Kuri iyi nshuro, u Rwanda rwatumiwe by’umwihariko mu rwego rwo gusangira ubumenyi mu bijyanye no koroshya ishoramari ndetse no gufasha urwego rw’abikorera gutera imbere.

Mu ijambo yagejeje ku bitabiriye iyi nama, Perezida Kagame yahamagariye abashoramari bo muri Côte d’Ivoire kuza kureba amahirwe y’ishoramari ari mu Rwanda, ndetse no gusangira ubunararibonye n’abashoramari b’Abanyarwanda mu rwego rwo kuzamura urwego rw’inganda.

Muri uru ruzinduko, Perezida Kagame aherekejwe n’abikorera b’Abanyarwanda bagera kuri 50 bakora mu nzego zitandukanye zirimo ubuhinzi n’ubworozi, inganda n’ikoranabuhanga.

Biteganyijwe ko ku mugoroba wo kuri uyu wa mbere Perezida Kagame ahura n’urubyiruko rw’abashoramari bo muri Afurika y’Iburengerazuba.