Ryari isiganwa rya mbere rya moto mu mwaka 2017 ryarimo abakinnyi baba mu Rwanda, rikinwa mu byiciro bibiri birimo 8 byakinwe mu cyiciro cy’abakuru, ndetse na babiri bakinwe mu cyiciro cy’abana.

Iri siganwa ryaberaga ku kibuga cyahariwe isiganwa rya Moto mu Bugesera, aho bazamukaga, basimbuka imigunguzi, bakata amakorosi, banyura hejuru y’amapine yari yarunzwe hamwe, ndetse n’ibitaka byari birunze bikamera nk’umugina.

Aha hose bahanyuze inshuro esheshatu, harimo eshatu bazengurutse badahagaze, mu cyiciro cy’abana uwitwa Lucas w’imyaka 12 ni we wabaye uwa mbere akoresheje iminota 12 n’amasegonda 49, akurikirwa n’uwitwa Nathan akoresheje iminota 13 n’amasegonda 10, Cyril ku mwanya wa gatatu akoresheje iminota 13 n’amasegonda 32, ku mwanya wa kane haza Noah w’imyaka icyenda wakoresheje iminota 14 n’amasegonda 17.

Mu cyiciro cy’abakuru nabo basiganwaga ari bane, Olivier w’imyaka 20 yabaye uwa mbere akoresheje iminota 9 n’amasegonda 34, ku mwanya wa kabiri haza Hendrick wakoresheje iminota 10 n’amasegonda 21, ku mwanya wa gatatu haza Sebastien wakoresheje iminota 11 .

Uko byari byifashe mu mafoto

Andi mafoto menshi wakanda HANO

Amafoto: Muzogeye Plaisir