Kuri uyu wa gatandatu tariki ya 01 Gashyantare 2020 ubwo mu Rwanda hizihizwaga Umunsi w’Intwari, niho hasojwe imikino y’Ubutwari 2020.

Ikipe ya UTB y’abagore yageze ku mukino wa nyuma, nyuma yo gutsinda ikipe ya Rwanda Revenue Women Volleyball Club amaseti 3-0, mu gihe ikipe ya APR W VC yatsinze KVC amaseti 3-0.

Ku mukino wa nyuma UTB y’abagore yorohewe n’umukino kuko yatsinze APR W BBC amaseti 3-0 ( 26-24,25-16,28-26).

Nyuma y’umukino, Kapiteni w’ikipe ya UTB WVC Cyuzuzo Yvette yavuze ko iri rushanwa ryabafashije kumenya uburyo abakinnyi bashya bakina.
Yakomeje avuga ko bakeneye gukora imyitozo yihariye kugira ngo bazitware neza mu mikino nyafurika bazitabira uyu mwaka.

Nyuma y’uyu mukino hakurikiyeho umukino wahuje UTB VC na REG VC. Ikipe ya UTB yageze ku mukino wa nyuma nyuma yo gutsinda Gisagara VC muri 1/2 ,mu gihe REG vc yasezereye APR VC.

Mu mukino wari ukomeye, ikipe ya UTB VC yegukanye igikombe itsinze REG VC amaseti 3 kuri 1. (25-20, 25-19,14-25,25-22).

Nyuma y’umukino, umutoza wa UTB VC, Nyirimana Fidèle yavuze ko abakinnyi be bakuru bamaze kumenyerana.

Yakomeje ashimira REG VC yagaruye Mutabazi Yves mu kibuga nyuma yo gusezera imburagihe.

Uko amakipe yakurikiranye:

Abagabo :

UTB VC : 300,000 Rwf
REG VC : 200,000 Rwf
APR VC : 100,000 Rwf

Abagore :

UTB : 300,000 Rwf
APR W VC: 200,000 Rwf
KVC: 100,000 Rwf