Kayirebwa waririmbye indirimbo nyinshi nziza zirimo iyitwa ‘Tarihinda’yifashishije imbuga nkoranyambaga yasangije abafana be ayo makuru meza, anabasaba gukomeza gutora, kugira ngo iyo ndirimbo ye izegukane icyo gihembo gifite agaciro k’Amadolari ibihumbi ijana na mirongo itanu ($150.000), ni ukuvuga abarirwa muri Miliyoni 146 z’Amafaranga y’u Rwanda, ndetse n’ibindi bihembo bikubiye muri iryo rushanwa.

Ku rubuga rwa Twitter, yagize ati “#NoneTwaza yabyitwayemo neza, kuko yageze mu cyiciro gisoza irushanwa rya ‘ISC2020’ ndumva nishimiye kuba umwe mu bahanzi bagize 1% by’abahanzi 26.000 baturutse hirya no hino ku Isi bitabiriye irushanwa. Ubu ahasigaye ni ah’abakemurampaka gutoranya abatsinze. Mushobora gukomeza gutora”.

Nk’uko bisobanurwa n’abategura irushanwa, abantu 71 bazatsinda mu byiciro 25, bazatangazwa muri Mata na Gicurasi 2021. Kandi buri muntu muri abo bazaba batsinze, azahabwa amafaranga n’ibindi bihembo.

Irushanwa mpuzamahanga ry’Abanditsi b’indirimbo (The International Songwriting Competition - ISC) ni irushanwa riba buri mwaka.

#NoneTwaza has made it to the finalist list #ISC2020Finalist - Delighted to be part of the 1% artist making it out of 26k global participants. Now it's up to a celebrity judge panel to select the winners. You can also cast your vote for People Choice via https://t.co/4Z0DiZWHMl pic.twitter.com/HL5ecQ9jfi

— CEKA I RWANDA (@KAYIREBWA) March 16, 2021