Mu gikowa cyo gukingira Covid-19 mu Karere ka Bugesera, hateguwe ahantu 16 ho gukingirira abantu bari mu byiciro bitandukanye batanga serivisi zisaba guhura n’abantu benshi. Aho abantu bikingiriza ni ku bitaro by’Akarere ka Bugesera ndetse no ku bigo nderabuzima 15 bibarizwa muri ako Karere.

Minisitiri w’Ubuzima Dr Daniel Ngamije amaze gukingirwa COVID-19. Ni mu muhango wo gutangiza gahunda yo gukingira iki cyorezo uri kubera mu Bitaro bya Masaka biherereye mu Murenge wa Masaka mu Karere ka Kicukiro.

Umuyobozi w’ibitaro bya Gisenyi, CSP Dr Tuganeyezu Oreste, asaba abaturage kudatinya urukingo rwa Covid-19 kuko rubafasha guhangana n’icyo cyorezo kandi ntacyo rwangiza mu mubiri.

Ku nkunga ya Leta y’igihugu cy’u Buhinde, u Rwanda muri iki gitondo cyo ku wa Gatanu tariki 05 Werurwe 2021, rwakiriye inkingo 50,000 za Covid-19 zo mu bwoko bwa AstraZeneca.

Mu gitondo cyo kuri uyu wa Gatanu tariki 5 Werurwe 2021, abantu ba mbere bakingiwe Covid-19 nk’uko byari biteganyijwe muri gahunda ya Minisiteri y’Ubuzima, nyuma yaho inkingo zisaga ibihumbi 300 zigereye mu Rwanda.

Minisiteri y’Ubuzima yatangaje ko ku wa Kane tariki 04 Werurwe 2021, mu Rwanda umuntu umwe yapfuye azize COVID-19. Abantu 113 bayikize barataha. Abakirwaye bose hamwe ni 1396, abarembye muri abo bakaba ari 11, nk’uko imibare ibigaragaza.

Nyuma y’uko inkingo za Covid-19 zagejejwe mu Rwanda ku wa Gatatu tariki 3 Werurwe 2021, indege za Kajugujugu n’imodoka zirimo kuzenguruka igihugu zizigeza mu turere mu rwego rwo kwitegura gutangira gukingira.

Minisitiri w’Ubuzima Dr Daniel Ngamije, arizeza Abaturarwanda ko inkingo zose zaba izamaze kugezwa mu gihugu n’izigitegerejwe zujuje ubuziranenge, kandi zifite ubushobozi bwo kurinda umuntu kwandura Covid-19, bityo ko batakwita ku by’abazisebya.

Perezida wa Repubulika y’u Rwanda, Paul Kagame, yatangaje ko bishimishije kubona ibihugu bitandukanye bya Afurika bimaze kugeramo inkingo z’icyorezo cya COVID-19 kimaze iminsi gihangayikishije isi.

Minisiteri y’Ubuzima yatangaje ko ku wa Gatatu tariki 03 Werurwe 2021, mu Rwanda abantu 97 bakize COVID-19. Habonetse abanduye bashya 87, bituma abakirwaye bose hamwe baba 1364. Mu bari barwaye ntawapfuye, abarembye bakaba ari icyenda, nk’uko imibare ibigaragaza.

Icyiciro cya kabiri cy’inkingo za Covid-19 zo muri gahunda ya Covax zari zitegerejwe kigeze ku kibuga cy’indege cya Kigali mu masaha y’ijoro kuri uyu wa Gatatu tariki 3 Werurwe 2021.

Minisiteri y’Ubuzima (MINISANTE) yatangaje ko iri mu myiteguro ya nyuma yo kunoza urutonde rw’ibyiciro by’abazakingirwa ku ikubitiro icyorezo cya Covid-19, bikazakorerwa hirya no hino mu gihugu, gukingira bikazatangira ku wa Gatanu tariki ya 5 Werurwe 2021.

Minisitiri w’Ubuzima, Dr. Daniel Ngamije, avuga ko u Rwanda ruzashora miliyoni 50 z’Amadolari ya America (asaga miliyari 49 z’Amafaranga y’u Rwanda) mu kugura inkingo za COVID-19.

Minisiteri y’Ubuzima yatangaje ko ku wa Kabiri tariki 02 Werurwe 2021, mu Rwanda abantu 150 bakize COVID-19. Habonetse abanduye bashya 125, bituma abakirwaye bose hamwe baba 1374. Umugore w’imyaka 84 y’amavuko yitabye Imana i Kigali, abarembye bakaba ari umunani, nk’uko imibare ibigaragaza.

Minisiteri y’Ubuzima yatangaje ko ku wa Mbere tariki 01 Werurwe 2021, mu Rwanda abantu icyenda bakize COVID-19. Habonetse abanduye bashya 136, bituma abakirwaye bose hamwe baba 1400. Abagabo batatu b’imyaka 83, 79 na 61 bitabye Imana i Kigali, abarembye bakaba ari batandatu, nk’uko imibare ibigaragaza.

