Mu kiganiro na Gerard Niyonsenga, umwe mubanyeshuri biga muri iri shuri bari gutegura iki gikorwa, yadutangarije ko imyiteguro igeze kure aho bamaze gushyira ku murongo ibikenewe byose kugira ngo iki gitaramo kigende neza. Yadutangarije ko banamaze no kubona abahanzi ndetse n’abandi banyampinga bazitabira Nyampinga C.O.G St Patrick 2015.

Iri rushanwa ry’abakobwa bahigana ubwiza muri C.O.G St Patrick rifite intego igira iti “Ubwiza-Umuco-Ubumenyi” bikaba kandi ngo ari na byo bizagenderwaho mu gutora umukobwa uhiga abandi uzegukana ikamba rya Miss St Patrick 2015.

Bamwe mu bahanzi bazitabira iki gikorwa harimo umuhanzikazi mu njyana ya Hip Hop Ciney, Auddy Kelly, Umutare Gaby, Yvan Buravan, Weya Viatora ndetse n’abandi.

Hazaba hari na bamwe muri ba Nyampinga barimo Miss Heritage 2015 Keza Joanna, Miss High School 2014 na Miss CBE 2015.

Hazaba kandi hari na bamwe mu babyinnyi bamenyekanye hano mu Rwanda nka Phantoms Crew, Sniper Dance Crew n’abandi.

Umushyushyarugamba muri ibi birori azaba ari Nkusi Arthur, umunyarwenya uzwi ku izina rya Rutura.

Abakobwa bagera ku icyenda barimo guhatanira iri kamba harimo Karangwa Nancy,Umuhoza Henriette, Batamuriza Peace, Kabano Sharon, Kamatari Onika, Uwayezu Sylvie, Habarugira Marry, Uwimana Djamilla na Ruterana Solange.

Igitaramo kizatangira i saa munani z’amanywa aho kwinjira bizaba ari amafaranga y’u Rwanda 1000 na 500 ku banyeshuri.

Marie Clemence CYIZA UWIMANIMPAYE