Iki gikorwa cyatumye amashuri amwe mu Mujyi wa Dar-Es-Salaam akinga imiryango ngo abanyeshuri bajye gusobanurirwa uko Jenoside yateguwe, uko yagenze n’aho u Rwanda rugeze ruhangana n’ingaruka zayo.

Ibendera rya Tanzaniya, iry’u Rwanda n’ay’ibindi bihugu yamanuwe kugera mu gice mu rwego rwo kwifatanya n’u Rwanda kwibuka Jenoside yakorewe abatutsi.

Cyari cyitabiriwe kandi n’abanyacyubahiro barimo abahagarariye u Rwanda muri Tanzaniya, abakorera Umuryango w’Abibumbye (UN), abakozi n’abacamanza mu rukiko TPIR rucira imanza bamwe mu bakoze Jenoside mu Rwanda, n’abayobozi bakuru muri Leta ya Tanzaniya bari bakuriwe na Minisitiri Harrison Mwakyembe, ushinzwe ibikorwa bya Afurika y’Uburasirazuba muri Guverinoma ya Tanzaniya.

Uretse abo kandi, hari hari n’abambasaderi batandukanye bahagarariye ibihugu byabo muri Tanzaniya ndetse n’Umuhuzabikorwa w’Amashami y’Umuryango w’Abibumbye akorera muri icyo gihugu.

Reba icyo gikorwa mu mafoto

Abanyeshuri bitabiriye iki gikorwa ngo bigire ku mateka y’u Rwanda.

Abitabiriye ibikorwa byo kwibuka bateze amatwi ibiganiro byo kwibuka.

Minisitiri Dr. Harrison Mwakyembe na ambasaderi w’u Rwanda muri Tanzaniya; Eugene Kayihura bafashe urumuri rw’icyizere.

Abitabiriye kwibuka Jenoside bafite urumuri rw’icyizere cy’ubuzima bw’ejo hazaza h’u Rwanda, ah’akarere n’aha Muntu muri rusange.

Ahishakiye Jean d’Amour