abana bavuga ko iyo iyo ubutumwa bunyujijwe mu mikino, bituma barushaho gukundana birinda ikibi

Basaba bagenzi babo bo mu tundi turere gukorera hamwe kandi nibura na bo bakajya bafata umunota umwe wo kwibuka bagenzi babo buri munsi mbere yo gutangira amasomo no mu karuhuko bagiye gukina.

Ni ku nshuro ya cyenda umuryango “Ndayisaba Fabrice Foundation” ukora ibikorwa byo kwibuka abana n’ibibondo bazize Jenoside yakorewe Abatutsi ku rwego rw’amashuri y’inshuke, abanza n’ayisumbuye ku rwego rw’akarere ka Kicukiro.

Iki cyumweru cyo kwibuka abana n’ibibondo bazize Jenoside, kizarangira kuwa gatanu tariki ya 28 Kamena 2019, ariko ibikorwa byo kwibuka abana n’ibibondo muri rusange muri Fondation Ndayisaba Fabrice bikazasozwa tariki ya 03 Nyakanga 2019.

Mu mashuri yose yo muri Kicukiro hatangijwe gahunda yo kwibuka abana n’ibibondo bazize Jenoside yakorewe Abatutsi

Nyamara mugihe ba nyirazo bo baba bazifite, ndetse banazihamagaza bigakunda, rimwe na rimwe bikunze kugaragara ko iki kibazo nyiri telefone yacyicyemurira ubwe atagombye kwitabaza abatekinisiye mu gukora za telefone cyangwa bimwe mu bigo by’itumanaho bitewe n’icyo akoresha.

Nk’uko bigaragazwa n’imbuga z’itumanaho nka telephonesuk.co.uk n’urubuga rwa MTN-Rwanda ndetse n’itsinda Telecommunications Heritage Group (THG) ubu buryo bwo kuba telefone yawe ishobora kwitabwa n’undi muntu kandi utazi ngo si ikibazo, ahubwo ngo ni bumwe mu buryo buri wese ukoresha telefone nawe ashobora gukoresha mugihe ari ahantu atabasha gukoresha telefone cyangwa adashaka kuyitaba, ariko akaba yaha undi muntu yizeye ubwo burenganzira bwo kuyimwitabira binyuze ku yindi nomero ya telefone asanzwe akoresha ariko itandukanye n’iye, bakaba babwita Call divert cyangwa call forward mu rurimi rw’Icyongereza.

Uko call diverts ishyirwa muri telefone

Uku ni ko kohereza nimero yawe ku y’indi nimero bikorwa:

Ukanda **21* ugashyiraho nomero ushaka ko izajya ikwitabira, hanyuma ugakanda # nyuma ukemeza (Yes/OK) urugero **21*078……# (Yes/OK).

Ushobora kandi kwinjira muri telefoni yawe ukabikoreramo bitewe na telefoni ukoresha, nk’uko bigaragara kuri izi ngero:

i. Telefoni ya Sony Ericsson: Winjira ahanditse settings-call- divert calls - ukahasanga divert calls bitewe niyo ushaka ugahitamo.

ii. Nokia: setting-call setting –divert- ukemeza- ukabona Divert calls, bitewe niyo ushaka ugahitamo.

iii. iPhone: Setting-phone-call forwarding-open-ugahitamo nimero ushaka ko izajya ikwitabira.

Ushobora no kwinjira muri settings cyangwa paramettre ya telefone yawe ugashyiramo cyangwa ugakuramo ubu buryo

Muri telefoni za simukadi 2 Cyangwa 3 (2 or 3 SIM card) zo winjirira muri phone- setting- call setting/calling account- ugahitamo SIM ya 1,2 cyanga 3 bitewe n’iyo ushaka ko baza kukwitabira – call divert- ugahitamo nimero ushaka ko izajya ikwitabira, bitewe niyo ushaka ugahitamo.

Kuri izi zose twavuze haruguru n’izindi iyo ugeze kuri call divert uba ushobora guhitamo igihe wifuza uwo wahaye uburenganzira ko yazajya akwitabira telefoni yawe, nk’igihe telefone yawe itariho, cyangwa se kuri telefone yose iguhamagaye ntubashe kuyitaba ako kanya.

