Umuhanzi Meddy yasabye umukunzi we Mimi ko amubera umugore

Umuhanzi Ngabo Medard uzwi nka Meddy yasabye umukunzi we Mimi Mehfira ko amubera umugore.

Byabaye mu ijoro ryo ku wa Gatanu tariki 18 Ukuboza 2020 bihurirana n’isabukuru y’amavuko y’uwo muhanzi wizihiza imyaka 32 amaze avutse. Amashusho yagaragaye Meddy atera ivi asaba Mimi ko amubera umugore.

Muri ayo mashusho Mimi n’ibyishimo byinshi arahindukira akareba Meddy akavuga YEGO, ko yemeye kumubera umugore.

Mu gitaramo cya East African Party cya 2018, Meddy uba muri Amerika yaje mu Rwanda ari ku rubyiniro ahamagara Mimi amwerekana nk’umukunzi we.

Mimi na we uba muri Leta zunze Ubumwe za Amerika akomoka muri Ethiopia, aba bombi bakaba bamaze igihe bakundana kuko no mu mashusho y’indirimbo ya Meddy yitwa “Ntawamusimbura” Mimi agaragaramo, ndetse kenshi na kenshi Meddy yagiye abwira itangazamakuru ko afite umukobwa bakundana utari umunyarwandakazi.

Ku mbuga nkoranyambaga inshuti za Meddy na Mimi zabifurije ishya n’ihirwe harimo Uwamahoro Malaika, K8 Kavuyo n’abandi.

Meddy na Mimi bamaze igihe bakundana
Meddy na Mimi bamaze igihe bakundana

Shakisha izindi nkuru
kigalitoday android app mobile

Ibitekerezo   ( 3 )

I love meddy too much i wish them happy new and happy family

Ineza yanditse ku itariki ya: 3-01-2021  →  Musubize

nibyiza nagire ihirwe.

Irakoze yanditse ku itariki ya: 20-12-2020  →  Musubize

Meddy as famous singer i take this opportunity wish them ishya ni hirwe and marry Christmas day and happy new year 2021.keep it up good job. nobody ca replace her. u are lucky

Alyce yanditse ku itariki ya: 24-12-2020  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka