Ni irushanwa ryatangiye umwaka ushize ndetse ryagombaga guzozanya n’ukuboza 2021, nyuma yaho Minisiteri ya Siporo yaje gusubika ibikorwa bya siporo kubera ubwiyongere bwa Covid-19, bityo naryo rikomwa mu nkokora n’icyo cyemezo.

Kuva ku wa Gatandatu tariki 22 Mutarama 2022 ryari ryasubukuwe hakinwa umunsi waryo wa gatatu nyuma y’uduce 2 twabanje twabereye i Kigali na Gisagara.

Gisagara Volleyball yongeye kwigaragaza nyuma yo gutsinda ikipe ya REG VC ku mukino wa nyuma amaseti 3-0, ihita inegukana igikombe n’ubwo irushanwa ritarasozwa, gusa amategeko y’iri rushanwa akaba asobanura ko ikipe izatwara uduce (phases) twinshi kurusha izindi izahita yegukana igikombe kandi Gisagara imaze gutwara uduce 3 muri 5 tuzakinwa.

Gisagara VC yageze muri ½ nyuma yo gusezerera ikipe ya APR VC, iyitsinze amaseti 3-2, naho REG VC yo yari yageze ku mukino wa nyuma isezereye ikipe ya UVC ku maseti nayo 3-1.

Mu bagore ho birasa nk’aho bitarasobanuka n’ubwo ikipe ya APR ariyo iyoboye n’amanota 23 mu gihe ikurikiwe na UVC n‘amanota 21, ariko ho ikipe ya APR ikaba imaze gutwara uduce 2 naho UVC ikaba yaratwaye agace1.

Dore uko imikino ya ½ yagenze mu byiciro byombi

Abagabo

Gisagara VC 3-1 APR
UVC 1-3 REG VC
Finale: Gisagara 3-0 REG

Abagore 1/2

UVC 3- 0 RUHANGO
RRA 2-3 APR
Finale: UVC 2-3 APR

Agace ka kane kazakinwa tariki ya 29 na 30 Mutarama 2022, kakazakinirwa i Gisagara mu Ntara y’Amajyepfo.