Iyi shampiyona y’umukino w’abatabona (goalball) iri kubera mu karere ka Huye ku kibuga cya Kaminuza Nkuru y’u Rwanda ikaba yari yarahuje amakipe 10 aturutse mu gihugu hose.

Umukino wa mbere wa ½ urakinwa ku mugoroba wo kuri uyu wa gatanu hagati y’ikipe ya Kaminuza Nkuru y’u Rwanda n’ikipe ya Groupe Scolaire Gahini. Undi mukino urahuza ikipe y’akarere ka Gisagara n’ikipe y’ikigo cy’Ababana n’ubumuga cya Rwamagana.

Umukino wa nyuma uzakinwa kuwa gatandatu nyuma y’umukino wo guhatanari umwanya wa gatatu.

Shampiyona y’umukino w’ababana n’ubumuga uzwi ku izina rya Goalball yatangiye gukinwa mu Rwanda mu mwaka wa 2010. Ku ikubitiro yitabiriwe n’amakipe 7 yakomeje kugenda yiyongera ubu ikaba yitabirwa n’amakipe 10.

Jacques Furaha