Yvan Buravan, Ben Kayiranga na Andy Bumuntu bashyize hanze indirimbo "Turibuka"

Muri iyo ndirimbo, iri mu rurimi rw’Ikinyarwanda n’Igifaransa, berekana uburyo Jenoside yakorewe Abatutsi yakozwe mu buryo ndengakamere ariko bakavuga ko kuri ubu u Rwanda rugeze aheza bashimangira ko ibyabaye bitazongera kubaho ukundi.

Bakomeza bahamagarira abarokotse Jenoside yakorewe Abatutsi kudacika intege ngo bihebe. Basaba kandi Abanyarwanda gukomeza gusenyera umugozi umwe.

Yvan Buravan avuga ko bakoze iyi ndirimbo mu ndimi ebyiri bagamije guha ubutumwa ingeri zitandukanye z’abantu.

Agira ati “Twayikoze ngo abantu bamenye ibyabaye mu Rwanda. Twebwe Abanyarwanda turabizi ariko n’Abanyamahanga bakeneye kumenya ko ibyabaye ari ibintu bikwiye kwirindwa bidakwiye kongera kubaho ukundi.”