Ushobora guhitamo igituma call divert ikora

Divert all voice call: igihe cyose telefone yawe iriho cyangwa itariho.
Divert if unreachable: igihe uhamagawe telefoni yawe ntiboneke cyangwa nticemo.
Divert if no answer: igihe uhamagawe ariko ntiwitabe ngo witabe uguhamagaye.
Divert if busy: mugihe baguhamagaye uhuze cyangwa urimo kuyivugiraho
Divert all data calls: buri wese uguhamagaye azitabwe n’uwo wahaye uburenganzira.

Iyo umaze guhitamo icyo wifuza ukanda kuri Activate – ukabona ahanditse to new number ukandikamo nomero y’uwo ushaka guha uburenganzira – ugakanda OK.

Iyo ubirangije guhera uwo mwanya wa muntu atangira kujya yitaba telefone yawe kugeza igihe uzabikuriramo.

Wabwirwa n’iki ko telefone yawe irimo Divert call? (ko abaguhamagaye boherezwa ku yindi nimero)

Birashoboka cyane ko abana bawe murugo bakinisha telefone yawe bagashyiramo call divert utabizi kandi nabo batabizi wenda nabo batabishaka, cyangwa se umuntu akabikora kuri telefoni yawe agirango ajye yumva amabanga yawe cyangwa se indi mpamvu.

Ikizakubwira ko telefone yawe irimo call divert ni uko uzabona akambi kigonze kareba hejuru kari muri telefone yawe, icyo gihe uzihutire guhita ugakuramo ukoresheje bumwe mu buryo twakubwiye haruguru.

Hari igihe kandi abantu bazakubwira ngo turaguhamagara tukitabwa n’undi, icyo gihe ntuzapfe guhakana ahubwo uzakoreshe zimwe muri za nzira twavuze haruguru zikuramo call divert bizakemuka.
Ubundi buryo bworoshye wakoresha mu kureba niba nta call divert ufite muri telefoni yawe ni ugukanda *#21# hanyuma ugakanda yes/ok.

Uko Divert call ikurwa muri telefoni

Mu gukuramo call divert hari inzira zitandukanye
Gukanda nanone #*21*nomero y’umuntu wahisemo ko azajya akwitabira # urugero #*21*078…..#
Gukanda ##002#
Ushobora nanone kwinjira muri za nzira twanyuzemo tuyishiramo wagera ahanditse call divert ugahitamo ahanditse cancel all divert. Gusa hano hari igihe telefone igusaba umubare w’ibanga (password) ugashyiramo amazeru ane (0000) ukemeza bihita birangira bikavamo.
Wamaze kandi guhitamo igihe utifuza ko wajya witabwa n’uwo utahaye uburenganzira ushobora guhitamo deactivate mu mwanya wa activate.

Iyo kimwe mu bisabwa kibuze, umuhanzi asubira inyuma. Urugero twatanga ni nk’umuhanzi utari gusohora indirimbo ntanagire n’igikorwa akora. Uyu ntabwo atumirwa mu bitaramo bivuze ko aba atari gukorera amafaranga. Aba bantu rero bavugwaho kugira amayeri bifashisha iyo babona batari kuvugwa cyangwa se babuze mu kibuga cya muzika (ibyo bita kuzima), maze bakagaruka mo.

Kuri uyu munsi twabakusanyirije amwe mu mayeri akunze kwifashishwa na bamwe mu bastar ngo bongere bavugwe haba mu Rwanda cyangwa se n’ahandi ku isi iyo bamaze iminsi babona nta radio, website cyangwa ikinyamakuru kibandikaho.

1.Kurema amakimbirane (Beef)

Kurema amakimbirane hagati y’abahanzi babiri cyangwa se inzu zitunganya umuziki ebyiri, biri mu bintu bikunze kugaragara cyane cyane mu muziki aho usanga abahanzi runaka cg itsinda ryifashe rigaterana amagambo n’irindi.

Ibi hari ubwo baba babikora bagakoresha uburyo bwose bushoboka kugira ngo bikunde bimenyekane ku kigero bifuza bo ubwabo ko bafitanye ikibazo kandi gikomeye. Tutagiye kure muri 2015 bamwe mu basore bari bagize itsinda rya Tough Gangs batandukanaga n’umwe muri bo bikajya no mu bitangazamakuru ko batandukanye, bavuga ko Jay Polly atakibarizwa muri tough gangs nyuma y’igihe baza kongera gusubirana n’ubwo ibikorwa byabo nk’itsinda bisa n’ibitakigaragara. Icyo gihe bavugaga ko uyu muhanzi atakibikoza, asigaye abicaho akabirengagiza bitewe n’urwego ngo yari agezeho rwatumaga agira abakunzi benshi ndetse n’amafaranga akinjira kurusha bagenzi be. Bamwe baketse ko bwari uburyo gutuma iri tsinda ryongera kuvuga, abandi bavuga ko koko ikibazo cyari gihari kandi gikomeye.

2.Kuvuga ko bagiye kureka umuziki

Riderman amaze imyaka avuga ko agiye kureka muzika ari n’ubu reka da

Ibi bibaho ko hari igihe abastars bagiye bavuga ko bagiye kuva muri byo bakoraga. Akenshi ibi babikora bagira ngo batere abafana babo impuhwe ngo babahangayikire cyangwa babinginge ngo bareke kugenda bigatuma barushaho kuvugwa ku mbuga nkoranyambaga no mu bitangazamakuru. Mu kwezi kwa Kenda 2018, nibwo umuraperi Emery Gatsinzi uzwi nka Riderman yabwiye rumwe mu mbuga zandika amakuru y’imyidagaduro ko afite muri gahunda ibijyanye no kureka umuzika. yagize ati “Ntabwo ngiye kuva mu muziki kuko ntawukunze icyo ngicyo cyumvikane“. N’ubwo yavuze ibi tariki 08 Kamena afite igitaramo azaririmbamo muri Car Free zone. Umuntu yakwibaza impamvu yatangaje ibyo none amezi akaba abaye icyenda ibikorwa bye bya muzika bigikomeza.

3.Gutangaza ko abagize itsinda runaka batandukanye

Radio wambaye umukara yarinze ashiramo umwuka ibyo gutandukana bitarabaho

Hari amwe mu matsinda nayo yagiye avugwaho ikibazo cyo gutandukana nyamara atari byo. Bagasobanura neza ko bamaze gutandukana ahanini rimwe na rimwe usanga bikorwa kugira bakurure amatsiko y’abakunzi babo baba bakeka ko ahugiye ku bandi.

Urugero aha twavuga nk’itsinda Good Lyfe ryo muri Uganda ryari rigizwe na Weasel na Radio. Mu 2012 bavuze ko bagiye gutandukana buri wese agakora ku giti cye gusa nta cyahindutse nkuko ibitangazamakuru byo muri Uganda byabivugaga.

4.Gukwiza igihuha ko bakoze impanuka cyangwa bapfuye

Jackie Chan w’imyaka 65 yavuze ko atazi aho igihuha cyaturutse

Ibi nabyo biri mu bikunze kuvugwa cyane nkaho umustar ashobora kwiburisha mu gihe runaka adakora nyuma agatangaza ko ari mu bitaro amerewe nabi ariko nyamara rimwe na rimwe ugasanga ari na muzima.

Aha twavuga nko mu kwa gatatu 2011, ubwo hasohokaga amakuru avuga ko umukinnyi w’icyamamare w’ama filime w’umunya Hong Kong akaba n’umuhanzi Jackie Chan yapfuye. Nyuma yaje kwamagana aya makuru anavuga ko atari aho yakomotse, ko we rwose ariho kandi ameze neza.

5.Ikinyoma kibitirirwa cyangwa kibabeshyera ikintu runaka:

Just Family

ibi byakunzwe kugaragara kuri bamwe mu bahanzi ba hano mu Rwanda aho bamwe bagiye bagerekwaho inda n’ibindi byinshi. Umukobwa yigeze guhamagara kuri radio avuga ko King James yamuteye inda. Ntibiciye kabiri uwo mukobwa arongera arahamagara ati narabeshyaga. Benshi bakibaza impamvu y’uko kubeshya no kongera kubeshyura.

Itsinda Just family rya hano mu gihugu rigizwe n’abasore batatu aribo Bahati, Jimmy na Croidja, bigeze kuvuga ko baba bakorana n’imyuka mibi yo kwa sekibi bivuzwe na mugenzi wabo ubwo yaramaze kubavamo. Nyamara nyuma yaje kuvuga ko atari byo.

Hari kuwa gatandatu tariki 20 Ugushyingo 2015, ubwo Abayizera Grace uzwi nka Young Grace yabyutse ashyira ku mbuga nkoranyambaga ze ko ashima cyane Imana, umuryango, abamurihiye n’abandi bose bagize uruhare mu masomo ye, none akaba yarangije kaminuza.

