Ibi Ngarambe yabivuye mu kiganiro n’itangazamakuru kuri uyu wa Kane, ubwo hagarukwaga ku mikino ya kamarampaka iteganyijwe gutangira kuri uyu wa Gatanu, aho yavuze ko imisifurire mu mwaka usanzwe yagenze neza, akomoza no ku mpamvu ikoranabuhanga (Video Arbitration System) ryari kuyikoreshwamo ritakoreshejwe.

Ati "Imisifurire yagenze neza, nubwo bitakunze ko ikoranabuhanga rikoreshwa. Impamvu ritakoreshejwe ni uko amakipe yagombaga gutanga umusanzu ariko ntabwo yose yari yawutanga.Twizeye ko muri shampiyona y’umwaka utaha (2025-2026) izatangira mu kwezi k’Ukwakira 2025, tuzatangira kurikoresha."

Uyu muyobozi yavuze ko ariko nubwo ubu buryo bw’ikoranabuhanga butakoreshejwe muri uyu mwaka w’imikino, gusa bafite ikizere ko imisifurire izagenda neza mu mikino ya kamarampaka, nk’uko byagenze mu mwaka usanzwe (Regular Season).