Ku rwinjiriro rw’umujyi wa Ruhango ahitwa kuri mirongo ine 40 mu kagari ka Munini umurenge Ruhango, hari icyapa kinini cyane kiriho abahanzi bose bari baritabiriye PGGSS 2. Kuri icyi cyapa hagaragaragaho amafoto atatu gusa harimo abiri y’abahanzi bari basigaye mu kiciro cya nyuma cyiri.

Ariko Abanyaruhango ntibigeze banategereza ngo barebe icyo abashinzwe amatora batangaza, ahubwo bo bahita bifatira icyemezo gukatagura ifoto ya Jay Polly, kuko ngo bazi neza ko atagomba gukomeza.

Gusa bamwe mu bahatuye babifashe nk’igikorwa cy’ubunyamashwa, bavuga ko atari umuco wa kimuntu. Bavuga ko ababikoze babikoze bamaze kumenya ko umuhanzi Jason Darulo yasesekaye mu Rwanda.

Umwe muri bo ati: “Ariko Abanyaruhango babaye bate, ibi bivuze ko nawe ubwe bamubonye bashobora kumukatagura”.

Urujijo ni rwose mu bahatuye, kuko bamwe bakeka ko babitewe no kwanga Jay Polly abandi bagakeka ko bashobora kuba babitewe n’uko Jay Polly ategukanye iyi ntsinzi kandi ariwe bahaga amahirwe.

Bitegenyijwe ko uri bwegukane uyu mwanya wa Primus Guma Guma Super Star 2 arara amenyekanye uyu munsi tariki 28/07/2012.

Eric Muvara