KT TV
Abafana ba Nikuze wo muri “City Maid” bahura na we bagaturika bakarira
Laura Musanase, ukina yitwa Nikuze muri filime Nyarwanda yitwa “City Maid”, avuga ko asigaye ahura na bamwe mu bakunzi b’iyo filime bakarira kubera ibyo akina muri iyo filime.
City Maid ni filime y’uruhererekane yerekanwa kuri Tereviziyo y’igihugu. Ikinirwa mu mujyi igaragaza ubuzima bwa buri munsi bw’aho haba mu ngo ndetse no mu rubyiruko.
Laura ayikinamo yitwa Nikuze. Aba ari umukobwa waturutse mu cyaro, ukora akazi ko mu rugo muri uwo mujyi. Ako kazi akora ahuriramo n’ibibazo birimo no guhohoterwa mu buryo butandukanye.
Abakunzi b’iyo filime bakunda uburyo Laura ayikinamo. Laura w’imyaka 24 y’amavuko, yatangarije Kigali Today ko mu buzima busanzwe abantu batandukanye baba bashaka kumubona bibaza ku buzima bwe.
Agira ati "Kuriya ngaragara kuri televiziyo,abenshi iyo bambonye baba bamfitiye amatsiko, hari bamwe baba bababaye iyo bambonye. Hari n’abo duhura bakarira kubera ibyo mba nkina! Iriya ni filime mba nkina.”
Akomeza abwira abakunzi be ko ibyo akina muri “City Maid” ntaho bihuriye n’ubuzima bwe busanzwe. Ahamya ko abana n’umuryango we kandi akaba afite ababyeyi be bombi.
Laura avuga kandi ko hari bamwe bamutinya nyamara ngo bitari bikwiye. Ati “Abambona, ntabwo ntinyitse, n’uwambona akamvugisha nta kibazo.
Nkunda abafana banjye, nkunda abantu banyishimira, nibo mbaraga zanjye kandi bajye bakomeza kumba hafi, bangire inama, bankosore, muri make ntabwo ndi umuntu utinyitse cyane.”
Laura Musanase yavukiye muri Tanzania ariko akurira mu Rwanda. Amashuri abanza yayigiye mu kigo cya "Bright Academy Primary School" mu Karere ka Nyagatare.
Amashuri yisumbuye yo yayatangiriye muri “Lycee de Kigali” ayasoreza muri “FAWE Girls’ School”.
Nta kindi kintu akora uretse gukina filime. Yatangarije Kigali Today ko yabaye ahagaritse amashuri. Yari ageze mu mwaka wa kabiri wa Kaminuza mu ishami ry’Ubukungu (Economics) muri University of Kigali.
Ibyo gukina filime ngo yabigiyemo kubera inshuti ze zirimo nyinshi zikina filime. Ubusanzwe ngo akiri mu umwana inzozi ze zari izo kuzacuruza imodoka kuko yazikundaga.
City Maid ni yo filime ya mbere akinnyemo kandi ngo ntaho yigeze yiga ibyo gukina filime.
Ibitekerezo ( 7 )
Ohereza igitekerezo
|
|
umv nikuze ndamwemera cyane 2
nikuze ndakwemera ukina film uri serie kbx mpa number x
mujyerajyeza kuduha amakuru kujyihe kandi servise zanyu ziratunyuze kbs mukomerezaho kandi twishimiye amakuru ya nyu turayakunda uwomukobwa nikuze turamukunda cyane mukomeze mumudukurikiranire
nikuze turamukunda cane.akina neza cane .imana imujimbere
dushimishwa nuko muduha amakuri yingirakamaro rwose nikuze turamukunda kandi tumurinyuma tuzakomeza no
kumubahafi
Oh Nikuze turamweme kbx nakomeze aturyohereze
ndi muri u Ganda kure cyane ya Kampala ntitubona TVR iyo filime Umuntu yayibona gute? murakoze.