Umuvugizi wa Polisi mu Mujyi wa Kigali, CIP Umutesi Marie Goretti yemeje aya makuru, avuga ko uwo muhanzi afungiye kuri Sitasiyo ya Polisi ya Remera.

Umujyanama wa Meddy, Bruce Intore, na we yemeje amakuru y’ifatwa rya Meddy, gusa avuga ko nta makuru menshi abifiteho.

Yavuze ko ubwo yafatwaga batari bari kumwe, ariko akaba yari arimo yerekeza i Remera aho Meddy yari afungiye kugira ngo amenye uko ikibazo giteye.

Benshi mu bafana b’uyu muhanzi bababajwe n’iyi nkuru kuko batari bazi ko anywa inzoga. Gusa ubwo aheruka mu kiganiro kuri KT Radio, yatangaje ko rimwe na rimwe ajya asomaho.

Meddy usanzwe uba muri Amerika amaze iminsi ari mu Rwanda, akaba yaraje mu biruhuko.

Icyakora amaze iminsi agaragara no mu bitaramo bitandukanye muri Kigali, ari na ko akora ku mishinga y’indirimbo afitanye n’abahanzi batandukanye harimo n’indirimbo arimo gukorana na Diamond Platnumz.