Brezil: umugore yabyaye umwana ufite imitwe ibiri

22-12-2011 - 14:43' | Ibitekerezo ( 1 )

Mu gihugu cya Brezil, tariki 19/12/2011, umugore w’imyaka 25 yibarutse umwana w’umuhungu ufite imitwe ibiri. Imitwe yombi ifite iminwa yayo yonka ariko ibindi bice by’umubiri bimeze nk’iby’umuntu umwe kandi afite umutima umwe. Yavutse afite ibiro 4,9.

Ikinyamakuru Daily Mail cyanditse ko umukuru w’ibitaro y’abyariyemo, Claudionor Assis de Vasconcelos, yavuze ko icyo bibanzeho cyane igiye yabyaraga kwari ugukora kuburyo umwana na nyina bagumana ubuzima.

Muri Brezile ni inshuro ya kabiri muri uno mwaka havuka umwana ufite imitwe ibiri. Ubushize umwana nk’uyu yari yabyawe n’umugore w’imyaka 27 witwa Sueli Ferreira ariko yahise apfa nyuma y’amasaha make kubera ko umutwe umwe wabuze umwuka.

Ernestine Musanabera