Iyi ndirimbo Big 7 yasohotse ku ya 28 Nyakanga 2023, ndetse ikaba igiye hanze nyuma ya ‘Sittin on the top of the World’, Burna Boy yasubiyemo afatanyije n’umuraperi 21 Savage.

Byongeye kandi, Burna Boy yahise ashyira hanze integuza ya album ye ya 7, aho kugeza ubu ibihugu birenga 50 hirya no hino ku Isi bishobora kuyibona kuri Apple Music.

Iyi album ‘I told them’, ije isanga iyo yaherukaga gushyira hanze umwaka ushize yise ‘Love Damini’, ndetse amaze iminsi ayikorera ibitaramo bitandukanye ku Isi mu rwego rwo kuyimenyekanisha mu bakunzi be.

Ni album yakoze amateka nk’uko byatangajwe na Billboard ikora urutonde rw’indirimbo zikunzwe cyane ku Isi hose, aho yaciye agahigo gakomeye ku rutonde rwa album 200 z’abahanzi mpuzamahanga batandukanye.

Kuri urwo rutonde rwa Billboard Hot 200 Chart, rujyaho album 200 zikunzwe ku Isi, Love Damini ya Burna Boy yaje ku mwanya wa 14 mu zikomeje gukundwa cyane.

Love Damini igizwe n’indirimbo 15 harimo iyo yakoranye na Ed Sheeran bise ‘For my hand’ ndetse na ‘Last Last’, zakomeje kwigarurira imitima y’abakunzi ba muzika.