Uyu Mudage utatangajwe izina, ngo uretse gutaka umutwe, yari afite n’ikibazo cy’uko ijisho rye ry’iburyo ritabonaga neza, ndetse agakunda no kuva imyuna.

Yaje kujya kwivuriza ku ivuriro rya Kaminuza ya Aachen maze abaganga baho bamupimye babona mu mutwe we hagaragaramo ikintu kirekire kitari mu bisanzwe bigize umubiri w’umuntu.

Nyuma yo kumubaga bagasanga ari ikaramu y’igiti yari iri mu mutwe yamuteraga ibi bibazo byose, uyu murwayi yorohewe vuba ku buryo ubu yanatashye; nk’uko tubikesha ikinyamakuru The Telegraph.

Bamubajije uko byagenze kugira ngo iyi karamu imujye mu mutwe, uyu wari umaze igihe arwaye ngo yasubije avuga ko icyo yibuka ari uko mu myaka 15 ishize yari ku ishuri maze akagwa, ni uko akava amaraso mu mazuru.

Joyeuse Marie Claire