Muri ibyo birori byabaye tariki 05/08/2012, umuhanzi Rafiki yaririmbye indirimbo ze zigera kuri enye, zose aziririmba acurangirwa n’abacuranzi bamuherekezaga bamucurangira Guitar, Piano, ndetse n’ingoma imbonankubone (Live).

Rafiki ni umwe mu bahanzi bo mu Rwanda b’iki gihe bagerageza kuririmba live nk’uko byagaragaye. Zimwe mu ndirimbo ze yaririmbye harimo Bagambe, Gikomando, ndetse n’Igikosi.

Rafiki yaririmbaga afatanyije n’abandi baririmbyi babiri. Umwe muri bo yaje kuririmba indirimbo ya Chameleon, umuririmbyi wo muri Uganda, yitwa “Valu Valu”.

Ukurikije uburyo yayiririmbaga yiganye ijwi rya Chameleon abenshi bagize ngo bashyizemo CD iriho iyo ndirimbo, Chameleon ariwe uri kuyiririmbira nyamara uwo musore yaririmbye live nta CD irimo.

Umuririmbyi Rafiki azwiho kuririmba mu njyana ya Coga Style. Iyo njyana n’iyo yihimbiye ubwe. Aho aririmba yigana uko bamwe mu batuye uturere twa Burera na Musnze bavuga.

Norbert Niyizurugero