Ubuyobozi bwa Inyarwanda.com bwatangaje ko izi mpinduka zije zitunguranye zatewe no kwirinda ko imvura yazahagarika ibirori ntibigeze mu gitondo nk’uko byifuzwa.

Ubuyobozi bwa Inyarwanda.com burisegura ku ngaruka iyo ariyo yose yaterwa n’izi mpinduka kandi buraha ikaze abantu bose bazaza muri ibi birori.

Muri ibi birori hateganyijwe ibintu byinshi birimo Red carpet, kwifotozanya no kuganira n’ibyamamare muri Muzika, Cinema, Kwerekana imideli, ba Nyampinga, Siporo, abanyamakuru n’abandi ba hano mu Rwanda. Bazataramirwa kandi n’abahanzi batandukanye nka Comedy Knight bazakina ikinamico zisetsa(comedy), Free Style ku bahanzi, Ben Nganji mu Inkirigito n’abandi.

Mu dushya duhishiwe abazaba bari muri ibi birori harimo ibihembo bya telefoni zizahabwa abantu babili bazaba bambaye neza, tombola y’ibicuruzwa bya MTN ndetse no kwinjirira ku buntu ku bakobwa 50 bazahagera mbere y’abandi.

Ibi birori bizatangira ku isaha ya saa moya z’umugoroba bikageza bucyeye. Kwinjira ni amafaranga 3000 ku muntu na 5000 k’uherekejwe.

Marie Clemence CYIZA UWIMANIMPAYE