Minisiteri y’Ubuzima yatangaje ko ku Cyumweru tariki 28 Gashyantare 2021, mu Rwanda abantu batandatu bakize COVID-19. Habonetse abanduye bashya 60, bituma abakirwaye bose hamwe baba 1276. Mu bari barwaye, ntawishwe n’icyo cyorezo, abarembye bakaba ari umunani, nk’uko imibare ibigaragaza.

Minisiteri y’Ubuzima yatangaje ko ku wa Gatandatu tariki 27 Gashyantare 2021, mu Rwanda abantu batanu bakize COVID-19. Habonetse abanduye bashya 101, naho batatu mu bari barwaye bakaba bishwe n’icyo cyorezo. Abo ni abagore babiri b’imyaka 75 (i Kigali), 36 (i Huye) n’umugabo w’imyaka 59 (i Kigali). Mu barwaye harimo 11 (...)

Minisitiri w’Uburezi, Dr Uwamariya Valentine, yatangaje ingengabihe y’ibiruhuko ku banyeshuri bose bo mu mashuri y’incuke, abanza n’ayisumbuye mu rwego rwo kwibuka ku nshuro ya 27 Jenoside yakorewe Abatutsi mu 1994.

Kaminuza y’u Rwanda ifatanyije n’Ikigo cy’Igihugu gishinzwe Ubuzima(RBC), batangiye umushinga witwa LAISDAR ugamije gukusanya imibare n’amakuru kuri Covid-19 hifashishijwe ikoranabuhanga.

Minisiteri y’Ubuzima yatangaje ko ku wa Gatanu tariki 26 Gashyantare 2021, mu Rwanda abantu 23 bakize COVID-19. Habonetse abanduye bashya 136, nta muntu icyo cyorezo cyishe nk’uko imibare yatangajwe ibigaragaza.

Ni inkuru yanditswe n’ibinyamakuru bitandukanye hirya no hino ku isi, barimo BBC, 7 sur 7 n’ibindi, bavuga ko u Bushinwa bwabeshyuje amakuru y’uko ngo bwaba bwarategetse Abadipolomate b’Abanyamerika kwipimisha Covid-19, ariko abaganga bagafata ibizamini mu kibuno.

Imibare igaragazwa na Minisiteri y’Ubuzima yerekana ko kuva Covid-19 yagera mu Rwanda muri Werurwe 2020 kugeza ubu, akarere gafite abayanduye benshi ari aka Nyarugenge mu Mujyi wa Kigali gafite 3,891 naho agafite bake ni aka Rutsiro mu Ntara y’Iburengerazuba gafite 26.

Minisiteri y’Ubuzima (MINISANTE) yatangaje ko ku wa Kane tariki 25 Gashyantare 2021, mu Rwanda abantu bane bitabye Imana bishwe na COVID-19. Habonetse abanduye bashya 110, naho abakize ni 15. Abitabye Imana ni abagore babiri b’imyaka 58 na 50 n’abagabo babiri b’imyaka 66 na 58 i Kigali.

Minisiteri y’Ubuzima (MINISANTE) yatangaje ko ku wa Gatatu tariki 24 Gashyantare 2021, mu Rwanda umuntu umwe yitabye Imana yishwe na COVID-19. Habonetse abanduye bashya 118, naho abakize ni 13. Uwitabye Imana ni umugabo w’imyaka 54 y’amavuko i Kigali.

Ghana yabaye igihugu cya mbere cyakiriye inkingo za Covid-19 zatanzwe muri gahunda yo kugabana inkingo ku isi izwi nka COVAX.

Minisiteri y’Uburezi(MINEDUC) yemerera ibigo by’amashuri kwimura abana biga mu mashuri y’incuke(gardienne/nursery) n’ubwo batize neza mu mwaka ushize biturutse ku mabwiriza yo kwirinda Covid-19.

Perezida Paul Kagame yavuze ko hari ibihugu bigaragaza ukwikunda no kwirebaho mu kugura inkingo za COVID-19, ibyo yise uburyarya kuko binyuranyije na gahunda izwi nka Covax yashyizweho igamije gufasha ibihugu bikennye kubona inkingo.

Minisiteri y’Ubuzima (MINISANTE) yatangaje ko ku wa Kabiri tariki 23 Gashyantare 2021, mu Rwanda umuntu umwe yitabye Imana yishwe na COVID-19. Habonetse abanduye bashya 126, naho abakize ni 259. Uwitabye Imana ni umugabo w’imyaka 58 y’amavuko i Kigali.

Perezida wa Leta zunze Ubumwe za Amerika, Joe Biden, yagejeje ijambo ku baturage be, mu gihe imibare yagaragazaga ko Amerika imaze gupfusha abantu basaga ibihumbi magana atanu bazize Covid-19 cyangwa ibibazo biyishamikiyeho. Amerika ni yo imaze gupfusha umubare munini w’abantu bazize Covid-19 kurusha ibindi bihugu byose (...)

Minisiteri y’Ubuzima (MINISANTE) yatangaje ko ku wa Mbere tariki 22 Gashyantare 2021, mu Rwanda abantu batatu bitabye Imana bishwe na COVID-19. Habonetse abanduye bashya 146, naho abakize ni 189. Abitabye Imana ni abagabo batatu b’imyaka 85, 77 (i Kigali) na 43 (i Gicumbi).