Muri uyu mukino w’iri rushanwa ryitabiriwe n’ibihugu icyenda Cameroon niyo yatsinze Toss (Gutombora gutangira ujugunya udupira "Bowling" cyangwa gukubita udupira "Batting") maze bahitamo gutangira babuza u Rwanda gushyiraho amanota menshi(fielding). U Rwanda rwasoje igice cya mbere rushyizeho amanota 145 muri overs 20,Cameroon isohoye abakinnyi bane barwo (4 Wickets).

Cameroon ntabwo yashoboye gukuraho ikinyuranyo cyari cyashyizwemo n’u Rwanda kuko muri overs 20,rwari rumaze gusohora abakinnyi bose ba Cameroon (All out) mu gihe yari yashyizemo amanota 54 byatumye itsindwa ku kinyuranyo cy’amanota 91.

Muyindi mikino yabaye kuri uyu munsi wa mbere w’Irushanwa, Zimbabwe yatsinze Nigeria ku cyinyuranyo cy’amanota atandatu, Tanzania itsinda Sierra Leone ku cyinyuranyo cy’amanota 105 naho ikipe y’igihugu ya Brazil itsinda Malawi ku cyinyuranyo cya Wickets 7.

Kuri uyu wa Gatatu, kuri Stade Mpuzamahanga y’Umukino wa Cricket ya Gahanga kandi saa tatu n’igice za mu gitondo, Sierra Leone izakina n’u Rwanda, Cameroon ikine na Uganda,mu mikino yose izarangira saa tatu n’igice za mu gitondo mu gihe ku gicamunsi, Brazil izakina na Nigeria, Malawi igakina na Uganda ku isaha ya saa saa Saba n’iminota 45.