KT TV
Ikipe ya REG Volleyball Club yamaze kubona umutoza mukuru
Nk’uko babitangaje binyuze ku rubuga rwabo rwa twitter, nyuma yo gutandukana n’uwari umutoza wabo mukuru, Mugisha Benon muri Werurwe uyu mwaka, ikipe y’ikigo cy’igihugu gishinzwe ingufu, REG VC, yemeje ko yamaze gusinyisha umutoza mukuru, Kwizera Pierre Marchal.
Kwizera si ubwa mbere atoje iyi kipe kuko nyuma yo kuyikinira, yaje no kuyibera umutoza unakina (coach player), mu mwaka wa 2018 aho yanegukanye igikombe cyo kwibuka Rutsindura Alphonse (Memorial Rutsindura), atsinze ikipe ya APR VC amaseti 3-2.
Icyo gihe yari yungirijwe na Kamasa Peter ubu utoza ikipe ya Kirehe VC, uherutse kuyizana mu makipe ane ya mbere ku rutondo rwa shampiyona, nyuma y’igihe kirekire itazi uko kuza mu makipe ya mbere bisa.
Mu mwaka wa 2021 kandi, Kwizera Pierre Marchal yatandukanye n’ikipe ya Gisagara VC yari abereye umutoza mukuru, nyuma yo gusoza ku mwanya wa kane ku rutonde rwa shampiyona, ibintu bitashimishije Abanyagisagara bigatuma bahitamo gutandukana na we, akaza gusimburwa na Ndahiro Joseph, na we waje gusezererwa ku maherere kuko mu gihe yari umutoza w’iyi kipe nta gikombe na kimwe yakiniye cya mucitse.
Mu mwaka wa 2021, ikipe ya REG VC yahagarariye u Rwanda mu mikino ya Champions League yabereye muri Tunisia, aho basoreje ku mwanya wa 9 mu makipe 18 yari yaritabiriye, mu gihe uyu mwaka yasoje ku mwanya wa 2, aho ikipe ya Gisagara ariyo yabaye iya mbere ndetse ikaba igomba no guhagararira igihugu mu mikino ya Club Championship iteganyijwe mu kwezi gutaha.
Ibitekerezo
Ohereza igitekerezo
|
|
