KT TV
Reba Ingabire Habiba mu buzima bwo muri Miss Supranational (Amafoto)
Nyuma yo kugera mu gihugu cya Slovakiya ahari kubera irushanwa rya Miss Supranational 2017, Ingabire Habiba n’abo bahatana batangiye kubona bimwe mu bigize icyo gihugu.
Habiba yageze muri Slavakiya ku wa gatanu tariki ya 17 Ugushyingo 2017. Yahasanze abandi ba Nyampinga baturutse mu bihugu bitandukanye byo ku isi babarirwa muri 70.
Ku munsi wa mbere bageze ahari kubera Miss Supranational 2017, mu Mujyi wa Poprad, ba Nyampinga babyukiye mu gikorwa cyo gufata amashusho ya Tereviziyo yerekana iryo rushanwa ndetse banakora siporo.
Kuri ubu muri Slovakia n’ahandi mu Burayi bari mu gihe cy’ubukonje bwinshi ku buryo hanatangiye kugwa amasimbi (Snow).
Mu mbeho nyinshi bifubitse amakoti y’umukara, bamwe muri ba Nyampinga batunguwe no kubona urubura ku nshuro ya mbere.
Biteganijwe ko uwatsindiye ikamba rya Miss Supranational 2017 azatangazwa ku itariki ya 01 Ukuboza 2017.
Intego ya Miss Supranational ni ukwerekana ubwiza bw’umwimerere no kumurika imideli.
Ibitekerezo ( 1 )
Ohereza igitekerezo
|
|
habiba ya hesheje ishemwa urwanda na ba nyarwanda