Akimara gutorwa, Depite Bazatoha Adolphe yijeje komite icyuye igihe ko bagiye gukoresha imbaraga kugirango u Rwanda ruzabe intangarugero ku isi yose mu kurwanya ruswa.

Depute Mukayuhi Rwaka Constance umuyobozi w’ iri huriro ucyuye igihe, yasabye komite nshya gukorana umurava kugira ngo izasoze neza inshingano z’iri huriro.

Mu bandi batowe harimo Senateri Mushinzimana Appolinaire wabaye visi perezida wa kabiri, Depite Bwiza Sekamana Connie wabaye umunyamabanga mukuru, Senateri Mukankusi Perrine atorerwa kuba umwanditsi.

Hanatowe kandi abazunganira komite barimo abajyanama, abagenzuzi b’ihuriro ndetse n’abagize amakomisiyo atandukanye.

Ihuriro ry’abagize Inteko Ishinga Amategeko y’u Rwanda rigamije gukumira no kurwanya ruswa n’ibindi byaha bifitanye isano na yo rishamikiye ku Ihuriro ry’Abagize Inteko Zishinga Amategeko Nyafurika ryo kurwanya ruswa rihuriweho n’ibihugu 16 byo ku mugabane wa Afurika harimo n’u Rwanda.

APNAC-RWANDA yashyizweho ku itariki ya 10 Mutarama 2005 mu buryo bwo gufasha Guverinoma y’u Rwanda mu bikorwa byo gukumira no kurwanya ruswa n’ibindi byaha bifitanye isano na yo.

Jean Noel Mugabo