UTB VC yegukanye ibikombe bibiri mu gikombe cy’Intwari

Yanditswe na

Sammy Imanishimwe

28-01-2019 - 12:34' | Ibitekerezo ( )

Mu irushanwa ryo kuzirikana intwari z’u Rwanda, ikipe za UTB mu bagabo no mu bagore ni zo zegukanye ibikombe kuri iki Cyumweru

Ni irushanwa ryari ryatangiye ku wa Gatanu rikinirwa mu matsinda, rizagusozwa ku Cyumeru hakinwa imikino ya nyuma, aho ibikombe byatwawe na UTB VC.

Abafana bitabiriye iyi mikino ari benshi

Ikipe ya DON Bosco Gatenga yegukanye igikombe muri Serie B

Mu cyiciro cy’amakipe akina mu cyiciro cya kabiri cya Shampiona y’u Rwanda (Serie B), ikipe ya Don Bosco Gatenga niyo yegukanye iri rushanwa, itsinze College Christ Roi amaseti 3-2 (25-21.35-37,17-25,25-17,15-12).

Mu bagore UTB itangiye uyu mwaka yegukanye igikombe

Mu cyiciro cy’abagore ikipe ya UTB WVC yegukanye igikombe itsinze Rwanda Revenue amaseti 3-1 (23-25,25-17,25-18,25-13), ihita yegukana iki gikombe mu mwaka wayo wa mbere ikina amarushanwa mu Rwanda.

UTB yishimira igikombe yegukanye mu bagabo

Mu bagabo, ikipe ya UTB yegukanye igikombe itsinze ikipe ya Gisagara amaseti 3-1 (25-17, 26-24, 17-25, 25-19), igitwara ihigitse amakipe arimo REG bari batsinze mu matsinda, ndetse na Kirehe ndetse na APR VC batsinze muri 1/2.

Uko ibihembo byatanzwe mu irushanwa ry’Intwari 2019:

Serie B-Abagabo

1. DON BOSCO GATENGA (Serie B): 200,000 FRW n’igikombe

2. Christ Roi: 150,000 RWF

3. Petit Seminaire Virgo Fidelis: 100,000 RWF

Mu cyiciro cy’abagore:

1. UTB WVC: 300, 000 FRW n’Igikombe.

2. RRA WVC: 200,000 RWF

3. APR WVC: 100,000 RWF

Serie A – Abagabo

1. UTB VC: 300,000 FRW n’igikombe.

2. Gisagara VC: 200,000 FRW