Ruhango: Ikipe ya Sitting Volleyball yiteguye kwitwara neza mu marushanwa

19-02-2015 - 10:16' | Ibitekerezo ( )

Ikipe y’abafite ubumuga ya Sitting Volleyball mu Karere ka Ruhango iri mu myiteguro yo kuzitabira amarushanwa yateguwe na NPC ku rwego rw’igihugu.

Aya marushanwa azabanza kubera mu ntara guhera tariki ya 21/02/2015, ayo mu ntara y’Amajyepfo akazabera i Gatagara mu Karere ka Nyanza, naho amakipe azakomeza ku rwego rw’igihugu akazahurira i Kigali ku itariki ya 6 n’iya 07/06/2015.

Akanakinama Chelonette, umuyobozi w’ikipe y’abafite ubumuga ya Sitting Volleyball mu Karere ka Ruhango akanayibera umutoza, avuga ko ubu bahagaze neza kuko bagerageje gukora imyitozo ku buryo buhagije, nubwo nta bibuga bigaragara bagira.

Akomeza yizeza abanyaruhango n’abanyarwanda muri rusange ko itsinzi igomba gutaha mu Ruhango. Mu Karere ka Ruhango biteganyijwe ko hazahaguruka amakipe abiri, iy’abahungu n’iy’abakobwa.