Ubwo Young Grace yibeshyeraga ko yarangije kaminuza. Yari yiteguye kuva ku myenda, igitabo mpimbano, indabo n’ibindi

Akimara kwandika ibi ubuyobozi bwa UTB bwavuze ko bugiye kujyana mu nkiko uyu mukobwa, kubera kwiyitirira kurangiza muri iyi kaminuza no gukoresha impapuro mpimbano.

Abonye bikomeye, Young Grace yandikiye iyi kaminuza atakamba, avuga ko yabitewe no gushaka kwemeza uwamurihiraga ngo wabaga muri Canada ko amafaranga yoherezaga atayapfushije ubusa.

6.Kugerageza guhimba imishinga ikomeye bari gutegura:

Denis Nsanzamahoro uzwi muri sinema nyarwanda

Hari ubwo umuhanzi cyangwa icyamamare runaka wa hano mu gihugu ahimba ko hari imishinga afitanye n’abandi bastar bo hanze nko muri Nigeriya, Amerika n’ahandi. Hano twavuga ubwo Denis Nsanzamahoro wamenyekanye nka Rwasa muri filime Nyarwanda, yababeshye ko azajyana n’umuhanzikazi Butera Knowless muri Tanzania bagakorana film na bamwe mu byamamare byo muri sinema yo mu karere.

Aho ngo Butera yagombaga gukina ari umukobwa wa perezida wa Tanzania naho Rwasa agakina ari umurinzi wa perezida. Icyo gihe hari muri 2014. Ariko amaso yaheze mu kirere.

Bamwe bati “Ni ukuri naragowe, uwo mugore sindanamubona”, abandi bati “Uwo muntu muzi nk’umufana wanjye nta kindi”. Muri iyi nkuru twagerageje kwegeranya amwe mu makuru kuri bamwe mu bahanzi bagiye bavugwaho gutera inda abakobwa ndetse n’uko babyitwayemo.

Bruce Melody:

Bruce Itahiwacu ukoresha izina ry’ubuhanzi rya Bruce Melodie w’imyaka 27, akaba ari umwanditsi w’indirimbo n’umuririmbyi mu njyana za R&B, Afro beat, Afro pop na Rap. Uyu muhanzi watangiye umuziki mu mwaka wa 2006 ariko indirimbo ye ngo ntibashe kurangira yarongera gusubira muri studio 2010, nawe yagiye aregwa n’abakobwa batandukanye kubatera inda.

Uyu muhanzi wanatwaye irushanwa Primus Guma Guma Super Star ku nshuro yaryo ya munani ari nayo ya nyuma akaza no kwitabira irushanwa rya Coke studio ryaberaga muri Kenya mu mwaka wa 2018, ari mubavuzweho gutera inda akabihakana.

Mu mwaka wa 2015 ni bwo Bruce Melody yaje gutungurwa n’umukobwa amusanga kuri studio yakoreragamo umuziki icyo gihe (Super Level) amuzaniye n’uruhinja, gusa uyu muhanzi yakomeje guhakana yivuye inyuma umwana ashinjwa ndetse mu rwego rwo kuvanaho urujijo no kurangiza ikibazo burundu ngo yafashe umwanzuro wo kwiyambaza ubutabera akemera ko ni biba ngombwa hazakorwa n’ibizamini bya DNA, gusa ngo Bruce Melody yemera ko yari asanzwe aziranye n’uyu mukobwa gusa ngo yari amuzi nk’umufana we.

Umukobwa ntiyajyaga kure y’ibyo Melody yavugaga gusa akongeraho ko nyuma yo gufana bagiranye ibihe byiza bakaryamana inda ivuka ityo, gusa byaje kurangira uyu muhanzi ahakanye ko umwana Atari uwe ahubwo ko uwo mukobwa yakoreshejwe n’abifuza ko Bruce Melody atatera imbere.

Nizzo Kaboss

Ubusanzwe yitwa Muhammad Nshimiyimana. Nawe ari mubavuzweho iki kibazo ubwo umukobwa witwa Uwase Clemence mu mwaka wa 2015 yavuze ko yabyaranye n’uyu muhanzi wo mu itsinda Urban Boys. Uyu mukobwa yavugaga ko kuva yamutera inda ntacyo yamumariye kugeza n’aho yabyariye mu bitaro bya Gisenyi ngo akaza gutoroka kubera kubura mituweri.

