KT TV
Umunyarwanda Wesley Ruzibiza mu nama y’abahanzi ba Afrika y’uburasirazuba
Wesley Ruzibiza, Umunyarwanda ubyina imbyino zitwa ‘contemporary dance’ n’iza gakondo ari muri Etiyopiya mu mahugurwa yahuje abahanzi b’amakinamico n’imbyino bikorerwa imbere y’abantu mu rwego rwo kubahuza na bagenzi babo bo ku mugabane wa Amerika ngo bungurane ibitekerezo.
Aya mahugurwa yahuje abahanzi, abanditsi ndebe n’abayobozi mu by’amakinamico bagera ku munani baturuka mu bihugu bitandukanye byo muri Afrika y’uburasirazuba izamara icyumweru. Yitezweho kuzatanga ibitekerezo bizifashishwa mu kuzamura izi nzego zoze.
Aya mahugurwa yateguwe n’ikigo gikorera muri Afrika y’uburasirazuba gitera inkunga ubuhanzi bushingiye ahanini ku makinamico (SIEA).
Abandi bitabiriye aya mahugurwa ni Issa Habiba ukomoka muri Tanzaniya, Aida Mbowa wo muri Uganda, Rogers Otieno uturuka muri Kenya, Freddy Sabimbona w’umurundi na Azeb Worku Sibane, Surafel Wondimu hamwe na Tesfaye Eshetu Habtu b’abanyaetiyopiya.
Umunyarwanda Wesleye Ruzibiza, afite impamyabushobozi y’kiciro cya kabiri cya kaminuza mu bijyanye n’imbyino gakondo yakuye mu ishuri rya Sables, akaba yarigaragaje mu birori byo gufungura ibirori bitandukanye mu gihugu nka FESPAD, igikombe cy’abatarengeje imyaka 20 n’ibindi, nk’uko byashyizwe ahagaragara n’igitangazamakuru News Dire.
Jean Noel Mugabo
Ibitekerezo
Ohereza igitekerezo
|
|
