Ni imikino yatangiye kuwa gatanu tariki 15 Ugushyingo 2024, mu nzu y’imikino ya Gisagara (Gymnasium) ahari hitezwe imwe mu mikino ikomeye yahuje amakipe ya APR VC ndetse na Kepler VC abagabo n’abagore.

Mu mukino wabimburiye iyindi, wahuje ikipe ya Kepler y’abagore ndetse na APR Women Volleyball Club. Uyu mukino ntiworoheye na gato ikipe ya Kepler kuko yawutakaje ku ma seti 3-0.

Mu wundi mukino wari witezwe, ni uwahuje ikipe ya APR na Kepler VC mu cyiciro cy’abagabo, ni umukino wari ukomeye bijyanye nuko aya makipe yombi yiyubatse gusa nti byahiriye ikipe ya Kepler VC, kuko yatsinzwe n’abasore ba Sammy Mulinge utoza ikipe ya APR VC amaseti 3-1.

Mu yindi mikino yari yitezwe cyane, ni nk’umukino wahuje ikipe ya Police VC ndetse n’ikipe ya Gisagara VC yo mu Karere ka Gisagara.

Ni umukino usibye ihangana ryari ryitezwe hagati y’impande zombi, wari ufite N’ubwitabire budasanzwe kuko iyi nzu y’imikino y’Akarere ka Gisagara yari yakubise yuzeye.

Bitandukanye n’urwego umukino watangiriyeho, ikipe ya Gisagara yisanze itsinzwe n’ikipe ya Police VC amaseti 3-0.

Nyuma yo gutsinda Gisagara, ikipe ya Police VC yujuje imikino 4 yikurikiranya itsinda aho ndetse nta n’iseti nimwe yari yinjizwa.