Mu gihe habura iminsi icyenda gusa ngo mu Rwanda by’umwihariko mu Mujyi wa Kigali habere isiganwa mpuzamahanga ryitiriwe amahoro (Kigali International Peace Marathon), hatangiye bimwe mu bikorwa bibanziriza iri siganwa.

Ku mugoroba wo kuri uyu wa Gatanu guhera saa kumi n’ebyiri n’igice z’ijoro kugera saa mbili n’igice z’umugoroba haraba isiganwa rya nijoro rizwi nka Kigali Night Run, rizitabirwa na buri wese ubyifuza kuko kwiyandikisha ari ubuntu banyuze ku rubuga rwa kigalimarathon.org.

Abazitabira iri siganwa bazakoresha ibice by’Umujyi wa Kigali muri Kacyiru na Kimihurura, aho bazahagurukira kuri Kigali Convention Centre, bakazanyura kuri Ambasade y’Abaholandi, Kigali Heights, MINAFFET, Rwanda Revenue bakongera bagasoreza kuri Kigali Convention Centre.