Biteganyijwe kandi ko Eric Omondi w’umunyarwenya nawe ukomoka muri Kenya, nawe araza kuba ari muri ibi birori. Abahanzi nyarwanda bari buze kuririmba muri ibi birori harimo Bright, Beauty for Ashes, Gaby Kamanzi na Alarm Ministries.

Muri ibi birori kandi niho hari butangazwe ku mugaragaro amazina yatsindiye ibyiciro 13 binyuranye harimo ibyiciro bitandukanye by’abahanzi, abanyamakuru, abatunganya umuziki, amakorali, indirimbo z’amajwi, indirimbo z’amashusho, ikiganiro kuri radiyo, urubuga rwa interineti n’ibindi byagiye bigira uko byigaragaza neza kurusha ibindi mu mwaka.

Kwinjira muri ibi birori biri butangire saa cyenda z’umugoroba, ni amafaranga y’u Rwanda 5000 mu myanya y’icyubahiro na 2000 ahandi.

Groove Awards ni amarushanwa yo gushyigikira abahanzi n’abandi bagira uruhare mu guteza imbere muzika y’indirimbo zihimbaza Imana, aya marushanwa akaba asigaye yaraje no kubera hano mu Rwanda nyuma yo gutangirira mu gihugu cya Kenya.

Marie Clemence CYIZA UWIMANIMPAYE