Nizzo we yavugaga ko uwo mukobwa atamuzi kandi ko ntaho bahuriye ahubwo ari abantu bashaka kwica izina gusa. Yagize ati ”uwo mugore yigeze kumpamagara ambwira ngo umwana ararwaye ngira ngo ni bya bindi by’abafana baba bashaka ubufasha sinari nzi ko hari ikigamijwe. Nizzo yaje gukomeza guhaka ko umwana ari uwe yemeza ko niba uwo mugore yaramushinjaga umwana, yajya mu buyobozi agatanga ikirego akaba ari bo babikemura gusa haje no kumvikana inkuru ko uwa mwana yaje no gupfa Nizzo ntiyajya kumushyingura.

Theo Bosebabireba:

Hari muri 2017 ubwo umuririmbyi w’indirimbo zo kuramya no guhimbaza Imana, Uwiringiyimana Theogene w’imyaka 38 wamenyekanye nka Theo Bosebabireba yigeze gushinjwa n’umugore witwa Violette kumutera inda yamara kubyara akamutererana ntagire icyo amufasha.
Violette w’imyaka 24 yumvikanye ahamya ko yabyaranye na Theo Bosebabireba gusa akaba atamuha indezo cyangwa ngo agire ikintu na kimwe amufasha mu kurera uyu mwana babyaranye.

Yavuze ko mbere yuko Theo Bosebabireba amutera inda bari basanzwe bavugana kuri telefone ngendanwa ariko ngo bari batarabonana imbonankubone.

Theo yasubije muri aya magambo “Ariko noneho nararushye naragenderewe, reka reka ibyo bintu ni ukubeshya. Ahubwo mujye mumbariza icyo abakunda kunsebya banshakaho. Njye uwo muntu ntanubwo muzi.” Twababwira ko uyu ari umwe mu bagore bareze uyu muhanzi bikaza kurangira abihakanye avuga ko ari ibinyoma byambaye ubusa.

King James:

Ruhumuriza James w’imyaka 29, yatangiye ubuhanzi mu mwaka wa 2006, ubwo yari mu mashuri yisumbuye. Ni umuhanga mu ndirimbo z’urukundo ndetse azwiho kugira amagambo aryoshye mu bihangano bye. Uyu muhanzi waje no kwegukana irushanwa Primus Guma Guma Super Star ku nshuro yaryo ya kabiri, umukobwa wari umufana we yigeze guhamagara kuri Radiyo avuga ko uyu muhanzi yamuteye inda ndetse biza kugera kure. Nyuma y’igihe uyu mukobwa wari washinjije uyu muhanzi kumutera inda yarongeye arahamagara avuga ko yabeshyaga.

Kamishi:

BAGABO Adolphe yamenyekanye nka Kamichi. Ni umugabo w’imyaka 34 kuri ubu ubarizwa ku mugabane w’Amerika. Uyu na we ni umwe mu bahanzi bakomeye bamenyekanye cyane mu Rwanda mu njyana ya Afrobeat hagati y’umwaka wa 2008 na 2011. Yabaye umunyamakuru ndetse anabibangikanya no gukora umuziki, ubwo yigaga mu ishuri ry’itangazamakuru riherereye i Muhanga rya ICK (Institut Cathorique de Kabgayi). Yari afite ibihangano bikunzwe bikomeye, byatumye umwe mu bakobwa bo muri ako gace ishuri riherereyemo wari umufana we, na we aza kuvuga ko yamuteye inda ariko biza guhoshwa ntibyumvikana cyane mu itangazamakuru.

Nemeye Platini:

Uyu ni umwe mu basore bagize itsinda ry’abasore babiri rya Dream Boyz. Nyuma yo gutandukana n’uwahoze ari umukunzi we witwaga Diane haje kumvikana umukobwa wavuze ko Platini yamuteye inda.

Amakuru yavuze ko nyuma yo guhamagarwa inshuro nyinshi n’iwabo w’umukobwa bakamubwira ko bagiye kumushyira mu itangazamakuru byaje gutera Platini gufata umwanzuro wo gukuraho telefone no ku blocka uwo mukobwa ntibakomeza kuvugana. Ibi byose ngo byaje kuviramo uwo mwana w’umukobwa kwigira imahanga.

Uretse aba bahanzi bavuzwe aha hejuru, hari n’abandi bagiye bavugwaho gutera inda bakazihakana Uncle Austin, Jay Polly, Danny Nanone n’abandi.