Uyu musaza yafashe uyu mwanzuro nyuma yo gupfusha umugore witwa Simone ufite imyaka 91 wari nyirabukwe babanaga nyuma yuko bombi bapfakaye. Uyu mugore ngo yamurindaga kwibaza ku bintu byinshi kubera guhumira mu nzu wenyine.

Roger-Marc yari yashatse umukobwa wa Simone bamenyanye bafite imyaka 18, bombi bumvikana kumarana irungu baba nk’umugore n’umugabo ari ko birinda kugera ku ngingo kuko buri wese yagiraga igitanda ke; nk’uko urubuga www.gentside.com rubitangaza.

Ngo ntabwo yari umugore we nk’uko abantu bashobora kubyumva, ahubwo babanaga nk’inshuti zibwirana akari ku mutima, zitemberana ndetse zinasangira akabisi n’agahiye.

Itangazo ryangitse kuri icyo cyapa kiri mu masangano y’umuhanda mu mujyi wa Saint-Emilion kiragira kiti: “kubera impamvu y’urupfu, ndashaka umugore twabana uri mu kigero kiri hagati y’imyaka 70 na 80 ufite cyangwa udafite imodoka.”

Roger-Marc avuga ko nabona umuntu babana mu nzu atazongera kugira ikibazo cy’ubwigunge aho umunsi utiraga, agahora ahangayitse kubera kuba wenyine mu nzu.

Nshimiyimana Leonard