Urubanza rwasomwe tariki 12/03/2012 rwahamije Pedro Pimentel ufite imyaka 55 icyaha cyo guhotora no kwica abaturage basaga 201 mu mvururu zabaye muri Guatemala mu mwaka wa 1982. Urukiko rwamukatiye gufungwa imyaka 30 kuri buri muntu mubo yicishije, rwongeraho n’ikindi gifungo cy’imyaka 30 kubera ibyo byaha by’ubunyamaswa muri rusange.

Iby’iki gihano kidasanzwe ariko gishobora kuzatera urujijo kuko amategeko asanzwe ya Guatemala ateganya ko nta muntu ukwiye gufungwa igihe kirenze imyaka 50.

Mu mwaka wa 1982, Pedro Pimentel wari umusirikare yishe kandi atanga amabwiriza yo kwica abaturage 201, hanyuma babajugunya mu mwobo wa metero 15.

Pedro Pimentel abaye umusirikari wa gatanu ukatiwe iki gihano. Muri urwo rukiko haracyaburanishwa urundi rubanza rw’uwitwa Montt ufite imyaka 85 ushinjwa kwicisha abaturage 1,700.

Hatari Jean d’Amour