Volleyball: APR yihanangirije POLICE, KEPLER isubira RRA (Amafoto)

Shampiyona ya volleyball umunsi wa karindwi yakomeza kuri uyu wa gatanu, APR itsinda POLICE naho Kepler yongera gusubira RRA.

Iyi ni imwe mu mikino yari itegerejwe na benshi dore ko Petit Stade y’i Remera yari yakubise yuzuye abafana bari baje kwihera ijisho ibi bihangane bisanzwe bihangana muri shampiyona yaba volleyball.

Kuri uyu wa gatanu, hari hateganyijwe imikino itatu yose hamwe harimo uwo REG VC yatsinzemo bigoranye ikipe ya KVC amaseti 3-2, KEPLER y’abagore ivuye inyuma nayo itsinda ikipe ya RRA amaseti amaseti 3-2.

Kepler yatsinze RRA amaseti 3-2 ivuye inyuma
Kepler yatsinze RRA amaseti 3-2 ivuye inyuma

Ikipe ya Rwanda Revenue Authority (RRA) niyo yegukanye amaseti abiri ya mbere (25-16, 25-20), ubwo basabwaga iseti imwe gusa kugirango begukane umukino, ikipe ya Kepler WVC yavuye inyuma yishyura za set ebyiri ndetse inatsinda kamarampa (21-25, 19-25 ndetse na 10-15)

Petit Stade yari yakubise yuzuye abafana
Petit Stade yari yakubise yuzuye abafana

Hakurikiyeho umukino nawo wari utegerejwe na benshi hagati y’ikipe ya APR ndetse na POLICE. Wari umukino ukomeye, ahanini usibye no kuba ari abacyeba, ariko aya makipe yombi yari akeneye aya manota dore ko wanitabiriwe n’abavugizi yaba u w’ingabo z’u Rwanda Brigadier General Ronald Rwivanga ndetse n’umuvugizi wa police y’u Rwanda Assistant Commissioner of Police (ACP) Boniface Rutikanga.

Umuvugizi w'ingabo z'igigugu Brigadier General Ronald Rwivanga ndetse n'umuvugizi wa police y'u Rwanda Assistant Commissioner of Police (ACP) Boniface Rutikanga barebye iyi mikino
Umuvugizi w’ingabo z’igigugu Brigadier General Ronald Rwivanga ndetse n’umuvugizi wa police y’u Rwanda Assistant Commissioner of Police (ACP) Boniface Rutikanga barebye iyi mikino

Ikipe ya APR VC niyo yinjiye neza mu mukino itsinda iseti ya mbere ku manota 25 kuri 20. Seti ya kabiri rwari rwabuze gica kuko yageze ku manota 37 kuri 35 nayo yegukanwa n’ikipe ya APR.

Police yaje kwegukana seti yari iya 3 y’umukino ikaba iya mbere kuri yo n’amanota 25 kuri 23 ariko itahira iyo kuko APR yongeye kwegukana seti ya kane ku manota 25 kuri 18.

Umukino wa POLICE na APR wari ishiraniro
Umukino wa POLICE na APR wari ishiraniro

Shampiyona ya volleyball irakomeza kuri uyu wa gatandatu aho imikino yose izabera muri St Famille ho mu mujyi wa Kigali.

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka