Kabanda Innocent ukuriye umuryango wita kubacitse ku icumu IBUKA mu karere ka Rubavu, avuga ko kwibuka bizarangwa no kwegera abacitse ku icumu bafashwa, basurwa n’abantu babafata mu mugongo.

Avuga ko ibikorwa bizakorwa mbere y’icyunamo bikanakomeza mu cyumweru cy’icyunamo, aho ibigo bya Leta n’ibyigenga bihamagarirwa gutegura gahunda ihamye mu kwibuka no gufata mu mugongo abarokotse jenoside batishoboye.

Kabanda avuga ko ibigo byahoze mu Rwanda mbere ya Jenoside, bigomba kujya byibuka abakozi babikoragamo bazize Jenoside n’uhari hari abatarabikoze umwaka ushize. Akavuga ko n’Abanyarubavu bakorera Goma bakwiye kujya bakora bagataha kare kugira bitabire ibiganiro bikorwa nyuma y’akazi.

Mu gutegura icyumweru cy’icyunamo, abafite amahotlri basabwe kugira gahunda y’uburyo bwo kwibuka no kugaragaza ko u Rwanda ruri mu bihe bidasanzwe, abanyamahanga nabo bagashobora kubaha ibihe Abanyarwanda barimo bakifatanya nabo.

Imwe mumpamvu zo guhitamo kwibukira mu murenge wa Nyamyumba naho gusoza bikazabera mu murenge wa Kanzenze, byatewe n’uko imyaka yashize habayeho kwibukira mu mirenge imwe kandi imirenge yose y’akarere ka Rubavu yarabayemo Jenoside, nk’uko bitangazwa n’ muyobozi w’akarere ka Rubavu wungirijwe ushinzwe imibereho myiza Rachel Rusine.

Sylidio Sebuharara