Muri aka gace kitwa Sundsvall karimo amazu y’umucuruzi bwa supermarches nyinshi zikurikiranye zikaba zikunze kwibasirwa n’abajura bakunda kubiba cyane cyane muri weekend.

Ayo maduka yahawe izina rya DollarStore yahisemo kwishakira igihano ku bajura ariko bakajya babanza kubyumvikanaho n’abo benengengo.

Aho kugira ngo bajye bahamagara polisi buri kanya, ayo maduka yihanira abajura ifashe. Umujura ufashwe ahitishwamo igihano kimwe muri ibi bikurikira: gutanga amande angana n’amayero 150, kwirirwa umunsi wose ubafasha imirimo mu iduka ariko ufite icyapa cyanditseho ngo “ndi umujura nafashwe niba muri DollarStore”, kandi ibyo ukabikora ari muri weekend kuko aribwo haba haca abantu benshi, yakwanga kimwe muri ibi agashyikirizwa polisi.

Igitangaje ni uko abajura bose bafashwe nta n’umwe wemeye icyo gihano, ahanini ngo nukubera ko baba bazwi muri ako gace. Polisi ibajijwe kucyo ivuga kubijyanye n’icyo gihano, yatangaje ko ntacyo biyirebaho ko ari ubwumvikane hagati y’uwibye n’uwibwe, ko uwo bitanyuze ariwe uza kuyitabaza.

Aho hantu ngo haba ubujura bukabije cyane cyane ubukorwa n’abagore kuko kumasutiye (imyenda y’abagore y’imbere, soutiens-gorges) 60 aba acuruzwa byibura 20 yibwa. Bene akaboko karekare bagiye kuzajya bahasebera.

Ernest Karinganire