Mukamurara avuga ko impamvu asaba umugabo we ko bamurekura ari uko atabona ubushobozi bwo kurera abana kuko we ubu ari igisenzegeri kuko umugongo we udakora neza, ibyo bigatuma atabasha gukorera abana be ngo abone ikibatunga.

Agira ati “arankubita cyane ubu ntacyo mbasha kwikorera, ejo bundi ubwo bamufungaga yari yankubise igiti ijisho yenda kurikuramo. Ubu hashize ukwezi nabwo ankubise maze nkuramo inda y’amezi arindwi umwana basanga yapfuye turamushyingura”.

Mukamurara yaje gusaba ko ikirego yatanze cyateshwa agaciro kuko atabasha kurera abana wenyine maze umugabo umufashe kubarera abahahira kuko we atabishobora.

Sebatari avuga ko akunda umugore we kuko kumukubita abiterwa n’ubusinzi, ariko akavuga ko atazongera kumutubita. Ati “byose mbiterwa n’ubusinzi, ariko sinzongera kunywa inzoga kuko arizo zibintera, erega umugore wanjye ndamukunda”.

Kuba hari abagore bahohoterwa nyuma bakagana inzego z’ubutabera basabira imbabazi abagabo babo, inama y’igihugu y’abagore mu karere ka Bugesera ivuga ko batagomba kwisuzugura ahubwo ikaba ibasaba ko bagomba gukura amaboko mu mifuka bagakora badateze ko abagabo babo babatunga.
nk’uko bivugwa na.

“kuko umugabo ushobora kugukubita, ejo cyangwa ejo bundi ashobora kukwica nta mpamvu yo gukomeza kumwihambiraho, kandi amenye kwihangira imirimo yakora akabaho ndetse n’urugo rugakomera,”Uwingabiye Chantal, umuhuzabikorwa inama y’igihugu y’abagore mu karere ka Bugesera.

Polisi yarekuye umugabo akaba yahise atahana n’umugore we tariki 19/06/2014, ariko ahabwa gasopo ya nyuma ko nazongera gukubita umugare we azabihanirwa bikomeye.

Imibare itangwa na polisi mu karere ka Bugesera igaragaza ko hari umugore umwe wishwe n’umugabo we muri uku kwezi kwa gatandatu uyu mwaka.

Egide Kayiranga