Patient Bizimana ngo bamugonze n’imodoka saa yine z’ijoro. Bageze i Gikondo Nyenyeri, bahagaze Patient agiye gusohoka mu modoka, indi modoka yaje igonga iyo yarimo, ku ruhande rwaho yari yicaye.

Uwari utwaye iyo modoka yabagonze ngo byagaragaragako yari yanweye inzoga nyinshi, ikinatangaje akaba nta n’urupapuro rumwemerera gutwara yari afite; nk’uko Patrick Kanyamibwa wafashije Bizimana gutegura igitaramo yabitangaje.

Patient Bizimana kwa muganga agiye kunyuzwa mu cyuma.

Ngo Patient akimara gukora impanuka bahise bamutwara kwa muganga mu bitaro bya Carrefour biri Rwandex nyuma bamujyana kuri CHUK ari naho bamunyurije mu cyuma bagasanga igufa ry’ukuguru ari ntacyo ryabaye n’ubwo yagize igisebe kinini.

Kwa muganga bamuhaye imiti aranaharara. Mu gitondo kare saa kumi n’imwe bamwohereje ngo akomeze kurwarira mu rugo ariko ajye asubirayo gukoresha isuzuma.

Yakomeretse ku kuguru.

Twakomeje kugerageza numero ya Patient Bizimana kugira ngo tumenye uko amerewe ariko ntibyadukundira.

Iki gitaramo cya Patient cyagaragayemo abahanzi basanzwe baririmba Gospel aribo Gabby, Dominic Nic, The Blessed Family, Aimé Uwimana, Nelson Mucyo n’abandi.

Marie Clemence CYIZA UWIMANIMPAYE